விழுப்புரத்தில்..

விழுப்புரம்: அன்னியூர் கிராமத்தைச் சேர்ந்தவர்கள் விஜயகுமார் பிரதிபா தம்பதி. இருவரும் கடந்த மாதம்தான் காதலித்து திருமணம் செய்து கொண்டனர். நேற்று மாலை இருவரும் தேசிய நெடுஞ்சாலையில் உள்ள உணவகம் ஒன்றில் ஒயிட் பாஸ்தா வாங்கி சாப்பிட்டுள்ளனர்.

இதையடுத்து வீட்டிற்குச் சென்ற சிறிது நேரத்திலேயே பிரதிபா வாந்தி எடுத்து மயங்கி விழுந்துள்ளார். இதனால் அதிர்ச்சியடைந்த அவரது கணவர் உடனே முண்டியம்பாக்கம் அரசு மருத்துவமனைக்கு சிகிச்சைக்காகக் கொண்டு வந்துள்ளார்.

அப்போது பிரதிபாவை பரிசோதித்த மருத்துவர்கள் அவர் ஏற்கனவே இறந்து விட்டதாகத் தெரிவித்துள்ளனர். இந்த சம்பவம் குறித்து போலிஸார் வழக்குப் பதிவு செய்து விசாரணை நடத்தி வருகின்றனர்.

மேலும் உடற்கூறு ஆய்விற்கு பிறகுதான் பாஸ்தா சாப்பிட்டதால் அந்த பெண் உயிரிழந்தாரா என்பது தெரியவரும் என போலிஸார் தெரிவித்துள்ளனர். பிரியாணி, ஷவர்மா, நூடுல்ஸ் சாப்பிட்டு உயிரிழந்தவர்களை அடுத்து தற்போது பாஸ்தா சாப்பிட்டு ஒருவர் உயிரிழந்துள்ளது உணவு பிரியர்கள் மத்தியில் அதிர்ச்சியை ஏற்படுத்தியுள்ளது.

தாம்பரத்தில்..

தாம்பரம் முடிச்சூர் பகுதியில் டாரஸ் லாரி மோதியதில், 11ம் வகுப்பு மாணவன் பலியான சம்பவம் உறவினர்கள் மத்தியில் மிகுந்த சோகத்தை ஏற்படுத்தியுள்ளது.
சென்னை, தாம்பரம், முடிச்சூர், விஷ்ணு நகர் பகுதியை சேர்ந்தவர் நாராயணன். இவரின் மனைவி பொன்னி. இவர்கள் கட்டிட வேலை செய்து வருகின்றனர்.

இந்த தம்பதிக்கு, கல்லூரி படிக்கும் கீர்த்தனா என்ற மகளும், 16 வயதில் மகனும் இருந்தார். மகன் தனியார் பள்ளியில், 11ம் வகுப்பு படித்து வந்தார். நேற்று காலை, வழக்கம் போல், சைக்கிளில் பள்ளிக்கு சென்றார்.

முடிச்சூர், மதுரவாயல் சாலையில் சென்று கொண்டிருந்தபோது அங்கு வந்த டாரஸ் லாரி, சைக்கிளில் மோதியதில், மாணவன் தூக்கி வீசப்பட்டு சம்பவ இடத்திலேயே பரிதாபமாக உயிரிழந்தார். சம்பவ இடத்துக்கு ஆம்புலன்ஸ் வரவழைக்கப்பட்டு மாணவின் சடலத்தை பிரேத பரிசோதனைக்காக அனுப்பி வைத்தனர். பின்னர், மாணவனின் உறவினர்கள் சாலை மறியலில் ஈடுபட்டனர்.

தகவல் கிடைத்து, சிட்லபாக்கம் போக்குவரத்து புலனாய்வு பிரிவு போலீசார் லாரி டிரைவரை கைது செய்து சிறையில் அடைத்தனர்.

செங்கல்பட்டடில்..

வேறெரு நபருடன் பழகியதால் கள்ளகாதலனால் சுத்தியால் தாக்கப்பட்ட பெண் மருத்துவமனையில் இன்று உயிரிழந்தார். செங்கல்பட்டு மாவட்டம் மறைமலைநகர் பாபா கோவில் தெருவில் ஜோதி என்கிற அஞ்சலை தனது 15 வயது மகன், 11 வயது மகளுடன் வசித்து வந்தார்.

அஞ்சலையின் கணவர் கடந்த 2019 ஆம் ஆண்டு வாகன விபத்தில் இறந்துவிட்ட நிலையில் பிள்ளைகளுடன் தனியாக வாழ்ந்து வந்தார். இந்த சூழலில் அஞ்சலைக்கு கொத்தனார் வேலை செய்து வந்த மேஸ்திரி முனுசாமியுடன் பழக்கம் ஏற்பட்டுள்ளது. நாளடைவில் கள்ளக்காதலாக மாறி முனுசாமி தனது மனைவி, பிள்ளைகளை விட்டுவிட்டு அஞ்சலையுடன் சேர்ந்து 3 ஆண்டுகளாக குடும்பம் நடத்தியுள்ளார்.

இந்த நிலையில் அஞ்சலைக்கு மணி என்பவருடன் பழக்கம் ஏற்பட்டுள்ளது. இதனால் முனுசாமிக்கும் ஜோதிக்கும் அடிக்கடி தகராறு இருந்து வந்த நிலையில் கடந்த 7ம் தேதி ஜோதிக்கும் முனுசாமிக்கும் ஏற்பட்ட தகராறில் முனுசாமி வீட்டில் இருந்த சுத்தியை எடுத்து ஜோதியின் தலையில் பலமாக அடித்து தாக்கியுள்ளார்.

இதனால் ஜோதிக்கு தலையில் பலத்த காயம் ஏற்பட்டு தலை மற்றும் காதின் வழியாக ரத்தம் வந்ததுள்ளது. இதனையடுத்து முனுசாமி மறைமலை நகர் காவல் நிலையத்திற்கு நேரடியாக சென்று ஜோதியை அடித்து விட்டதாக கூறி காவல் நிலையத்தில் சரணடைந்துள்ளார்.

அதனையடுத்து முனுசாமியை கைது செய்த போலீசார் அவர் மீது வழக்குப் பதிவு செய்து தீவிர விசாரணை மேற்கொண்டு வந்தனர். இந்நிலையில் செங்கல்பட்டு அரசு மருத்துவமனையில் சிகிச்சை பெற்று வந்த மேஸ்திரி முனுசாமியின் கள்ளக்காதலி ஜோதி என்கிற அஞ்சலை இன்று சிகிச்சை பலனின்றி பரிதாப உயிரிழந்துள்ளார். கொலை வழக்கை பதிவு செய்த போலீசார் முனுசாமி மீது நீதிமன்ற நடவடிக்கை எடுத்து வருகின்றனர்.

மானாமதுரை..

மானாமதுரை அருகே கள்ளக்காதல் விவகாரத்தில் கணவனுக்கு தீ வைத்த மனைவியின் செயல் அதிர்ச்சியை ஏற்படுத்தியுள்ளது.

சிவகங்கை மாவட்டம் மானாமதுரை ஜீவா நகரை சேர்ந்த தம்பதி லிங்கநாதன் (40) அங்கயற்கண்ணி (35). இவர்களுக்கு திருமணம் முடிந்து 13 வருடங்கள் ஆகும் நிலையில் ஏழு வயதில் மகள் உள்ளனர். சிறுமி அப்பகுதியில் உள்ள பள்ளியில் படித்து வருகிறார்.

இந்த நிலையில், கணவன் மனைவிக்குள் அடிக்கடி சண்டை ஏற்பட்டு வந்துள்ளது. இருவரும் ஒருவருக்கொருவர் முகம் கொடுத்து பேசிக்காமல் இருந்து வந்துள்ளனர். இந்த நிலையில், நேற்று முன்தினம் இரவு லிங்கனாதன் அயர்ந்து தூங்கிக்கொண்டிருந்தபோது உடலில் தீ பற்றி எரிவதை உணர்ந்து பதறி எழுந்துள்ளார்.

தீயை அணைத்துகொண்டே பக்கத்து வீட்டுக்கு சென்ற லிங்கநாதன், எனது மனைவி என்னை கொலை செய்ய உடலில் தீ வைத்துவிட்டாள் என்று கூறியுள்ளார். உடனே அவரை மீட்டவர்கள் சிவகங்கை அரசு மருத்துவமனை கொண்டு சென்றனர். பின்னர் மேல் சிகிச்சைக்காகக்கு மாற்றப்பட்டார்.

இதுகுறித்து வழக்கு பதிவு செய்துள்ள மானாமதுரை போலீசார் லிங்கநாதன் மனைவி அங்கயற்கண்ணியை விசாரித்தனர். இதில், லிங்கநாதனுக்கு வேறொரு பெண்ணுடன் தகாத உறவு வைத்து வந்ததால் கணவனை கொலை செய்ய உடலில் தீ வைத்தது தெரிய வந்தது. அங்கயற்கண்ணியை கைது செய்த போலீசார் நீதிமன்றத்தில் ஆஜர்படுத்தி சிறையில் அடைத்துள்ளனர். லிங்கநாதன் தொடர் சிகிச்சையில் உள்ளார்.

கர்நாடகாவில்..

மூன்றே நாளில் இவரிடம் பேசிய அந்த பெண் அம்பிகா தயானந்தை காதல் வலையில் விழவைத்துள்ளார். கர்நாடக மாநிலம், கலபுராகி எனும் இடத்தில் ஜூன் 24 ஆம் தேதி தயானந் எனும் இளைஞர் கொடூரமாக கொலை செய்யப்பட்ட சம்பவம் நடந்தது.

இது குறித்து காவல்துறையினர் விசாரணை நடத்தியத்தில் அதிர்ச்சிகர தகவல் வெளியாகியுள்ளது. துபாயில் பெயிண்டராக வேலை செய்த தயானந்தா(24) சில நாட்களுக்கு முன்பு இந்தியா வந்துள்ளார். இவருடைய தொலைபேசிக்கு ஒரு பெண்ணின் அழைப்பு தவறுதலாக வந்துள்ளது.

இருவரும் பேச ஆரம்பித்துள்ளனர். இதையடுத்து மூன்றே நாளில் இவரிடம் பேசிய அந்த பெண் அம்பிகா தயானந்தை காதல் வலையில் விழவைத்துள்ளார்.

பின்பு இவரை கொலை செய்யும் நோக்கில் திட்டமிட்டு குறிப்பிட்ட இடத்திற்கு நேரில் அழைத்துள்ளார். உடனே தயானந்தும் இவரை பார்க்க சென்றுள்ளார். அப்போது அம்பிகாவின் கும்பல் ஒன்று அந்த இடத்திற்கு வந்து தயானந்தை அம்பிகாவுடன் சேர்ந்து கொலை செய்துள்ளது.

அம்பிகா இதை வீடியோவாக பதிவு செய்து தன்னுடைய காதலன் அனில் என்பவருக்கும் அனுப்பியுள்ளார். இந்த வீடியோ சமூக வலைதளங்களில் வைரலானதைத் தொடர்ந்து காவல் துறை கொலையில் ஈடுபட்ட அம்பிகா மற்றும் அவருடைய கும்பல் ஆறு பேரையும் கைது செய்து தீவிர விசாரணை செய்துள்ளனர்.

அதில் ஏற்கனவே அம்பிகா திருமணமானவர் என்றும் அவருக்கு பெண் குழந்தை ஒன்று இருப்பதும் தெரியவந்துள்ளது. இருப்பினும் இவர் தயானந்தாவின் உறவினர் அனில் என்பவரை முகநூல் மூலம் காதலித்து வந்துள்ளார்.

இந்நிலையில் காதலன் அனிலின் மனைவியுடன் தயானந்த் தகாத உறவில் இருந்தது இவருக்கு தெரியவந்துள்ளது. இதையடுத்து அம்பிகா 3 லட்சம் ரூபாய் பணத்தை அனிலிடம் வாங்கிக் கொண்டு காதல் நாடகம் நடத்தி தயானந்தை கொன்று வீடியோ பதிவு செய்து காதலன் அனிலுக்கு அனுப்பியது தெரியவந்துள்ளது.இந்த சம்பவம் அப்பகுதியில் பரபரப்பை ஏற்படுத்தி உள்ளது.

தர்மபுரியில்..

தமிழக மாவட்டம் தர்மபுரியில் ரகசிய திருமணம் செய்துகொண்ட காதல் ஜோடி, விஷம் அருந்தி தற்கொலை செய்துகொண்ட சம்பவம் சோகத்தை ஏற்படுத்தியுள்ளது.

தர்மபுரி மாவட்டம் கொல்லப்பட்டியைச் சேர்ந்த கல்லூரி மாணவி சினேகா. இவரும் குளிக்காடு பகுதியைச் சேர்ந்த கல்லூரி மாணவர் தமிழரசும் காதலித்து வந்துள்ளனர். இந்த நிலையில் சினேகாவுக்கு கடந்த வாரம் வேறு இடத்தில் திருமணம் செய்ய முடிவானதால் காதல் ஜோடி அதிர்ச்சியடைந்தது.

அதன் பின்னர் இருவரும் வீட்டை விட்டு வெளியேறி திருமணம் செய்துகொள்ள முடிவு செய்துள்ளனர். அதன்படி கடந்த 7ஆம் திகதி கோவில் ஒன்றில் இருவரும் ரகசிய திருமணம் செய்துகொண்டுள்ளனர்.

அதனைத் தொடர்ந்து பெற்றோர் தங்களை ஏற்றுக்கொள்ள மாட்டார்கள் என்று நினைத்த தமிழரசு-சினேகா ஜோடி, தற்கொலை செய்துகொள்ள போகிறோம் என செல்போனில் குறுந்தகவலை பேசி அனுப்பியுள்ளனர்.

பின்னர் இருவரும் விஷம் அருந்தி தற்கொலைக்கு முயன்றுள்ளனர். இதற்கிடையில் குறுந்தகவலை பார்த்த இருவரின் உறவினர்களும், காதல் ஜோடியை மீட்டு மருத்துவமனையில் அனுமதித்தனர்.

அங்கு அவர்களுக்கு சிகிச்சை அளிக்கப்பட்ட நிலையில், சினேகா பரிதாபமாக உயிரிழந்தார். அவரைத் தொடர்ந்து மேல்சிகிச்சைக்காக தனியார் மருத்துவமனையில் அனுமதிக்கப்பட்ட தமிழரசும், சிகிச்சை பலனின்றி உயிரிழந்தார்.

இதுகுறித்து தகவல் அறிந்த பொலிசார் வழக்குப்பதிவு செய்து, இருவரது வீட்டாரிடமும் விசாரணை மேற்கொண்டு வருகின்றனர். திருமணம் செய்துகொண்ட காதலர்கள் தற்கொலை செய்து இறந்த சம்பவம் அப்பகுதியில் சோகத்தை ஏற்படுத்தியுள்ளது.