திருச்சியில்..

திருச்சி கல்லூரி மாணவி இறப்பு வழக்கை சிபிசிஐடிக்கு மாற்றக்கோரி மாணவியின் பெற்றோர் ஆட்சியரிடம் மனு அளித்துள்ளனர். கல்லூரி மாணவி வாயில் விஷம் ஊற்றி கொலை செய்தவர்களை கைது செய்யக்கோரியும் சிபிசிஐடி விசாரணைக்கு வழக்கை மாற்ற கோரியும் திருச்சி மாவட்ட ஆட்சியரிடம் மாணவியின் பெற்றோர் மனு அளித்தனர்.

திருவரம்பூர் நொச்சி வயல் புதூர் பகுதியில் வசித்து வரும் ஆனந்தன் அவரது மனைவி சாந்தி இவர்களின் மகள் வித்யா லட்சுமி (19). இவர் திருச்சியில் உள்ள ஒரு தனியார் கல்லூரியில் இரண்டாம் ஆண்டு படித்து வந்தார். இந்நிலையில் கடந்த மே 13 அன்று உடல்நிலை சரியில்லாததால் மாணவி மருத்துவமனையில் அனுமதிக்கப்பட்டார்.

மாணவியிடம் போலீசார் வாக்குமூலம் பெற்றபோது, மூன்று பேர் என்னிடம் தகராறு ஈடுபட்டு குளிர்பானத்தில் விஷத்தை கலந்து எனது வாயில் ஊற்றிவிட்டனர் என தெரிவித்ததாக தகவல் வெளியானது. இந்த நிலையில், மே 23 அன்று மாணவி சிகிச்சை பலனின்றி இறந்து விட்டார்.

இந்நிலையில், மாணவியின் பெற்றோர் மாவட்ட ஆட்சியரை சந்தித்து சில கோரிக்கைகளை வைத்தனர். அதில், தனது மகளின் இறப்புக்கு காரணமான குற்றவாளிகளை கைது செய்ய வேண்டும் எனக் கூறி பிரேதத்தை வாங்க மறுத்து போராட்டத்தில் ஈடுபட்டோம்.

அப்போது ஆட்சியராக இருந்த சிவராசு குற்றவாளிகள் கைது செய்யப்பட்டு விட்டதாகவும், உடனடியாக நடவடிக்கை எடுக்கப்பட்டுள்ளது எனவும் கூறினார். இதனால் பிரேதத்தை பெற்று அடக்கம் செய்தோம்.

ஆனால், தற்போது வரை குற்றவாளிகள் கைது செய்யப்படவில்லை. குற்றவாளிகள் யார் என்று தெரிந்தும் கைது செய்யாமல் உள்ளனர் எனவே திருவரம்பூர் சரக டிஎஸ்பி, காவல் ஆய்வாளர்கள் விசாரணை மேற்கொண்டால் நியாயம் நீதி கிடைக்காது என்பதால் எனது மகளின் கொலை வழக்கை சிபிசிஐடி விசாரணைக்கு உத்தரவிட வேண்டும். என அதில் கூறப்பட்டுள்ளது.

முன்னதாக மாணவியின் இறப்பு வழக்கை விசாரித்த விசாரணை அதிகாரி கூறியதாக வெளியான தகவல் வேறு மாதிரியாக இருந்தது. அதாவது, மாணவிக்கு வாலிபருடன் காதல் ஏற்பட்டு பின்னர் உண்டான சண்டையினால்,

மாணவி தற்கொலை செய்துகொண்டதாகவும் மாணவியின் உடலில் எலி மருந்து சாப்பிட்டதான அறிகுறிகள் இருந்ததாகவும் கூறப்பட்டது. இந்த விசாரணை தற்போது எந்த அளவில் இருக்கிறது என்பது தெரியவில்லை.

தமிழகத்தில்..

தமிழகத்தின் திருவள்ளூர் மாவட்டத்தில் 12ஆம் வகுப்பு மாணவர் ஒருவர் கிணற்றில் பிணமாக மிதந்த சம்பவம் சோகத்தை ஏற்படுத்தியது. திருவள்ளூரின் திருத்தணி நகராட்சிக்கு உட்பட்ட ஏரிக்கரை தெருவில், பள்ளி மாணவர் ஒருவரது சடலம் மிதப்பதை சிலர் பார்த்துள்ளனர். உடனடியாக இதுகுறித்து பொலிசாருக்கு தகவல் தெரிவிக்கப்பட்டுள்ளது.

அதனைத் தொடர்ந்து சம்பவ இடத்திற்கு விரைந்த பொலிசார், தீயணைப்பு துறையின் உதவியுடன் மாணவரின் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர்.

அதன் பின்னர் மாணவரின் இறப்பு குறித்து வழக்குப்பதிவு செய்த பொலிசார் மேற்கொண்ட முதற்கட்ட விசாரணையில் குறித்த மாணவரின் பெரிய சூரியப்பிரகாஷ்(17) என்பதும், அவர் 12ஆம் வகுப்பு படித்து வந்துள்ளார் என்பதும் தெரிய வந்தது.

மேலும், அரக்கோணம் அருகே உள்ள தணிக்கை போளூர் கிராமத்தை சேர்ந்த முருகவேல் என்பவரின் மகனான சூரியபிரகாஷ், நேற்றைய தினம் வழக்கம்போல் பள்ளிக்கு சென்றுள்ளார்.

மதியம் பள்ளி முடிந்ததும், சக மாணவர்களுடன் விவசாய கிணற்றில் குளிக்க சென்ற அவர் சடலமாக மீட்கப்பட்டுள்ளார் என்பதும் விசாரணையில் தெரிய வந்துள்ளது. இதற்கிடையில் மாணவர் சூரியப்பிரகாஷ் நீச்சல் தெரியாமல் கிணற்றில் மூழ்கி இறந்தாரா அல்லது தற்கொலை செய்துகொண்டாரா என்கிற கோணத்திலும் பொலிசார் விசாரணையை தொடர்ந்து வருகின்றனர்.

திண்டுக்கலில்..

தான் காதலித்து வந்த பெண்ணிற்காக, ஆணாக பெண் ஒருவர் மாறிய நிலையில் அதன் பின்னர் நடந்த சம்பவம், கடும் பரபரப்பை உண்டு பண்ணி உள்ளது. திண்டுக்கல் மாவட்டம், நிலக்கோட்டை பகுதியை அடுத்த பழைய வத்தலகுண்டு என்னும் இடத்தை சேர்ந்தவர் செல்லப்பாண்டி. இவரது மகள் சவுமியா.

இவருக்கும், விருதுநகர் மாவட்டம் சாத்தூர் பகுதியைச் சேர்ந்த ராஜாவின் மகள் நந்தினி தேவி என்பவருக்கும் இடையே சமூக வலைத்தளம் மூலம் பழக்கம் ஏற்பட்டுள்ளது.

ஆரம்பத்தில் இருவரும் நட்பாக பழகி வந்த நிலையில், நாட்கள் செல்ல செல்ல சவுமியா மற்றும் நந்தினி தேவி ஆகியோருக்கு இடையே காதல் மலர்ந்துள்ளதாகவும் கூறப்படுகிறது. ஒரு கட்டத்திற்கு மேல், இருவரும் இணைந்து வாழவும் முடிவு செய்துள்ளனர். அது மட்டுமில்லாமல், சவுமியாவிற்காக ஒரு ஆணாகவும் தன்னை மாற்றிக் கொள்ள நந்தினி தேவி முடிவு செய்துள்ளார்.

தொடர்ந்து, சென்னையில் உள்ள தனியார் மருத்துவமனை ஒன்றில் தன்னை ஆணாக மாற்றிக் கொள்ளும் அறுவை சிகிச்சை ஒன்றையும் நந்தினி தேவி எடுத்துக் கொண்டதாக தகவல்கள் தெரிவிக்கின்றது. அத்துடன் தனது பெயரையும் நந்தினி தேவி என்பதில் இருந்து, யஷ்வந்த் என்றும் மாற்றி உள்ளார்.

இதனையடுத்து, யஷ்வந்த் என்கிற நந்தினி தேவியும், சவுமியாவும் கோவில் ஒன்றில் வைத்து திருமணமும் செய்து கொண்டதாக கூறப்படுகிறது. தொடர்ந்து, இருவரும் தனியாக வாடகை வீடு ஒன்றையும் எடுத்து வசித்து வந்ததாக தகவல்கள் தெரிவிக்கின்றது. இது பற்றி தகவலறிந்த சவுமியாவின் குடும்பத்தினர் மற்றும் அவரது உறவினர்கள், இருவரையும் பிரித்து, சவுமியாவை அழைத்து சென்றுள்ளனர்.

இதனால், தனது மனைவி சவுமியாவை மீட்டுத் தர வேண்டுமென போலீஸ் நிலையத்தில் புகார் ஒன்றையும் அளித்துள்ளார் யஷ்வந்த் என்கிற நந்தினி தேவி. இது தொடர்பாக போலீசார் விசாரணை மேற்கொண்ட நிலையில், சவுமியாவுக்கு யஷ்வந்த்துடன் வர விருப்பம் இல்லை என்றும் தகவல்கள் வெளியாகி உள்ளது.

ஆனால், நிச்சயம் சவுமியா அப்படி சொல்லி இருக்க மாட்டார் என்றும், குடும்பத்தின் வற்புறுத்தலால் அவர் அப்படி சொல்லி இருப்பார் என்றும் யஷ்வந்த் குறிப்பிட்டுள்ளார். அதே போல, தன்னுடைய காதலிக்காக ஆணாக மாற அறுவை சிகிச்சை கொண்ட யஷ்வந்த் என்கிற நந்தினி தேவியின் ஆயுட்காலம், 35 முதல் 40 ஆண்டுகளாக குறைந்துள்ளதாகவும், உயிரை பயணம் வைத்து சேர்ந்து வாழ ஆசைப்பட்டதாகவும் யஷ்வந்த் கூறியுள்ளார்.

அதே போல, தன்னை நேரில் வந்து சந்தித்தால், நிச்சயம் தன்னுடன் சவுமியா வந்து விடுவார் என யஷ்வந்த் தெரிவித்துள்ளார். தாங்கள் ஒன்றாக வாழ உதவி செய்ய வேண்டும் என்றும் அவர் தெரிவித்துள்ளது குறிப்பிடத்தக்கது.

மயிலாடுதுறையில்..

மயிலாடுதுறையில் கணவர் இறந்த சோகத்தில் மனைவி உயிரிழந்ததால் கிராமே சோகத்தில் மூழ்கியுள்ளது. மயிலாடுதுறை மாவட்டம் குத்தாலம் கீழே காலனியைச் சேர்ந்தவர் குணசீலன் (74). இவருடைய மனைவி தமிழரசி ( 68). இந்த தம்பதிக்குத் திருமணம் ஆகி 48 ஆண்டுகள் ஆகிறது.

இந்த தம்பதிக்கு ஒரு மகனும், இரண்டு மகள்களும் உள்ளனர். இவர்கள் அனைவருக்கும் திருமணம் செய்து வைத்த தம்பதிகள் மகிழ்ச்சியாக தங்களது பூர்வீக வீட்டில் தனியாக வாழ்ந்து வந்தனர்.

இந்நிலையில் திடீர் உடல்நலக் குறைவு காரணமாகக் குணசீலன் உயிரிழந்தார். இவரின் இந்த இறப்புச் செய்தியைக் கேட்ட மனைவி தமிழரசி சில மணி நேரங்களிலேயே மயங்கி விழுந்துள்ளார்.

இதைப்பார்த்து அதிர்ச்சியடைந்த உறவினர்கள் அவரை மருத்துவமனைக்குக் கொண்டு சென்றுள்ளனர். அங்குப் பரிசோதித்த மருத்துவர்கள் அவர் ஏற்கனவே இறந்து விட்டதாகத் தெரிவித்துள்ளனர்.

பின்னர் தம்பதிகள் இருவரது உடலும் ஒன்றாகவே அடக்கம் செய்யப்பட்டுள்ளது. கணவர் இறந்த துக்கத்தில் மனைவியும் உயிரிழந்த சம்பவம் கிராமம் முழுவதும் சோகத்தை ஏற்படுத்தியுள்ளது.

கனடாவில்..

கனடாவுக்குச் சென்ற இந்தியப்பெண் ஒருவரின் கணவருடைய விசா நிராகரிக்கப்பட்டதால் அவரது கணவர் வீட்டார் அவரைத் துன்புறுத்தியதைத் தொடர்ந்து அவர் தற்கொலை செய்துகொண்டதாக கூறப்படுகிறது.

பஞ்சாபிலுள்ள Moga மாவட்டத்தைச் சேர்ந்த ஜஸ்பிரீத் (Jaspreet Kaur, 28) என்ற இளம்பெண்ணை அவரது கணவர் வீட்டார், மாணவர் விசாவில் கனடாவுக்கு அனுப்பிவைத்துள்ளார்கள். அவர் கனடா சென்றதும் அவரது கணவரான குர்மீத் (Gurmeet Singh) ஐயும் கனடாவுக்கு அழைத்துக்கொள்வது அவர்கள் திட்டம்.

ஆனால், தொழில்நுட்ப பிரச்சினைகள் காரணமாக குர்மீத்தின் விசா மூன்று முறை நிராகரிக்கப்பட்டுள்ளது. அதன் பின் ஹஸ்பிரீத்தின் கணவர் வீட்டாருடைய நடவடிக்கைகள் தலைகீழாக மாறியுள்ளன.

உடனடியாக இந்தியாவுக்கு வருமாறு ஜஸ்பிரீத்தை வற்புறுத்திய அவர்கள், அவர் தனது பெற்றோரிடமிருந்து 35 இலட்ச ரூபாய் வாங்கிவரவேண்டுமென அவரை வற்புறுத்தியுள்ளார்கள். அந்த பணத்தை வைத்து தம்பதியர் ஸ்பெயினுக்குச் செல்லலாம் என்றும், இலையென்றால் விவாகரத்துக்கு சம்மதிக்குமாறும் அவர்கள் ஜஸ்பிரீத்துக்கு அழுத்தம் கொடுத்துள்ளார்கள்.

கனடாவின் பிராம்ப்டனில் வாழ்ந்துவந்த ஜஸ்பிரீத், இம்மாதம் 21ஆம் திகதி தூக்குப்போட்டுத் தற்கொலை செய்துகொண்டார். ஜஸ்பிரீத்தின் கணவர் வீட்டார் துன்புறுத்தியதால்தான் அவர் தற்கொலை செய்துகொண்டார் என குற்றம் சாட்டியுள்ளனர் அவரது குடும்பத்தினர்.

ஜஸ்பிரீத்தின் சகோதரரான ரஜ்வீந்தர் (Rajwinder Singh Khai), தன் சகோதரியின் உடல் இந்தியா வருவதற்காக காத்திருப்பதாகவும், அதற்குப் பின் பொலிசாரிடம் இந்த விடயம் தொடர்பாக புகாரளிக்க இருப்பதாகவும் தெரிவித்துள்ளார்.

விருத்தாசலத்தில் ..

விருத்தாசலத்தில் பன்னிரண்டாம் வகுப்பு பள்ளி மாணவி தூக்கிட்டு தற்கொலை செய்துகொண்ட சம்பவம் தமிழகத்தில் மேலும் அதிர்ச்சியை ஏற்படுத்தியுள்ளது.

கடலூர் மாவட்டம், விருத்தாசலம் நகராட்சிக்குட்பட்ட ஆயியார் மடம் தெருவில் வசிக்கும் கோபி என்பவரது 17 வயது மகள் விருத்தாசலம் தெற்கு பெரியார் நகர் பகுதியில் இயங்கி வரும் சக்தி மெட்ரிக் மேல்நிலைப் பள்ளியில் 12ம் வகுப்பு படித்து வந்தார்.

இந்நிலையில், நேற்று வீட்டிற்கு வந்த மாணவி வீட்டில் தூக்கு போட்டு தற்கொலை செய்து கொண்டு உயிரிழந்துள்ளார். மாணவியின் பெற்றோர் மற்றும் உறவினர்கள் காவல்துறையினருக்கு தெரிவிக்காமல் இறுதி சடங்கை ஏற்பாடு செய்துள்ளனர்.

இதுகுறித்து தகவல் அறிந்த விருத்தாசலம் காவல்துறையினர் சம்பவ இடத்துக்கு விரைந்து சென்று மாணவியின் உடலை கைப்பற்றி உடற்கூறாய்வுக்காக மாவட்ட அரசு மருத்துவமனைக்கு கொண்டு சென்றனர்.

தொடர்ந்து போலீசார் நடத்திய விசாரணையில், சரியாகப் படிக்கமுடியவில்லை என்பதாலும் அதனால் பெற்றோர் சரிவர தன்னிடம் பேசாமல் இருப்பதாலும்மனமுடைந்து தற்கொலை செய்துகொள்வதாக கடிதத்தில் மாணவி எழுதி வைத்துள்ளதாக போலீசார் தரப்பில் தகவல் வெளியாகியுள்ளது.

இருப்பினும், மாணவி மரணத்தில் சந்தேகம் உள்ள நிலையில் போலீசார் மேற்படி விசாரணை நடத்தி வருகின்றனர். கடந்த ஒரு வாரத்தில் கள்ளக்குறிச்சியிலும், திருவள்ளூரிலும் தற்போது விருதாச்சலத்திலும் அடுத்தடுத்து பள்ளி மாணவிகள் தற்கொலை செய்துகொண்ட சம்பவங்கள் மிகுந்த சோகத்தையும், பரபரப்பையும் ஏற்படுத்தியுள்ளது.

தூத்துக்குடியில்..

தூத்துக்குடியில்  காதல் திருமணம் செய்த புதுமண தம்பதி  வெட்டி படுகொலை செய்யப்பட்ட சம்பவத்தில் பெற்றோரை  போலீசார் கைது செய்துள்ளனர்.

தூத்துக்குடி மாவட்டம் கோவில்பட்டி அருகே உள்ள வீரப்பட்டி கிராமத்தை சேர்ந்தவர் முத்துக்குட்டி (50).  இவரது மனைவி மகாலட்சுமி. இந்த தம்பதியின் மகள் ரேஸ்மா (19). இவர் கோவில்பட்டியில் உள்ள கல்லூரியில் 2ஆம் ஆண்டு படித்து வந்தார்.

அதேஊரைச் சேர்ந்த வடிவேல் என்பவரது மகன் மாணிக்கராஜ் (28). வெளிநாட்டில் வேலை பார்த்த மாணிக்கராஜ் ஊருக்கு திரும்பி கூலி வேலை பார்த்து வந்துள்ளார்.

முத்துக்குட்டி, மாணிக்கராஜ்-க்கு மாமா முறை என்று கூறப்படுகிறது. இந்த நிலையில் மாணிக்கராஜ்-க்கும், ரேஸ்மாவுக்கும் இடையே காதல் மலர்ந்தது. மாணிக்கராஜ் உறவுக்காரர் என்றாலும் மது பழக்கத்தால் வேலைக்கு சரிவர செல்லாமல் மது அருந்தி வந்ததாக கூறப்படுகிறது.

மாணிக்கராஜ்,ரேஷ்மாவிற்கு இடையே வயது வித்தியாசம் இருந்துள்ளது. மேலும் மாணிக்கராஜ் படிக்கவில்லை என்பதால் ரேஷ்மா தந்தை முத்துக்குட்டி இவர்களின் காதலுக்கு எதிர்ப்பு தெரிவித்துள்ளார்.

மகள் பிடிவாதமாக இருந்ததால்  முத்துக்குட்டி வேறொரு மாப்பிள்ளை பார்த்து வந்துள்ளார். தனது மகளுக்கு திருமணம் செய்துவைக்கவும் முடிவு செய்துள்ளார்.

இதற்கிடையில் கடந்த மாதம் 28ஆம் தேதி ரேஷ்மா வீட்டை விட்டு வெளியேறினார்.  மாணிக்கராஜ் மற்றும் ரேஷ்மா இருவரும் மதுரை திருமங்கலத்திற்கு சென்று திருமணம் செய்து கொண்டனர்.

இதற்கிடையில் தனது மகளை காணவில்லை என்று கூறி எட்டயபுரம் காவல் நிலையத்தில் முத்துக்குட்டி புகார் அளித்துள்ளார். போலீசார் தங்களை தேடுவதை தெரிந்து கொண்ட தம்பதியினர், திருமங்கலம் காவல் நிலையத்தில் ஆஜராகி தாங்கள் திருணம் செய்து கொண்டதை தெரிவித்துள்ளனர்.

இந்த தகவல் எட்டயபுரம் காவல் நிலையம் போலீசார் மூலம் இருதரப்பு பெற்றோருக்கும் தெரிவிக்கப்பட்டுள்ளது. தனது மகளுக்கு நல்ல இடத்தில் திருமணம் செய்து வைக்க நினைத்திருந்த நிலையில் இப்படி திருமணம் செய்து விட்டதாக ரேஷ்மாவின் பெற்றோர் வேதனைபட்டு கூறியது மட்டுமின்றி, எந்த காலத்திலும் தனது மகளை ஏற்றுக்கொள்ள மாட்டோம் என்று கூறியதாக தெரிகிறது.

ரேஷ்மாவின் பெற்றோரின் கோபம் எட்டயபுரம் காவல் நிலையத்திற்கு தெரிய வர போலீசார் மாணிக்கராஜ் – ரேஷ்மா தம்பதியை தொடர்பு கொண்டு தற்பொழுது ஊருக்கு வர வேண்டாம் என்று அறிவுறுத்தியுள்ளனர்.

இந்த சூழ்நிலையில் மாணிக்கராஜ்விற்கு அங்கு சரியான வேலை கிடைக்கவில்லை என்று கூறப்படுகிறது. ஊருக்கு திரும்புவோம், நான் என்னுடைய பெற்றோர்களிடம் பேசி சமதானம் செய்து விடுவேன் என்று ரேஷ்மா தெரிவித்துள்ளார்.

இதையெடுத்து தான் அந்த தம்பதில் ஊருக்கு திரும்பியுள்ளனர். சில உறவினர்கள் மூலமாக ரேஷ்மா தனது பெற்றோருடன் பேச முயற்சி செய்துள்ளார். ஆனால் அவரது பெற்றோர் மறுத்து விட்டதாக தெரிகிறது.

இந்நிலையில் நேற்று காலையில் அப்பகுதியில் உள்ளவர்கள் விவசாயம் மற்றும் 100 நாள் வேலைக்கு சென்று விட மாணிக்கராஜ் – ரேஷ்மா இருவரும் தனியாக இருந்த போது, ரேஷ்மாவின் தந்தை முத்துக்குட்டி அவர்களை இருவரையும் அரிவாளால் வெட்டி படுகொலை செய்துவிட்டு தப்பியோடியதாகவும், அதற்கு முன்பாகவே அவரது மனைவியை ஊருக்கு அனுப்பி வைத்துவிட்டது விசாரணையில் தெரியவந்துள்ளது.

இது குறித்து தகவல் கிடைத்ததும் எட்டயபுரம் போலீசார் சம்பவ இடத்திற்கு சென்று தம்பதியின் உடல்களை மீட்டு, உடற்கூறாய்வுக்கு தூத்துக்குடி அரசு மருத்துவமனைக்கு அனுப்பி வைத்தனர். மேலும் எட்டயபுரம் போலீசார் வழக்கு பதிவு செய்து விசாரணை நடத்தி வருகின்றனர்.

இந்த சம்பவம் அப்பகுதியில் பெரும் பரபரப்பினை ஏற்படுத்தியது. இந்நிலையில் தம்பதியை கொலை செய்த வழக்கில் ரேஷ்மாவின் தந்தை முத்துக்குட்டி, தாய் மகாலட்சுமி ஆகியோர் கைது செய்யப்பட்டனர்.

உத்தரபிரதேசத்தில்..

உத்தரபிரதேச மாநிலம் ஜலான் மாவட்டத்தில் உள்ள குரோனா கிராமத்தைச் சேர்ந்த பைனி கெவாட் 3 எருமை மாடுகளை வளர்த்து வந்தார். இவரது மகள் ரஜினி எருமை மாடுகளுக்கு தீவனம் கொடுப்பது முதல் தண்ணீர் ஊற்றுவது வரையிலான வேலையை செய்து வந்தார்.

எருமை மாடுகள் மீது அதிக பாசம் கொண்ட ரஜினி, பெரும்பாலான நேரத்தை அவற்றுடன் கழித்தார். ஜூலை 8 ஆம் தேதி எருமை மேய்ச்சலுக்கு அனுப்பப்பட்டதாகவும் ஆனால் அது திரும்பி வரவில்லை என்றும் தந்தை கூறினார்.

எருமை மாட்டை இழந்ததால் சோகமான ரஜினி கடந்த ஜூலை 20ம் தேதி வீட்டில் தூக்குப்போட்டு தற்கொலை செய்து கொண்டார். இந்த சம்பவம் அதிர்ச்சியை ஏற்படுத்தியுள்ளது.

தெலங்கானாவில்..

தெலங்கானா மாநிலம் ராஜாபூர் தாலுகா திர்மலாபூர் கிராமத்தை சேர்ந்த ஜெயஸ்ரீ(25) என்பவருக்கு இரண்டு மாதங்களுக்கு முன்பு பெண் குழந்தை பிறந்தது.

இதையடுத்து ஜெயஸ்ரீயின் உடல்நிலை மிகவும் மோசமானது. இதனால் அவரது கணவர் பிரசாந்த், தனியார் மருத்துவமனைக்கு அழைத்துச் சென்றார்.

இந்த மருத்துவமனையில் ஜெயஸ்ரீயை பரிசோதித்த மருத்துவர்கள் அவருக்கு ரத்த குழாய்களில் அடைப்பு ஏற்பட்டுள்ளதாகவும், தொடர்ந்து மருந்துகள் எடுத்துக்கொண்டால் சரியாகிவிடும் என்றும் தெரிவித்துள்ளனர்.

இந்த நிலையில், நேற்று அதிகாலை ஜெயஸ்ரீ தனது குழந்தைக்கு தாய்ப்பால் கொடுத்துக் கொண்டிருந்தார். அப்போது திடீரென உயிரிழந்தார். இதுகுறித்து தகவலறிந்த போலீசார்,

சம்பவயிடத்திற்கு விரைந்து பெண்ணின் உடலை மீட்டு மருத்துவமனைக்கு அனுப்பி வைத்தனர். முதல்கட்ட தகவலில் இந்த பெண் மாரடைப்பால் உயிரிழந்தது தெரியவந்தது