இலங்கையின் பல பாகங்களிலும் இன்று இடியுடன் கூடிய மழை காற்று தொடரும் என்று வளிமண்டலவியல் திணைக்களம் தெரிவித்துள்ளது.உலக வெப்ப அதிகரிப்பினால் வடக்கு, தெற்கு அரைக்கோளங்களில் இருந்து வரும் காற்று சந்திக்கும் பகுதியில் ஏற்படும் தாழமுக்கம் இலங்கையின் வளிமண்டலத்தில் தாக்கத்தை ஏற்படுத்தியுள்ளது. இதனால் இடியுடன் கூடிய மழை தொடரும் என எதிர்பார்க்கப்படுகின்றது.

தற்போது இடைப்பருவப்பெயர்ச்சி காலநிலை ஆகும். மாலை இரவு வேளைகளில் இடியுடன் கூடிய மழை மின்னல் ஏற்படும் என்று வளிமண்டலவியல் திணைக்களம் தெரிவித்துள்ளது.75 -100 மில்லிமீற்றர் வரையிலான மழை பெய்யக்கூடும். மேல், சப்ரகமுவ, மத்திய மற்றும் தென் மாகாணங்கள் உள்ளிட்ட பல பகுதிகளில் காற்று மின்னல் இடியுடன் கூடிய மழை தொடரும் என்று அறிவித்துள்ளது.

தற்போது உலகின் சூழல் பிரச்சினையான புவிவெப்பமடைதல் காரணமாக இயற்கை விபத்துக்களின் அதிகரிப்பும் சமநிலையின்மையும் அதிகரித்து வருகின்றது.மக்கள் பாதுகாப்பாக அவதானத்துடன் இருக்க வேண்டும் என்றும் சிரேஷ்ட வானிலை ஆய்வாளரும் முன்னாள் வானிலை அவதான நிலையப் பணிப்பாளருமான கே.ஆர்.அபயசிங்க தெரிவித்துள்ளார்.

கடந்த நான்கு மாதங்களுக்கு மேலாக இலங்கையில் கடும் வறட்சி நிலவி வந்ததன் பின்னர் கன மழை பெய்து வருகின்றமை குறிப்பிடத்தக்கது.

இலங்கையில் இலத்திரனியல், அரச நடவடிக்கைகளுக்கு தேவையான, வேகமான, பாதுகாப்பான மற்றும் இலவச wi-fi சேவைக்கான புதிய வேலைத்திட்டமொன்று நடைமுறைப்படுத்தப்பட உள்ளது.கொழும்பில் இன்று அமைச்சரவை முடிவுகளை அறிவிக்கும் ஊடகவியலாளர் சந்திப்பின் போது இத்தகவல் அறிவிக்கப்பட்டது.

இலங்கையில் அரச நடவடிக்கைகளுக்கு தேவையான 2.0 வலையமைப்பு வேலைத்திட்டம் தொடர்பாக ஹரின் பெணார்ந்துவால் சமர்ப்பிக்கப்பட்ட அமைச்சரவை பத்திரத்திற்கு அமைச்சரவை அனுமதி வழங்கியுள்ளமை குறிப்பிடத்தக்கது.

ஜீ.எஸ்.பி. பிளஸ் வரிச்சலுகையை இலங்கைக்கு மீண்டும் பெற்றுக்கொடுக்க தேவையான கூடிய உதவிகளை இலங்கைக்கு வழங்குவதாக ஐரோப்பிய ஒன்றியத்தின் தலைவர் யோன் க்ளோட் யோன்கர் தெரிவித்துள்ளார்.

இலங்கை மீண்டும் ஜீ.எஸ்.பி. பிளஸ் வரிச்சலுகையை பெற்றுக்கொள்வதற்கான வாய்ப்புகள் அதிகரித்துள்ளதாகவும் அவர் சுட்டிக்காட்டியுள்ளார்.பெல்ஜியத்தின் தலைநகர் பிரசல்ஸ்சில் பார்ளிமெண்ட் மாளிகையில் உள்ள ஐரோப்பிய ஒன்றியத்தின் தலைமையகத்தில் பிரதமர் ரணில் விக்ரமசிங்கவுடன் நடைபெற்ற பேச்சுவார்த்தையின் போதே யோன்கர் இதனை கூறியுள்ளார்.

இலங்கையின் பிரதான அரசியல் கட்சிகள் இரண்டு இணைந்து ஏற்படுத்தியுள்ள இணக்க அரசாங்கத்தின் ஊடாக இலங்கை சரியான திசையில் நோக்கி சென்றுக்கொண்டுள்ளது எனவும் யோன்கர் குறிப்பிட்டுள்ளார்.ஜனாதிபதி மைத்திரிபால சிறிசேன மற்றும் பிரதமர் ரணில் விக்ரமசிங்க ஆகியோர் நாட்டில் அமைதி மற்றும் நல்லிணக்கத்தை ஏற்படுத்த மேற்கொண்டு வரும் வேலைத்திட்டங்களை வெகுவாக பாராட்டுவதாகவும் அவர் குறிப்பிட்டுள்ளார்.

இலங்கையின் தற்போதைய நல்லாட்சியை மிகவும் சரியான மற்றும் உரிய முறையில் முன்னோக்கி கொண்டு செல்வதன் மூலம் ஐரோப்பிய சமூகத்திடம் மாத்திரமல்லது சர்வதேச சமூகத்தின் நம்பிக்கை இலங்கை வென்றெடுக்க முடியும் எனவும் ஐரோப்பிய ஒன்றியத்தின் தலைவர் மேலும் தெரிவித்துள்ளார்.

யாழ்ப்பாணம் கீரிமலை பிரபல பாடசாலையில் 15 வயதுடைய மாணவி ஒருவர் நேற்று காலை தூக்கில் தொங்கிய நிலையில் சடலமாக மீட்கப்பட்டுள்ளதாக பொலிஸார் தெரிவித்துள்ளனர்.

யாழ்.கீரிமலை நகுலேஸ்வரா வீதியை சேர்ந்த அரியசேகரம் தர்ஷிகா என்ற சிறுமியே இவ்வாறு உயிரிழந்துள்ளதாக பொலிஸார் மேலும் கூறியுள்ளனர்.குறித்த சிறுமி மனவிரக்தி காரணமாக தற்கொலை செய்திருக்கலாம் என பொலிஸார் தெரிவித்துள்ளனர்.

மேலும் இந்த சிறுமி வீட்டின் அறை ஒன்றில் இருந்தே சடலமாக மீட்கப்பட்டுள்ளதாகவும், சிறுமியின் சடலம் தற்போது உறவினர்களிடம் ஒப்படைக்கப்பட்டுள்ளதாகவும் பொலிஸார் மேலும் கூறியுள்ளனர்.

இலங்கையின் பிரபல நடிகையான கவீஷா அயேஷானி கடந்த இரண்டு நாட்களுக்கு முன்னர் இடம்பெற்ற வாகன விபத்தில் உயிரிழந்தார்.

அவரின் உயிரிழப்பு விபத்து எனத் தெரிவிக்கப்பட்ட போதும், அது தொடர்பில் பல்வேறு சந்தேகங்கள் வெளியிடப்பட்டுள்ளன. திட்டமிட்ட கொலையாக இருக்கலாம் என்ற கோணத்திலும் விசாரணைகள் முன்னெடுக்கப்படுகின்றன.

சந்தேகத்திற்கு பிரதான காரணமாக விபத்து ஏற்பட்ட காரில் உயிரிழந்த நடிகையுடன் இன்னொரு இளைஞர் இருந்ததாக அதிகம் பேசப்பட்டு வருகிறது.

இந்த நிலையில் நடிகை பூதவுடலக்கு அஞ்சலி செலுத்துவதற்காக காயமடைந்த நிலையில் இளைஞர் ஒருவர் வருகை தந்துள்ளார்.

இவ்வாறு காயமடைந்த வந்த இளைஞரே விபத்து இடம்பெற்ற வாகனத்தில் கவீஷாவுடன் சென்றுள்ளதாக தெரிவிக்கப்படுகிறது.

அண்மையில் கவீஷாவின் பிறந்த நாள் விழா இடம்பபெற்ற சந்தர்ப்பத்தில் அங்கும் இந்த இளைஞரை காண முடிந்துள்ளதுள்ளது. இந்

நிலையில் தலையில் காயங்களுடன் கவீஷாவுக்கு அஞ்சலி செலுத்துவதற்கு குறித்த இளைஞர் வருகைத்தந்துள்ளார். அத்துடன் கவீஷாவுக்கு அஞ்சலி செலுத்த வந்தர்கள் பலர் இந்த இளைஞரிடம் சென்று கலந்துரையாடியுள்ளதாக தெரிவிக்கப்படுகின்றது.

நடிகை கவீஷா அயேஷானி ஓட்டிய வாகனத்தில் இருந்த மற்றைய நபர் தொடர்பில் மீரிஹான பொலிஸார் விசாரணைகளை ஆரம்பித்துள்ளதாக தெரிவிக்கப்பட்டமை குறிப்பிடத்தக்கது.

வியட்நாமில் இரத்தினக்கல் அகழ்வில் ஈடுபட இலங்கையர்களுக்கு சந்தர்ப்பம் வழங்குவதற்கான முதற்கட்ட நடவடிக்கைகள் மேற்கொள்ளப்பட்டுள்ளதாக தெரிவிக்கப்பட்டுள்ளது.

தேசிய இரத்தினக்கல் மற்றும் தங்காபரண அதிகார சபையின் தலைவர் அசங்க வெலகெதர இந்த விடயத்தினை தெரிவித்துள்ளார்.

இந்நதிலையில், வியட்நாமின் பூகோள ரீதியிலான வரைப்படங்கள் இலங்கைக்கு வழங்கப்பட்டுள்ளதாகவும் அதிகார சபையின் தலைவர் கூறியுள்ளார்.

இதன் ஊடாக இரத்தினக்கல் அகழ்வதற்கான இடங்களை அடையாளம் காண்பதற்கு வியட்நாம் இலங்கைக்கு வாய்ப்பளித்துள்ளதாக அவர் குறிப்பிட்டுள்ளார்

மேலும், இலங்கையில் இரத்தினக்கல் அகழ்வில் ஈடுபடுபவர்களுக்கு வியட்நாமுடன் இணைந்து தொழில் புரிவதற்கான சந்தர்ப்பம் கிட்டியுள்ளதாக அதிகார சபையின் தலைவர் மேலும் தெரிவித்துள்ளார்.

இலங்கையின் அபிவிருத்தி தொடர்பில் 2020ம் ஆண்டுக்கு முன்னர் 210 மில்லியன் யூரோக்களை வழங்கவுள்ளதாக ஐரோப்பிய ஒன்றியம் தெரிவித்துள்ளது.

ஜீ.எஸ்.பி பிளஸ் வரிச்சலுகையை மீளப் பெற்றுக் கொள்வது தொடர்பில் ஐரோப்பிய ஒன்றியத்துடன் பேச்சுவார்த்தைகளை முன்னெடுக்க, பிரதமர் ரணில் விக்ரமசிங்க பெல்ஜியத்திற்கு சென்றுள்ளார் என்பது குறிப்பிடத்தக்கது.