உத்தரபிரதேசத்தில்..

உத்தரப்பிரதேச மாநிலம், ஷாமிலி மாவட்டத்தை சேர்ந்தவர் அசீம் மன்சூரி. இவருக்கு தற்போது 27 வயதாகிறது. தனது பெற்றோருக்கு ஆறாவது குழந்தையாக அசீம் மன்சூரி பிறந்துள்ள நிலையில், இவரது உயரம் 2.3 அடி மட்டுமே உள்ளது.

இந்த உயரத்தின் காரணமாக இளம் வயதில் இருந்தே ஏராளமான கேலி, கிண்டலுக்கும் அசீம் ஆளாகி உள்ளதாக தெரிகிறது. முன்னதாக பள்ளி பருவத்தில் தனக்கு நேர்ந்த கேலியின் காரணமாக பள்ளி படிப்பையும் பாதியில் நிறுத்திக் கொண்டதாகவும் தகவல்கள் தெரிவிக்கின்றது.

இதனைத் தொடர்ந்து, சகோதரர்கள் நடத்திய அழகு நிறுவன கடையில் அசீம் மன்சூரி பணிபுரிந்து வந்ததாக தகவல் தெரிவிக்கும் நிலையில், தொடர்ந்து தனியாக கடை ஒன்றையும் நடத்தி தொழில் செய்து வருகிறார்.

மேலும் தனது தொழிலிலும் அசீம் சிறந்து விளங்கி வந்துள்ளார். ஆனால், கை நிறைய பணம் சம்பாதித்தாலும் ஒரே ஒரு ஏக்கம் மட்டும் கடந்த பல ஆண்டுகளாக தொடர்ந்து இருந்து வந்துள்ளது.

நன்கு பணம் சம்பாதித்த பிறகும் தான் திருமணம் செய்து கொள்ள பெண் கிடைக்கவில்லையே என ஏங்கி வந்துள்ளார் மன்சூரி. இதற்காக பல இடங்களிலும் அவர் பெண் தேடி வந்துள்ளதாக தகவல்கள் தெரிவிக்கின்றது.

அது மட்டுமில்லாமல், கடந்த சில ஆண்டுகளுக்கு முன் பெண் பார்த்து தாருங்கள் என போலீஸ் நிலையத்திலும் கோரிக்கை ஒன்றை அசீம் மன்சூர் அளித்திருந்த போது அவர் குறித்த செய்தி, அதிகம் வைரலாகி இருந்தது. இது தவிர, முதலமைச்சர்களுக்கும் கடிதம் மூலம் கோரிக்கை வைத்திருந்தார் மன்சூரி.

இந்த நிலையில், நீண்ட நாள் ஏக்கத்திற்கு பின்னர் அசீம் மன்சூருக்கு தற்போது திருமணம் நடந்துள்ளது. அசீம் ஊருக்கு அருகே உள்ள ஹபூர் எனும் பகுதியை சேர்ந்தவர் புஷாரா.

இவர் சுமார் 2.5 அடிக்கு மேல் உயரமுள்ளதாக தகவல் தெரிவிக்கும் நிலையில், கடந்த ஆண்டு அசீம் மற்றும் புஷாரா ஆகியோருக்கு இடையே பழக்கம் ஏற்பட்டுள்ளது. தொடர்ந்து, திருமண நிச்சயதார்ததமும் கடந்த ஆண்டு நடந்ததாக தகவல்கள் கூறுகின்றது.

அதே வேளையில், புஷாரா பட்டப்படிப்பு படித்து வந்ததால் ஓராண்டு கழித்து திருமணத்தை நடத்தி வைக்கவும் முடிவு எடுக்கப்பட்டிருந்தது. அதன்படி, தற்போது அசீம் மன்சூரி – புஷாரா திருமணமும் நடந்து முடிந்துள்ளது.

திருமண கோலத்தில் அவர்கள் இருக்கும் புகைப்படங்கள் மற்றும் வீடியோக்கள் அதிகம் வைரலாகி வரும் நிலையில் அப்பகுதியில் அசீம் மன்சூரிக்கு திருமணம் நடந்ததை பெரிய அளவில் கொண்டாடி இருந்ததாகவும் தகவல்கள் தெரிவிக்கின்றது.

கர்நாடகாவில்..

கர்நாடகா மாநிலம் ராமநகர் மாவட்டத்தில் பழமையான காஞ்சுக்கல் மடம் அமைந்துள்ளது. இந்த மடத்தின் மடாதிபதியாக பசவலிங்க சுவாமிகள் (வயது 45) இருந்து வந்தார்.

இவர் கடந்த 1997-ம் ஆண்டு முதல் இந்த மடத்தின் மடாதிபதியாக இருந்து வருகிறார். இதனால் இவருக்கு அந்த பகுதியில் நல்ல செல்வாக்கு இருந்துள்ளது. இவர் கடந்த தீபாவளி தினத்தன்று எப்போதும் வெளியே வரும் நேரத்தில் வெளிவராமல் இருந்துள்ளார்.

இதனால் சந்தேகமடைந்த அவரின் சிஷ்யர்கள் அவரின் அறைக்கு சென்றுபார்த்தபோது ஜன்னலில் உள்ள கிரீல் கம்பியில் தூ.க்.கு.ப்.போ.ட்.டு த.ற்.கொ.லை செ.ய்.துகொண்டது தெரியவந்தது.

இதனைக் கண்டு அ.திர்ச்சியடைந்த அவரின் சிஷ்யர்கள் காவல்நிலையத்துக்கு தகவல் அளித்தனர். அதன்படி சம்பவ இடத்துக்கு விரைந்து வந்த போலிஸார் மடாதிபதியின் அறையில் சோதனை நடத்தியபோது அங்கு ஒரு கடிதம் இருந்துள்ளது.

அந்த கடிதத்தில் மடத்தின் மடாதிபதி பொறுப்பில் இருந்து சிலர் என்னை விலக்க நினைக்கிறார். இதற்காக எனது புகழுக்கு களங்கம் ஏற்படுத்தும் வகையில் த.வறான செ.ய்திகளை பரப்ப நினைக்கின்றனர்.

இதுதொடர்பாக என்னை மி.ரட்டியதால் நான் த.ற்.கொ.லை செ.ய்.து கொ.ள்வதாக கூறியிருந்தார். இந்த சம்பவம் கர்நாடகாவில் கடும் அ.திர்ச்சியை ஏற்படுத்தியது. இது தொடர்பாக போலிஸார் நடத்திய வி.சாரணையில் 22 வயதான நீலாம்பிகா என்னும் கல்லூரி மாணவி ஒருவர் சிக்கினார்.

அவரிடம் நடத்திய வி.சாரணையில், கண்ணூர் மடாதிபதியின் தூண்டுதலில்படி பசவலிங்க சுவாமிகளிடம் அந்த மாணவி நெருக்கமாகியுள்ளார். பின்னர் அடிக்கடி செல்போனில் இருவரும் பேசிய நிலையில், தொடர்ந்து வீடியோ கால் மூலமாகவும் பேசியுள்ளனர்.

இதனைத் தொடர்ந்து இருவரும் நி.ர்.வா.ண.மா.க வீ.டியோ கால் மூலம் பேசிவந்த நிலையில் அதனை அந்த பெண் ஸ்கீரின் ரெக்கார்ட் மூலம் பதிவு செய்து வைத்துள்ளார்.

இவ்வாறு 4 வீடியோக்கள் பதிவு செய்யப்பட்ட நிலையில், அதனை வைத்து பசவலிங்க சுவாமிகளை இவர்கள் மி.ர.ட்.டி வ.ந்துள்ளனர். இதனால் அ.ஞ்சிய மடாதிபதி த.ற்.கொ.லை செ.ய்து.கொண்டுள்ளார்.

ஹனிடிராப் என்று அழைக்கப்படும் இதேபோன்று செயலால் ஒடிசாவில் பாஜக தலைவர்கள் ஒரு பெண்ணிடம் சி.க்கிய நிலையில், தற்போது கர்நாடகாவில் ஹனிடிராப்பில் சிக்கி மடாதிபதி த.ற்.கொ.லை செ.ய்து கொண்டது அ.திர்ச்சியை ஏற்படுத்தியுள்ளது. இந்த விவகாரத்தில் 3 பேர் கைது செய்யப்பட்டுள்ளதாக போலிஸார் தரப்பில் தெரிவிக்கப்பட்டுள்ளது.

ஆந்திராவில்..

இந்திய மாநிலம் ஆந்திராவில் நான்கு பள்ளி மாணவிகள் கடிதம் எழுதி வைத்துவிட்டு மாயமான சம்பவம் அதிர்ச்சியை ஏற்படுத்தியுள்ளது. ஆந்திர மாநிலம் விசாகப்பட்டினத்தில் பள்ளி மாணவிகள் நான்கு பேர் ஒன்றாக காணாமல் போயுள்ளனர்.

குறித்த 4 மாணவிகளும் தங்கள் பெற்றோருக்கு கடிதம் எழுதி வைத்துள்ளனர். அதில், ‘எங்கள் நன்மைக்காக நாங்கள் செல்கிறோம். எந்த காதல் வலையிலும் சிக்கவில்லை, தப்பியோடவும் இல்லை. நீங்கள் எப்போதும் எங்கள் எண்ணங்களில் இருப்பீர்கள்’ என தெரிவித்திருந்தனர்.

மேலும், வாழ்க்கையில் முன்னேற வேண்டும் என்பதே குறித்த மாணவிகளின் எண்ணம் என்றும், ஒரு நல்ல நிலையை அடைந்தவுடன் வீடு திரும்புவோம் எனவும் ஒரு மாணவி கடிதத்தில் எழுதியுள்ளார்.

இதனால் அதிர்ச்சி அடைந்த பெற்றோர்கள் பள்ளி நிர்வாகத்தை அணுகி விசாரித்துள்ளனர். ஆனால் மாணவிகள் பள்ளிக்கு வரவில்லை என பள்ளி தரப்பில் தெரிவிக்கப்பட்டுள்ளது.

அதனைத் தொடர்ந்து பொலிஸாருக்கு புகார் தெரிவிக்கப்பட்டது. பொலிஸார் உடனடியாக புகாரின் பேரில் தனிப்படைகள் அமைத்து மாணவிகளை தேடி வருகின்றனர்.

விருதுநகரில்..

விருதுநகர் மாவட்டத்தை சேர்ந்தவர் மாற்றுத்திறனாளி வீரபத்திர மணி. இவர் ஆறு மாத குழந்தையாக இருக்கும் போதே அவரது பெற்றோர் உயிரிழந்து விட்டதாக தகவல் தெரிவிக்கும் நிலையில், தாத்தா – பாட்டி அரவணைப்பிலும் அவர் வாழ்ந்து வந்துள்ளார்.

பத்தாம் வகுப்பு வரை படிப்பில் சிறந்து விளங்கிய வீரபத்திரமணி, பாட்டியின் இறப்புக்கு பிறகு பொருளாதார சூழ்நிலை காரணமாக அதன் பின்னர் படிப்பை தொடர முடியாமல் போனதாகவும் தகவல்கள் தெரிவிக்கின்றது.

இதன் பின்னர், அருகேயுள்ள மைக் செட் கடையில் ஆபரேட்டராகவும் வீரபத்திரமணியும் பணிபுரிந்து வந்துள்ளார். அப்போது கிடைத்த வருவாய் மூலம், அரசு தொழிற்பயிற்சி நிலையத்தில் மொபைல் போன் சர்வீஸ் பயிற்சியையும் அவர் முடித்துள்ளார்.

அதே வேளையில், மைக் செட் கடையில் வீரபத்திரமணி போடும் பாடல்களுக்கு அப்பகுதியில் நிறைய பேர் ரசிகர்களாகவும் இருந்துள்ளதாக தகவல்கள் தெரிவிக்கின்றது..

அப்படி சுமதி என்ற பெண்ணுடன் வீரபத்திரமணிக்கு பழக்கம் ஏற்பட்டதாகவும் தகவல்கள் தெரிவிக்கின்றது. தனது காதலையும் சுமதியிடம் வீரபத்திரமணி வெளிப்படுத்த, ஒரு மாத கால அவகாசத்திற்கு பின்னர் அவர் சம்மதமும் சொல்லி உள்ளார். இது பற்றி பேசும் சுமதி, “எனது வீட்டில் விஷயம் தெரிந்ததும் எனது தந்தை பிரச்சனை செய்து விட்டார்.

இது பற்றி இவரிடம் நான் தெரிவித்தேன். அவரது தாத்தா இறந்து மூன்று நாள் கழித்து என்னை அழைத்து சென்றார். அதன் பின்னர், நண்பர்கள் சிலர் உதவியுடன் கோவிலில் வைத்து திருமணம் செய்தோம். இப்போது கடை வைத்து நன்றாக தான் என்னை பார்த்து கொள்கிறார்” என்றார்.

காரைக்குடியில் அமராவதி புதூர் என்னும் பகுதியில் வாடகைக்கு வீடு எடுத்து வீரபத்திரமணி மற்றும் சுமதி ஆகியோர் தங்கி வருவதாக தகவல்கள் தெரிவிக்கின்றது.

மொபைல் சர்வீஸ் கடை ஒன்றை வீரபத்திரமணி நடத்தி வரும் நிலையில், அவரது நிலையை கருத்தில் கொண்டு மூன்று சக்கர வண்டி ஒன்றையும் தவணை முறையில் ஒருவர் வாங்கி கொடுத்துள்ளார்.

இதனிடையே, அந்த நபரும் இறந்து போக தவணை பணத்தையும் கட்ட தொடங்கி உள்ளார் வீரபத்திரமணி. 3 ஆண்டுகளாக எந்தவித நிதியுதவியும் இல்லாமல் மனைவியை பார்த்து வரும் வீரபத்திரமணி, அரசு உதவி கிடைத்தால் ராணி மாதிரி இருக்கும் எனது மனைவியை மகாராணி மாதிரி பார்த்துக் கொள்வேன் என்றும் தெரிவித்துள்ளார்.

சத்தீஸ்கரில்..

சத்தீஸ்கர் மாநிலத்தில் ராய்ப்பூருக்கு வடகிழக்கே 350 கிமீ தொலைவில் அமைந்துள்ளது ஜாஷ்பூர் மலைவாழ் பகுதி.இங்கு பழங்குடியின மக்கள் தான் அதிக அளவி வாழ்ந்து வருகின்றனர்.

இப்பகுதியில் பாம்புகளின் நடமாட்டம் மிகமிக அதிகம். இப்பகுதிக்கு நாகலோகம் என்ற பெயருமுண்டு. இந்த மாவட்டத்தில் பாம்பு கடித்தால் ஒன்றும் ஆகாது என்ற நம்பிக்கையும் இந்த மக்களிடையே அதிகம்.

சத்தீஸ்கரில் காணப்படும் 80 சதவீத பாம்பு இனங்கள் ஜாஷ்பூரில் தான் வசிக்கின்றன. ஜாஷ்பூரில் அதிகமாக காணப்படும் 26 வகையான பாம்புகளில் 6 இனங்கள் மட்டுமே மிகுந்த விஷம் கொண்டவை.

மீதமுள்ள 20 இனங்கள் விஷமற்றவை. ஜாஷ்பூரில் மட்டும் கடந்த 3 ஆண்டுகளில் 35 பேர் பாம்பு கடித்து உயிரிழந்துள்ளனர். 2017ல் 16 பேரும், 2018ல் 6 பேரும், 2019ல் 12 பேரும் பாம்புக்கடியால் உயிரிழந்துள்ளனர்.

சமீபத்தில் ஜாஷ்பூர் மாவட்டம் பந்தர்பாத் கிராமத்தில் தீபக் என்ற 12 வயது சிறுவன் வீட்டின் பின்புறத்தில் விளையாடிக் கொண்டிருந்தான். அப்போது நாகப்பாம்பு ஒன்று சிறுவனை கடித்தது. உடனே அந்த சிறுவன் தன்னை கடித்த அந்த நாகப்பாம்பை வளைத்துப் பிடித்து தனது கையில் சுற்றிக் கொண்டு அந்த பாம்பை கடித்துள்ளான்.

அந்த நாகப்பாம்பு துடிதுடித்து உயிரிழந்து விட்டது. அதே நேரத்தில் அந்த சிறுவனுக்கு பாம்பு கடித்து எதுவும் ஆகவில்லை என்பதே ஆச்சர்யம். அந்த சிறுவனை அருகில் உள்ள ஆரம்ப சுகாதார நிலையத்திற்கு அழைத்துச் சென்று பரிசோதித்த போது பாம்பை சிறுவன் கடித்தான் என்பதை கேட்ட மருத்துவர்கள் பெரும் அதிர்ச்சி அடைந்தனர்.

உடனடியாக சிறுவனுக்கு பாம்பு விஷம் முறிவு ஊசி செலுத்தப்பட்டு சிகிச்சை அளித்தனர். பின்னர் ஒரு நாள் முழுவதும் கண்காணிப்பில் வைக்கப்பட்டான். அவன் உடல் ஆரோக்கியமாக இயங்குவதை உறுதி செய்த பிறகு அவனை வீட்டுக்கு அனுப்பி வைத்தனர்.

இது குறித்து அந்த சிறுவன் கூறுகையில், “பாம்பு என் கையை கடித்தது. நான் மிகுந்த வலி வேதனையில் இருந்தேன். இதனால் என்னை கடித்த அந்த பாம்பை வளைத்துப் பிடித்து கையில் சுற்றிக்கொண்டு இரண்டு முறை கடித்தேன். எல்லாமே ஒரே நொடியில் நடந்து முடிந்து விட்டது, “எனக் கூறியுள்ளார்.

பாம்பு கடித்தபோது விஷம் சிறுவனின் உடலில் பரவததால் விரைவாக குணமடைந்தார், ஆனால் விஷம் இதுவரை வெளியேறவில்லை. இத்தகைய பாம்புக்கடிகள் வலிமிகுந்தவை என பாம்பு நிபுணர் கைசர் ஹுசைன் தெரிவித்துள்ளார்.

தூத்துக்குடியில்..

தூத்துக்குடி மாவட்டம் கோவில்பட்டி அடுத்துள்ள சால்நாயக்கன்பட்டி கிராமத்தில் வசித்து வருபவர் லட்சுமண பெருமாள். இவரது மகள் எபிலாதேவி. அதே ஊரில் வசித்து வருபவர் காளிமுத்து மகன் பாலமுருகன். இருவரும் கல்லூரி நாட்களிலிருந்தே காதலித்து வந்துள்ளனர்.

கல்லூரி படிக்கும் காலத்தில் இருந்தே இருவரும் காதலித்து வந்த நிலையில் 6 ஆண்டுகளாக காதல் தொடர்ந்துள்ளது. பலமுறை எபிலாதேவியை திருமணம் செய்து கொள்வதாக பாலமுருகன் உறுதியளித்ததாக எபிலாதேவி தரப்பில் கூறப்படுகிறது.

இந்நிலையில் பாலமுருகன் தற்பொழுது எபிலாதேவியை திருமணம் செய்ய மறுத்த பாலமுருகன் நவம்பர் 7ம் தேதி வேறொரு பெண்ணை திருமணம் செய்ய உள்ளதாக தெரிகிறது.

இதையடுத்து தன்னை 6 ஆண்டுகளாக காதலித்து விட்டு திருமணம் செய்யமால் நகை, பணத்திற்கு ஆசைப்பட்டு தற்போது வேறொரு பெண்ணை திருமணம் செய்ய இருப்பதாகவும், பாலமுருகனுடன் தன்னை சேர்த்து வைக்கும்படியும் எபிலாதேவி, கடம்பூர் அனைத்து மகளிர் காவல் நிலையத்தில் புகார் அளித்துள்ளார்.

பாலமுருகன் உறவினர் ஒருவர் காவல் துறையில் பணியாற்றுவதால் தன்னுடைய புகாருக்கு சரியான நடவடிக்கை எடுக்கவில்லை என்றும், தன்னுடைய காதலன் பாலமுருகனுடன் தன்னை சேர்த்து வைக்கக் கோரி எபிலாதேவி கயத்தார் தாலூகா அலுவலகம் முன்பு தர்ணா போராட்டத்தில் ஈடுபட்டார்.

இதைத் தொடர்ந்து போராட்டத்தில் ஈடுபட்டு வரும் எபிலாதேவியுடன் போலீசார் பேச்சு வார்த்தை நடத்தினர். இதையடுத்து எபிலாதேவி தனது கோரிக்கை சமூக பாதுகாப்பு திட்ட தாசில்தார் ஐயப்பனிடம் வழங்கினார்.

இதனால் அப்பகுதியில் சிறிது நேரம் பரபரப்பு ஏற்பட்டது. காதலித்தவரை மணக்க இளம்பெண் எடுத்த இந்த அதிரடி நடவடிக்கை அந்த பகுதி முழுவதும் பெரும் பேசுபொருளாக இருந்தது.

நாகையில்..

நாகை தெற்கு பால்பண்ணைச்சேரி சிவசக்திநகர் பகுதியைச் சேர்ந்தவர் மாதவன் இவரது மகள் ஸ்ரீநிதி இவர் நாகையில் உள்ள நடராஜன் தமயந்தி ஆங்கில தனியார் பள்ளியில் எட்டாம் வகுப்பு படித்து வந்துள்ளார்.

இந்த நிலையில் மாணவி கணித தேர்வில் குறைந்த மதிப்பெண் எடுத்துள்ளதாக தெரிகிறது. அதனால் நேற்று ஆசிரியர் பெற்றோரிடம் தேர்வு விடைத்தாளில் கையெழுத்து வாங்கி வரச் சொல்லி உள்ளார்.

மாணவி தேர்வுத் தாளில் மதிப்பெண்ணை திருத்தி கையெழுத்து வாங்கியதாக சொல்லப்படுகிறது. இந்த நிலையில் இன்று மாணவியின் தேர்வுத் தாளை வாங்கி பார்த்த ஆசிரியர் மதிப்பெண் திருத்திருப்பதை பார்த்து கண்டித்து மாணவியின் பெற்றோர்களுக்கு போன் செய்து சொல்லி உள்ளார்.

இதனால் பயந்து போன மாணவி பள்ளி முடிந்து வந்தவர் வீட்டின் அருகே உள்ள குளத்தின் அருகே ஸ்கூல் பேக்கை வைத்து விட்டு குளத்தில் குதித்து உள்ளார். தண்ணீரில் மூழ்கிய மாணவியை மீட்டு நாகை அரசு தலைமை மருத்துவமனைக்கு அனுப்பி வைத்தனர்.

அங்கு அவரை பரிசோதித்த மருத்துவர்கள் மாணவி ஏற்கனவே இறந்து விட்டதாக தெரிவித்தனர். இந்த சம்பவம் குறித்து நாகூர் போலீசார் வழக்கு பதிவு செய்து விசாரணை மேற்கொண்டு வருகின்றனர்.

தமிழகத்தில்..

தமிழகத்தில் சமீபகாலமாக பள்ளி, கல்லூரி மாணவிகளின் தற்கொலைகள் அதிகரித்து வருகின்றன. இதனை களையும் வகையில் பள்ளி, கல்லூரிகளில் மன அழுத்தத்தை போக்கும் வகையில் வகுப்புக்களை நடத்த தமிழக அரசு உத்தரவிட்டுள்ளது.

இருந்தபோதிலும் இதுபோன்ற சம்பவங்கள் தொடர்கதையாகி வருகின்றன. நாகப்பட்டினம் மாவட்டம், வேதாரண்யம் தாலுகா பெருமழை கிராமத்தில் வசித்து வருபவர் இளையராஜா. இவருடைய மகள் 18 வயது இந்துஜா.

இவர், வேதாரண்யம் அருகே கடிநெல்வயல் பகுதியில் உள்ள நவஜீவன் கமிட்டி நர்சிங் கல்லூரியில் முதலாம் ஆண்டு படித்து வருகிறார். இந்துஜா வீட்டின் ஏழ்மை காரணமாக பயிற்சி கல்லூரியில் உள்ள கன்னியாஸ்திரிகள் தங்கியுள்ள அறையில் தங்கி கல்லூரிக்கு சென்று வந்தார்.

இந்நிலையில் இந்துஜா நேற்று முன்தினம் பிற்பகல் உணவு அருந்திய பிறகு கழிவறைக்கு சென்றவர் நீண்ட நேரமாகியும் அவர் திரும்பி வரவில்லை. அவரை தேடியதில் இந்துஜா கழிவறையில் துப்பட்டாவில் தூக்குப்போட்டு பிணமாக தொங்கியதை கண்டு அதிர்ச்சி அடைந்தனர்.

உடனடியாக காவல்துறைக்கு தகவல் தெரிவிக்கப்பட்டது. காவல்துறையினர் இந்துஜா உடலை கைப்பற்றி பிரேத பரிசோதனைக்காக வேதாரண்யம் அரசு மருத்துவமனைக்கு அனுப்பி வைத்தனர். இச்சம்பவம் குறித்து வழக்கு பதிவு செய்யப்பட்டு தீவிர விசாரணை மேற்கொள்ளப்பட்டு வருகிறது.

அதில் மாணவி எழுதிய கடிதம் சிக்கியுள்ளது. அந்த கடிதத்தில் ‘அப்பா… நீங்கள் மதுகுடிக்க வேண்டாம். அம்மாவை அடிக்காதீர்கள். இந்தப் படிப்பும், தனிமையில் இருப்பதும் பிடிக்கவில்லை.

என்னென்னவோ செய்யவேண்டும் என நினைத்தேன். அதையெல்லாம் அண்ணன் செய்வான். என்னை மன்னித்து விடுங்கள்’ என உருக்கமான கடிதம் ஒன்றை தனது தந்தைக்கு எழுதியுள்ளார்.

இந்த நிலையில் மாணவியின் சாவில் சதேகம் இருப்பதாக பெற்றோர் மற்றும் உறவினர்கள் மருத்துவமனை முன்பு போராட்டத்தில் ஈடுபட்டனர். இதையடுத்து இரண்டு மருத்துவர்கள் மூலம் மாணவியின் உடல் பிரேத பரிசோதனை செய்யப்பட்டது.

அந்த பரிசோதனை வீடியோவில் பதிவு செய்யப்பட்ட பிறகு ணவியின் உடல் பெற்றோரிடம் ஒப்படைக்கப்பட்டது. கல்லூரிக்கு படிக்க சென்ற மாணவி கழிவறையில் தற்கொலை செய்து கொண்டது அப்பகுதியில் பெரும் சோகத்தையும், பரபரப்பையும் ஏற்படுத்தியுள்ளது.