இலங்கை மற்றும் மலோசியாவில் இருந்து இந்தியாவுக்கு தங்கம் கடத்திச் சென்றவர்கள் மதுரை விமான நிலையத்தில் வைத்து கைது செய்யப்பட்டுள்ளார்.

சென்னை திருவல்லிக்கேனியைச் சேர்ந்த இம்ரான்கான் என்பவர் இலங்கையிலிருந்து மைக்ரோவேவ் அவனின் உட்புறமாக தங்கத்தை மறைத்து கடத்திவந்துள்ளார். இவரிடமிருந்து 814 கிராம் தங்கத்தை மதுரை விமான நிலைய சுங்கத்துறை அதிகாரிகள் பறிமுதல் செய்துள்ளனர்.

அதேபோன்று மலேசிய விமானத்தில் வந்த திருச்சியைச் சேர்ந்த அபுபக்கர் சித்திக் என்பவரின் உடமைகளை சோதனை செய்த அதிகாரிகள் 750 கிராம் தங்கத்தை பறிமுதல் செய்தனர்.

கடத்தப்பட்ட தங்கத்தின் மதிப்பு 50 இலட்ச ரூபாய் என்று கூறப்படுகிறது. இருவரிடமும் நடத்தப்பட்ட விசாரணையில், ஹவாலா பணம் மூலம் வெளிநாடுகளில் வாங்கப்படும் இதுபோன்ற தங்கக் கட்டிகளை விமானம் வழியாக கொண்டுவந்து உரியவரிடம் ஒப்படைத்தால், 2 இலட்ச ரூபாய் வரை பணம் கிடைக்கும் என்பது தெரியவந்தது.

இதனையடுத்து இம்ரான்கான், சித்திக் ஆகியோர் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டனர்.

 
தியத்தலாவ, கஹகொல்ல பிரதேசத்தில் பயணிகள் பேருந்து ஒன்றினுள் நேற்று இடம்பெற்ற வெடிப்பு சம்பவம் தொடர்பான காரணம் வெளியாகியுள்ளது.

யாழ்ப்பாணத்தில் இருந்து கொண்டு சென்ற வெடி குண்டு ஒன்றே இவ்வாறு வெடித்துள்ளதாக விசாரணைகளில் தெரியவந்துள்ளது.

இராணுவ வீரர் ஒருவர் தனது காற்சட்டை பையில் மறைத்து வைத்து வைத்திருந்த வெடி குண்டை பையில் இருந்து வெளியே எடுத்து பயணப்பையில் வைப்பதற்கு ஆயத்தமாகியுள்ளார். இதன் போது ஏற்பட்ட சிறிய தவறின் காரணமாக வெடி குண்டு வெடித்துள்ளதாக தெரியவந்துள்ளது.

பையில் இருந்து வெடி குண்டை வெளியே எடுக்கும் போது, குண்டின் மேற்பரப்பில் இருக்கும் க்ளிப் வெளியேறிய நிலையில் குண்டு கீழே விழுந்துள்ளதாக தகவல் வெளியாகியுள்ளது.

அந்த பேருந்தில் பயணித்த இராணுவ பொலிஸ் அதிகாரி மற்றும் சிவில் பெண் ஒருவர் சம்பவத்தை நேரில் கண்டுள்ளனர்.

இவ்வாறு வெடி குண்டை மாற்றிய இராணுவ வீரருக்கு பாரிய காயங்கள் ஏற்பட்டுள்ள நிலையில் அவரது கால்கள் இரண்டு வெட்டி நீக்கப்பட்டுள்ளதாக வைத்தியசாலை தகவல் வட்டாரங்கள் தெரிவித்துள்ளன.

இந்த வெடிகுண்டு யாழ்ப்பாண முகாமில் இராணுவ சிப்பாயினால் திருடப்பட்டுள்ளதாக சந்தேகிக்கப்படுகின்றது.

சம்பவம் தொடர்பில் இராணுவ சிப்பாயிடம் விசாரணைகள் மேற்கொள்ள முயற்சித்த போதிலும் அவர் தீவிர நிலையில் உள்ளமையினால் வாக்குமூலம் பெற்றுக் கொள்ள முடியவில்லை என தெரிவிக்கப்படுகின்றது.

குண்டு வெடிக்கும் போது பேருந்திற்குள் 30 பயணிகள் இருந்துள்ளனர். அவர்களில் 19 பேர் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

 
இலங்கையர் ஒருவர் 48 நொடியில் உலக சாதனை படைத்துள்ளார்.

12 மில்லிமீற்றர் அடர்த்தியான 22 சுருள் கம்பிகளை 48 நொடிகளில் தலையில் வைத்து மடக்கியே அவர் இந்த உலக சாதனை படைத்துள்ளார்.

ஜானக காஞ்சன முதுன்னாயக என்பவர் நேற்று மாலை கண்டி பிரதேசத்தில் வைத்து இந்த உலக சாதனையை படைத்துள்ளார்.

குறித்த சந்தர்ப்பத்தில் மத்திய மாகாண முதலமைச்சர் சரத் ஏக்கநாயக்க உட்பட பலர் இணைந்திருந்தனர்.

அமெரிக்க நாட்டவரான ஆனேமியன் எடோல்ப் ஒரு வினாடியில் 18 கம்பிகளை மடக்கிய சாதனையை முறியடிப்பதே ஜானக காஞ்சனவின் முயற்சி என்பது குறிப்பிடத்தக்கது.

 
திருகோணமலையில் பழமை வாய்ந்த பீரங்கி வெடிகுண்டு ஒன்று மீட்கப்பட்டுள்ளது. திருகோணமலை வைத்தியசாலையின் அவசர விபத்து பிரிவு நிர்மாணிப்பதற்காக அஸ்திவாரம் வெட்டும் போது இந்த குண்டு மீட்கப்பட்டுள்ளது.

விஜித யுகத்திற்கு சொந்தமானதாக கூறப்படுகின்ற பீரங்கியின் பகுதி நேற்று திருகோணமலை கடற்படை மற்றும் கடல்சார் அருங்காட்சியகத்திற்கு கொண்டு செல்லப்பட்டுள்ளது.

இந்த பீரங்கி ஏனைய பீரங்கிகளை விடவும் முற்றிலும் வித்தியாசமானவை எனவும், அதன் பின் பக்க பகுதி முழுமையான மூடப்பட்டுள்ளதாக தொல்பொருளியல் உதவி இயக்குநர் சுமனதாஸ தெரிவித்துள்ளார்.

இந்த பீரங்கியின் நிறை 8 டென் எனவும் 11 அடி நீளமான எனவும் அறிவிக்கப்பட்டுள்ளது.

கி.பி 1700 ஆண்டில் பீரங்கி அந்தப் பகுதியில் பொருத்தப்பட்டுள்ளதாகவும், பின்னர் கட்டடங்களில் அந்த பீரங்கி மூடப்பட்டதாக தெரிவிக்கப்படுகின்றது. இதற்கு பயன்படுத்தப்பட்டுள்ள உலோகம் மிகவும் வலுவானதென தெரிவிக்கப்படுகின்றது.

வரலாற்றில் என்றும் இல்லாத அளவு இலங்கை ரூபாவின் பெறுமதி பாரிய வீழ்ச்சியை சந்தித்துள்ளதாக மத்திய வங்கி தகவல்கள் தெரிவிக்கின்றன.

அதற்கமைய நேற்றைய தினம் அமெரிக்கா டொலர் ஒன்றின் விற்பனை விலை 157.19 ரூபாயாக பதிவாகியுள்ளது.

நேற்று முன்தினம் ரூபாயின் பெறுமதி 157 ரூபாவை கடந்திருந்த நிலையில் நேற்று மேலும் அதிகரித்துள்ளது.

இலங்கைக்கு கிடைக்கும் அந்நிய செலாவணியில் ஏற்பட்ட பாரிய வீழ்ச்சியே இந்நிலைக்கு பிரதான காரணம் என வங்கித் தகவல்கள் தெரிவிக்கின்றன.

இதன் காரணமாக வெளிநாட்டு முதலீட்டாளர்களும் குறைவடைந்துள்ளதாக மத்திய வங்கி தகவல்கள் தெரிவிக்கின்றன.

யாழ்ப்பாணத்திலிருந்து படைவீரர் ஒருவர் கொண்டு வந்த குண்டு ஒன்றே தியதலவா கஹாகொல்ல பகுதியில் பயணித்த பஸ்ஸில் வெடித்துள்ளது என தெரிவிக்கப்படுகிறது.

நேற்றைய தினம் காலை 5.45 மணிக்கு கஹகொல்ல என்னும் இடத்தில் பஸ்ஸில் ஏற்பட்ட வெடிப்புச் சம்பவத்தில் படைவீரர்கள் உள்ளிட்ட 19 பேர் காயமடைந்திருந்தனர். காயமடைந்தவர்கள் வைத்தியசாலையில் அனுமதிக்கப்பட்டுள்ளனர்.

இந்த நிலையில் குறித்த சம்பவம் தொடர்பிலான முதல் கட்ட விசாரணைகளில், இந்த வெடிப்புச் சம்பவம் யாழ்ப்பாண இராணுவ முகாம் ஒன்றிலிருந்து படைவீரர் ஒருவரினால் கொண்டு வரப்பட்ட கைக்குண்டு ஒன்று வெடித்த காரணத்தினால் ஏற்பட்டுள்ளதாகத் தெரிவிக்கப்படுகிறது. </p>

சம்பவம் இடம்பெற்ற போது பஸ்ஸில் பயணம் செய்த படைவீரர் ஒருவரும் சிவிலியன் பெண் ஒருவரும், இந்த சம்பவம் பற்றி விளக்கியுள்ளனர்.

குறித்த படைவீரர், தனது காற்சட்டை பொக்கட்டில் மறைத்து வைத்து இந்த கைக்குண்டை யாழ்ப்பாணத்திலிருந்து கொண்டு வந்துள்ளார்.

தியத்தலாவையில் பஸ்ஸில் பயணித்த போது காற்சட்டை பொக்கட்டில் இருந்த கைக்குண்டை எடுத்து, தனது பயணப் பொதிக்குள் அதனை வைக்க முயற்சித்த போது குண்டின் பாதுகாப்பு பின் கழன்று, குண்டு கீழே வீழ்ந்து இந்த விபத்து நேர்ந்துள்ளது.

சம்பவத்தை நேரில் பார்த்த இரண்டு பேர் இது பற்றி சாட்சியமளித்துள்ளனர். இந்த குண்டு வெடிப்பு காரணமாக, கைக் குண்டை கொண்டு வந்ததாக சந்தேகிக்கப்படும் படைவீரரின் பாதமொன்று வெட்டி அகற்றப்பட்டுள்ளது.

இந்த சம்பவம் தொடர்பில் இராணுவத்தினரும், பொலிஸாரும் விசாரணைகளை முன்னெடுத்து வருகின்றனர். இதேவேளை, இந்த சம்பவம் பயங்கரவாத செயற்பாடாக கருதப்பட முடியாது என இராணுவத்தினர் அதிகாரபூர்வமாக அறிவித்துள்ளனர்.

-தமிழ்வின்-

மன்னார் தோட்டவெளி ஜோசேப்வாஸ் நகரைச் சேர்ந்த இளைஞர் ஒருவர் கடந்த 14ஆம் திகதி முதல் காணாமல் போயுள்ளதாக குறித்த இளைஞனின் பெற்றோர் மன்னார் பொலிஸ் நிலையத்தில் முறைப்பாடு செய்துள்ளனர்.

மன்னார் விடத்தல் தீவை பிறப்பிடமாகவும், தேட்டவெளி ஜோசவாஸ் நகரை வதிவிடமாகவும் கொண்ட பூபாலசிங்கம் அருள் ராஜ் வயது (33) என்ற இளைஞரே காணாமல் போயுள்ளதாக பெற்றோர் கடந்த திங்கட்கிழமை மன்னார் பொலிஸ் நிலையத்தில் முறைப்பாடு செய்துள்ளனர்.

குறித்த இளைஞன் சற்று மனநலம் பாதிக்கப்பட்டவர் எனவும் தெரிவிக்கப்படுகின்றது. குறித்த இளைஞன் தொடர்பில் தகவல் தெரிந்தவர்கள் அருகில் உள்ள பொலிஸ் நிலையத்திற்கு தகவல் வழங்குமாறு பெற்றோர் தெரிவித்துள்ளமை குறிப்பிடத்தக்கது.

தியதலாவ – கஹகொல்ல பிரதேசத்தில் பஸ்ஸொன்றிற்குள் தீ பரவியமை தொடர்பிலான விசாரணைகள் தொடர்ந்தும் முன்னெடுக்கப்பட்டு வருவதாக பொலிஸார் தெரிவித்தனர்.

கைக்குண்டொன்று வெடித்தமையே, தியதலாவ – கஹகொல்ல பிரதேசத்தில் பஸ்ஸொன்றிற்குள் நேற்று அதிகாலை ஏற்பட்ட தீக்கு காரணம் என தெரிவிக்கப்பட்டுள்ளதுடன் தீ காரணமாக பஸ் முற்றாக எரிந்துள்ளதாக சிரேஷ்ட பொலிஸ் அதிகாரி ஒருவர் தெரிவித்தார்.

அரச இரசாயனப் பகுப்பாய்வாளரால் பஸ் சோதனைக்குட்படுத்தப்பட்டுள்ளது.

இது பயங்கரவாதத் தாக்குதல் இல்லை என இராணுவ ஊடகப் பேச்சாளர் பிரிகேடியர் சுமித் அத்தபத்து தெரிவித்துள்ளார்.
விபத்தில் காயமடைந்த பஸ்ஸில் பயணித்த 19 பேர் தியத்தலாவை ஆதார வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.

இந்த சம்பவத்தில் இராணுவத்தினர் 7 பேரும் விமானப்படையினர் 5 பேரும் பொதுமக்கள் 7 பேரும் காயமடைந்துள்ளனர்.

சம்பவத்தில் காயமடைந்த இரண்டு இராணுவத்தினரின் நிலை கவலைக்கிடமாக உள்ளதாக வைத்தியசாலையின் பணிப்பாளர் தெரிவித்துள்ளார்.

சம்பவம் தொடர்பிலான விசாரணைகளை இராணுவப் பொலிஸார் முன்னெடுத்து வருவதாக இராணுவ ஊடகப் பேச்சாளர் பிரிகேடியர் சுமித் அத்தபத்து குறிப்பிட்டுள்ளார்.