சர்வதேச பாடசாலை மாணவர்களுக்கான உணவூட்டல் தினம் வவுனியா கருப்பனிசங்குளம் பாடசாலையில் பாடசாலை அதிபர் தலைமையில் இடம்பெற்றது.

இவ்விழாவில் பிரதம விருந்தினராக வவுனியா கோட்டக்கல்விப் பணிமனையின் உலக உணவுத்திட்ட பொறுப்பதிகாரி, அபிவிருத்தி உத்தியோகத்தர் சு.வரதகுமார் கலந்து சிறப்பித்தார்.

அன்றை தினம் சிரமதானப் பணிகளும் சிறப்பான உணவு வழங்கலும் இடம்பெற்றது. இதன்போது பாடசாலைக்கு சிறந்த கிணறு ஒன்றை கட்டுவதற்கு நலன் .விரும்பிகளின் உதவியை நாடுவதாக அதிபர் தெரிவித்தார்.

வவுனியா வேப்பங்குளம் பகுதியில் இயங்கிவரும் பிரபல்யமான ஜஸ்கிறீம் உற்பத்தி மற்றும் விற்பனை நிலையத்தில் நேற்று (18.03.2016) இரவு திருடர்கள் புகுந்து பணத்தினை கொள்ளையிட்டுச் சென்றுள்ளதாக வவுனியா பொலிஸ் நிலையத்தில் முறைப்பாடு மேற்கொள்ளப்பட்டுள்ளது. இச்சம்பவம் குறித்து மேலும் தெரியவருவதாவது,

வவுனியா வேப்பங்குளம் பகுதியில் இயங்கிவரும் பிரபல்யமான ஜஸ்கிறீம் விற்பனை மற்றும் உற்பத்தி செய்யும் நிறுவனத்தில் நேற்று வேலைகளை முடித்துக்கொண்டு இரவு 9 மணியின் பின்னர் நிலையத்தினை மூடிவிட்டுச் சென்றுள்ளார் உரிமையாளர். எனினும் அங்கு பணிபுரியும் இருவர் நிறுவனத்தின் பின்புறமாக இருக்கும் அறையில் தங்கியிருப்பது வழமையானது சம்பவ தினம் இருவரும் அங்கு தங்குவதற்கு சென்றுள்ளனர்.

திருடர்கள் ஜஸ்கிறீம் உற்பத்தி செய்யும் இயந்திரங்கள் செயற்படும் பகுதிக்கு போடப்பட்ட சிறியகம்பியிலான கதவினை உடைத்து அதனூடாக உட்புகுந்து அதனுடன் இணைந்திருந்த விற்பனை நிலையத்திற்குள் சென்று காசாளர் மேசையிலிருந்த ரூபா 10.000-ஆயிரம் பணத்தினை கொள்ளையிட்டுச் சென்றதுடன் நிலையத்திற்குப் பொருத்தப்பட்ட சிசிரிவி கமராவின் முக்கிய பகுதியினையும் களவாடிச் சென்றுவிட்டதாக அதன் உரிமையாளரினால் பொலிஸ் நிலையத்தில் இன்று காலை முறைப்பாடு மேற்கொள்ளப்பட்டுள்ளது.

ஸ்தலத்திற்குச் சென்ற வவுனியா பொலிசார் விசாரணையினை மேற்கொண்டதுடன் கைரேகை நிபுணர்களையும் வரவழைத்து மேலதிக விசாரணையினை மேற்கொண்டு வருகின்றனர்.

வவுனியாவில் இன்று(19.03.2016) காலை கர்ப்பிணிப் பெண்ணின் கழுத்தில் அணிந்திருந்த பெறுமதியான தங்கச் சங்கிலி ஒன்றை அறுத்துக்கொண்டு அவ்விடத்திலிருந்து திருடன் தப்பி ஓடியுள்ளான். இச்சம்பவம் குறித்து மேலும் தெரியவருகையில்,

வவுனியா பறநாட்டாங்கல் பகுதியில் வசித்து வந்த 5 மாதமான குறித்த கர்ப்பிணிப் பெண் சாந்தசோலையிலிருக்கும் குடும்பநல சுகாதார நிலையத்திற்கு இன்று காலை10 மணியளவில் சென்றுவிட்டு திரும்ப வீடு செல்வதற்கு வந்து கொண்டிருக்கையில் சாந்தசோலையிலிருக்கும் பேரூந்து தரிப்பிடத்திற்கு அருகில் சென்று கொண்டிருக்கையில் பிரதான வீதியிலிருந்து வேகமாக பல்சர் மோட்டார் சைக்கிலில் வந்த இளைஞர் ஒருவர் வயல் பகுதியை அண்டிய பகுதியில் திடீரென குறித்த பெண்ணின் கழுத்திலிருந்த ஒன்றரைப்பவுன் தங்கச் சங்கிலியை அபகரித்துக் கொண்டு வேகமாகச் சென்றுள்ளார்.

கர்ப்பிணிப்பெண் கூச்சலிட்டு அலறிய சத்தத்திற்கு அருகிலிருந்த கடை உரிமையாளரின் உதவியுடன் அவசர பொலிஸ் தொலைபேசிக்கு பொலிசாருக்கு தகவல் வழங்கப்பட்டதையடுத்து வவுனியா பொலிசார் அவ்விடத்திற்குச் சென்று விசாரணையினை மேற்கொண்டனர்/

கழுத்தில் கைவைத்து தங்கச் சங்கிலியை அறுக்க முற்பட்டபோது கர்ப்பிணிப் பெண்ணுக்கு கழுத்தில் காயம் ஏற்பட்டதையடுத்து முறைப்பாட்டினை மேற்கொண்ட பொலிசார் உடனடியாக மருத்துவமனைக்கு சென்று சிகிச்சை பெறுமாறு தெரிவித்ததுடன் மேலதிக விசாரணையினை வவுனியா பொலிசார் மேற்கொண்டு வருகின்றனர்.