கண்டி வீதியில் (A9) மூன்றுமுறிப்பு பிள்ளையார் கோயிலடியில் பெரியண்ணன் ரத்தினம் என்ற 71 வயதையுடைய மூதாட்டி தினமும் காலை 7 மணி முதல் மாலை 3 மணி வரை மாலைகள் விற்று முடியுமட்டும் பை நிறைய பூ மாலைகளுடன் அமைதியாய் உட்காந்திருப்பார்.

தினமும் அதிகாலை எழுந்து பூக்களைப் பறித்து ஏழு, எட்டு மாலைகளுடன் 15 ரூபா பணம் கொடுத்து பேருந்தில் ஏறி மூன்றுமுறிப்பு பிள்ளையார் ஆலயத்திற்கு வந்து பிள்ளையாரை வணங்கி விட்டு தான் கொண்டு வந்த மாலைகளுடன் பிள்ளையார் வாயிலில் மாலையுடன் அமர்ந்திருப்பார். இது குறித்து அவர் தெரிவிக்கையில்..

ஒரு மாலையை 50 ரூபாவிற்கு விற்பனை செய்வேன். ஆனால் சிலர் இரண்டு மூன்று மாலைகளை வாங்கி பணத்தினையும் தருவார்கள். எல்லா மாலையையும் விற்றால் மட்டுமே எனக்கு 30 0ரூபா அல்லது 350 ரூபா பணம் கிடைக்கும். சில நேரம் மாலைகள் விற்பனை செய்யபடாமல் இருக்கும் பின் அந்த மாலைகளை நான் பிள்ளையாருக்கு போட்டு விட்டு நடந்தே செல்வேன்.

எனது கணவர் இறந்து விட்டார். நான் எனது மகளுடனே வாழ்ந்து வருகின்றேன். நாங்கள் வாடகை வீட்டில் தான் வசித்து வருகின்றோம். நான் உழைத்து கொண்டு வரும் பணத்தினையே வாடகை வீட்டுக்காக சேர்த்து மாதம் 10,000 ரூபா கொடுக்கின்றோம். வீட்டில் இருந்து வரும் போது சமையல் செய்து சாப்பாடுடன் தான் வருவேன். ஆனால் பசிக்காது கொண்டு வந்த சாப்பாட்டை சாப்பிடாமல் திரும்ப வீட்டுக்கே கொண்டு செல்வேன். எனவும் கவலைபட கூறினார்.

இந்த வயதிலும் பிச்சை எடுக்காது உழைத்து வாழ நினைக்கும் இவரை நிச்சயம் பாராட்ட வேண்டும்.

 
தமது காணியை ஒப்படைக்குமாறு கோரி இந்தியாவில் இருந்து தாயகம் திரும்பிய தாய் ஒருவர் தனது பிள்ளையுடன் இணைந்து விசப் போத்தலுடன் போராட்டத்தில் ஈடுபட்டுள்ளார்.நேற்று (04.04.2017) மாலை 7 மணி தொடக்கம் 8 மணிவரை இவர் இப் போராட்டத்தில் ஈடுபட்டார். இச் சம்பவம் தொடர்பில் மேலும் தெரியவருவதாவது..

வவுனியா, தோணிக்கல், சேக்கிழார் வீதியில் கடந்த 1978 ஆம் ஆண்டுக்கு முன்பிருந்து வசித்து வந்த குடும்பம் ஒன்று நாட்டில் ஏற்பட்ட யுத்தம் காரணமாக 1991ம் ஆண்டு இடம்பெயர்ந்து இந்தியாவுக்கு சென்றிருந்தது. அதன்பின் அவர்களது காணியில் உள்ள வீட்டில் ஒரு குடும்பம் கிளிநொச்சியில் இருந்து இடம்பெயர்ந்து வந்த நிலையில் தங்கியிருந்தது.

அவர்களால் குறித்த காணியில் பிறிதொரு வீடும் கட்டப்பட்டுள்ளது. தற்போது அந்த குடும்பம் கிளிநொச்சியில் வசித்து வரும் நிலையில் தமது உறவினர் எனக் கூறி ஒரு குடும்பத்தை குறித்த காணியில் குடியேற்றியுள்ளார்.

இந்நிலையில் இடம்பெயர்ந்து இந்தியா சென்ற காணி உரிமையாளரும் அவரது மகனும் கடந்த 23ம் திகதி வவுனியாவிற்கு வந்த நிலையில் தமது காணிக்கு சென்றுள்ளனர்.

இதன்போது குறித்த காணியில் வசிப்பவர்கள் அது தமது காணி எனவும், அதற்கான ஆவணங்கள் தம்மிடம் இருப்பதாகவும் கூறி அவர்களது காணியையும், அவர்களது வீட்டையும் கொடுக்க மறுத்து வருகின்றனர்.

ஆனால் இந்தியாவில் இருந்து வந்தவரிடம் அவரது காணி தான் என்பதற்கான ஆதாரங்கள் 1976ம் ஆண்டு முதல் உள்ளது. இது தொடர்பில் வவுனியா மாவட்ட செயலகம், பிரதேச செயலகம், பொலிஸ் நிலையம் என சென்று தமக்கான நீதி கிடைக்கவில்லையென தெரிவித்து தமது காணி வேண்டும் அல்லது இவ்விடத்திலேயே நஞ்சருந்தி சாவேன் எனத் தெரிவித்து குறித்த காணி உரிமையாளர் தமது காணி முன்பாக போராட்டத்தில் ஈடுபட்டார்.

சுமார் ஒரு மணிநேரம் வரை இந்த போராட்டம் இடம்பெற்றது. இதன்போது அக்காணிக்கு அயலில் உள்ள மக்களும் அவ்விடத்திற்கு வந்து தாம் இங்கு இருந்த காலத்தில் இந்தியாவில் இருந்து வந்தவர்களே இருந்ததாகவும், அது அவர்களது காணி எனவும் தெரிவித்ததுடன் அருகில் உள்ள காணி உரிமையாளர்களின் காணி ஆவணங்களிலும் குறித்த காணி இந்தியாவில் இருந்து வந்தவர்களது காணியே எனவும் எல்லையிடப்பட்டுள்ளது.

இந்நிலையில் குறித்த சம்பவம் தொடர்பில் வவுனியா சிரேஸ்ட பொலிஸ் அத்தியட்சகர் அலுவலகத்தில் உள்ள தமிழ் மொழி முறைப்பாட்டுப் பிரிவுக்கு தகவல் வழங்கப்பட்டதையடுத்து அங்கு வந்த பொலிசார் போராட்டத்தில் ஈடுபட்டவர்களிடம் இருந்து நஞ்சு மருந்துப் போத்தலைப் பெற்றுக் கொண்டுள்ளனர்.

இது தொடர்பில் இன்றைய தினம் வவுனியா பிரதேச செயலாளர், அரச அதிபர் ஆகியோருடன் பேசி தீர்வைத் பெற்றுத் தருவதாக உறுதியளித்தனர். இதனையடுத்து போராட்டத்தை இடைநிறுத்திய அவர்கள் அயலில் உள்ள வீடு ஒன்றில் தங்கியுள்ளனர்.

வவுனியாவில் நூதனமான முறையில் திருட்டில் ஈடுபட்ட இளம்பெண் ஒருவர் வவுனியா பொலிசாரால் நேற்று (04.04.2017) மாலை கைது செய்யப்பட்டுள்ளார்.

வவுனியா சந்தை வீதியில் உள்ள தொலைபேசி விற்பனை நிலையத்த்தில் கடந்த பெப்ரவரி 20 ஆம் திகதி அன்று இரண்டு தொலைபேசிகள் திருடப்பட்டதாக வவுனியா பொலிஸ் நிலையத்தில் முறைப்பாடு செய்யப்பட்டிருந்தது.

இதனையடுத்து குறித்த முறைப்பாடு தொடர்பில் விசாரணைகளை மேற்கொண்ட வவுனியா தீர்க்கப்படாத குற்றத்தடுப்பு பிரிவு பொலிசார் நெடுங்கேணி, பட்டிக்குடியிருப்பை சேர்ந்த இளம் பெண் ஒருவர் இது தொடர்பில் கைது செய்துள்ளனர்.

வவுனியா தீர்க்கப்படாத குற்றத்தடுப்பு பிரிவு உதவி பொறுப்பதிகாரி ஜெய ஸ்ரீ பெனாண்டோ, பொலிஸ் பரிசோதகர் இரத்தின திலக்க மற்றும் பம்பரதேனியா, ஜேசுதாஸ், ஜயத்திலக்க, கருணாதிலக்க, ஜீவானந்தம், வீரசேன, சமந்த ஆகிய பொலிஸ் குழுவே குறித்த விசாரணையினை மேற்கொண்டு சந்தேக நபரான இளம் பெண்ணை கைது செய்துள்ளது.

குறித்த பெண்ணை இன்று வவுனியா நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளது.

 
வவுனியா மூன்று முறிப்பு அரசினர் தமிழ் கலவன் பாடசாலையின் 2016 ஆம் ஆண்டு க.பொ.த சாதாரண தர பரீட்சையில் ராமராஜ் யாழினி என்ற மாணவி 8AC சித்திகளைப் பெற்று பாடசாலை சமூகத்திற்கு பெருமை சேர்த்துள்ளார்.

மேலும் ஆப்பாடசாலையை சேர்ந்த விஜியபாஸ்கரன் தனுசியா 6ஏ பி சி எஸ், பாலசுப்பிரமணியம் யதுஸ்யா 6ஏ,2பி, கனகலிங்கம் அனுசியா 5ஏ,4பி, செல்வதாஸ் சனிசியா, 3ஏ,3சி,2எஸ் ஆகிய மாணவர்கள் சிறந்த பெறு பேறுகளை பெற்று பாடசாலைக்க பெருமை சேர்த்துள்ளனர்.

அத்துடன் இப்பாடசாலையில் 2016 ஆம் ஆண்டு கா.பொ.த சாதாரண தர பரீட்சையில் 25 மாணவர்கள் தோற்றி 15 மாணவர்கள் கணித பாடத்துடன் உயர்தரத்தில் கல்வி கற்பதற்கு தகுதி பெற்றுள்ளார்கள்.

2016 ஆம் ஆண்டு கா.பொ.த சாதாரண தர பரீட்சையில் அதிக சித்திகளை பெற்ற மாணவி ராமராஜ் யாழினி கருத்து தெரிவிக்கையில், எனது கல்வி வளர்ச்சிக்கு உறுதுiணாக இருந்த அனைவருக்கும் நன்றி தெரிவிப்பதுடன் எதிர்காலத்தில் ஒரு மருத்துவராக வரவேண்டுமென்பதே எனது இலட்சியம் என தெரிவித்தார்.

பாடசாலையின் அதிபர் க.பொன்னம்பலம் கருத்து தெரிவிக்கையில், எமது பாடசாலையில் 2016 ஆம் ஆண்டு அதிக சித்திகளை மாணவர்கள் பெற வேண்டும் என்பதற்காக விசேட வகுப்புக்கள் நடத்தப்பட்டதுடன் பெற்றோர்களுடன் சந்திப்புக்களை மேற்கொண்டு மாணவர்களை பரீட்சைக்கு தயார்படுத்தியிருந்தேன் எனது முயற்சிக்கு வலயக்கல்வி பனிமனையும் உறுதுணை வழங்கியது கடந்த ஆண்டை விட 2016 இல் அதிக மாணவர்கள் சித்திகளை பெற்றுள்ளனர் எனத் தெரிவித்தார்.

 
வவுனியா பாலமோட்டையில் வசித்து வரும் முன்னாள் போராளியின் குடும்பத்தின் வாழ்வாதாரத்தினை மேன்படுத்தும் நோக்கில் மொன்றியல் துர்கை அம்மன் ஆலய 6ம் திருவிழா உபயகாரர்களால் இன்று (04.04.2017) காலை 9.30 மணியளவில் ஒரு லட்சத்தி எழுபதாயிரம் ரூபா பெறுமதியான நல்ல இன மாடு இரண்டு மற்றும் 20,000 பணமும் வழங்கி வைக்கப்பட்டது.

கடந்த 1998ம் ஆண்டு விடுதலைப்புலிகள் அமைப்பில் இணைந்து 2008.06.30ம் திகதி இரானுவத்தினரிடம் சரணடைந்து பல்வேறு இன்னல்களுக்கு முகங்கொடுத்து 2017.02.22ம் திகதி விடுதலை செய்யப்பட்டார். இவருக்கு இரு சகோதரர்கள் இவரின் ஒரு சகோதரர் முன்னால் விடுதலைப்புலி உறுப்பினராவர். இவர் கடந்த யுத்தகாலத்தில் மரணமடைந்துள்ளார். இவரின் மற்றைய சகோதரனும் இறுதி யுத்தத்தில் செல் வீச்சு காரணமாக மரணமடைந்துள்ளார். இவரின் தந்தையும் நோய்வாய்ப்பட்டு இறந்த நிலையில் தாயுடன் வாழ்ந்து வருகின்றார்.

இவரின் வாழ்வதாரத்தினை மேற்படுத்து நோக்குடனே கனடா கியுபைக் மோன்றியல் நகரை சேர்ந்த பாராவூர்தி சாரதிகளின் (Truck Drivers) ஒழுங்கமைப்பில் மொன்றியில் துர்க்கை அம்மன் ஆலய 6ம் திருவிழா உபகாரர்களினால் இவ் உதவித்திட்டம் வழங்கி வைக்கப்பட்டமை குறிப்பிடத்தக்கது.

 
வவுனியாவில் காணாமல் ஆக்கப்பட்டவர்களின் உறவினர்களினால் மேற்கொள்ளப்பட்டு வரும் சுழற்சி முறையிலான உணவு தவிர்ப்புப் போராட்டம் 40 ஆவது நாளாகவும் இன்று (04.04.2017) தொடர்கின்றது.

குறித்த போராட்டம் கையளிக்கப்பட்ட தமது உறவினர்கள் தொடர்பில் பதிலளிக்கக் கோரியும், அரசியல் கைதிகளை விடுதலை செய்யகோரியும் மற்றும் பயங்கரவாத தடைச்சட்டத்தினை நீக்குமாறு கோரியும் முன்னெடுக்கப்பட்டு வருகின்றது.

இந்த நிலையில் சாதகமான பதில் கிடைக்கும் வரையில் தமது போராட்டம் தொடரும் என போராட்டத்தில் ஈடுபட்டுள்ளவர்கள் தெரிவித்துள்ளனர்.