ஜேர்மனியில்..

ஜேர்மனியில் குடியேறும் வாய்ப்பிருந்தும், அனைத்து வசதிகளையும் சம்பாதித்த பிறகும் அந்த இளைஞர் இப்போது சொந்த கிராமத்திற்கு திரும்பியுள்ளார். ஜேர்மனியில் இருந்து இந்தியா திரும்பிய அவர் தற்போது 170 கிராமக் குழந்தைகளுக்கு கற்பித்து வருகிறார்.

‘கனவை அமைத்தால், அதை அடைய வழி கிடைக்கும்’ என்ற பழமொழியை நீங்கள் கேள்விப்பட்டிருப்பீர்கள். ஜேர்மனியில் ரசாயன விஞ்ஞானியாகி, இந்தியாவில் தனது கிராமத்தை பெருமைப்படுத்திய சேஷாதேவ் கிசான் ஒடிசா இளைஞருக்கு இந்த வார்த்தை மிகவும் பொருத்தமாக இருக்கும்.

கிராமத்தில் ஆடு மாடுகளை மேய்ப்பதில் தொடங்கி ஜேர்மனியின் கோட்டிங்கனில் உள்ள புகழ்பெற்ற ஜார்ஜ்-ஆகஸ்ட் பல்கலைக்கழகத்தில் பதவி பெறுவது வரை, அவரது பயணம் உண்மையில் ஊக்கமளிக்கிறது.

ஆனால் அவரது கதையில் இன்னும் ஊக்கமளிக்கும் விடயம் என்னவென்றால், ஜேர்மனியில் குடியேறும் வாய்ப்பிலிருந்து வாழ்க்கையின் அனைத்து வசதிகளையும் சம்பாதித்தாலும், அந்நாட்டிலேயே தனது காதல் தேடுவது வரை சொகுசு வாழ்க்கை வாழ்ந்தாலும், சேஷா இப்போது இந்தியாவில் தனது சொந்த கிராமத்திற்கு திரும்பியுள்ளார்.

ஒரு காலத்தில் சோறு கிடைக்காமல் கஷ்டப்பட்ட இவர், தற்போது தான் பிறந்த ஊரான சம்பல்பூரில் பல லட்சம் ரூபாய் மதிப்புள்ள வீடு ஒன்றை வைத்துள்ளார். சேஷா விரைவில் திருமணம் செய்து கொள்ளவுள்ளார்.

OTV உடனான ஒரு நேர்காணனில் பேசிய சேஷா தனது எதிர்கால திட்டங்களைப் பற்றி கூறினார். சம்பல்பூரின் நதிதேயுலா கிராமத்தைச் சேர்ந்த சேஷா, ஒரு வயதிலேயே தனது தாயை இழந்தார், மேலும் அவரது 18-வது வயதில் தந்தையும் இறந்துவிட்டார்.

பெற்றோரை இழந்த பிறகும் பெரிய கனவுகளுடன் இருந்த அவர் தனது படிப்பை கைவிடவில்லை. கால்நடைகளை மேய்ப்பதைத் தவிர, விடுமுறையில் கூலி வேலை செய்யத் தொடங்கினார், அதன்மூலம் அவர் தனது குடும்பத்தையும் கவனித்துக்கொண்டு அவரது கல்விச் செலவுகளையும் பார்த்துக்கொண்டார்.

ஜவஹர் நவோதயா வித்யாலயாவில் பள்ளிப் படிப்பை முடித்த பிறகு, தேசிய அறிவியல் கல்வி மற்றும் ஆராய்ச்சி நிறுவனத்தில் (NISER) தேர்ந்தெடுக்கப்பட்டார். பின்னர், ஜார்ஜ்-ஆகஸ்ட் யுனிவர்சிட்டி ஸ்கூல் ஆஃப் சயின்ஸில் (GAUSS) பேராசிரியர் ஸ்வென் ஷ்னீடரின் கீழ் ஆராய்ச்சி செய்தார்.

2018-ஆம் ஆண்டு ஜேர்மனிக்கு செல்வதற்கு முன் முதல்வர் நவீன் பட்நாயக்கால் பாராட்டப்பட்ட சேஷாதேவ், தனக்கு இப்போது வாழ்க்கையின் எல்லா வசதிகளும் இருந்தாலும், அவற்றை அனுபவிக்கத் தனக்குப் பக்கத்தில் பெற்றோர் இல்லை என்று வருந்துகிறார்.

ஜேர்மனியில் இருந்து திரும்பியதைத் தொடர்ந்து, “நான் 170 குழந்தைகளை தத்தெடுத்துள்ளேன். என்னைத் தவிர, சில ஆசிரியர்களும் அவர்களுக்குக் கற்பிக்க நியமித்துள்ளேன்.

நான் அவர்களுக்கு தேவையான அனைத்து விடயங்கையும் போதுமான அளவு கொடுக்க விரும்புகிறேன். அவர்கள் படிக்க எனது பழைய வீட்டை அவர்களுக்கு நன்கொடையாக அளித்துள்ளேன்” என்று அவர் கூறியுள்ளார்.

மேலும், “நான்கு ஆண்டுகளுக்கு முன்பு ஜேர்மனிக்குச் செல்வதற்கு முன்பு, நான் மீடியாக்களிடம் திரும்பி வருவேன் என்றும் எனது தாய்நாடான ஒடிசாவுக்கு முக்கியமான ஒன்றைச் செய்ய விரும்புகிறேன் என்றும் கூறியிருந்தேன். நான் என் வார்த்தைகளைக் காப்பாற்றினேன். என்னிடம் நீண்ட திட்டங்கள் உள்ளன. சரியான நேரத்தில் வெளிப்படுத்துவேன். அது அனைவருக்கும் ஆச்சரியமாக இருக்கும்” என்றார்.

திருப்பூரில்..

குழந்தையை பத்திரமாக பார்த்துக்கொள்வதாக கூறி, சேட்டை செய்ததால் சூடு வைத்து, அடித்து துன்புறுத்தி 4 வயது குழந்தையை கொன்ற தம்பதியினரின் செயல் பெரும் அதிர்ச்சியை ஏற்படுத்தியுள்ளது.

குழந்தையை பத்திரமாக பார்த்துக்கொள்வதாக கூறி, சேட்டை செய்ததால் சூடு வைத்து, அடித்து துன்புறுத்தி 4 வயது குழந்தையை கொன்ற தம்பதியினரின் செயல் பெரும் அதிர்ச்சியை ஏற்படுத்தியுள்ளது.

திருப்பூர் மாவட்டம் பல்லடம் திருவள்ளுவர் நகரை சேர்ந்தவர் பிரகாஷ் – கெளரி தம்பதியினர். கூலி தொழில் செய்து வரும் இவர்களுக்கு ஷிவானி என்று 4 வயது குழந்தை ஒன்று உள்ளது. குழந்தைகளுக்கே இருக்கும் அந்த குறும்பு நிறைந்த சிறுமியாக இருக்கும் ஷிவானி, தனது உறவினர்கள் அனைவரிடமும் ஜாலியாக இருந்து வருவார்.

மல்லிகா என்ற பெண்ணின் வீட்டில் வாடகைக்கு குடியிருந்த இவர்கள், அடிக்கடி வேலைக்கு செல்வது வழக்கம். இந்த நிலையில் மல்லிகாவின் உறவினரான வடமதுரை அருகே உள்ள செங்குளத்துபட்டியை சேர்ந்த ராஜேஷ்குமார் – கீர்த்திகா தம்பதியினர் அடிக்கடி மல்லிகாவை காண வீட்டிற்கு வருவர். அப்படி வருகையில் கீர்த்திகாவுக்கு, வாடகை வீட்டில் குடியிருக்கும் பிரகாஷின் குழந்தை ஷிவானியை மிகவும் பிடித்துள்ளது.

குழந்தை இல்லாத கீர்த்திகா, ஷிவானியை காண, அவருடன் விளையாடவே அடிக்கடி மல்லிகா வீட்டிற்கு வருவார் என்று சொல்லப்படுகிறது. அப்படி கடந்த 20-ம் தேதி மல்லிகா வீட்டிற்கு வந்த கீர்த்திகா, ஷிவானியை தனது ஊருக்கு எங்களுடன் அனுப்பி வைக்குமாறு பிரகாஷ் – கெளரியிடம் கேட்டுள்ளார். முதலில் தயங்கிய அவர்கள், பத்திரமாக பார்த்துக்கொள்வதாக அளித்த வாக்குறுதியால் நம்பிக்கை வைத்து கீர்த்திகாவுடன் அனுப்பி வைத்துள்ளனர்.

சிறிது நாள் தங்குவதற்காக தங்கள் மகளை கீர்த்திகாவுடன் அனுப்பிய பிரகாஷ், மகளின் பிரிவால் வருத்தமுற்று இருந்துள்ளனர்.. இருப்பினும் தங்கள் மகள் அங்கே மகிழ்ச்சியாக இருப்பதாக எண்ணியிருந்த இவர்களுக்கு கடந்த 2-ம் தேதி கீர்த்திகா போன் மூலம் தொடர்பு கொண்டு, ஷிவானி வழுக்கி வீழுந்து அவரது தலையில் பலத்த காயம் ஏற்பட்டு மருத்துவமனையில் அனுமதிக்கப்ட்டுள்ளதாக தெரிவித்துள்ளார்.

இதையடுத்து பதறிப்போன சிறுமியின் பெற்றோர் மதுரைக்கு விரைந்து சென்றனர். அங்கே மருத்துவமனையில் அனுமதிக்கப்பட்ட சிறுமியை மருத்துவர்கள் சோதனை செய்தனர். அப்போது சிறுமியின் உடலில் பல்வேறு இடங்களில் தீக்காயங்கள், தடம் உள்ளிட்டவற்றை கண்டுள்ளனர். இதையடுத்து சிறுமி தாக்கப்பட்டுள்ளதாக மருத்துவர்கள் கண்டறிந்து, குடும்பத்தாரிடம் கூறினர்.

தொடர்ந்து மருத்துவமனையில் சிறுமிக்கு தீவிர சிகிச்சை அளிக்கப்பட்டு வந்த நிலையில், சிகிச்சை பலனின்றி பரிதாபமாக உயிரிழந்தார். இந்த சம்பவம் குறித்து அறிந்த சிறுமியின் பெற்றோர் பிரகாஷ் – கெளரி தம்பதியினர் காவல்துறையில் ராஜேஷ்குமார் – கீர்த்திகா மீது புகார் தெரிவித்தனர். அதன்பேரில் வழக்குப்பதிவு செய்த அதிகரிகள் அவர்களிடம் விசாரணை மேற்கொண்டனர்.

அப்போது, சிறுமி தங்கள் வீட்டிற்கு வந்ததில் இருந்து அதிக சேட்டை செய்ததாகவும், முதலில் அமைதியாக கூறினாலும் கூட கேட்காமல் சேட்டை செய்துகொண்டிருந்ததால் அடித்ததும் தெரியவந்தது. மேலும் மிகவும் தொந்தரவு கொடுத்ததால் சிறுமிக்கு சூடு வைத்ததும் தெரியவந்தது.

அதோடு சம்பவத்தன்று, சிறுமி வீட்டிற்குள் உபாதை கழித்ததால் ஆத்திரமடைந்த கீர்த்திகா, ஷிவானியை பிடித்து தள்ளியுள்ளார். இதில் சிறுமியின் தலையில் பலத்த காயம் ஏற்பட்டு உடனே மயக்க நிலைக்கு சென்றுள்ளார் சிறுமி. பின்னர் அவர்கள் மருத்துவமனையில் அனுமதித்துள்ளனர். ஆனால் அங்கே சிகிச்சை பலனின்றி சிறுமி பரிதாபமாக உயிரிழந்தது கண்டுபிடிக்கப்பட்டது.

இதைத்தொடர்ந்து கீர்த்திகா – ராஜேஷ்குமார் மீது சிறுமியை அடித்து துன்புறுத்தி கொன்றதாக வழக்குப்பதிவு செய்த அதிகாரிகள் அவர்களை கைது செய்து சிறையில் அடைத்தனர். குழந்தையை பத்திரமாக பார்த்துக்கொள்வதாக கூறி, சேட்டை செய்ததால் சூடு வைத்து, அடித்து துன்புறுத்தி 4 வயது குழந்தையை கொன்ற தம்பதியினரின் செயல் பெரும் அதிர்ச்சியை ஏற்படுத்தியுள்ளது.

ராஜஸ்தானில்..

 ராஜஸ்தானில் ஆசிரியராக பணிபுரியும் மீரா என்பவர், அவர் பணிபுரியும் பள்ளியில் கல்பனா என்ற மாணவி காதலித்து வந்துள்ளார். இவர்களின் காதல் வழக்கத்திற்கு மாறாக இருந்தாலும் பெற்றோர்கள் சம்மதம் தெரிவித்துள்ளனர்.

பள்ளியில் உடற்கல்லி வகுப்பின் போது மாணவி கல்பனாவை அவதானித்த மீராவிற்கு அவர் மீது காதல் ஏற்பட்டுள்ளதாம். மேலும் மாணவியை திருமணம் செய்வதற்காக குறித்த ஆசிரியை பாலின அறுவை சிகிச்சை செய்து பெண்ணாக இருந்து ஆணாக மாறியுள்ளார்.

மேலும் தனது பெயரை ஆரவ் குந்தல் என்று மாற்றியதோடு, குறித்த மாணவியையும் திருமணம் செய்துள்ளார். இதுகுறித்து மாணவி கூறுகையில் ஆரம்பத்தில் இருந்தே அவரை விரும்பியதாகவும்,

பாலின அறுவை சிகிச்சை செய்யாமல் இருந்திருந்தாலும் அவரை திருமணம் செய்து கொண்டிருப்பேன் என்று கூறி அதிர்ச்சி கொடுத்துடன், அவரது அறுவை சிகிச்சையின் போது குறித்த மாணவி அவருடன் இருந்துள்ளாராம்.

இதில் மற்றொரு ஹைலைட் என்னவெனில், இந்த திருமணத்திற்கு பெற்றோர்கள் தரப்பும் எந்தவித எதிர்ப்பும் தெரிவிக்காமல் சம்மதம் தெரிவித்துள்ளது தான்.

திருப்பூரில்..

திருப்பூரில் உள்ள செல்லம் தெருவை சேர்ந்தவர் அமிர்தலிங்கம். இவருக்கு வயது 38. இவரது மனைவி சித்ரா. இவருக்கு வயது 35 ஆகிறது. இவர்களுக்கு இரண்டு மகள்கள் உள்ளனர்.

அந்த பகுதியில் உள்ள பனியன் கம்பெனியில் சித்ரா கூலி வேலை செய்து வந்தார். அதன் பிறகு டிக்டாக், இன்ஸ்டாகிராம் போன்ற சமூக வலைதளங்களில் வீடியோக்களை வெளியிடுவதில் ஆர்வம் காட்டினார். இதற்கு கணவர் அமிர்தலிங்கம் கண்டனம் தெரிவித்துள்ளார்.

இதனிடையே கடந்த சில மாதங்களுக்கு முன்பு டிக் டாக் மூலம் அறிமுகமானவர்களுடன் சினிமாவில் நடிக்க சென்னை சென்றதாக தெரிகிறது. இதற்கு அமிர்தலிங்கம் எதிர்ப்பு தெரிவித்துள்ளார். இதையும் மீறி சித்ரா சென்னை சென்று சில மாதங்கள் தங்கினார். இந்நிலையில் கடந்த வாரம் சென்னையில் இருந்து திருப்பூர் திரும்பியுள்ளார் சித்ரா.

இது தொடர்பாக கணவன், மனைவி இடையே தகராறு ஏற்பட்டது. இந்நிலையில் நேற்று இரவும் தகராறு ஏற்பட்டது. இதனால் ஆத்திரமடைந்த சித்ரா அந்த பகுதியில் உள்ள தனது மகள் வீட்டிற்கு சென்றார்.

அக்கம் பக்கத்தினர் மற்றும் அவர்களது மகள்கள் இருவரும் சமாதானம் அடைந்துள்ளனர். இதையடுத்து சித்ராவை வீட்டுக்கு செல்லுமாறு அனுப்பி வைத்தனர்.

இதற்கிடையே காலை நீண்ட நேரமாகியும் இவர்களது வீட்டின் கதவு திறக்கப்படவில்லை. சந்தேகமடைந்த அக்கம் பக்கத்தினர் உள்ளே சென்று பார்த்தபோது, ​​சித்ரா கழுத்தில் காயங்களுடன் இறந்து கிடந்தார். இதுகுறித்து மத்திய காவல் நிலையத்துக்கு தகவல் தெரிவிக்கப்பட்டது.

போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக திருப்பூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். மேலும் அமிர்த லிங்கத்தை கைது செய்து விசாரணை நடத்தி வருகின்றனர்.

சித்ரா கழுத்தில் காயம் இருந்ததால், துப்பட்டா அல்லது சேலையால் கழுத்தை நெரித்து கொன்றிருக்கலாம் என போலீசார் தெரிவித்தனர். இந்த சம்பவம் அப்பகுதியில் பரபரப்பை ஏற்படுத்தி உள்ளது.

மதுரையில்..

வீட்டில் விளையாடிக்கொண்டிருந்த 2 வயது குழந்தையின் தலையில் மாட்டிக்கொண்ட அலுமினிய பாத்திரத்தை குழந்தைக்கு எந்த வித பாதிப்பும் இன்றி மீட்புக்குழுவினர் பாதுகாப்பாக மீட்டெடுத்தனர்.

மதுரை மாவட்டம், சிம்மக்கல் பகுதியில் உள்ள மணிநகரம் முதல் தெருவை சேர்ந்தவர் ஜெகநாதன். இவருக்கு 2 வயதில் அஸ்வினி என்ற பெண் குழந்தை ஒன்று உள்ளது. இந்த நிலையில், அந்த குழந்தை நேற்று வீட்டில் பாத்திரத்தை வைத்து விளையாடிக்கொண்டிருந்தது.

அப்போது எதிர்பாராதவிதமாக அதில் ஒரு அலுமினிய பாத்திரத்தை குழந்தை தனது தலையில் மாட்டிக்கொண்டது. பிறகு அதை குழந்தை எடுக்க முயற்சித்தும் வெளியே வரவில்லை.

இதனால் வலி தாங்க முடியாமல் அலறி துடித்த சிறுமியை கண்ட பெற்றோர் பதற்றமானர். மேலும் அவர்களும் சிறுமியின் தலையில் இருந்த பாத்திரத்தை எடுக்க முயன்றனர். அப்போதும் அதை எடுக்க முடியவில்லை.

இதையடுத்து அக்கம்பக்கத்தினரை வரவழைத்து எடுக்க முயன்றனர். அப்போதும் அது தோல்வியை சந்தித்ததால் உடனடியாக தீயணைப்பு துறையினருக்கு தகவல் கொடுத்தனர். தகவலறிந்து சம்பவ இடத்திற்கு விரைந்த அவர்கள், சிறுமியின் தலையில் சிக்கியிருந்த பாத்திரத்தை எடுக்க தீவிர முயற்சி மேற்கொண்டனர்.

அப்போதும் அது உடனடியாக எடுக்க முடியவில்லை. இறுதியாக தலையில் சிக்கியிருந்த பாத்திரத்தை வெட்டி, சிறுமிக்கு எந்த வித பாதிப்பும் இன்றி வெளியே எடுக்கப்பட்டது. சுமார் 2 மணி நேரம் தீவிர முயற்சிக்கு பிறகு சிறுமியின் தலையில் சிக்கியிருந்த பாத்திரத்தை எடுத்தனர்.

இதையடுத்து குழந்தையின் பெற்றோருக்கு சிறுவர்கள் முன்பு இதுபோன்ற பாத்திரங்கள் வைக்க கூடாது என்றும், அவர்கள் கையில் விளையாட்டு பொருள் போல் இதனை கொடுக்க கூடாது என்றும் அறிவுறுத்தப்பட்டது. இந்த சம்பவத்தால் அந்த பகுதியில் சற்று பரபரப்பு ஏற்பட்டது.

ராமநாதபுரத்தில்..

மகள் கர்ப்பமானது கேட்டு குடும்பமே சந்தோஷத்தில் திளைத்தது. அந்த சந்தோஷம் சில மாதங்கள் கூட நிலைக்கவில்லை. திடீரென சாலையில் குறுக்கே மாடு ஓடி வந்ததால், கர்ப்பிணி பெண் கால்வாய்க்குள் மோட்டார் சைக்கிளுடன் விழுந்து மரணமடைந்தது உறவினர்களை அதிர்ச்சியிலும், சோகத்திலும் ஆழ்த்தியுள்ளது.

ராமநாதபுரம், பார்த்திபனூர் அருகே உள்ள கோனாகுளம் கிராமத்தில் வசித்து வருபவர் சுப்பிரமணி. இவரது மகன் பிரபாகரன் (27). இவருக்கும் பரமக்குடி அருகே உள்ள எஸ்.அண்டக்குடி கிராமத்தை சேர்ந்த பாலமுருகன் என்பரின் மகள் சூரிய பிரியதர்ஷினி (23) என்பவருக்கும் கடந்த சில மாதங்களுக்கு முன்பு திருமணம் நடைபெற்றுள்ளது. சூரிய பிரியதர்ஷினி 4 மாத கர்ப்பிணியாக இருந்ததாக கூறப்படுகிறது.

இந்நிலையில், கணவன் – மனைவி இருவரும் கடந்த 3ம் தேதி இரவு மோட்டார் பைக்கில் அண்டக்குடி கிராமத்திலிருந்து அவர்களுடைய வீட்டுக்குத் திரும்பி கொண்டிருந்தனர்.

அப்போது கீழ்ப்பெருங்கரை கிராமம் அருகே சென்று கொண்டிருந்த போது திடீரென சாலையின் குறுக்கே மாடு வந்ததால், மோட்டார் பைக் பிரபாகரனின் கட்டுப்பாட்டை இழந்து நிலை தடுமாறி அருகே இருந்த கால்வாய்க்குள் பாய்ந்தது.

இதில், கர்ப்பிணியான பிரியதர்ஷினி தண்ணீருக்குள் விழுந்தார். அவர் மீது இருசக்கர வாகனம் விழுந்ததால் மீண்டு எழ முடியாமல் நீரிலேயே மூழ்கி பரிதாபமாக உயிரிழந்தார். பிரபாகரன் காயம் அடைந்து மயங்கிய நிலையில் கரையில் கிடந்தார்.

சிறிது நேரம் கழித்து மயக்கம் தெளிந்து எழுந்து பார்த்துள்ளார். மனைவியையும் மோட்டார் பைக்கையும் காணவில்லை என அப்பகுதியை சேர்ந்தவர்களிடம் தெரிவித்தார். உடனே அனைவரும் கால்வாய்க்குள் இறங்கி தேடினர். சுமார் ஒரு மணி நேரத்திற்கு பிறகு சூரிய பிரியதர்ஷினியை சடலமாக மீட்டனர்.

பிரபாகரன் சிகிச்சைக்காக பரமக்குடி அரசு மருத்துவமனையில் அனுப்பி வைக்கப்பட்டு, பின்பு மேல் சிகிச்சைக்காக மதுரை அரசு மருத்துவமனைக்கு கொண்டுச் செல்லப்பட்டார்.. தகவல் அறிந்து சம்பவ இடத்திற்கு விரைந்து வந்த போலீசார், பிரியதர்ஷினியின் சடலத்தை கைப்பற்றி விசாரணை மேற்கொண்டு வருகின்றனர்.

போலீசாரின் முதற்கட்ட விசாரணையில், பிரபாகரன் – சூரிய பிரியதர்ஷினி மோட்டார் பைக் சென்ற போது, மாடு குறுக்கே வந்ததால் மோட்டார் பைக் நிலைதடுமாறி கால்வாய்க்குள் பாய்ந்து விபத்து நடந்து இருக்கலாம் என போலீசார் தெரிவித்தனர். இந்த சம்பவம் அப்பகுதியில் சோகத்தை ஏற்படுத்தியது.

கோவையில்..

கோவையை சேர்ந்த இளைஞர் ஒருவர் தனது திருமணத்திற்காக சைக்கிளில் கேரளா சென்று பலரையும் திகைக்க வைத்திருக்கிறார். இதற்கு அவர் சொல்லிய காரணம் தான் பலரையும் ஆச்சர்யப்பட வைத்துள்ளது.

கோவை மாவட்டம் தொண்டாமுத்தூர் கலிக்கநாயக்கன் பாளையத்தை சேர்ந்தவர் சிவசூர்யா. 28 வயதான இவர் குஜராத்தில் உள்ள தனியார் நிறுவனத்தில் பொறியாளராக பணிபுரிந்து வருகிறார்.

அண்மையில் இவருக்கும் கேரள மாநிலம் கண்ணூரை சேர்ந்த அஞ்சனா என்ற பெண்ணுக்கும் திருமண ஏற்பாடு செய்யப்பட்டது. அஞ்சனா அகமதாபாத்தில் உள்ள தனியார் நிறுவனத்தில் சாஃப்ட்வெர் என்ஜினியராக பணிபுரிந்து வருகிறார்.

இருவரும் கடந்த இரண்டு ஆண்டுகளுக்கு முன்னரே அறிமுகமான நிலையில், திருமணம் செய்துகொள்ள முடிவெடுத்திருக்கின்றனர். இதனை தொடர்ந்து கேரள மாநிலம் குருவாயூரில் இருவரது திருமணத்தையும் நடத்த இருவீட்டாரும் திட்டமிட்டனர்.

இந்த திருமணத்திற்கு தனது வீட்டில் இருந்து சைக்கிளிலேயே கேரளா சென்றிருக்கிறார் சிவசூர்யா. தனது நண்பர்களுடன் ஞாயிற்றுக்கிழமை காலை கிளம்பிய இவர் மாலையில் திருமணம் நடைபெறும் குருவாயூர் சென்றடைந்திருக்கிறார்.

அதுமட்டும் அல்லாமல் திருமணம் முடிந்தும், மணப்பெண் அஞ்சனா மற்றும் குடும்பத்தினர் காரில் வர சிவசூர்யா தனது நண்பர்களுடன் சைக்கிளிலேயே கோவை திரும்பியிருக்கிறார். இது பலரையும் வியப்படைய செய்தாலும், இதற்கு அவர் சொல்லிய காரணம் அனைவரையும் சிந்திக்க வைத்திருக்கிறது.

சைக்கிள் பிரியரான சிவசூர்யா பசுமையான இந்தியா என்பதை வலியுறுத்தும் விதமாக தனது திருமணத்திற்கே சைக்கிளில் பயணம் மேற்கொண்டிருக்கிறார். வழிநெடுகிலும் பொதுமக்களிடம் பசுமை இந்தியா குறித்து விழிப்புணர்வு ஏற்படுத்தியபடி சென்றிருக்கிறார் சிவசூர்யா.

தனது வீட்டில் இருந்து கோவைப்புதூர், பாலக்காடு, திருச்சூர் வழியாக குருவாயூருக்கு 150 கி.மீட்டர் தூரம் சைக்கிளிலேயே சென்ற சிவசூர்யா, திருமணம் முடிந்த பிறகு சைக்கிளிலேயே வீடு திரும்பி இருக்கிறார்.

முன்னதாக குஜராத் மாநிலத்தின் சபர்மதியில் இருந்து கோவை ராமகிருஷ்ணா மிஷன் வரையிலான 1902 கிலோமீட்டர் தூரத்தை 10 நாட்களில் சைக்கிளில் கடந்து சாதனை படைத்திருக்கிறார் சிவசூர்யா. இந்நிலையில், தன்னுடைய திருமணத்திற்கு கோவையில் இருந்து கேரளாவுக்கு சைக்கிளில் சென்று அனைவரையும் ஆச்சர்யப்பட வைத்திருக்கிறார் இந்த சைக்கிள் பிரியர்.

கன்னியாகுமரியில்..

கன்னியாகுமரி மாவட்டம் நித்திரவிளை அருகே வாவறை பகுதியை சேர்ந்தவர் சின்னப்பர் (வயது 56) கூலித்தொழிலாளியான இவருக்கு தங்கபாய் (வயது 51) என்ற மனைவியும் மூன்று மகள்களும் உள்ளனர்.

இதில் இரண்டு பேருக்கு திருமணமான நிலையில் மூன்றாவது மகள் களியக்காவிளை பகுதியில் உள்ள தனியார் கல்லூரி ஒன்றில் முதலாவது ஆண்டு படித்து வந்தார்.

மேலும், நித்திரவிளை பகுதியை சேர்ந்த வருண் என்பவரை மாணவி காதிலித்து வந்துள்ளார். இந்த நிலையில் காதலன் வருண் மாணவியிடம் திருமணம் செய்வதாக கூறி பல இடங்களுக்கு அழைத்து சென்று ஊர் சுற்றியதாக கூறப்படுகிறது.

கடந்த மூன்று மாதங்களுக்கு முன் வருணின் குடும்பத்தினர் இவர்களது காதலுக்கு எதிர்ப்பு தெரிவித்து திருமணத்திற்கு சம்மதம் தெரிவிக்காமல் இருந்துள்ளனர்.

இதனால் விரக்தி அடைந்த மாணவி வீட்டில் யாரிடமும் பேசாமல் சோகமாக இருந்து வந்த நிலையில் கடந்த 1ம் தேதி காலை மாணவிக்கு திடீரென வயிற்றுவலி ஏற்பட்டதை அடுத்து அவரது பெற்றோர் மகளை அழைத்து கொண்டு மார்த்தாண்டத்தில் உள்ள ஒரு தனியார் மருத்துவமனையில் சிகிச்சைக்கு அனுமதித்தனர்.

மூன்று நாட்கள் அங்கு சிகிச்சை பெற்றும் உடல்நிலையில் முன்னேற்றம் ஏற்படாததை தொடர்ந்து 4ம் தேதி கேரளாவில் உள்ள தனியார் மருத்துவமனைக்கு கொண்டு சென்றுள்ளனர்.

அங்கு அவசர சிகிச்சை பிரிவில் அனுமதிக்கப்பட்டு சிகிச்சை பெற்று வந்த மாணவி நேற்று முன்தினம் இரவு சிகிச்சை பலனின்றி பரிதாபமாக உயிரிழந்தார். இதனையடுத்து மாணவியின் தாயார் தங்கபாய் நித்திரவிளை போலீசில் புகார் ஒன்றை அளித்துள்ளார்.

அதன்பேரில் போலீசார் வழக்கு பதிவு செய்து காதலன் திருமணம் செய்வதாக கூறி ஏமற்றியதால் மாணவி விஷம் அருந்தி தற்கொலை செய்து கொண்டாரா அல்லது வேறு ஏதேனும் காரணமா என்ற கோணத்தில் விசாரணை நடத்தி வருகின்றனர்.

கோழிக்கோட்டில்..

முடி கொட்டியதால் விரக்தியடைந்த இளைஞர் சிகிச்சை அளிக்கும் மருத்துவரின் பெயரை எழுதி வைத்துவிட்டு, தற்கொலை செய்துகொண்ட சம்பவம் அதிர்ச்சியை ஏற்படுத்தியுள்ளது.

கோழிக்கோடு வடக்கு கண்ணூரைச் சேர்ந்த பிரசாந்த் அக்டோபர் 1ஆம் தேதி சடலமாக மீட்கப்பட்டார். முடி உதிர்வுக்கு சிகிச்சை அளித்த மருத்துவரின் பெயரில் எழுதப்பட்ட தற்கொலைக் கடிதம் கிடைத்தும் போலீசார் விசாரணையை தாமதப்படுத்துவதாக உறவினர்கள் குற்றம் சாட்டினர்.

இளைஞன் உயிரிழந்தது குறித்து உறவினர்கள் அதோலி போலீசில் புகார் அளித்தனர். ஆனால், தற்கொலைக் குறிப்பில் மருத்துவர் பெயர் இருந்தும், போலீசார் தீவிர விசாரணை நடத்தத் தயாராக இல்லை என்று கூறப்படுகிறது. இதற்கிடையில் விசாரணை நடைபெற்று வருவதாக போலீசார் தெரிவித்துள்ளனர்.

பிரசாந்த் 2014 முதல் முடி உதிர்தலுக்கு சிகிச்சை பெற்றார். அந்த மருந்தை பயன்படுத்த ஆரம்பித்தால் முதலில் முடி முழுவதும் உதிர்ந்துவிடும், பிறகு நல்ல முடி கிடைக்கும் என்று பிரசாந்திடம் மருத்துவர் கூறினார்.

மருந்து சாப்பிட ஆரம்பித்தவுடனே முடி கொட்ட ஆரம்பித்தது. தலையில் மட்டுமல்லாமல், கை, புருவங்களிலும் முடி உதிர ஆரம்பித்ததால் அதிர்ச்சியடைந்த இளைஞர் தற்கொலை முடிவை எடுத்துள்ளார்.

தற்கொலைக் கடிதத்தில் இவை அனைத்தும் விரிவாகக் குறிப்பிடப்பட்டுள்ளதாக உறவினர்கள் தெரிவிக்கின்றனர். பிரசாந்த் எழுதி வைத்துள்ள தற்கொலைக் குறிப்பில், கை, புருவங்களில் முடி உதிர்வதைக் கண்டு சகிக்க முடியாமல் வெளியே சென்று மக்களை எதிர்கொள்ள சிரமப்பட்டதாகக் கூறப்பட்டுள்ளது.

பிரசாந்த் மரணம் தொடர்பாக மருத்துவர் மீது குடும்பத்தினர் புகார் அளித்தும் இதுவரை நடவடிக்கை எடுக்கப்படவில்லை என குடும்பத்தினர் குற்றம் சாட்டியுள்ளனர். அதோலி போலீசிடம் முதலில் புகார் அளித்தனர்.

நடவடிக்கை எடுக்காததால், கோழிக்கோடு ரூரல் எஸ்பியிடம் புகார் அளித்தனர். எனினும், முதற்கட்ட விசாரணையில் மருத்துவர் தவறிழைத்ததற்கான ஆதாரம் எதுவும் கிடைக்கவில்லை என்றும், விரிவான விசாரணை நடைபெற்று வருவதாகவும் போலீசார் தெரிவித்தனர்.

பெங்களூருவில்..

சாலை ஓரமாக நடந்து சென்று கொண்டிருந்த கல்லூரி மாணவி மீது கிரேன் ஒன்று இடித்ததில் மாணவி உடல் நசுங்கி உயிரிந்துள்ளது தொடர்பான சிசிடிவி கட்சி வெளியாகி பரபரப்பை ஏற்படுத்தியுள்ளது.

சாலை ஓரமாக நடந்து சென்று கொண்டிருந்த கல்லூரி மாணவி மீது கிரேன் ஒன்று இடித்ததில் மாணவி உடல் நசுங்கி உயிரிந்துள்ளது தொடர்பான சிசிடிவி கட்சி வெளியாகி பரபரப்பை ஏற்படுத்தியுள்ளது.

கர்நாடக மாநிலம் பெங்களூரு பகுதியை சேர்ந்தவர் நூர் பிஜா. 19 வயதுடைய இளம்பெண்ணான இவர், அந்த பகுதியில் கல்லூரி ஒன்றில் படித்து வருகிறார். இந்த நிலையில் கடந்த 2 ஆம் தேதி, இந்த மாணவி பெங்களூரு நகரில் உள்ள ஒயிட் பீல்டு என்ற பகுதியில் கல்லூரி முடித்து தனது வீட்டிற்கு சென்றுகொண்டிருந்தார்.

அந்த சமயத்தில் இவரை பின்தொடர்ந்த கிரேன் வாகனம் ஒன்று இவரது பின்னே சென்றுகொண்டிருந்தது. இருப்பினும் மாணவி சாலையின் ஓரமாகவே சென்று கொண்டிருந்தார். அப்போது சாலையில் வந்த கிரேன் வாகனம் மாணவி மீது மோதியது.

இந்த கோர விபத்தில் மாணவி சம்பவ இடத்திலேயே இரத்த வெள்ளத்தில் சரிந்தார். இதனை கண்டதும் அந்த ஓட்டுநர் தலைதெறிக்க ஓட, அந்த பகுதி மக்கள் மாணவியை மீட்டு மருத்துவமனையில் அனுமதித்தனர். மேலும் இது குறித்து காவல்துறைக்கு தகவல் தெரிவிக்கப்பட்டது. பின்னர் அவர்கள் வந்து விசாரணை மேற்கொண்டனர்.

இதனிடையே மருத்துவமனையில் அனுமதிக்கப்பட்டிருந்த அந்த மாணவி சிகிச்சை பலனின்றி உயிரிழந்தார். இதையடுத்து மாணவி இறப்புக்கு ஞாயம் கேட்டு, அவரது குடும்பத்தார், அப்பகுதி மக்கள் ஒயிட் சாலையை மறித்து போராட்டத்தில் ஈடுபட்டனர்.

மேலும் விபத்து நடந்த பகுதியில் உள்ள சாலையில் அங்குள்ள தனியார் கல்லூரி ஆக்கிரமிப்பு செய்துள்ளதாகவும் அதனால் தொடர்ந்து அந்த இடத்தில் விபத்துக்கள் ஏற்பட்டு பலரும் உயிரிழந்துள்ளதாகவும்.

அதோடு ஏற்கனவே அமைக்கப்பட்டு இருந்த வேகத்தடையும் அங்கிருந்து நீக்கப்பட்டுள்ளததாகவும், இதுவே விபத்துகளுக்கு கூடுதல் காரணமாக உள்ளதாகவும், இதற்கு தக்க நடவடிக்கை எடுக்க வேண்டும் எனவும் மக்கள் கோரிக்கை வைத்துள்ளனர்.

இந்த நிலையில் இந்த விபத்து குறித்து தற்போது சிசிடிவி காட்சிகள் வெளியாகி பெரும் பரபரப்பையும் அதிர்ச்சியையும் ஏற்படுத்தியுள்ளது. அதோடு காவல்துறையினர் வழக்கு பதிவு செய்து விசாரணை நடைபெற்று வருகிறது. முதற்கட்டமாக விபத்தை ஏற்படுத்திய கிரேன் வாகனம் மட்டும் பறிமுதல் செய்யப்பட்டுள்ளது என்பது குறிப்பிடத்தக்கது.

Accident: ವಿದ್ಯಾರ್ಥಿನಿ ಬಲಿ ಪಡೆದ ಕ್ರೇನ್, ನ್ಯಾಯಕ್ಕಾಗಿ ಹೋರಾಟ | Karnataka Tak |#craneaccident #studentdeath #bengaluru pic.twitter.com/x0i47PhRVj

— Karnataka Tak (@karnataka_tak) November 5, 2022