தென்காசியில்..

தென்காசி அருகே காதலிப்பதாக இளைஞரிடம் பழகி திருமணம் செய்து கொண்டதோடு திருமணமான அடுத்த நாளே சுமார் 15 லட்சம் ரூபாய் பணம் மற்றும் நகைகளோடு மாயமான இளம்பெண் குறித்து காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர்.

திருமணமாகி விவாகரத்து பெற்று மறுமணத்திற்கு காத்திருக்கும் ஆண்களையும், வயதாகியும் திருமணமாகாத இளைஞர்களை குறி வைத்து பணம், நகைகள் மற்றும் சொத்துக்களை அபகரிக்கும் இளம்பெண்கள் ஈடுபடும் சம்பவம் அதிகரித்து வருகிறது.

அதிர்ச்சிக்கு மேல் அதிர்ச்சியாக கடந்த சில நாட்களுக்கு முன்னர் கூட நகை பணத்துக்காக விவாகரத்தான ஆண்களை கல்யாண புரோக்கர் மூலம் குறிவைத்து, மேக்கப் போட்டு ஏமாற்றிய 54 வயது ஆண்டியை காவல்துறையினர் கைது செய்தது பெரும் அதிர்வலைகளை ஏற்படுத்தியது.

இந்நிலையில் தென்காசி மாவட்டத்தில் கல்யாணமான அடுத்த நாளே 15 லட்சத்துடன் இளம்பெண் மாயமான சம்பவம் பெரும் அதிர்ச்சியை ஏற்படுத்தியுள்ளது.

தென்காசி மாவட்டம் வல்லம் பகுதியைச் சேர்ந்த முத்துச்சாமி மகன் முத்துக்குமார் என்பவர் தான் ஏமாற்றப்பட்டவர். கோட்டைப்பட்டியைச் சேர்ந்த இளம் பெண் பவித்ரா என்பவருக்கும் முத்துக்குமாருக்கும் கடந்த 2020 ஆம் ஆண்டு திருமண நிச்சயிக்கப்பட்டது.

இளம்பெண் பவித்ரா திருமணத்திற்கு நாட்கள் நெருங்க நெருங்க பவித்ராவின் குடும்பத்தினர் நெருக்கடி கொடுத்துள்ளனர் திருமண செலவுக்கு பணம் இல்லை என்றும் திருமணம் செய்ய வேண்டுமானால் 15 லட்சம் ரூபாய் வரை தங்களுக்கு தர வேண்டும் என அவர்கள் கூறியுள்ளனர்.

தற்போது 15 லட்சம் ரூபாய் பணத்தை கொடுத்தால் திருமணம் முடிந்த 15 நாட்களில் திரும்ப தருவதாக கூறியுள்ளனர். 15 லட்சம் மோசடி பெண்ணும் அழகாக இருக்கிறார் என்பதால் மகனுக்கும் நீண்ட நாள் திருமணம் நடக்கவில்லை எனவே பணத்தை தற்போது கொடுத்து விடுவோம் என நினைத்து 15 லட்சம் ரூபாயை பவித்ராவின் குடும்பத்தினரிடம் முத்து குமாரின் குடும்பத்தினர்இரு தவணைகளாக கொடுத்துள்ளனர்.

இதையடுத்து பத்திரிக்கை அடித்து குடும்பத்தினர் அனைவருக்கும் கொடுத்த நிலையில் திருமணமும் முடிந்துள்ளது. அடுத்த நாளே ஓட்டம் இந்நிலையில் திருமணம் முடிந்த அடுத்த நாளே முத்துக்குமாருடன் வாழ முடியாது என பவித்ரா வீட்டை விட்டு வெளியேறியதாக கூறப்படுகிறது மேலும் திருமணத்திற்காக தான் கொண்டு வந்திருந்த பாத்திரங்கள் நகைகள் பணம் உள்ளிட்டவற்றையும் பவித்ரா எடுத்துச் சென்றுள்ளார். இதனால் அதிர்ச்சி அடைந்த முத்துக்குமாரின் பெற்றோர் பவித்ராவை பலமுறை அழைத்தும் அவர் வீட்டுக்கு வரவில்லை எனக் கூறப்படுகிறது.

இந்நிலை தான் ஏமாற்றப்பட்டதை உணர்ந்த முத்துக்குமார் காவல் நிலையத்தில் மூன்று முறை புகார் அளித்துள்ளார். ஆனால் போலீசார் வழக்கு பதிவு செய்யாத நிலையில் நீதிமன்றத்தில் வழக்கு தொடர்ந்து உள்ளார். பின்னர் நடத்திய விசாரணையில் தான் பவித்ரா மது போதைக்கு அடிமையானவர் எனவும் இதே போல பல ஆண்களுடன் பழகி பணம் நகையை மோசடி செய்தவர் என்றும் தெரியவந்துள்ளது.

இந்நிலையில் நீதிமன்றத்தில் முத்துக்குமார் தாக்கல் செய்த ஆவணங்களை ஆராய்ந்து நீதிபதிகள் உடனடியாக நடவடிக்கை எடுக்க வேண்டும் என விக்கிரமசிங்கபுரம் போலீசாருக்கு உத்தரவிட்டு உள்ளனர் இதை எடுத்து வழக்கு பதிவு செய்துள்ள போலீசார் விசாரணை மேற்கொண்டு வருகின்றனர்.

இந்தியாவில்..

33 வயதில் 10 ஜெட் விமானங்களை சொந்தமாக்கி இளம் தொழிலதிபராக பெண் ஒருவர் உயர்ந்துள்ளார். பரம்பரை பணக்காரர்கள் மட்டுமே வியாபாரத்தில் உச்சம் தொடமுடியும் என்ற நிலை தற்போது இருந்தாலும் சிலர் தங்கள் திறமை மற்றும் விடாமுயற்சி காரணமாக சாமானியர் கூட உச்சம் தொட முடியும் என்பதை நிரூபித்து வருகிறார்கள். அவரிகளில் ஒருவர்தான் கனிகா தேக்ரிவால்.

பொருளாதாரத்தில் இளங்கலைப் பட்டப் படிப்பும், முதுகலை வணிக மேலாண்மை படிப்பையும் நிறைவு செய்த இவர், தனது 22 வயதில் ஏவியேஷன் துறையில் ஜெட் செட் கோ (Jet Set Go) என்ற பெயரில் ஸ்டார்ட் அப் நிறுவனம் ஒன்றைத் தொடங்கினார்.

அப்போது அவரிடமிருந்த கையிருப்பு வெறும், 5,600 ரூபாய்தான். பெட்டி கடை கூட வைக்கமுடியாத தொகையில்தான் அவர் சிக்கலான ஏவியேஷன் துறையில் கால் பதித்தார்.

இவரின் நிறுவனம் இந்தியாவிலுள்ள பல பிரைவேட் ஜெட்டுகள், சார்டர்ட் பிளேன்கள், ஹெலிகாப்டர்களைப் பயன்படுத்தி ஒரு விமான டாக்ஸி அக்ரிகேட்டார் போல செயப்பட்டது.

அதாவது சொந்த ஆட்டோ அல்லது கார் இல்லாமல் வாடகை கார்களை பயன்படுத்தி ஓலா, உபர் போன்ற நிறுவனங்கள் செயல்படுவதை போலத்தான் இவரது நிறுவனமும் செயல்படுகிறது.

இவர் இந்த தொழிலில் இறங்கியபோது இவர் சிந்தித்த அளவு யாரும் சிந்திக்கவில்லை. அதாவது மிகப் பெரிய பணக்காரர்கள் மட்டுமே பயன்படுத்தக் கூடியதாக இருந்த தொழிலை நடுத்தர மக்கள் பயன்படுத்தும் விதமாக மாற்றிக்காட்டினார்.

பிற நிறுவனங்கள் அதிக கமிஷன், நேரம் தவறல் போன்றவற்றில் மாட்டி திணறிக்கொண்டிருந்த நிலையில், முறையான கமிஷன், சரியான திட்டமிடல் போன்றவற்றால் வாடிக்கையாளர்களை ஈர்த்தார்.

இதனால் இவரது நிறுவனம் விரைவில் அனைவரிடமும் நல்ல வரவேற்பை பெற்றது. மிகப்பெரும் பணக்காரர்கள் முதல், நடுத்தர மக்கள் வரை இவரது நிறுவனத்தில் முன்பதிவு செய்து தனியார் விமான சேவையை பெறுகிறார்கள்.

இந்த நிறுவனம் தொடங்கி 10 ஆண்டுகள் ஆன நிலையில் கனிகா தேக்ரிவாலிடம் 10 ஜெட் விமானங்கள் சொந்தமாக இருக்கிறது. அந்த அளவு குறுகிய காலத்தில் தனது தொழிலில் உச்சம் தொட்டுள்ளார். இத்தனைக்கும் இவர் இந்த நிறுவனத்தை தொடங்கிய புதிதில், இவருக்கு புற்றுநோய் இருப்பது கண்டுபிடிக்கப்பட்டது.

சுமார் ஓராண்டுகள் புற்றுநோய்க்காக சிகிச்சை எடுத்துக்கொண்ட இவர், பின் அதிலிருந்து மீண்டு இந்த சரித்திர சாதனையை படைத்துள்ளார். தற்போது கூட இந்த துறையில் புதிய கருவிகளை அறிமுகப்படுத்தும் ஆராய்ச்சியில் இவரது நிறுவனம் இறங்கியுள்ளது. நாங்கள் விமான பயணத்தை ஜனநாயகப்படுத்த அனைத்து முயற்சிகளையும் எடுத்து வருகிறோம் என்று கூறியதில் இருந்தே இவரின் வெற்றி சரித்திரத்தை நாம் அறியலாம்

சென்னையில்..

திருமணமாகி 3 ஆண்டுகள் கடந்த நிலையில் பெண் தூக்கில் இறந்த சம்பவம் அதிர்ச்சியை ஏற்படுத்தி உள்ளது. சென்னை, அமைந்தகரை, பி.பி தோட்டம் பகுதியை சேர்ந்தவர் கலைவேந்தன் , சாப்ட்வேர் என்ஜினீயராக வேலை செய்து வருகிறார்.

இவருக்கு கடந்த 3 ஆண்டுகளுக்கு முன்பு அம்பத்தூர் பகுதியை சேர்ந்த பிரியதர்ஷினி என்ற பெண்ணுடன் திருமணம் நடந்தது. இவர்களுக்கு 2 வயதில் ஒரு குழந்தை உள்ளது. பிரியதர்ஷினி மதுரவாயலில் உள்ள தனியார் கல்லூரியில் வக்கீலுக்கு படித்து வந்தார்.

இந்நிலையில் நேற்று முன்தினம் இரவு பிரியதர்ஷினி வீட்டில் தூக்குப்போட்டு தற்கொலை செய்து கொண்டதாக அவரது கணவர் அமைந்தகரை போலீஸ் நிலையத்தில் தகவல் அளித்தார். அந்த தகவலின் பெயரில் போலீசார் இறந்து போன பிரியதர்ஷினியின் உடலை கைப்பற்றி பிரேத பரிசோதனைக்கு அனுப்பி வைத்து விசாரணை மேற்கொண்டனர்.

திருமணமான சில மாதங்களில் இருந்தே கணவன் – மனைவிக்கு இடையே பிரச்சினை இருந்து வந்ததாக தெரிகிறது. நேற்று முன்தினம் ஏற்பட்ட தகராறில் பிரியதர்ஷினி தற்கொலை செய்து கொண்டதாக அவரது கணவர் போலீசாரிடம் தெரிவித்துள்ளார்.

இந்நிலையில் தனது மகள் சாவில் சந்தேகம் இருப்பதாக பிரியதர்ஷியின் பெற்றோர், மாதர் சங்கத்தினருடன் இணைந்து அமைந்தகரை போலீஸ் நிலையத்தில் புகார் அளித்தனர்.

இந்த புகாரின் பேரில் அமைந்தகரை போலீசார் பல்வேறு கோணத்தில் விசாரித்து வருகின்றனர். மேலும் திருமணமாகி 3 ஆண்டுகளே ஆவதால் ஆர். டி. ஓ விசாரணைக்கும் பரிந்துரைக்கப்பட்டு உள்ளது. இந்த சம்பவம் அப்பகுதியில் பரபரப்பை ஏற்படுத்தி உள்ளது.

முகநூலில்..

முகநூலில் பழக்கமான காதலியை பார்க்க நேரில் சென்ற காதலன் காணாமல் போன சம்பவம் அதிர்ச்சியை ஏற்படுத்தி உள்ளது. கேரளா மாநிலம் திருவனந்தபுரத்தை சேர்ந்தவர் கிரண்.

இவருக்கும் ஆழிமலை பகுதியை சேர்ந்த பெண் ஒருவருக்கும் முகநூல் வழியாக பழக்கம் ஏற்பட்டு இருக்கிறது. இது நாளடைவில் காதலாக மாறியுள்ளது. பிறகு அவ்வப்போது பிரச்சனைகள் ஏற்பட்டுள்ளதாக தெரிகிறது.

முகநூல் வழியாக பழக்கம் ஏற்பட்ட பெண்ணை சந்திக்க சென்றுள்ளார் கிரண். அந்த பெண்ணின் வீடு அருகே சென்றதாக கூறப்படுகிறது. பெண்னின் சகோதரர் மற்றும் பலர் சேர்ந்து அவரை அடித்து இழுத்து சென்றதாக கூறப்படுகிறது.

இந்நிலையில் கன்னியாகுமரி மாவட்டம் இரையுமன்துறை கடற்கரை பகுதியில் சுமார் 30 வயது மதிக்கத்தக்க ஆண் பிணம் ஒன்று உடல் முழுவதும் சிதைந்த நிலையில் கரை ஒதுங்கி உள்ளது.

இதனை அந்த பகுதியில் உள்ள மீனவர்கள் பார்த்து நித்திரவிளை போலீசாருக்கு தகவல் தெரிவித்து உள்ளனர் தகவல் அறிந்து சம்பவ இடத்திற்கு வந்த நித்திரவிளை போலீசார் உடலில் முகம் முழுவதும் சிதைந்து இருந்ததால் இறந்தவர் யார் என்று அடையாளம் காண்பதில் சிரமம் அடைந்தனர்.

மேலும் கடலோர காவல்படை படையினருக்கு தகவல் தெரிவித்தனர். சம்பவ இடம் வந்த கடலோர காவல்படையினர் கரை ஒதுங்கிய ஆண் பிணத்தை கைப்பற்றி பிரேத பரிசோதனைக்காக குழித்துறை அரசு மருத்துவமனைக்கு அனுப்பி வைத்தனர்.

மேலும் இறந்த நபர் யார் என்ற கோணத்தில் விசாரணை நடத்தி வருகின்றனர். ஒருவேளை அந்த உடல் கிரணுடையதாக இருக்குமோ ? என்ற கோணத்திலும் போலீசார் விசாரணை மேற்கொண்டு வருகின்றனர்.

திருமணத்தில்..

திருமணத்தில் நபர் ஒருவர் தனது வருங்கால மனைவிக்கு சில கண்டிஷனுடன் ஒப்பந்தம் போட்டு திருமணம் செய்துள்ளது பரபரப்பை ஏற்படுத்தியுள்ளது.

திருமணம் மறக்க முடியாத நிகழ்வு

திருமணம் என்பது நம் அனைவரின் வாழ்விலும் மறக்க முடியாத நிகழ்வுகளுள் ஒன்று என்றே சொல்லலாம். அதை நியாபகப்படுத்தும் வகையில் நாம் நிறைய புகைப்படங்கள் எடுப்பது வழக்கம்.

திருமணத்திற்கு ஜாதகம், பொருத்தம் என பார்த்து பல சடங்குகளை செய்வதையும் நாம் அவதானித்திருப்போம். ஆனால் இங்கு மாப்பிள்ளை மணப்பெண்ணிற்கு சில கண்டிஷனை போட்டு திருமணம் செய்துள்ளார்.

கண்டிஷன் என்னென்ன?

குறித்த ஒப்பந்தத்தில் மனைவி தினமும் சேலை மட்டுமே கட்ட வேண்டும், கணவர் இல்லாமல் இரவு நேரங்களில் பார்ட்டிக்கு செல்ல கூடாது. ஞாயிறு அன்று காலை உணவுகளை கணவர் மட்டுமே சமைக்க வேண்டும், வீட்டு உணவுகளுக்கு முக்கியத்துவம் அளிக்கும் வகையில் உணவகங்களில் உணவுகள் சாப்பிடுவதை தவிர்ப்பது, மாதத்திற்கு ஒரு நாள் மட்டும் பீட்சா போன்ற உணவுகளை சாப்பிடுவது.

15 நாட்களுக்கு ஒரு முறை மட்டுமே ஷாப்பிங் செல்வது, தினமும் காலையில் ஜிம் செல்வது மற்றும் பார்ட்டிகளுக்கு செல்லும்போது நிறைய புகைப்படங்கள் எடுப்பது போன்ற பல நிபந்தனைகள் இடம் பெற்றிருந்தது.

இந்த திருமண நிகழ்வின் முடிவில் மணமகன் மணப்பெண்ணின் பாதங்களைத் தொட்டு வணங்கியுள்ளாராம். மணப்பெண்ணுக்கு அன்றாட வாழ்வில் கடைபிடிக்க சிரமமான பல கட்டுப்பாடுகளை விதித்து விட்டு ஒரே ஒரு நாள் காலில் விழுந்து வணங்குவதால் எல்லாம் சரி என்று ஆகி விடுமா என பெண்ணியம் பேசும் சிலர் கொந்தளித்து வருகின்றனர்.

எரிச்சலடைந்த பார்வையாளர்கள்

இஸ்லாமியர் ஒருவர் தனது பதிவில், இது திருமணம் அல்ல, ஒப்பந்தம். இதற்கு அவர்கள் உடுத்தியுள்ள ஷெர்வானி அடையாளமாக உள்ளது என்று கூறியுள்ளார்.

மற்றொருவர் எழுதிய கமெண்டில், எல்லா நிபந்தனைகளும் சரி, ஆனால் தினசரி புடவை அணிவது என்பது கொஞ்சம் அதிகமாக உள்ளது, தற்போது சுடிதார், ஜீன்ஸ் என பெண்களின் ஆடைகள் பெருகி வரும் நிலையில் இப்படியான நிபந்தனை ஆணாதிக்கத்தை வெளிப்படுத்தும் ஒரு செயலாக அமையக்கூடும் என கூறியுள்ளார்.

வேறொருவர் கூறியுள்ள கருத்து என்னவென்றால், இந்தியாவில் அனைவரும் சமம் என்ற நிலை அழிந்து தற்போது சமத்துவமின்மை காணப்படுவதாகவும், இது தமக்கு மிகுந்த வருதத்தை அளிப்பதாகவும் கூறியுள்ளார்.

பீகாரில்..

இந்தியாவில் சிறுமி உயிரோடு தனது தாயாரால் புதைக்கப்பட்ட நிலையில் பின்னர் பத்திரமாக மீட்கப்பட்ட பரபரப்பு சம்பவம் நடந்துள்ளது. பீகார் தலைநகர் பாட்னாவில் உள்ள கிராமம் ஒன்றில் உள்ள மயானம் அருகே சில பெண்கள் விறகுகளை எடுத்து கொண்டிருந்தனர். அப்போது மயானத்தில் இருந்து பெண் அழும் குரல் கேட்டது.

இதையடுத்து பேய் தான் அழுகிறது என பயந்து பதறிய பெண்கள் அங்கிருந்து ஓடி சென்றனர். பின்னர் ஊர் மக்கள் பலர் சேர்ந்து சுடுகாட்டுக்குள் சத்தம் வந்த திசையை சென்று பார்த்துள்ளனர். அப்போது களிமண்ணில் இருந்து சத்தம் கேட்கவும், பதறி போய் தோண்டவும் ஆரம்பித்தனர்.

அங்கு சிறுமி உயிருடன் புதைக்கப்பட்டிருந்ததை கண்டு அதிர்ச்சியடைந்தனர். அந்த சிறுமியின் வாயில் களிமண்ணை அடைத்து வைத்திருந்ததும் தெரிந்தது. மீட்கப்பட்ட சிறுமி உடனடியாக மருத்துவமனைக்கு அழைத்து செல்லப்பட்ட நிலையில் சிகிச்சை தரப்பட்டது.

பின்னர் சிறுமி மருத்துவர்கள், பொலிசார் முன்னிலையில் பேசுகையில், என்னுடைய பெயர் லாலி. என் பெற்றோரின் பெயர் ராஜு சர்மா – ரேகா ஷர்மா. என் கிராமத்தின் பெயர் தெரியவில்லை.

என் அம்மாவும், பாட்டியும் என்னை கல்லறைக்கு அழைத்து வந்தனர். நான் அழுது கொண்டே இருந்தேன்.. அதனால், என் வாயில் களிமண்ணை திணித்தனர். பிறகு குழிதோண்டி என்னை புதைத்தனர் என்று கூறி அனைவரையும் அதிர வைத்தார். இதையடுத்து லாலியின் பெற்றோர் மற்றும் கிராமத்தை அடையாளம் காணும் முயற்சியில் பொலிசார் இறங்கியுள்ளனர்.