இலங்கையில் சுமார் 15 கிலோ கிராம் நிறையுடைய எறும்புண்ணி ஒன்று கண்டுபிடிக்கப்பட்டுள்ளது.

பமுனுவ, தெலிவெவ பிரதேசத்தை சேர்ந்த விக்ரமசிங்க என்பவரின் வீட்டில் எறும்புண்ணி சிக்கியுள்ளது.

மிருகங்கள் அல்லது மனிதர்களினால் எறும்புண்ணிக்கு பாதிப்பு ஏற்படும் என எண்ணி குறித்த நபர் பொலிஸாருக்கு அறிவித்து பாதுகாப்பான இடத்திற்கு கொண்டு செல்லுமாறு அறிவித்துள்ளார்.

கொழும்பு வனவிலங்கு அலுவலகத்தில் அதனை ஒப்படைக்க நடவடிக்கை மேற்கொள்ளப்பட்ட போதிலும், அந்த வீட்டை விட்டு செல்ல விரும்பாமையினால் அதிகாரிகள் அங்கையே விட்டு சென்றுள்ளனர்.

அழிந்து வரும் இந்த உயிரினம் இலங்கையின் மிக முக்கியமான உயிரினம் எனவும் நாடு முழுவதும் இது உள்ளதாகவும் பேராதனை பல்கலைக்கழக பேராசிரியர் ஒருவர் தெரிவித்துள்ளார்

ஒருவருக்கும் தீங்கு விளைவிக்காத இந்த உயிரினம் இந்தியா, இலங்கை பூட்டான் ஆகிய நாடுகளில் மாத்திரமே காண முடியும் என தெரிவிக்கப்படுகின்றது.

விஞ்ஞான பெயரில் Maniscrassicaudata என்ற அழைக்கப்படும் இந்த உயிரினம் 15 கிலோ கிராமில் கண்டுபிடிக்கப்பட்டதென்பது ஒரு அரிய சம்பவமாக கருதப்படுகின்றது.

ஐக்கிய தேசிய கட்சியுடனே வேறு எந்த கட்சியுடனுமோ இணைந்து ஆட்சியமைக்க இதுவரை எமது கட்சிக்கு எவ்வித அழைப்பும் விடுக்கப்படவில்லை. அரசாங்கம் இது தொடர்பில் அழைப்பு விடுக்கும் பட்சத்தில் நாம் சிறந்த தீர்மானமொன்றை எடுக்கவுள்ளதாக தமிழ் தேசிய கூட்டமைப்பு தெரிவித்துள்ளது.

இலங்கையின் அரசியல்நிலைப்பாட்டில் தற்போது நிலவிவரும் அரசியல் நிலைவரங்களின் அடிப்படியில் ஐக்கிய தேசியக்கட்சியின் தனி அரசாங்கம் அமைக்கும் முயற்சியில் ஈடுபட்டுள்ளது.

இந்நிலையில், தமிழ்த் தேசியக் கூட்டமைப்புடன் தனி அரசாங்கம் அமைப்பது தொடர்பில் பேச்சுக்கள் முன்னெடுக்கப்பட்டனவா என்பது தொடர்பில் அதன் பொதுச்செயலாளர் பாராளுமன்ற உறுப்பினர் மாவை சேனாதிராஜாவிடம் வினவியபோதே அவர் மேற்கண்டவாறு தெரிவித்தார். இது தொடர்பில் அவர் மேலும் தெரிவிக்கையில்,

தனி அரசாங்கம் அமைப்பது தொடர்பில் அழைப்புக்கள் விடுக்கப்படுமாயின் , எமது கட்சியின் மத்திய செயற்குழு கூடி இது தொடர்பில் இறுதித் தீர்மானமொன்றினை மேற்கொள்ளுமென அவர் மேலும் தெரிவித்தார்.

ரணில் விக்கிரமசிங்க பிரதமர் பதவியை இராஜினாமா செய்ய வேண்டும் என்ற, ஶ்ரீலங்கா சுதந்திரக் கட்சி பராளுமன்ற உறுப்பினர்களின் நிலைப்பாட்டை
ஜனாதிபதி மைத்திரிபால சிறிசேன​ உறுதிப்படுத்தியுள்ளதாக பிபிசி சிங்கள சேவை செய்தி வௌியிட்டுள்ளது.

ஐக்கிய தேசியக் கட்சி சார்பில் புதிய பிரதமரை நியமிக்குமாறு ஜனாதிபதி அந்த கட்சிக்கு அறிவித்துள்ளதாக ஶ்ரீலங்கா சுதந்திரக் கட்சியை மேற்கொள்காட்டி வௌியிடப்பட்டுள்ள அந்த செய்தியில் தெரிவிக்கப்பட்டுள்ளது.

பிரதமர் ரணில் விக்கிரமசிங்க, ஐக்கிய தேசியக் கட்சியின் தலைமைத்துவத்திலிருந்து விலகி, சஜித் பிரேமதாஸ அல்லது கரு ஜயசூரியவிடம் தலைமைத்துவத்தை, ஒப்படைக்க வேண்டும் என அந்தக் கட்சிக்குள் கருத்து வலுப்பெற்றுள்ளதாகவும் பிபிசி செய்தியில் சுட்டிக்காட்டப்பட்டுள்ளது.

ஶ்ரீ லங்கா சுதந்திரக் கட்சியின் பாராளுமன்ற உறுப்பினர்களை இணைத்து தனியாக ஆட்சியமைக்கவுள்ளதாக ஐக்கிய தேசிய கட்சி முன்வைத்த கருத்திற்கு பதிலளித்த ஜனாதிபதி,அவ்வாறு இணையும் ஶ்ரீலங்கா சுதந்திர கட்சி உறுப்பினர்களுக்கு தாம் அமைச்சர் பதவிகளை வழங்கப் போவதில்லை என குறிப்பிட்டதாகவும் பிபிசி செய்தியில் மேலும் குறிப்பிடப்பட்டுள்ளது.

ஐக்கிய தேசியக்கட்சியை தனி அரசாங்கம் ஒன்றை அமைக்குமாறு ஐ.தே.க.வின் பாராளுமன்ற உறுப்பினர்கள் கூட்டாக பிரதமர் ரணில் விக்கிரமசிங்கவிடம் வலியுறுத்தியுள்ளனர்.

இதன் பிரகாரம் இன்றைய தினம் ஜனாதிபதியுடன் பிரதமர் சந்தித்துக் கலந்துரையாடி தீர்க்கமான முடிவென்றை எடுக்கவுள்ளார்.

ஐ.தே.க.வின் பாராளுமன்ற உறுப்பினர்கள் 10 பேருடன் இன்று நண்பகல் அலரிமாளிகையில் இடம்பெற்ற விசேட சந்திப்பிலேயே இத் தீர்மானம் மேற்கொள்ளப்பட்டுள்ளமை குறிப்பிடத்தக்கது.