கனடாவில் 24 ஆண்டுகளாக சிறைத்தண்டனை அனுபவித்து வந்த மலேசிய நாட்டவரான செல்வக்குமார் சுப்பையா இம்மாதம் விடுதலை செய்யப்படவுள்ளதாக தெரிவிக்கப்படுகின்றது.

அந்த நாட்டு ஊடகங்களை மேற்கோள்காட்டி வெளியாகியுள்ள செய்தியில் இந்த விடயம் தெரிவிக்கப்பட்டுள்ளது. இந்நிலையில், விடுதலையாகும் அவரை மலேசியாவுக்கு நாடுகடத்தப்படவுள்ளதாகவும் தெரிவிக்கப்பட்டுள்ளது.

கடந்த 1992ம் ஆண்டு கனடா நீதிமன்றத்தால் இருவக்கு 24 ஆண்டுகள் சிறைத்தண்டடை விதிக்கப்பட்டது. குறித்த நபருக்கு எதிராக 19 பாலியல் துஷ்பிரயோக வழக்குகள், 28 போதைப்பொருள் கடத்தல் வழக்குகள் எதிராக தாக்கல் செய்யப்பட்டிருந்தன.

குற்றச்சாட்டுக்கள் அனைத்தும் நிரூபிக்கப்பட்டதை தொடர்ந்து கடந்த 1992ம் ஆண்டு, அவருக்கு 24 ஆண்டுகள் சிறைத்தண்டனை விதிக்கப்பட்டது. இந்நிலையில், அவரின் தண்டனை காலம் இம்மாதம் 29ம் திகதி நிறைவடைகின்றது.

செல்வக்குமார் சுப்பையா விடுதலையாவதை தொடர்ந்து அவர் மலேசியாவிற்கே திருப்பி அனுப்பப்படவுள்ளார். எவ்வாறாயினும், செல்வகுமார் மலேசியாவிற்கு வருவதில் எந்த ஒரு தடையும் இல்லையென மலேசியா அரசாங்கம் அறிவித்துள்ளது.

தேசிய காவல்படைத் தலைவர் டான்ஸ்ரீ காலிட் அபு பக்கர் இதனை தெரிவித்துள்ளார். எனினும், செல்வக்குமார் தொடர்ந்தும் பொலிஸாரின் கண்காணிப்பில் இருந்து வருவார் என காலிட் தெரிவித்துள்ளமை குறிப்பிடத்தக்கது.

மிச்சிகன் மாநிலத்தின் சஜினேவ் நகரில் இந்தப் பாலியல் வல்லுறவுச் சம்பவம் இடம்பெற்றதாக நீதிமன்றத்தில் தெரிவிக்கப்பட்டுள்ளது.  லெஸ்டினா மேரி ஸ்மித் எனும் 17 வயதான யுவதியே இவ்வாறு கைது செய்யப்பட்டவராவார்.

இவர், 19 வயதான இளைஞர் ஒருவரிடம் கத்தியைக் காட்டி மிரட்டி, தன்னுடன் பாலியல் உறவில் ஈடுபட வைத்தார் எனத் தெரிவிக்கப்பட்டுள்ளது.

அதிகாரிகளால் கைது செய்யப்பட்ட லெஸ்டினா மேரி ஸ்மித், சஜினேவ் கவுன்ரி சிறையில் அடைக்கப்பட்டுள்ளார். எதிர்வரும் 3 ஆம் திகதி அவர் நீதிமன்றில் ஆஜர்படுத்தப்படவுள்ளார்.

 
அமெரிக்காவின் 45-து ஜனாதிபதியாக குடியரசு கட்சியின் சார்பாக போட்டியிட்டு வெற்றிபெற்ற டொனால்ட் டிரம்ப் பதவியேற்றுள்ளார்.

தனது தொடக்க உரையில், பராக் ஒபாமா மற்றும் அவரது மனைவி மிஷெல் ஒபாமா, ஆட்சி மாற்றத்தைக் கையாண்ட விதம் குறித்து பாராட்டினார்.

இந்த ஜனவரி 20ம் திகதி, பொதுமக்கள் நாட்டின் ஆட்சியாளர்களாக மீண்டும் மாறிய நாளாக நினைவு கூறப்படும் என்று அவர் தெரிவித்துள்ளார்.

தன்னை எதிர்நோக்கியுள்ள பணி சவால் நிறைந்தது என்று குறிப்பிட்ட ட்ரம்ப், ஆனால் இந்த பணியை நிறைவேற்றவுள்ளதாக உறுதியளித்தார்.

இன்றிலிருந்து ஒவ்வொரு முடிவும் அமெரிக்காவுக்கு முதலில் லாபம் அளிக்கும் வகையிலேயே எடுக்கப்படும் என்று ட்ரம்ப் சுட்டிக்காட்டியுள்ளார்.

இஸ்லாமிய பயங்கரவாதத்தை உலகிலிருந்து அகற்றுவேன் என்றும் அவர் உறுதியளித்துள்ளமை குறிப்பிடத்தக்கது.

பிரித்தானியாவில் மனைவியை கொடூரமாக குத்தி கொலை செய்த நபருக்கு ஆயுள் தண்டனை விதித்து தீர்ப்பளிக்கப்பட்டுள்ளது.

இங்கிலாந்தை சேர்ந்தவர்கள் Robert Bance (53), Victoria Bance (37). தம்பதிகளான இவர்களுக்கு 3 குழந்தைகள் உள்ளனர். இந்த நிலையில் இவர்கள் கடந்த ஆண்டு அக்டோபர் 8ம் திகதி வெளியே சென்றுள்ளனர்.

அப்போது Victoria Bance வெளியே வேறு ஒரு நபருடன் பேசியுள்ளார். இதில் கணவன், மனைவி இருவருக்கும் இடையே கடும் வாக்குவாதம் நடந்துள்ளது.

டாக்சியில் இருவரும் திரும்பி வரும் போது கூட Robert Bance தனது மனைவியை கொன்று விடுமாறு மிரட்டியுள்ளார். வீட்டிற்கு வந்த போது இருவருக்கும் இடையே மீண்டும் பிரச்சனை வெடித்துள்ளது.

இந்த நிலையில் கோபத்தின் உச்சத்திற்கு சென்ற Robert Bance, தனது மனைவியை கத்தியால் கொடூரமாக குத்தி கொலை செய்துள்ளார். உடனே தனது தவறை உணர்ந்த Robert Bance, பொலிசாரை வரவழைத்து சரணடைந்துள்ளார்.

Victoria Bance உடலில் 14 ஆழமான காயங்களுடன், 23 கத்திக் குத்து காயங்கள் இருந்துள்ளன. இது தொடர்பான வழக்கு Plymouth நீதிமன்றத்தில் நடந்து வந்தது.

Robert Bance தனது குற்றத்தை ஒப்புக் கொண்ட நிலையில், அவருக்கு ஆயுள் தண்டனை விதிக்கப்பட்டுள்ளது.

தாய்லாந்தில் நடு இரவில் எடுக்கப்பட்ட வீடியோ காட்சி ஒன்று தற்போது இணையத்தில் வேகமாக பரவி வருகிறது.

அதில், நபர் ஒருவர் தன் இரண்டு வயது குழந்தையுடன் இரு சக்கர வாகனத்தில் சாலையில் செல்கிறார். வாகனத்தின் முன்னால் அந்த குழந்தை உட்கார்ந்துள்ளது.

இரு சக்கர வாகனத்தின் கைப்பிடி அக்சிலேட்டரை அந்த குழந்தை தன் கையால் இயக்க, குழந்தையின் தந்தை செல்பி முறையில் வீடியோவாக அந்த நிகழ்வை பதிவு செய்துள்ளார்.

மிதமான வேகத்தில் குழந்தை இருசக்கர வாகனத்தை இயக்குவது போல அந்த வீடியோவில் உள்ளது.

குழந்தையின் தந்தை செய்த இந்த விபரீத செயல் சட்ட விதிமுறைப்படி அவருக்கு பிரச்சனையை ஏற்ப்படுத்தும் என எதிர்ப்பார்க்கப்பட்டது.

ஆனால், தாய்லாந்து நாட்டில் போக்குவரத்து விதிமுறை சட்டத்துக்கு பொலிசார் குறைந்த அளவிலேயே முன்னுரிமை தருகிறார்கள்.

தாய்லாந்து நாட்டில் வருடத்துக்கு 24000 பேர் சாலை விபத்தில் உயிரிழக்கிறார்கள் என்பதும், உலகிலேயே மோசமான சாலை பாதுகாப்பில் இந்த நாடு இரண்டாவது இடத்தில் இருப்பதும் குறிப்பிடத்தக்கது.

உலகில் தற்போது பாவனையில் உள்ள அதிக வேகமுடைய ரயிலை விட இருமடங்கு வேகமுடைய ரயிலை அறிமுகப்படுத்துவதற்கு தென்கொரிய தொழிநுட்பவியலாளர்கள் திட்டமிட்டுள்ளனர்.

ஒலியின் வேகத்தை ஒத்த ரயில் பயணத்தை உருவாக்குவதற்கு தென் கொரியா முயற்ச்சித்து வருகின்றது. இது மணித்தியாலயத்திற்கு சுமார் 620 மைல் வேகத்தில் செல்லக்கூடியதாக இருக்கும் என அந்நாட்டு ரயில்வே பாதைகள் ஆய்வு மையம் தெரிவித்துள்ளது.

தாழ் அழுத்த குழாய்கள் மூலம் இயக்கப்படவுள்ள குறித்த ரயிலானது, மின்காந்த திறன் சக்தியில் இயங்கும் ரயிலின் வேகத்தை விட ( மணித்தியாலயத்திற்கு 268 மைல் தூரம்) இரண்டு மடங்கு வேகமுடையதாகும்.

குறித்த திட்டத்தின் மூலம் கொரியாவிற்குள் அதிவேக ரயில் பயணத்தை ஏற்படுத்த கொரிய ரயில்வே அபிவிருத்தி மையம் திட்டமிட்டுள்ளது.

இந்நிலையில் அமெரிக்காவில் சுமார் 100 பில்லியன் டொலர்கள் செலவில் மணித்தியாலயத்திற்கு 1200 கிலோமீற்றர்கள் செல்லும் ஹைபெர்லூப் ( hyperloop) ரயில்களை உருவாக்கும் பணிகளும் திட்டமிடப்பட்டுள்ளன என்பது குறிப்பிடத்தக்கது.