நாமக்கல்லில்..

நாமக்கல்லில் வேறு ஒருவருடன் தொடர்பு வைத்திருந்ததை கண்டித்த கள்ளகாதலனை கொலை செய்த கள்ளக்காதலி.

நாமக்கல் மாவட்டம் பரமத்தி வேலூர் அருகே திடுமல் ஆவாரங்காடு பகுதியை சேர்ந்த விவசாயி செல்வராஜ் (50). இவர் இரண்டு ஆம்னி வேன் வைத்து வாடகை விட்டு வருகிறார். இந்நிலையில் தாளக்கரை பகுதியில் சுதா (45) என்பவர் வீட்டில் செல்வராஜ் மர்மமான முறையில் உடலில் பலத்த காயங்களுடன் இறந்து கிடந்துள்ளார்.

இதுகுறித்து தகவல் அறிந்த செல்வராஜூன் மனைவி கலாமணி மற்றும் உறவினர்கள் சம்பவ இடத்திற்கு வந்தனர். தொடர்ந்து நல்லூர் காவல்துறையினர் அங்கு வந்து செல்வராஜூன் உடலை கைப்பற்றி பிரேத பரிசோதனைக்காக நாமக்கல் மாவட்ட அரசு மருத்துவமனைக்கு அனுப்பி வைத்தனர்.

இதுதொடர்பாக வழக்குப்பதிவு செய்த நல்லூர் போலீசார் சுதாவை கைது செய்து விசாரணை தொடங்கினர். விசாரணையில் செல்வராஜூக்கும், மகனுடன் தனியாக வாழ்ந்து வரும் சுதாவிற்கும் கடந்த 5 ஆண்டுகளாக கள்ளத்தொடர்பு இருந்துள்ளது.

இந்நிலையில், கள்ளக்காதலி சுதாவுக்கும் வேறு ஆண் நபர் ஒருவரிடம் பழக்கம் ஏற்பட்டுள்ளதை அறிந்த செல்வராஜ் இதுகுறித்து சுதாவிடம் அந்த ஆண் நண்பரின் தொடர்பு வைத்திருப்பதை நிறுத்திக்கொள்ளுமாறும், அவனுடன் பழக கூடாது, பேசக்கூடாது என்று வாக்குவாதத்தில் செல்வராஜ் ஈடுபட்டுள்ளார்.

இதனால் கோபம் அடைந்த சுதா செல்வராஜுக்கு அதிக மதுவை ஊத்தி கொடுத்து போதை மயக்கத்தில் இருந்த செல்வராஜை தான் கட்டியிருந்த சேலையால் கழுத்தை இறுக்கி கொலை செய்ததை ஒப்புக்கொண்டார்.

பின்னர் சுதா மீது கொலை வழக்கு பதிவு செய்த போலீசார் பரமத்தி நீதிமன்றத்தில் ஆஜர் படுத்தி சிறையில் அடைத்தனர்.

வவுனியாவில் டீசலின்றி எரிபொருள் வரிசையில் காத்திருக்கும் 1990 அவசர அன்புலன்ஸ் சேவை வாகனங்கள்

உத்தர பிரதேசத்தில்..

மாலை மாற்றும் நிகழ்வின்போது வேறு மணமகன் இருந்ததால் அதிர்ச்சியடைந்த மணப்பெண் திருமணத்தை நிறுத்தியுள்ளது அதிர்ச்சியை ஏற்படுத்தியுள்ளது.

உத்தர பிரதேச மாநிலம் பர்தானா என்ற நகரில் கடந்த புதன்கிழமை திருமணம் ஒன்று நடைபெறவிருந்தது. திருமண சடங்குகளில் ஒன்றான மாலை மாற்றிக்கொள்ளும் சடங்கு நடைபெற்றுக்கொண்டிருந்தபோது, மணமக்கள் முதல்முறையாக நேரில் சந்தித்துக்கொண்டனர்.

அப்போது மணமகனை நேரில் பார்த்த மணமகள் கடும் அதிர்ச்சி அடைந்தார். உடனே தனக்கு நிச்சயம் செய்த நபர் இவர் இல்லை என்றும், இவர் கருப்பாக இருக்கிறார், என்னை ஏமாற்றிவிட்டார்கள், நான் இவரை திருமணம் செய்யமாட்டேன் எனக் கூறியுள்ளார். இதனால் அந்த திருமணம் பாதியில் நின்றுள்ளது.

தொடர்ந்து இரு வீட்டாருக்கும் கடும் வாக்குவாதம் ஏற்பட்டுள்ளது. அதில் புகைப்படத்தில் காட்டிய மாப்பிள்ளை வேறு, இவர் வேறு, புகைப்படத்தை மாற்றி காட்டி ஏமாற்றிவிட்டனர் என்று பெண் வீட்டார் குற்றம் சாட்டினர்.

இதற்கு மணமகன் வீட்டார், தங்களது மகனை திருமணம் செய்துக்கொள்வதாக பெண் வீட்டார், தங்களிடம் இருந்து பரிசுப்பொருட்கள் மற்றும் நகைகளை வாங்கிக்கொண்டு தற்போது ஏமாற்றுவதாக கூறினர். இதன் காரணமாக இந்த வாக்குவாதம் முடிவடையாமல் இருந்துள்ளது.

இதைத் தொடர்ந்து, மணமகன் வீட்டார் சார்பில் காவல்நிலையத்தில் புகார் அளிக்கப்பட்டது. பின்னர் இது தொடர்பாக போலிஸார் விசாரணை நடத்தியதில், தாங்கள் மணமகன் வீட்டாரிடமிருந்து எந்த நகையும் வாங்கவில்லை என்றும், வாங்கிய பரிசுப்பொருள்களை திரும்ப கொடுத்துவிடுவதாகவும் கூறியுள்ளனர்.

இதைத் தொடர்ந்து மணமகள் வீட்டார், பரிசுபொருள்களை மணமகன் வீட்டாரிடம் ஒப்படைத்தனர். இதனால் காவல்நிலையத்தில் வழக்கு ஏதும் பதியப்படவில்லை. எனினும் திருமணம் பாதியில் நின்றுபோனதால் இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.

வவுனியாவில் டீசலின்றி எரிபொருள் வரிசையில் காத்திருக்கும் 1990 அவசர அன்புலன்ஸ் சேவை வாகனங்கள்

சென்னையில்..

தாயின் கடைசி ஆசையை நிறைவேற்றும்வகையில், அவர் இறந்த பின்பு அவரது உடலை முழுவதுமாக தானமாக வழங்கப்பட்டுள்ள சம்பவம் நெகிழ்ச்சியை ஏற்படுத்தியுள்ளது.

சென்னை, திருவொற்றியூரில் உள்ள ஒத்தவாடை என்ற பகுதியில் வசித்து வந்தவர் முருகானந்தம் – மீனா தம்பதியினர். இவர்களுக்கு காயத்ரி மற்றும் சுவாதி என்ற 2 மகள்கள் உள்ள நிலையில், மீனாவின் கணவர் முருகானந்தம் சில ஆண்டுகளுக்கு முன்னர் உடல்நலக்குறைவால் இறந்தார்.

இதையடுத்து அச்சகத்தொழில் செய்து வந்த மீனா, தனது இரு மகள்களுக்கும் திருமணம் முடித்து வைத்த நிலையில், தனியாக அச்சகத்தொழில் செய்து வந்தார். கடந்த சில மாதங்களுக்கு முன்னர், மீனாவுக்கு உடல்நிலை கோளாறு ஏற்பட்டதால், மருத்துவமனையை அணுகியுள்ளார்.

அவரை பரிசோதித்த மருத்துவர்கள், அவருக்கு சிறுநீரக கோளாறு இருப்பதாகவும், பிழைப்பது கடினம் என்றும் தெரிவித்தனர். எனவே மீனா தனது மகள்களை அழைத்து, தான் இறந்த பிறகு, தன்னுடைய உடலை புதைக்கவோ, எரிக்கவோ வேண்டாம். மாறாக அதனை தானம் செய்து விடுங்கள் என்று கூறியுள்ளார்.

இந்த நிலையில், கடந்த சில நாட்களுக்கு முன்பு, மீனாவின் உடல்நிலை மோசமாக ஆனதால், அவர் சென்னை ஸ்டான்லி மருத்துவமனையில் அனுமதிக்கப்பட்டார்.

தான் இறக்கப்போவதை அறிந்த மீனா, தனது மகள்களை மீண்டும் அழைத்து, தனது உடல் உறுப்புகளை மருத்துவமனைக்கு தானம் செய்யுமாறு வேண்டுகோள் விடுத்துள்ளார். இந்த சூழலில், சிகிச்சை பலனின்றி மீனா உயிரிழந்தார்.

எனவே அவரது உடலை முழுதாக சென்னை ஸ்டான்லி மருத்துவமனைக்கு தானமாக வழங்கப்பட்டது. தாயின் கடைசி ஆசையை நிறைவேற்றுவதற்காக, அவரது இறந்த உடலை மருத்துவமனைக்கு அப்படியே தனமாக வழங்கியுள்ள சம்பவம் நெகிழ்ச்சியை ஏற்படுத்தியுள்ளது.

வவுனியாவில் டீசலின்றி எரிபொருள் வரிசையில் காத்திருக்கும் 1990 அவசர அன்புலன்ஸ் சேவை வாகனங்கள்

விருதுநகரில்..

விருதுநகரில் சாலை விபத்தில் சென்னையைச் சேர்ந்த தம்பதிகள் உயிரிழந்துள்ளனர்.சென்னை பெருங்களத்தூர் பகுதியைச் சேர்ந்தவர் மனோஜ் (30). இவர் தனியார் கம்பெனி ஒன்றில் மேலாளராக பணியாற்றி வந்தார். இவரது மனைவி நித்திஷா (27). இந்த தம்பதிக்கு ஜெனிஷா ஸ்ரீ ( 9), பிரணவ் ஆதித்யா (8) என சிறுவர்கள் உள்ளனர்.

இந்நிலையில், மனோஜ் தனது குடும்பத்தாருடன் காரில் நெல்லையை நோக்கிச் சென்று கொண்டிருந்தார். இதையடுத்து கோவில்பட்டியிலிருந்து விருதுநகர் நோக்கி கார் சென்று கொண்டிருந்தபோது தனியார் பேருந்து மோதியுள்ளது.

இதில் காரின் முன்பகுதி முழுவதுமாக நொறுங்கியுள்ளது. இந்த விபத்தில் மனோஜ் அவரது மனைவி நித்திஷா ஆகிய 2 பேரும் சம்பவ இடத்திலேயே உயிரிழந்துள்ளனர். மேலும் சிறுவர்கள் ஜெனிஷா ஸ்ரீ, பிரணவ் ஆதித்யா இருவரும் பலத்த காயம் அடைந்துள்ளனர்.

இவர்களை மீட்ட போலிஸார் சிகிச்சைக்காக மருத்துவமனையில் சேர்த்துள்ளனர். இந்த விபத்து குறித்து போலிஸார் வழக்குப் பதிவு செய்து விசாரணை நடத்தி வருகின்றனர். சாலை விபத்தில் தம்பதி உயிரிழந்த சம்பவம் சோகத்தை ஏற்படுத்தியுள்ளது.

கர்நாடகாவில்..

கர்நாடகாவில் கள்ளக்காதலை தட்டிக்கேட்ட மனைவியை பிள்ளைகள் கண்முன்னே இழுத்து சென்று கொலை செய்த கணவனின் செயல் அப்பகுதியில் மிகுந்த அதிர்ச்சியையும், பரபரப்பையும் ஏற்படுத்தியுள்ளது.

கர்நாடக மாநிலம் மாண்டியா மாவட்டம் கெண்டகோசஹள்ளி கிராமத்தைச் சேர்ந்தவர் ரவி கவுடா (35). இவருக்கும் பெங்களூரூவைச் சேர்ந்த யோகிதா (27) என்ற பெண்ணுக்கும் 9 ஆண்டுகளுக்கு முன்பு திருமணம் நடந்துள்ளது. இந்த தம்பதிக்கு ஒரு ஆண் மற்றும் பெண் குழந்தை உள்ளனர். இந்த அழகான குடும்பத்தில் கடந்த ஒன்றரை ஆண்டுகளுக்கு குண்டு விழுந்ததை போல ஒரு சம்பவம் உருவாகியது.

ரவி கவுடாவுக்கு அழகான மனைவி இருக்கும் நிலையில் அவருக்கு அதே கிராமத்தைச் சேர்ந்த வேறொரு பெண்ணுடன் கள்ளத்தொடர்பு ஏற்பட்டுள்ளது. இருவரும் அடிக்கடி நெருங்கி பழகி வந்துள்ளனர். இதை ஒருநாள் யோகிதா பார்த்துவிட்டார். ஆத்திரம் அடைந்த யோகிதா கணவன் ரவி கவுடாவிடம் சண்டை போட்டு தாய் வீட்டுக்கு சென்றுள்ளார். அப்போது, வீட்டில் இருக்கும் பெரியவர்கள் எல்லாம் சேர்ந்து ஊர் பஞ்சாயத்து நடத்தி ரவி கவுடாவை எச்சரித்து யோகிதாவை சமரசம் செய்து அனுப்பி வைத்துள்ளனர்.

அதன் பின்னரும் ரவி கவுடா தனது கள்ளகாதலியுடன் பழகுவதை நிறுத்தவில்லை. இதனால் தினமும் வீட்டில் சண்டை இருந்து வந்துள்ளது . இந்த நிலையில் கடந்த புதன்கிழமை அன்று இரவு ரவி கவுடா தனது இரு குழந்தைகளுக்கும் பானிபூரி வாங்கி வந்து கொடுத்துள்ளார். அதை சாப்பிடக்கூடாது என யோகிதா பிள்ளைகளை கூறியுள்ளார். இதனால் மீண்டும் இருவருக்குள்ளும் தகராறு ஏற்பட்டு ரவி கவுடா யோகிதாவின் தலை முடியை பிடித்து அறைக்குள் இழுத்து சென்றுள்ளார்.

பின்னர் யோகிதாவின் கழுத்தை மின்சார ஒயரால் இறுக்கி துடிக்க துடிக்க கொலை செய்துள்ளார். அறையை விட்டு வெளியே வந்த ரவி கவுடா பசங்களிடம், இதை வெளியே சொல்ல கூடாது எனக்கூறிவிட்டு தப்பியோடியுள்ளார். இதனை அடுத்து ரவியின் மூத்த மகள் எதிர்வீட்டில் இருப்பவர்களிடம் தகவலை கூறவே அவர்கள் உடனே யோகிதாவின் வீட்டுக்கு விஷயத்தை சொல்லி வரவழைத்தனர்.

இவர்கள் கொடுத்த புகாரின் பேரில் அரக்கெரே போலீசார் வழக்கு பதிவு செய்து விசாரணை நடத்தி வருகின்றனர். கள்ளக்காதலை தட்டிக்கேட்ட மனைவியை பிள்ளைகள் கண்முன்னே இழுத்து சென்று கொலை செய்த கணவனின் செயல் அப்பகுதியில் மிகுந்த அதிர்ச்சியையும், பரபரப்பையும் ஏற்படுத்தியுள்ளது.

மதுரையில்..

மதுரை பொன்மேனியைச் சேர்ந்தவர் பாண்டி மகள் அபர்ணா (19). பிளஸ் 2 படித்துள்ளார். இவர் நேற்று மாலை தனியாக இருந்தபோது, வீட்டிற்குள் புகுந்த மர்ம நபர் அபர்ணாவின் கழுத்து அறுத்து கொலை செய்து விட்டு தப்பி சென்றார்.

காதலித்த பெண்ணிற்கு வேறொருவருடன் நிச்சயதார்த்தம் நடைபெற்றதால் ஆத்திரத்தில் இருந்த காதலன் காதலியை துடிதுடிக்க ரத்த வெள்ளத்தில் படுகொலை செய்யப்பட்ட சம்பவம் பெரும் அதிர்ச்சியை ஏற்படுத்தியுள்ளது.

மதுரை பொன்மேனியைச் சேர்ந்தவர் பாண்டி மகள் அபர்ணா (19). பிளஸ் 2 படித்துள்ளார். இவர் நேற்று மாலை தனியாக இருந்தபோது, வீட்டிற்குள் புகுந்த மர்ம நபர் அபர்ணாவின் கழுத்து அறுத்து கொலை செய்து விட்டு தப்பி சென்றார்.

இது தொடர்பாக அக்கம் பக்கத்தினர் போலீசாருக்கு தகவல் கொடுத்தனர். சம்பவ இடத்திற்கு விரைந்த போலீசார் அபர்ணாவின் உடலை கைப்பற்றி பிரேத பரிசோதனைக்காக மதுரை அரசு ராஜாஜி மருத்துவமனைக்கு அனுப்பி வைத்தனர்.

இதுதொடர்பாக போலீசார் வழக்குப்பதிவு செய்து விசாரணை நடத்தினர். அதில், அபர்ணாவின் தந்தை பாண்டி அப்பகுதியில் பலசரக்கு கடை வைத்து நடத்தி வருகிறார். அபர்ணாவின் பாட்டி வீடு விராட்டிபத்தில் உள்ளது. அங்கு அடிக்கடி சென்றபோது வீட்டருகே உள்ள ஹரிஹரனை அபர்ணாவை சந்தித்து பேசியுள்ளார்.

இருவரும் காதலித்து வந்ததாக கூறப்படுகிறது. இதையடுத்து அபர்ணா வீட்டிற்கு ஹரிஹரன் பெண் கேட்டு சென்றுள்ளார். ஆனால், பெண் தர மறுத்து விட்டனர். இதனைத்தொடர்ந்து அபர்ணாவை உறவுக்கார பையனுக்கு திருமணம் நடத்தி வைக்க முடிவு செய்து இதற்கான நிச்சயதார்த்தம் நடந்துள்ளது. வரும் ஆகஸ்ட் மாதம் இருவரின் திருமணம் நடைபெற இருந்தது.

இதையடுத்து அபர்ணாவை கடத்தி செல்ல ஹரிஹரன் முயன்றதாகவும், இதற்கு அவர் ஒத்துழைக்கவில்லையென தெரிகிறது. ஆத்திரமடைந்த ஹரிஹரன் இந்த கொலையை செய்திருக்கலாம் என்ற கோணத்தில் போலீசார் விசாரித்து வருகின்றனர்.

இதுதொடர்பாக தலைமறை வான ஹரிஹரனை போலீசார் தீவிரமாக தேடி வருகின்றனர். மதுரையில் இளம்பெண் கொலை செய்யப்பட்ட சம்பவம் பகுதியில் பரப்பரப்பை ஏற்படுத்தி உள்ளது.