அஜித்தின் வீரம் படம் வெளியான நான்கு நாட்களில் இந்தியாவில் மட்டும் 31 கோடி வசூல் செய்துள்ளது.

சிவா இயக்கத்தில் அஜித், தமன்னா ஜோடி சேர்ந்த வீரம் படம் பொங்கல் பண்டிகை விருந்தாக கடந்த 10ம் திகதி வெளியானது.

நகரத்து ஹீரோவாக வலம் வந்த அஜித் நீண்ட காலம் கழித்து இந்த படத்தில் கிராமத்து கெட்டப்பில் நடித்துள்ளார். படத்திற்கு வெளிநாடுகளிலும் நல்ல வரவேற்பு கிடைத்துள்ளது.

வீரம் வெளியான அன்று மட்டும் தமிழகத்தில் 7 கோடி வசூல் செய்துள்ளது. வீரம் படத்திற்கு குட்டீஸ்களிடமும் அமோக வரவேற்பு கிடைத்துள்ளது. மேலும் இப்படம் வெளியான நான்கு நாட்களில் இந்தியாவில் 31 கோடி வசூலித்துள்ளது.

வார இறுதி நாட்களில் தமிழகத்தில் மட்டும் 15.5 கோடி வசூலித்துள்ளது.

படப்பிடிப்புக்காக தாதாவை சந்தித்து அனுமதி வாங்கியுள்ளாராம் சந்தானம். வல்லவனுக்கு புல்லும் ஆயுதம் என்ற படத்தில் கொமடி ஹீரோவாக நடிக்கிறார் சந்தானம்.

ஸ்ரீநாத் இயக்கும் இப்படத்தின் படப்பிடிப்பிற்காக கடப்பாவுக்கு பட குழு சென்றது. அப்பகுதியில் படப்பிடிப்பு நடத்த வேண்டுமென்றால் உள்ளூர் தாதாவின் அனுமதி பெற்றால்தான் முடியும் என்று கூறியுள்ளனர்.

பிறகு சந்தானம் தானே அந்த ரிஸ்க்கை எடுப்பதாக கூறி தாதாவை அவரது வீட்டில் சந்தித்து அனுமதிகேட்டுள்ளார்.

அவரிடம் தாதா அனுமதி தரணும்னா ஒரு கண்டிஷன் என்றாராம். என்னன்னு சொல்லுங்க என சந்தானமும் பயத்துடன் கேட்க, படப்பிடிப்பு முடிந்து பட குழுவினர் ஊர் திரும்புவதற்கு முன் என் வீட்டிற்கு எல்லோரும் வந்து என்னுடன் அமர்ந்து சாப்பிட்ட பிறகுதான் செல்ல வேண்டும் என்று கூறியுள்ளார்.

தாதாபோட்ட கண்டிஷனை கேட்ட சந்தானம் எங்களுக்கு நேரம் இருக்காது. ஆனால் உங்களுக்காக வருகிறோம் என்று பிகுகாட்டிக்கொண்டு புறப்பட்டுவிட்டாராம்.

கட்டுக்காவலை தளர்த்தெறிந்துவிட்டாராம் ஊதா கலரு ரிப்பன். வாலிபர் சங்கத்தில் அறிமுகமான ஸ்ரீதிவ்யா தனது குழந்தை முகத்துடன் கூடிய நடிப்பால் அனைவரையும் கவர்ந்து விட்டார்.

அறிமுக படத்தில் கிடைத்த வெற்றியால் பல படங்களின் வாய்ப்புகளையும் பெற்று கோடம்பாக்கத்தில் நம்பர் வன் நடிகையாக வலம் வரும் இவர் படப்பிடிப்பு தளத்தில் மௌனதேவதையாம்.

யாருடனும் அதிகமாக பேசாமல் தான் உண்டு தன் வேலை உண்டு இருப்பவர் இனிமேல் அப்படி இருக்கக்கூடாது என்ற முடிவினை எடுத்துள்ளாராம்.

இந்த மௌனமானது வளர்ச்சிக்கு உகந்ததல்ல என்பதை புரிந்து கொண்ட அவர் படப்பிடிப்பு தளத்தில் ஹீரோக்களுடன் ஜாலியாக சிரித்து பேசி நேரத்தை செலவிடுகிறாராம்.

நடிகை த்ரிஷாவுக்கும் அவரது காதலர் ராணாவுக்கும் இடையே பிரச்சினை என்றும், அவர்களின் காதல் முறியும் தருவாயில் உள்ளது என்றும் கூறப்படுகிறது.

த்ரிஷாவுக்கு எப்பொழுது கல்யாணம் என்று தான் பலரும் கேட்கின்றனர். அவரது அம்மா உமாவும் தனது மகளுக்கு சின்சியராக மாப்பிள்ளை தேடிக் கொண்டிருக்கிறார். இதற்கிடையே த்ரிஷாவும், தெலுங்கு நடிகர் ராணாவும் காதலிப்பதாக வேறு பல காலமாக கூறப்படுகிறது.

வெளிநாட்டில் நடந்த விருது விழா ஒன்றில் த்ரிஷாவும், ராணாவும் ஓவர் நெருக்கமாக இருந்தது பெரிதாக பேசப்பட்டது. மேலும் அவர்கள் இருவரும் கோவாவில் ஒன்றாக சுற்றியதும் அவர்கள் காதலர்கள் தான் என்பதை உறுதிபடுத்தின.

ராணாவுக்கும் த்ரிஷாவுக்கும் இடையே காதலும் நெருக்கமும் ஒரு பக்கம் இருந்தாலும் அவர்கள் பிரிந்துவிட்டார்கள் என்ற செய்தியும் பலமுறை வந்துவிட்டது.

த்ரிஷாவுக்கும், ராணாவுக்கும் இடையே பிரச்சினை என்றும், அவர்களின் காதல் முறியும் நிலையில் உள்ளது என்றும் தற்போது கூறப்படுகிறது.

முன்பெல்லாம் விருது விழாக்களுக்கு ராணாவுடன் கைகோர்த்து வரும் த்ரிஷா தற்போது தனியாக வருகிறாராம். ஆனால் இது குறித்து இருவருமே வாய் திறக்க மாட்டேன் என்று உறுதியாக உள்ளனர்.

ராணா தற்போது எஸ்.எஸ். ராஜமவுலியின் பாகுபலி படத்தில் நடித்து வருகிறார். இந்த படத்தில் அவருடன் நடிக்கும் அனுஷ்காவுடன் சேர்த்தும் அவரது பெயர் அடிபட்டுவிட்டது என்பது குறிப்பிடத்தக்கது.

நடிகர் விஜய்யை வைத்து கலைப்படமோ குடும்பப்படமோ எடுக்க முடியாது என, ஜில்லா படத்தின் தயாரிப்பாளர் ஆர்.பி. சௌத்ரி தெரிவித்துள்ளார்.

ஆர்.பி.சௌத்ரி தயாரிப்பில் விஜய், மோகன்லால் நடித்த ஜில்லா படம் கடந்த 10ம் திகதி வெளியாகி வசூலை குவித்துக் கொண்டிருக்கிறது.

படம் கேரளாவில் வசூலில் புதிய சாதனையே படைத்துள்ளது. இந்நிலையில் ஜில்லா வெற்றிக் கொண்டாட்ட நிகழ்ச்சி நடைபெற்றது. அதில் கலந்து கொண்ட ஆர்.பி. சௌத்ரி கூறுகையில்..

விஜய்யை வைத்து படம் எடுக்கையில் அவருக்கு இருக்கும் ஏராளமான இரசிகர்களையும் மனதில் வைத்து தான் படம் எடுக்க வேண்டும். அவரின் இரசிகர்களை திருப்திபடுத்துவது மிகவும் முக்கியம்.

விஜய்யை வைத்து கலைப் படமோ, குடும்ப படமோ எடுக்க முடியாது. ஏனென்றால் அத்தகைய படங்களில் விஜய் நடித்தால் அதை அவரது இரசிகர்கள் ஏற்றுக் கொள்ள மாட்டார்கள்.

இரசிகர்களை திருப்திபடுத்த விஜய்யை வைத்து கமர்ஷியல் படங்கள் மட்டும் தான் எடுக்க முடியும். ஜில்லா படம் வெற்றி பெற்றதில் எனக்கு மகிழ்ச்சி என்றார்.

அமலாபாலை தலைவா தடுக்கி விட்டபோதும், அம்மணியின் ஆர்ப்பாட்டம் குறையில்லையாம். படப்பிடிப்பு தளத்துக்கு வந்ததுமே கரவனுக்குள் சென்று கையடக்கத் தொலைபேசியை ஓன் செய்பவர் அதன்பிறகு ஷாட் ரெடியாகி விட்டது என்ற தகவலை சொல்ல உதவி இயக்குனர்கள் வந்து கரவன் கதவை தட்டினாலும் கண்டுகொள்வதே இல்லையாம். அவரது மொத்த கவனமும் அழைப்பிலேயே இருக்கிறதாம்.

இதனால் வாசலிலேயே காத்திருந்து விட்டு பேக் அடிக்கும் உதவி இயக்குனர்கள், விசயத்தை இயக்குனரின் காதுக்கு கொண்டு செல்ல, அவர்கள் வந்து டென்சனை காட்டிய பிறகுதான் கரவன் கதவையே திறந்து வெளியே எட்டிப்பார்க்கிறாராம் அமலாபால்.

அதன்பிறகும் பெரிதாக பரபரப்பை காட்டாமல் சாவகாசமாகத்தான் கமரா முன்பு வருகிறாராம். பின்னர் அவருக்கு வசனங்கள் சொல்லிக்கொடுத்து இரண்டு டேக் எடுப்பதற்குள் லஞ்ச் பிரேக் வந்து விடுகிறதாம்.

இதன்காரணமாக தற்போது மேற்படி நடிகையை வைத்து படம் தயாரிக்கும் படாதிபதிகள் அவர் மீது கடும் கோபத்தில் இருக்கிறார்களாம்.

தற்போது தான் தயாரிக்கும் வேலையில்லா பட்டதாரி படத்தில் அமலாபாலை ஒப்பந்தம் பண்ணியுள்ள தனுஷ்கூட, அடுத்து தான் எதிர்நீச்சல் டீமை வைத்து தயாரிக்கும் படத்திற்கும் அமலாபாலைதான் முதலில் ஒப்பந்தம் பண்ணுவதாக இருந்தார்.

ஆனால் வேலையில்லா பட்டதாரிக்கு அவர் சரியானபடி ஒத்துழைப்பு கொடுக்காததால், அடுத்து சிவகார்த்திகேயனை வைத்து தான் தயாரிக்கும் படத்தில் இருந்து அவரது பெயரை நீக்கி விட்டார்.

அதனால், அடுத்து அந்த வாய்ப்பு தமன்னாவுக்கு செல்லவிருந்தது. ஆனால், அவர் எக்குத்தப்பாக சம்பளம் கேட்டதால் இப்போது ஸ்ரீதிவ்யாவை மீண்டும் சிவகார்த்திகேயனுக்கு ஜேடியாக்குகிறார்கள்.

ஆக அமலாபாலின் அட்டகாசத்தினால் அவரது படவாய்ப்புகளை இப்போது ஸ்ரீதிவ்யாவுக்கு சென்று விட்டது போல், ஏற்கனவே ஒரு வாய்ப்பு நஸ்ரியாவுக்கும் சென்றிருந்தது. இதுபோன்று படவாய்ப்புகள் நழுவிப்போனபோதும் அமலாவின் நடவடிக்கையில் எந்த மாற்றமும் இல்லையாம்.

இதையடுத்து ஜெயம்ரவியுடன் நடித்துள்ள நிமிர்ந்து நில் படம் இருப்பதால் அதை முன்வைத்து ஜாஸ்தியாகவே பேசி வருகிறாராம்.

அதனால் அவருக்கான மேலும் சில வாய்ப்புகள்கூட லட்சுமிமேனன் உள்ளிட்ட நடிகைகள் பக்கம் தாவிக்கொண்டிருக்கிறது. அந்த அளவுக்கு அமலாபால் மீது அதிருப்தியில் இருக்கிறார்கள் கோலிவுட் படாதிபதிகள்.

கே.வி

.ஆனந்த் இயக்கும் அனேகன் படத்தின் படப்பிடிப்பு கடந்த சில நாட்களாக ஹைதராபாத்தில் விறுவிறுப்பாக நடந்து வருகிறது.

இந்தப் படத்தில் தனுஷுக்கு ஜோடியாக பொலிவுட் அழகி அமீரா நடிக்கிறார்.

நான்கு மாறுபட்ட கதாபாத்திரங்களில் தனுஷ் நடிக்கும் இப்படத்தின் படப்பிடிப்பு ஹைதராபாத்தில் இன்னும் சில நாட்கள் நடைபெறவிருப்பதால் இந்த வருட பொங்கலை அனேகன் யூனிட்டுடன் ஹைதராபாத்தில் கொண்டாடினார் தனுஷ்.

ரொமான்டிக் த்ரில்லர் படமாக உருவாகி வரும் இந்தப் படத்திற்கு ஹாரிஸ் ஜெயராஜ் இசை அமைக்கிறார்.