தமிழகத்தில் பெற்றோரின் சண்டையை தடுக்க முயன்ற சிறுமி கோடாரியால் வெட்டப்பட்டு படுகொலை செய்யப்பட்ட சம்பவம் அதிர்வலைகளை ஏற்படுத்தியுள்ளது.

மதுரையின் திருமங்கலத்தை சேர்ந்தவர் முருகன், கட்டட வேலை செய்யும் இவருக்கு லட்சுமி என்ற மனைவியும், மூன்று பிள்ளைகளும் உள்ளனர். இவர்களில் மூத்த பெண் இருளாயி(வயது 10).

இந்நிலையில் முருகன்- லட்சுமிக்கு அடிக்கடி சண்டை வருவதும், கோபித்துக் கொண்டு லட்சுமி அம்மா வீட்டுக்கு செல்வதும் வழக்கம். இதேபோல் சம்பவதினத்தன்று இருவருக்கும் சண்டை வந்தது, கோடாரியால் லட்சுமியை முருகன் தாக்க முயன்ற போது இருளாயி அதை தடுக்க முயன்றுள்ளார்.

இதில் எதிர்பாராதவிதமாக இருளாளியின் தலையை கோடாரி பதம் பார்த்தது, சம்பவ இடத்திலேயே மகள் துடிதுடித்து இறக்க முருகன் தப்பியோடிவிட்டார்.

தலையில் காயத்துடன் வெளியே ஓடிவந்த லட்சுமி அக்கம்பக்கத்தினரை அழைத்துள்ளார், விரைந்து வந்த மக்கள் உடனடியாக லட்சுமியை மருத்துவமனையில் சேர்த்தனர்.

தகவலறிந்து வந்த பொலிஸ் அதிகாரிகள் விசாரணை நடத்தி வருகின்றனர், தப்பியோடிய முருகனையும் தேடி வருகின்றனர்.

நடிகர் கமல்ஹாசன் நாளை தன் அரசியல் பயணத்தை தொடங்கவுள்ள நிலையில் அவரை சீமான் சந்தித்து பேசியுள்ளார்.

இந்திய முன்னாள் ஜனாதிபதி அப்துல் கலாம் வாழ்ந்த ராமேஷ்வரம் இல்லத்தில் இருந்து நாளை தன் அரசியல் பயணத்தை தொடங்கவுள்ளார் நடிகர் கமல்ஹாசன்.

அதற்காக மூத்த அரசியல் தலைவர்கள் மு.கருணாநிதி, நல்லக்கண்ணு, விஜயகாந்த் உள்ளிட்டோர்களை நேரில் சந்தித்து ஆசி பெற்றிருந்தார் கமல்ஹாசன்.

இந்நிலையில் இன்று காலை கமலின் ஆழ்வார்பேட்டை இல்லதிற்கு சென்ற நாம் தமிழர் கட்சியின் தலைமை ஒருங்கிணைப்பாளர் சீமான், அவரை சந்தித்து தன் வாழ்த்துக்களை தெரிவித்துள்ளார்.

இச் சந்திப்பு குறித்து சீமான் கூறுகையில், மாற்றத்திற்காக மக்கள் ஏங்கிக் கொண்டிருக்கும் நேரத்தில் நடிகர் கமல் அரசியலுக்கு வருகிறார். அரசியலில் நானும் கமலும் இணைந்து செயல்படுவதை காலம்தான் முடிவு செய்யும், படிக்கும் காலத்தில் இருந்தே அவரை ரசித்துள்ளேன்.

நானும் அவரும் ஒரே பூமி, ஒரே மண்ணைச் சேர்ந்தவர்கள், தமிழகத்தில் ரஜினி பணியாற்ற ஒன்றும் புதியதாக இல்லை என பரபரப்பு கருத்துகளை தெரிவித்துள்ளார்.

இந்திய முன்னாள் ராணுவ அதிகாரியின் மகள் வீதியில் பிச்சை எடுக்கும் நிலைக்கு தள்ளப்பட்ட சம்பவம் அனைவரையும் சோகத்தில் ஆழ்த்தியுள்ளது.

இந்தியாவின் லக்னோவில் உள்ள இந்திராநகர் பகுதியில் மூன்று குழந்தைகளுடன் மகிழ்ச்சியாக வாழ்ந்து வந்தது மேஜர் பிபின் சந்திராவின் குடும்பம். திடீரென ஒருநாள், 2004ம் ஆண்டு நிகழ்ந்த விபத்து ஒன்றில் மேஜர் மற்றும் அவரது மனைவி பலியாகிவிட, அனாதையாக கதறி அழுதுள்ளனர் பிபினின் குழந்தைகள்.

மேஜர் இறந்த ஒரு சில தினத்தில் வீட்டிற்கு வழங்கப்பட்டு வந்த மின்சார இணைப்பு, தண்ணீர் இணைப்பு உள்ளிட்டவை துண்டிக்கப்பட்டதால் செய்வதறியாது தவித்து நின்ற மேஜரின் முதல் மகள் இந்த துயரம் தாங்க முடியாமலே தன் உயிரைவிட்டுள்ளார்.

மூத்த மகளும் இறந்துவிட்ட நிலையில் செய்வதறியாது நின்ற நிலையில் 22 வயதேயான இரண்டாவது மகள் அஞ்சனா மற்றும் அவரது இளைய சகோதரர் மிகுந்த மனஉளைச்சலில் தவித்துள்ளனர்.

பின்னர் உணவிற்காக கடந்த 12 வருடங்களாக சாலையில் பிச்சை எடுத்து வாழ்ந்து வந்த இருவரையும் கவனித்த மேஜரின் நண்பர் ஒருவர், அவர்கள் குறித்த தகவலை பொலிசாருக்கு தெரிவித்துள்ளார்.<

அதன் அடிப்படையில், இருவரையும் மீட்ட பொலிசார் நிவாரன் மருத்துவமனையில் சிகிச்சைக்காக அனுமதித்துள்ளனர். அவர்களை சோதனை செய்த மருத்துவர் சுரேஷ் கூறுகையில், Schizophrenia என்னும் நோயால் பாதிக்கப்பட்டிருந்த இருவருக்கும் உரிய சிகிச்சை வழங்கப்பட்டு வருகிறது.

ஆரம்பத்தில் பேச்சு கூட சரியாக வராத அவர்கள், தற்போது நல்ல முறையில் பேசி வருகிறார்கள், அஞ்சனா இன்னும் அவர் வாழ்ந்த வீட்டை மறக்கவில்லை, அதுகுறித்து அடிக்கடி விசாரித்தபடியே இருக்கிறார் என கூறியுள்ளார்.

இந்திய ராணுவத்தில் முன்னாள் மேஜராக பணிபுரிந்தவரின் பிள்ளைகளுக்கே இந்த நிலை ஏற்பட்டிருப்பது மிகுந்த மனவேதனையை தருவதாக சமூக ஆர்வலர்கள் தெரிவித்துள்ளனர்.

மேலும் தற்போது அக்கா, தம்பி இருவரின் உடல்நிலையும் நல்ல முன்னேற்றம் அடைந்திருப்பது குறிப்பிடத்தக்கது.

தமிழக முதல்வர் பழனிசாமிக்கு மன்னிப்பு கடிதம் ஒன்றை நடிகை விந்தியா எழுதியுள்ளார். அந்த கடிதத்தில், முதலில் என்னை மன்னியுங்கள் முதல்வரே என்று கேட்கத் துடிக்கும் நேர்மையான தொண்டர்களில் நானும் ஒருத்தி, எடப்பாடியாருக்கு இத்தனை பெரிய இடமா என்று ஏளனப்பார்வை பார்த்தவர்களில் நானும் ஒருத்தி.

அம்மாவைத் தவிர வேறொன்றும் அறியாத விசுவாசிகளில் நானும் ஒருத்தி, இரட்டை இலையே இதயத்துடிப்பாக எண்ணிய அ.தி.மு.க பக்தைகளில் நானும் ஒருத்தி. கழகம் இரண்டுபட்டதால் கலங்கி நின்ற கணக்கற்ற தொண்டர்களில் நானும் ஒருத்தி, கூவத்தூர் கூத்துகளால் மனம் நொந்த மக்களில் நானும் ஒருத்தி.

இப்படி எத்தனையோ எதிர்மறை கருத்துகளால் மனம் வெறுத்தவர்களில் நானும் ஒருத்தியாக இருந்தாலும், இன்று என் மனம் எனை அறியாமல் உங்களைப் பாராட்டி எழுதச் சொல்கிறது.

அம்மாவின் பிள்ளைகள் இனி அநாதை பிள்ளைகள் என எதிரிகள் ஏளனம் செய்யும்போது தாயை இழுந்து தவிக்கும் எங்களுக்கு தமையனாய் வந்தாய், அம்மாவின் ஆட்சி காத்து தைரியம் தந்தாய். நீங்கள் ஏறி வந்த படிக்கட்டுக்களோ தாண்டிவந்த, தகர்த்துவந்த தடைகற்களோ வழிகளோ எப்படி வேண்டுமானாலும் இருக்கலாம். ஆனால், நாளைக்கு கலைத்துவிடுவோம் என்று வேளைக்கு அறிக்கைவிடும் கழக எதிரிகளிடமிருந்து இயக்கத்தையும் இரட்டை இலையையும் கட்டிக்காத்த பெருமை உங்களுக்குண்டு.

தலையில் நீங்கள் கிரீடம் சுமந்து தலைவனாய் உருப்பெற்று ஒரு வருடம் உருண்டோடிவிட்டது. சற்று உற்றுப்பார்பவர்களுக்குத்தான் தெரியும் இது சுகவாசமா; இல்லை வனவாசமா என்று.

உங்கள் உயரம் கண்டு உள்ளெரிச்சல் படுபவர்களுக்குத் தெரியாது நீங்கள் ஏறி நிற்பது ஈட்டியின்மீது என்று. செயற்கை போராட்டங்கள், இயற்கை இடர்ப்பாடுகள், விஷத் துரோகக் கூட்டங்கள் விலைபோன நண்பர்கள் என மாறி மாறி அடித்தாலும் அசராமல் அம்மாவின் அரசாற்றினீர்கள்.

தலைவர்கள் இடையே தலைவனாய் இருப்பது சாதாரண செயல் அல்ல. வலிகளைத் தவிர்க்க முடியாவிட்டாலும் வேதனைகளை வெளிக்காட்டாமல் நீங்கள் நடத்திய இந்த ஒரு வருட ஆட்சி உங்கள் திறமைக்கு சாட்சி.

வாழ்த்துகின்றேன் முதல்வரே! அம்மாவின் ஆட்சி தொடரட்டும்; ஏழை மக்களின் முகம் மலரட்டும். இரட்டை இலை இருக்கும் பக்கம் இயக்கம் இருக்கும். இயக்கம் இருக்கும் பக்கம் அ.தி.மு.க தொண்டர்களின் இதயம் இருக்கும். உங்கள் வெற்றிப் பயணம் தொடர விரும்பும் அன்பு தொண்டர்களில் நானும் ஒருத்தி’ என்று தெரிவித்துள்ளார்.

சிறுமியை பாலியல் வன்கொடுமை செய்து கொலை செய்த குற்றத்திற்காக காவல்நிலையத்தில் வைக்கப்பட்டிருந்த இரண்டு பேரை பொதுமக்கள் வெளியில் இழுத்து வந்து அடித்து கொலை செய்துள்ள சம்பவம் பரபரப்பை ஏற்படுத்தியுள்ளது.

அருணாசல பிரதேசம் லோகித் மாவட்டத்தில் கடந்த 12ம் திகதி 5 வயது சிறுமி ஒருவர் பாலியல் வன்கொடுமை செய்யப்பட்டு கொலை செய்யப்பட்டார். கொலை செய்யப்பட்ட சிறுமியின் உடல் 5 நாட்களுக்கு பிறகு கண்டுபிடிக்கப்பட்டது.

இதுதொடர்பாக பொலிசார் தொடர்ந்து விசாரணை மேற்கொண்டு வந்த நிலையில், கடந்த ஞாயிற்றுக்கிழமை இச்சம்பவம் தொடர்பாக இரண்டு பேரை கைது செய்து நீதிமன்றத்தில் ஆஜர்படுத்தினர்.

வழக்கை விசாரித்த நீதிபதி, பொலிசார் பிடியில் வைத்து விசாரிக்கும் படி தெரிவித்தார், அதன் படி சிறையில் இருவரும் அடைக்கப்பட்டனர்.

இந்நிலையில் இந்த தகவல் ஊர் மக்களுக்கு தெரியவந்ததால், ஆயிரத்திற்கும் மேற்பட்டோர் காவல்நிலையத்தை முற்றுகையிட்டு சிறையை உடைத்து, இருவரையும் வெளியே இழுத்து வந்து, அவர்களை கண்மூடித்தனமாக அடித்தனர்.

இதில் அந்த இருவரும் வலி தாங்க முடியாமல் கெஞ்சியுள்ளனர், ஆனால் விடாத மக்கள் அவர்களை அடித்தே கொன்று அங்கிருக்கும் சந்தைப் பகுதியில் உடலை வீசிவிட்டு சென்றுள்ளனர்.

கொல்லப்பட்ட இருவரில் ஒருவரின் பெயர் சஞ்சய் சாபூர், மற்றொருவரின் பெயர் ஜக்தீஸ் லோகர் எனவும் இவர்கள் இருவரும் அஸ்ஸாம்மைச் சேர்ந்தவர்கள் என்பதும் தெரியவந்துள்ளது.