ஆப்கானிஸ்தான் நாட்டில் கவர்ச்சியான ஆடை அணிந்ததற்காக மொடல் அழகியான தங்களது மகள் கொலை செய்யப்பட்டுள்ளதாக பெற்றோர் வெளியிட்டுள்ள தகவல் பரபரப்பை ஏற்படுத்தியுள்ளது.

மாலைத்தீவை சேர்ந்த Raudha Athif(21) என்ற இளம்பெண் பல்வேறு அழகி போட்டிகளில் பங்கேற்று பரிசுகளை குவித்துள்ளார்.

இவரது வெற்றிகளையும் அழகானத் தோற்றத்தையும் மாலைத்தீவு அதிபரும் வெகுவாக பாராட்டியுள்ளார்.

இதுமட்டுமில்லாமல், இந்தியாவில் வெளியாகும் வோக் பத்திரிகையின் அட்டைப்படத்திலும் இவர் இடம்பெற்று சர்வதேச புகழைப் பெற்றார்.

மொடல் அழகியான இவர் ஆப்கானிஸ்தான் நாட்டில் உள்ள Islami Bank மருத்துவக் கல்லூரியில் பயின்று வந்துள்ளார்.

இந்நிலையில், கடந்தவாரம் புதன்கிழமை அன்று அறையில் இவர் தூக்கிட்டு தற்கொலை செய்துக்கொண்டதாக அதிர்ச்சி தகவல்கள் வெளியானது.

தொடர்ந்து, சடலத்தை பிரேத பரிசோதனைக்கு அனுப்பி வைக்கப்பட்ட பிறகு இது தற்கொலை தான் என மருத்துவர்கள் உறுதி செய்துள்ளனர்.

ஆனால், மாலைத்தீவில் உள்ள இவரது பெற்றோர் மற்றும் உறவினர்கள் இது தற்கொலை இல்லை என்றும் இது திட்டமிடப்பட்ட கொலை என பரபரப்பு தகவல்களை வெளியிட்டுள்ளனர்.

இது குறித்து பெற்றோர் வெளியிட்ட தகவலில் ‘தற்கொலை செய்துக்கொள்ளும் அளவிற்கு எங்களது மகள் கோழை இல்லை.

இஸ்லாமிய மதத்தை சேர்ந்தவரான அவர் கவர்ச்சி உடைகளை அணிந்துக்கொண்டு நிகழ்ச்சிகளில் பங்கேற்க எதிர்ப்புகள் கிளம்பியுள்ளன.

இதுபோன்ற ஆடைகளை அணியக் கூடாது என மிரட்டியவர்கள் தான் எங்களது மகளை கொலை செய்துள்ளனர்.

மேலும், இச்சம்பவம் தற்கொலையாக காணப்பட வேண்டும் எனவும் சம்பவங்களை ஜோடித்துள்ளனர் என பெற்றோர் அதிர்ச்சி தகவலை வெளியிட்டுள்ளனர்.

பெற்றோரின் தகவல்களை சேகரித்துள்ள பொலிசார் அதன் அடிப்படையில் விசாரணை நடத்தி வருகின்றனர்.

 
அவுஸ்திரேலியாவின் பிரிஸ்பேன் நகரில் பிஞ்சு குழந்தையை பாலியல் துஷ்பிரயோகம் செய்து மரணத்துக்கு காரணமான தந்தைக்கு 9 ஆண்டுகள் சிறை தண்டனை விதிக்கப்பட்டுள்ளது.

பிரிஸ்பேன் நகரில் இந்த கொடூர சம்பவம் நடந்துள்ளது. 2010 ஆம் ஆண்டு மனைவியை பிரிந்த பின்னர் தமது 3 வயது குழந்தை Kyhesha-Lee Joughin உடன் வாழ்ந்து வந்தார் 32 வயதான Matthew Lee Williamson.

மனைவி மீதிருந்த கோபம், விரக்தி காரணமாக சிறுமி Kyhesha மீது எப்போதும் வெறுப்பையே காட்டி வந்துள்ளார் வில்லியம்சன். இது ஒரு கட்டத்தில் பாலியல் தாக்குதலாக மாறியுள்ளது.

பல நாட்களில் சிறுமி Kyhesha வை படுக்கையோடு இணைத்து கட்டி வைத்து பாலியல் துஷ்பிரயோகம் செய்துள்ளார் தந்தை வில்லியம்சன். சமயங்களில் குழந்தை Kyhesha தொடர்ந்து 17 மணி நேரம் வரை படுக்கையில் கட்டுண்ட நிலையில் அவஸ்தைக்கு உள்ளாகியுள்ளது.

பல முறை பெற்ற குழந்தையின் முன்னர் நிர்வாணமாகவே இருந்துள்ளதாகவும், சிறுமியை உடல் ரீதியாகவும் துன்புறுத்துவதை வாடிக்கையாகவே செய்து வந்துள்ளார்.

மட்டுமின்றி கடந்த 2013 ஆம் ஆண்டு சிறுமி Kyhesha வின் அடிவயிற்றில் வில்லியம்சன் கடுமையாக தாக்கியதில் அவருக்கு சிறுநீருடன் ரத்தம் கலந்து வெளியேறியுள்ளது. மேலும் பச்சை நிறத்தில் தொடர்ந்து வாந்தி எடுக்கவும் செய்துள்ளார்.

இருப்பினும் வில்லியம்சன் சிறுமியை மருத்துவமனைக்கு இட்டுச் செல்ல மறுத்துள்ளதுடன் துஷ்பிரயோகத்தை நிறுத்தவில்லை என இறுதிகட்ட தீர்ப்பின்போது நீதிபதி தெரிவித்துள்ளார்.

மருத்துவ சிக்கிச்சையால் குணப்படுத்த முடியும் என்ற போதும் வில்லியம்சன் தமது மகளை காப்பாற்றாமல் கைநெகிழ்ந்துள்ளார்.

நீதிமன்றத்தில் அனைத்து குற்றங்களையும் மறுத்த வில்லியம்சனை கடுமையாக கண்டித்த நீதிபதி ரோசலின், வில்லியம்சன் தரப்பு வாதங்களை ஏற்க மறுத்ததுடன் 9 ஆண்டுகள் சிறை தண்டனை விதித்து உத்தரவிட்டுள்ளார்.

வில்லியம்சனுக்கு எதிரான விசாரணையின்போது அவரிடம் இருந்து பிரிந்து சென்ற மனைவி ஜாகின், இந்த விவகாரத்தில் தம்மையே பழித்தார். தமது முடிவு தான் சிறுமி Kyhesha வை பாழ்படுத்தியது என கதறியுள்ளார்.

சிறுமி வில்லியம்சனை உயிருக்கு உயிராக நேசித்த காரணத்தால் மட்டுமே வாய்ப்பு இருந்தும் தாம் சிறுமியை மீட்டுச் செல்லவில்லை எனவும் அவர் தெரிவித்துள்ளது நீதிமன்றத்தில் கூடியிருந்தவர்களை சோகத்தில் தள்ளியது.

 
இத்தாலியில் பசியின்மையால் பாதிக்கப்பட்டு உயிரிழந்த பிரபல மொடல் அழகியின் உடலை, பெட்டிக்குள் அடைத்து அவரது தாயார் கடலில் தூக்கி வீசியுள்ள சம்பவம் அதிர்ச்சியை ஏற்படுத்தியுள்ளது.

இத்தாலியின் ரோம் நகரில் வசித்து வந்தவர் 27 வயதான Katerina Laktionova. பிரபல மொடலாக திகழ்ந்த அவர், அந்த துறையினருக்கே அதிகமாக காணப்படும் பசியின்மை நோயால் பாதிக்கப்பட்டுள்ளார்.

அதனால் நீண்ட நாட்களாக உணவு உண்ணாமல் இருந்த அவர், உடல்நலம் குன்றி உயிரிழந்தார். இதனால் அதிர்ச்சியடைந்த அவரது தாயார் செய்வதறியாது தவித்துள்ளார்.

தனது மகளின் உடலுடன் நீண்ட நாட்கள் தனி அறையில் வசித்துள்ளார். பின்னர் ஒரு பெட்டிக்குள் மகளின் உடலை அடைத்து, அதனை கடலில் வீசியுள்ளார்.

பின்னர் அவர் தனது சொந்த நாடான ரஷ்யாவிற்கு புறப்பட்டு சென்றுள்ளார். அங்கு அவரது நண்பர்களிடம் யார் கேட்டாலும், தான் ரஷ்யாவில் நீண்ட நாட்களாக இருந்ததாக பொய் கூறுமாறு தெரிவித்துள்ளார்.

இந்நிலையில் மொடல் அழகியின் உடலை, இத்தாலியில் உள்ள ரிமினி நகரின் கடற்பகுதியில் மீனவர்கள் கண்டெடுத்துள்ளனர்.

இதனையடுத்து காவல்துறையிடம் தகவல் தெரிவித்துள்ளனர். தொடர்ந்து நடைபெற்ற விசாரணையில் குறித்த நபர் பிரபல மொடல் எனவும் இறக்கும் போது அவரது உடல் எடை வெறும் 35 கிலோ எனவும் தெரிய வந்தது. இதனைத் தொடர்ந்து கேதரினாவின் வழக்கை கொலை வழக்காக பதிவு செய்து விசாரணை மேற்கொண்டனர். அப்போது கேதரினாவின் தாயார் குறித்து விசாரித்தனர்.

அதில் முன்னுக்கு பின் முரணான தகவல்கள் கிடைக்கவே, தாயாரிடம் விசாரணை மேற்கொண்டனர். அதில் மொடல் அழகி உயிரிழந்த உண்மை நிலவரம் தெரியவந்ததை அடுத்து, மேற்கொண்டு இரு நாடுகளும் இணைந்து முடிவெடுக்க வேண்டும் என சட்டவல்லுநர்கள் தெரிவித்துள்ளனர்.