பனாமா கொடியுடன் பயணித்த டெனிலா என்ற சரக்கு கப்பலில் பாரிய தீ விபத்து ஏற்பட்டுள்ளது.கொழும்பிலிருந்து 11 மைல் தொலைவில் பயணித்த கப்பலில் தீ ஏற்பட்டுள்ளதாக இலங்கை கடற்படைக்கு, கப்பலின் உள்ளூர் பிரதிநிதியினால் அறிவிக்கப்பட்டுள்ளது.

இந்த அனர்த்தம் நேற்றிரவு இடம்பெற்றதாக கொழும்பு ஊடகம் ஒன்று அறிவித்துள்ளது.அதற்கமைய உடனடியாக செயற்பட்ட இலங்கை கடற்படையினர், தீயினை கட்டுப்படுத்துவதற்காக பீ 412 மற்றும் பீ 436 என்ற வேக தாக்குதல் படகுகள் இரண்டினை அனுப்பி வைத்துள்ளனர்.

மேலும் கொழும்பு துறைமுகத்தில் உள்ள இராவணா மற்றும் மஹாவெவ் என்ற இழுபறி படகுகள் இணைக்கப்பட்டுள்ளன. இராவணா மற்றும் மஹாவெவ் இழுபறி படகுகள் தீ பிடித்த கப்பலுக்கு அருகில் சென்று தீயை கட்டுப்படுத்துவதற்கான நடவடிக்கை மேற்கொள்ளும் வரை பீ 412 மற்றும் பீ 436 என்ற வேகமான தாக்குதல் படகுகள், அந்த கப்பல் ஊழியர்களின் உயிரை காப்பாற்றுவதற்கும், கப்பலில் ஏற்பட்ட நட்டத்தை குறைப்பதற்காகவும், நடவடிக்கை மேற்கொண்டுள்ளது.

அதற்கமைய இராவணா மற்றும் மஹாவெவ் இழுபறி படகுகளினால் தீயை கட்டுப்படுத்தும் நடவடிக்கை மேற்கொள்ளப்பட்டுள்ளது. தீ கட்டுப்பாட்டுக்குள் கொண்டு வரும் வரையில் 2 தாக்குதல் படகுகளும் கடல் எல்லையில் தடுத்து வைக்கப்பட்டுள்ளதாக கடற்படை தெரிவித்துள்ளது.

இதேவேளை இந்திய கடற்படைக்கு சொந்தமான ஐ.என்.எஸ் காரியல் மற்றும் ஐ.என்.எஸ் தர்ஷாக் ஆகிய இரண்டு கப்பல்கள் சம்பவ இடத்திற்கு விரைந்துள்ளன.

கொழும்பில் இருந்து மேற்கு பகுதியில் 11 கடல்மைல் தொலைவில் வணிகக் கப்பல் ஒன்றில் தீ விபத்து ஏற்பட்டதாக தகவல் வந்துள்ளது. தீயை அணைக்கும் பணிக்காக கடற்படை கப்பல்கள் அனுப்பப்பட்டுள்ளதாக கடற்படை செய்தித் தொடர்பாளர் டி.கே சர்மா தெரிவித்துள்ளார். எனினும் கப்பலில் ஏற்பட்ட தீ விபத்திற்கான காரணம் தெரியவில்லை.

இலங்கைக்கு நேர்கோட்டில் சூரியன் காணப்படுவதால் நாட்டில் நிலவும் அதிக வெப்பநிலை எதிர்வரும் 15ம் திகதி வரை நீடிக்கும் என வானிலை அவதான நிலையம் தெரிவிக்கின்றது.

தற்போது நாட்டின் பல பிரதேசங்களில் 30 செல்சியஸிற்கும் அதிகமான வெப்பநிலை காணப்படுவதாகவும் இன்று பிற்பகல் 12.15 மணியளவில் ஹம்பாந்தோட்டை மாவட்டத்தில் சூரியன் நேராகக் காணப்படும் என்றும் அந்த மாவட்டத்தில் வெப்பநிலை அதிகமாக இருக்கும் என்றும் மேற்படி நிலையம் தெரிவிக்கின்றது.

இந்த வெப்பநிலை யாழ்ப்பாணத்தில் எதிர்வரும்15 ம் திகதி காணப்படுவதோடு அத்துடன் வெப்பநிலை தணிந்து விடும் என்றும் வானிலை அவதான நிலையம் தெரிவித்தது.

இலங்கைக்கு நேர்க் கோட்டில் சூரியன் காணப்படுவதால் தற்போது நாட்டில் வீசும் காற்றின் வேகம் குறைவடைந்துள்ளதாகவும் அதன் காரணமாகவே வெப்பநிலை அதிகரித்துக் காணப்படுவதாகவும் அந்நிலையம் தெரிவித்தது.

இதேவேளை, மேற்கு மற்றும் தென் மாகாணத்தின் சில பிரதேசங்களில் பிற்பகல் வேளைகளில் மழை பெய்யும் என்றும் வளிமண்டலவியல் திணைக்களம் தெரிவிக்கின்றது.

 
திஸ்ஸமஹாராம, யோதகண்டிய, உத்தகந்தர பிரதேசத்தில் பெண்ணொருவர் தனது கணவனை கொலை செய்து வீட்டில் உள்ள கழிவறை குழியில் புதைத்து வைத்துள்ளதாக பொலிஸ் விசாரணையில் தெரியவந்துள்ளது.

இது குறித்து விரிவான விசாரணைகளை ஆரம்பித்துள்ளதாக தங்காலை பொலிஸ் பிரிவின் சிரேஷ்ட பொலிஸ் அத்தியட்சகர் தனபால அபேவிக்ரம தெரிவித்துள்ளார். இந்த சம்பவம் குறித்து மேலும் தெரியவருவதாவது,

கடந்த பெப்ரவரி 16ஆம் திகதி தனது கணவன் வீட்டில் இருந்து சென்றதாகவும் அன்றில் இருந்து வீடு திரும்பவில்லை எனவும் தெரிவித்து குறித்த பெண் கடந்த மாதம் 18ஆம் திகதி திஸ்ஸமஹாராம பொலிஸ் நிலையத்தில் முறைப்பாடு செய்துள்ளார்.

இது குறித்து விசாரணை நடத்திய பொலிஸார் சந்தேகத்தின் பேரில் மனைவியை கைது செய்து விசாரணை நடத்தியுள்ளனர்.

இதில், “எனது கணவன் மதுபோதையில் வீட்டுக்கு வந்து காலை உணவை கேட்டு என்னுடன் சண்டையிட்டார், அப்போது நான் அவரை தள்ளி விட்டடேன், இதனால் அருகில் இருந்த தண்ணீர் தாங்கியில் பட்டு கீழே விழுந்தார். இதன் பின்னரே நான் என் கணவனை தாக்கி கொலை செய்தேன்” என குறித்த பெண் பொலிஸாரிடம் கூறியுள்ளார்.

இதன் பின்னர், வீட்டுக்கு அருகில் புதிதாக வெட்டப்பட்டிருந்த கழிவறை குழியில் உடலை போட்டு மூடியதாகவும் அந்தப் பெண் குறிப்பிட்டுள்ளார்.

34 வயதான மில்கோயா என்று அழைக்கப்பட்ட வீரசிங்க ஆராச்சிகே பிரியந்த என்பவரே இவ்வாறு மனைவியால் கொலை செய்யப்பட்ட நபர் என மேலும் தெரியவந்துள்ளது.

வீதியில் நின்­றி­ருந்த நபர் ஒரு­வரை முச்­சக்­கர வண்­டியில் ஏற்றிச் சென்று அவ­ருக்கு ஒரு­வகை மாத்­திரை கலந்த பியரை அருந்தக் கொடுத்து பாழ­டைந்த இட­மொன்றில் வைத்து அவர் அணிந்­தி­ருந்த சுமார் 1,75,000 ரூபா பெறு­ம­தி­யான தங்கச் சங்­கிலி மற்றும் பணத்தைக் கொள்­ளை­யிட்டுக் கொண்டு தப்பிச் சென்ற முச்­சக்­கர வண்­டியின் சார­தியை முச்­சக்­கர வண்­டி­யுடன் நேற்று முன்­தினம் கைது செய்­துள்­ள­தாக வென்­னப்­புவ பொலிஸார் தெரி­வித்­தனர்.

கொழும்பு பிர­தே­சத்தைச் சேர்ந்த 48 வய­தான முச்­சக்­கர வண்­டியின் சார­தியே இவ்­வாறு கைது செய்­யப்­பட்­டுள்­ள­துடன் வென்­னப்­புவ பிர­தே­சத்தைச் சேர்ந்த 50 வய­து­டைய நபரே இச்­சம்­ப­வத்­திற்கு முகங்­கொ­டுத்­த­வ­ராவார்.

கைது செய்­யப்­பட்ட முச்­சக்­கர வண்­டியின் சாரதி கொழும்­பி­லி­ருந்து சிலா­பத்­துக்கு வந்­து­விட்டு மீண்டும் கொழும்­புக்குத் திரும்பிக் கொண்­டி­ருந்த போது வென்­னப்­புவ பிர­தே­சத்தில் பஸ்­ஸூக்­காக காத்­தி­ருந்த நபர் ஒரு­வரை முச்­சக்­கர வண்­டியில் ஏற்றிக் கொண்டு சென்­றுள்­ள­தா­கவும் பின்னர் வென்­னப்­புவ பஸ் தரிப்­பி­டத்­துக்கு அருகில் வைத்து இரு­வரும் பியர் அருந்­தி­யுள்­ள­தா­கவும் தெரி­விக்­கப்­ப­டு­கின்­றது.

இவ்­வாறு பியர் அருந்­திய பின்னர் மயக்­க­ம­டைந்த நபர் கழுத்தில் அணிந்­தி­ருந்த தங்கச் சங்­கிலி மற்றும் அவ­ரி­ட­மி­ருந்த பணத்­தையும் கொள்­ளை­யிட்டுக் கொண்­டுள்ள முச்­சக்­கர வண்­டியின் சாரதி மயக்க நிலை­யி­லி­ருந்த நபரை நைனா­மடம் பிர­தே­சத்தில் வீதியில் இறக்கி விட்டு அங்­கி­ருந்து தப்பிச் சென்­றுள்ளார்.

இரு கால்களுடன் ஊனமான நிலையில் பிச்சையெடுத்துக்கொண்டிருந்த நபர் ஒருவர் செயல் பிரதேச மக்களுக்கு பேரதிர்ச்சியை ஏற்படுத்தியுள்ளது. இச்சம்பவம் கம்பஹா, கலவானை பகுதியில் பதிவாகியுள்ளது. சம்பவம் தொடர்பில் தெரியவருவதாவது

மிகவும் கஷ்டமான நிலையில் பிச்சையெடுத்து கொண்டிருந்த நபர் ஒருவர் தனது இறுதி பஸ்ஸில் ஏறுவதற்காக ஓடிச் சென்ற சம்பவம் மக்கள் மத்தியில் பரபரப்பினை ஏற்படுத்தியுள்ளது.

குறித்த நபர் தினமும் காலை முதல் மாலை வரை நகரத்திற்கு வரும் மக்களிடையே தமக்கு இரு கால்கள் இயலாமையினால் வேலைக்கு செல்ல முடியவில்லை என்றும் தனது வயிற்று பசிக்காக தான் பிச்சையெடுப்பதாகவும் தெரிவித்து பஸ்களில் கஷ்டப்பட்டு ஏறி பிச்சையெடுத்து வந்துள்ளார்.

இவரின் மீது இரக்கம் கொண்ட மக்கள் அவருக்கு உணவு மற்றும் பணமும் வழங்கி வந்துள்ளனர். இந்த நடவடிக்கை தினசரி நடைப்பெற்று வந்துள்ளது.

குறித்த சம்பவம் இடம்பெற்றுள்ள தினத்தில் இந்நபர் செல்லும் கடைசி பஸ் செல்வதற்கு தயார் நிலையில் இருந்துள்ளது. குறித்த நபர் மலசலக் கூடத்திற்கு சென்று தனது உடையினை மாற்றிவிட்டு வருவதற்கு முன் அவர் செல்லவேண்டிய பஸ் புறப்பட்டுச் சென்றுள்ளது.

அருகாமையில் இருந்த முச்சக்கரவண்டியின் ஏறியில் குறித்த பஸ்ஸினை பிடிக்க விரட்டிச் சென்று பஸ்ஸின் பின்புறமாக நிறுத்தி முச்சக்கரவண்டியிற்கு பணம் செலுத்தும் வேளையில் பஸ் புறப்படுவதை கண்ட குறித்த நபர், ஊன்றுகோல் இரண்டையும் கையில் எடுத்துக்கொண்டு பஸ்ஸில் ஓடிச்சென்று ஏறியுள்ளார். இச்சம்பவம் பெரும் பரபரப்பை ஏற்படுத்தியுள்ளது.

2017 ஆம் கல்வியாண்டின் முதலாம் தவணை விடுமுறைக்காக அரச மற்றும் அரச அனுமதி பெற்றுள்ள தனியார் பாடசாலைகள் இன்று மூடப்படவுள்ளன.

மூடப்படும் பாடசாலைகள் இரண்டாம் தவணை கல்வி நடவடிக்கைகளுக்காக எதிர்வரும் 26 ஆம் திகதி புதன்கிழமை மீண்டும் திறக்கப்படவுள்ள.

இதேவேளை முஸ்லிம் பாடசாலைகள் முதலாம் தவணை விடுமுறைக்காக நாளை மூடப்படவுள்ளதுடன் இரண்டாம் தவணை கல்வி நடவடிக்கைகளுக்காக எதிர்வரும் 19 ஆம் திகதி புதன்கிழமை மீண்டும் திறக்கப்படவுள்ளதாக கல்வியமைச்சு அறிவித்துள்ளது.