தெலுங்கானா மாநிலத்தில் 9 ஆம் வகுப்பு மாணவி ஒருவர் தன்னுடன் படிக்கும் சக மாணவர்கள் தன்னை கிண்டல் செய்த காரணத்தால் மனமுடைந்து தனக்குத்தானே தீவைத்து தற்கொலைக்கு முயன்றுள்ளார்.

லாவண்யா (14) என்ற மாணவி, Domadugu கிராமத்தில் உள்ள Pragathi High School- இல் ஒன்பதாம் வகுப்பு பயின்று வந்துள்ளார். இவருடன் படிக்கும் சக மாணவர்கள், லாவண்யாவின் தோல் நிறத்தை கிண்டல் செய்துள்ளனர், கருப்பாக இருக்கிறாய்… பார்ப்பதற்கு அருவருப்பாக இருக்கிறது என அடிக்கடி கிண்டல் செய்துள்ளனர்.

இதனால், மனமுடைந்த லாவண்யா இதுகுறித்து பள்ளி தலைமையாசிரியரிடம் புகார் அளித்தும், அவர் மாணவர்கள் மீது நடவடிக்கை எடுக்கவில்லை.

இந்த கிண்டல் தொடர்ந்து கொண்டே இருந்ததால், மனமுடைந்த லாவண்யா, தனது வீட்டில் தனக்குத்தானே தீவைத்து தற்கொலைக்கு முயன்றுள்ளார். இதில், இவரது உடல் 45 சதவீதம் எரிந்துள்ளது.

தற்போது, மருத்துவமனையில் சிகிச்சை பெற்று வரும் லாவண்யாவிடம், சிகிச்சைக்கு பின்னர் வாக்குமூலம் பெறப்படும் என பொலிசார் தெரிவித்துள்ளனர்.

உத்தரபிரதேச மாநிலத்தில் தன் மீது தனது தந்தைக்கு அக்கறை இல்லை என்று கூறி 12 வயது சிறுவன் பொலிசில் புகார் அளித்துள்ளது பரபரப்பாகியுள்ளது.

உத்தரபிரதேச மாநிலம் இட்டாவா நகரைச் சேர்ந்த 12 வயது சிறுவன் ஓம் நாராயண் குப்தா, தன்னுடைய தந்தை மீது பொலிசில் புகார் அளித்துள்ளான்.

அதில் ’தந்தைக்கு குடும்பத்தின் மீது அக்கறை இல்லை, குடும்பத்தினருடன் அவர் நேரம் செலவிடுவதே இல்லை, அவர் நடத்தி வரும் கடையிலினால் மிகவும் ஓய்வில்லாமல் இருக்கிறார்.

மேலும், என்னுடைய நண்பர்கள் கண்காட்சி ஒன்றிற்கு செல்ல இருக்கின்றனர். நானும் அவர்களுடன் செல்ல அவரிடம் அனுமதி கேட்டபோது, தனக்கு வேலை இருப்பதால் அனுமதிக்க முடியாது என்று கூறிவிட்டார்.

எனவே, அவரை அழைத்து திட்டி அனுப்புங்கள்’ என தெரிவித்துள்ளான். சிறுவனின் புகாரை ஏற்ற பொலிசார், சுமார் 40 முதல் 50 பிள்ளைகளை ஒரு சுற்றுலாவிற்கு அழைத்துச் செல்ல முடிவு செய்தனர்.

இதனைத் தொடர்ந்து நாராயண் குப்தாவையும் அவர்களுடன் அழைத்து சென்றுள்ளனர். பின்னர் இது குறித்து பொலிசார் கூறுகையில், பெற்றோர்கள் மற்றும் பாதுகாவலர்கள், வேலை காரணமாக தங்களது பிள்ளைகளை கவனித்துக் கொள்ள தவறுகின்றனர். சமூகத்தில் இது மிகவும் பெரிய பிரச்சனையாக உருவெடுத்துள்ளது. எனவே, பெற்றோர்கள் தங்கள் குழந்தைகளுடன் நேரம் செலவிட வேண்டும்’ என தெரிவித்துள்ளனர்.

இந்தியாவில் கடத்தல் கும்பலால் பிச்சைக்கார கும்பலிடம் விற்கப்பட்ட இளைஞர் வலுக்கட்டாயமாக சாலையில் பிச்சையெடுத்த நிலையில் நபர் ஒருவர் உதவியால் மீட்கப்பட்டுள்ளார்.

உத்தரபிரதேச மாநிலத்தை சேர்ந்தவர் அனுப் சிங். இவர் வேலை தேடி மும்பைக்கு வந்த நிலையில் கடத்தல் கும்பலிடம் சிக்கியுள்ளார். அவர்கள் அனுப்பை புனேவை சேர்ந்த பிச்சைக்கார கும்பலிடம் 1000 ரூபாய்க்கு விற்றுள்ளனர்.

இதையடுத்து கும்பலில் உள்ள துனு கேள் என்ற பெண் அனுப் சிங்-கை தன்னுடன் சேர்ந்து வலுக்கட்டாயமாக பிச்சையெடுக்க வைத்து வந்துள்ளார். இதில் அனுப் சிங்குக்கு நாள் ஒன்றுக்கு 1500 ரூபாய் வருமானம் வந்த நிலையில் அதை அந்த கும்பல் வாங்கி கொண்டு கொஞ்சமாக உணவு மட்டும் கொடுத்து வந்துள்ளனர்.

இதோடு அனுப் சிங் காலை உடைத்து, சிகரெட்டால் சூடு வைத்து கொடுமைப்படுத்தியுள்ளனர். இப்படியே நாட்கள் சென்று கொண்டிருந்த நிலையில் புனேவில் என்.ஜி.ஓ நிறுவனம் நடத்தி வரும் யோகேஷ் என்பவர் சில தினங்களுக்கு முன்னர் காரில் சென்று கொண்டிருந்த போது அனுப் மற்றும் துனு ஆகியோர் பிச்சையெடுப்பதை பார்த்து சந்தேகம் அடைந்துள்ளார்.

இதையடுத்து காரை நிறுத்தி அவர்களிடம் சென்ற போது துனு பயந்து ஓட இது தான் தப்பிக்க சமயம் என கருதிய அனுப் எல்லா விடயத்தையும் யோகேஷிடம் கூறியுள்ளார்.

இதையடுத்து அனுப்பை மீட்ட யோகேஷ், துனுவை பிடித்து பொலிசில் ஒப்படைத்தார். துனு மீது பொலிசார் வழக்குப்பதிவு செய்துள்ள நிலையில், இதில் பலருக்கும் தொடர்பு இருக்கும் என்ற அடிப்படையில் அவர்கள் விசாரணை மேற்கொண்டு வருகிறார்கள்.

காதல் விவகாரத்தால் பெண்ணொருவர் தனது தாய் மற்றும் தங்கையுடன் சேர்ந்து விஷமருந்தி தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

திருநெல்வேலி மாவட்டம் அம்பாசமுத்திரம் அருகே உள்ள ஊர்க்காடு எனும் கிராமத்தைச் சேர்ந்தவர் பழனி. இவருக்கு சீதை எனும் மனைவியும், சொர்ணமாரி, பத்மா என்ற இரு மகள்களும் இருந்தனர்.

இவரின் மூத்த மகள் சொர்ணமாரி, அம்பாசமுத்திரம் அருகே உள்ள சங்குபுரம் கிராமத்தில் தபால் ஊழியராக பணியாற்றி வந்தார். அவர் தினமும் பேருந்தில் சங்குபுரத்திற்கு பயணம் செய்தபோது, பேருந்து நடத்துநர் வேலுச்சாமியுடன் பழக்கம் ஏற்பட்டுள்ளது. நாளாடைவில் இவர்கள் காதலர்களாகியுள்ளனர்.

அதன் பின்னர், கடந்த 4 ஆண்டுகளுக்கு முன்னர், சொர்ணமாரி தனது குடும்பத்தினருடன் சங்குபுரம் கிராமத்திலேயே வாடகைக்கு குடியேறியுள்ளார்.

இந்நிலையில் சொர்ணமாரியின் தந்தை பழனி உடல் நலக்குறைவால் உயிரிழந்ததையடுத்து, இருவருக்கும் திருமணம் முடிவு செய்யப்பட்டது. சொர்ணமாரி நான்கு மாத கர்ப்பமான நிலையில், வேலுச்சாமி அதனை கலைத்துள்ளார். அதன்பின்னர், திடீரென சென்னைக்குச் சென்ற வேலுச்சாமி, சொர்ணமாரியுடனான பேச்சுவார்த்தையை தவிர்த்துள்ளார்.

மேலும் திருமணம் செய்யவும் மறுத்துள்ளார். எனவே, மனமுடைந்த சொர்ணமாரி, தனது தாய் சீதை மற்றும் தங்கை பத்மா ஆகியோருடன் சேர்ந்து விஷமருந்தி தற்கொலை செய்துள்ளார்.

சொர்ணமாரி தனது குடும்பத்தினரின் தற்கொலைக்கு, வேலுச்சாமி, மெர்சி, குமுதா, ராமச்சந்திரன் ஆகியோரே காரணம் என்றும், அவர்கள் மீது நடவடிக்கை எடுக்க வேண்டும் என்றும் குறிப்பிட்டுள்ளார்.

 
பெங்களூரில் இளம் பெண் ஒருவர் எனக்கு முஸ்லீம்களை பிடிக்கும் என்று கூறியது அவரது உயிர் போவதற்கு காரணமாகியுள்ளது.

சிக்மகளூர் மாவட்டத்தைச் சேர்ந்தவர் தன்யாஸ்ரீ (20), இவருக்கு சந்தோஷ் என்ற நண்பர் உள்ளார். இவர்கள் இருவரும் வட்ஸ் அப்பில் தங்கள் மாவட்டத்தில் நிலவும் மதக் கலவரங்களைப் பற்றி பேசியுள்ளனர்.

அப்போது தன்யாஸ்ரீ இது போன்ற கலவரங்கள் எல்லாம் நல்லது கிடையாது என்று கூறியுள்ளார். அதற்கு சந்தோஷ், அதுபோன்ற நிலை இருப்பது நல்லதுதான், இல்லையெனில் லவ் ஜிகாத் அதிகமாகிவிடும் என்று கூறியுள்ளார்.

உடனடியாக தன்யாஸ்ரீ எனக்கு முஸ்லிம்களை பிடிக்கும் என பதில் தெரிவித்ததால், சந்தோஷ் இப்படியெல்லாம் இருக்க கூடாது, நீயும் லவ்ஜிகாத்திற்குள் தள்ளப்படுவாய் என குறிப்பிட்டுள்ளார்.

அதுமட்டுமின்றி அவர் அந்த பெண் கூறியதை, அவர் ஸ்கிரீன் சொட் எடுத்து, தனது நண்பர்களுக்கு அனுப்பியுள்ளார். இதைக் கண்ட சிலர் அந்த பெண்ணின் வீட்டிற்கு சென்று மிரட்டியுள்ளனர். அதிலும் குறிப்பாக பாஜக இளைஞர் பிரிவு தலைவர் அனில்ராஜ் தலைமையில் 5 பேர் கொண்ட கும்பல் கடுமையாக திட்டியதாகவும், இனிமேல் இது போன்று இருக்கக் கூடாது என்று மிரட்டியுள்ளனர்.

இதோடு விட்டிருந்தால் பரவாயில்லை, தன்யாஸ்ரீ படத்தையும் வேறு மதத்தை சேர்ந்தவர் படத்தையும், இணைத்து மார்பிங் செய்து சமூக வலைத்தளங்களில் பதிவேற்றம் செய்துள்ளனர்.
இதைக் கண்டு பெரிது மன உளைச்சலுக்காளான தன்யாஸ்ரீ வீட்டில் தூக்கு போட்டு தற்கொலை செய்து கொண்டுள்ளார்.

இதுதொடர்பாக விசாரணை மேற்கொண்ட போது, அவரது வீட்டில் ஒரு கடிதம் சிக்கியுள்ளது. அதில் தன்யா, தன்னை மிரட்டியதாலும், போட்டோவை சமூக வலைத்தளத்தில் வெளியிட்டதாலும் மனமுடைந்து தற்கொலை செய்து கொள்வதாகவும், என்னுடைய தற்கொலைக்கு காரணமான அவர்கள் மீது சட்டப்படி நடவடிக்கை எடுக்க வேண்டு என்றும் குறிப்பிட்டுள்ளார்.

ஆந்திராவில் தனது காதலை ஏற்றுக்கொள்ளாத காரணத்தால் இளம்வயது பெண்ணை இளைஞர் ஒருவர் கத்தியால் குத்தி கொலை செய்துள்ள சம்பவம் அதிர்ச்சியை ஏற்படுத்தியுள்ளது.

ஜானகி(23) என்ற பெண் ஹைதராபாத்தில் உள்ள சூப்பர் மார்க்கெட்டில் பணியாற்றி வருகிறார். அங்கு, இவருடன் பணியாற்றும் ஆனந்த் என்பவர் கடந்த 6 மாதகாலமாக ஜானகியை காதலித்து வந்துள்ளார்.

மேலும், தன்னை காதலிக்குமாறும் இல்லையென்றால் உன்னை கொலை செய்துவிட்டு நானும் தற்கொலை செய்துகொள்வேன் என அவ்வப்போது மிரட்டி வந்துள்ளார். ஆனால் இதற்கு ஜானகி சம்மதிக்கவில்லை.

இந்நிலையில் சம்பவம் நடைபெற்ற போது, ஜானகியின் வீட்டிற்கு ஆனந்த் சென்றுள்ளார். அங்கு தனியாக இருந்த ஜானகியிடம் வாக்குவாதத்தில் ஈடுபட்டுள்ளார், அதன்பின்னர் தான் கொண்டுவந்திருந்த கத்தியை எடுத்து ஜானகியை சரமரியாக குத்திவிட்டு அங்கிருந்து தப்பித்துசென்றுள்ளார்.

ரத்தவெள்ளத்தில் கிடந்த ஜானகியை ரூபா என்ற அவரது தோழி அருகில் இருப்பவர்களின் உதவியுடன் மருத்துவமனையில் அனுமதித்துள்ளார். அங்கு சிகிச்சையளிக்கப்பட்டபோதும், ரத்தம் அதிகமாக வெளியேறி ஜானகி இறந்துவிட்டார்.

ஜனாகியின் மரணம் அவரது குடும்பத்தினரை அதிர்ச்சியில் ஆழ்த்தியுள்ளது. பொலிசார் ஆனந்தை கைது செய்யும் முயற்சியில் ஈடுபட்டு வருகின்றனர்.

கடந்த மாதம் ஹைதராபாத்தில் ஒருதலைக்காதலால், இளம்பெண் ஒருவர் நடுரோட்டில் வைத்து உயிரோடு எரித்துகொலை செய்யப்பட்ட சம்பவம் நடைபெற்றது குறிப்பிடத்தக்கது.