பிரித்தானியாவில் படுகாயமடைந்து கோமாவில் உள்ள முன்னாள் ராணுவ வீரரை கருணை கொலைக்கு உட்படுத்த வேண்டுமென கேட்டு அவரது மனைவி நீதிமன்றத்தில் முறையிட்டுள்ளார்.

பிரித்தானியாவில் வாகன விபத்து ஒன்றில் படுகாயமடைந்த முன்னாள் ராணுவ வீரர் பால் பிரிக்ஸ் கடந்த ஓராண்டுக்கும் மேலாக கோமா நிலையில் உயிர் காக்கும் சிகிச்சையில் இருந்து வருகிறார்.

வளைகுடா போர் முடிந்த பின்னர் தாயகம் திரும்பிய 43 வயதாகும் பால் பிரிக்ஸ் உடனடியாக பொலிஸ் அணியில் சேர்ந்து சேவை புரிந்து வந்துள்ளார்.

இவர் பணியில் இருந்தபோது கடந்த ஆண்டு யூலை மாதம் வாகன விபத்தில் சிக்கி தலையில் கனத்த காயம் பட்டு கோமா நிலையில் உள்ளார். இந்த நிலையில் தமது கணவருக்கு அளித்துவரும் அனைத்து உயிர் காக்கும் சிகிச்சைகளையும் நிறுத்த வேண்டும் என்றும் அவரை கெளரவத்துடன் சாக அனுமதிக்க வேண்டும் என்று அவரது மனைவி லிண்சே கோரிக்கை விடுத்துள்ளார்.

ஆனால் குறித்த வேண்டுகோளுக்கு மருத்தவகள் குழு மறுப்பு தெரிவித்துள்ள நிலையில், மான்செஸ்டர் நீதிமன்றத்தில் இந்த விவகாரம் தொடர்பாக கோரிக்கை மனு ஒன்றை அளித்துள்ளார் லிண்சே.

குறித்த மனுவை ஏற்றுக்கொண்ட நீதிபதிகள் பிரிக்ஸ் குறித்த மருத்துவ அறிக்கையை சமர்ப்பிக்க கேட்டுக்கொண்டனர். இதனையடுத்து அரசு மருத்துவர் மற்றும் தனியார் மருத்துவர் அடங்கிய குழு ஒன்று நேரடி ஆய்வை மேற்கொண்ட பின்னர் நீதிமன்றத்திற்கு அறிக்கை ஒன்றை சமர்ப்பித்துள்ளனர்.

அதில் பிரிக்ஸ் விவகாரத்தில் மேலும் நம்பிக்கை கொள்ள வகை இல்லை எனவும், அவர் மிகவும் வருந்தத்தக்க நிலையில் உள்ளதாகவும் தெரிவித்துள்ளனர்.

கடந்த 17 மாதங்களாக பிரிக்ஸ் இதே நிலையிலேயே தொடர்வதாகவும் மருத்துவக்குழு அறிக்கையில் குறிப்பிட்டுள்ளது. இந்த நிலையில் அடுத்த சில நாட்களில் இந்த வழக்கு தொடர்பான இறுதித் தீர்ப்பு நீதிபதிகளால் வழங்கப்படும் என்று தெரிய வந்துள்ளது.

பிரிக்ஸ் விபத்துக்குள்ளாக காரணமான 26 வயது இளம்பெண்ணிற்கு ஓராண்டு சிறை தண்டனை வழங்கி கடந்த யூலை மாதம் தீர்ப்பு வழங்கப்பட்டது குறிப்பிடத்தக்கது

பிரித்தானியாவில் இரட்டை சகோதரிகள் தங்களுடைய நூறாவது பிறந்தநாளை சக நண்பர்களுடன் கொண்டாடிய சம்பவம் சுவாரஸ்யத்தை ஏற்படுத்தியுள்ளது.

பிரித்தானியாவின் Worcestershire நகரத்தின் Stourport என்ற பகுதியில் வசித்து வருபவர்கள் தான் Irene Crump மற்றும் Phyllis Jones. இவர்கள் கடந்த ஞாயிறு அன்று தங்களுடைய நூறாவது பிறந்த நாளை தங்களுடைய குடும்பத்தார் மற்றும் சக நண்பர்களுடன் மிகவும் விஷேசமாக கொண்டாடியுள்ளனர்.

Irene Crump மற்றும் Phyllis Jones கடந்த 1916 ஆம் ஆண்டு நவம்பர் 20 ஆம் திகதி பிறந்துள்ளனர். இதில் Phyllis Jones 25 நிமிடங்களுக்கு இடைவெளியில் பிறந்ததாக கூறப்படுகிறது.

இது குறித்து Irene Crump கூறுகையில், இன்றைய நாள் தங்களுக்கு மிகவும் சிறந்த நாள் என்றும் இன்றைய நாள் தங்களுடைய வாழ்நாளில் மறக்க முடியாது என்று கூறியுள்ளார்.

இதற்கு முன்னர் 90 வது பிறந்த நாளை மிகவும் சிறப்பாக கொண்டாடியதாகவும், அதன் பின்னர் கடந்த ஆண்டு 99 வது பிறந்தநாளை கொண்டாடியதாகவும், தற்போது சதத்தில் வந்து நிற்பதாகவும் கூறியுள்ளார். இதை எட்டியதற்கு தங்களுடைய முறையான உணவுப் பழக்கவழக்கங்களே காரணம் என்று கூறியுள்ளார்.

நாங்கள் இருவரும் எப்போதும் நெருக்கமாக இருப்போம் என்றும் கடந்த ஐந்து ஆண்டுகளுக்கு முன்னர் Jones தன்னை விட்டு சென்றுவிட்டதாகவும், அதன் பின்னர் உடல் நிலை சரியில்லை என்றவுடன் தன் அருகிலே இருந்து தன்னை கவனித்துக் கொண்டதாகவும் கூறியுள்ளார்.

அன்று மட்டும் அவள் தன்னை கவனிக்காமல் இருந்திருந்தால் இன்று இது சாத்தியமில்லை என்றும் கூறியுள்ளார். அதே போன்று இவர்கள் இருவருக்கும் ஒரே நேர்த்தில் தான் வேலை கிடைத்ததும் என்றும் அதுவும் ஒரே நிறுவனம் என்பது தான் அதில் சிறப்பு என கூறியுள்ளார்.

இருவருக்கும் திருமணமாகி குழந்தைகள் உள்ளது. அதில் Irene கணவரின் பெயர் Samuel எனவும் இவர் கடந்த 1999 ஆம் ஆண்டு தன்னுடைய 90 வயதில் இறந்துவிட்டதாக கூறப்படுகிறது.

இதே போன்று Phyllis Jones கணவரின் பெயர் Ray Jones எனவும் இவர் தன்னுடைய 91 வயதில் கடந்த 2006 ஆம் ஆண்டும் இறந்துவிட்டதாக கூறப்படுகிறது.

மேலும் தனக்கு பரிசுப் பொருட்கள் எதுவும் வேண்டாம் என்றும் அதற்கு பதிலாக சிறப்பு ஆம்புலன்ஸ் ஒன்றை வாங்கிக் கொடுத்தால் அனைவருக்கும் மிகவும் உதவியாக இருக்கும் என்றும் இதை தான் பரிசுப் பொருட்களாக கேட்கவில்லை ஒரு நன்கொடையாக கேட்பதாக கூறியுள்ளனர். பிரித்தானியாவில் 6 ஜோடிகள் மட்டுமே இரட்டை சகோதரர்கள் மற்றும் சகோதரிகளாக இருப்பதாக கூறப்படுகிறது.

பிரித்தானியாவைச் சேர்ந்த இளம்பெண் ஒருவர் கணவருடன் நடைபயணம் மேற்கொண்ட போது 300 அடி பள்ளத்தில் கிழே விழுந்து உடல் சிதறி இறந்த சம்பவம் அதிர்ச்சியை ஏற்படுத்தியுள்ளது.

பிரித்தானியாவைச் சேர்ந்த 43 வயது மதிக்கத்தக்க பெண் ஒருவர் தன் கணவருடன் விடுமுறை நாட்களை மகிழ்ச்சியாக கழிப்பதற்காக போர்ச்சுக்கல் நாட்டில் உள்ள Madeira பகுதிக்கு சென்றுள்ளார்.

அங்கு சென்ற அவர்கள் குறுகிய மலைப்பகுதிகள் மற்றும் காண்பதற்கு மிகவும் அழகாக இருக்கும் Levada do Norte என்ற பகுதிக்கு சென்றுள்ளனர். அங்கு பல இடங்களை சுற்றிப்பார்த்த அவர்கள் 300 அடி உயரம் உள்ள Ribeira Brava என்ற பள்ளத்தாக்கு பகுதிக்கு சென்றுள்ளனர்.

அப்போது Eira do Mourao என்ற பள்ளத்தாக்கில் இருக்கும் பாலத்தின் மீது ஏறி அப்பெண் நடந்துள்ளார். அப்போது ஏற்பட்ட கவனக்குறைவு காரணமாக அவர் நிலைதடுமாறி கிழே விழுந்துள்ளார். இதனால் பதற்றமடைந்த அப்பெண்ணின் கணவர் உடனடியாக அப்பகுதியில் உள்ள மீட்புப்படையினருக்கு தகவல் கொடுத்துள்ளார்.

சம்பவ இடத்திற்கு விரைந்து வந்த மீட்புப்படையினர் சுமார் 4 மணி நேர தேடலுக்கு பின்னரே அவருடைய உடலை தேடி கண்டு பிடித்துள்ளனர். மேலும் அப்பகுதியில் அவ்வப்போது மழை பொழியும் என்றும் இதனால் பாலத்தின் மீது இருந்த ஈரத்தால் அவர் நிலைதடுமாறி கீழே விழுந்திருக்கலாம் என்று கூறப்படுகிறது.

இச்சம்பவம் கடந்த சனிக்கிழமை காலை 11.30 மணி அளவில் நடைபெற்றதாக கூறப்படுகிறது. இவருடன் வந்த கணவர் ஆஸ்திரியாவில் உள்ள பிரபல தனியார் தொலைக்காட்சி நிறுவனத்தில் வேலைபார்த்து வருவதாக கூறப்படுகிறது. இருவரும் ஆஸ்திரியா நாட்டில் வசித்து வருவதாக தெரிவித்துள்ளனர்.

இவர்கள் இப்பகுதிக்கு இதுவரை மூன்றுமுறை வந்துள்ளதாகவும், இது ஒரு மோசமான இடம் என்று எச்சரிக்கை பலகை வைத்துள்ளதை கண்டும், அஜாக்கிரதை காரணமாக இச்சம்பவம் நடந்துள்ளதாக தீயணைப்பு படையினர் தெரிவித்துள்ளனர்.

இதே போன்று ஜெர்மனைச் சேர்ந்த 60 வயது மதிக்கத்தக்க ஒருவர் கடந்த மார்ச் மாதம் Funchal பகுதியில் இறந்ததாக கூறப்படுகிறது. இது போன்று பல சம்பவங்கள் இப்பகுதியில் நடந்துள்ளதால், இப்பகுதிகள் இந்த ஆண்டு முதல் கவனிப்பு வளையத்துக்குள் கொண்டுவருவதாக கூறப்படுகிறது.