இயக்குனர் திருக்குமரனின் இயக்கத்தில் வளர்ந்து வரும் மான் கராத்தே படத்தின் படப்பிடிப்பு கடந்த சில நாட்களாக பஞ்சாப் மாநிலத்தின் சண்டிகர் நகருக்கு அருகில் உள்ள ஒரு சிறிய கிராமத்தில் நடைபெற்று வருகின்றது.

பார்வையையே மறைக்கும் கடும் மூடுபனியும், போக்குவரத்தை சீர்குலைக்கும் மோசமான வானிலையும் அங்கு நிலவி வரும் போதிலும், நடிகர் சிவகார்த்திகேயனும், நடிகை ஹன்சிகா மோத்வானியும் அங்கு இரண்டு பாடல்களுக்கான படப்பிடிப்பில் பிசியாக இருப்பதாகத் தகவல்கள் தெரிவிக்கின்றன.

வானிலை தெளிவாக இல்லாத காரணத்தால் சண்டிகருக்கு வரும் பல விமானங்கள் ரத்து செய்யப்பட்டுள்ளன. கடும் மூடுபனியால் எதிரில் இருப்பவற்றையே பார்க்கமுடியாத நிலை அங்கு நிலவுகின்றது. சண்டிகரிலும் அதன் சுற்றுப்புற கிராமங்களிலும் வெப்பநிலை பூஜ்யத்திற்கும் கீழே உள்ளது.

ஆனால் இந்தத் திரைப்படக்குழுவோ சண்டிகரிலிருந்து சில கிலோ மீட்டர்கள் தொலைவில் குறைந்த அளவில் வீடுகளைக் கொண்ட கோதுமை வயல்களில் கடந்த சில நாட்களாக படப்பிடிப்பில் ஈடுபட்டுள்ளது.

தினமும் சண்டிகரிலிருந்து இந்தக் குழுவினர் அங்கு சென்று படப்பிடிப்பை நடத்தி வருகின்றனர். இங்கு எடுக்கப்பட்டுவரும் ஒரு பாடல் காட்சிக்கு பிருந்தா மாஸ்டர் நடனக் காட்சிகளை அமைத்துள்ளார். இதில் ஹன்சிகா லுங்கி சட்டையுடன் நடனமாடும் காட்சி சுவாரஸ்யமானதாக இருக்கும் என்று தயாரிப்புக் குழு தெரிவிக்கின்றது.

அஜித் இரசிகர்களுடன் மோதல் வேண்டாம் என இரசிகர்களுக்கு நடிகர் விஜய் அறிவுரை கூறியுள்ளார். நடிகர் விஜய் ட்விட்டர் தளம் மூலம் இரசிகர்களிடம் அரை மணி நேரம் உரையாடினார். அப்போது அவரிடம் கேட்கப்பட்ட கேள்விகளும், விஜய் அளித்த பதில்களும்…

கேள்வி : ஜில்லா படம் வெற்றி பெற்றது பற்றி?

பதில் : ஜில்லா´ படம் பெரிய வெற்றி பெற்றுள்ளது. இதற்கு காரணமாக இருந்த எனது இரசிகர்களுக்கும், நலம் விரும்பிகளுக்கும் என் நன்றியை தெரிவித்துக் கொள்கிறேன்.

கேள்வி : தமிழ் படஉலகில் உடம்பை வருத்தி கடுமையாக உழைக்கும் நடிகர் யார்?

பதில் : சீயான் விக்ரம்.

கேள்வி : உங்கள் இரசிகர்களுக்கும், அஜித் இரசிகர்களுக்கும் இடையே அடிக்கடி மோதல் ஏற்படுகிறதே?

பதில் : தயவுசெய்து இதுபோன்ற தகராறுகளில் இரசிகர்கள் ஈடுபட வேண்டாம் என்று கேட்டுக் கொள்கிறேன். இதுபோன்ற மோதல்கள் ஆரோக்கியமானது அல்ல.

கேள்வி : இரசிகர்களுக்கு என்ன சொல்ல விரும்புகிறீர்கள்?

பதில் : உங்கள் வேலையை நன்றாக செய்யுங்கள். உங்கள் குடும்பத்தை நன்றாக பார்த்துக் கொள்ளுங்கள். இந்த இரண்டையும் செய்தால் உங்கள் வாழ்க்கை நன்றாக இருக்கும்.

கேள்வி : மோகன்லாலுடன் நடித்தது பற்றி?

பதில் : மோகன்லாலுடன் நடித்த அனுபவம் மறக்க முடியாதது. மலையாள படமொன்றில் அவருடன் இணைந்து நடிக்க ஆசை.

கேள்வி : ஹிந்தி படத்தில் நடிப்பீர்களா?

பதில் : நமக்கு எப்பவும் நம்ம தமிழ்நாடுதான்னா…

கேள்வி : உங்களை எதிர்க்கும் இரசிகர்களுக்கு என்ன சொல்ல விரும்புகீறீர்கள்?

பதில் : அவர்களையும் நான் விரும்புகிறேன்.

களவாணி என்ற ஹிட் படத்தில் அறிமுகமானாலும் ஓவியாவுக்கு அதற்கு பிறகு எந்த படமும் சரியாக அமையவில்லை. அதிலும் மன்மதன் அம்பு படத்தில் சிறிய கதாபாத்திரத்தில் நடித்து தனது நாயகி இமேஜுக்கு அவரே வேட்டு வைத்துக் கொண்டார்.

2013ம் ஆண்டுதான் அவருக்கு கொஞ்சம் விளக்கேற்றி வைத்திருக்கிறது. ஜில்லுன்னு ஒரு சந்திப்பு, மூடர்கூடம், மதயானைக்கூட்டம் என்ற மூன்று படத்தில் நடித்தார். அதில் ஜில்லுன்னு ஒரு சந்திப்பு தவிர மற்ற படங்கள் அவருக்கு பெயர் வாங்கிக் கொடுத்தது.

இதனால் புதிய உற்சாகத்தோடு 2014ம் ஆண்டில் வலம் வர இருக்கிறார். தற்போது மலையாள சாப்பாகுரிசு படத்தின் தமிழ் ரீமேக்கான புலிவால் படத்தில் நடித்து வருகிறார்.

சாப்பாகுரிசு படத்தில் ரம்யா நம்பீசன் நடித்த முத்த காட்சி அங்கு அப்போது ஹொட் டாபிக். இப்போது ரம்யா நடித்த கதாபாத்திரத்தில் நடித்து வரும் ஓவியாவும் அதே மாதிரி பிரசன்னாவுடன் முத்தக் காட்சியில் நடித்திருக்கிறார்.

சாப்பாகுரிசு படத்தை 10 தடவையாவது பார்த்திருப்பேன். அதுல வர்ற கிஸ்சிங் சீன் பற்றி எனக்குத் தெரியும். தெரிஞ்சுதான் நடிக்க ஒத்துக்கிட்டேன். ரம்யாவும் என்னை மாதிரி ஹோம்லியா நடிக்கிறவங்கதான். அவுங்களே கிஸ் பண்ணி நடிச்சிருக்குறப்போ நான் நடிக்க கூடாதா. அந்த காட்சி நிச்சயமாக எந்த உணர்ச்சியையும் தூண்டாது நெகிழ்ச்சியாத்தான் இருக்கும் என்கிறார் ஓவியா

நடிகர் உதய்கிரணின் தற்கொலை சம்பவம் சினிமா படமாகிறது. உதய்கிரண் தமிழில் வம்பு சண்டை, பொய், பெண் சிங்கம் போன்ற படங்களில் நடித்துள்ளார்.

தெலுங்கிலும் முன்னணி நடிகராக இருந்தார். கடந்த 5ம் திகதி வீட்டில் தூக்கில் தொங்கி தற்கொலை செய்து கொண்டார். இது தெலுங்கு, தமிழ் பட உலகில் அதிர்ச்சியை ஏற்படுத்தியது.

உதய் கிரணுக்கு சமீப காலமாக பட வாய்ப்புகள் குறைந்து விட்டன. வீட்டுக்கு வாடகை கொடுக்கவே சிரமப்பட்டார். தந்தை இரண்டாவது திருமணம் செய்து கொண்டதால் அவருடன் பேசுவதையும் தவிர்த்தார். இது அவருக்கு மன அழுத்தத்தை ஏற்படுத்தியதாகவும் இதனால் தற்கொலை செய்து கொண்ட தாகவும் கூறப்பட்டது.

உதய் கிரண் வாழ்க்கையில் நடந்தவற்றை தொகுத்து சினிமா படமாக எடுக்கின்றனர். இதில் அவரது சினிமா வாழ்க்கை, குடும்ப பிரச்சினைகள் காட்சி படுத்தப்படுகிறது. சிரஞ்சீவி மகளுக்கும், உதய்கிரணுக்கும் முதலில் திருமண நிச்சயதார்த்தம் நடந்தது. பிறகு அது இரத்தானது.

விஷிதா என்பவரை உதய் கிரண் மணந்தார். தற்கொலைக்கு சிரஞ்சீவி குடும்பத்தினரும் காரணம் என இரசிகர்கள் விமர்சித்தனர். இதுவும் படத்தில் சேர்க்கப்படுகிறது.

சரித்திர கதையம்சம் உள்ள படங்களில் நடிக்க ஆசைப்படுவதாக அமலாபால் தெரிவித்தார். அனுஷ்கா, தமன்னா போன்றோர் ராணி, இளவரசி வேடங்களில் நடிக்கின்றனர். நயன்தாராவும் ஸ்ரீராமராஜ்ஜியம் படத்தில் சீதை வேடத்தில் நடித்தார். சிலர் விலைமாது வேடத்தில் நடித்து விருதுகள் வாங்கியுள்ளனர்.

அமலாபாலுக்கு காதல் பட வாய்ப்புகளே கிட்டியுள்ளன. கதாநாயகர்களுடன் டூயட் ஆடவே பயன்படுத்தப்பட்டு உள்ளார். இது அவருக்கு சலிப்பை ஏற்படுத்தி உள்ளதாம்.

நடிப்புத் திறமையை வெளிப்படுத்தும் கதையம்சம் உள்ள படங்களில் நடிக்க ஆர்வம் காட்டுகிறார். அமலாபால் வீர சேகரன் என்ற படம் மூலம் தமிழில் அறிமுகமானார். சிந்து சமவெளி படத்தில் மாமனாரை காதலிக்கும் பெண்ணாக நடித்து பரபரப்பு ஏற்படுத்தினார்.

மைனா படத்தின் வெற்றி அவரை பிரபலபடுத்தியது. தெய்வ திருமகன், காதலில் சொதப்புவது எப்படி, முப்பொழுதும் உன் கற்பனைகள், தலைவா போன்ற படங்களில் நடித்தார்.

தற்போது ஜெயம் ரவி ஜோடியாக நிமிர்ந்து நில், தனுஷ் ஜோடியாக வேலை இல்லா பட்டதாரி படங்களில் நடிக்கிறார்.

அமலாபால் கூறும் போது, கிராமத்து கதையம்சம் உள்ள படத்தில் நான் அறிமுகமானதால் அது போன்ற படவாய்ப்புகள் நிறைய வந்தன. ஒரே மாதிரி நடிக்க பிடிக்கவில்லை. சரித்திர கதையம்சம் உள்ள படம் ஒன்றில் நடிக்க வேண்டும் என்பது என் கனவாக இருக்கிறது. அது போன்ற கதாபாத்திரத்தை எதிர்பார்த்து காத்து இருக்கிறேன் என்றார்.