இன்று இறந்துவிட்ட நான் இன்னும் சில நாள் காட்சி ஊடகத்தில் உங்களுடன் வாழத்தான் போகிறேன். அதற்கு முன் உங்களுடன் சிலவற்றை பேசிவிட்டு போய்விட ஆசைபடுகிறேன்.

எல்லோரையும் போல கனவுகளுடன் வாழ்க்கையை ஆரம்பித்த சமகால சமுதயத்தில் நானும் ஒருத்தி தான். எனக்கான கனவுகள் அதிகம் இல்லை.

எல்லோரையும் போன்ற நானும் ஒரு சக மனுஷி தான். இன்று நானும் வழக்கம் போல என் அன்றாட வேலைக்கு கிளம்பினேன்.
வார இறுதிநாட்களை மகிழ்ச்சியுடன் செலவழிக்க நினைக்கும் சராசரி கனவுகளுடன். என் அப்பாவும் அப்படித்தான் நினைத்து என்னை அந்த இரயில் நிலையத்தில் இறக்கிவிட்டுச் சென்றார்.

உங்களில் எத்தனை பேர் இன்று அந்த காட்சியை நேரில் பார்த்தவர்கள் என்று எனக்குத் தெரியவில்லை ஆனால் உங்களின் மனதிற்க்குத் தெரியும். உங்களில் எத்தனை பேர் பெண்கள் முன்னேற்றத்தை வாய்கிழியப் பேசியவர்கள் என்று எனக்கு தெரியாது.

இன்று நான் வாய்கிழிபட்டுதான் இறந்தேன். உங்களில் ஒருவருக்கு கூட அதைத் தடுக்க ஆண்மை இல்லையே, வரிஜினிட்டியை ஆண்மையாக என்னும் சமூகத்தில்தானே இன்னும் நீங்கள் வாழ்கிறீர்கள்.

அவனைத் தடுக்காத உங்களின் கயமை கூட எனக்குப் புரிந்தது.
ஆனால், அவன் போன பின்பு எனக்கு அடிப்படைச் சிகிச்சை அளிக்கவோ அல்லது என் தாகத்தை போக்க தண்ணி கொடுக்க கூடவா ஆள் இல்லை. இரண்டு மணி நேரம் என்னை வேடிக்கைப் பார்தீர்களே அந்த கணங்கள் கூட உங்களைச் சுடவில்லையா?

உங்களின் அதிகபட்ச சமூக அக்கறை, இன்று ஒரு நாள் உங்களின் பேசு பொருள் நான். எப்படியும் இன்னும் இரண்டு-மூன்று நாட்களில் என்னைக் கொன்றவன் எங்கேனும் பிடிபடுவான் இல்லை நீதிமன்றத்தில் சரணைடைவான்.

என் ஒழுக்கத்தைப் பற்றி ஒரு நீண்டவாதம் பேசுவான். இல்லை என்னால் ஏமாற்றப்பட்டதாக புலம்புவான். அதையும் விவாதப் பொருளாக வைத்து விவாதித்துக் கொண்டே இருங்கள்.

இல்லையேல் ஆளும் வர்க்கம் அவனுக்கு ஒரு தோட்டாவைப் பரிசாக அளித்து அவனைக் கொன்றுவிடும். அதையும் பாராட்டி ஒரு பதிவிட்டு உங்கள் சமூக கடமையை ஆற்றிவிடுங்கள்.

மிஞ்சிப் போனால் ஒரு கவிஞனின் இறங்கற்பா. ஒரு பேச்சாலனின் தொண்டை நீர்வற்ற ஒரு உரை. ஒரு எழுத்தாளனின் ஒரு பக்க கட்டுரை… இது தானே என் சாவின் எச்சங்கள்.

நான் நானாக இங்கு வீழ்த்தப்படவில்லை.ஒட்டுமொத்த சமூகமாகவே வீழ்த்தப்பட்டு இருக்கிறேன். அதை மறந்துவிடாதீர்கள்.

பெண் பிள்ளைகள் வெளியில் போகும் போது பார்த்து போக சொல்லும் நீங்கள் அதை ஆண் பிள்ளைகளிடம் சொல்லுங்கள். இந்த பெண்களுக்கு எதிரான குற்றங்களை விதையிலே மக்கச்செய்யுங்கள். விருட்சாமாக அதை வளர்த்து பின்பு வெட்டுதல் என்பது உங்களுக்கும் சுலபம் அல்ல.

உங்களின் கோடாளிகளுக்கும் சுலபம் அல்ல. பாரதி சொன்னான் மாதர் தம்மை இழிவு செய்யும் மடமையை கொளுத்துவோம்.அது கடினம் என்று நினைத்து இன்று மாதரையே கொளுத்த முடிவு செய்துவிட்டீர்கள் போல. இறுதியாக ஒன்று வேண்டுகிறேன் கடற்கரை சாலையில் எனக்கும் ஒரு நினைவேந்தல் வைத்து அரசியல் செய்யாதீர்கள்!

இது வட்ஸ்ஆப்பில் வலம் வரும் ஒரு பதிவு. கண் முன்னே நடக்கும் கொடூரங்களைக் கண்டும் காணாமல் போகும் நமக்கு நாமே கொடுத்துக் கொள்ளும் சாட்டையடி.

டெல்லியில் 2012-ம் ஆண்டு மாணவி ஒருவரை பேருந்தில் கடத்தி சென்று ஒரு கும்பல் கொடூரமாக பாலியல் பலாத்காரம் செய்தது. இதில் அந்த மாணவி உயிரிழந்தார். இந்த சம்பவம் நாட்டையே உலுக்கியது.இதே போன்ற சம்பவம் ஒன்று இப்போது பீகார் மாநிலத்தில் நடந்துள்ளது. அங்குள்ள மொய்திகரி அருகே உள்ளது ஜூமைதோலா கிராமம். இங்கு 21 வயது இளம்பெண் ஒருவர் தனது தாயாருடன் வசித்து வந்தார்.

இந்த ஊரைச்சேர்ந்தவர் சமியுல்லா. இவர் சில நாட்களுக்கு முன்பு அந்த இளம்பெண்ணுக்கு பாலியல் தொல்லை கொடுத்தார். அதை செல்போனில் படம் பிடித்து வைத்திருந்தார்.அந்த படத்தை காட்டி இளம்பெண்ணிடம் தொடர்ந்து தொல்லை கொடுத்து வந்தார். கடந்த 15-ந் திகதி வெளியே சென்ற அந்த பெண்ணிடம் சென்று சமியுல்லா பாலியல் சீண்டலில் ஈடுபட்டார். இதில் கோபமடைந்த அந்த பெண் அவரை கத்தியால் தாக்கினார்.

இது சமியுல்லாவுக்கு கடும் ஆத்திரத்தை ஏற்படுத்தியது. சிறிது நேரம் கழித்து தனது நண்பர்கள் 4 பேருடன் சமியுல்லா அந்த பெண்ணின் வீட்டிற்கு வந்தார். அங்கிருந்த பெண்ணை வலுக்கட்டாயமாக அவர்கள் வெளியே இழுத்து சென்றனர்.பின்னர் அவர்கள் அனைவரும் அவரை பாலியல் பலாத்காரம் செய்தனர். அதுமட்டுமல்ல கொடூரமாகவும் தாக்கியுள்ளனர். இதையடுத்து அவரை சாலையோரம் போட்டுவிட்டு சென்றுவிட்டனர்.

உயிருக்கு ஆபத்தான நிலையில் இருந்த அவரை மீட்டு ஆஸ்பத்திரியில் சேர்த்தனர். அங்கு தொடர்ந்து சிகிச்சை அளிக்கப்பட்டு வருகிறது. இதுபற்றி அந்த பெண்ணின் உறவினர்கள் பொலிசில் புகார் கொடுத்தனர். ஆனால் பொலிசார் அதை கண்டுகொள்ளவில்லை.

இதனால் ஒரு வாரமாக இந்த வி‌ஷயம் வெளியே தெரியாமல் இருந்தது. இதுபற்றி உள்ளூர் டி.வி. சேனல்களுக்கு தகவல் கிடைத்தது. அவர்கள் செய்தியை வெளியிட்டனர். இதைத்தொடர்ந்து பொலிசார் இப்போது தான் நடவடிக்கை எடுத்துள்ளனர்.சமியுல்லா உள்பட 5 பேர் மீது பாலியல் பலாத்கார வழக்கு பதிவு செய்யப்பட்டுள்ளது. அவர்கள் 5 பேரும் தப்பி ஓடிவிட்டனர். அவர்களை தேடிவருகிறார்கள்.பீகாரில் நடந்த இந்த சம்பவம் பெரும் பரபரப்பை ஏற்படுத்தி உள்ளது.

இதேபோல பீகாரில் முசாபர் நகரில் மாங்காய் பறிக்க சென்ற 12 வயது சிறுமியை அதே பகுதியை சேர்ந்த பிரமோத்ஷானி, கமலேஷ்ஷானி ஆகியோர் கடத்தி சென்று கற்பழித்தனர். இதில் அந்த பெண் மயங்கிய நிலையில் சிகிச்சை பெற்று வருகிறார்.இதுதொடர்பாக இருவரையும் பொலிசார் கைது செய்தனர். இந்த சம்பவத்தை கண்டித்து அந்த பகுதியில் சாலை மறியல் போராட்டமும் நடந்தது.

ஆந்திராவில் நுரையீரல் பாதிப்பால் அவதிப்பட்டு வரும் 8 மாத குழந்தையின் மருத்துவ செலவை அரசே ஏற்கும் என முதல்வர் சந்திரபாபு நாயுடு அறிவித்துள்ளார்.ஆந்திராவின் சித்தூர் மாவட்டத்தை சேர்ந்த தம்பதியினர் ரமணப்பா- சரஸ்வதி.இவர்களுக்கு ஞான சாய் என்ற 8 மாத பெண் குழந்தை உள்ளது, பிறந்ததில் இருந்தே குழந்தைக்கு நுரையீரல் நோயால் அவதிப்பட்டு வந்துள்ளது.எனவே குழந்தையை காப்பாற்ற வேண்டுமானால் அறுவை சிகிச்சை செய்ய ரூ.50 லட்சம் வரை செலவாகும் என மருத்துவர்கள் தெரிவித்துள்ளனர்.

மிகவும் கஷ்டப்படும் நிலையில் உள்ள ரமணப்பாவால் குழந்தையின் மருத்துவ செலவுகளை கவனிக்க முடியவில்லை, குழந்தையின் உடல்நலமும் நாளுக்கு நாள் மோசமாகிக் கொண்டே போனது.இதனால் மிகுந்த மன உளைச்சலுக்கு ஆளான தம்பதியினர், குழந்தையை கருணைக் கொலை செய்ய அனுமதிக்குமாறு நீதிமன்றத்தில் மனுத்தாக்கல் செய்தனர்.இந்த விடயம் ஊடகங்களில் வெளியாகவே, குழந்தையின் மருத்துவ செலவுகளை அரசே ஏற்கும் என முதல்வர் சந்திரபாபு நாயுடு அறிவித்துள்ளார்.இந்நிலையில் குழந்தைக்கு சென்னையில் அறுவை சிகிச்சைகள் நடத்த தீவிரமான ஏற்பாடுகள் செய்யப்பட்டு வருகின்றது.