மூதாட்டி..

குப்பை அள்ளி அதன் மூலம் தனது வாழ்க்கையை நடத்தி வந்த 75 வயது மூதாட்டியின் வாழ்வை, ஒரே நாளில் தலைகீழாக மாற்றிய வாலிபரின் செயல் இணையவாசிகள் பலரின் கவனத்தை ஈர்த்துள்ளது.

சுமார் 75 வயதாகும் மூதாட்டி ஒருவர் குப்பை கிடங்குகளிலிருக்கும் துணி உள்ளிட்ட பொருட்களை எடுத்து அதனை விற்பனை செய்து தனது வாழ்க்கையை நடத்தி வருகிறார். இதனை பார்த்த சிலர் தள்ளாடும் வயதில் இருக்கும் மூதாட்டியின் நிலையைக் கண்டு சில உதவிகளை செய்து வருகிறார்கள்.

இந்நிலையில் தருண் மிஸ்ரா எனும் வாலிபர் மூதாட்டின் நிலையை பார்த்து, அவருக்கு தேவையான பொருட்கள், சேலைகள் வாங்கிக் கொடுத்ததோடு, தள்ளுவண்டியில் காய்கறி விற்பனை செய்வதற்கான ஏற்பாடுகளையும் செய்து கொடுத்திருக்கிறார். வாலிபரின் இந்த செயலுக்கு இணையத்தளத்தில் பாராட்டுக்கள் குவிந்து வருகின்றமை குறிப்பிடத்தக்கது.

Humanity.🙏🙏🙏 pic.twitter.com/NUZTGEB6Cp

— Awanish Sharan (@AwanishSharan) October 18, 2022

கேரளாவில்..

கேரள மாநிலம் திருவனந்தபுரம் மாவட்டத்தைச் சேர்ந்தவர் திலீப். இவர் ஆதிரா என்ற பெண்ணை காதலித்து திருமணம் செய்துள்ளார். இந்த தம்பதிக்கு இரண்டு குழந்தைகள் உள்ளன.

இந்நிலையில் குடிபோதைக்கு அடிமையான திலிப் வேலைக்கு எதுவும் செல்லாததால் குடும்பத்தைக் கவனிப்பதில் சிரமம் இருந்துள்ளது. இதனால் அவரது மனைவி ஆதிரா வேலைக்குச் செல்ல முடிவு செய்துள்ளார்.

பிறகு அருகே உள்ள சூப்பர் மார்க்கெட் ஒன்றுக்கு வேலைக்குச் சென்று வந்துள்ளார். இதனை அறிந்து கொண்ட கணவர் திலீப் வேலைக்குச் செல்ல வேண்டும் என கூறியுள்ளார். இருப்பினும் தன் குழந்தைகளுக்காக ஆதிரா வேலைக்குச் சென்று வந்துள்ளார்.

இந்நிலையில் கடந்த 17ம் தேதி குடித்துவிட்டு வீட்டிற்கு வந்த திலீப் மனைவியுடன் சண்டைபோட்டுள்ளார். மேலும் அவரை கொடூரமா முகத்தில் தாக்கியுள்ளார். இதில் அவரது முகத்தில் ரத்தக் காயங்கள் ஏற்பட்டுள்ளது. பின்னர் அந்த காயத்துடன் இருந்த மனைவியுடன் சேர்ந்து தீலிப் செல்போனில் செல்ஃபி எடுத்துள்ளார்.

மேலும் மனைவியை மோசமாக திலீப் தாக்கும் வீடியோ சமூகவலைதளங்களில் வைரலாகி அதிர்ச்சியை ஏற்படுத்தியுள்ளது. அந்த வீடியோவில், கடனை அடைக்க நான் வேலைக்குச் செல்ல வேண்டும்.

இல்லை என்றால் என் குழந்தைகள் பட்டினி கிடக்கும் என ரத்தம் வழியும் முகத்துடன் அவர் பேசும் காட்சி காண்போரை பதறவைத்துள்ளது. பின்னர் போலிஸார் வழக்குப் பதிவு செய்து தீலிபை கைது செய்து விசாரணை நடத்தி வருகின்றனர்.

ஆந்திராவில்..

வேறு சமூகத்தை சேர்ந்தவரை திருமணம் செய்துகொண்டதால் ஆத்திரப்பட்ட பெண்ணின் கிராமத்தினர், கர்ப்பிணி பெண்ணை நடுரோட்டில் வைத்து தாக்கியதில் பெண்ணின் கர்ப்பம் கலைந்துள்ளது ஆந்திராவில் அதிர்ச்சியை ஏற்படுத்தியுள்ளது.

ஆந்திர மாநிலம் திருப்பதி அடுத்துள்ள பழைய வீராபுரம் என்றார் கிராமத்தில் வசித்து வருபவர் ஸ்ரீ ஹரி. இவரும் வேறு பகுதியை சேர்ந்த லீலாவதி என்ற இளம்பெண்ணும் காதலித்து வந்துள்ளனர். வெவ்வேறு சமூகத்தை சேர்ந்தவர்கள் என்பதால் இவர்கள் காதல் விவகாரத்தை இரகசியாகவே வைத்திருந்தனர்.

ஆனால் ஒருநாள் இவர்களது காதல் விவகாரம், இவர்களது பெற்றோர்களுக்கு தெரியவந்தது. இருப்பினும் பிள்ளைகள் விருப்பத்தை நிறைவேற்றும் வகையில் இவர்களது காதல் திருமணத்திற்கு இரு வீட்டாரும் சம்மதம் தெரிவித்து திருமணம் செய்து வைத்தனர்.

இந்த நிலையில் திருமணம் முடிந்து தனது மாமியார் வீட்டில் கணவனுடன் மகிழ்ச்சியாக வாழ்ந்து வந்த நிலையில், லீலாவதிகர்ப்பமாக இருந்துள்ளார். இதனால் அவர்களது வீட்டில் லீலாவை கவனமாகவும், எச்சரிக்கையாகவும் பார்த்துக்கொண்டனர்.

சம்பவத்தன்று தனது பெற்றோர் வீட்டிற்கு செல்ல விரும்பிய லீலா, இது குறித்து கணவரிடம் கூறியுள்ளார். பின்னர், கணவரும், லீலாவும் சேர்ந்து லீலாவின் கிராமத்திற்கு சென்றுள்ளனர்.

அங்கே லீலா வந்ததை அறிந்த கிராமத்தினர், அவரது வீட்டை முற்றுகையிட்டனர். பின்னர் வேறு சமூகத்தை சேர்ந்தவரை திருமணம் செய்து கொண்ட லீலாவை கண்டித்தனர்.

அதோடு, மாற்று சமூகத்தை சேர்ந்த ஒருவரை லீலா திருமணம் செய்துகொண்டதால், தங்கள் சமூகத்தின் விதிகளை மீறியதாகவும், அதனால் லீலாவின் குடும்பம் கிராமத்திற்கு அபராதம் செலுத்தும்படியும் அந்த கிராமத்தினர் ரூ 50 ஆயிரம் அபராதம் விதித்தனர். மேலும் இதனை 2 நாட்களுக்குள் கட்ட வேண்டும் என்றும் உத்தரவிட்டனர்.

ஆனால் லீலாவின் குடும்பம் வறுமையானது என்பதால், அவர்களால் அந்த தொகையை செலுத்த முடியாது. எனவே, இது குறித்து கிராமத்தினரிடம் முறையிட்டனர்.

இருப்பினும் அவர்களது பேச்சை கேட்காத கிராமத்தினர், லீலாவின் குடும்பத்தினரை வசைப்பாடியுள்ளனர். இதனால் அங்கே தகராறு ஏற்பட்டுள்ளது. இந்த தகராறில், லீலா மற்றும் அவரது கணவரை அந்த ஊர் மக்கள் சரமாரியாக தாக்கியுள்ளனர்.

மேலும் கர்ப்பிணி என்றும் பாராமல் நடுத்தெருவில் இழுத்து வந்து லீலாவை கடுமையாக தாக்கியுள்ளனர். இதில் சம்பவ இடத்திலேயே லீலாவின் கர்ப்பம் கலைந்துள்ளது.

இதையடுத்து லீலாவை மீட்ட அவரது உறவினர்கள், அவரை உடனடியாக மருத்துவமனைக்கு கொண்டு சென்றனர். இதையடுத்து இது குறித்து காவல்துறையில் புகார் அளித்தனர்.

புகாரின் பேரில் வழக்குப்பதிவு செய்த அதிகாரிகள் கிராமத்தினரிடம் விசாரணை மேற்கொண்டு வருகின்றனர். வேறு சமூகத்தை சேர்ந்தவரை திருமணம் செய்துகொண்டதால் ஆத்திரப்பட்ட பெண்ணின் கிராமத்தினர், கர்ப்பிணி பெண்ணை நடுரோட்டில் வைத்து தாக்கியதில் பெண்ணின் கர்ப்பம் கலைந்துள்ளது அந்த பகுதியில் அதிர்ச்சியை ஏற்படுத்தியுள்ளது.

சென்னையில்..

தாம்பரம் அருகே திருமணம் செய்த சில மாதங்களில் கணவன் வீட்டில் இருந்த நகைகளை திருடிக்கொண்டு தப்பிய இளம்பெண்ணை போலீசார் தீவிரமாக தேடி வருகின்றனர்.

தாம்பரம் அருகே திருமணமான ஒரே மாதத்தில் நகை பணத்துடன் தப்பி ஓடிய புது மனப்பெண்ணை போலீசார் ஆதார் கார்டை கைப்பற்றி அதில் இருக்கும் முகவரிக்கு விரைந்துள்ளனர்.

சென்னை மேற்கு தாம்பரம் அடுத்த ரங்கனாதபுரத்தை சேர்ந்தவர் நடராஜன் (30). இவர் ஊரப்பாக்கத்தில் உள்ள தனியார் நிறுவனத்தில் வேலை பார்த்து வருகிறார். அப்போது அதே நிறுவனத்தில் வேலை பார்த்து வந்த அபிநயா (28) என்பவருடன் பழக்கம் ஏற்பட்டு இருவரும் காதலித்து வந்துள்ளனர்,

இதனை தொடர்ந்து இருவரும் திருமணம் செய்து கொள்ளலாம் என்றும் அபிநயா பெற்றோரை தனது வீட்டிற்கு அழைத்து வருமாறு நடராஜன் கூறியுள்ளார். ஆனால், தனக்கு யாரும் இல்லை என்று கூறியதால் கடந்த ஆகஸ்ட் மாதம் 29ம் தேதி ரங்கனாதபுரம் பெருமாள் கோவிலில் நடராஜன் பெற்றோர் மற்றும் உறவினர் முன்னிலையில் திருமணம் செய்துகொண்டு வாழ்ந்து வந்தனர்.

இதனையடுத்து நேற்று அருகில் தூங்கி கொண்டிருந்த அபிநயா திடிரென காணமல் போனதை கண்டு நடராஜன் அதிர்ச்சியடைந்தார். பின்பு அறையில் இருந்த பீரோ திறந்து இருந்ததால் அதை பார்த்த போது அதில் வைக்கபட்டிருந்த 17 சவரன் தங்க நகைகள் மற்றும் 20,000 ரொக்க பணத்துடன் அபிநயா மாயமானது தெரியவந்தது.

பின்னர் இது குறித்து தாம்பரம் காவல் நிலையத்தில் புகார் அளிக்கபட்டதை அடுத்து வழக்கு பதிவு செய்த போலீசார் அபிநயாவின் ஆதார் கார்டை கைபற்றி அதில் இருக்கும் விலாசத்திற்க்கு போலீசார் விரைந்துள்ளனர். விரைவில் அபிநயா கைது செய்யப்பட்டு நகைகள் பறிமுதல் செய்யப்படும் என்றும் போலீசார் தெரிவித்துள்ளனர்.

நாமக்கல்லில்..

நாமக்கல் அருகே கொக்குப்பாறை ஓடையில், டூ வீலரில் தாயுடன் சென்ற மாணவி வெள்ளத்தில் அடித்துச்செல்லப்பட்டார். பேரிடர் மீட்புப்படையினர் 13 மணி நேரம் போராடி, அவரை இறந்த நிலையில் சடலமாக மீட்டனர்.

நாமக்கல் மாவட்டத்தில் கடந்த 2 மாதகாலமாக தொடர் மழை பெய்து வருகிறது. இதனால் மாவட்டத்தில் உள்ள பெரும்பாலான ஏரிகள் அதன் முழு கொள்ளவை எட்டியுள்ள நிலையில், பல இடங்களில் ஓடைகளில் வெள்ளநீர் பெருக்கெடுத்து ஓடுகிறது. எருமப்பட்டி அருகே சிங்களகோம்பை பகுதியை சேர்ந்தவர் சுரேஷ், இவருடைய மனைவி கவிதா.

இவர்களுடைய இளைய மகள் ஜீவிதா (18), இவர் நாமக்கல்லில் உள்ள, தனியார் கல்லூரியில் முதலாம் ஆண்டு படித்து வந்தார். திங்கட்கிழமை மாலை கல்லூரி முடித்து விட்டு பஸ்சில் வந்த, ஜீவிதா, சிங்களங் கோம்பையில் இருந்து தாய் கவிதாவுடன் வீட்டிற்கு டூ வீலரில் சென்றார்.

அப்போது கொக்குப் பாறை ஓடையை கடந்து சென்ற போது, ஓடையில் திடீரென்று தண்ணீர் அதிகளவில் வந்தது. அதற்கு மேல், டூ வீலரில் செல்ல முடியாமல், அதை ஓரமாக நிறுத்திவிட்டு கீழே இறங்கி ஓடை வழியாக இருவரும் நடந்து சென்றுள்ளனர். அப்போது ஓடையில் வந்த வெள்ளம் இரண்டு பேரையும் இழுத்துச்சென்றது.

அவர்கள் இருவரும் வெள்ள நீரில் தத்தளித்தபோது கூச்சலிட்டனர். அதைக்கேட்டு அங்கு வந்தவர்கள் கவிதாவை மீட்டு ஓடையை விட்டு வெளியேற்றினார்கள். ஆழமான பகுதியில் தண்ணீரில் இழுத்துச்செல்லப்பட்ட மாணவி ஜீவிதாவை அவர்களால் மீட்க முடியவில்லை. இது குறித்து நாமக்கல் தீயணைப்பு நிலையத்திற்கும், எருமப்பட்டி போலீசாருக்கும் அவர்கள் தகவல் தெரிவித்தனர்.

அங்கு விரைந்து வந்த நாமக்கல் தீயணைப்பு படையினர், ஓடையில் இழுத்துச்செல்லப்பட ஜீவிதாவை தேடும் முயற்சியில் ஈடுபட்டனர். இரவு முழுவதும் தேடும் பணி தொடர்ந்து நடைபெற்றது. மாவட்ட போலீஸ் எஸ்.பி சாய்சரன்தேஜஸ்வி நேரில் வந்து மீட்புப்பணியை பார்வையிட்டார்.

இந்தநிலையில் சுமார் 12 மணி நேரம் தேடியும் கல்லூரி மாணவி கிடைக்கவில்லை. இதையொட்டி மாநில பேரிடர் மேலாண்மை குழுவினர் இன்று காலை கொக்கு பாறை ஓடை பகுதிக்கு வரவழைக்கப்பட்டனர்.

அவர்கள் ஓடைப்பகுதியில் தொடர்ந்து மாணவியை தேடும் பணியில் ஈடுபட்டனர். மேலும், 1 மணி நேரம் தேடலுக்குப் பிறகு கல்லூரி மாணவி ஜீவிதா ஓடை தண்ணீரில் இருந்து சடலமாக மீட்கப்பட்டார்.

ஜீவிதாவின் உடலைக்கைப்பற்றிய எருமப்பட்டி போலீசார், பிரேத பரிசோதனைக்காக, நாமக்கல் அரசு மருத்துவக்கல்லூரி மருத்துவமனைக்கு அனுப்பி வைத்தனர். இது குறித்து எருமப்பட்டி போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் எருமப்பட்டி பகுதியில் பெரும் சோகத்தை ஏற்படுத்தி உள்ளது.

நீட்டா அம்பானி..

முகேஷ் அம்பானியின் மனைவி நீட்டாவிடம் உள்ள அசாதாரணமான மற்றும் ஆச்சரியம் தரக்கூடிய பழக்கவழக்கங்கள் குறித்து தெரியவந்துள்ளது, சாதாரண குடும்பத்தை சேர்ந்த நீட்டா முகேஷ் அம்பானியை மணந்தவுடன் கோடீஸ்வர பெண்ணானார்.

குழந்தைகள் பெற்ற பிறகு நீட்டாவின் உடல் எடை அதிகரிக்க தொடங்கியது. இதன் பின்னர் டயட்டில் அவர் கவனம் செலுத்த தொடங்கினார். அதன்படி தனது நாளை உலர் பழங்களுடன் தொடங்குகிறார், பின்னர் காலை உணவாக முட்டை வெள்ளை ஆம்லெட்டை சாப்பிடுகிறார்.

மதிய உணவில் சூப்புடன் பச்சைக் காய்கறிகள் உள்ளன, இரவு உணவிற்கு முளைகள் மற்றும் சூப்களுடன் அதிக பச்சைக் காய்கறிகளை சாப்பிடுகிறாள். பழங்கள் மற்றும் காய்கறிகளை சாப்பிடுவதும் நீட்டாவுக்கு பிடிக்கும்.

நீட்டா அம்பானி Padro, Jimmy Choo and Marlin போன்ற புகழ்பெற்ற காலணி வகைகளை தான் அணிவார். ஒரு முறை அணிந்த காலணிகளை மீண்டும் தொட்டு பார்க்கும் பழக்கம் கிடையாது, அதாவது மீண்டும் அதே காலணிகளை அணிய மாட்டார். அவர் தனக்குப் பிடித்த காலணிகளின் பெரிய தொகுப்பை வீட்டிலேயே வைத்துள்ளார்.

Dhirubhai Ambani International School-ஐ நடத்தி வரும் நீட்டா, மாணவர்கள் சேர்க்கை நேரங்களில் விண்ணப்பங்களில் எதை ஏற்க வேண்டும் என்பதை தீர்மானிக்கும் இடத்தில் இருப்பதால் அப்போதெல்லாம் வெளியே செல்லாமல் பணியில் தொடர்ந்து இருப்பார்.

பிஸியான பெண் என்ற போதிலும் நீட்டா ஒவ்வொரு நாளும் உடற்பயிற்சி செய்ய நேரம் ஒதுக்குகிறார். அவரது விருப்பமான உடற்பயிற்சி வடிவங்கள் யோகா, நீச்சல் மற்றும் கிளாசிக்கல் நடனம் ஆகும்.

திருச்சியில்..

திருச்சியில் அடுக்குமாடி குடியிருப்பின் 13-வது மாடியில் இருந்து குதித்து கல்லூரி பேராசிரியை தற்கொலை செய்து கொண்டாரா? என போலீசார் விசாரணை நடத்தி வருகிறார்கள்.

திருச்சி எடமலைப்பட்டிபுதூரில் அடுக்குமாடி குடியிருப்பில் வசித்து வருபவர் பிரேம்குமார். இவருடைய மனைவி சவுமியா (வயது 32). இவர் திருச்சி தில்லைநகர் பகுதியில் உள்ள ஒரு தனியார் கல்லூரியில் வணிகவியல் துறை பேராசிரியையாக பணியாற்றி வந்தார். இந்த தம்பதி காதல் திருமணம் செய்து கொண்டனர். இவர்களுக்கு ரியா (11), சிவியா (6) என்ற 2 மகள்கள் உள்ளனர்.

பிரேம்குமார் பல்வேறு வியாபாரங்களில் தன்னை ஈடுபடுத்தி வருகிறார். இவர்களுடன் சவுமியா அடுக்குமாடி குடியிருப்பின் 13-வது மாடியில் பி.பிளாக்கில் வசித்து வந்தார். இந்தநிலையில் நேற்று முன்தினம் இரவு சவுமியா மாடியில் இருந்து கீழே விழுந்து இறந்து கிடந்தார்.

இதை கண்ட அடுக்குமாடி குடியிருப்புவாசிகள் அதிர்ச்சி அடைந்தனர். உடனடியாக எடமலைப்பட்டிபுதூர் போலீசாருக்கு தகவல் தெரிவித்தனர். இன்ஸ்பெக்டர் பாலகிருஷ்ணன் தலைமையிலான போலீசார் அங்கு சென்று ரத்த வெள்ளத்தில் பிணமாக கிடந்த அவரது உடலை கைப்பற்றி பிரேத பரிசோதனைக்காக அனுப்பி வைத்தனர்.

தொடர்ந்து இதுகுறித்து, போலீசார் விசாரணை நடத்தினார்கள். முதல்கட்ட விசாரணையில், சவுமியா நேற்று முன்தினம் இரவு 8 மணிக்கு மேல் வீட்டில் இருந்து துணி காய போடுவதற்காக வெளியே வந்துள்ளார். அதன்பிறகே அவர் மாடியில் இருந்து கீழே விழுந்து இறந்துள்ளதாக தெரிகிறது.

இதனால் அவர் துணிகளை காய வைத்தபோது நிலைத்தடுமாறி கீழே தவறி விழுந்து இறந்தாரா? அல்லது குடும்பத்தகராறு காரணமாக மாடியில் இருந்து குதித்து தற்கொலை செய்து கொண்டாரா? அல்லது யாரேனும் அவரை கீழே தள்ளி கொலை செய்தார்களா? என பல்வேறு கோணத்தில் போலீசார் விசாரணை நடத்தி வருகிறார்கள். இந்த சம்பவம் எடமலைப்பட்டிபுதூர் பகுதியில் பெரும் பரபரப்பை ஏற்படுத்தியது.