கவர்ச்சியாக நடிக்க தயங்காத நயன்தாரா கர்ப்பிணியாக நடிக்க மறுத்த விஷயம் தற்போது தெரியவந்துள்ளது. சேகர் கம்மூலா இயக்கத்தில் அனாமிகா என்ற படத்தில் நயன்தாரா நடித்து வருகிறார். தமிழ், தெலுங்கில் தயாராகும் இந்தப் படம் ஹிந்தி கஹானியின் ரீமேக்.

கர்ப்பிணியான வித்யாபாலன் தனது கணவரைத் தேடி வெளிநாட்டிலிருந்து கொல்கத்தா வருவதும், அதன் பிறகு நடக்கும் சம்பவங்களுமே கஹானி படத்தின் கதை.

வித்யாபாலனின் கர்ப்பிணி வேடமும், அதன் பின்னேயுள்ள அவரின் நோக்கமும்தான் படத்தின் பிரதான த்ரில்லர் ஏரியா. அதனை நயன்தாராவுக்காக காவு கொடுத்திருக்கிறார் இயக்குனர்.

நயன்தாரா கர்ப்பிணியாக நடிக்க மாட்டேன் என்றதால் புதிதாக திருமணமானவராக அவரை காட்டியிருக்கிறாராம். இந்த மாற்றத்தால் படத்தின் சுவாரஸியத்தில் கொஞ்சம் ஆவியாகிவிடும் என்பதை கஹானியை பார்த்த யாரும் ஒப்புக் கொள்வார்கள்.

டிசம்பர் மாதம் திரைக்கு வரவேண்டிய அனாமிகா சில காரணங்களால் தள்ளிப் போனது முக்கியமானது. இந்தப் படத்தில் பசுபதியும், வைபவும் நடித்துள்ளனர்.

தன்மீது பண மோசடி முறைப்பாடு கொடுத்த பட அதிபர் மீது மானபங்க முறைப்பாடு கொடுத்துள்ளார் புதுமுக நடிகை அனுராதா. இதனையடுத்து பட அதிபர் கைது செய்யப்பட்டுள்ளார்.

சென்னை தியாகராயநகர், பத்மநாபன் தெருவில் வசிப்பவர் அனுராதா. இவர் சினிமாவில் தற்போது நடித்து வருகிறார். இவர் நடித்த படங்கள் இன்னும் வெளியாகவில்லை.

இவர் மீது ஸ்ரீதரன்(35) என்ற பட அதிபர், கடந்த மாதம் முறைப்பாடு செய்தார். தன்னை திருமணம் செய்து கொள்வதாக ஏமாற்றி பணத்தை மோசடி செய்து விட்டார் என்று முறைப்பாட்டில் குறிப்பிட்டு இருந்தார்.

இருவரும் திருமணம் செய்யாமல் சேர்ந்து வாழ்ந்தோம். இதுமட்டுமல்லாமல் பணம், சொத்து, நகை என மொத்தம் ஒன்றைரை கோடிக்கு மேல் என்னிடம் இருந்து அனுராதா கறந்துவிட்டார்.

இப்போது அதை திருப்பி கேட்டால் கொலைமிரட்டல் விடுக்கிறார். அவர் மீது நடவடிக்கை எடுக்க வேண்டும் என சென்னை பொலிஸ் கமிஷனரிடம் அளித்த புமுறைப்பாட்டில் குறிப்பிட்டிருந்தார்.

அந்த புகார் மனு மீது விசாரணை நடந்து வரும் வேளையில் நடிகை அனுராதா, ஸ்ரீதரன் மீது பதிலடியாக பரபரப்பு முறைப்பாட்டு மனு ஒன்றை கொடுத்தார். தன்னை, சேலையை பிடித்து இழுத்து, தரக்குறைவான வார்த்தைகளால் திட்டி மானபங்கம் செய்தார் என்றும், ஆபாச படங்களை இணையதளத்தில் வெளியிட்டு, அவமானப்படுத்திவிடுவேன் என்று, மிரட்டுவதாகவும், அனுராதா தனது முறைப்பாட்டில் தெரிவித்து இருந்தார்.

இந்த முறைப்பாட்டு மனு மீது பாண்டிபஜார் பொலிசார் சனிக்கிழமை இரவு வழக்குப்பதிவு செய்தனர். விசாரணைக்காக வேளச்சேரியில் வசிக்கும் ஸ்ரீதரன் அழைத்து வரப்பட்டார். அவரிடம் விசாரணை நடத்தப்பட்டது. விசாரணை முடிந்தவுடன் அவர் கைது செய்யப்பட்டதாக பொலிசார் இரவு 10.30 மணிக்கு தெரிவித்தனர்.

ராஜாதி ராஜ குலோத்துங்க ராஜ மார்த்தாண்ட ராஜ கம்பீர காத்தவராய கிருஷ்ண காமராஜன், ராவணன், வாழ்க ஜனநாயகம், வெட்டு ஒண்ணு துண்டு ரெண்டு, என்னை பார் யோகம் வரும், லொள்ளு தாதா பராக் பராக் ஆகிய படங்களை தயாரித்த மன்சூர் அலிகான் அடுத்ததாக, அதிரடி என்ற படத்தை தயாரித்து நடிக்கிறார். இந்த படத்தின் தொடக்க விழா சென்னை வடபழனியில் உள்ள ஆர்.கே.வி. ஸ்டூடியோவில் நேற்று காலை நடந்தது.

பட அதிபர்கள் கலைப்புலி எஸ்.தாணு, கலைப்புலி ஜி.சேகரன் உள்பட ஏராளமான பிரமுகர்கள் கலந்து கொண்டார்கள்.
விழாவில் பைசா நகரத்து சாய்ந்த கோபுரம் வடிவில் பிரத்யோகமாக செய்யப்பட்ட மிகப்பெரிய கேக் வெட்டப்பட்டது. படத்தின் பெயருக்கு தகுந்தாற்போல் விழா மேடையில் மன்சூர் அலிகான் அதிரடியாக பல சாகசங்களை செய்தார்.

தனது வயிற்றின் மீது 125 கிலோ எடையுள்ள ஒருவரை நிற்க வைத்து உடற்பயிற்சி செய்ய வைத்தார். 50 வினாடிகளில் 50 பச்சை முட்டைகளை உடைத்து குடித்தார். அதன்பிறகு, தனது வயிற்றில் பெரிய கற்களை வைத்து சம்மட்டியால் உடைத்தார். நெருப்பு வைத்து அடுக்கி வைக்கப்பட்டு இருந்த ஓடுகளை கையினாலும், தலையினாலும் உடைத்தார்.

அதையடுத்து பீர்பாட்டில்களை வெறும் கையினால் உடைத்து நொறுக்கினார். படவிழாவையொட்டி இசை நிகழ்ச்சிகளும் நடந்தன. நிகழ்ச்சியில் மன்சூர் அலிகானின் மகன்களும், மகள்களும் கலந்து கொண்டு பாடினார்கள்.

ஆந்திராவை சேர்ந்த முன்னணி தெலுங்கு நடிகரான உதய் கிரண் தனது வீட்டில் நேற்றிரவு தூக்கு போட்டு தற்கொலை செய்துகொண்டார்.

புஞ்சகட்டாவின் ஸ்ரீ நகர் கொலனியில் உள்ள தனது வீட்டில் ஞாயிற்றுக்கிழமை இரவு தூக்கிபோட்டு அவர் தற்கொலை செய்துகொண்டதாக காவல்துறை தெரிவித்துள்ளது.

அவரது அறையில் தூக்கில் தொங்கியதை பார்த்த அவரது மனைவி விஷிதா மற்றும் அருகிலுள்ள வீட்டினர் அவரை மீட்டு ஜுப்ளி ஹில்ஸ் பகுதியில் உள்ள அப்பல்லோ மருத்துவமனையில் கொண்டுபோய் சேர்த்தனர். ஆனால் அவரது உடலை பரிசோதித்த மருத்துவர்கள் ஏற்கனவே அவர் இறந்துவிட்டதாக தெரிவித்தனர்.

1980 ஆம் ஆண்டு ஜனவரி 26ம் திகதி பிறந்த கிரண் அவரது நீண்ட நாள் நண்பரான விஷிதாவை திருமணம் செய்து கொண்டது குறிப்பிடத்தக்கது. தனது அடுக்குமாடி குடியிருப்பில் ஞாயிற்றுக்கிழமை தனியாக இருந்த உதய் எதற்காக தற்கொலை செய்து கொள்ளும் முடிவை எடுத்தார் என இதுவரை தெரியவில்லை.

தனிப்பட்ட பயணமாக மணிகொண்டா நகருக்கு சென்ற விஷிதா நேற்றிரவு பலமுறை உதய்யின் செல்போனை தொடர்பு கொண்டபோது அவர் பதிலளிக்காததால் சந்தேகமடைந்து அடுக்குமாடி குடியிருப்பிற்கு வந்து பார்ததபோது அவர் தூக்கு போட்டுக்கொண்டது தெரியவந்தது.

அவர் தெலுங்கில் சித்திரம், நுவ்வு நீனு, மனசந்தா நுவ்வெ மற்றும் ஸ்ரீராம் ஆகிய வெற்றிப்படங்களில் நடித்துள்ளார். அவரது மறைவுக்கு தெலுங்கு திரையுலகம் தனது ஆழ்ந்த இரங்கலை தெரிவித்துள்ளது. திரையுலகத்தை சேர்ந்த பல்வேறு நபர்கள் மருத்துவமனைக்கு உடனடியாக விரைந்து சென்று அவரது உடலுக்கு அஞ்சலி செலுத்திவருகின்றனர்.

ரஜினிகாந்த் நடிக்க அவரது மகள் சௌந்தர்யா இயக்கும் படம் கோச்சடையான். இது முழுக்க முழுக்க அனிமேஷன் முறையில் நவீன தொழில் நுட்பத்தை பயன்படுத்தி உருவாக்கப்பட்டுள்ளது.

இப்படத்தின் படப்பிடிப்பு முடிவடைந்து கிராபிக்ஸ் பணிகள் இறுதி கட்டத்தை எட்டியுள்ளது. கோச்சடையான் படத்துக்கு ஏ.ஆர்.ரகுமான் இசை அமைத்துள்ளார். நடிகைகள் தீபிகா படுகோனே, ஷோபனா, நடிகர்கள் நாசர், ஜாக்கிஷெராப், சரத்குமார் ஆகியோர் உள்பட பலர் நடித்துள்ளனர்.

கடந்த டிசம்பர் மாதம் 12ம் திகதி ரஜினி பிறந்தநாள் அன்று கோச்சடையான் படத்தின் பாடல்களை வெளியிட திட்டமிடப்பட்டு இருந்தது. ஆனால் சில தொழில் நுட்ப பணிகள் முடிவடையாததால் அது தள்ளிப்போனது.

தற்போது ஓடியோ வெளியீடு திகதியை பட நிறுவனம் அதிகாரப்பூர்வமாக அறிவித்துள்ளது. வருகிற பெப்ரவரி மாதம் காதலர் தினத்தில் மறுநாளான 15ம் திகதி ஒடியோ வெளியிடப்படுகிறது.

ஓடியோ ரிலீஸ் விழாவை சென்னையில் பிரமாண்டமாக நடத்த ஏற்பாடு நடக்கிறது. இதில் ரஜினிகாந்த் மற்றும் படத்தில் நடித்த பிரபலங்கள் பங்கேற்கிறார்கள். ஓடியோ ரிலீசை தொடர்ந்து ஏப்ரல் அல்லது மே மாதம் படம் திரைக்கு வரும் என்று தெரிகிறது.

கோச்சடையான் படத்தின் டிரெய்லர் கடந்த செப்டம்பர் மாதம் வெளியிடப்பட்டது. அதில் எஸ்.பி. பாலசுப்பிரமணியம் பாடும் எங்கே போகுது வானம் என்ற பாடல் மட்டும் இடம் பெற்று இருந்தது. இந்தப் பாடல் மிகப்பெரிய ஹிட்டானது குறிப்பிடத்தக்கது. இதனால் படத்தை பார்க்க ரசிகர்கள் எதிர்பார்ப்புடன் உள்ளனர்.