கிருஷ்ணகிரி மாவட்டத்தில், விடுமுறை நாள் என்பதால் தங்களது தோழிகளுடன் சேர்ந்து ஒன்றாக குளிக்க சென்ற போது ஏரியில் மூழ்கி 2 மாணவிகள் உயிரிழந்த சம்பவம் பெரும் சோகத்தை ஏற்படுத்தியுள்ளது.

கிருஷ்ணகிரி மாவட்டம் ஊத்தங்கரை அருகே கீழ்மத்தூர் கிராமத்தைச் சேர்ந்தவர் பழனி (41). இவரது மகள் சாரு நேத்ரா (13). காரப்பட்டு அரசு மேல்நிலைப்பள்ளியில் நேத்ரா 8ம் வகுப்பு படித்து வந்தார்.

நேத்ராவின் வீட்டிற்கு திருவிழாவில் உறவினர்கள் குடும்பத்துடன் வந்திருந்த நிலையில், சேலம் செவ்வாய்பேட்டை பகுதியைச் சேர்ந்த பி.சி.ஏ. முதலாம் ஆண்டு படிக்கும் மாணவி நீலாஸ்ரீயும் (17) வந்திருந்தார்.

இந்நிலையில் நேற்று காலை நீலாஸ்ரீ, சாரு நேத்ரா மற்றும் நேத்ராவின் தோழிகள் என 5 பேர் ஒன்றாக சேர்ந்து, குளிப்பதற்காக கீழ்மத்தூர் அருகேயுள்ள செட்டியார் வட்டம் ஏரிக்கு சென்றுள்ளனர்.

மாணவிகள் அனைவரும் குளித்துக் கொண்டிருந்த போது, நேத்ராவும், நீலாஸ்ரீயும் ஏரியின் ஆழமான பகுதிக்கு சென்றதால் தண்ணீரில் மூழ்கி தத்தளித்து உயிருக்கு போராடிய படியே கூச்சலிட்டனர். இதனை பார்த்ததும் உடன் வந்த தோழிகள் அதிர்ச்சியில் கூச்சலிட்டனர். அதற்குள் இருவரும் தண்ணீரில் மூழ்கினர்.

மாணவிகளின் கூச்சல் கேட்டு அங்கு விரைந்து சென்ற அக்கம்பக்கத்தினர், உடனடியாக ஏரிக்குள் இறங்கி 2 மாணவிகளையும் தேடினர்.

சிறிது நேரத்தில் நீலாஸ்யும், சாரு நேத்ராவின் உயிரிழந்த நிலையில் சடலங்களாக மீட்கப்பட்டனர். இந்த சம்பவம் தொடர்பாக போலீசார் வழக்குப்பதிவு செய்து மேற்கொண்டு விசாரணை நடத்தி வருகின்றனர்.

சமீப காலங்களாக தமிழகத்தில் திருமணமான புதுமண தம்பதியர் தற்கொலை செய்துக் கொள்ளும் எண்ணிக்கையும், விவாகரத்து பெறும் எண்ணிக்கையும் அதிகரித்து வருகிறது.

இந்நிலையில் திருமணமான மூன்று மாதங்களிலேயே சென்னை பெருங்களத்தூரில் அடுக்குமாடி குடியிருப்பு ஒன்றின் 12வது மாடியில் இருந்து கீழே குதித்து பெண் மருத்துவர் தற்கொலை செய்துக் கொண்ட சம்பவம் சோகத்தை ஏற்படுத்தியுள்ளது.

ராமநாதபுரம் மாவட்டத்தைச் சேர்ந்தவர் ஜோதீஸ்வரி (30). மருத்துவரான இவர் சென்னை கோடம்பாக்கத்தில் வசித்து வந்தபடியே மீனம்பாக்கத்தில் உள்ள சி.ஜி.எச்., மத்திய அரசு மருத்துவமனையில் மருத்துவராக பணியாற்றி வந்தார்.

இந்நிலையில் இவருக்கும் ராமநாதபுரத்தை சேர்ந்த ஐ.டி., ஊழியரான யுதிஸ்வரன் (34) என்பவருக்கும் இடையே கடந்த ஆண்டு திருமணம் நடந்தது.

திருமணமான மூன்று மாதங்களிலேயே இருவருக்கும் கருத்துவேறுபாடு எழுந்த காரணமாக யுதிஸ்வரன், மனைவியை பிரிந்து சொந்த ஊருக்கே சென்று வீட்டில் இருந்தே பணிபுரிந்து வருவதாகவும் கூறப்படுகிறது.

இந்நிலையில் தொடர் விடுமுறை என்பதால் பெருங்களத்தூர் 12 மாடிகள் கொண்ட அடுக்குமாடி குடியிருப்பில் வசித்து வரும் தனது சகோதரி முத்துலட்சுமி வீட்டிற்கு சென்ற ஜோதீஸ்வரி, அன்று மாலை வீட்டிற்கு புறப்படுகையில், லிப்டில் இருந்து கீழே இறங்காமல் மொட்டை மாடிக்கு சென்று,

அங்கே தனது செருப்பு, கைப்பையை கழற்றி வைத்துவிட்டு, 12வது மாடியில் இருந்து கீழே குதித்தார். இதில் உடல் நசுங்கி சம்பவ இடத்திலேயே பரிதாபமாக உயிரிழந்தார். இது குறித்து சம்பவ இடத்திற்கு விரைந்த பீர்க்கன்காரணை போலீசார்,

ஜோதீஸ்வரியின் சடலத்தைக் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்து விட்டு, வழக்குப்பதிவு செய்து மேற்கொண்டு விசாரணை நடத்தி வருகின்றனர்.

கர்நாடகா மாநிலம், பெங்களூருவில் ஐடி நிறுவனம் ஒன்றில் பணிபுரிந்து வரும் நண்பர்கள் 12 பேர் ஒன்று சேர்ந்து பெங்களூரில் இருந்து டெம்போ டிராவலர் வண்டியில் இன்ப சுற்றுலாவாக பாண்டிசேரிக்கு வந்துள்ளனர்.

பாண்டிச்சேரியில் அனைத்து இடங்களையும் சுற்றிப் பார்த்து விட்டு, ஆனந்தமாக கடற்கரையில் செல்ஃபி புகைப்படங்களை எடுத்து மகிழ்ந்து, கடலில் குளிப்பதற்காக இறங்கி ஆட்டம் போட்டனர்.

அந்த பகுதியில் ஆழம் அதிகம் என்றிருந்த எச்சரிக்கை கயிற்றை கவனிக்காமல் அதைத் தாண்டியும் குளிக்க சென்றதாக கூறப்படுகிறது. இந்நிலையில் கடலில் குளித்தவர்களில் பெண் என்ஜினியர் உட்பட 5 பேர் திடீரென கடல் அலையில் இழுத்து செல்லப்பட்டனர்.

கர்நாடகாவைச் சேர்ந்த மேகா (29), ஹூப்ளியைச் சேர்ந்த மேத்தி (23), குஜராத்தைச் சேர்ந்த அதிதி (23), ஜீவன் (23), விஜயவாடாவைச் சேர்ந்த பவன்குமார் (25) உட்பட 12 பேர் ஒரு டெம்போ டிராவலர் வாகனத்தில் புதுச்சேரிக்கு சுற்றுலா வந்த நிலையில் அரியாங்குப்பம் அருகே சின்னவீராம்பட்டினத்தில் உள்ள “ஈடன்” கடற்கரையில் குளித்த போது இந்த விபரீதம் நிகழ்ந்துள்ளது.

அலையில் சிக்கிய மேகா, பிரட்சுவால் மேத்தி, பவன்குமார், அதிதி, ஜீவன் ஆகிய 5 பேரும் கூச்சலிட்ட நிலையில் அருகில் நின்ற நண்பர்களும், பொதுமக்களும் காப்பாற்ற முயன்றனர்.

அங்கிருந்த மீனவர்கள் கடலில் இறங்கி மூழ்கிய 5 பேரையும் கடற்கரைக்கு இழுத்து வந்த நிலையில், உடனடியாக அருகில் உள்ள மருத்துவமனைக்கு கொண்டு செல்லப்பட்டனர். அங்கு மருத்துவர்கள் பரிசோதித்ததில் 3 பேர் ஏற்கெனவே உயிரிழந்ததாக தெரிவித்தனர்.

மேகா, மேத்தி, பவன்குமார் ஆகிய 3 பேரும் பரிதாபமாக உயிரிழந்தனர். சந்தோஷமாக சுற்றுலா வந்த நிலையில், நண்பர்கள் 3 பேரை பறிகொடுத்த துயரம் சோகத்தில் ஆழ்த்தியது. இது தொடர்பாக போலீசார் வழக்கு பதிவு செய்து விசாரணை நடத்தி வருகின்றனர்.

தாய் ஒருவர் தன் மகனிடம் ஆங்கிலத்தில் பேசியபோது ஆங்கிலத்தில் பேசாதே… தமிழில் பேசு அம்மா என சிறுவன் அழுது அடம்பிடிக்கும் காணொளி சமூகவலைத்தளங்களில் வைரலாகியுள்ளது.

சிறுவன் ஒருவனிடம் அவனுடைய தாய் ஆங்கிலத்தில் பேசுகிறார். அது பிடிக்காமல், அந்த சிறுவன் அழுது கொண்டே, ஒழுங்கா பேசுமா என கூறுகிறான். அதற்கு, அழக்கூடாது என ஆங்கிலத்தில் கூறியபடியே, ஒழுங்காக என்றால் எப்படி? என அவர் தமிழில் கேட்கிறார்.

அதற்கும் தமிழில் பேசு அம்மா என கூறி சிறுவன் அடம்பிடிக்கின்றார் பள்ளியில் ஆசிரியர் எப்படி பேசுவார்கள்? தமிழிலா அல்லது ஆங்கிலத்திலா என கேட்க, சிறுவன் யோசித்தபடி ஆங்கிலத்தில் என பதில் கூறுகிறான்.

உடனே அந்த தாய், அதனால் நானும் ஆங்கிலத்திலேயே பேசுகிறேன் என ஆங்கிலத்தில் கூற, அதற்கு சிறுவனோ நான் சொன்னத கேளு என மழலையாக கூறுகிறான். இந்நிலையில் 52 ஆயிரத்திற்கும் மேற்பட்டோர் வீடியோவை பார்வையிட்டு உள்ளனர்.

தற்போதைய காலகட்டத்தில் தமிழில் பேசுவதை தவிர்த்து ஆங்கிலம் கலந்த தமிழிலேயே பலரும் பேசி வருகின்றனர்.

அலுவலகங்களில்ம் , வெளியேறும் ஏன் வீடுகளிலும் இதே நிலமைதான். இந்நிலையில் தமிழில் தாயை பேசவைக்க சிறுவன் அழுது அடம்பிடிக்கும் காணொளி சமூகவலைத்தளங்களில் வைரலாகியுள்ளது.

இவளுக English இம்சைக்கு அளவேயில்ல.

“ஒழுங்கா பேசுமா”,
“என்னம்மா பிரச்சனை உனக்கு”
எவ்ளோ மனசு கஷ்டம்ல கேக்குறான்.

ஸ்கூல்லயும் pressure ,
வீட்டுலயும் pressure .
பாவம் பையன்🥺.

அம்மாக்கும், teacher க்கும் different தெரியாத இவ எல்லாம்.. pic.twitter.com/ZP3CgyNjIK

— BINDU-ബിന്ദു. (@_BindhuR_) August 17, 2025