தமிழகத்தின் மகளாக, மருமகளாக நான் கேட்கிறேன் காங்கிரஸ்–தி.மு.க. கூட்டணியை வெற்றிப் பெற வையுங்கள் என குஷ்பு பேசியுள்ளார்.

நாகர்கோவில் நகர காங்கிரஸ் சார்பில் அண்ணா விளையாட்டு அரங்கம் அருகே பொதுக்கூட்டம் நடந்துள்ளது. அதில் அகில இந்திய காங்கிரஸ் செய்தி தொடர்பாளரும், நடிகையுமான குஷ்பு சிறப்பு விருந்தினராக பங்கேற்றுள்ளார்.

அவர் செய்தியாளர்களுக்கு அளித்த பேட்டியில், தி.மு.க–காங்கிரஸ் தொகுதி பங்கீடு குறித்து பேச்சுவார்த்தை நடக்கிறது. இதில் குலாம் நபி ஆசாத் கலந்து கொள்கிறார்.

சட்டமன்ற தேர்தலில் போட்டியிடுவதற்காக நான் மனுதாக்கல் செய்யவில்லை. கட்சி தலைவி சோனியாகாந்தி, ராகுல்காந்தி போட்டியிட சொன்னால் போட்டியிடுவேன்.

இந்த தேர்தலில் ஜனநாயகம் ஜெயிக்க வேண்டுமென்று எண்ணுகிறோம்.
ஜனநாயகம் ஜெயிக்கும் என்ற நம்பிக்கை எங்களிடம் இருக்கிறது. மக்களை பணம் கொடுத்து விலைக்கு வாங்க முடியாது என பேட்டியளித்துள்ளார்.

பின்னர் பொதுக்கூட்டத்தில் குஷ்பு பேசுகையில், காங்கிரஸ் கட்சி இந்தியாவில் 130 ஆண்டுகளுக்கு முன்னர் வளர ஆரம்பித்த ஒரு ஆலமரம்.

அதில் உள்ள கிளைகள்தான் இன்று பா.ஜ.க மற்றும் தமிழக திராவிடக் கட்சிகள். அதில் உள்ள கோடிக்கணக்கான தொண்டர்களில் ஒருவராகத்தான் நானும் உள்ளேன்.

நடைபெற உள்ள சட்டசபை தேர்தலில் ‘இலைகள்’ உதிரும், ‘சூரியன்’ உதயமாகும். ‘கைகள்’ உதவும். இது சாதாரண கை இல்லை. இந்தியாவில் வாழும் மக்கள் ஒவ்வொருவரின் நம்பிக்கை.

வரும் தேர்தலில் நாங்கள் ஜெயித்தால் யு.கே.ஜி. முதல் கல்லூரி வரை இலவச கல்வி கொடுப்போம். தமிழக மக்கள் மாற்றம் தேவை என்று கூறி வருகிறார்கள். அந்த மாற்றம் நிச்சயம் வரும்.

அதை தி.மு.க–காங்கிரஸ் கூட்டணியால் மட்டுமே கொண்டு வர முடியும். கொண்டு வருவோம். காங்கிரஸ்–தி.மு.க. கூட்டணியை ஜெயிக்க வைப்போம். தமிழகத்தின் மகளாக, மருமகளாக நான் கேட்கிறேன்.

மாற்றம் வரும் என்ற நம்பிக்கை எனக்கு உள்ளது. வரும் தேர்தலில் தி.மு.க– காங்கிரஸ் அமோக வெற்றி பெறும் என பேசியுள்ளார்.

இறந்ததாக கருதப்பட்ட மாணவி உயிர் பிழைத்த சம்பவம் பரபரப்பை ஏற்படுத்தியுள்ளது. கிருஷ்ணகிரி மாவட்டம் சூளகிரி கீழ்தெரு பகுதியை சேர்ந்தவ பாட்ஷா பரீதா தம்பதியருக்கு 2 மகள்கள், ஒரு மகன் உள்ளனர்.இதில், மூத்த மகள் யாஸ்மின் (16), சூளகிரி அரசு பெண்கள் மேல்நிலைப்பள்ளியில் 11ம் வகுப்பு படித்து வருகிறார்.இந்நிலையில், கடந்த 19ம் திகதி இரவு குடிபோதையில் வீட்டுக்கு வந்த பாட்ஷா, மகள் யாஸ்மினை திட்டியுள்ளார்.

இதனால் மனமுடைந்த யாஸ்மின் தற்கொலை செய்து கொள்ள முடிவெடுத்து பூச்சி மருந்தை குடித்துள்ளார்.இதையடுத்து சூளகிரி அரசு ஆரம்ப சுகாதார நிலையத்திற்கு அழைத்து செல்லப்பட்ட அவர், மேல் சிகிச்சைக்காக கிருஷ்ணகிரி அரசு மருத்துவமனைக்கும், அங்கிருந்து தர்மபுரி அரசு மருத்துவக்கல்லூரி மருத்துவமனைக்கும் கொண்டு செல்லப்பட்டுள்ளார்.

ஆனால் அவரை இனி காப்பாற்ற முடியாது என மருத்துவர்கள் கூறிய நிலையில் நேற்று முன் தினம் யாஸ்மின் டிஸ்சார்ஜ் செய்யப்பட்டார்.அவசர ஊர்தியில் யாஸ்மினை வீட்டிற்கு அழைத்து சென்றபோது யாஸ்மின், திடீரென பேச்சு, மூச்சின்றி கிடந்துள்ளார்.அவர் இறந்து விட்டதாக நினைத்த பெற்றோர் உறவினர்களுக்கும் தகவல் தெரிவித்துள்ளனர்.இதையடுத்து இறுதி சடங்கில் கலந்து கொள்வதற்காக, நேற்று முன் தினம் மாலை உறவினர்கள் அவரது வீட்டில் குவிந்துள்ளனர்.

இந்நிலையில், இறுதி சடங்கு ஏற்பாடுகள் நடந்து கொண்டிருந்தபோது, உறவினர் ஒருவர் யாஸ்மினின் கையை பிடித்து பார்த்த போது நாடி துடிப்பு இருந்ததை அறிந்து ஆச்சர்யமடைந்துள்ளார்.எனவே அவரை உடனடியாக சூளகிரி அரசு ஆரம்ப சுகாதார நிலையத்துக்கு கொண்டு சென்றுள்ளனர்.தற்போது அவருக்கு தீவிர சிகிச்சை அளிக்கப்பட்டு வருகிறது. இச்சம்பவம் அப்பகுதியில் பரபரப்பை ஏற்படுத்தியுள்ளது.