இயக்குநர் சேரன் மற்றும் அமீர் போன்றவர்கள் பத்திரிக்கையாளர்களை வைத்து தன் குடும்பத்தைப் பற்றி கேவலமாகப் பேசியதை தொலைக்காட்சியில் நேரடியாக பார்த்து கொதித்துப் போயுள்ளனர் சந்துரு குடும்பத்தினர்.

தனது மகள் தாமினி – சந்துரு காதல் விவகாரம் குறித்து இயக்குநர் சேரன் தனது மனைவியுடன் நேற்று பத்திரிகையாளர்களைச் சந்தித்து ஒரு மணி நேரத்துக்கு மேல் பேசினார். அப்போது டைரக்டர் அமீரும் உடன் இருந்தார்.

இந்த பேட்டியின் போது சேரனும், அமீரும் சந்துருவை பற்றியும் அவரது குடும்பத்தினர் பற்றியும் பல்வேறு கருத்துக்களை கூறினார்கள். சேரன் பேசும்போது ‘‘சந்துரு நல்லவனாக திரும்பி வந்தால் பின்னர் பார்க்கலாம்” என்றார். ஆனால் அமீர் கூறும் போது, “அந்தப் பையன் தவறானவன்.. அவன் குடும்பமே கிரிமினல் குடும்பம்.. அவங்கக்கா யாரு.. அவங்களோட இப்போதைய புருசன் யாரு.. இதையெல்லாம் உளவுத் துறை விசாரிக்கணும்…” என்றார்.

இதனை நேரடி ஒளிபரப்பில் பார்த்துக் கொண்டிருந்த சந்துருவும் அவரது சகோதரிகளும் குடும்பத்தினரும் கடும் அதிர்ச்சி அடைந்தனர். தங்களை பற்றி அவதூறான கருத்துக்களை கூறியதை கேட்டதும் அவர்கள் கொதிப்படைந்தனர். இது பற்றி சந்துருவின் சகோதரி பத்மா கூறும் போது, ‘‘எங்கள் மீது கூறியுள்ள குற்றச்சாட்டுகளுக்கு டைரக்டர் சேரனும், அமீரும் நிச்சயம் ஒரு நாள் பதில் சொல்ல வேண்டியிருக்கும்.

அவர்கள் கூறியவை அபாண்டமான பழி எங்கள் பெயரைக் கெடுக்கும் முயற்சி இது,” என்றார். சந்துரு கூறும்போது, “தாமினியை அருகில் வைத்து கொண்டு சேரன் இப்படி சொல்வாரா.. என்னை சினிமாவிலிருந்து விரட்ட அவர்கள் அப்படி பேசுகிறார்கள்,” என்றார்.

திரைப்பட இசையமைப்பாளர் ஜேம்ஸ் வசந்தன் செக்ஸ் தொல்லை கொடுத்ததாக வன்கொடுமை சட்டத்தில் கைது செய்யப்பட்டுள்ளார்.

ஜேம்ஸ் வசந்தன் சுப்பிரமணியபுரம், பசங்க உள்ளிட்ட சில படங்களுக்கு இசையமைத்துள்ளார். மேலும் தொலைக்காட்சியில் தொகுப்பாளராகவும் பணியாற்றி வருகிறார்.

இந்நிலையில் சென்னை பாலவாக்கத்தை சேர்ந்த ராதாதேவிபிரசாத் என்பவர் நீலாங்கரை பொலிஸ் நிலையத்தில் புகார் மனு ஒன்றினை அளித்திருந்திருந்தார்.

அதில் எனது பக்கத்து வீட்டில் வசிக்கும் இசையமைப்பாளர் ஜேம்ஸ் வசந்தன் செக்ஸ் தொல்லை கொடுப்பதாக கூறி இருந்தார்.

இந்த புகாரின் அடிப்படையில் நீலாங்கரை பொலிசார் வன்கொடுமை சட்டத்தில் வழக்குப்பதிவு செய்து இசையமைப்பாளர் ஜேம்ஸ் வசந்தனை கைது செய்தனர்.

பின்பு ஆலந்தூர் நீதிமன்றத்தில் ஆஜர்படுத்த அவரை அழைத்து வந்த போது அங்கு நீதிபதி இல்லாததால் செங்கல்பட்டுக்கு அழைத்து சென்றனர்.

இது குறித்து ஜேம்ஸ் வசந்தன் ஊடகத்தினரிடம் கூறுகையில், என் மீது என்ன வழக்கு போட்டு உள்ளார்கள் என்பதை பொலிசார் தெரிவிக்கவில்லை. தீவிரவாதியை கைது செய்வது போல் 40க்கும் மேற்பட்ட பொலிசார் என் வீட்டுக்குள் புகுந்து கைது செய்துள்ளனர்.

மேலும் எனது பக்கத்து வீட்டில் உள்ள பெண் எனது இடத்தை கேட்டதற்கு நான் தரமறுத்துவிட்டேன். பொலிஸ் கமிஷனர் ஜார்ஜ்க்கு அவர் வேண்டியவர் என்பதால் என் மீது பொய் வழக்கு போட்டு உள்ளனர் என்றும் இதில் தமிழக முதல்வர் தலையிட்டு உரிய நடவடிக்கை எடுக்க வேண்டும் எனவும் கூறியுள்ளார்.

நடிகர் ஆர்யாவை நடிகைகளுடன் இணைத்து தொடர்ந்து செய்திகள் வெளியாகின்றன. இந்த காதல் கிசு கிசுக்கள் உண்மையானது தானா அல்லது அவர் நடிக்கும் படங்களை விளம்பரப்படுத்துவதற்காக திட்டமிட்டு பரப்பப்படுகிறதா என்று சந்தேகங்கள் கிளப்பப்படுகின்றன. மதராச பட்டணம் படத்தில் நடித்த போது ஜோடியாக நடித்த எமிஜாக்சனுடன் இணைத்து பேசப்பட்டார்.

எமிஜாக்சன் லண்டனை சேர்ந்தவர். அவரை சந்திப்பதற்காக ஆர்யா அடிக்கடி லண்டன் செல்வதாக கூறப்பட்டது. திருமணம் செய்து கொள்ள முடிவு செய்துள்ளதாகவும் செய்திகள் பரவின. அதன் பிறகு வேறு நடிகர்களுடன் எமி ஜாக்சன் நடிக்க போனதும் இவர்கள் இடையிலான காதல் செய்திகள் அடங்கி போனது.

பிறகு ஆர்யாவுக்கும் நயன்தாராவுக்கும் காதல் என்றார்கள். இருவரும் பாஸ் என்கிற பாஸ்கரன் படத்தில் நடித்தனர். இப்போது ராஜா ராணி படத்தில் நடிக்கிறார்கள். பிரபுதேவாவுடனான காதலை முறித்ததும் நயன் தாராவை வீட்டுக்கு அழைத்து ஆர்யா விருந்து கொடுத்தார். இருவரும் காதலிப்பதாக செய்திகள் பரவியது.

திடீரென ஆர்யாவும் நயன்தாராவும் மோதிரம் மாற்றி திருமணம் செய்து கொள்வதுபோன்று திருமண அழைப்பிதழ் பத்திரிகை அலுவலகங்களுக்கு வந்தது. இதனால் இருவருக்கும் திருமணம் நடக்கப் போவதாக பரபரப்பு ஏற்பட்டது. பின்னர் அது ராஜா ராணி படத்தை விளம்பரபடுத்துவதற்காக வெளியிடப்பட்ட போலி திருமண அழைப்பிதழ் என தெரிய வந்தது.

அது போல் இப்போது அனுஷ்காவுக்கும் ஆர்யாவுக்கும் காதல் என செய்திகள் வந்தன. சில தினங்களுக்கு பின் அனுஷ்காவுடன் காதல் இல்லை என ஆர்யா மறுத்தார். இருவரும் இரண்டாம் உலகம் படத்தில் ஜோடியாக நடிக்கின்றனர். இந்த படத்தை விளம்பரபடுத்துவதற்காக திட்டமிட்டு இந்த காதல் வதந்தி பரப்பப்பட்டு இருக்கலாம் என கூறப்படுகிறது.

கல்யாண சமையல் சாதம் என்ற படத்தில் பிரசன்னா நாயகனாக நடிக்கிறார். நாயகியாக லேகாவாஷிங்டன் நடிக்கிறார். ஆர்.எஸ். பிரசன்னா இயக்கியுள்ளார். எவரெஸ்ட் என்டர்டெய்ன் மென்ட் சார்பில் அருண் வைத்திய நாதன், ஆனந்த் கோவிந்தன் தயாரிக்கின்றனர். இந்த படத்தின் பாடல் வெளியீட்டு விழா சென்னையில் நேற்று நடந்தது.

இதில் பிரசன்னா மனைவி சினேகாவுடன் கலந்து கொண்டார். பிரசன்னா பட்டு வேட்டி சட்டை அணிந்து இருந்தார். சினேகா பட்டுச் சேலையில் வந்தார். இருவரையும் போட்டோ கிராபர்கள் போட்டி போட்டு படம் பிடித்தனர். ரசிகர்களும் ஆட்டோ கிராப் வாங்க சூழ்ந்தார்கள்.

விழாவில் டைரக்டர் பாலு மகேந்திரா பங்கேற்று பாடல்களை வெளியிட்டார். அவர் பேசும் போது பிரசன்னா எனக்கு பிடித்த நடிகர். இந்த படத்தில் பரபரப்பாக பேசப்படும் ஒரு விஷயம் உள்ளது. இதில் பிரசன்னா துணிச்சலாக நடித்துள்ளார் என்றார்.

கே.எஸ்.ரவிக்குமார், நலன் குமாரசாமி, விஜய் அண்டனி, சந்தோஷ் நாராயணன், ஆனந்தா சுரேஷ், சிவா, ஞானவேல் ராஜா, சி.வி.குமார் உள்ளிட்டோர் பங்கேற்றனர்.

ரயில்களில் படப்பிடிப்பு நடத்தவேண்டும் என்ற கோரிக்கைகள் அதிகமாக வருவதைத் தொடர்ந்து திரைப்படத் துறையினரின் தேவைக்காக ஒரு ரயில் நிலையத்தை அமைத்துக் கொடுக்க மத்திய ரயில்வே முடிவு செய்துள்ளது.

பிரசித்திபெற்ற மும்பையின் சத்ரபதி சிவாஜி ரயில் நிலையத்துக்கு அருகேயுள்ள வாடி பந்தர் என்ற ரயில் பழுதுபார்க்கும் இடம் திரைப்படப் படப்பிடிப்புக்கு ஏற்றார்போல மாற்றங்கள் செய்யப்பட்டு தயார்படுத்தப்பட்டுள்ளது. ரயில் நிலையங்களில் இருப்பது போல பிளாட்பார்ம்களும் மற்ற வசதிகளும் இங்கே இருக்கும். ஆனால் மற்ற ரயில் நிலையங்களைப் போல சாதாரண பயணிகள் உள்ளே வர மாட்டார்கள்.

ரயில் நிலையங்களில் படப்பிடிப்பு நடத்த வேண்டுமென்ற கோரிக்கைகள் பலவற்றை ஏற்க முடியாத சூழல் உருவாகிவிட்டதன் காரணமாகவே இந்த முடிவு என்கிறார் மத்திய ரயில்வே பேச்சாளர் அதுல் ரானே.
“ரயில்களை குறித்த நேரத்தில் இயக்க வேண்டும்- பயணிகளுக்கு தொந்தரவுகள் வரக்கூடாது என்பதால் பலமுறை எங்களால் திரைப்பட தயாரிப்பாளர்களின் கோரிக்கைகளை ஏற்க முடிவதில்லை. எனவேதான் இருதரப்புக்கும் பயனளிக்கும் வகையில் சில இடங்களை உருவாக்க நாங்கள் முடிவு செய்துள்ளோம்.”

திரைப்படக் குழுவினர் எளிதாக சென்றடையக் கூடியதாக இருக்க வேண்டும் என்பதால் மும்பையில் உள்ள வாடி பந்தர் தேர்ந்தெடுக்கப்பட்டதாகவும், குர்லா மற்றும் மாத்துங்காவில் உள்ள ரயில் மனைகளை மாற்றுவது குறித்து யோசிக்கப்படுவதாகவும் அவர் தெரிவித்தார்.

வாடி பந்தர் பகுதியில் இருக்கும் ரயில் மனையில் ரயில் பெட்டிகள் உள்ளிட்ட வசதிகள் இருக்கின்றன. இந்த இடம் குறித்த படங்கள், ரயில்வே இணையதளத்தில் வெளியிடப்படும். பிரத்யேகமாக படப்பிடிப்புக்காக வசதிகளை செய்து கொடுப்பதன் மூலம் ரயில்வேயின் வருமானம் உயரும் – புகழும் அதிகமாகும் என்று ரயில்வே நம்புகிறது.
சுமார் 160 ஆண்டுகளாக இந்தியர்களின் வாழ்வோடு இழைந்தோடும் ரயில்கள் பல திரைப்படங்களின் கதைக் களமாகவும் இருந்திருக்கிறது. பல படங்களில் கதாநாயகர்களுக்கு இணையாக ரயில்களும் முக்கிய இடத்தை பிடித்துள்ளன.

-BBC தமிழ்-