நடத்தையில் சந்தேகப்பட்டு மனைவியை 12 ஆண்டுகளாக வீட்டுக்குள் கணவனே சிறைவைத்த சம்பவம் மைசூருவில் பரபரப்பை ஏற்படுத்தியுள்ளது.

கர்நாடகா மாநிலம், மைசூருவில் உள்ள எச்.டி.கோட் தாலுகா எச்.மாடகெரே கிராமத்தைச் சேர்ந்தவர் சுனலயா. இவர் கடந்த 12 ஆண்டுகளுக்கு முன்பு எச்.டி கோட் கிராமத்தைச் சேர்ந்த சுமா என்பவரை மூன்றாவதாக திருமணம் செய்து கொண்டார்.

அவரை திருமணம் செய்த நாளில் இருந்து சுமாவின் நடத்தை மீது சுனலயா சந்தேகம் கொண்டார். இதன் காரணமாக ஒரு அறையில் சுமாவை வைத்து பூட்டி 3 பூட்டுக்களைப் போட்டார். விளக்குகள் இல்லாத அந்த இருட்டறையில் சுமா தவித்து வந்தார்.

அத்துடன் தன் மனைவி யாரிடமும் பேசக்கூடாது என்பதற்காக வீட்டின் ஜன்னல்களையும் சுனலயா பூட்டி வைத்தார். மேலும் சுமா இருந்த அறையில் கழிப்பறை இல்லை.

இதனால் வாளியை வைத்து,அவர் மலம், சிறுநீர் கழிப்பது வழக்கம். அதைக் காலையில் சுனலயா எடுத்து வெளியேற்றியுள்ளார். இதை வெளியில் யாரிடமாவது சொன்னால் கொன்று விடுவதாகவும் அவர் மிரட்டியுள்ளார்.

கடந்த 12 ஆண்டுகளாக சுமாவின் நடமாட்டம் இல்லாததால் சுனலயாவிடம் உறவினர்கள் விசாரித்தும் உள்ளனர். ஆனால், அவர் உரிய பதில் அளிக்கவில்லை என்று கூறப்படுகிறது.

இந்த நிலையில், இருட்டறையில் கடந்த 12 ஆண்டுகளாக சுமா அடைத்து வைக்கப்பட்டதை அறிந்த வழக்கறிஞர் சித்தப்பாஜி சாந்த்வான் கேந்திரா என்பவர் போலீஸில் புகார் செய்தார்.

இதையடுத்து காவல் துறை அதிகாரி சுபான் தலைமையில் போலீஸார் சுனலயா வீட்டிற்கு நேற்று இரவு சென்று பூட்டுக்கள் மற்றும் கதவை உடைத்து சுமாவை மீட்டனர்.

இச்சம்பவம் குறித்து எச்.டி.கோட் போலீஸார் வழக்குப்பதிவு செய்தனர். அத்துடன் சுமாவையும், அவரது குழந்தைகளையும் மீட்டு அவரது பெற்றோரிடம் ஒப்படைத்தனர். தப்பியோடிய சுனலயாவை போலீஸார் தேடி வருகின்றனர். இந்த சம்பவம் மைசூருவில் பெரும் பரபரப்பை ஏற்படுத்தியுள்ளது.

கோயில் திருவிழா அன்று குடிபோதையில் வந்த கணவனைக் கண்டித்த மனைவி அடித்துக் கொலை செய்யப்பட்ட சம்பவம் தாவணகெரேவில் அதிர்ச்சியை ஏற்படுத்தியுள்ளது.

கர்நாடகா மாநிலம், தாவணகெரே மாவட்டத்தில் உள்ள கிரமகொண்டனஹள்ளி கிராமம் உள்ளது. இந்த கிராமத்தைச் சேர்ந்தவர் ஹனமந்தா(28). இவரது மனைவி அர்பிதா(24). இவர்களின் கிராமத்தில் நேற்று இரவு கிராம தெய்வ வழிபாடு நடைபெற்றது.

இதனால் ஹனமந்தா வீட்டிற்கு அவரது உறவினர்கள் மற்றும் நண்பர்கள் வந்திருந்தனர். குடிப்பழக்கம் உள்ள ஹனமந்தா நேற்றும் வழக்கம் போல மது குடித்து விட்டு வந்தார்.

இதனால் அவரது மனைவி அர்பிதா எரிச்சலடைந்தார்.தனது கணவனான ஹனமந்தாவை கண்டித்துள்ளார். இதனால் அவர்களுக்குள் வாக்குவாதம் ஏற்பட்டது.

கேரள மாநிலம் இடுக்கி மாவட்டம் தோப்பிரம்குடியை சேர்ந்தவர் டீனு (வயது 35). இவருக்கு திருமணமாகி 5 மாத குழந்தை உள்ளது. இந்நிலையில் நேற்று இரவு டீனு தனது 5 மாத குழந்தையை கொன்று விட்டு தானும் தற்கொலை செய்து கொண்டார்.

இந்நிலையில், நீண்ட நேரமாகியும் வீட்டில் சத்தம் எதுவும் கேட்காததால், டீனுவின் வீட்டின் அருகே உள்ள அவரது உறவினர் கதவைத் தட்டியுள்ளார்.

அப்போது வீட்டின் கதவு திறந்து கிடந்ததையடுத்து அவர் வீட்டுக்குள் சென்று பார்த்தபோது, ​​டீனு தூக்கில் தொங்குவதை கண்டு அதிர்ச்சியடைந்தார். மற்றொரு அறையில் டீனுவின் குழந்தை இறந்து கிடந்ததையும் கண்டார்.

சம்பவம் குறித்து போலீசாருக்கு தகவல் தெரிவிக்கப்பட்டது. இதனையடுத்து சம்பவ இடத்திற்கு விரைந்த காவல் துறையினர் உயிரிழந்த டீனு மற்றும் அவரது 5 மாத குழந்தை உடல்களை மீட்டு பிரேத பரிசோதனைக்காக அருகில் உள்ள மருத்துவமனைக்கு கொண்டு சென்றனர்.

இந்த சம்பவம் குறித்து போலீசார் வழக்குப்பதிவு செய்து அவரது உறவினரிடம் விசாரணை நடத்தினர். அப்போது 4 மாதங்களுக்கு முன்பு டீனுவின் கணவர் தற்கொலை செய்து கொண்டது தெரியவந்தது. அன்றிலிருந்து டீனு மனமுடைந்து காணப்பட்டதாக உறவினர் போலீசில் வாக்குமூலம் அளித்தார்.

சென்னை தாம்பரம் அடுத்த பெருங்களத்தூர், திருவள்ளுவர் தெருவில் வசித்து வருபவர் 24 வயது ஜீவா. இவர் கானா பாடல் பாடி, மேளம் அடிக்கும் பணி செய்து வந்தார். இவர் குண்டுமேடு பகுதியை சேர்ந்த இளம்பெண்ணை காதலித்து வந்தார்.

அந்த பெண்ணுக்கு அவரது பெற்றோர், வேறு ஒரு இடத்தில் மாப்பிள்ளை பார்த்தனர். இது குறித்து அந்த மாப்பிள்ளைக்கு ஜீவா, அந்த பெண்ணுடன் தான் சேர்ந்து இருக்கும் படத்தை அனுப்பி வைத்துள்ளார்.

இதனால் பெண்ணின் தந்தை மற்றும் அவரது மகன்கள் ஜீவாவை கண்டித்தனர். இதன் பிறகும் அந்த பெண்ணுடன் பெருங்களத்தூர் ரெயில்வே கேட் பகுதியில் தண்டவாளம் அருகே நின்று ஜீவா பேசிக் கொண்டிருந்தார்.

அப்போது அங்கு வந்த பெண்ணின் சகோதரர்கள் அந்த பெண்ணை திட்டி வீட்டுக்கு அழைத்துச்சென்றனர். இது குறித்து ஜீவா தனது நண்பர்களுடன் அந்த பெண்ணின் வீட்டுக்கு சென்று தகராறு செய்தார்.

அக்கம் பக்கத்தில் வசிப்பவர்கள் போலீசாருக்கு தகவல் தெரிவித்தனர். போலீசை பார்த்ததும் தப்பி ஓடிவிட்டனர். மீண்டும் இரவு 11 மணிக்கு ஜீவா, நண்பர்களுடன் சேர்ந்து சென்று தகராறு செய்தார்.

பெண்ணின் சகோதரர்கள் அவர்களின் நண்பர்களுடன் சேர்ந்து ஜீவாவின் நண்பர்களை அடித்து விரட்டினர். ஜீவா மட்டும் அவர்களிடம்தனியாக சிக்கிக்கொண்டார்.

பெண்ணின் சகோதரர்கள் மற்றும் நண்பர்கள் ஜீவாவை சுடுகாட்டுக்கு தூக்கிச்சென்று அரிவாளால் வெட்டியும், தலையில் கல்லை போட்டும் கொலை செய்துள்ளனர்.

சுடுகாட்டில் ஜீவா கொலை செய்யப்பட்டு கிடந்ததை பார்த்தவர்கள் போலீசாருக்கு தகவல் தெரிவித்தனர். சம்பவ இடத்துக்கு சென்ற போலீசார், ஜீவாவின் உடலை பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

இச்சம்பவம் குறித்து வழக்குப்பதிவு செய்து பெண்ணின் சகோதரர்களான விஜய், அஜித், அவர்களது நண்பர் அரவிந்தன் மூவரையும் கைதுசெய்து விசாரணை நடத்தி வருகின்றனர்.

தங்கையின் காதலை சேர்த்து வைக்க விருப்பமில்லாத நிலையில் வீடு தேடி வந்து தகராறு செய்ததால் ஆத்திரத்தில் ஜீவாவை கொலை செய்து விட்டதாக போலீசில் வாக்குமூலம் அளித்துள்ளனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

தனக்கு கல்யாணம் செய்து வைப்பதற்காக பார்த்திருக்கும் மாப்பிள்ளையைப் பிடிக்கவில்லை என்று கூறியும், அதே நபருடன் திருமணம் செய்து வைக்க முயற்சித்ததால், எதிர்ப்பு தெரிவித்து கிணற்றில் குதித்து தங்கையைக் காப்பாற்ற அண்ணனும் கிணற்றில் குதித்த நிலையில், இருவரும் பரிதாபமாக உயிரிழந்தனர்.

கர்நாடகா மாநிலம், சிஞ்சோலுவைச் சேர்ந்தவர் சந்தீப்(23). இவரது தங்கை நந்தினி(19). நந்தினிக்கு திருமணம் செய்வதற்காக மாப்பிள்ளை பார்த்து வந்த நிலையில், பெற்றோர் பார்த்திருக்கும் மாப்பிள்ளையை நந்தினிக்கு பிடிக்கவில்லை.

இதனால் திருமணத்திற்கு எதிர்ப்பு தெரிவித்த நிலையில், அந்த மாப்பிள்ளையைத் தான் திருமணம் செய்ய வேண்டும் என்று நந்தினியின் குடும்பத்தினர் வலியுறுத்தியதாக கூறப்படுகிறது.

இதனால் மனஉளைச்சலில் இருந்த நந்தினி, நேற்று மாலை திடீரென கிணற்றில் குதித்தார். இதைப் பார்த்த அதிர்ச்சியடைந்த நந்தினியின் சகோதரர் சந்தீப் தங்கையைக் காப்பாற்றுவதற்காக கிணற்றில் குதித்தார். ஆனால், இருவருக்கும் நீச்சல் தெரியாததால் கிணற்றில் மூழ்கி உயிரிழந்தனர்.

தகவல் அறிந்த கிராமத்தினர் விரைந்து வந்து சந்தீப், நந்தினி உடல்களை மீட்டனர். இந்த சம்பவம் குறித்து சிஞ்சோலி காவல் துறையினர் வழக்குப் பதிவு செய்து உயிரிழந்த இருவரின் உடல்களைக் கைப்பற்றி பிரேத பரிசோதனைக்கு அனுப்பி வைத்தனர். அண்ணன், தங்கை உயிரிழந்த சம்பவம், படபள்ளி கிராமத்தில் சோகத்தை ஏற்படுத்தியுள்ளது.

திருமணமாகி நான்கே மாதங்களில், தன்னுடன் சேர்ந்து வாழாமல் பிரிந்து சென்ற மனைவியையும், அவரது காதலனையும் முன்னாள் கணவர் வெட்டிக்கொலை செய்த சம்பவம் அதிர்ச்சியை ஏற்படுத்தியுள்ளது.

கர்நாடகா மாவட்டம், பெல்காம் மாவட்டத்தில் கொக்கடனூர் கிராமத்தைச் சேர்ந்தவர் தௌபிக் காடி(24). கடந்த நான்கு மாதங்களுக்கு முன்பு ஹீனகௌசர் சுதரனே(19) எனும் இளம்பெண்ணுடன் தெளபிக் காடிக்கு திருமணம் நடைபெற்றது.

இந்நிலையில் திருமணமான ஒரே மாதத்தில் தனது காதலன் யாசினுடன்(21) வீட்டை விட்டு வெளியே கணவரை பிரிந்து சென்றார் ஹீனகௌசர்.

இதுதொடர்பாக ஒன்றரை மாதங்களுக்கு முன்பு கிராம பெரியவர்கள் முன்னிலையில் பஞ்சாயத்து நடைபெற்றது. அப்போது தனது கணவருடன் வாழமாட்டேன் என்றும், காதலனுடன் தான் சேர்ந்து வாழ்வேன் என்று ஹீனகௌசர் சுதரனே திட்டவட்டமாக சொன்னார்.

இதனால் கணவன், மனைவி இருவரும் பிரிந்து வாழ்ந்தனர். இந்நிலையில், யாசினை ஹீனாகௌசருக்கு ஊர் பெரியவர்கள் திருமணம் செய்து வைத்தனர். இதனால், தனது மனைவி மற்றும் அவரது காதலன் மீது தௌபிக் ஆத்திரத்தில் இருந்தார்.

நேற்று இரவு யாசின் வீட்டிற்கு அரிவாளுடன் சென்ற தௌபிக், தன் முன்னாள் மனைவி ஹீனகௌசரை சரமாரியாக வெட்டி விட்டு, அவரது காதலன் யாசினையும் வெட்டினார். அவர்களைக் காப்பாற்ற வந்த அமினாபாய் பகுடா, மாமனார் முஸ்தபா முல்லா ஆகியோரையும் தௌபிக் அரிவாளால் வெட்டி விட்டுத் தப்பியோடி விட்டார்.

இதுகுறித்த தகவல் அறிந்த போலீஸார் விரைந்து வந்து பார்த்த போது, யாசின், ஹீனாகௌசர் ஆகியோர உயிரிழந்து கிடந்தனர். படுகாயங்களுடன் இருந்த அமினாபாய், முஸ்தபா ஆகியோரை மீட்டு மிராஜில் உள்ள தனியார் மருத்துவமனையில் சேர்த்தனர். அங்கு அவர்களுக்கு சிகிச்சை அளிக்கப்பட்டு வருகிறது.

இந்த இரட்டைக் கொலை குறித்து வழக்குப்பதிவு செய்த போலீஸார், தௌபிக்கை தேடி வருகின்றனர். இந்த சம்பவம் அப்பகுதியில் அதிர்ச்சியை ஏற்படுத்தியுள்ளது.

காஜியாபாத்தின் ரூர்க்கியை சேர்ந்தவர் வினோத் சவுத்ரி. இவர் சில ஆண்டுகளாக தனியார் நிறுவனத்தில் பணிபுரிந்து வருகிறார். பின்னர் வேலையை விட்டுவிட்டு, அதன் மூலம் வருமானம் ஈட்டுவதற்காக தனது கிராமத்தில் உள்ள விவசாய நிலத்தை குத்தகைக்கு எடுத்து வந்ததாக கூறப்படுகிறது.

இவரது மனைவி தீபக். தம்பதிக்கு ஒரு மகன் மற்றும் ஒரு மகள் உள்ளனர். வினோத்துக்கு கடந்த சில வருடங்களாக சிறுநீரக தொற்று இருந்தது. இதற்காக வினோத் மருத்துவ சிகிச்சை பெற்று வேலையை விட்டு விவசாயத்தில் ஈடுபட்டார்.

ஆனால், கடந்த ஐந்து மாதங்களுக்கு முன், வினோத்துக்கு மீண்டும் சிறுநீரக தொற்று ஏற்பட்டு, மன உளைச்சலில் இருந்துள்ளார். இதில், வாழ்க்கையை வெறுத்து தற்கொலை செய்து கொள்ள முடிவு செய்த வினோத், கால்வாயில் விழுந்து இறக்க முயன்றார்.

வினோத்தின் நண்பர் ஒருவர் அவரைக் காப்பாற்றி அவரது குடும்பத்தினரிடம் ஒப்படைத்து அவருக்கு மனநல சிகிச்சை அளிக்கச் சொன்னார். ஆனால் வினோத் ஒத்துழைக்கவில்லை என்பது தெரிய வந்தது. அவர் தொடர்ந்து மன அழுத்தத்தில் இருக்கிறார்.

தான் தற்கொலை செய்ய போவதாக ஒருமுறை தன் தங்கையிடம் கூறியிருந்தார். இந்நிலையில், வினோத்துக்கு பினு என்ற நண்பர் இருந்துள்ளார், அவரிடம் இருந்து கடந்த வாரம் துப்பாக்கியை வாங்கி காரில் மறைத்து வைத்திருந்தார் வினோத்.

கடந்த செவ்வாய்க்கிழமை, மதுபன் பாபுதம் அருகே காரில் தம்பதியர் இறந்து கிடப்பதாக போலீஸாருக்கு தகவல் கிடைத்ததும், போலீஸார் சம்பவ இடத்துக்குச் சென்று இறந்தவர்கள் வினோத் மற்றும் அவரது மனைவி தீபக் என அடையாளம் கண்டனர்.

தீபக் காருக்கு வெளியேயும், வினோத் காருக்குள்ளும் இறந்து கிடந்தனர். வினோத் கையில் துப்பாக்கி இருந்ததால், வினோத் தனது மனைவி தீபக்கை கொன்று தற்கொலை செய்து கொண்டிருக்கலாம் என்ற அடிப்படையில் விசாரணை நடத்தி வருகின்றனர். இதற்கிடையே வினோத்திடம் துப்பாக்கியை கொடுத்த பினுவை போலீசார் தேடி வருகின்றனர்.