புதுடெல்லியில் முதல் மனைவியுடன் சேர்ந்து வாழ இடையூறாக இருந்த இரண்டாவது மனைவியை கொலை செய்த கணவரை பொலிசார் கைது செய்துள்ளார்கள்.

சுரேஷ் சிங் (26) என்ற இளைஞர் கடந்த 2015ல் லதா என்ற பெண்ணை திருமணம் செய்து கொண்டார். அதே ஆண்டில் சாவித்ரி மெரா (30) என்ற பெண்ணுடன் சுரேஷுக்கு பேஸ்புக் மூலம் நட்பு ஏற்பட்டுள்ளது. இது பின்னர் காதலாக மாறிய நிலையில் சாவித்ரியை, சுரேஷ் இரண்டாவதாக திருமணம் செய்து கொண்டுள்ளார். இரண்டு மனைவிகளையும் வெவ்வேறு ஊர்களில் தங்க வைத்த சுரேஷ் அவர்களுடன் குடும்பம் நடாத்தி வந்தார்.

இந்நிலையில் கடந்தாண்டு இரண்டாவது மனைவி சாவித்ரியுடன் ஏற்பட்ட கருத்து வேறுபாட்டால் அவரை பிரிந்து சென்ற சுரேஷ், லதாவுடனே நிரந்தரமாக வாழத் தொடங்கினார். ஆனால், சுரேஷை அடிக்கடி தொடர்பு கொண்ட சாவித்ரி, லதாவை பிரிந்து தன்னுடன் வாழ வருமாறு வற்புறுத்தியுள்ளார்.

இதையடுத்து சாவித்ரியை கொலை செய்ய முடிவெடுத்த சுரேஷ் கடந்த மாதம் 11ம் திகதி டெல்லி வீட்டில் வைத்து அவரை கொடூரமாக கொன்று சடலத்தை படுக்கை மெத்தை பெட்டியில் மறைத்து வைத்துள்ளார்.

அக்கம்பக்கத்தினர் மூலம் இதை கண்டுப்பிடித்த பொலிசார் சுரேஷ் வீட்டில் இருந்த சாவித்ரியின் சடலத்தை 29ம் திகதி கைப்பற்றினார்கள்.

இதையடுத்து தலைமறைவாக இருந்த சுரேஷை பொலிசார் தற்போது கைது செய்துள்ளனர்.

மத்தியபிரதேசத்தில் நபர் ஒருவர் நாய்க்குட்டிகள் மற்றும் பாம்புகளை சமைத்து சாப்பிட்டதால் பொதுமக்களினால் தாக்கப்பட்டு பொலிசில் ஒப்படைக்கப்பட்ட சம்பவம் பரபரப்பாகியுள்ளது.

மத்தியபிரதேச மாநிலம் ஜெக்தீஷ்புராவைச் சேர்ந்தவர் Nuarangi Lal, ’பாபா’ என்று அழைக்கப்படும் இவர், நாடோடி வாழ்க்கை நடத்தி வருபவர்.

இந்நிலையில் Nuarangi Lal, நான்கு நாய்க்குட்டிகளை சமைத்து சாப்பிட்டதாகக் கூறி, பொதுமக்கள் இவரை அடித்து உதைத்துள்ளனர். மேலும், அவர் தங்கியிருந்த தற்காலிக குடியிருப்பையும் எரித்துவிட்டு பொலிசிடம் ஒப்படைத்தனர்.

இந்நிலையில் நாய்க்குட்டிகள் மட்டுமின்றி, பாம்புகளையும் தான் சமைத்து சாப்பிட்டதாகவும், அவை தனது உடலுக்கு வலிமையைத் தருவதாகவும் Nuarangi Lal தெரிவித்துள்ளார்.

இதுகுறித்து உளவியலாளர் ஒருவர் கூறுகையில், தனியாக வாழும் நபர்கள், தாங்கள் ஒரு கற்பனை உலகத்தில் வாழ்வதாக நினைத்துக் கொள்வார்கள். அவர்களுக்கு, நிஜ உலகுக்கும் கற்பனை உலகுக்கும் வித்தியாசம் தெரியாமல் போய்விடும்’ என தெரிவித்துள்ளார்.

 
இந்தியாவில் 6 பேரை கொலை செய்த இளைஞர், பெண்களின் சடலங்களுடன் உறவு கொண்டதாக வாக்குமூலம் அளித்துள்ளார்.

மகாராஷ்டிராவை சேர்ந்தவர் ஜிதேந்தர துருவா (30), இவர் 2015லிருந்து 2016 வரையிலான காலக்கட்டத்தில் ஆறு பேரை கொலை செய்துள்ளார்.

தலைமறைவாக இருந்த துருவாவை பொலிசார் தற்போது கைது செய்துள்ள நிலையில் பல்வேறு திடுக்கிடும் தகவல்கள் வெளியாகியுள்ளன.

கடந்த 2015 ஏப்ரல் 27ஆம் திகதி பிங்கல ராஜ் என்ற இளம் அதிகாரி அவர் வீட்டில் இறந்து கிடந்தார். இவ்வழக்கு சம்மந்தமாக அவரின் காதலர் ராகேஷை சந்தேகத்தின் அடிப்படையில் பொலிசார் கைது செய்தார்கள். அவர் சில மாதங்களுக்கு முன்னர் பிணையில் வெளியில் வந்துள்ளார்.

ஆனால் பிங்கலராஜை நான் தான் கொலை செய்தேன் என துருவா தற்போது கூறியுள்ளார். கொலை செய்த பின்னர் பிங்கலவின் சடலத்துடன் உறவு வைத்து கொண்டதாகவும் வாக்குமூலம் அளித்துள்ளார்.

இந்த விடயம் வெளியில் தெரிந்த நிலையில் தனது மகன் ராகேஷ் மீது அரசியல் காரணங்களுக்காக வீண்பழி சுமத்தப்பட்டுள்ளது எனவும் அவரை வழக்கிலிருந்து விடுவிக்க கோரியும் ராகேஷ் தாய் பொலிசாரிடம் மனு அளித்துள்ளார்.

துருவா கடந்த 2016 ஆகஸ்ட் மாதம் ருக்மணி (50) மற்றும் அவரின் மகள் பார்வதி (20) ஆகியோரையும் கொன்று பார்வதி சடலத்துடன் உறவு வைத்து கொண்டுள்ளார். அதே ஆண்டு யூன் மாதம் மகேந்திர சிங் (38) அவர் மனைவி உஷாம் மகன் மகேஷ் (11) ஆகியோரையும் துருவா கொலை செய்துள்ளார்.

இச் சம்பவத்தில் மகேந்திராவின் இன்னொரு மகன் திரிலோக் (13) மற்றும் உயிர்பிழைத்த நிலையில் அவரின் ஒரு கண் பார்வை பறிபோகியுள்ளது. இவை அனைத்தையும் துருவா பொலிசிடம் வாக்குமூலமாக அளித்துள்ள நிலையில் தொடர்ந்து அவரிடம் விசாரணை நடத்தப்பட்டு வருகிறது.

 
தமிழகத்திற்கு சுற்றுப்பயணம் வந்திருந்த அமெரிக்க தம்பதியினர், தமிழர் முறைப்படி திருமணம் செய்து கொண்டனர்.

அமெரிக்காவை சேர்ந்த 25 பேர் கொண்ட குழுவினர் தங்கள் குடும்பத்தினருடன் இந்தியாவிற்கு சுற்றுப்பயணமாக வந்துள்ளனர். இந்தியாவின் அனைத்து முக்கிய மாநிலங்களையும் சுற்றிப் பார்த்த அவர்கள் தமிழகத்திற்கும் சென்று தஞ்சை மாவட்டத்தில் உள்ள ராஜராஜ சோழன் கட்டிய பெரிய கோவிலின் சிற்பங்களை ரசித்து வந்துள்ளனர்.

அப்போது அந்த குழுவில் இடம் பெற்றிருந்த சோ- சிண்டி தம்பதியினர், தமிழர் பண்பாட்டின் மீதான அதீத ஈடுபாட்டினால் இந்து முறைப்படி திருமணம் செய்து கொள்ள ஆசைப்பட்டுள்ளனர்.

இது குறித்து அவர்களின் குடும்பத்தாரிடம் சோ தெரிவித்த நிலையில் தஞ்சை தளவாய் பாளையத்தில் உள்ள புவனேஸ்வரி அம்மன் கோவிலுக்கு தம்பதியர் இருவரும் தமிழர்களின் பாரம்பரிய உடையான வேஷ்டி- பட்டுப்புடவை அணிந்து குடும்பத்தினர் மற்றும் உறவினர்களுடன் சென்றுள்ளனர்.

அதன்பின் மஞ்சள் தாலி கட்டி இருவரும் மாலை மாற்றிக்கொண்டு இந்து முறைப்படி திருமணம் செய்து கொண்டுள்ளனர்.

வெளிநாட்டு தம்பதிகள் தமிழர்களின் பாரம்பரிய முறைப்படி திருமணம் செய்து கொண்ட அந்த நிகழ்வை கோவிலுக்கு தரிசனம் செய்ய வந்த மக்கள் ஆர்வத்துடன் பார்த்து சென்றனர்.

தந்தையின் ஈமச்சடங்கின் போது சோகத்தில் மகனும் உயிரிழந்த சம்பவம் இடம்பெற்றுள்ளது.

மதுரை மேலூர் அட்டப்பட்டியை சேர்ந்த விவசாயி நம்பியார், இவர் தனக்கு சொந்தமான அரை ஏக்கர் பரப்பளவில் நெற்பயிர்களை பயிரிட்டுள்ளனர். தண்ணீர் இல்லாமல் பயிர்கள் வாடுவதை கண்டு சோகத்தில் வயலிலேயே மயங்கி விழுந்து உயிரிழந்துள்ளார்.

நம்பியாரின் இழப்பை தாங்கிக் கொள்ள முடியாமல் தவித்த மகன் நல்லசாமிக்கு கடன் தொல்லையும் அதிகரித்தது இந்நிலையில் தந்தையின் ஈமச்சடங்குகளை செய்வதற்காக திருப்புவனம் வைகை ஆற்றங்கரைக்கு சென்றுள்ளார். அங்கே மாரடைப்பால் நல்லசாமியும் இறந்துள்ளார். அடுத்தடுத்த உயிரிழப்புகளால் நம்பியாரின் குடும்பம் சோகத்தில் மூழ்கியுள்ளது.

நல்லசாமிக்கு ஒரு மகனும், மகளும் உள்ள நிலையில் அரசு இழப்பீடு வழங்க வேண்டும் என ஊர்மக்கள் கோரிக்கை விடுத்துள்ளனர்.

மேலும் இந்நிலை நீடிக்காமல் இருக்க கருகிய பயிர்களுக்கு உடனடியாக நிவாரணத்தொகை வழங்க வேண்டும் எனவும் வலியுறுத்தியுள்ளனர்.