கர்நாடகாவில்…

மனைவியிடம் அதிகளவில் பணம் கேட்டு வந்த கணவரிடம் இருந்து அவருக்கு விவாகரத்து வழங்கி கர்நாடக உயர்நீதிமன்றம் தீர்ப்பு வழங்கி உள்ளது. மனைவி என்பவர் பணம் கொடுக்கும் ஏடிஎம் அல்லது பணம் வழங்கும் பசு இல்லை என நீதிமன்றம் கருத்து தெரிவித்து உள்ளது.

கர்நாடகத்தை சேர்ந்தவர் 53 வயது ஆண். இவரது மனைவிக்கு 42 வயது ஆகிறது. இவர்கள் 2 பேரும் 1999ம் ஆண்டு திருமணம் செய்து கொண்டனர். இந்த தம்பதிக்கு 2001ல் பெண் குழந்தை பிறந்தது. இதற்கிடையே கணவருக்கு கடன் பிரச்சனை இருந்தது. இதனால் தம்பதி இடையே அடிக்கடி பிரச்சனை ஏற்பட்டு வந்தது.

மேலும் கணவரால் தான் வாங்கிய கடனை அடைக்க முடியவில்லை. இதனால் குடும்பத்தில் நிதி நிலைமை மோசமானது. இதையடுத்து அவரது மனைவி வேலைக்கு செல்ல திட்டமிட்டார். ஐக்கிய அரபு எமிரேட்ஸ் சென்ற மனைவி வங்கி ஒன்றில் பணிக்கு சேர்ந்து வேலை செய்து வந்தார். மேலும் தனது கணவரின் கடனையும் செலுத்தி வந்தார். அதோடு வருமானம் மூலம் தனது மற்றும் மகளின் எதிர்காலத்தை கொண்டு சொத்துக்கள் வாங்க துவங்கினார்.

சலூன் கடை வைத்து நஷ்டம் மேலும் தனது கணவர் கேட்ட கொண்டதன் அடிப்படையில் அவருக்கு ஐக்கிய அரபு எமிரேட்சில் சலூன் கடை வைத்து கொடுத்தார். இதனையும் அவரது கணவர் சரியாக நிர்வகிக்கவில்லை. இதனால் அவருக்கு மீண்டும் நஷ்டம் ஏற்பட்டது. மேலும் ஐக்கிய அரபு எமிரேட்சில் இருந்து இந்தியா திரும்ப விருப்பம் தெரிவித்து அவர் தாய்நாட்டுக்கு வந்தார்.

ஏடிஎம் கார்டு போல் மனைவி மேலும் மனைவியிடம் அவரது கணவர், குடும்பத்தினர் தொடர்ந்து பணம்கேட்டு வந்தனர். இதனால் அவர் மனம் உடைந்தார். மேலும் தன்னை கணவரின் குடும்பத்தினர் ஏடிஎம் கார்டு போன்று பணத்துக்காக மட்டுமே பயன்படுத்துவதை அவர் உணர்ந்தார். இதனால் கணவரிடம் இருந்து விவாகரத்து கோர விரும்பினார்.

விவாகரத்து கோரி வழக்கு இதையடுத்து அவர் விவாகரத்து கோரி குடும்ப நல நீதிமன்றத்தில் வழக்கு தொடர்ந்தார். அதில் தனது கணவருக்காக ரூ.60 லட்சம் செலவழித்ததாகவும், தொடர்ந்து தன்னிடம் பணம் கேட்பதால் மிகுந்த மனவேதனை அடைந்துள்ளதாக கூறி விவாகரத்து பெற விரும்புவதாக 2017ல் குடும்பநல நீதிமன்றத்தில் மனுத்தாக்கல் கேட்டார்.

இதனை விசாரித்த குடும்ப நல நீதிமன்றம் விவாகரத்துக்கான காரணத்தை ஏற்றுக்கொள்ளவில்லை. இதையடுத்து விவாகரத்து வழங்க மறுத்தது. விவாகரத்து வழங்கிய உயர்நீதிமன்றம் இதனை எதிர்த்து அவர் பெங்களூரில் உள்ள கர்நாடக உயர் நீதிமன்றத்தில் மேல்முறையீடு செய்தார். இந்த மனு நீதிபதி அலோக் ஆராதே மற்றும் நீதிபதி ஜேஎம் காசி ஆகியோர் அடங்கிய அமர்வில் விசாரிக்கப்பட்டு வந்தது.

இந்நிலையில் இந்த அமர்வு குடும்ப நல நீதிமன்றத்தின் உத்தரவை ரத்து செய்து கணவரிடம் இருந்து மனுதாரரான மனைவிக்கு விவாகரத்து வழங்கி உத்தரவிட்டுள்ளது. உயர்நீதிமன்றம் கூறியது என்ன? மேலும் மனைவியின் கூற்றுப்படி அவரது கணவர் அவரை பணம் கொடுக்கும் பசுவாக பயன்படுத்தியதும், பணம் கேட்கும் மனப்பான்மையுடன் அவருடன் வாழ்க்கையை நடத்துகிறார் என்பது தெளிவாகிறது.

அதோடு மனைவியடன் பிற உணர்ச்சிப்பூர்வமான உறவை கணவரும், அவரது கணவரும் கொண்டிருக்கவில்லை என்பதை நீதிமன்றத்தால் புரிந்து கொள்ள முடுகிறது. மனைவி என்பவர் பணம் வழங்கும் ஏடிஎம்மோ அல்லது பணம் வழங்கும் பசுவோ கிடையாது. இதுபோன்ற காரணங்கள் மனைவிக்கு மன வேதனையை அளிக்க போதுமான காரணமாகும். இதனால் இந்திய விவாகரத்து சட்டம் 1869ன் அடிப்படையில் பிரிவு 10(எக்ஸ்) கீழ் விவாகரத்து வழங்கப்படுகிறது என உயர்நீதிமன்றம் கூறி உத்தரவு பிறப்பித்தது.

You My Like This Video

கேரளாவில்..

கேரளாவில் ஆலப்புழாவில் ஓடும் அரசு பேருந்து மக்கள் மத்தியில் மிக பிரபலமாக உள்ளது. இதற்கு காரணம் அந்த பேருந்தின் ஓட்டுனர், நடத்துனராக ஒரு தம்பதி பணியாற்றுவது தான்.

கிரி கோபிநாத் மற்றும் தாரா ஆகிய இருவரும் தான் ஓட்டுனர், நடத்துனராக பணியாற்றுகின்றனர். இந்த பேருந்தில், பயணிகள் பாதுகாப்பிற்காக 6 சி.சி.டி.வி. கேமிராக்கள், அவசரகால சுவிட்சுகள், இனிமையான பயணத்திற்கு பாடல்களை கேட்கும் வசதி, குழந்தைகளை கவர பொம்மைகள் மற்றும் உள் அலங்காரம் ஆகியவை கொண்டுள்ளன.

பயணிகள் சென்று சேரும் இடம் பற்றிய விவரம் அறிவிக்கும் எல்.இ.டி. போர்டு வசதியும் பேருந்தில் உள்ளது. பேருந்து அழகாக தோற்றமளிக்க, இந்த தம்பதி தங்களது சொந்த நிதியையே செலவிட்டு உள்ளனர். இவர்களுக்கு ரசிக பெருமக்களும் உள்ளனர்.

இந்த பேருந்தில் வழக்கமாக பயணிப்பவர்கள் தங்களுக்குள் பல்வேறு வாட்ஸ்அப் குழுக்களையும் உருவாக்கி உள்ளனர். இதுபற்றி தாரா புன்னகையுடன் கூறும்போது, ஒவ்வொரு நாளும் நாங்கள் அதிகாலை 1.15 மணிக்கு எழுந்திருக்கிறோம்.

2 மணிக்கு பேருந்து டெப்போவுக்கு செல்வோம். அதன்பின்னர், பேருந்தில் கிரி தூய்மை பணியை மேற்கொள்வார். பின்பு எங்களுடைய பணி காலை 5.50 மணிக்கு தொடங்கும் என கூறுகிறார்.

இவர்களது கதை இதனுடன் நின்று விடவில்லை. கடந்த 2020ல் திருமணம் செய்து கொண்ட இவர்களது காதல் 20 ஆண்டுகள் பழமையானது. கிரிக்கு 26 வயது இருக்கும்போது, தாராவுக்கு வயது 24. இருவரும் சந்தித்த பின்னர் காதல் வயப்பட்டு உள்ளனர்.

ஆனால் இவர்கள் காதலுக்கு இரு வீட்டாரும் சம்மதிக்கவில்லை. இதையடுத்து இருவரும் நீண்ட பொறுமை காத்து வந்து பின்னர் மணந்து கொண்டனர். தம்பதியின் காதல் கதை மற்றும் பேருந்து தொடர்பான வீடியோ இணையத்தில் வைரலாகியுள்ளது.

ராணிப்பேட்டையில்..

ராணிப்பேட்டையில் மனைவி மீது ஏற்பட்ட சந்தேகத்தினால் அவரை கணவரே கொலை செய்த சம்பவம் அந்தப் பகுதி மக்களை அதிர்ச்சியடைய வைத்திருக்கிறது. இதனையடுத்து, காவல்துறை அதிகாரிகள் அவரை கைது செய்து விசாரணை நடத்தி வருகின்றனர்.

ராணிப்பேட்டை மாவட்டம் நவல்பூர் தியாகி மாணிக்கம் தெருவில் வசிபவர் சுலைமான். 40 வயதான இவர் தனியார் கேஸ் ஏஜென்சி ஒன்றில் பணிபுரிந்து வருகிறார். இவருக்கு 17 ஆண்டுகளுக்கு முன்னர் திருமணம் நடைபெற்றிருக்கிறது. இந்த தம்பதிக்கு இரண்டு மகன்கள் இருக்கிறார்கள். இந்நிலையில், சுலைமான் தனது மனைவி மீது சந்தேகம் கொண்டு அவ்வப்போது தகராறில் ஈடுபட்டு வந்ததாக தெரிகிறது.

இந்நிலையில் சில தினங்களுக்கு முன்னர் வேலை முடித்து வீடு திரும்பிய சுலைமான், தனது மனைவியுடன் சந்தேகத்தின் பேரில் வாக்குவாதத்தில் ஈடுபட்டதாக தெரிகிறது. கொஞ்ச நேரத்தில் வாக்குவாதம் எல்லை மீறியிருக்கிறது. இதனிடையே கோபமடைந்த சுலைமான் தனது மனைவியை தாக்கியதாக சொல்லப்படுகிறது.

இதனால் வீட்டுக்கு உள்ளேயே மயங்கி விழுந்த சுலைமானின் மனைவி அங்கேயே பரிதாபமாக உயிரிழந்திருக்கிறார். மனைவி மரணமடைந்ததை அறிந்து அதிர்ச்சியடைந்த சுலைமான், அங்கு இருந்தால் காவல்துறை அதிகாரிகளிடம் சிக்கிக்கொள்வோம் என அஞ்சி, அங்கிருந்து தப்பிச் செல்ல முடிவெடுத்திருக்கிறார்.

இதனிடையே, இது குறித்து ராணிப்பேட்டை காவல்துறையினருக்கு தகவல் கொடுக்கப்பட்டிருக்கிறது. உடனே சம்பவ இடத்திற்கு விரைந்து வந்த காவல்துறையினர், சுலைமானை மடக்கி பிடித்தனர். அவரை கைது செய்ததுடன், உயிரிழந்த அவரது மனைவியின் உடலை கைப்பற்றி பிரேதப் பரிசோதனைக்காக வேலூர் அடுக்கம்பாறை அரசு மருத்துவமனைக்கு அனுப்பி வைத்தனர்.

இந்நிலையில், தனது மனைவியை கொலை செய்த குற்றத்துக்காக கைது செய்யப்பட்ட சுலைமானிடம் காவல்துறையினர் தீவிர விசாரணையில் ஈடுபட்டு வருகின்றனர். ராணிப்பேட்டையில் திருமணமாகி 17 ஆண்டுகள் கழித்து, மனைவியின் மீது ஏற்பட்ட சந்தேகத்தால் அவரை கணவரே கொலை செய்த சம்பவம் அந்தப் பகுதி மக்களை அதிர்ச்சியில் ஆழத்தியுள்ளது.

தமிழ்நாட்டில்..

தமிழ்நாட்டில் மிகவும் பிரபலமான சுற்றுலா தளங்களில் ஒன்றாக ஊட்டி விளங்கி வருகிறது. தமிழகம் மட்டுமில்லாமல், மற்ற மாநிலங்களில் இருந்தும் பலரும் இங்கே வந்து சுற்றித் திரிந்து செல்கின்றனர்.

இந்நிலையில், ஆந்திர மாநிலத்தில் இருந்து உதகைக்கு வந்த இளம்பெண் ஒருவருக்கு நேர்ந்த சம்பவம், பலரையும் பீதி அடைய செய்துள்ளது. ஆந்திர மாநிலத்தில் இருந்து வினிதா சவுத்ரி என்ற பெண் ஐடி ஊழியர் ஒருவர், தன்னுடன் பணிபுரியும் ஊழியர்களுடன் ஊட்டிக்கு சுற்றுலா வந்துள்ளார்.

தொடர்ந்து, ஊட்டியில் உள்ள சுற்றுலா தளங்களை சுற்றிப் பார்த்து விட்டு, அவர்கள் அனைவரும் கல்லட்டி மலைப் பகுதியில் தனியாக அமைந்துள்ள ரிசார்ட் ஒன்றிலும் தங்கி இருந்ததாக கூறப்படுகிறது. இதனைத் தொடர்ந்து, அவர்கள் ரிசார்ட் அருகே அமைந்துள்ள ஆற்றின் கரையோரம், மாலை நேரத்தில் நின்று கொண்டு அவர்கள் அனைவரும் செல்ஃபி புகைப்படம் எடுத்துக் கொண்டிருந்ததாகவும் கூறப்படுகிறது.

அந்த சமயத்தில் திடீரென வினிதா நிலைத் தடுமாறி கீழே விழ, வேகமாக வந்த காட்டாற்று வெள்ளம், அவரை இழுத்துச் சென்றுள்ளதாகவும் தகவல்கள் தெரிவிக்கின்றது. இந்த சம்பவம் அங்கிருந்தவர்களை அதிர்ந்து போக செய்யவே, உடனடியாக மீட்புப் படையினர் அவர்களை மீட்கும் பணியில் ஈடுபட்டனர்.

இதில், வினிதாவுடன் வேறு சிலரும் சிக்கிக் கொள்ள அவர்கள் அனைவரும் மீட்கப்பட்டதாக தகவல் தெரிவிக்கும் நிலையில், இரவு வரை வினிதாவை மீட்புக் குழு மற்றும் அதிகாரிகள் தேடி வந்தனர். ஆனால், இரவு நேரம் ஆகியும் கிடைக்காததால், மீண்டும் அதிகாலை ஐந்து மணியில் இருந்து வினிதாவை தேடும் பணியை மீண்டும் தொடங்கி உள்ளனர். அப்போது ஒரு மரத்தில், கடினமான சூழலில் சிக்கியிருந்த வினிதாவின் உடலை மீட்புக் குழு மிகவும் பத்திரமாக மீட்டது.

மேற்கொண்டதில்,வினிதா உள்ளிட்ட அனைவரும் தங்கி இருந்த ரிசார்ட், அனுமதி இன்றி செயல்பட்டு வந்ததும்.தெரிந்துள்ளது. மேலும், இதுபற்றி விசாரித்து உடனடியாக அந்த ரிசார்ட்டிற்கு அதிகாரிகள் சீல் வைத்ததாகவும் தகவல்கள் தெரிவிக்கின்றது. சுற்றுலாவுக்கு வருபவர்கள் இது போன்ற ஆபத்தான இடங்களை தேர்ந்தெடுக்க வேண்டாம் என்றும், இனிவரும் காலங்களில் செல்ஃபி மோகத்தினால், இது போன்ற ஆபத்துகள் நேரக்கூடாது என்றும் அதிகாரிகள் அறிவுறுத்தி உள்ளனர்.

ஊட்டியைச் சுற்றி பார்க்க வந்த ஐடி ஊழியருக்கு நேர்ந்த சம்பவம், பலரையும் அதிர்ச்சி அடையச் செய்துள்ளது. அதே வேளையில் அடர்ந்த காட்டுப் பகுதியில் அனுமதி இன்றி செயல்பட்டு வந்த ரிசார்ட் தொடர்பான தகவலும் பல கேள்விகளையும் எழுப்பி உள்ளது குறிப்பிடத்தக்கது.

சென்னையில்..

மது போதையில் இருந்த கணவணை பனியன் துணியால் கழுத்தை இறுக்கி மனைவி கொலை செய்த சம்பவம் அதிர்ச்சியை ஏற்படுத்தி உள்ளது. சென்னையில் வசித்து வருகின்றனர் சரவணன் – முத்துலட்சுமி தம்பதியினர். இந்த தம்பதிக்கு திவ்வியபாரதி, தனலட்சுமி, சூர்யா என 3 பிள்ளைகள் உள்ளனர்.

ராயபுரத்தில் உள்ள எம்.சி ரோட்டில் சாலையோரம் துணி வியாபாரம் செய்துவரும் சரவணன் தினமும் குடித்துவிட்டு வந்து மனைவியை அடிப்பது வழக்கம் என்று கூறப்படுகிறது.

இந்நிலையில் நேற்று காலை குடிபோதையில் இருந்த சரவணன் மனைவி முத்துலட்சுமியிடம் தஞ்சாவூரில் உள்ள உனது சொத்தை பிரித்து பணத்தை பெற்றுக்கொண்டு வா என்று கூறி மனைவியை அடித்து துன்புறுத்தி ஆடைகளை கழற்றி அடித்து, வீட்டை விட்டு வெளியே போய் விடு என்று கூறியுள்ளார்.

இதனால் ஆத்திரமடைந்த முத்துலட்சுமி போதையில் இருந்த கணவன் சரவணனை பனியன் துணியால் கழுத்தை இறுக்கி கொலை செய்துள்ளார். பிறகு என்ன செய்வதென்று தெரியாத முத்துலட்சுமி சரவணன் தம்பி சாமிக்கு தொலைபேசியில் தொடர்பு கொண்டு கணவர் மாரடைப்பால் இறந்துவிட்டதாக கூறியுள்ளார்.

இதனால் சந்தேகம் அடைந்த சாமி காவல் கட்டுப்பாட்டு அறைக்கு தகவல் தெரிவித்தார். இதனையடுத்து போலீசார் சரவணன் உடலை கைப்பற்றி பிரேத பரிசோதனைக்கு அனுப்பி வைத்தனர். முத்துலட்சுமியிடம் போலீசார் விசாரித்தபோது என் கணவர் தஞ்சாவூரில் உள்ள என் சொத்தை விற்று பணத்தை கொண்டு வா என்று கூறினார்.

இதனால் தினமும் குடித்துவிட்டு வந்து தன்னை கொடுமைப்படுத்தி வந்தார். நேற்று அத்துமீறி எனது ஆடைகளை கழட்டி நிர்வாணமாக்கி வீட்டை விட்டு வெளியே போ என்று கூறியதால் ஆத்திரமடைந்த நான் பனியனால் அவர் கழுத்தை நெரித்து கொன்றுவிட்டேன் என தெரிவித்துள்ளார். இதனையடுத்து முத்துலட்சுமியை போலீசார் கைது செய்தனர்.இந்த சம்பவம் அப்பகுதியில் பரபரப்பை ஏற்படுத்தி உள்ளது.