இண்டர்நெட் வேகம் குறித்த பிரபல சர்வதேச புள்ளிவிபரத்தின்படி “Fourth Quarter, 2015, State of the Internet Report” இன் தரவுகளின் பிரகாரம் இலங்கை தென்னாசியாவில் அதிகூடிய வேகம் கொண்ட இண்டர்நெட் வசதி கொண்ட நாடாக குறிப்பிடப்பட்டுள்ளது.

அமெரிக்காவை சேர்ந்த அகமை டெக்னாலஜிஸ் நிறுவனம் ஆண்டு தோறும் இந்த புள்ளிவிபர அறிக்கையை வெளியிடுவது வழக்கம். சர்வதேச அளவில் பல்வேறு நாடுகளில் இண்டர்நெட் வேகம் எவ்வாறு உள்ளது என்பதை தெளிவாக தெரிந்து கொள்ள இந்த புள்ளிவிபரம் முக்கியான ஒன்றாக கருதப்படுகிறது.

உலக அளவில் இண்டர்நெட்டின் சராசரி வேகம் 23 சதவீதம் அதாவது 5.6 எம்.பி.பி.எஸ். அதிகரித்துள்ளது. குறிப்பாக ஆசிய-பசிபிக் பிராந்தியத்தில் தென் கொரியா அதிகபட்சமாக 26.7 எம்.பி.பி.எஸ் வரை இண்டர்நெட் சேவையை வழங்கியிருக்கிறது. மிகக்குறைந்த சராசரி வேகத்தில் இண்டர்நெட் சேவையை கொண்டிருக்கும் நாடாக இந்தியா குறிப்பிடப்பட்டுள்ளது.

மொபைல் இண்டர்நெட் சராசரி வேகத்தில் பிரிட்டன் 26.8 எம்.பி.பி.எஸ். வேகத்துடன் முதலிடத்தை பிடித்துள்ளது. ஸ்பெயின் 14 எம்.பி.பி.எஸ் வேகத்துடன் 2-வது இடத்தை பிடித்துள்ளது. ஈரான் மற்றும் வியட்நாம் நாடுகள் மிகவும் குறைந்த வேகத்தில் மொபைல் இண்டர்நெட் சேவையை வழங்குகின்றன.

அதிகபட்ச இண்டர்நெட் வேகத்தின் சராசரியில் சிங்கப்பூர் (135.7 எம்.பி.பி.எஸ்) முதலிடத்திலும் இந்தியா (21.2 எம்.பி.பி.எஸ்) கடைசி இடத்திலும் உள்ளன. தென்னாசிய வலயத்தில் குறைந்த வேக இண்டர் நெட் சேவையை வழங்கும் நாடாக ஆப்கான் அடையாளப்படுத்தப்பட்டுள்ளது. எனினும் அலைக்கற்றை ஒழுங்கின் பிரகாரம் இந்தியாவை விட அந்நாட்டின் இணையத்தள வேகம் அதிகமாக காணப்படுவது குறிப்பிடத்தக்கது.

ஏ.ஆர். ரஹ்மானின் கொழும்பு இசை நிகழ்ச்சிக்கு எதிர்ப்புத் தெரிவிக்கும் வகையில் சென்னையில் முருக சேனை எனும் அமைப்பு சுவரொட்டிகளை ஒட்டி பரபரப்பை ஏற்படுத்தி உள்ளது.

ஏ.ஆர்.ரகுமானின் இசை நிகழ்ச்சி இலங்கை தலைநகர் கொழும்பில் நடக்கவிருக்கிறதாம். ஏப்ரல் 23ம் திகதி நடக்கவிருப்பதாகச் சொல்லப்படுகிறது.

இலங்கையின் வரலாற்றில் இதுபோன்றதொரு இசைநிகழ்ச்சி நடந்ததில்லை, எனவே இந்த இசை நிகழ்ச்சியைத் தவற விடாதீர்கள் என்று விளம்பரம் செய்து கொண்டிருக்கிறார்கள்.

ரோஜா படத்தில் இடம்பெற்ற சின்னச்சின்ன ஆசை பாடல் மற்றும் அது உருவான விதம் ஆகியனவற்றைப் பற்றியெல்லாம் அறிந்து கொள்ள தவறாமல் இந்நிகழ்ச்சியில் கலந்து கொள்ளுங்கள் என்றும் சொல்லிக் கொண்டிருக்கிறார்கள்.

அங்கு அப்படி விளம்பரங்கள் வந்து கொண்டிருக்கிற அதேநேரம் சென்னையில், கொழும்பில் நடக்கும் நிகழ்ச்சியில் ஏ.ஆர்.ரகுமான் பங்கேற்கக்கூடாது என்கிற கோரிக்கையை வைத்து முருகசேனை என்கிற அமைப்பின் சார்பில் ஏராளமான சுவரொட்டிகள் ஒட்டப்பட்டுள்ளன.

அவற்றில் உலகத் தமிழினம் போற்றும் இசைமேதையே இலட்சக்கணக்கான ஈழத்தமிழர்களை இனப்படுகொலை செய்த இரத்தக்கறை படிந்த சிங்கள அரசோடு கைகோர்ப்பது நியாயமா என்று கேள்வி எழுப்பப்பட்டுள்ளது.

பொகவந்தலாவ பகுதியில் 12 வயது சிறுமியை பாலியல் பலாத்காரத்திற்கு உட்படுத்த முயற்சித்த 35 வயது குடும்பஸ்தர் ஒருவரை பொலிஸார் கைதுசெய்துள்ளனர்.

பெற்றோர் தொழிலுக்கு சென்றிருந்த வேளை, நேற்று பிற்பகல் தனது வீட்டில் குறித்த சிறுமி தனிமையில் இருந்ததை அறிந்து கொண்ட குடும்பஸ்தர் அவரை பாலியல் பலாத்காரத்திற்கு உட்படுத்த முயற்சித்துள்ளார்.

இதன்போது, சிறுமி அலரி அடித்துக் கொண்டு வெளியே ஒடியதாக பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.

நேற்று (26.03) மாலை சந்தேகநபரை கைதுசெய்த பொலிஸார் தடுப்பு காவலில் வைத்து விசாரணைகளை மேற்கொண்டு வருகின்றனர்.

குறித்த சிறுமி பொகவந்தலாவ மாவட்ட வைத்தியசாலையில் அனுமதிக்கப்பட்டுள்ளதோடு, சட்டவைத்திய அதிகாரியின் மருத்துவ பரிசோதனைக்காக நாவலபிட்டி மாவட்ட வைத்தியசாலைக்கு அனுப்பிவைக்கப்படவுள்ளதாக வைத்தியசாலையின் வட்டாரங்கள் தகவல் வெளியிட்டுள்ளன.

சம்பவம் தொடர்பில் கைது செய்யபட்ட சந்தேகநபர் இன்று (27.03) ஹட்டன் நீதவான் முன்னிலையில் அஜர்படுத்தப்படவுள்ளதாக பொகவந்தலாவ பொலிஸார் மேலும் தெரிவித்தனர்.

இது தொடர்பிலான மேலதிக விசாரணைகளை பொகவந்தலாவ பொலிஸார் மேற்கொண்டு வருகின்றனர்.

தேதுருஓயவில் நீராடச் சென்ற இருவர் நேற்று மாலை நீரில் மூழ்கி காணாமல் போயுள்ளனர்.

முன்னேஸ்வரம் ஆலயத்துக்கு வந்த ஒரு குழுவினர் பின்னர் சிலாபம் – தேதுருஓயாவுக்கு சென்றுள்ளனர். இதில் சிலர் உணவு அருந்திக் கொண்டிருந்த வேளை, ஏனையவர்கள் நீராடியுள்ளனர்.

இவர்களில் மெனிக்திவேல – திஸ்மட பகுதியைச் சேர்ந்த ஈ.ஜீ.வீரக்கோன் எனும் 53 வயதான நபரும், ரஞ்சித் பிரேமகுமார் எனப்படும் 39 வயதான நபரும் நீரில் மூழ்கி காணாமல் போயுள்ளதாக பொலிஸார் குறிப்பிட்டுள்ளனர். இவர்களைத் தேடும் நடவடிக்கைகள் முன்னெடுக்கப்பட்டு வருகின்றன.

மனித உயிர் ஒப்பற்றது என்பதனாலேயே அனைத்து தியாகங்களை விடவும் உயிர்த தியாகம் உன்னத தியாகமாகக் கருதப்படுகின்றது. மனிதாபிமானத்தையும் மிஞ்சிய தேவத்துவத்தினை அடைந்து கொள்வதற்காக யேசுக்கிறிஸ்துநாதர் செய்த மாபெரும் தியாகத்தின் புண்ணியத்தன்மையினை அனுஷ்டிக்கும் முகமாகவே உலகவாழ் கிறிஸ்தவர்கள் யேசுக்கிறிஸ்துநாதர் உயிர்த்தெழுந்த இந்த ஈஸ்டர் பண்டிகையை கொண்டாடுகின்றனர் என ஜனாதிபதி மைத்திரிபால சிறிசேன விடுத்துள்ள ஈஸ்டர் தினச் செய்தியில் குறிப்பிட்டுள்ளார்.

அந்தச் செய்தியில் மேலும், ஒருவர் மற்றவர் மீது காட்டும் அன்பு, கருணை மற்றும் கௌரவம் என்பவற்றிலேயே இயேசுக்சிறிஸ்துநாதர் உயிர்த்தெழுந்த ஈஸ்டர் திருநாளின் மகிமை தங்கியுள்ளது. “ஒருவர் இன்னொருவருக்காக தியாகம் மேற்கொள்ள முடியுமானதாக இருப்பின், அவரது தியாகத்தின் மூலம் மனிதாபிமானம் மேன்மையானதாக அமையும்” என்பது இயேசுக் கிறிஸ்துநாதர் உயிர்த்தெழுந்த ஈஸ்டர் திருநாள் பற்றிய செய்தியின் உலகளாவிய பிரகடனமாகும்.

அதிகார மோகம், சூழ்ச்சி மற்றும் பொய்மை ஆகியவற்றை தோற்கடித்து உன்னத நிலையை எய்திய இயேசுக்கிறிஸ்துநாதர் உயிர்த்தெழுந்த ஈஸ்டர் திருநாளில் வாய்மையினதும் தியாகத்தினதும் மறுபிறப்பு மீள உருவெடுக்கிறது. வாய்மையினை ஒருபோதும் தோற்கடிக்க முடியாதென்பதே இதன் அர்த்தமாகும்.

சமத்துவத்துடன் உலகை நோக்குவதற்கு மாந்தர்களை பழக்கப்படுத்திய மேன்மை தங்கிய மதங்கள் காரணமாகவே, மனிதாபிமானம் எப்போதும் இத்திருநாளில் ஒளிவீசி பிரகாசிப்பதுடன் குரோத உணர்வு போன்ற தீய சிந்தனைகள் இல்லாதொழிகின்றன.

இயேசு பிரான் உயிர்த்தெழுந்த ஈஸ்டர் திருநாள், இந்த மனிதாபிமானத்தின் மகிமையை தத்ரூபமாக எடுத்துக்காட்டிய மத வழிபாடாகும். அனைத்து கிறிஸ்தவர்களுக்கும், இயேசு கிறிஸ்துநாதர் உயிர்த்தெழுந்த ஈஸ்டர் திருநாளின் ஒப்பற்ற அருள் கிட்டுவதற்கும், அவர்களுடைய வாழ்க்கை மகிழ்ச்சிகரமாக அமைவதற்கும் இந்நன்னாளில் பிரார்த்திக்கின்றேன்.