மலேசியாவில் உயிரிழந்த இலங்கை இளைஞரின் சடலம் இன்று (16) இலங்கையில் உள்ள உறவினர்களிடம் ஒப்படைக்கப்பட்டுள்ளது.

பாடசாலை வீதி, தேவபுரம், முறக்கொட்டாஞ்சேனை மட்டக்களப்பு எனும் முகவரியை சேர்ந்த சந்திரன் சிறிஸ்கந்தராஜா (வயது 23) என்பவரே இவ்வாறு மலேசியாவில் உயிரிழந்துள்ளதாக கூறப்படுகின்றது.

இதேவேளை, இன்றைய தினம் சடலம் உறவினர்களிடம் ஒப்படைக்கப்பட்டுள்ளதாக இளைஞரின் உறவினர்கள் அறிவித்துள்ளனர்.

மலேசியாவில், சுகயீனம் காரணமாக வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்ததாகவும் டிசம்பர் 10ஆம் திகதி இரவு தொலைப்பேசி அழைப்பு மூலம் இறந்த தகவல் கிடைத்ததாகவும் தெரிவிக்கப்படுகின்றது.

மேலும் சடலத்தை இலங்கைக்கு கொண்டு வருவதற்கான அனைத்து ஏற்பாடுகளையும் மேற்கொண்டிருந்ததாக உறவினர்கள் தெரிவித்துள்ளமை குறிப்பிடத்தக்கது.

திருகோணமலையில் சொகுசு பேரூந்தொன்று இனந்தெரியாத நபர்களால் தீ வைத்து எரிக்கப்பட்டுள்ளது.

திருகோணமலை – கொழும்பு போக்குவரத்து சேவையில் ஈடுபடும் தனியார் ஒருவருக்கு சொந்தமான பேரூந்து சிவன் கோயிலடியில் நிறுத்தி வைக்கப்பட்டிருந்த நிலையில் நேற்று நள்ளிரவு இரண்டு மணியளவில் தீ வைத்து எரிக்கப்பட்டுள்ளதாக தெரிவிக்கப்பட்டுள்ளது.

இந்த தீ விபத்தில் பேரூந்து முழுமையாக எரிந்து நாசமாகியுள்ளதாக தெரிவிக்கப்பட்டுள்ளது. இந்த சம்பவம் தொடர்பிலான விசாரணைகளை திருகோணமலை பொலிஸார் முன்னெடுத்து வருகின்றனர்.

இதேவேளை கடந்த 02 ஆம் திகதி நள்ளிரவு திருகோணமலை கண்டி வீதி 4 ஆம் கட்டை பகுதியில் நிறுத்தி வைக்கப்பட்டிருந்த மற்றொரு தனியார் பேரூந்தும் தீக்கிரையாகியிருந்தமை குறிப்பிடத்தக்கது.

லிந்துலை பொலிஸ் பிரிவுக்குட்பட்ட தலவாக்கலை – நுவரெலியா பிரதான வீதியில் இன்று (15) முச்சக்கர வண்டி ஒன்று 150 அடி பள்ளத்தில் பாய்ந்து விபத்துக்குள்ளானதில் 04 பேர் படுகாயங்களுக்கு உள்ளாகியுள்ளனர்.

லிந்துலை பாமஸ்ட்டன் பகுதியிலிருந்து லிந்துலை வைத்தியசாலை நோக்கி சென்று கொண்டிருந்த முச்சக்கரவண்டி ஒன்றே இவ்வாறு விபத்துக்குள்ளாகியுள்ளது.

இவ்விபத்தில் இரண்டு பெண்களும், 18 வயது மதிக்கத்தக்க இளைஞன் ஒருவரும் சாரதியுமே காயமடைந்துள்ளனர். காயமடைந்தவர்கள் நுவரெலியா ஆதார வைத்தியசாலைக்கு மாற்றப்பட்டுள்ளதாக தெரிவிக்கப்படுகின்றது.

சாரதியின் கவனயீனம் காரணமாகவே இவ்விபத்து நிகழ்ந்துள்ளதாக தெரிவிக்கப்படும் அதேவேளை இது தொடர்பாக மேலதிக விசாரணைகளை லிந்துலை பொலிஸார் மேற்கொண்டு வருகின்றனர்.

இலங்கையில் பாலியல் தொழிலை சட்ட ரீதியாக்குமாறு அரசாங்கத்திடம் கோரிக்கை விடுக்கப்பட்டுள்ளது.

பாலியல் தொழிலாளிகளின் உரிமைகளுக்கான மையத்தின் இணைத் தலைவியும் பாலியல் தொழிலாளியுமான பி.மகேஸ்வரி இந்தக் கோரிக்கையை முன்வைத்துள்ளார்.

நேற்று கொழும்பில் நடைபெற்ற செய்தியாளர் சந்திப்பில் அவர் இந்தக் கோரிக்கையை முன்வைத்துள்ளார். அவர் தொடர்ந்தும் பேசுகையில்,

எமது தொழிலை சட்ட ரீதியாக அங்கீகரிக்க நடவடிக்கை எடுக்கப்பட வேண்டும். இவ்வாறு அங்கீகரிப்பதனால் பாலுறவு சார் நோய்கள் குறிப்பாக எச்.ஐ.வீ போன்ற நோய்களை கட்டுப்படுத்த முடியும்.

பாலுறவு சார் நோய் கட்டுப்படுத்தல் உள்ளிட்ட பல்வேறு பிரச்சினைகளுக்கு, பாலியல் தொழிலை சட்ட ரீதியாக்குவதன் மூலம் தீர்வு காண முடியும்.

இலங்கையின் பாலியல் தொழிலாளிகள் தாய்லாந்து, மலேசியா, சிங்கப்பூர் போன்ற நாடுகளுக்கு சென்று பாலியல் தொழிலில் ஈடுபடுகின்றனர். ஏனென்றால் அந்த நாடுகளில் பாலியல் தொழில் சட்ட ரீதியாக அங்கீகரிக்கப்பட்டுள்ளது.

அவ்வாறு வெளிநாடுகளில் பாலியல் தொழிலில் ஈடுபட்டு திரும்பும் தொழிலாளிகளுக்கு பாலுறவு சார் நோய்கள் தொற்றியிருக்கக் கூடிய சாத்தியங்கள் அதிகம்.

எமது பிரச்சினைகளை கவனத்தில் கொள்ளாது எம்மை உதாசீனம் செய்வதனையே எல்லோரும் வாடிக்கையாகக் கொண்டுள்ளனர்.

எம்மை பொலிஸார் கைது செய்து நீதிமன்றில் முன்னிலைப்படுத்தி விளக்க மறியலில் இரண்டு வாரங்கள் தடுத்து வைத்தால் எமது பிள்ளைகளுக்கு யார் உணவு வழங்குவது?

இவ்வாறான சந்தர்ப்பங்களில் பெண் பிள்ளைகள் பாலியல் ரீதியாக துன்புறுத்தப்படக்கூடிய சாத்தியங்கள் அதிகமாக காணப்படுகின்றது. எமது தொழிலை சட்ட ரீதியாக அங்கீகரிப்பதனால் பல்வேறு நன்மைகள் ஏற்படும் என அவர் தெரிவித்துள்ளார்.

மகேஸ்வரி அடிக்கடி இந்தியாவிற்கு சென்று வருபவர் என்பது குறிப்பிடத்தக்கது. இந்தியாவின் சில பகுதிகளில் பாலியல் தொழில் சட்ட ரீதியானது என்பது குறிப்பிடத்தக்கது.

இதேவேளை, பிராந்திய வலயத்தின் ஏனைய நாடுகளுடன் ஒப்பீடு செய்யும் போது எச்.ஐ.வீ நோய்த் தொற்று இலங்கையர்களுக்கு பரவும் வீதம் மிகவும் குறைவாக காணப்படுகின்றது என சுகாதார சேவை பணிப்பாளர் நாயகம் பாலித மஹிபால தெரிவித்துள்ளார்.

அநுராதபுரம் மாவட்டத்தில் லிஷ்ம நைஸ் எனும் ஒருவித தோல்நோய் தாக்கத்தின் காரணமாக அதிகளவான மக்கள் பாதிக்கப்பட்டுள்ளதாக தெரிவிக்கப்பட்டுள்ளது. வடமத்திய மாகாண சுகாதார சேவை அதிகாரி ஹேமோ வீரகோன் இதனை தெரிவித்துள்ளார்.

குறிப்பாக 2010ஆம் ஆண்டு முதல் 2016ஆம் ஆண்டு காலப்பகுதியில் அதிகளவான மக்கள் இந்த நோய் தாக்கத்திற்கு உள்ளாகியுள்ளதாக அவர் குறிப்பிட்டுள்ளார்.

இலங்கையில் முதல் தடவையாக 1992ஆம் ஆண்டு லிஷ்ம நைஸ் நோய் வடமாகாணத்தில் ஹம்பலான்தொட பகுதியில் தொற்றியுள்ளதாக தெரிவிக்கப்பட்டது. எனினும், இதனை அறிந்துகொண்டு மக்கள் உரிய சிகிச்சை பெற்றுக்கொள்வதில்லை எனவும் அவர் குற்றம் சுமத்தியுள்ளார்.

இதேவேளை, லிஷ்ம நைஸ் எனும் இந்த நோய் 98 நாடுகளில் பரவியுள்ளதாகவும், இந்த நோயினால் உலகம் முழுவதும் 14 மில்லியன் மக்கள் பாதிக்கப்பட்டுள்ளதாக தெரிவிக்கப்படுகின்றது.

மேலும், இந்த நோய் தாக்கம் காரணமாக ஆண்டு தோறும் 30 ஆயிரத்திற்கும் மேற்பட்டவர்கள் உயிரிழப்பதாக தெரிவித்து உலக சுகாதார அமைப்பு அறிக்கை வெளியிட்டுள்ளது.

எனவே, இது போன்ற தோல் நோய் ஏற்படும் பட்சத்தில் உடனடியாக வைத்தியரை அனுகி உரிய சிகிச்சையின் பெற்றுக்கொள்ளுமாறு அறிவுறுத்தப்பட்டுள்ளமை குறிப்பிடத்தக்கது.

அந்தமானுக்கு கிழக்கே மீண்டும் காற்றழுத்தம் ஏற்பட்டுள்ளது. இது புயலாக மாறி தமிழகத்தில் கரையை கடக்கலாம் என்று கூறப்படுகிறது.

தென்கிழக்கு வங்கக் கடலில் தெற்கு அந்தமான் மற்றும் வடக்கு சுமத்ரா தீவுக்கு இடையே வளி மண்டல மேலடுக்கில் உருவான காற்று சுழற்சி வர்தா புயலாக மாறி, சென்னையில் கரையை கடந்தது.

இதன், தொடர்ச்சியாக வளி மண்டல மேலடுக்கில் நிலவும் காற்று சுழற்சியால் தமிழகத்தில் பரவலாக மழை பெய்து வருகிறது. அதிகபட்சமாக குன்னூரில் நேற்று 100 மிமீ மழை பெய்துள்ளது.

நீலகிரி 70 மிமீ, தாராபுரம் 50 மிமீ, பீளமேடு, போளூர், கோவை 10மிமீ மழை பெய்துள்ளது. இந்நிலையில், வளி மண்டல மேலடுக்கு காற்று சுழற்சி காரணமாக தமிழகத்தில் இன்றும் மழை பெய்யும்.

மேலும், அந்தமானுக்கு கிழக்கே மீண்டும் ஒரு காற்றழுத்தம் நேற்று மாலை உருவாகியுள்ளது. இது வடக்கு மற்றும் வட மேற்கு திசையில் நகர்ந்து அடுத்த நான்கு நாட்களில் தமிழக கடலோரப்பகுதிக்கு வரும் என்று எதிர்பார்க்கப்படுகிறது.

இந்த காற்றழுத்தம் வலுப்பெற்று புயலாக மாறும் பட்சத்தில் ‘அஸ்ரி’ (Asiri) என்று அழைக்கப்படும். இந்த பெயரை இலங்கை நாடு சூட்டியுள்ளது.

– தினகரன்-

5000 ரூபா நோட்டை ரத்து செய்வதாக தாம் கூறவில்லை என நிதி அமைச்சர் ரவி கருணாநாயக்க தெரிவித்துள்ளார். நிதி அமைச்சில் நேற்று நடைபெற்ற செய்தியாளர் சந்திப்பில் அவர் இதனைத் தெரிவித்துள்ளார்.

அவர் மேலும் கூறுகையில், இந்தியாவில் நாணயத் தாள்கள் ரத்து செய்த பிரச்சினைக்கு ஏதுவான காரணிகள் இலங்கையிலும் இடம்பெறுகின்றமையினால் அது குறித்து ஆராயப்பட வேண்டும்.

5000 ரூபா நோட்டுக்களை மத்திய வங்கி மீளப் பெற்றுக்கொள்ளும் என நான் கூறவில்லை. அண்மையில் நாடாளுமன்றில் நான் கூறிய இந்த விடயத்தை ஊடகமொன்று பிழையாக செய்தி அறிக்கையிட்டிருந்தது.

இவ்வாறு தேசிய விரோத செயற்பாடுகளில் ஈடுபட வேண்டாம் என நான் திவயின பத்திரிகையிடம் கேட்டுக்கொள்கின்றேன்.

மத்திய வங்கியின் முன்னாள் ஆளுனர் அஜித் நிவாட் கப்ராலின் கையாட்கள் ரூபாவினை பெறுமதியிழக்கச் செய்ய முயற்சிக்கின்றனரா? இவ்வாறு பிழையான செய்திகளை வெளியிடுவதனால் நாட்டுக்கே பாதிப்பு ஏற்படக் கூடும் என அவர் தெரிவித்துள்ளார்.

இதேவேளை, நாடாளுமன்றில் நிதி அமைச்சர் ஆற்றிய உரை பற்றிய செய்தியை தாம் மட்டுமல்ல மேலும் சில தேசிய பத்திரிகைகளும் செய்தி அறிக்கையிட்டிருந்தன என திவயின சுட்டிக்காட்டியுள்ளது.

மாவ­னல்ல நக­ரி­லுள்ள வங்கி ஒன்றில் கடனை பெற்றுக் கொண்டு ஒரு வருட கால­மாக அதனை மீளச்­செ­லுத்­தாமல் இருந்த பெண் ஒரு­வரை வங்கி முகவர் தேடிச்சென்­ற­ போது அந்தப் பெண் குறித்த வங்கி முகவர் மீது விளக்­கு­மா­றினால் தாக்கி காய­ம­டையச் செய்­த­தாக தெரி­விக்­கப்­பட்­டுள்­ளது.

வங்கி ஒன்­றி­லி­ருந்து கடன்­பெற்று அதனை திருப்பி செலுத்­தாமல் இருந்த பெண் ஒரு­வரை தேடி வங்கி முக­வ­ரொ­ருவர் தனது உத­வி­யா­ள­ரொ­ரு­வ­ருடன் அர­னா­யக்க, வெலி­மன்ன பிர­தே­சத்தில் உள்ள அவ­ரது வீட்­டுக்கு சென்று அவ­ரிடம் கடன் தவ­ணைப்­பணம் செலுத்த தவ­றி­யமை தொடர்பில் விசாரித்துள்ளனர்.

அதன்­போது கோப­முற்ற அப்பெண் விலக்­கு­மா­றினால் வங்கி முக­வரின் முகம் மற்றும் தோற்­பட்டை பகு­தி­களில் பல­மாக தாக்­கி­யுள்ளார். இத்­தாக்­கு­தலில் காய­முற்ற வங்கி முகவர், அர­நா­யக்க மாவட்ட வைத்­தி­ய­சா­லையில் அனு­ம­திக்­கப்­பட்டு பின்னர் கேகாலை ஆதார வைத்­தி­ய­சா­லைக்கு மாற்­ற­பட்­டுள்ளார்.

தாக்­கு­த­லுக்கு இலக்­கான வங்கி முக­வரின் தோற்­பட்டை எலும்­பொன்று முறிந்­துள்­ள­துடன் பற்கள் இரண்டு உடைந்­துள்­ள­தா­கவும் வைத்­தி­ய­சாலை வட்­டா­ரங்கள் தெரி­விக்­கின்­றனர்.

21 வய­தான இவ்­வங்கி முகவர் கடன்­கா­ரரைவிசா­ரிக்கும்போது அய­ல­வர்­க­ளுக்கு கேட்கும் விதத்தில் சத்தமிட்டதனால் கடனாளியான பெண் கோபமுற்று தாக்குதல் நடத்தியதாக விசாரணைகளில் தெரியவந்துள்ளது.