கமல்ஹாசனின் மக்கள் நீதி மய்யம் கட்சியின் உயர்மட்ட குழு உறுப்பினர்களின் பட்டியலில் பல பிரபலங்களின் பெயர்கள் இடம்பெற்றுள்ளது.

நடிகர் கமல்ஹாசன் நேற்று மதுரை ஒத்தக்கடை மைதானத்தில் 40 அடி உயர கட்சியைக் கொடியேற்றினார்.  பின்னர் தனது கட்சியின் பெயராக மக்கள் நீதி மய்யம் என்பதை அறிவித்தார்.

இதையடுத்து இந்த கட்சிக்கான உயர்மட்ட குழு நிர்வாகிகள் அறிவிக்கப்பட்டனர். அதில் கமலுடன் பல திரைப்படங்களில் ஜோடியாக நடித்த நடிகை ஸ்ரீபிரியா, கமலின் விருமாண்டி, உத்தமவில்லன் திரைப்படங்களில் அவருடன் நடித்த பேராசிரியர் கு. ஞானசம்பந்தன் ஆகியோர் இடம்பெற்றுள்ளனர்.

இதோடு நடிகர் நாசரின் மனைவி கமீலா, அடையாறு மாணவர் நகலகம் சவுரிராஜன், ஓய்வு பெற்ற ஐபிஎஸ் அதிகாரி மவுரியா, எழுத்தாளர் பாரதி கிருஷ்ணகுமார் ஆகியோரும் நிர்வாகிகளாக அறிவிக்கப்பட்டுள்ளனர்.

பிக்பாஸ் புகழ் சினேகன், வையாபுரி ஆகியோரும் மேடையில் கமல் கட்சியில் இணைந்தார்கள்.

கமலின் அரசியல் கட்சி ஆரம்ப விழா பொதுக்கூட்டத்தில் ஒரு சுவாரஸ்ய சம்பவம் இடம்பெற்றுள்ளது.

தமிழகத்தின் ராமநாதபுரம் மாவட்டம் பரமக்குடியில் பிறந்தவர் தான் நடிகர் கமல்ஹாசன். குழந்தை நட்சத்திரமாக ஆரம்பித்து உலகநாயகனாக உயரும் அளவிற்கு வளர்ந்த கமல்ஹாசனின் தந்தை பெயர் சீனிவாசன்.

அரசியல் கட்சி துவக்க உள்ளதாக அறிவித்திருந்த கமல்ஹாசன், மதுரையில் நேற்று பொதுக்கூட்டம் ஒன்றை நடத்தி தனது கட்சி பெயர் மற்றும் கொடி உள்ளிட்டவற்ரை அறிமுகம் செய்து வைத்து பேசினார்.

அந்த கூட்டத்திற்கு வந்திருந்த ஜக்கிரியா என்பவர் கூறுகையில், “கமல் தந்தை சீனிவானும் நானும் நெருங்கிய நண்பர்கள். கமல் நடிப்பதற்காக சென்னை சென்ற பிறகு அவர் படம் வெளிவரும் போதெல்லாம் சீனிவானிடம் சென்று சொல்வேன். அவர் உடனே படத்தை பார்ப்பதற்கு ஆர்வமாக இருப்பதாக தெரிவிப்பார். சைக்கிள் கடை நடந்தி வந்த நான் அவரை சைக்கிளில் வைத்து படத்துக்கு அழைத்துச் செல்வேன்”.

பின்னர் காலங்கள் மாறிவிட்டன. சீனிவாசன் சென்னை சென்றுவிட்டார். அங்கிருந்து எனக்கு அவர் எழுதிய பல கடிதங்களை நான் இன்னமும் பத்திரமாக வைத்துள்ளேன்.

குறிப்பாக அவர் அனுப்பிய கமலுடனான அவரது புகைப்படம் இன்னமும் என்னிடம் இருக்கிறது என காட்டுகிறார், ஜக்கிரியா.

வாய் பேச முடியாத ஜக்கிரியா, கமல் தந்தையுடனான தனது நட்பு குறித்து தன் மனைவி ஜெரினா பேகம் உதவியுடன் நெகிழ்ச்சியோடு எடுத்து கூறியது குறிப்பிடத்தக்கது.

மதுரையில் நடைபெற்ற கட்சி அறிவிப்பு மாநாட்டில் காலில் விழுந்த நடிகர் பரணியை கமல் இனிமேல் இப்படி எல்லாம் செய்யக் கூடாது என்று எச்சரித்துள்ளார்.

நடிகர் கமல்ஹாசன் நேற்று மதுரை ஒத்தக்கடையில் நடந்த கட்சி அறிவிப்பு மாநாட்டில் கலந்து கொண்டார். அங்கு இவரை காண்பதற்கு திரைப்பிரபலங்கள் உட்பட பலரும் கலந்து கொண்டனர்.

அப்போது பிக்பாஸ் நிகழ்ச்சியில் கலந்து கொண்டவரும் பிரபல நடிகருமான பரணி இந்த மாநாட்டில் கலந்து கொண்டார். கமல் மாநாட்டின் மேடைக்கு வருவதற்கு முன்பே மேடையில் இருந்த ஒருவர் கமல் வந்த பின்பு அவர் காலில் விழக்கூடாது, அது அவருக்கு பிடிக்காது என்று கூறியிருந்தார்.

இந்நிலையில் நடிகர் பரணி கமலஹாசனை பார்த்தவுடன் அவரது காலில் விழுந்து ஆசீர்வாதம் வாங்க முற்பட்டார்.  இதைக் கண்ட கமலின் ஆதரவாளர்கள் உடனடியாக தடுத்து நிறுத்தி, கமல்ஹாசன் காலில் யாரும் விழ வேண்டாம் என்றும், தன்னுடைய ஆதரவாளர்கள் எப்போதும் தலை நிமிர்ந்து மக்களின் நன்மைக்காக செயல்படுவதையே அவர் விரும்புவதாகவும் தெரிவித்தார்.

அதன் பின் பரணியை சந்தித்த கமல் இனிமேல் இது போன்ற செயல்களில் ஈடுபடக் கூடாது என்று வலியுறுத்தியுள்ளார்.

இந்தியாவில் வீதியை கடக்க முயன்ற நபர் ஒருவருக்கு நேர்ந்த விபரீதம் அனைவரையும் அதிர்ச்சியடைய வைத்துள்ளது.

குஜராத்தின் கோத்ரா நகரில் தான் இச்சம்பவம் இடம்பெற்றுள்ளது. அப்பகுதியின் பிரதான சாலை ஒன்றை கடந்த 20-ஆம் திகதியன்று கடக்க முயன்ற நபர் ஒருவர் மீது அந்த வழியாக சென்ற லொறி ஒன்று மோதியது.

மோதிய வேகத்தில் தூக்கி எறியப்பட்ட அந்த நபர் எந்த காயமுமின்றி உயிர் பிழைத்தது அனைவருக்கும் வியப்பையும், மகிழ்ச்சியையும் ஒருசேர ஏற்படுத்தியுள்ளது.

இந்த வீடியோ தற்போது உலகம் முழுவதிலும் வைரலாகி வருகிறது.

#WATCH Man makes a narrow escape after being hit by a dumper on Halol-Pavagadh highway in #Gujarat‘s Godhra (20.02.18) pic.twitter.com/fmnqd0IYnJ

— ANI (@ANI) February 22, 2018

தமிழகத்தை சேர்ந்த முன்னாள் தலைமை ஆசிரியை ஒருவர் 4 கோடி மதிப்பிலான நிலத்தை தானமாக வழங்கியுள்ளார்.

ஈரோடு மாவட்டத்தை சேர்ந்த முன்னாள் தலைமை ஆசிரியை T.A. பொன்மணி தேவி. 85 வயதாகும் பொன்மணி 4 கோடி மதிப்புமிக்க, தனது 93 சென்ட் நிலத்தை சித்தோடு அரசு மகளிர் உயர்நிலை பள்ளிக்கு நன்கொடையாக அளித்துள்ளார்.

கடந்த சனிக்கிழமை அந்த பள்ளியில் நடைபெற்ற ஒரு நிகழ்ச்சியில் பங்கேற்ற கல்வித்துறை அமைச்சர் கே.ஏ.செங்கோட்டையனிடம், அவரது நிலத்தின் ஆவணங்களை அளித்தார்.

சித்தோடு அரசு மகளிர் உயர்நிலைப் பள்ளியானது 1948ம் ஆண்டு டிசம்பர் 5ம் நாள் தொடங்கப்பட்டு கடந்த வருடம் தான் உயர்நிலைப் பள்ளி எனும் அந்தஸ்த்தை பெற்றது.

இங்கு 6 முதல் 11ம் வகுப்பு வரை 486 மாணவர்கள் பயின்றுவருகின்றனர், 37 ஆசிரியர்கள் பணிபுரிகின்றனர்.
பள்ளி தலைமை ஆசிரியர் A.G பரமேஸ்வரி ஊடகத்தினரிடம் பேசும்போது “ இந்த பள்ளியில் 16 வகுப்பறைகள் போதிய வசதி இல்லாமல் உள்ளன, மேலும் 20 புதிய வகுப்பறைக்கள் தேவைப்படுகின்றன, இதுபற்றி முன்னாள் தலைமை ஆசிரியர் தேவியிடம் தெரிவித்தபொது அவர் வகுப்பறையை மேம்படுத்த உடனடியாக 2 லட்சம் ரூபாய் நன்கொடையாக அளித்தார்.
பின்னர் தனது நிலத்தையும் பள்ளிக்கு அளித்து மாணவர்களின் கல்விக்கு உதவியுள்ளார்” என்றார்.

முன்னாள் தலைமை ஆசிரியை T.A. பொன்மணி தேவி திருப்பூர் மாவட்டத்தை சேர்ந்தவர் அவரது கணவர் மற்றும் மகன் மறைந்துவிட்டதால் தற்போது உறவினர்கள் மற்றும் நண்பர்களின் அரவணைப்பில் உள்ளார்.

ஏற்கனவே இதே பள்ளிக்கு விடுதி கட்டுவதற்காக 2500 சதுர அடி நிலத்தை பொன்மணி தேவி வழங்கியுள்ளார் என்பது குறிப்பிடத்தக்கது.

கைத்தொலைபேசியில் பேசியபடி அவரவர் வீட்டிலிருந்த காதலர்கள் விஷம் குடித்து தற்கொலை செய்து கொண்டுள்ளது அதிர்ச்சியை ஏற்படுத்தியுள்ளது.

வேலூர் மாவட்டம் அச்சமங்களம் கிராமத்தைச் சேர்ந்தவர் பாரதி, இவர் தனது வீட்டில் விஷம் அருந்தி, மயங்கிக் கிடந்த நிலையில் மருத்துவமனையில் அனுமதிக்கப்பட்டும் சிகிச்சை பலனின்றி உயிரிழந்தார்.

இதே கிராமத்தைச் சேர்ந்த கார்த்திக் என்ற இளைஞரும் தனது வீட்டில் விஷம் அருந்திய நிலையில் மருத்துவமனைக்கு செல்லும் வழியில் உயிரிழந்தார். இருவரும் ஒரே வகையான விஷத்தை அருந்தியதால் சந்தேகத்தின் பேரில் பொலிஸ் நடத்திய விசாரணையில் கார்த்திக்கும், பாரதியும் காதலர்கள் என்பதும் காதல் தோல்வியால் தற்கொலை செய்து கொண்டதும் தெரியவந்தது.

இருவேறு சமூகத்தை சேர்ந்தவர்கள் என்பதால் அவர்களின் பெற்றோர் காதலுக்கு எதிர்ப்பு தெரிவித்துள்ளனர். இந்நிலையில் பாரதிக்கு அண்மையில் திருமண நிச்சயம் நடைபெற்ற நிலையில், விரைவில் திருமணம் நடைபெற இருந்தது.

இதையடுத்து காதலர்கள் தற்கொலை செய்ய முடிவெடுத்தனர், அதன்படி கைபேசியில் பேசிக் கொண்டே அவரவர் வீட்டில் இருந்தவாறு விஷம் அருந்தி உயிரை மாய்த்துக் கொண்டுள்ளனர். சம்பவம் குறித்து பொலிசார் விசாரித்து வருகிறார்கள்.