சொத்துக்குவிப்பு வழக்கில் 4 ஆண்டுகள் சிறை தண்டனை விதிக்கப்பட்டு பெங்களூரு சிறையில் அடைக்கப்பட்டுள்ள சசிகலா விடுதலை ஆவதற்கான கதவுகள் திறக்கப்பட்டுள்ளதாக அந்த வழக்கின் முதல் புகார் தாரரும் பாஜக மூத்த தலைவருமான சுப்பிரமணியன் சுவாமி கூறியுள்ளார்.

சொத்துக்குவிப்பு வழக்கில் முதல் குற்றவாளி என கூறப்பட்ட ஜெயலலிதாவுக்கு 100 கோடி ரூபாய் அபராதம் விதிக்கப்பட்டது. அவர் தற்போது உயிருடன் இல்லாததால் அவருக்கான தண்டனை நீக்கப்படுகிறது என உச்ச நீதிமன்றம் அறிவித்தது.

இருப்பினும் அவருக்கான அபராதம் 100 கோடியை வசூலிப்பது எப்படி என்பது குறித்து மறு சீராய்வு மனு போட்டு நீதிமன்றத்தை நாடியது கர்நாடக அரசு.

இதனை விசாரித்த நீதிபதிகள் ஜெயலலிதா இறந்து விட்டதால், அவருக்கான தண்டனை நீக்கப்பட்டு விட்டது, சட்டத்தின் படி அவர் குற்றவாளி இல்லை என்பது போன்ற கருத்தை கூறி கர்நாடக அரசின் மனுவை தள்ளுபடி செய்தது.

இந்நிலையில் பாஜக மூத்த தலைவர் சுப்பிரமணியன் சுவாமி தனது டுவிட்டர் பக்கத்தில் ஜெயலலிதா குறித்து கர்நாடக அரசு உச்ச நீதிமன்றத்தில் மறு சீராய்வு மனு செய்து தவறு செய்துள்ளது. இதனால் தற்போது சசிகலா விடுதலை ஆவதற்கான கதவுகள் திறக்கப்பட்டுவிட்டது என கூறியுள்ளார்.

அதாவது சசிகலா மீது கூட்டு சதி என குற்றம் சாட்டப்பட்டுள்ளது. வழக்கின் முக்கிய குற்றவாளி உயிருடன் இல்லை, குற்றவாளி இல்லை, அவர் விடுதலை என்றால் அங்கே எப்படி கூட்டு சதி நடந்திருக்க முடியும் என கேள்வி எழுப்பியுள்ளார் சுப்பிரமணியன் சுவாமி.

உத்தரபிரதேச மாநிலத்தில் இரண்டு மாதங்களுக்கு முன்னர் காட்டிற்குள் கண்டுபிடிக்கப்பட்டு மீட்கப்பட்ட சிறுமி, விலங்குகள் போன்று நடந்துக் கொள்வது அதிகாரிகளை ஆச்சரியமடையச் செய்துள்ளது.

குழந்தைகளுக்கு மிகவும் பிடித்தமான ஜங்கிள் புக் திரைப்படத்தில் வரும் மோக்லி என்ற சிறுவன், காட்டில் விலங்குகளோடு சேர்ந்து செய்யும் செயல்கள் வியப்பில் ஆழ்த்தும். அதேபோன்ற செயல்களுடன் ஒரு சிறுமி உத்தரபிரதேச காட்டில் கண்டுபிடிக்கப்பட்டுள்ளார்.

உத்தரபிரதேச மாநிலம் பராய்ச் மாவட்டம் காதர்நியாகாட் வனப்பகுதியில் இரு மாதங்களுக்கு முன்னர் போலீசார் ரோந்துப் பணியில் ஈடுபட்டிருந்தபோது, 8 வயது சிறுமி கண்டுபிடிக்கப்பட்டு மீட்கப்பட்டார்.

அந்த சிறுமியின் நடவடிக்கையானது விலங்குகளை போன்று காணப்பட்டதால் பெரும் அதிர்ச்சியை ஏற்படுத்தியது. அவர் உடனடியாக மருத்துவமனையில் சேர்க்கப்பட்டு உரிய சிகிச்சை அளிக்கப்பட்டு வருகிறது.

இது தொடர்பாக உத்தரபிரதேச மாநில தலைமை மருத்துவ அதிகாரி டிகே சிங் பேசுகையில், ‘இரு மாதங்களுக்கு முன்னதாக சிறுமி கண்டுபிடிக்கப்பட்டாள். அந்த சிறுமி விலங்குகளை போன்று சாப்பிடுகிறாள்.

நடக்கிறாள், விலங்குகளை போன்றே ஓடுகிறாள், மனிதர்களை கண்டு விலகுகிறாள். அவள் தோலில் அடிபட்டதற்கான காயங்கள் உள்ளன’ என்று கூறியுள்ளார்.

சிறுமிக்கு நடப்பதற்கு பயிற்சி கொடுக்கப்பட்டிருப்பதாகவும், இருந்தாலும் விலங்குகளை போன்றே கை கால்களை பயன்படுத்துவதாகவும் அவளை கவனித்து வரும் டாக்டர்கள் கூறுகின்றனர். அதேசமயம், அவளால் பேசவோ எழுதவோ முடியவில்லை என்பது குறிப்பிடத்தக்கது.

மீட்கப்பட்ட அந்த சிறுமி காட்டில் குரங்குகளுடன் வாழ்ந்திருக்கலாம் என நம்பப்படுகிறது.

17 வயதான மாணவன் ஒருவனை பேஸ்புக் மூலம் காதலித்த பெண் ஒருவர், குறித்த மாணவனை வீடு புகுந்து பாலியல் வல்லுற வுக்குட்படுத்திய சம்பவமொன்று இந்தியாவின் கேரள மாநிலத்தில் இடம்பெற்றுள்ளது.

கேரளாவின் எர்ணாகுளம் கண்ணங்கட்டு பகுதியைச் சேர்ந்தவர் மெடில்டா (21). அந்தப் பகுதியில் உள்ள அழகுக் கலை நிலையத்தில் அழகுக்கலை நிபுணராக பணிபுரிந்து வருகிறார். இவருக்கு கோட்டை அருகே ராமபுரம் பகுதியைச் சேர்ந்த பிளஸ் வன் படிக்கும் 17 வயது மாணவனுடன் பேஸ்புக் மூலம் பழக்கம் ஏற்பட்டது.

இந்தப் பழக்கம் நாளடைவில் காதலாக மாறியுள்ளது. இந்நிலையில் கடந்த சில நாட்களுக்கு முன்னர் மெடில்டா, மாணவன் வீட்டுக்கு சென்றுள்ளார்.

அங்கு சென்ற மெடில்டா, மாணவன் இருந்த அறைக்குச் சென்று கதவைத் தாழிட்டுக் கொண்டார். இதனால் அதிர்ச்சியடைந்த மாணவரின் பெற்றோர் கதவைத் தட்டியும் அவர்கள் திறக்கவில்லை. கதவைத் திறக்க முற்பட்டால் இருவரும் தற்கொலை செய்து கொள்வோம் என மிரட்டியுள்ளனர்.

இதனால் அச்சமடைந்த மாணவனின் பெற்றோர் ராமாபுரம் பொலிஸ் நிலையத்தில் முறைப்பாடு செய்துள்ளனர். சம்பவ இடத்துக்கு விரைந்து சென்ற பொலிஸாரும் கதவைத் தட்டியுள்ளனர். மீண்டும் கதவைத் திறக்க முயற்சித்தால் தற்கொலை செய்து கொள்வதாக இருவரும் மிரட்டியதால் செய்வதறியாது திகைத்ததுடன் பொலிஸார் திரும்பிச் சென்றுவிட்டனர்.

கடந்த ஞாயிற்றுக்கிழமை காலை மாணவனின் பெற்றோர் மீண்டும் கதவைத் தட்டியும் திறக்கவில்லை. இந்நிலையில் பெற்றோர் மீண்டும் பொலிஸ் நிலையத்தில் முறைப்பாடு செய்துள்ளனர். எஸ்.ஐ. லாலு தலைமையில் பொலிஸார் விரைந்து சென்று, அறைக் கதவை உடைத்து உள்ளே சென்று இருவரையும் வெளியே கொண்டு வந்தனர்.

இதைத் தொடர்ந்து பெற்றோரின் முறைப்பாட்டின் பேரில் சிறுவனை பலாத்காரம் செய்ததாக மெடில்டாவை பொலிஸார் கைது செய்து ராமாபுரம் நீதிமன்றத்தில் ஆஜர்படுத்தினர். பின்னர் அவரை சிறையில் அடைத்தனர்.

மாணவனை எர்ணாகுளம் சிறுவர் நீதிமன்றத்தில் ஆஜர்படுத்தினர். அவரை நீதிமன்றம் பிணையில் விடுவித்தது. எனினும் பெற்றோரு டன் செல்ல விருப்பமில்லை என மாணவன் கூறியதால் சிறுவர் காப்பகத்தில் ஒப்படைக்கப்பட்டார்.