ஆர்யாவும், நயன்தாராவும் “பாஸ் என்கிற பாஸ்கரன்” படத்தில் ஜோடியாக நடித்தனர். அவர்களின் ஜோடிப்பொருத்தமும் சூப்பராகவே இருந்தது. நிஜ ஜோடியைப் போலவே இருவரும் அவ்வளவு நெருக்கமாக நடித்தனர்.
தற்போது இயக்குநர் ஷங்கரிடம் உதவி இயக்குநராக பணிபுரிந்த அட்லீ இயக்கும் “ராஜா ராணி” யில் மறுபடியும் இணைந்துள்ளது ஜோடி. இந்தப் படத்தில் முன்பைவிட இருவரும் மிக நெருக்கமாக நடித்துள்ளனர்.
ஏற்கெனவே இருவரும் காதலிக்கிறார்கள் என வதந்தி பரவிக் கொண்டிருக்கும் நிலையில் இருவரும் நெருக்கமாக நடித்திருப்பது வதந்தியை உறுதிப்படுத்தி இருக்கிறது.
இதுபற்றி நயன்தாராவிடம் கேட்டதற்கு, “நெருக்கமாக நடிப்பது என்பது கதையைப் பொறுத்தது. எங்கள் இருவருக்கும் இடையில் நல்ல புரிதல் உள்ளது. அந்தப் புரிதல்தான் படத்திலும் வெளிப்பட்டிருக்கிறது.
இதுவரை என்னுடன் நடித்த நடிகர்களிலேயே ஆர்யா தான் பெஸ்ட். அவருடன் நடிக்கும்போது ‘கெமிஸ்ட்ரி’ நன்றாக இருக்கிறது. அந்தக்கால ரஜினி – ஸ்ரீப்ரியா, கமல் – ஸ்ரீதேவி ஜோடி போல எங்கள் ஜோடியும் பேசப்படும்” என்றாராம்.
மேலும், ஆர்யாவின் அறிவுரைப்படி வயதான ஹீரோக்களுடன் சேர்ந்து இனி நடிப்பதில்லை என்ற முடிவுக்கு வந்திருக்கிறாராம் நயன்.
வயதான ஹீரோக்களுடன் நடித்தால் உனக்கும் வயதாகிவிட்டதாக மற்றவர்கள் நினைப்பார்கள். இளம் ஹீரோக்கள் உன்னுடன் நடிக்கத் தயங்குவார்கள் என ஆர்யா அட்வைஸ் செய்ததே இந்த முடிவுக்கு காரணம் என்கிறார்கள்.
கேடி பில்லா கில்லாடி ரங்கா, எதிர்நீச்சல், படங்களின் வெற்றியைத் தொடர்ந்து, சிவகார்த்திகேயன் காட்டில் அடைமழை பெய்கிறதாம்.பெரிய பட்ஜெட் படங்கள் மட்டுமின்றி முன்னணி நடிகைகளும் இவருடன் நடிப்பதற்கு போட்டிபோடுகிறார்களாம்.
எஸ்கேப் ஆர்ட்டிஸ்ட் எஸ்.மதன், ஸ்டுடியோ க்ரீன் நிறுவனம், இயக்குநர் ஏ.ஆர்.முருகதாஸ், நடிகர் தனுஷ், இயக்குநர் லிங்குசாமி ஆகியோர் தனித்தனியாக தயாரிக்கும் படங்கள் சிவகார்த்திகேயனுக்கு வரிசைகட்டி நிற்கின்றன.
நடிகர் தனுஷ் தயாரிக்கும் படத்தை எதிர்நீச்சல் படத்தின் இயக்குநர் துரை.செந்தில்குமார் இயக்க உள்ளார்.
இயக்குநர் லிங்குசாமி தயாரிக்கும் படத்தை பூபதி பாண்டியன் இயக்குகிறார். பட்டத்து யானை ரிலீஸிற்குப் பிறகு படப்பிடிப்பு தொடங்க உள்ளது.
இயக்குநர் ஏ.ஆர்.முருகதாஸ் தயாரிக்கும் படத்தில் சிவகார்த்திகேயனுக்கு ஜோடியாக ஹன்சிகா நடிக்கிறார்.
இதைப் பார்த்து மற்ற தயாரிப்பாளர்களும் தங்களுடைய படங்களில் முன்னணி நடிகைகளை நடிக்க வைக்க முயற்சி செய்து வருகின்றனர்.
மது போதையில் விமானத்தில் குழப்பம் விளைவித்த இலங்கை கிரிக்கெட் அணி வீரர் தொடர்பில் விசாரணை ஆரம்பிக்கப்பட்டுள்ளதாக இலங்கை கிரிக்கெட் நிறுவனம் தெரிவித்துள்ளது.
இலங்கை கிரிக்கெட் அணி வீரர் தொடர்பில் ஊடகங்கள் மூலம் முன்வைக்கப்பட்டுள்ள குற்றச்சாட்டிற்கு ஏற்ப விசாரணை மேற்கொள்ளவதாக அந் நிறுவனம் குறிப்பிட்டுள்ளது.
இச் சம்பவம் தொடர்பில் விசாரணை நடத்தப்பட்டு குற்றவாளி இனங்காணப்பட்டால் அவர் மீது ஒழுக்காற்று நடவடிக்கை எடுக்கப்படும் என இலங்கை கிரிக்கெட் நிறுவனம் தெரிவித்துள்ளது.
கழிவறை என நினைத்து 35,000 அடி உயரத்தில் பறந்து கொண்டிருந்த விமானத்தின் கதவுகளை இலங்கை அணி வீரர் ஒருவர் திறக்க முற்பட்டு குழப்பம் விளைவித்ததாக சர்வதேச ஊடகங்கள் செய்தி வெளியிட்டுள்ளன.
அதிருப்தி எம்.எல்.ஏக்கள் ஏழு பேர் மீது நடவடிக்கை எடுப்பது என்று தேமுதிக தலைவர் விஜய்காந்த் முடிவெடுத்திருப்பதன் மூலம் தமது எதிர்க்கட்சித் தலைவர் பதவியை இழக்க முடிவு செய்துவிட்டார் என்றே கூறப்படுகிறது.
சட்டசபை தேர்தல் முடிந்த நிலையில் திமுகவைவிட 6 எம்.எல்.ஏக்கள் கூடுதலாகப் பெற்றதால் தேமுதிக பிரதான எதிர்க்கட்சி ஆனது.
தேமுதிக தலைவர் விஜயகாந்தும் சட்டசபை எதிர்க்கட்சித் தலைவரானார். ஆனால் சட்டசபை களேபரத்தில் சிக்கி பணிநீக்கம் ஆக நேரிட்டது போது எதிர்க்கட்சித் தலைவருக்கு உரிய வாகனத்தை பயன்படுத்துவதை தவிர்த்தார்.
அதன் பின்னரும் அந்த வாகனத்தை அவர் பயன்படுத்துவதில்லை. இந்தநிலையில் 7 எம்.எல்.ஏக்கள் அதிருப்தியாளர்களாக அதிமுக பக்கம் சாய்ந்திருந்தனர்.
ராஜ்யசபா தேர்தலிலும் அவர்கள் அதிமுகவுக்குத்தான் வாக்களித்தனர். இதைத் தொடர்ந்து அதாவது ஒரு நீண்டகாலத்துக்குப் பிறகு 7 எம்.எல்.ஏக்களையும் தற்காலிகமாக பணிநீக்கம் செய்வதாகவும் 10 நாட்களுக்குள் உரிய விளக்கம் அளிக்க வேண்டும் என்றும் ஒரு கடிதத்தை தேமுதிக மேலிடம் அனுப்பி வைத்தது.
ஆனால் அதிருப்தி எம்.எல்.ஏக்களோ கட்சியைவிட்டே நீக்கிவிட வேண்டியதுதானே என்று எகத்தாளம் காட்டி பேசி வருகின்றனர்.
இருப்பினும் 7 பேர் மீதும் மேல் நடவடிக்கை தொடரும் நிலையில் அவர்கள் கட்சி சாராதவர்களாக அறிவிக்கப்படுவர். அப்படி கட்சி சாராதவர்கள் என்று அறிவிக்கப்பட்டால் தேமுதிகவுக்கு 22 எம்.எல்.ஏக்கள்தான் இருப்பார்கள்.
இதனால் அக்கட்சி எதிர்க்கட்சி அந்தஸ்தை இழக்கும். விஜய்காந்தும் எதிர்க்கட்சித் தலைவர் பதவியை இழக்க நேரிடும். ஆனால் தேமுதிக தரப்போ, ஆமா இந்த எதிர்க்கட்சித் தலைவர் பதவியை இத்தனை நாள் கேப்டன் அனுபவித்தாரா? போனா போகட்டும் என்றே கடுப்பான பதிலை வெளிப்படுத்துகின்றனர்.
இந்தோனேசியாவின் சுமத்ரா தீவில் இன்று பயங்கர நிலநடுக்கம் ஏற்பட்டது. இது ரிக்டர் அளவுகோலில் 6.1 ஆகப் பதிவாகியுள்ளதாக அமெரிக்க புவியியல் ஆய்வு மையம் தெரிவித்துள்ளது.
இந்தோனேசியாவின் அசேஹ் மாகாணத்தின் தலைநகரான பண்டா அசேஹ்-விலிருந்து தென்கிழக்கே 188 கிலோமீட்டர் தொலைவில் நிலநடுக்கம் மையம் கொண்டிருந்தது.
பூமிக்கடியில் 10 கிலோமீட்டர் ஆழத்தில் ஏற்பட்ட இந்த நிலநடுக்கத்தின் அதிர்வுகள் பல இடங்களில் உணரப்பட்டது. ஆனால் சுனாமி எச்சரிக்கை எதுவும் விடப்படவில்லை.
நிலநடுக்கத்தினால் கட்டிடங்கள் ஒரு நிமிடம் வரை குலுங்கின. இதனால் அச்சமடைந்த மக்கள் வீடுகளை விட்டு வெளியேறினர்.
இதுவரை உயிர்சேதமோ, பொருட்சேதமோ ஏற்பட்டதாக தகவல்கள் இல்லை. கடந்த 2004-ம் ஆண்டு இந்த பகுதியில் ஏற்பட்ட நிலநடுக்கத்தால், சுனாமி பேரலை இந்திய பெருங்கடல் பகுதியில் உள்ள நாடுகளில் பெரும் உயிர்ச் சேதத்தையும், பொருட் சேதத்தையும் ஏற்படுத்தியது.
ஆசியா கண்டத்தில் 2,30000 மக்கள் கொல்லப்பட்டனர் என்பது குறிப்பிடத்தக்கது.
வட மாகாண சபைத் தேர்தல் வேட்பாளரைத் தெரிவு செய்வதற்கு அனைத்து கட்சிகளின் அங்கிகாரமும் வேண்டும் எனவும் எழுந்தமானத்திற்கு கூட்டமைப்பில் இருக்கும் ஒரு கட்சி முடிவெடுத்தால் அது குழப்பத்தில் முடியும் எனவும் தமிழ்த் தேசியக் கூட்டமைப்பின் பாராளுமன்ற உறுப்பினர் சுரேஸ் பிரேமச்சந்திரன் தெரிவித்துள்ளார்.
யாழில் அமைந்துள்ள ஊடக அமையத்தில் இன்று நடைபெற்ற பத்திரிகையாளர் சந்திப்பின் போதே அவர் இவ்வாறு குறிப்பிட்டார்.
பாராளுமன்ற உறுப்பினர் மாவை சேனாதிராசாவை முதலமைச்சர் வேட்பாளராக தெரிவு செய்ய வேண்டும் என்று தமிழரசுக் கட்சி யாழ் கிளை அக்கட்சியின் தலைவரிடம் கோரிக்கை விடுத்துள்ளது.
எனினும் தேர்தல் நடைபெறும் திகதி அறிவிக்கப்பட்டதன் பின்னரே முதலமைச்சர் வேட்பாளர் தொடர்பில் முடிவெடுக்க முடியும் என்று தமிழ்த் தேசியக் கூட்டமைப்பின் தலைவர் சம்பந்தன் தெரிவித்துள்ளார்.
கூட்டமைப்பு ஐந்து கட்சிகளின் கூட்டு இதில் அங்கம் வகிக்கும் ஒரு கட்சியின் யாழ். கிளை அறிவித்திருப்பது ஏற்றுக்கொள்ள முடியாத ஒன்று என சுரேஸ் பிரேமச்சந்திரன் சுட்டிக் காட்டியுள்ளார்.
மாவை சேனாதிராசா இதில் போட்டியிடுவதற்கு தகுதியற்றவர் என்று நான் சொல்லவில்லை. இருந்தாலும் இந்த விடயத்தில் அனைவரின் கருத்துக்களும் அறிய வேண்டியது முக்கியமானது என அவர் குறிப்பிட்டார்.
இவ்வாறு ஒரு கட்சி அறிவிக்கும் போதும் ஏனைய கட்சிகளும் தங்களுக்கு விரும்பி வேட்பாளர்கள் அறிவித்தால் குழப்பம் தான் ஏற்படும். நாங்கள் பூதகரமான சத்திகள் என்று தமிழரசுக் கட்சி தன்தோன்றித்தனமாகச் செயற்படக்கூடாது எனவும் சுரேஸ் பிரேமச்சந்திரன் கூறினார்.
கூட்டமைப்பு அங்கம் வகிக்கும் ஒரு கட்சி தனது கட்சி சார்பானவரை பிரேரிப்பது அது அந்த கட்சி சார்பானதாகவே இருக்கும். அவ்வாறு ஒரு வேட்பாளரைத் தெரிவு செய்யவதென்றால் கூட்டமைப்பின் அங்கிகாரம் பெறவேண்டும் கூட்டமைப்புடன் இணக்கப்பாட்டுக்கு வரவேண்டும் என அவர் மேலும் தெரிவித்தார்.
குரு பகவான் உங்கள் ராசிக்கு இரண்டாமிடத்தில் சஞ்சரிப்பது மிகவும் உன்னதமான நிலை. ராகு பகவானின் சஞ்சாரத்தால் தீய பலன்களும், கேது பகவானின் சஞ்சாரத்தால் நற்பலன்களும் விளையும். அதுபோல சனிபகவான் உங்கள் ராசிக்கு ஏழாமிடத்தில் கண்ட சனியாக உலா வருவதும் நல்லதல்ல.
ஆனால், குருபகவான் இரண்டாமிடத்திலிருந்து நற்பலன்களைக் கொடுப்பதால், மற்ற கிரகங்களின் தீய பலன்கள் அடிபட்டுப் போய்விடும். இனி மாதக் கிரகங்களின் சஞ்சாரப்படி உங்களுக்கு இந்த மாதம் மனோபலம் மேலோங்கும்.
எந்த காரியத்தையும் , தைரியத்துடனும் புத்திசாலித்தனத்துடனும் செய்து வெற்றியடைவீர்கள். முகத்தில் நல்ல பொலிவு ஏற்படும். அதிகாரமுள்ள பதவி சிலருக்கு கிடைப்பதற்கான வாய்ப்புகள் எற்படும். தொழில், வியாபாரத்தில் மேன்மை ஏற்படும்.
தேவைக்கேற்ற வருமானம் கிடைக்கும். அதன் காரணமாக கொடுக்கல்-வாங்கலில் சிறப்பான சூழ்நிலை ஏற்படும். சொல்வாக்கு, செல்வாக்கு ,அந்தஸ்து, கௌரவம் கூடும். சிலருக்கு ஆடை ஆபரணச் சேர்க்கை கிடைக்கும். சகல விதத்திலும் லாபம் கிடைப்பதற்கான வாய்ப்புகள் உண்டு.
இருப்பினும் குடும்பத்தாருடன் எச்சரிக்கையுடன் பேசிப் பழகுவது நல்லது. ஏனெனில், வீண் விவாதங்களும், சண்டை சச்சரவுகளும் ஏற்படும் வாய்ப்புள்ளது. குடும்பத்தாருடன் வாக்குவாதங்களில் ஈடுபட வேண்டாம். கணவன்-மனைவியரிடையே கருத்து வேறுபாடுகள் ஏற்படும் வாய்ப்புகள் உள்ளது.
எதிரிகளைப்பற்றிய அச்சம் எப்போதும் இருந்துகொண்டே இருக்கும். புதிய நண்பர்கள் அறிமுகமாவார்கள். அவர்களால், சில நன்மைகள் கிடைக்கும். தோழர்கள் அபிவிருத்தி அடைவார்கள். வாழ்க்கைத் துணையின் உடல்நலம் பாதிக்கப்படலாம். சிலருக்கு எதிரிகளால் துக்கமும் மன பயமும் ஏற்படும்.
அருந்ததி படத்தின் வெற்றிக்குப் பின்பு நடிகை அனுஷ்கா மீண்டும் நடித்து வரும் சரித்திர கால படம் ராணி ருத்ரம்மாதேவி.
இப்படத்திற்காக அனுஷ்கா ரூ.5 கோடி ரூபாய் மதிப்புள்ள நகைகளை அணிந்து நடித்து வருகிறார்.
‘ஒக்கடு’ புகழ் (தமிழில் கில்லி) குணசேகர் இயக்கும் இப்படத்திற்கு இசைஞானி இளையராஜா இசையமைக்கிறார்.
இப்படம் தமிழ், தெலுங்கு ஆகிய இரு மொழிகளில் ரூ.40 கோடி பொருட்செலவில் தயாராகி வருகிறது.
ஹிருத்திக் ரோஷன், ஐஸ்வர்யா ராய் நடித்த ‘ஜோதா அக்பர்’ படத்தில் காஸ்டியூம் டிசைனராக பணி புரிந்த நீதா லுல்லா ‘ருத்ரம்மா தேவி’ படத்திற்காக அனுஷ்கா அணியும் உடைகளையும், ஆபரணங்களையும் டிசைன் செய்திருக்கிறார்.
தங்கம், வைரம் ஆகியவையுடன் பிரம்மாண்டமான அழகாக உடைகளையும், ஆபரணங்களையும் ‘ராணி ருத்ரம்மா தேவி’ கதாபாத்திரத்திற்காக 5 கோடி ரூபாய் செலவில் உருவாக்கியிருக்கிறார்.
அதோடு படத்துக்காக அனுஷ்கா கத்தி பிடிக்கவும், வாள் சண்டை போடவும் சிறப்பு பயிற்சி எடுத்து நடித்து வருகிறாராம். 3டி யில் படமாக்கப்படும் முதல் சரித்திரப்படம் இது என்பது குறிப்பிடத்தக்கது.
இராணுவ ஜெனரல் தரத்திற்கு உயர்த்தப்பட்டுள்ள இலங்கையின் இராணுவத் தளபதி லெப்டினன் ஜெனரல் ஜகத் ஜயசூரிய அவர்கள் தமது பதவிக்காலத்தில் இலங்கை இராணுவத்தினருக்கு பாகிஸ்தானில் பயிற்சியளிப்பதற்கான வாய்ப்பு கிட்டியதன் மூலம் இலங்கை இராணுவத்தினர் சர்வதேச தரத்திற்கு உயர்த்தப்பட்டுள்ளதாகத் தெரிவித்துள்ளார்.
ஜனாதிபதி மகிந்த ராஜபக்ஷ அவர்களினால், ஜுன் மாதம் முதலாம் திகதி முதல் நடைமுறைக்கு வரும் வகையில் கடந்த மாதம் 17 ஆம் திகதி இராணுவத் தளபதி ஜகத் ஜயசூரிய அவர்கள் ஜெனரலாகத் தரம் உயர்த்தப்பட்டுள்ளார்.
அத்துடன் வரும் ஆகஸ்ட் மாதம் முதலாம் திகதி முதல் நடைமுறைக்கு வரும் வகையில் ஜனாதிபதியினால் ஜெனரல் ஜகத் ஜயசூரிய அவர்கள் பாதுகாப்புப் பிரதானியாகப் பதவி உயர்த்தப்பட்டுள்ளார்.
மேஜர் ஜெனரல் தயா ரத்நாயக்க அவர்கள் லெப்டினன் ஜெனரல் என்ற தரத்தோடு ஆகஸ்ட் முதலாம் திகதி இராணுவ தளபதியாகப் பொறுப்பெற்றுக்கொள்ளும் வகையில் ஜனாதிபதியினால் பதவி உயர்வு வழங்கப்பட்டுள்ளார்.
இந்த நிலையில் வவுனியா ஆயுதப் படைகளின் தலைமையகத்திற்க திங்களன்று விஜயம் செய்த ஜெனரல் ஜகத் ஜயசூரிய அவர்கள் இராணுவத்தினர் மத்தியில் உரையாற்றுகையில் நாட்டில் உள்ள இரண்டு இலட்சம் படையினருடைய நலன்களை மேம்படுத்துவதற்காகப் பல்வேறு நடவடிக்கைகள் எடுக்கப்பட்டிருப்பதாகவும் குறிப்பிட்டுள்ளார்.
அநுராதபுரம், குருணாகலை உள்ளிட்ட மூன்று இடங்களில் யுத்தத்தின்போது அவயவங்களை இழந்த படைச் சிப்பாய்களை வைத்துப் பராமரிப்பதற்கான நிலையங்கள் அமைக்கப்பட்டுள்ளதாகத் தெரிவித்தார்.
வன்னியில் படையினர் வைக்கப்பட்டுள்ள முகாம்களுக்கு காணிகள் வழங்கப்பட்டு, வசதிகளுடன் கூடிய நிரந்தர முகாம்கள் அமைக்கப்பட்டுள்ளதாகவும், இராணுவ முகாம்களுக்குத் தேவையான கட்டிட வசதிகள் செய்து கொடுப்பதற்கான ஏற்பாடுகள் செய்யப்பட்டிருப்பதாகவும் ஜெனரல் ஜகத் ஜயசூரிய கூறினார்.
இராஜினாமா செய்யும்படி இராணுவம் விடுத்த இறுதி எச்சரிக்கையை எகிப்து ஜனாதிபதி நிராகரித்ததால் பதட்டம் ஏற்பட்டுள்ளது.எகிப்தில் கடந்த 2011-ம் ஆண்டில் ஜனாதிபதியாக இருந்த ஹோஸ்னி முபாரக்குக்கு எதிராக பொதுமக்கள் புரட்சி வெடித்தது. அதை தொடர்ந்து அவர் தனது பதவியை இராஜினாமா செய்தார். அதை தொடர்ந்து ஜனநாயக முறைப்படி நடந்த தேர்தலின்படி புதிய ஜனாதிபதியாக முகமது முர்சி தேர்ந்தெடுக்கப்பட்டார்.
முபாரக்குக்கு எதிராக மக்கள் புரட்சிக்கு தலைமை வகித்தவர் இவர்தான். ஜனாதிபதியாக பதவி ஏற்ற சில மாதங்களில் இவர் மறுசீரமைப்பு என்ற பெயரில் தனக்கு அளவில்லா அதிகாரம் அளிக்கும் புதிய சட்டங்களை கொண்டு வந்தார். இது பொதுமக்களிடையே அதிருப்தியை ஏற்படுத்தியது.
அதை தொடர்ந்து கலவரம் மூண்டது. எதிர்க்கட்சியினரும், அதிபரின் சகோதரத்துவ கட்சியினரும் மோதலில் ஈடுபட்டு வருகின்றனர். அதில் அமெரிக்க மாணவர் உள்பட 8 பேர் பலியாகினர். இதற்கிடையே, முர்சி பதவி ஏற்று ஓராண்டு நிறைவு பெற்ற நேற்று முன்தினம் அவர் பதவி விலக வலியுறுத்தி எதிர்க்கட்சியினர் மிகப்பெரிய பேரணியும், போராட்டமும் நடத்தினர். அதில் லட்சக்கணக்கான மக்கள் கெய்ரோ, அலெக்சாண்டிரியா உள்ளிட்ட நரகங்களில் திரண்டனர். சகோதரத்துவ கட்சி அலுவலகங்களுக்கு தீ வைக்கப்பட்டது. ஜனாதிபதி மாளிகையும் முற்றுகையிடப்பட்டது.
போராட்டத்தினர் மீது இராணுவம் துப்பாக்கி சூடு நடத்தியது. அதில் 16 பேர் உயிரிழந்தனர். அதை தொடர்ந்து பேராட்டம் தீவிரம் அடைந்தது. எனவே, அதிபர் முர்சி, 48 மணி நேரத்துக்குள் அதாவது இன்று மாலைக்குள் தனது பதவியை இராஜினாமா செய்ய வேண்டும் என எதிர்க்கட்சியினர் வலியுறுத்தினர். போராட்டக்காரர்களுக்கு ஆதரவாக வெளியுறவுத்துறை மந்திரி மொகமது கமெல் ஆம்ர் உள்பட 4 மந்திரிகள் தங்களது பதவியை ராஜினாமா செய்தனர். இராணுவ மந்திரி ஜெனரல் அப்துல் பதேஎல் – சிஸ்சியும் முர்சி பதவியை இராஜினாமா செய்யும்படி இறுதி எச்சரிக்கை விடுத்தார். இந்த எச்சரிக்கையில் உள்நோக்கமோ, பேரமோ எதுவும் இல்லை. நாட்டின் எதிர்காலத்தை உருவாக்கும் வாய்ப்பு இராணுவத்துக்கும் உள்ளது என கூறிள்ளார்.
ஆனால், இராணுவத்தின் இந்த இறுதி எச்சரிக்கையை முகமது முர்சி நிராகரித்தார். இதுகுறித்து ஜனாதிபதி மாளிகை வெளியிட்டுள்ள அறிக்கையில், பொதுமக்களிடையே சமரசம் ஏற்படுத்த அதிபர் முர்சி தீவிரமாக உள்ளார். அதற்கான முயற்சியில் ஈடுபட்டுள்ளார். இன்னும் 48 மணி நேரத்தில் எதிர்க்கட்சி தலைவர்கள் அரசுடன் உள்ள கருத்து வேறுபாடுகளை மறந்து ஜனாதிபதியுடன் ஒத்துழைக்க வேண்டும் என வலியுறுத்தப்பட்டுள்ளது.
இந்த அறிவிப்பால் எகிப்தில் பதட்டமும், பரபரப்பும் ஏற்பட்டுள்ளது.
கொழும்பிலுள்ள இந்தியத் தூதரகம் முன்னால் பாரிய ஆர்ப்பாட்டமொன்றை மேற்கொள்வதற்கு பொதுபல சேனா அமைப்பு ஏற்பாடுகளை மேற்கொண்டுள்ளது.
13வது திருத்தச் சட்டத்தை அமுல்படுத்துவதில் இலங்கை மீது இந்தியா அழுத்தங்களைப் பிரயோகிப்பதற்கு எதிர்ப்புத் தெரிவித்தே இந்த ஆர்ப்பாட்டத்தை ஏற்பாடு செய்துள்ளதாக பொதுபல சேனா அமைப்பின் தலைமையகம் விடுத்துள்ள அறிக்கையில் தெரிவிக்கப்பட்டுள்ளது.
இன்று பிற்பகல் நடைபெறவுள்ள இந்தியாவுக்கு எதிரான இந்த ஆர்ப்பாட்டத்தின் போது பிக்குமார்கள் மற்றும் பொதுபல சேனாவின் ஆயிரக்கணக்கான ஆதரவாளர்கள் கலந்து கொள்வார்கள் என்று எதிர்பார்க்கப்படுகிறது.
ஆர்ப்பாட்டத்தின் முடிவில் இலங்கையின் அரசியல் மற்றும் உள்நாட்டு விவகாரங்களில் இந்தியா தலையிடுவதற்கு எதிர்ப்புத் தெரிவித்து, இந்தியத் தூதரிடம் மகஜர் ஒன்றும் கையளிக்கப்படவுள்ளது.
உயர் கல்வி அமைச்சு நிராகரிப்பு-
பல்கலைக்கழக மாணவர்களுக்கும் அதிபர்களுக்கும் வழங்கப்படும் தலைமைத்துவ பயிற்சியை நிறுத்துமாறு முன்வைக்கப்படும் கோரிக்கை சாதாரணமான கோரிக்கை அல்லவென உயர் கல்வி பிரதி அமைச்சர் நந்தமிந்ர ஏகநாயக தெரிவித்துள்ளார்.
ரண்தம்பே தேசிய மாணவர் படையணி பயிற்சி பாடசாலையில் இராணுவத்திடம் பயிற்சி பெற்று வந்த அதிபர் ஒருவர் நேற்று திடீர் என மரணமானார். இந் நிலையில், இது தொடர்பில் கொழும்பில் ஊடகவியலாளர் சந்திப்பொன்று இடம்பெற்றது.
இதில் கலந்து கொண்ட இலங்கை ஆசிரியர் சேவை சங்கத்தின் பொதுச் செயலாளர் மகிந்த ஜயசிங்க கருத்து தெரிவிக்கையில், இந்த தலைமைத்துவ பயிற்சியை உடன் நிறுத்த வேண்டும் என்று குறிப்பிட்டுள்ளார்.
இதேவேளை, அதிபர்கள், பல்கலைக் கழக மாணவர்கள் ஆகியோருக்கு வழங்கப்படும் தலைமைத்துவ பயிற்சிகளுக்கு எதிராக பொதுமக்கள் குரல்கொடுக்க வேண்டும் என அனைத்து பல்கலைக் கழக மாணவர் ஒன்றியம் தெரிவித்துள்ளது.
அந்த ஒன்றியத்தின் இணைப்பாளர் சஞ்சீவ பண்டார நேற்று இடம்பெற்ற செய்தியாளர் சந்திப்பில் இவ்வாறு தெரிவித்துள்ளார்.
இவ்வாறாயினும் தலைமைத்துவ பயிற்சியை இடைநிறுத்த விடுக்கப்படும் கோரிக்கை ஏற்றுக்கொள்ளக் கூடிய ஒன்று அல்லவென உயர் கல்வி பிரதியமைச்சர் நந்தமித்ர ஏக்கநாயக குறிப்பிட்டுள்ளார்.
ஷரீஆ சட்டம் தொடர்பில் தெளிவுவேண்டுமென சட்டமா அதிபர் கோரிக்கை-
தமிழ் பேச முடியாததையிட்டு வெட்கமடைகின்றேன் என சட்டமா அதிபர் பாலித்த பெர்ணான்டோ தெரிவித்துள்ளார். எனக்கு ஆங்கிலம் மற்றும் சிங்களம் சரளமாக பேச முடியும். எனினும் தமிழ் பேச விருப்பம். ஆனால் சரளாமாக பேச முடியாது என தமிழ் உரையாற்றும் போது அவர் தெரிவித்துள்ளார்.
நீதியரசர் சீ.ஜீ.விரமந்திரியினால் எழுத்தப்பட்ட இஸ்லாமிய சட்டவியல் – ஒரு சர்வதேச பார்வை எனும் நூலின் சிங்கள மொழிபெயர்ப்பு இன்று திங்கட்கிழமை கொழும்பில் வெளியிடப்பட்டது. இந்நிகழ்வில் சிறப்பு அதிதியாக கலந்து கொண்டு உரையாற்றும் போதே அவர் மேற்கண்டவாறு குறிப்பிட்டுள்ளார்.
நான் மாணவனாக இருந்த போது தமிழ் கற்க முயற்சித்தேன். எனினும் பொருளாதார கஷ்டம் காரணமாக முடியவில்லை. இனங்களுக்கு இடையில் புரிந்துணர்வு கட்டாயம் தேவை.
மத்திய கிழக்கிலுள்ள முஸ்லிம் நாடுகளில் பயன்படுத்தப்படும் ஷரீஆ சட்டம் தொடர்பில் எமக்கு தெளிவு வேண்டும் இந்த தெளிவின்றியே எமது நாட்டிலிருந்து மக்களை தொழிலுக்காக அங்கு ஏற்றுமதி செய்கின்றோம். இதனால் பாரிய சிக்கல்களை எதிர்நோக்குகின்றோம்.
இதனால் அந்த நாடுகளிலுள்ள சட்டங்கள் தொடர்பில் எமக்கு தெளிவு வேண்டும் இது தொடர்பில் வெளிவிவகார அமைச்சின் செயலாளிடம் தெரிவித்துள்ளேன்’ என்றும் அவர் தெரிவித்துள்ளார்.
இசையமைப்பாளராக வேண்டும் என்ற கனவோடு கொலிவுட் திரையுலகிற்கு அடியெடுத்து வந்த பிரேம்ஜி சென்னை 28 படத்தின் மூலம் நடிகராகி விட்டார். தற்போது பாடகர், இசையமைப்பாளர், நடிகர் என பன்முக திறமை கொண்டவராக திகழ்கிறார்.
இசையமைப்பதைக் காட்டிலும் நடிப்பில் அதிக கவனம் செலுத்தி வரும் பிரேம்ஜி கொலிவுட் மட்டுமின்றி மலையாளத்திலும் விரைவில் அறிமுகமாக இருக்கிறார்.
பகத் பாஸில் – ஸ்வாதி ரெட்டி நடிக்கும் நார்த் 24 காதம் என்ற மலையாளப் படத்தில் பிரேம்ஜியும் நடிக்கிறார்.
பிரேம்ஜி முதல் முதலாக மலையாளத்தில் நடிக்கும் இப்படத்தை அனில் ராதாகிருஷ்ண மேனன் இயக்குகிறார்.
இப்படம் குறித்து இயக்குனர் கூறுகையில், எங்கள் படத்தில் பிரேம்ஜிக்கு சிறிய கதாபாத்திரம் தான்.
ஆனால் அவருடன் பணியாற்றியது மிக உற்சாகமான அனுபவமாக இருந்தது. எதிர்காலத்தில் அவருடன் மேலும் பணியாற்ற ஆசையாக உள்ளது என்று தெரிவித்துள்ளார்.
மாகாணசபையின் அதிகாரங்களை இல்லாதொழிக்கும் எந்த ஒரு அரசாங்கத்திலும் அங்கம் வகிக்க தாம் தயாரில்லை என்று அமைச்சர் வாசுதேவ நாணயக்கார தெரிவித்துள்ளார்.
கொழும்பில் நேற்று இடம்பெற்ற செய்தியாளர் சந்திப்பில் கருத்துரைத்த அவர், 13வது அரசியல் அமைப்பில் மாற்றங்கள் கொண்டு வர அரசாங்கம் முயற்சிகளை மேற்கொண்டு வருகிறது.
இதன் அடிப்படையில், இரண்டு மாகாணசபைகள் இணைவது மற்றும் மத்திய அரசாங்கத்தின் யோசனைகளுக்கு குறைந்த மாகாணசபைகளின் அனுமதி போதுமானது என்ற யோசனைகளே அவையாகும்.
இந்தநிலையில் இரண்டு மாகாணசபைகள் இணைவதை தடுப்பதற்கான யோசனைக்கு தாம் ஆதரவளிக்கின்ற போதும் மாகாணசபைகளின் அதிகாரங்களை குறைக்கும் எந்த அரசாங்கத்திலும் தாம் அங்கம் வகிக்கப்போவதில்லை என்று வாசுதேவ நாணயக்கார குறிப்பிட்டுள்ளார்
