ஜேர்மனி நாட்டில் 12 ஆடுகளை நாய்குட்டி ஒன்று கொன்றதாக புகார் கூறியுள்ள விவசாயி ஒருவர் அதனை நீதிமன்றத்தில் நிறுத்தியுள்ள சம்பவம் பரபரப்பை ஏற்படுத்தியுள்ளது. ஜேர்மனியில் உள்ள Dusseldorf என்ற நகர் பகுதியில் தான் இந்த சம்பவம் நடைபெற்றுள்ளது. கடந்த 2011ம் ஆண்டு லேடி எனப்பெயரிடப்பட்ட நாய்குட்டி ஒன்றை அதன் உரிமையாளரின் வெளியே அழைத்துச் சென்றுள்ளார். சிறிய பாதையில் நடந்துச் சென்றபோது, நாயின் உடலில் எந்த கயிறும் கட்டப்படாமல் குதித்து சென்றுள்ளது. அப்போது, எதிரே ஒரு விவசாயி எண்ணற்ற ஆடுகளை ஓட்டி வந்துள்ளார். ஆட்டுக்கூட்டத்தை கண்டு உற்சாகம் அடைந்த அந்த நாய்குட்டி கூட்டத்திற்கு மத்தியில் குதித்துள்ளது.

கூட்டத்திற்கு மத்தியில் நாய்க்குட்டி உள்ளதை அறிந்த ஆடுகள் அலறி அங்கும் இங்கும் குதித்துள்ளன. உள்ளே ஆடுகள் மத்தியில் சிக்கிய நாய்குட்டியால் வெளியே வரமுடியாமல் திணறியுள்ளது. ஆடுகளை ஓட்டி வந்த விவசாயி நாய்குட்டியை விரட்டியுள்ளார். சில நிமிடங்களுக்கு பிறகு நாய்க்குட்டி உரிமையாளரிடம் சென்றடைகிறது. ஆனால், நாய்குட்டி வெளியேறியதும் அங்கு 12 ஆட்டுக் குட்டிகள் உயிரிழந்துள்ளதை கண்டு விவசாயி அதிர்ச்சி அடைந்துள்ளார்.

எனினும், உயிரிழந்த எந்த ஆட்டையும் நாய்குட்டி கடிக்கவில்லை. நாய்குட்டி உள்ளே புகுந்ததால் ஏற்பட்ட அதிர்ச்சியின் காரணமாக அந்த 12 ஆடுகளும் உயிரிழந்தது பின்னர் தெரியவந்தது. ஆடுகளுக்கு பீதியுடன் அதிர்ச்சியை நாய் ஏற்படுத்தியதால் தான் ஆடுகள் உயிரிழந்தன என குற்றம் சாட்டிய விவசாயி நீதிமன்றத்தில் வழக்கு பதிவு செய்தார். இந்த வழக்கு விசாரணை நேற்று முன் தினம் நீதிமன்றத்திற்கு வந்துள்ளது.

வழக்கை விசாரணை செய்தபோது நாய்குட்டியின் உரிமையாளர் விவசாயின் புகாரை மறுத்துள்ளார். ‘ஆடுகளுக்கு ஏற்கனவே உளைச்சலும், ஒருவித மன வியாதியும் இருந்ததால் தான் அவைகள் உயிரிழந்து விட்டன. இதற்கும் தனது நாய்குட்டிக்கும் எந்த தொடர்பும் இல்லை’ என உரிமையாளர் வாதிட்டுள்ளார். நாய்குட்டியுடன் சென்ற பேரப்பிள்ளை பேசியபோது, ‘ஆடுகள் கூட்டத்திற்குள் நாய் நுழைந்தவுடன் விவசாயி நாயை இரும்பு கம்பியால் அடித்து விரட்டியுள்ளார்.

அப்போது, அவர் நாயை அடிப்பதற்கு பதிலாக ஆடுகளையும் அடித்துள்ளார். இதனால் தான் ஆடுகள் உயிரிழந்தன’ என வாக்குமூலம் அளித்துள்ளார். எனினும், இவ்வழக்கில் பல்வேறு சந்தேக முடிச்சுகள் உள்ளதால், புகாரை நிரூபிக்க கூடுதல் ஆதரங்களை ஒப்படைக்குமாறு இருதரப்பினருக்கும் நீதிபதி உத்தரவிட்டுள்ளார்.

பிரித்தானியாவில் வாங்கிய 8000 ரூபாய் கடனை திருப்பி செலுத்த தவறிய இளைஞரை நிர்வாணப்படுத்தி சூடுவைத்த 5 பேர் கொண்ட கும்பலை நீதிமன்றம் சிறையில் தள்ளியுள்ளது.

பிரித்தானியாவின் கிரேட்டர் மான்செஸ்டர் பகுதியில் இந்த கொடூர சம்பவம் நடந்துள்ளது. குறிப்பிட்ட நபரை Oldham பகுதியில் உள்ள குடியிருப்பு ஒன்றில் தந்திரமாக வரவழைத்து சித்திரவதை செய்துள்ளனர்.

பாதிக்கப்பட்ட நபர் தாக்குதலில் ஈடுபட்ட 5 பேர் கொண்ட கும்பலில் ஒருவரிடம் இருந்து 8000 கடனாக பெற்றுள்ளதாக கூறப்படுகிறது.

இந்த பணத்தை திருப்பித் தர காலதாமதம் ஏற்பட்டதை அடுத்து குறிப்பிட்ட நபரை Oldham பகுதியில் உள்ள குடியிருப்புக்கு அழைத்துள்ளனர்.

குடியிருப்பில் வந்த இளைஞரை அந்த கும்பல் சரமாரியாக தாக்கி நிர்வாணப்படுத்தியுள்ளனர். பின்னர் புறமுதுகு, வயிற்றுப்பகுதி உள்ளிட்ட பகுதியில் சூடு வைத்துள்ளனர். இதனால் உடல் வெந்து அந்த நபர் உயிருக்கு போராடியுள்ளார்.

பின்னர் அந்த காயத்தில் உப்பு மற்றும் எலுமிச்சை சாற்றினை தேய்த்து அந்த கும்பல் சித்திரவதை செய்துள்ளது.

கை கால்களை கட்டி வைத்து தொடர்ந்து தாக்கப்பட்டதாக அங்கிருந்து வந்த பின்னர் பொலிசாரிடம் தெரிவித்துள்ளார்.
பல மணி நேர தாக்குதலுக்கு பின்னர் வீட்டுக்கு திருப்பிச் செல்ல அனுமதித்துள்ளனர்.

கடந்த ஆண்டு அக்டோபர் மாதம் நடந்த இந்த சம்பவத்தில் குற்றவாளிகளான சோயிப் கான்(17), ஆதம் உசேன்(16), சூபியன் யாகூப்(16) ஆகியோரில் சோயிப் கானுக்கு 6.5 ஆண்டுகள் சிறையும் எஞ்சிய இருவருக்கும் 4 ஆண்டுகள் சிறையும் விதித்துள்ளது மான்செஸ்டர் நகர நீதிமன்றம்.

இந்த வழக்கில் குற்றம் சாட்டப்பட்ட 17 வயது நபர் ஒருவருக்கு ஓராண்டு இரவு நேர ரோந்து பணியை தண்டனையாக வழங்கியுள்ளனர். அசன் கான் என்பவருக்கு 5 ஆண்டுகள் சிறை தண்டனையும் வழங்கியுள்ளனர்.

குற்றவாளிகள் அனைவருக்கும் தண்டனை கிடைக்கப்பெற்றாலும் பாதிக்கப்பட்ட நபரின் மனதளவில் உருவாகியிருக்கும் காயம் வாழ்நாள் முழுக்க ஆறாது என விசாரணை அதிகாரிகள் தெரிவித்துள்ளனர்.