நடிகர் சிவகார்த்திகேயன் ‘ரெமோ’ படவிழாவில் தனக்கு சிலர் தொல்லை கொடுப்பதாக மேடையிலேயே அழுதபடி புகார் கூறினார். தான் நடித்த ரஜினி முருகன், ரெமோ படங்களை திரைக்கு வர விடாமல் இடையூறு செய்ததாகவும் குற்றம் சாட்டினார். இதனால் பட உலகில் பரபரப்பு ஏற்பட்டது. சிவகார்த்திகேயன் புகார் மீது விசாரணை நடத்தி நடவடிக்கை எடுக்கப்படும் என்று நடிகர் சங்க பொதுச்செயலாளர் விஷால் அறிவித்தார்.

நடிகர் சங்க தலைவர் நாசர் கூறும்போது, “மூன்று தயாரிப்பாளர்கள் சிவகார்த்திகேயன் தங்கள் படங்களில் நடிக்க முன்பணம் கொடுத்து இருப்பதாக புகார் கூறி உள்ளனர். ஆனால் சிவகார்த்திகேயன் இதனை மறுத்து உள்ளார். சம்பந்தப்பட்ட தயாரிப்பாளர்களையும் சிவகார்த்திகேயனையும் அழைத்து இதுகுறித்து பேச்சுவார்த்தை நடத்தப்படும்” என்றார்.

தயாரிப்பாளர் சங்க துணைத்தலைவர் தேனப்பன் கூறும்போது, “ஸ்டுடியோ கிரீன் ஞானவேல்ராஜா தனது படத்தில் நடிக்க சிவகார்த்திகேயன் ஒப்பந்தத்தில் கையெழுத்து போட்டு கொடுத்து இருப்பதாக தயாரிப்பாளர் சங்கத்தில் புகார் அளித்துள்ளார். இதுபோல் தயாரிப்பாளர்கள் எஸ்கேப் ஆர்ட்டிஸ்ட் மதன், வேந்தர் மூவிஸ் மதன் ஆகியோரும் தங்கள் படங்களில் நடிக்க சிவகார்த்திகேயனுக்கு சம்பள முன்பணம் கொடுத்து இருப்பதாகவும் தற்போது அவர் நடிக்க மறுப்பதாகவும் புகார் அளித்துள்ளனர். சிவகார்த்திகேயனிடம் இதுகுறித்து விசாரித்து நடவடிக்கை எடுக்கப்படும்” என்றார்.

இந்த நிலையில் 2 புதிய படங்களில் நடிக்க தன்னை வற்புறுத்துவதாகவும் அந்த படங்களில் நடிக்க மாட்டேன் என்றும் நடிகர் சங்கத்துக்கு சிவகார்த்திகேயன் கடிதம் அனுப்பி இருக்கிறார். அந்த கடிதத்தில் அவர் கூறி இருப்பதாவது:-

“என்னிடம் கால்ஷீட் கேட்டு 2013-ல் தயாரிப்பாளர்கள் ஞானவேல்ராஜா, எஸ்கேப் ஆர்ட்டிஸ்ட் மதன், வேந்தர் மூவிஸ் மதன் ஆகிய 3 பேர் அணுகினார்கள். இதில் ஞானவேல்ராஜா படத்தில் நடிப்பதற்கு மட்டும் ஒப்பந்தம் போடப்பட்டது. மற்ற இருவரின் படங்களில் நடிக்க வாய்மொழியாகவே பேசப்பட்டது. இதற்காக அவர்களிடம் சம்பளத்துக்கான முன்பணம் எதுவும் நான் வாங்கவில்லை.

இப்போது எனது மார்க்கெட் நிலவரம் உயர்ந்துள்ள நிலையில் அவர்கள் மூன்று பேரும் வந்து தங்கள் படங்களில் நடித்துக் கொடுக்கும்படி வற்புறுத்துகிறார்கள். ஞானவேல்ராஜாவிடம் ஒப்பந்தம் போட்டு இருப்பதால் அவர் படத்தில் நடித்துக் கொடுப்பேன். ஆனால் மற்ற இருவரின் படங்களிலும் நடிக்க முடியாது. அவர்களிடம் ஒப்பந்தம் எதுவும் போடவில்லை. இந்த பிரச்சினையை சட்ட ரீதியாக சந்திக்க தயாராக இருக்கிறேன்.”இவ்வாறு சிவகார்த்திகேயன் கடிதத்தில் கூறி இருக்கிறார்.

இந்த கடிதத்தை தயாரிப்பாளர் சங்கத்துக்கு நடிகர் சங்கம் அனுப்பி வைத்து இருக்கிறது. இதன்மீது அடுத்த கட்ட நடவடிக்கை எடுப்பது குறித்து தயாரிப்பாளர் சங்க நிர்வாகிகள் ஆலோசனை நடத்தி வருகிறார்கள்.

நடிகை ஐஸ்வர்யா ராஜேஷ் அட்டகத்தி, ரம்மி என முக்கிய படங்களில் நடித்திருந்தாலும் காக்கா முட்டை படத்தின் மூலம் ஆழமான நடிப்பை வெளிப்படுத்தி எல்லோரையும் திரும்பி பார்க்க வைத்தவர்.

தொடர்ந்து நடித்து வந்த அவர் தர்மதுரை படத்தில் அன்புசெல்வியாக நடித்து எல்லோரையும் ஈர்த்தவர்.கவர்ச்சியுடன் நடிக்க விரும்பும் இவருக்கு குடும்பப்பாங்கான கதாபாத்திரங்கள் வெற்றி பெறுவதால் இயக்குனர்கள் சென்டிமெண்டாக அதே கதாபாத்திரத்தை மட்டுமே இவருக்கு கொடுக்கிறார்கள்.

தற்போது மா.கா.பா உடன் கடலை படத்தில் நடித்து வரும் இவர் பயங்கர கவர்ச்சியுடன் படு ஆட்டம் போட்டுள்ளாராம். தொடந்து இது போல நடிக்க தீவிர ஆர்வம் காட்டுகிறார்.மேலும் இயக்குனர் அமீரின் படத்தில் புதியதாக ஒப்பந்தமான இவர் தீவிரமாக மதுரை தமிழ் கற்றுவருகிறாராம்.

நடிகைகள் சினிமாவில் ஒரு நிலைக்கு வந்துவிட்டார்கள் என்றால் அடுத்து அவர்களுடைய டார்க்கெட் வீடு, கார் வாங்குவது தான்.பல நடிகைகள் சென்னை மற்றும் ஹைதராபாத்தில் வீடுகள் வாங்கியுள்ளனர். அதேபோல் ஹன்சிகா, ஸ்ருதிஹாசன், சமந்தா ஆகியோர் பல கோடிகளுக்கு கார் வாங்கியுள்ளனர்.

ஹன்சிகா பி.எம்.டபுள்யு 5 சீரிஸ் செடன் வாங்கியுள்ளார். அதோடு இவரின் அதிர்ஷ்ட எண் 9 என்பதால் அந்த எண்ணை வாங்க அதிக பணம் செலவு செய்துள்ளார்.அதேபோல் ஸ்ருதிஹாசன், சினிமாவில் நுழைந்ததில் இருந்து சொந்த காலில் நிற்பதையே அவர் விரும்புகிறார். சினிமாவில் சம்பாதித்த பணத்தில் அவர் ரூ.1½ கோடி செலவில் ரேஞ்ச் ரோவர் ஸ்போர்ட் காரை வாங்கி இருக்கிறார்.

சாதாரண குடும்பத்தில் பிறந்த சமந்தா இப்போது சமூக சேவைகள் செய்யும் அளவிற்கு வளர்ந்திருக்கிறார். பி.எம்.டபுள்யு எக்ஸ் 5 சீரிஸ் காரை ரூ.76 லட்சம் செலவில் வாங்கி இருக்கிறார். இவரும் அதிர்ஷ்ட எண் 9ஐ பெற பணம் செலவு செய்துள்ளார்.

கீர்த்தி சுரேஷ் தமிழ் சினிமாவின் நம்பர் 1 நாயகியாக வளர்ந்து வருகிறார். இவர் அடுத்தடுத்து விஜய், சூர்யா போன்ற முன்னணி நடிகர்களின் படங்களில் நடிக்கின்றார்.இந்நிலையில் இவரின் அம்மா மேனகா 80களில் முன்னணி ஹீரோயின், சூப்பர் ஸ்டார் ரஜினிகாந்துடன் கூட நடித்துள்ளார்.

இவர் பல வருடங்களுக்கு பிறகு மீண்டும் நடிக்க முடிவு செய்துள்ளார். இதன் முதற்க்கட்டமாக நடிகர் பிரதாப்புடன் ஒரு குறும்படத்தில் நடித்து வருகின்றார்.இதற்கு கீர்த்தி சுரேஷும் தன் பேஸ்புக் பக்கத்தில் வாழ்த்துக்களை தெரிவித்து, போஸ்ட்டரை பகிர்ந்துள்ளார்.