கர்நாடகாவில்..

கர்நாடக மாநிலம் பெங்களூரு பகுதியைச் சேர்ந்தவர் பவித்ரா. இவர் நிறுவனம் ஒன்றில் பணியாற்றி வந்தார். இதே நிறுவனத்தில் வேலை பார்த்து வந்தவர் குரு பிரசாத். இவர்கள் இருவரும் நட்பாகப் பழகி வந்தனர்.

பின்னர் இந்த நட்பு நாளடைவில் காதலாக மாறியுள்ளது. மேலும் குரு பிசாத்திற்கு ஏற்கனவே திருமணம் நடந்துள்ளது. ஆனால் தனக்கு நடந்த திருமணத்தை மறைத்து குரு பிரசாத், பவித்ராவை காதலித்து வந்துள்ளார்.

இந்நிலையில் குரு பிரசாத்திற்குத் திருமணம் நடந்த விவகாரம் பவித்ராவிற்கு தெரியவந்துள்ளது. இதனால் இருவருக்கும் இடையே தகராறு ஏற்பட்டுள்ளது. காதலன் தன்னை ஏமாற்றியதால் மன வேதனை அடைந்த பவித்ரா வீட்டில் தூக்கிட்டு தற்கொலை செய்து கொண்டார்.

இந்த சம்பவம் குறித்து போலிஸார் வழக்குப் பதிவு செய்து விசாரணை நடத்தி வருகின்றனர். இதற்கிடையில் காதலி தற்கொலை செய்து கொண்டதை அறிந்த குரு பிரசாத் தூக்கிட்டு தற்கொலை செய்து கொண்டுள்ளார். இது குறித்தும் போலிஸார் வழக்குப் பதிவு செய்து விசாரணை நடத்தி வருகின்றனர்.

தமிழகத்தில்…

தமிழகத்தில் உள்ள பகுதியொன்றில் கிணற்றில் தவறி விழுந்த பாடசாலை மாணவர்கள் மூன்று பேரைக் காப்பாற்ற முயன்ற தந்தை உட்பட 4 பேர் கிணற்றில் மூழ்கி உயிரிழந்துள்ளனர்.

இச்சம்பவம் இன்றைய தினம் (02-07-2023) காலை இடம்பெற்றுள்ளதாக இந்திய ஊடகங்கள் செய்தி வெளியிட்டுள்ளன.தமிழகத்தில் நாமக்கல் மாவட்டம் ராசிபுரம் அடுத்துள்ள மெட்டாலா கணவாய்பட்டி என்ற கிராமத்தில் வசித்து வரும் குப்புசாமி என்பவரது மகன் அபினேஷ் (15). அப்பகுதியிலுள்ள பாடசாலை ஒன்றில் 10ஆம் வகுப்பு பயின்று வருகின்றார்.

அதே பாடசாலையில் பயின்று வரும் தனது நண்பர்களான கம்மாளப்பட்டியை சேர்ந்த 15 வயது நிதீஷ்குமார், சமத்துவபுரத்தை சேர்ந்த 13 வயது விக்னேஷ் (13) ஆகியோருடன் வெளியே சென்றுள்ளார்.அங்கிருந்து தங்களது மோட்டார் சைக்கிளில் 3 பேரும் வீடு திரும்பிக் கொண்டிருந்தனர்.

அப்போது வாகனம் நிலை தடுமாறியதில், அதில் வந்த சிறுவர்கள் மூவரும் வீதியோரத்தில் இருந்த 100 அடி ஆழம் கொண்ட விவசாய கிணற்றுக்குள் தவறி விழுந்துள்ளனர்.தகவல் அறிந்த கணவாய்பட்டி பகுதியை சேர்ந்த மாணவர் அபினேஷின் தந்தை குப்புசாமி மற்றும் அதே பகுதியைச் சேர்ந்த சரவணன், அசோகன் ஆகியோர் மாணவர்களை மீட்பதற்காகக் கிணற்றில் குதித்துள்ளனர்.

இதனையடுத்து, அப்பகுதி கிராம மக்கள் ராசிபுரம் தீயணைப்புத் துறைக்குத் தகவல் கொடுத்த நிலையில், சம்பவ இடத்திற்கு விரைந்து வந்த தீயணைப்பு வீரர்கள் கிணற்றில் கட்டிலை இறக்கி மாணவர்கள் அபினேஷ், நிதீஷ்குமாரை உயிருடன் மீட்டுள்ளனர். மற்றவர்கள் களிமண் சேற்றுக்குள் சிக்கியதாகத் தெரிகிறது.

மேலும் மோட்டார் சைக்கிளில் இருந்த பெற்றோல் முழுவதும் கசிந்து கிணற்று நீரில் கலந்த நிலையில், அதைப் பருகியதால் சேற்றில் சிக்கிய நான்கு பேரும் மயக்க நிலை அடைந்ததாகத் தெரிய வருகின்றது.இச்சம்பவம் தொடர்பில் மேலதிக விசாரணைகளை பொலிஸார் மேற்கொண்டு வருகின்றனர்.

இந்தியாவின்…

இந்தியாவின், மகாராஷ்டிராவில் சமுருத்தி-மஹாமார்க் அதிவேக வீதியில், பயணிகள் பேருந்தொன்று தீப்பற்றி எரிந்ததில் மூன்று குழந்தைகள் உட்பட 25 பேர் உயிரிழந்துள்ளதாக இந்திய ஊடகங்கள் செய்தி வெளியிட்டுள்ளன.

இந்த விபத்து நேற்று அதிகாலை 1.30 மணியளவில் நிகழ்ந்துள்ளது. புனே நோக்கிச் சென்று கொண்டிருந்த குறித்த பேருந்தில் சுமார் 33 பேர் பயணித்ததாகவும் மின்கம்பத்தில் மோதியே பேருந்து கவிழ்ந்து தீப்பிடித்ததாகவும் தெரிவிக்கப்படுகிறது.

மேலும், விபத்தில் படுகாயமடைந்த 8 பேர் ஆபத்தான நிலையில் வைத்தியசாலையில் அனுமதிக்கப்பட்டதாகவும் தெரிவிக்கப்படுகின்றது.இந்த விபத்து தொடர்பில் புல்தானா மாவட்ட பொலிஸார் மேலதிக விசாரணைகளையும் முன்னெடுத்துள்ளனர்.

திருப்பூரில்..

குடும்பத் தகராறில் மனைவியின் தலையை அறிவாளால் வெட்டி துண்டித்து கணவன் கொலை செய்த சம்பவம் பெரும் பரபரப்பு ஏற்படுத்தி உள்ளது. திருப்பூர் மாவட்டத்தில் குடும்பத் தகராறு மனைவியின் தலையைத் துண்டித்து கணவர் கொலை செய்த சம்பவம் பெரும் அதிர்ச்சியை ஏற்படுத்தி உள்ளது.

திருப்பூர் மாவட்டத்தில் கொங்கு மெயின் ரோடு டிஎம்எஸ் நகர் 4வது வீதியைச் சேர்ந்தவர் 36 வயதான மணிகண்டன். இவர் மதுரையைப் பூர்வீகமாகக் கொண்டவர். திருப்பூரில் இவர் பூ வியாபாரம் செய்து வருகிறார். இவருக்கு 23 வயதான பவித்ரா என்ற மனைவியும், ஒன்றரை வயதில் மகனும் உள்ளனர்.

பவித்ரா மணிகண்டனுக்கு இரண்டாவது மனைவி ஆவார். அதேபோல் பவித்ராவும் மணிகண்டனை இரண்டாவது திருமணம் செய்துள்ளார். பவித்ரா தனது தாயாருடன் அடிக்கடி பேசி பேசி வருவதால் இருவருக்கும் இடையே தகராறு ஏற்பட்டு வந்துள்ளது. இந்நிலையில் நேற்று மாலை 5 மணி அளவில் இருவரும் வீட்டில் இருந்துள்ளனர்.

அப்போது இரண்டு பேருக்கும் மீண்டும் தகராறு ஏற்பட்டுள்ளது. இருவரும் வாய்ப்பேச்சு போதாது என்று சரமாரியாக அடிதடியில் இறங்கித் தாக்கிக் கொண்டதாக கூறப்படுகிறது.

கோபத்தில் உச்சத்திற்குச் சென்ற மணிகண்டன் வீட்டிலிருந்த அறிவாளால் பவித்ராவின் தலையை வெட்டி கொலை செய்ததாகக் கூறப்படுகிறது. இவர்கள் இரண்டு பேரும் மூன்றாவது மாடியில் தங்கி வாழ்ந்து வந்துள்ளனர்.

அறிவாளால் வெட்டிய போது அந்த சத்தம் கேட்டு அக்கம் பக்கத்தினர் அங்கே ஓடிச் சென்று பார்த்துள்ளனர். அப்போது வெளியே நின்று கொண்டிருந்த மணிகண்டன் பவித்ராவை கொலை செய்து விட்டதாகக் கூறியுள்ளார்.

வீட்டின் உள்ளே சென்று பார்த்த போது தலை துண்டிக்கப்பட்ட நிலையில் ரத்த வெள்ளத்தில் பவித்ரா உயிரிழந்த நிலையில் கிடந்துள்ளார். உடனே இதுகுறித்து திருப்பூர் வடக்கு காவல் நிலையத்திற்குத் தகவல் கொடுக்கப்பட்டுள்ளது.

சம்பவ இடத்திற்கு விரைந்து வந்த காவல் துறையினர், அங்கிருந்த மணிகண்டனைப் பிடித்துள்ளனர். காவல்துறையினர் மணிகண்டன் விசாரணை நடத்தியுள்ளனர். அப்போது, பவித்ராவின் தலையை ஒரு பூக்கூடைக்குள் வைத்து வெளியே கொண்டு செல்ல மணிகண்டன் திட்டமிட்டு இருப்பது கண்டுபிடிக்கப்பட்டது.

அதேசமயம் பவித்ராவின் தலையில் மட்டும் 16 இடங்களில் வெட்டுக்காயம் இருந்துள்ளது. மேலும் உடலில் பல்வேறு இடங்களில் வெட்டுக்காயம் இருந்துள்ளது. பவித்ராவின் உடலை மீட்டு காவல்துறையினர் உடற்கூறாய்வுக்காக திருப்பூர் அரசு மருத்துவமனைக்கு அனுப்பி வைத்துள்ளனர்.

தற்போது காவல்துறையினர் மணிகண்டனிடம் விசாரணை மேற்கொண்டு வருகின்றனர். குடும்பத் தகராறு காரணமாக மனைவியின் தலையைத் துண்டித்துக் கொலை செய்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.

கர்நாடகாவில்..

கர்நாடகா மாநிலத்தில், திருமலாப்புரா கிராமத்தைச் சேர்ந்த சீனிவாஸ், தனது சொத்தில் பங்கு வேண்டும் என்று வாக்குவாதத்தில் ஈடுபட்ட மனைவியை, நடுரோட்டில் ஓட ஓட விரட்டி சென்று அரிவாளால் வெட்டிய சம்பவம் பரபரப்பை ஏற்படுத்தி உள்ளது.

திருமலாப்புராவைச் சேர்ந்தவர் சீனிவாஸ். இவரது மனைவி சவிதா. இவர்களுக்கு கடந்த 18 ஆண்டுகளுக்கு முன்பு திருமணமான நிலையில், கடந்த இரண்டு வருடங்களாக இருவரும் கருத்து வேறுபாடு காரணமாக பிரிந்து வாழ்ந்து வருகின்றனர்.

இந்நிலையில், தனது மனைவியிடம் விவாகரத்து கேட்டு சீனிவாஸ் நீதிமன்றத்தை நாடியிருந்தார். இந்த வழக்கு நீதிமன்றத்தில் நடந்து வரும் நிலையில் குடும்ப சொத்து விவகாரம் தொடர்பாக இருவருக்கும் இடையே தகராறு ஏற்பட்டு வந்துள்ளது.

இந்த நிலையில் சவிதாவின் வீட்டிற்கு சென்ற சீனிவாஸ் அவரிடம் சொத்தில் பங்கு தர முடியாது என்று தகராறில் ஈடுபட்டார். கண்டிப்பாக தனக்கு சொத்தில் பங்கு வேண்டும் என்று சவிதா பிடிவாதம் பிடித்துள்ளார்.

அப்போது சீனிவாஸ் கையில் வைத்திருந்த இரும்பு ராடு மற்றும் அரிவாளால் மனைவியை தாக்கியுள்ளார். இதில் இருந்து தப்பி செல்வதற்காக சவிதா ஓடினார். ஆனால் சீனிவாஸ் விடவில்லை. சவிதாவை துரத்தி சென்று தாக்கினார். இதில் பலத்த காயமடைந்த சவிதா நடுரோட்டில் சுருண்டு விழுந்தார்.

அப்போது அந்த வழியாக சென்ற பொதுமக்கள் சிலர், சீனிவாசை மடக்கி பிடித்து, அவரிடம் இருந்த ஆயுதத்தை பறித்தனர். பின்னர் சவிதாவை மீட்டு ஹாசனில் உள்ள தனியார் ஆஸ்பத்திரியில் சிகிச்சைக்காக சேர்த்தனர்.

பின்னர் இது குறித்து போலீசாருக்கு தகவல் அளிக்கப்பட்டது. சம்பவ இடத்திற்கு விரைந்து வந்த போலீசார் சீனிவாசை கைது செய்தனர். அவர் மீது வழக்கு பதிவு செய்த போலீசார் தொடர்ந்து விசாரணை நடத்தி வருகின்றனர்.

இதற்கிடையில் இந்த தாக்குதல் குறித்து தகவல் அறிந்த மாவட்ட போலீஸ் சூப்பிரண்டு ஹரிராம் சங்கர், மருத்துவமனையில் சிகிச்சை பெற்று வரும் சவிதாவை நேரில் சந்தித்து விசாரித்தனர்.

இதையடுத்து நிருபர்களுக்கு பேட்டியளித்த ஹரிராம் சங்கர் கூறியதாவது, சொத்து தகராறில் சீனிவாஸ் இரும்பு கம்பி, மற்றும் அரிவாளால் மனைவியை தாக்கியுள்ளார். இதில் அவருக்கு பலத்த காயம் ஏற்பட்டுள்ளது.

மருத்துவமனையில் தொடர்ந்து சிகிச்சை பெற்று வருகிறார். உயிருக்கு ஆபத்து இல்லை. இந்த தாக்குதல் தொடர்பாக சீனிவாசை போலீசார் கைது செய்துள்ளனர். தொடர்ந்து அவரிடம் விசாரணை நடத்தப்பட்டு வருகிறது என்று கூறினார்.

அனிதா..

பள்ளி படிக்கும் போது கேஸ் சிலிண்டர் வெடித்து தனது உடல் வெந்துபோன நிலையில், தற்போது கர்ப்பிணியாக நின்று உதவிக்காக கதறிய பெண்ணின் காணொளி வைரலாகி வருகின்றது.

அனிதா என்ற இந்த பெண் பள்ளி படிக்கும் போது கேஸ் வெடித்து தீவிபத்தில் சிக்கி தனது உடம்பு சிதைந்து போயுள்ளது. இதில் இவரது வாய் எதையும் சாதாரணமாக சாப்பிட முடியாத அளவிற்கு பாதித்துள்ளது.

குடும்பத்தினர் அனைவராலும் வெறுத்து ஒதுக்கப்பட்ட இந்த பெண் தற்போது கர்ப்பமாக இருந்து வரும் நிலையில், தனக்கு பிரசவம் பார்ப்பதற்கு உதவ வேண்டும் என்று நபர் ஒருவரிடம் கண்ணீர் மல்க கூறியுள்ளார்.

குறித்த நபரும் தான் உதவுவதாக கூறியதோடு, அப்பெண்ணிற்கு தற்போதைய தேவைகளையும் நிறைவேற்றியுள்ளார்.

View this post on Instagram

A post shared by Ask with Archana Karuppusamy (@archana_karuppusamy_official)

திருவள்ளூரில்..

திருவள்ளூர் மாவட்டம் பொன்னேரியைச் சேர்ந்த பார்கவி(23) என்கிற செவிலியர், இரவு வீட்டில் தூங்கிக் கொண்டிருந்த போது, பாம்பு கடித்து உயிரிழந்த சம்பவம் அந்த பகுதியில் பெரும் சோகத்தை ஏற்படுத்தியுள்ளது.

பொன்னேரியில் மேட்டு தெருவைச் சேர்ந்தவர் வாசுதேவன். இவரது மகள் பார்கவி (23). பார்கவி செவிலியர் பட்டயப்படிப்பு முடித்து விட்டு மாதர்பாக்கம் அரசு ஆரம்ப சுகாதார நிலையத்தில் பயிற்சிக்கு சென்று கொண்டிருந்தார்.

இந்நிலையில் இரவு சாப்பிட்டுவிட்டு வீட்டில் தூங்கிக் கொண்டிருந்த போது, பார்கவியை 2 மணியளவில் பாம்பு ஒன்று கடித்து விட்டது. உடனே பார்கவியின் அலறல் சத்தம் கேட்டு அவரது குடும்பத்தினர் பார்கவியை மீட்டு பொன்னேரி அரசு மருத்துவமனைக்கு கொண்டு சென்றனர்.

முதலுதவி சிகிச்சை அளிக்கப்பட்டு மேல் சிகிச்சைக்காக சென்னை ஸ்டான்லி அரசு மருத்துவமனைக்கு கொண்டு செல்லப்பட்ட நிலையில், ஸ்டான்லி மருத்துவமனையில் பரிசோதித்த மருத்துவர்கள், வரும் வழியிலேயே பார்கவி உயிரிழந்து விட்டதாக தெரிவித்தனர்.

இதனையடுத்து பார்கவியின் உடல் ஸ்டான்லி மருத்துவமனை சவக்கிடங்கில் பிரேத பரிசோதனைக்காக வைக்கப்பட்டுள்ளது. இந்த சம்பவம் குறித்து வாசுதேவன் ஆரணி போலீசார் வழக்கு பதிவு செய்து விசாரணை மேற்கொண்டு வருகின்றனர். வீட்டில் தூங்கி கொண்டிருந்த இளம் பெண் செவிலியர் பாம்பு கடித்து உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.