தனிம அட்டவணையில் உள்ள 118 கூறுகளையும் ஒரே முறை ஞாபகத்துடன் கூறும் 5 வயது சிறுவன் ஒருவர் தொடர்பில் இங்கிலாந்தில் செய்தி வெளியிடப்பட்டுள்ளது.

இங்கிலாந்தின் எட்பீல்டில் வசிக்கும் இந்த 5 வயதுடைய மெத்திவ் என்ற சிறுவன் இலங்கை பொறியியலாளர் மற்றும் வைத்தியரின் மகனாவார்.

தனிம அட்டவணையில் உள்ள 118 கூறுகளையும் ஒரே முறை ஞாபகத்துடன் கூறுவதற்காக குறித்த சிறுவன் 1 நிமிடமும் 16 வினாடிகளை மாத்திரமே செலவிட்டுள்ளார்.

2011ஆம் ஜுலை மாதம் 5ஆம் திகதி பிறந்துள்ள மெத்திவ் தனது திறமையை 2016ஆம் ஆண்டு ஜுலை மாதம் 27ஆம் வெளிப்படுத்தியுள்ளார். அதன் போது அவரது வயது 1850 நாட்கள் மாத்திமே.

கின்னஸ் புத்தகத்திற்கு சமமான ரெகோர்ட் செட்டர் இணையத்தில் தற்போது வரையில் அவரது திறமை பதிவாகியுள்ளது.

இந்நிலையில் வெகு விரைவில் அவர் உலக சாதனை ஒன்றை படைப்பதற்கு ஆயத்தமாகியுள்ளதாக தகவல் வெளியாகியுள்ளது.

தனிம அட்டவணையில் உள்ள 118 கூறுகளையும் ஒரே முறை ஞாபகத்துடன் கூறும் உலகில் வயது குறைந்த சிறுவன் மெத்திவ் என்பது குறிப்பிடத்தக்கது.

இதற்கு முன்னர் இந்த சாதனையை இந்தியாவை சேர்ந்த 8 வயது சிறுவன் ஒரு பதிவு செய்துள்ளார் என குறிப்பிடப்படுகின்றது.

கட்டுநாயக்க விமான நிலையத்தில் சீன பிரஜை ஒருவர் கடந்த எட்டு நாட்களாக தங்கியிருப்பதாக தகவல் வெளியாகி உள்ளது.

கட்டுநாயக்க சர்வதேச விமான நிலையத்தின் வருகை முனையத்தில் சீனாவை சேர்ந்த பிக்கு ஒருவர் தங்கியிருப்பதாக விமான நிலையத் தகவல்கள் தெரிவிக்கின்றன.

களனி பிரதேச பௌத்த விகாரைக்கு தொடர்புபட்டுள்ள மாநாயக்க பௌத்த பல்கலைக்கழகத்திற்கு செல்வதற்காக, குறித்த பிக்கு இலங்கை வந்துள்ளார்.

களனியில் அமைந்துள்ள பௌத்த பல்கலைக்கழகத்திற்கு அனுப்பி வைத்துள்ள போதிலும், அவர்கள் மீண்டும் கட்டுநாயக்க விமான நிலையத்திற்கே குறித்த பிக்குவை அனுப்பி வைத்துள்ளனர்.

இது குறித்து பௌத்த பல்கலைக்கழக நிர்வாகத்தை தொடர்பு கொண்ட போது, குறித்த பிக்குமார் தங்கியிருப்பதற்கு தேவையான கட்டிட நிர்மாணிப்பு பணிகள் பூர்த்தியடையவில்லை. இதனால் சீன நாட்டு பிக்குவை தங்க வைப்பதற்கான வசதிகள் இல்லை என்று குறிப்பிட்டுள்ளனர்.

சீனாவிலிருந்து இலங்கை வரும் சுற்றுலாப் பயணிகளுடன் பிக்குவை அனுப்பி வைக்க முயற்சித்த போதும், அவர் செல்ல மறுத்துள்ளார்.

குறித்த பிக்கு சீன மொழியில் மாத்திரம் பேசுவதால், அவரிடம் மேலதிக தகவல்களை பெற்றுக்கொள்ளவது கடினமாக உள்ளதாக விமான நிலையத் தகவல்கள் தெரிவிக்கின்றன.

கடந்த 2003 ஆம் ஆண்டு பௌத்தம் மற்றும் பாலி பல்கலைக்கழகத்தில் பட்டம் பெற்ற பெண் ஒருவர் கால்நடை வளர்த்து அன்றாட தேவைகளை நிறைவேற்றி வருகின்றார்.

கலஹா – பெல்வூட் பிரதேசத்தில் வசிக்கும் 31 வயதான சாலிக்க நவோதனி என்ற பெண்ணே, பட்டம் பெற்று கால்நடை வளர்ப்பில் ஈடுபடுவதன் மூலம் தனது குடும்ப தேவைகளை பூர்த்தி செய்து வருகின்றார்.

குறித்த பெண்ணின் வீடு மிகவும் பழமையானதாகவும், அடிப்படை வசதிகளற்றதாகவும் காணப்படுகிறது.

குறித்த பெண்ணுக்கு இரண்டு ஆண் குழந்தைகள் இருப்பதாகவும் அவர்கள் குப்பி விளக்குகளை வைத்துக்கொண்டே கல்வி நடவடிக்கைகளில் ஈடுப்படுகின்றனர் என்றும் குறிப்பிடப்பட்டுள்ளது.

பல்கலைக்கழகத்தில் பட்டம் பெற்று தனது இளங்கலை சான்றிதழை வீட்டின் சுவரில் தொங்கவிட்டுள்ள குறித்த பெண், கணவனுக்கு உதவியாக கால்நடை வளர்ப்பு மற்றும் விவசாயத்தில் ஈடுபட்டு வருகின்றார்.

தொழில் பெறுவதற்காக பல பரீட்சைகளை மேற்கொண்டிருந்த நிலையிலும் அவருக்கு எந்த தொழிவாய்ப்பும் கிடைக்கவில்லை என தெரிவிக்கப்பட்டுள்ளது.

தன்னை உயர் கல்வி படிப்பதற்காக தன் கணவர் செலவுகளை மேற்கொண்டிருந்தார். எனினும் அதன்மூலம் எந்தவித பிரதிபலனும் கிடைக்கவில்லை. ஆனால் கணவனுக்கு உதவ வேண்டும் என்றும் குறித்த பெண் தெரிவித்துள்ளார்.

என்னுடைய கல்வியை வைத்து கணவனுக்கு உதவி செய்ய முடியாமல் போனாலும் அவருடைய தொழிலுக்காக என்னால் உதவ முடியும் என குறித்த பெண் குறிப்பிட்டுள்ளார்.

தன்னுடைய வலியை குறைத்துக்கொள்ள வேண்டும் என்ற நோக்கிலேயே சுவரில் பட்டம் பெற்ற சான்றிதழை தொங்கவிட்டுள்ளதாக குறித்த பெண் தனது ஆதங்கத்தை வெளிப்படுத்தியுள்ளார்.