பகிடிவதை புரிவோருக்கு எதிராக பத்து வருட சிறைத்தண்டனை வழங்கப்படவுள்ளதாகதெரிவிக்கப்பட்டுள்ளது. பகிடி வதையானது இலங்கையின் சட்டத்தின் கீழ் குற்றமான செயல் என இலங்கை மனிதஉரிமைகள் ஆணைக்குழு தெரிவித்துள்ளது.மேலும் அண்மையில் பல்கலைக்கழகம் ஒன்றில் இடம்பெற்ற பகிடி வதை சம்பவத்தில்பாதிக்கப்பட்டடோருக்கு பொலிஸார் நியாயத்தைப் பெற்றுக் கொடுக்கத் தவறும்பட்சத்தில் அந்த விடயத்தில் மனித உரிமைகள் ஆணைக்குழு தலையிடும் என இந்தஆணைக்குழுவின் சட்டத்தரணி சாலிய பீரிஸ் தெரிவித்துள்ளார்.

மேலும் பகிடிவதை புரிவோருக்கு எதிராக சட்டத்தின் மூலம் பத்து வருடங்கள்சிறைத்தண்டனை பெற்றுக் கொடுக்கும் வாய்ப்பு உள்ளதாக மனித உரிமைகள்ஆணைக்குழுவின் முன்னாள் ஆணையாளர் ப்ரதிகா மஹாநாமஹேவா தெரிவித்துள்ளார். இதேவேளை அண்மையில் களனி பல்கலைக்கழகத்தில் இடம்பெற்ற பகிடி வதை சம்பவமேபகிடி வதைக்கு எதிராக தற்போது அனைவரும் குரல் கொடுப்பதற்கு காரணமாகும். அத்துடன் குறித்த பகிடிவதை புரிந்த 7 பல்கலைக்கழக மாணவர்கள் தற்போது கைதுசெய்யப்பட்டு விளக்கமறியலில் உள்ளமை குறிப்பிடத்தக்கது.

மாதம்பே – செப்புகட்டிய பகுதியில் தனியார் நிறுவனத்திற்கு சொந்தமான தென்னந்தோட்டம் ஒன்றில் தேங்காய் திருடிய சிவில் பாதுகாப்பு காவலர்கள் மூவர் கைது செய்யப்பட்டுள்ளனர் என தெரிவிக்கப்படுகின்றது.கடந்த மாதம் 18ம் திகதி குறித்த தோட்டத்திலிருந்து 1407 தேங்காய்கள் திருடப்பட்டுள்ளதாக குறித்த தோட்டத்தின் உரிமையாளர் மாதம்பே பொலிஸில் முறைப்பாடு செய்துள்ளார்.

இதற்கமைய விசாரணைகளை முன்னெடுத்த மாதம்பே பொலிஸார், குறித்த தோட்டத்தில் பாதுகாப்பு கடமையில் இருந்த மூன்று காவலர்களை கைது செய்துள்ளனர்.இதற்கு முதலும் குறித்த தென்னந்தோட்டத்திலிருந்து அதிகமான தேங்காய்கள் களவாடப்பட்டிருந்ததாக குறிப்பிடப்பட்டுள்ளது.மேலும் குறித்த சம்பவம் தொடர்பான மேலதிக விசாரணைகளை மாதம்பே பொலிஸார் முன்னெடுத்து வருவதாக தெரிவித்துள்ளனர்.

வெளிநாட்டு வேலைவாய்ப்பு முகவர் நிலையங்கள் மாபியா கும்பலாக செயற்படுவதாக வெளிவிவகார பிரதி அமைச்சர் ஹர்ஸ டி சில்வா தெரிவித்துள்ளார்.வெளிநாடுகளில் தொழில் பெற்று சென்று நிர்க்கதிக்குள்ளானவர்களுக்கு நட்டஈடு வழங்கும் நிகழ்வு நேற்று வெளிநாட்டு அலுவல்கள் அமைச்சின் கேட்போர் கூடத்தில் நடைபெற்றது. இதன் போதே பிரதி அமைச்சர் ஹர்ஸ டி சில்வா இதனைத் தெரிவித்துள்ளார்.

வெளிநாடுகளுக்கு வேலை செய்வதற்காக விண்ணபிக்கும் இலங்கையர்களை குறித்த மாபியா கும்பல்கள் அழைத்துச் சென்று இடைநடுவில் விட்டுவிடுவதாகவும், இவர்களின் பாதுகாப்புக்கு மாபியா கும்பல்கள் உத்தரவாதம் வழங்குவதில்லை என்றும் அவர் குறிப்பிட்டுள்ளார்.

இந்த முகவர் மாபியாக்களை நம்பி வெளிநாடுகளுக்குச் செல்லும் இலங்கையர்கள் பல சொல்லெண்ணா துயரங்களை அனுபவிப்பதாகவும் பிரதி அமைச்சர் சுட்டிக்காட்டியுள்ளார். பதிவு செய்யப்படாத முகவர் நிலையங்கள் ஊடாக வெளிநாடுகளுக்கு செல்லும் பணியாளர்கள் தொடர்பில் அவதானம் செலுத்துமாறு வெளிநாட்டு வேலைவாய்ப்பு பணியகத்திடம் கோரப்பட்டுள்ளது,வெளிநாடுகளுக்கு செல்வதற்கு முன்னர் பணியாளர்கள் வெளிநாட்டு வேலைவாய்ப்பு பணியகத்தின் அறிவுரைகளை செவி மடுப்பது இல்லை என்றும் பிரதியமைச்சர் குற்றம் சுமத்தியுள்ளார்.

கொழும்பு மாநகர சபையின் தற்போதைய எதிர்க்கட்சித் தலைவரின் தந்தையான கருணாரத்ன லியனகேயை, சுட்டுக்கொலை செய்த சம்பவத்துடன் தொடர்புடைய வழக்கில், மரணதண்டனைத் தீர்ப்பு எழுதப்பட்ட வழக்குப் புத்தகம் மாயமாகிவிட்டதாக தெரிவிக்கப்பட்டுள்ளது.குறித்த வழக்கில் சம்மந்தப்பட்ட குற்றவாளிக்கு 1994ஆம் ஆண்டு மரண தண்டனை விதித்து தீர்ப்பளிக்கப்பட்டது.

குறித்த சந்தேக நபர் தப்பியோடியிருந்த நிலையில் 22 வருடங்களிற்கு பின்பு அண்மையில் புறக்கோட்டை மெனிங் சந்தையில் வைத்து பொலிஸாரால் கைது செய்யப்பட்டமை குறிப்பிடத்தக்கது.கொழும்பு மேல் நீதிமன்றத்தில் கைது செய்யப்பட்ட சந்தேக நபர் நேற்றைய தினம்(09) ஆஜர்படுத்தப்பட்டதாகவும், அப்போது வழக்குப் புத்தகம் இல்லாமையினால், மரணத்தண்டனை வழங்கப்பட்ட தீர்ப்பு அறிவிப்பதனை ஒத்திவைத்துள்ளது.இதனடிப்படையில், சந்தேகநபரை எதிர்வரும் 25ஆம் திகதி வரையிலும் விளக்கமறியில் வைக்குமாறும் மேல் நீதிமன்ற நீதிபதி மணிலால் வைத்திய திலக உத்தரவிட்டுள்ளதாக தெரிவிக்கப்படுகின்றது.

சட்டத்துக்கு முரணான வகையில் வாள்கள், ஆபத்தான கத்திகள் என்பவற்றை கம்மாலைகள் உற்பத்தி செய்வதற்குத் தடையுத்தரவு பிறப்பித்துள்ள யாழ் மேல் நீதிமன்றம், அவற்றைவைத்திருப்பவர்கள் அருகில் உள்ள பொலிஸ் நிலையங்களில் உடனடியாகக் கையளிக்க வேண்டும் என உத்தரவிட்டுள்ளது.யாழ் குடாநாட்டில் வாள் வெட்டுச் சம்பங்கள் அதிகரித்திருக்கின்றன. அத்துடன்ஆபத்தான கத்திகளைக் காட்டி அச்சுறுத்தி கொள்ளைகள் இடம்பெறுவதையடுத்தே இந்தஉத்தரவை யாழ். மேல் நீதிமன்ற நீதிபதி இளஞ்செழியன் பிறப்பித்துள்ளார்.

அந்த உத்தரவில் தெரிவிக்கப்பட்டுள்ளதாவது,

சட்டத்திற்கு முரணான வகையில் வாள்கள் வைத்திருப்பதும், ஆபத்தான கத்திகளைவைத்திருப்பதும் சட்டப்படி குற்றமாகும்.இவற்றை உடைமையில் வைத்திருப்பவர்கள் அருகில் உள்ள பொலிஸ் நிலையங்களில்உடனடியாக ஒப்படைக்க வேண்டும்.பொலிசார்; நடத்தும் தேடுதல் நடவடிக்கைகளின்போது, இந்த ஆயுதங்களை உடமையில் வைத்திருப்பது கண்டுபிடிக்கப்பட்டால், அவர்களுக்கு எதிராக சட்ட நடவடிக்கை எடுக்கப்படும்.எனவே, இத்தகைய ஆபத்தான ஆயுதங்களை வைத்திருப்பவர்கள் உடனடியாக குடாநாட்டில்உள்ள பொலிஸ் நிலையங்களில் ஒப்படைக்க வேண்டும். அவற்றை அந்தந்த பொலிஸ் நிலைய பொறுப்பதிகாரிகள் பொறுப்பேற்க வேண்டும்.

சட்டத்திற்கு முரணான முறையில் வாள்கள், ஆபத்தான கத்திகள் என்பன குற்றச்செயல்களுக்குப் பயன்படுத்தப்படுவதனால், யாழ் குடாநாட்டில் உள்ள கம்மாலைகளில்இவற்றை உற்பத்தி செய்வதை இந்த நீதிமன்றம் தடை செய்கின்றது.நீதிமன்ற உத்தரவை மீறி இவற்றை உற்பத்தி செய்து விற்பனை செய்தால் அல்லது யாருக்கும் வழங்கினால் அத்தகைய கம்மாலைகளின் உரிமம் உடனடியாக ரத்துச்செய்யப்படும்.

அத்தகைய ஆயுதங்களை உற்பத்தி செய்தவர்களுக்கு எதிராக சட்டநடவடிக்கை எடுக்கப்படும். யாழ் குடாநாட்டில் பல கம்மாலைகள் சட்ட முரணான வாள்கள் ஆபத்தான கத்திகள் என்பவற்றை உற்பத்தி செய்து விற்பனை செய்வதையே முக்கிய தொழிலாகக் கொண்டிருப்பதாகத் தகவல்கள் கிடைத்துள்ளன.குற்றச் செயல்களில் சம்பந்தப்படுகின்ற வாள்கள், ஆபத்தான கத்திகள்கைப்பற்றப்படும்போது, அவற்றை உற்பத்தி செய்யச் சொன்னது யார்? யார் அவற்றைஉற்பத்தி செய்தது? எந்தக் கம்மாலைகளில் அவைகள் உற்பத்தி செய்யப்பட்டன என்பதுபோன்ற தகவல்களை பொலிசாரின் விசாரணையின்போது சம்பந்தப்பட்டவர்கள் தெரிவிக்கவேண்டிய நிலை ஏற்படும்.

இந்தத் தகவல்களின் அடிப்படையில் வாள்கள் கத்திகளை உற்பத்தி செய்த கம்மாலைகளின் உரிமையளார்கள் மற்றும் அவற்றில் பணியாற்றும் ஊழியர்களும் கைது செய்யப்பட்டு சட்ட நடவடிக்கைக்கு உட்படுத்தப்படுவார்கள். அந்தக் கம்மாலைகளின் உரிமமும் ரத்துச் செய்யப்படும். இவ்வாறு நீதிபதி இளஞ்செழியன் தமது உத்தரவில் தெரிவித்துள்ளார்.

புங்குடுதீவு மாணவி வித்தியா படுகொலை செய்யப்பட்ட வழக்கில் ஒன்பதாவது சந்தேகநபர் கைது செய்யப்பட்ட பின்னர், எவ்வாறு வெள்ளவத்தைக்குச் தப்பிச் சென்றார் என்பது தொடர்பாக தெளிவானதும், சரியானதுமான அறிக்கையினை நீதிமன்றில் சமர்ப்பிக்குமாறு, உத்தரவிடப்பட்டுள்ளது.

நேற்று (09.05) ஊர்காவற்றுறை நீதவான் எம்.எம்.றியால் குறித்த உத்தரவைப் பிறப்பித்துள்ளார்.

இந்த வழக்கு இன்று ஊர்காவற்றுறை நீதிமன்றத்தில் விசாரணைக்காக எடுத்துக்கொள்ளப்பட்டபோது, 9 சந்தேகநபர்களும் ஆஜர்படுத்தப்பட்டனர்.

இதன்படி, இவ் வழக்கு தொடர்பாக கைதுசெய்யப்பட்ட ஒன்பதாவது சந்தேகநபர் எவ்வாறு வெள்ளவத்தைக்குச் தப்பிச் சென்றார் என்பது தொடர்பான தெளிவான அறிக்கையினை இவ் வழக்கின் அடுத்த தவணையில் சமர்ப்பிக்குமாறு குற்றப் புலனாய்வுத் திணைக்கள பணிப்பாளருக்கு, இதன்போது நீதவான் உத்தரவிட்டார்.

அத்துடன், வழக்கின் அடுத்த கட்ட விசாரணை எதிர்வரும் 18ம் திகதிக்கு ஒத்தி வைக்கப்பட்டுள்ளது.

நாட்டைச் சூழவுள்ள அனைத்துப் பாகங்களிலும் இன்று (10.05) பிற்பகல் வேளையில் இடியுடன் கூடிய மழை பெய்யக்கூடும் என வானிலை அவதான நிலையம் தெரிவித்துள்ளது.

குறிப்பாக, நாட்டின் பல மாகாணங்களில் பிற்பகல் 02.00 மணிக்குப் பின்னர் மழை அல்லது இடியுடன் கூடிய மழை பெய்யலாம் என, வானிலை அவதான நிலையம் எதிர்வு கூறியுள்ளது.

அத்துடன் சில பிரதேசங்களில் இம் மழை வீழ்ச்சியினளவு 100 மில்லி மீற்றரைத் தாண்டலாம் எனவும் தெரிவிக்கப்பட்டுள்ளது.

அத்துடன், கிழக்கு, ஊவா மற்றும் தென் மாகாணங்களில் காலையிலும் மழைக்கான சாத்தியம் நிலவுகிறது.

மேலும், சில பகுதிகளில் மழை பெய்யும் போது கடும் காற்று வீச வாய்ப்புள்ளதாகவும், மக்கள் இடி, மின்னலில் இருந்து தம்மைப் பாதுகாத்துக் கொள்ள நடவடிக்கைகளை மேற்கொள்ளுமாறும் கோரிக்கை விடுக்கப்பட்டுள்ளது.

யாழ்பாணத்திலிருந்து கொழும்பு நோக்கி சென்று கொண்டிருந்த புகையிரதத்தில் மோதி ஒருவர் உயிரிழந்துள்ளதாக தெரிவிக்கப்படுகின்றது.

குறித்த சம்பவம் பரந்தன் பிரதேசத்தில் இன்று மாலை இடம்பெற்றுள்ளதாக குறிப்பிடப்பட்டுள்ளது. விபத்தில் உயிரிழந்தவரின் சடலம் கிளிநொச்சி புகையிரத நிலையத்தில் வைக்கப்பட்டுள்ளது.

குறித்த விபத்தில் உயிரிழந்தவரின் சடலம் யாருடையது என இதுவரை அடையாளம் காணப்படவில்லை என மேலும் தெரிவிக்கப்பட்டுள்ளது.