பிரேசிலின் தெற்கு பகுதியில் கடந்த திங்கட்கிழமை இளைஞர் ஒருவரை கொள்கையர்கள் மூவர் கோடூரமாக தாக்கியுள்ளனர்.
குறித்த இளைஞன் பயிற்சி ஒன்றிற்காக பிரேசிலின் தெற்கு பகுதிக்கு சென்றுள்ளார்.

இதன்போது இளைஞரை மூன்று கொள்ளையர்கள் வாளால் தாக்கியதில், குறித்த இளைஞரின் கழுத்தின் பாதி பகுதி வெட்டுப்பட்டுள்ளது.

இந்நிலையில் குறித்த இளைஞர் இறந்துவிட்டார் என நினைத்து பள்ளத்தில் தள்ளிவிட்டு, அவரிடமிருந்த கையடக்க தொலைபேசிகளை கொள்ளையர்கள் கொள்ளையிட்டுச் சென்றுள்ளனர்.

இதன்போது குறித்த இளைஞர் தான் இறந்தது போல் பாவனை செய்து, இரவு முழுவதும் பாதி தலையை பிடித்தாவாறு இருந்துள்ளார்.

கழுத்தின் திசுக்கள் மற்றும் தோல்கள் என்பன கழுத்தின் பாதி பகுதியில் முழுமையாக வெட்டப்பட்டிருந்தது.

இந்நிலையில் கொள்ளையர்கள் மீது உள்ள பயத்தால் இளைஞர் இரவு முழுதும் கடும் வேதனையுடன் அதே இடத்தில் மறைந்திருந்துள்ளார்.

பின்னர் விடிந்ததும் பாதி தலையினை ஒரு கையில் தாங்கியவாரு சுமார் கால் மைல் தூரம் நடந்துசென்று வீதியின் ஓரத்தில் அமர்ந்துள்ளார்.

இதன்போது அப்பகுதிக்கு தீயணைப்பு வாகனமொன்று வந்துள்ளது. இந்நிலையில் அதிலுள்ள வீரர்கள் இளைஞரை பார்த்து அதிர்ச்சியடைந்துள்ளனர்.

இளைஞர் குறித்த வீரர்களிடம் கொள்ளையர்கள் தன்னை தாக்கி கொலைசெய்ய முயன்றதாக தெரிவித்துள்ளார்.

பின்னர் உடனடியாக செயற்பட்டு, அம்பியுலன்ஸை வர வைத்து இளைஞரை வைத்தியசாலைக்கு அனுப்பிவைத்துள்ளனர்.

இந்நிலையில் வைத்தியசாலையில் அனுமதிக்கப்பட்ட இளைஞருக்கு சத்திரசிகிச்சை மேற்கொள்ளப்பட்டு வருவதாக தெரிவிக்கப்பட்டுள்ளதுடன், மேலதிக தகவல்கள் எதுவும் கிடைக்கவில்லையென தெரிவிக்கப்பட்டுள்ளது.

தாக்குதலுக்குள்ளனாவர் 18 வயதான பெட்ரிக் டி சவுஷா என்ற இளைஞர் என தெரியவந்துள்ளது.

எவ்வாறாயினும் துண்டிக்கப்பட்ட பாதி கழுத்துடன் குறித்த இளைஞர் இரவு முழுவதும் தங்கி, கால் மைல் தூரம் நடந்து வந்துள்ளமை அனைவரையும் ஆச்சரியத்துக்குள்ளாக்கியுள்ளது.

6 அங்குலம் உயரமான வேற்றுக்கிரகவாசிகள் பூமிக்கு வருகை தந்துள்ளதாகவும் அவர்கள் பூமியில் வாழ்ந்து வந்தமைக்கும் ஆதாரங்கள் கிடைக்கப் பெற்றுள்ளதாகவும் ஊடகங்கள் செய்தி வெளியிட்டுள்ளன.

வேற்றுகிரக வாசிகள் இருக்கிறார்களா இருந்தால் அவர்கள் எப்படி இருப்பார்கள் நம்மை போன்று இருப்பார்களா அல்லது சினிமாவில் காட்டப்படும் உருவங்களில் இருப்பார்கள் இது போன்ற எண்ணற்ற கேள்விகள் நம் மனதில் எழுவதுண்டு.

வேற்று கிரகவாசிகள் உள்ளார்களா என்ற கேள்விக்கு பெரும்பாலான விஞ்ஞானிகள் கிட்டத்தட்ட ஆம் எனறே பதிலளித்து வருகின்றனர்.

தோமஸ் ஹேர் என்ற விஞ்ஞானி வேற்று கிரக வாசிகள் நமக்கு அருகிலோ, வெகு தொலைவிலோ நம்மை போலவே ஒரு கூட்டம் உயிர் வாழ்வதற்கான சாத்தியக்கூறும் இருக்கிறது. ஆனால், அவர்கள் உணவு சாப்பிட்டு, தண்ணீர் குடித்து நம்மை போலவே இருப்பார்களா என்பது சந்தேகம். அவர்கள் வேறு மாதிரியாக இருக்கவும் வாய்ப்பு உள்ளது. ஒருவேளை, அப்படி யாராவது எங்காவது இருந்தால் நம்மை கண்டுபிடிப்பதும் சிரமம் அல்ல. அவர்களது இடத்தில் இருந்து பயணிக்க தொடங்கியிருந்தால் 500 ஆண்டுகளிலேயே நம்மை அடைந்திருக்கலாம் என கூறியுள்ளார்.

இந்த நிலையில் பிலெய்டன் என அழைக்கப்படும் வேற்றுகிரகவாசிகள் வடமேற்கு ஆர்ஜென்டினாவில் இருந்து 70 மைல் தூரத்தில் இருக்கும் மலைப்பகுதிகளில் வாழ்ந்து வருவது கண்டுபிடிக்கப்பட்டுள்ளதாக பறக்கும் தட்டுகள் குறித்து ஆராய்ச்சி செய்து வரும் யுஎப்ஓ சார்ந்த பத்திரிக்கையில் தெரிவிக்கபட்டுள்ளது.

ஆர்ஜென்டினாவில் மொத்தம் 30 பிரிவினர் இருப்பதாகவும் அவர்கள் தங்களது பரிணாம வட்டத்தின் இறுதியை நெருங்கி விட்டதாகவும் கூறப்பட்டுள்ளது.

பிலெய்டன் பேஸ் காச்சி, லா போமா, ரூட் 40 இடையே இருக்கலாம் என்றும், இதன் மற்ற பிரிவினர் பிரபஞ்சத்தின் மூலைகளில் இருக்கலாம் என்றும் கூறப்படுகின்றது.

இதன் முக்கிய தளமானது வளைந்து நெளிந்து செல்லும் பாதைகளில் மறைந்திருப்பதாகவும் தெரிவிக்கப்பட்டுள்ளது.

வேற்றுக்கிரக புத்திஜீவிகள் தொடர்பிலான ஆய்வுகளும் மர்மங்களும் தொடர்ந்த வண்ணமே இருக்கின்றது. ஆனால் அறிவியல் அறிந்த, கண்டுபிடித்த உண்மைகள் மட்டும் வெளிப்படுத்தப்படுவதில்லை.

அந்த வகையில் பூமிக்கு வேற்றுக்கிரக வாசிகளின் வருகைகள் இடம்பெற்று வந்ததாகவே விண்வெளி தொடர்பில் ஆய்வு செய்பவர்களின் நம்பிக்கை.

அதற்கான ஆதாரத் தேடல்களுக்கு மட்டும் குறைவில்லாமல் தொடர்ந்தும் நடைபெற்றுக் கொண்டு இருக்கின்றன.

அந்த வகையில் சிலி நாட்டு மலைப்பகுதியில் 6 அங்குல உயரம் கொண்ட மனித உடலமைப்பை ஒத்த எழும்புக் கூடு ஒன்று கண்டுபிடிக்கப்பட்டது.

ஒஸ்கர் முனோல்ஸ் என்பவர் இதனை கண்டுபிடித்துள்ளார், அதனைத் தொடர்ந்து இது குறித்த ஆய்வுகள் தீவிரப்படுத்தப்பட்டன. அதனால் மேலும் பல எலும்புக்கூடுகளும் கண்டு பிடிக்கப்பட்டன.

பின்னர் ஸ்டீவன் கீரீயர் எனப்படும் ஆய்வாளர் மற்றும் எலும்பியல் டி.என்.ஏ நிபுணர் மூலமாக ஆய்வுகள் நடத்தப்பட்டுள்ளது. அதில் கிடைத்த ஆய்வு முடிவுகள் ஆச்சரியம் அளித்துள்ளது.

அதாவது குறித்த எலும்புகளோடு பூமிக்கு சம்பந்தப்படாத உலோகம் கலந்துள்ளதாகவும் கண்டறியப்பட்டுள்ளது, பின்னர் இதன் ஆய்வுகள் வேற்றுக்கிரகங்கள் தொடர்பில் ஆய்வு செய்பவர்களோடு இணைத்துக்கொள்ளப்பட்டு, வேறு கோணங்களில் ஆய்வுகள் நடாத்தப்பட்டுள்ளன.

அந்த ஆய்வுகள் மூலம் குறித்த எலும்புகள் வேற்றுக்கிரகவாசிகளுடையவை எனவும் அவர்கள் பூமிக்கு வந்து சென்றுள்ளார்கள் எனவும் ஆய்வாளர்கள் தெரிவித்துள்ளனர்.

குறித்த உயிரினம் சிரியஸ் எனப்படும் நட்சத்திரத் தொகுதிக்கு உரியவையாக இருக்கலாம் என்றும் அவர்கள் சந்தேகம் வெளியிட்டுள்ளனர்.

மேலும் இவை வேற்றுக்கிரகவாசிகள் தொடர்பில் கிடைக்கப்பெற்ற மிகப்பெரிய ஆதாரம் அதனால் வேற்றுக் கிரகவாசிகள் இருப்பது உண்மை எனவும் ஆய்வாளர்கள் நம்பிக்கை வெளியிட்டுள்ளனர்.

குழந்தைகள் திருமணம் குற்றமான விடயமல்ல என புதிய சட்டவாக்கமொன்று மலேசியாவில் இயற்றப்பட்டுள்ளது.

மலேசியாவில், 12 வயதிற்குட்பட்ட குழந்தைகளும் பக்குவமடைந்தவர்களாக இருப்பதனால், குறித்த காலகட்டத்தில் உடல் மற்றும் மனோரீதியாக அவர்கள் திருமணத்திற்குத் தயாராகி விடுகின்றனர். அதனால் திருமணத்திற்கு வயது ஒரு தடையாக இல்லை என மலேசியாவில் சட்டமொன்று இயற்றப்பட்டு, பாராளுமன்றத்தில் விவாதமொன்றும் இடம்பெற்றுள்ளது.

குறித்த விவாதத்தில் பேசியுள்ள மலேசிய ஆளும்கட்சி பாராளுமன்ற உறுப்பினர் ஒருவரே, திருமணத்திற்கு வயது ஒரு தடையல்ல என தெரிவித்துள்ளார். இருப்பினும் குறித்த சட்டவாக்கத்திற்கு அந்நாட்டு எதிர் கட்சி ஆதரவு அளிக்கவில்லை.

மேலும் மலேசியாவில் நடைமுறையிலுள்ள குடிமையியல் மற்றும் இஸ்லாமிய சட்டங்களின்படி ஆண், பெண் இருவரும் 18 வயதுக்குக் குறைவாகவே திருமணம் செய்து கொள்கின்றனர். குடிமையியல் சட்டத்தின்படி திருமண வயது 18 ஆக இருந்தாலும், அந்நாட்டு மாநில முதல்வர்களின் அனுமதியை பெற்று 16 வயதிலேயே திருமணம் செய்து கொள்கின்றனர் என்பது குறிப்பிடத்தக்கது.

சீனாவில் மணப்பெண் கிடைக்காததால் வாலிபர் ஒருவர் ரோபோட் எந்திரத்தை திருமணம் செய்து கொண்ட சம்பவம் நடந்துள்ளது.

சீனாவில் தம்பதியினர் ஒரு குழந்தை மட்டுமே பெற்று கொள்ள வேண்டும் என்று சட்டம் இருந்தது. எனவே, பெரும்பாலான தம்பதியினர் ஆண் குழந்தைகளை மட்டுமே தேர்வு செய்து பெற்றுக்கொண்டனர். இதனால் பெண் குழந்தைகள் பிறப்பு மிக குறைவாக இருந்தது.

அவர்கள் வளர்ந்து ஆளாகி உள்ள நிலையில் தற்போது ஆண்களுக்கு மணப்பெண்கள் கிடைக்கவில்லை. இதனால் பல ஆண்கள் அதிக வயது ஆகியும் திருமணம் செய்து கொள்ள முடியாமல் இருக்கிறார்கள்.

இப்படி பெண் கிடைக்காததால் வாலிபர் ஒருவர் ரோபோட் எந்திரத்தை திருமணம் செய்து கொண்ட சம்பவம் நடந்துள்ளது. அந்த வாலிபரின் பெயர் செங் ஜியா ஜியா (வயது 31). ரோபோட் என்ஜினீயரான இவர், பல்வேறு ரோபோட்டுகளை உருவாக்கி உள்ளார்.

கடந்த ஆண்டு இளம்பெண்ணை போன்ற தோற்றம் உடைய ரோபோட் ஒன்றை உருவாக்கினார். அதற்கு இங் இங் என்று பெயரிட்டார்.

செங் ஜியா ஜியா திருமணத்துக்கான பெண் தேடி வந்தார். அவருக்கு பெண் கிடைக்கவில்லை. இதனால் அவர் உருவாக்கிய பெண் ரோபோட்டையே திருமணம் செய்து கொள்ள முடிவு செய்தார். இதற்கு அவரது குடும்பத்தினரும் சம்மதம் தெரிவித்தனர்.

இதையடுத்து அவருக்கு காங்சுகு என்ற இடத்தில் திருமணம் நடைபெற்றது. இதில் அவரது தாயார் மற்றும் உறவினர்களும் கலந்து கொண்டனர்.

அவர்களுடைய பாரம்பரியப்படி திருமணம் முடிந்ததும் மணப்பெண்ணின் முகத்தை மூடி அவரை மணமகன் தூக்கி செல்வது வழக்கம். அதேபோல் ரோபோட்டின் முகத்தை மூடி மணமகன் தூக்கி சென்றார்.

இந்த ரோபோட்டின் எடை 30 கிலோ. இதனால் சில வார்த்தைகளை பேச முடியும். கேட்ட கேள்விகளுக்கு பதிலும் சொல்லும். ஆனாலும், திருமண வாழ்க்கைக்கு தகுந்தபடி செயல்பட ரோபோட்டில் சில மாற்றங்களை செய்ய இருப்பதாக செங் ஜியா ஜியா கூறினார்.