ஆந்திராவில் நிலம் தொடர்பான ஒரு வாக்குவாதத்தில் பெண் ஒருவர் பலவந்தமாக இழுத்துச் செல்லப்பட்டு, அவருடைய ஆடைகள் கிழிக்கப்பட்ட சம்பவம் பெரும் கொந்தளிப்பை ஏற்படுத்தியுள்ளது.

விசாகப்பட்டினம் மாவட்டத்தில் நிலத்தில் குழி தோண்டுவதற்கு எதிர்ப்பு தெரிவித்ததாகக் கூறிய அப்பெண், ஆளும் தெலுங்கு தேசம் கட்சியினரால் தான் கடுமையாகத் தாக்கப்பட்டதாகவும் தெரிவித்துள்ளார்.

இப்பெண் புகார் அளித்தும் பொலிசார் நடவடிக்கை எடுக்காத காரணத்தினால், கம்யூனிஸ்ட் கட்சியினர் போராட்டத்தில் ஈடுபட்டதையடுத்து அந்தப் பெண்ணைத் தாக்கிய 7 பேர் மீது, எஸ்.சி/எஸ்.டி வன்கொடுமைத் தடுப்புச் சட்டத்தின் கீழ் வழக்குப்பதிவு செய்யப்பட்டு விசாரணை நடத்தப்பட்டு வருகிறது.

போராட்டத்தில் ஈடுபட்ட கம்யூனிஸ்ட் கட்சியினர் கூறுகையில், அந்த ஊரில், சர்வே எண் 77 என்று குறிப்பிடப்பட்ட நிலத்தில் பட்டியல் சமூக மக்கள் வேளாண் தொழில் செய்துவருகின்றனர். அந்த நிலம், அவர்களுக்கு அரசினால் ஒதுக்கப்பட்ட நிலமாகும்.

ஆனால் திடீரென தெலுங்கு தேசம் கட்சியினர் அப்பகுதிக்கு ஜே.சி.பி வாகனத்தோடு வந்தனர். முன்னறிவிப்பு ஏதும் இல்லாமல் அங்கு பயிரிடப்பட்ட பயிர்கள் அனைத்தையும் அப்புறப்படுத்தி அழித்தனர்.

இதை எதிர்த்து அங்கிருந்த பட்டியல் சமூக மக்கள் குரல்கொடுத்ததால், அவர்கள் அந்தப் பெண்ணைத் தாக்கி, அவருடைய ஆடைகளைக் கிழித்தெறிந்தனர் என்று கூறியுள்ளார்கள்.

 
கணவன் சடலத்துடன் நோய்வாய்ப்பட்ட வயதான மனைவி 24 மணி நேரம் தனியாக இருந்தது சோகத்தை ஏற்படுத்தியுள்ளது.

உத்தரபிரதேச மாநிலத்தின் முசாபூர்நகரில் தான் இச்சம்பவம் நடந்துள்ளது. ஆத்மராம் கார்க் (78) என்ற முதியவர் தனது மனைவி ஓம்வதி (72) என்பவருடன் அங்குள்ள ஒரு வீட்டில் வசித்து வந்தார். தம்பதிக்கு இரண்டு மகன்கள் உள்ள நிலையில் இருவரும், வெவ்வேறு நகரில் தங்கி பணிபுரிந்து வருகின்றனர்.

இந்நிலையில், சில தினங்களுக்கு முன்னர் இரவு வேளையில் வீட்டு கட்டிலில் படுத்திருந்த ஆத்மராம் தவறி கீழே விழுந்து இறந்துள்ளார். அடுத்தநாள் காலை எழுந்து கணவர் சடலமாக கிடப்பதை பார்த்த ஓம்வதி இது குறித்து யாருக்கும் தகவல் கொடுக்காமல் கணவர் அருகிலேயே நாற்காலியில் அமர்ந்தவாறு நாள் முழுக்க இருந்துள்ளார்.

வயதான தம்பதியின் வீட்டு கதவு வெகுநேரமாக திறக்காததை கண்டு சந்தேகமடைந்த அக்கம்பக்கத்தினர் இது குறித்து பொலிசுக்கு தகவல் கொடுத்தனர்.

சம்பவ இடத்துக்கு வந்த பொலிசார் கதவை உடைத்து பார்த்த போது ஆத்மராம் சடலமாக கிடந்தார். அப்போது தான் அவர் மனைவியால் எழுந்து நடக்க முடியாது எனவும், குனிந்து கணவரை கூட தொடமுடியாமல் அதிர்ச்சியில் உட்கார்ந்திருந்ததும் தெரியவந்தது.

இது குறித்து தம்பதியின் மகன்களுக்கு பொலிசார் தகவல் கொடுத்தும் அவர்கள் அங்கு வர மறுத்துவிட்டனர். இதையடுத்து ஆத்மராம் சடலத்தை பொலிசார் கைப்பற்றினார்கள்.

கடைசி காலத்தில் முதிய தம்பதியை பராமரிக்க ஆள் இல்லாததால், நடந்த இந்த சம்பவம் அங்குள்ள மக்களிடம் சோகத்தை ஏற்படுத்தியுள்ளது.

புனேவில் காலையில் திருமணம் செய்துகொண்ட பின்னுக்கு இரவில் விவாகரத்து வழங்கப்பட்டுள்ளது.

Kanjarbhat சமூகத்தை சேர்ந்த பெண்களுக்கு கன்னித்தன்மை பரிசோதனை என்பது காலம் காலமாக பின்பற்றப்பட்டு வருகிறது. திருமணமான அன்று பெண்களுக்கு ஒரு வெள்ளைப்போர்வை கொடுத்து பெண்களின் கன்னித்தன்மை சோதனை செய்யப்படும். அந்த பரிசோதனையில் பெண்கள் தோற்றுவிட்டால், அந்த திருமணம் விவாகரத்தில் முடியும்.

இதுகுறித்து பொலிசாரிடமும் பாதிக்கப்பட்ட பெண்கள் புகார் கொடுப்பதில்லை. சமீபத்தில் 20 வயது இளம்பெண் ஒருவருக்கு திருமணம் நடைபெற்றுள்ளது.

திருமண நாளன்று இரவு, இவரின் கன்னித்தன்னை சோதனை செய்யப்பட்டபோது, இவர் அதில் தோல்வியுற்றுள்ளார். இதனால், கணவர் அப்பெண்ணை விவாகரத்து செய்யும் முடிவினை எடுத்துள்ளார். இதனால் அந்த சமூகத்தை சேர்ந்த அதிக பெண்கள் பாதிக்கப்படுகின்றனர்.

இந்த விவகாரத்தில் ஏதேனும் பிரச்சனை ஏற்பட்டால் பஞ்சாயத்தை வைத்து முடித்துக்கொள்கிறார்கள். இந்த பரிசோதனை முறைக்கு இந்த சமூகத்தை சேர்ந்த படித்த 30 இளைஞர்கள் பேஸ்புக் மற்றும் வாட்ஸ் அப் வாயிலாக விழிப்புணர்வை ஏற்படுத்தி வருகின்றனர்.