கேரளாவில்..

கேரளாவில் நால்வர் அடங்கிய குடும்பம் தீக்குளித்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது. திருவில்வமலாவை சேர்ந்தவர் ராதாகிருஷ்ணன் (47). ஹொட்டலில் வேலை செய்து வந்தார். இவர் மனைவி சாந்தினி (43) தம்பதிக்கு கார்த்திக் (14), ராகுல் (7) என்ற இரண்டு மகன்கள் இருந்தனர்.

இந்த நிலையில் ராதாகிருஷ்ணன் அதிகளவில் கடன் வாங்கியிருந்ததால் அதன் காரணமாக பிரச்சனைகளை சந்தித்து வந்தார். இதையடுத்து நேற்று காலை 8.30 மணிக்கு மொத்த குடும்பமும் தங்கள் உடலின் மீது மண்ணெண்ணெய் ஊற்றி கொண்டு தீவைத்து கொண்டனர்.

முதலில் அக்கம்பக்கத்தினர் ராதாகிருஷ்ணன் வீட்டில் சிலிண்டர் வெடித்ததாக நினைத்தனர், பின்னர் தான் தீக்குளித்தது தெரியவந்தது. இதையடுத்து நால்வரும் மருத்துவமனைக்கு கொண்டு செல்லப்பட்டனர்.

அங்கு சாந்தினி மற்றும் ராகுல் உயிரிழந்த நிலையில் ராதாகிருஷ்ணன் மற்றும் கார்த்திக்கு தீவிர சிகிச்சையளிக்கப்பட்டு வந்தது. இந்த நிலையில் சிகிச்சை பலனின்றி அவர்களும் இன்று உயிரிழந்தனர். சம்பவம் தொடர்பாக பொலிசார் விசாரணை நடத்தி வருகின்றனர்.

அம்பத்தூரில்..

அம்பத்தூர் அருகே பிளஸ் 2 முடித்துவிட்டு கல்லூரி செல்வதற்காக காத்திருந்த 17 வயது மாணவன் தற்கொலை செய்துகொண்ட சம்பவம் பரபரப்பை ஏற்படுத்தியது. தகவலறிந்து சம்பவ இடத்திற்கு வந்த காவல்துறையினர் மாணவனின் உடலை கைப்பற்றி பிரேத பரிசோதனைக்கு அனுப்பி வைத்தனர்.

பின்பு மாணவர் பயன்படுத்திய செல்போனை ஆய்வு செய்தபோது பல திடுக்கிடும் தகவல்கள் வெளிவந்தன. பள்ளி மாணவன் அம்பத்தூரில் உள்ள சர் ராமசாமி முதலியார் மேல்நிலைப்பள்ளியில் பயின்ற போது அதே பள்ளியில் தற்காலிக ஆசிரியராக பணியாற்றி வந்த சர்மிளா என்ற ஆசிரியை நடத்தி வந்த டியூஷனில் கடந்த 3 ஆண்டுகளாக படித்து வந்துள்ளார்.

அப்போது ஆசிரியர் சர்மிளாவுக்கும் மாணவனுக்கும் பழக்கம் ஏற்பட்டு காதலாக மாறியுள்ளது. இருவரும் நெருங்கி பழகி வந்ததாக தெரிகிறது. இதனிடையே சர்மிளாவுக்கு வீட்டில் வேறொரு நபருடன் திருமண ஏற்பாடு நடந்துள்ளது. அவருக்கு நிச்சயதார்த்தம் நடந்ததால், பள்ளி மாணவனுடனான தொடர்பை முழுவதுமாக துண்டித்துள்ளார்.

இதனால் மனவேதனையடைந்த மாணவன் தற்கொலை செய்துகொண்டுள்ளான் என்பது தெரியவந்துள்து. கைது செய்யப்பட்டுள்ள ஆசிரியை நேற்று போக்சோ சட்டத்தின் கீழ் கைது செய்யப்பட்டு சிறையில் அடைக்கப்பட்டுள்ளார்

சேலத்தில்..

சேலம் மாவட்டம் சீலநாயக்கன்பட்டி வேலநகர் தெரு பகுதியை சேர்ந்தவர் ராஜசேகரன் (42). இவர் அந்தப் பகுதியில் அவரது மனைவி கார்த்திகை செல்வி (35) மற்றும் அவரது மகள் சக்தி (10) ஆகியோருடன் வசித்து வருகிறார்.

ராஜசேகரன் சீலநாயக்கன்பட்டி பகுதியில் உள்ள தனியார் நிறுவனம் ஒன்றில் பாதுகாவலராக பணியாற்றி வருகிறார். இந்த நிலையில் இரவு வீட்டில் அனைவரும் உறங்கச் சென்றுள்ளனர்.

அப்போது நள்ளிரவில் ராஜசேகரன் அவரது மனைவி கார்த்திகை செல்வியை கொலை செய்து விட்டு அங்கிருந்து தப்பி ஓடியதாக கூறப்படுகிறது. அதிகாலை மகள் எழுந்து பார்த்தபோது தாய் உயிரிழந்து கிடப்பதை கண்டு அதிர்ச்சி அடைந்து அலறி கூச்சலிட்டுள்ளார்.

அந்த சத்தம் கேட்டு அக்கம் பக்கத்தினர் மற்றும் உறவினர்கள் வந்து பார்த்தனர். அப்போது கார்த்திகை செல்வி சடலமாக கிடந்துள்ளார். உடனே இந்த சம்பவம் தொடர்பாக அன்னதானப்பட்டி காவல்துறையினருக்கு தகவல் தெரிவிக்கப்பட்டது.

சம்பவ இடத்திற்கு விரைந்து வந்த போலீசார் கார்த்திகை செல்வியின் சடலத்தை மீட்டு சேலம் அரசு மருத்துவமனைக்கு உடற்கூறு ஆய்விற்காக அனுப்பி வைத்தனர். மேலும் தலைமறைவாக இருக்கும் ராஜசேகரன் எதற்காக கொலை செய்தார் என்பது மர்மமாகவே உள்ளது.

அவர் பிடிபட்ட பின்னர்தான் உண்மை தெரியவரும் என போலீசார் தரப்பில் கூறப்படுகிறது. அதனால் தற்போது ராஜசேகரனை போலீசார் தொலைபேசி தேடி வருகின்றனர். மேலும் அருகில் உள்ள உறவினர்கள் மற்றும் அந்த தெரு பகுதியை சேர்ந்தவர்களிடம் போலீசார் தீவிர விசாரணை மேற்கொண்டு வருகின்றனர்.

திருமண நிகழ்ச்சியில்..

திருமண வரவேற்பு நிகழ்ச்சியில் மணப்பெண் அசந்து தூங்கிக்கொண்டிருக்கும் வீடியோ இணைய தளங்களில் வைரலாகி வருகிறது. அந்த வீடியோவில், மணமகன் பண மாலையுடன் நிற்கிறார். அவரது அருகேயுள்ள இருக்கையில் பட்டுப்புடவை, தங்க நகை அலங்காரத்துடன், மணப்பெண் அமர்ந்தபடியே தூங்கிக்கொண்டிருந்தார்.

திருமண நிகழ்ச்சியில் கலந்து கொண்ட ஒருவர் செல்போனில் இதை வீடியோ பதிவு செய்து வெளியிட்டுள்ளார், இந்நிலையில் தற்போது இணைய தளங்களில் வேகமாக பகிரப்பட்டு வருகிறது.

இதை பார்வையிட்ட பலரும், தூங்கும்போது மணப்பெண் எவ்வளவு அழகாக இருக்கிறார் என்று, பதிவிட்டு வருகின்றனர்.

View this post on Instagram

A post shared by *कप्तान साहिबा* (@batteredsuitcase_)

சிதம்பரத்தில்..

சிதம்பரத்தில் பள்ளி சீருடையில் இருந்த மாணவிக்கு பாலிடெக்னிக் மாணவன் தாலி கட்டிய வீடியோவை வெளியிட்ட நபர் கைது செய்யப்பட்டுள்ளார். கடலூர் மாவட்டம் சிதம்பரம் பேருந்து நிலையம் அருகே பல்வேறு சிறு கிராமங்களுக்கு செல்லும் பேருந்து நிறுத்தம் உள்ளது.

அங்குள்ள நிழற்குடையில் பள்ளி மாணவி ஒருவருக்கு மாணவன் தாலி கட்டிய வீடியோ வைரலாகி பெரும் அதிர்ச்சியை ஏற்படுத்தியது. அந்த வீடியோவில் சம்பந்தப்பட்ட மாணவி, பள்ளியில் 12ம் வகுப்பு படித்து வருவதாகவும் கூறப்படுகிறது.

மாணவிக்கு தாலி கட்டிய மாணவன் கீரப்பாளையம் அருகே வட ஹரிராஜபுரம் பகுதியை சேர்ந்தவர். அங்குள்ள தனியார் பாலிடெக்னிக்கில் ஆட்டோ மொபைல் 2ம் ஆண்டு படித்து வருவதும் தெரியவந்தது.

இதையடுத்து சிதம்பரம் போலீசார் விசாரணை மேற்கொண்டு வந்த நிலையில், மாணவர்களின் பெற்றோர்களை அழைத்து விசாரணை மேற்கொண்டுள்ளனர்.

இதனிடையே, முகநூலில் வீடியோ வெளியிட்ட நபரான பாலாஜி கணேஷ் என்பவரிடம் பெண்ணின் பெற்றோர் மற்றும் உறவினர்கள் வீட்டிற்கு சென்று கேட்ட போது அவர்களை சாதி பெயரை சொல்லி திட்டியுள்ளார்.

இதுதொடர்பாக காவல் நிலையத்தில் புகார் அளித்தனர். இந்த புகாரின் அடிப்படையில் சிதம்பரம் நகர போலீசார் வன்கொடுமை தடுப்பு சட்டத்தில் கீழ் வழக்குப்பதிவு செய்து அவரை நள்ளிரவில் வீடு புகுந்து கைது செய்தனர். அப்போது, அவருக்கு திடீரென உடல்நலக்குறைவு ஏற்பட்டதால் அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார்.

சேலத்தில்..

தமிழக மாவட்டம் சேலத்தில் மாயமான திருமண வயதை அடையாத கல்லூரி மாணவனை சக மாணவி திருமணம் செய்தது பரபரப்பை ஏற்படுத்தியுள்ளது. சேலம் மாவட்டம் அரங்கனூர் பகுதியைச் சேர்ந்த கல்லூரி மாணவி ஒருவர், இரண்டு ஆண்டுகள் தாமதமாக பி.காம் முதலாம் ஆண்டு படித்து வந்துள்ளார்.

குறித்த மாணவிக்கு அவருடைய சக மாணவர் மீது காதல் ஏற்பட்டுள்ளது. ஆனால் அந்த மாணவருக்கு 18 வயது பூர்த்தியாகவில்லை என்று கூறப்படுகிறது. இந்த நிலையில் குறித்த மாணவன் கடந்த ஏப்ரல் மாதம் முதல் காணாமல் போனதாக அவரது பெற்றோர் காவல் நிலையத்தில் புகார் அளித்துள்ளனர்.

அதன் பின்னர் பொலிஸாரால் மாணவனை கண்டுபிடிக்க முடியாததால், மாணவனின் பெற்றோர் நீதிமன்றத்தில் ஆட்கொணர்வு மனு தாக்கல் செய்துள்ளனர். இதனைத் தொடர்ந்து பொலிஸார் தனிப்படை அமைத்து தேடப்பட்டு வந்த நிலையில், குறித்த மாணவன் கிருஷ்ணகிரி மாவட்டத்தில் இருப்பதாக தகவல் கிடைத்துள்ளது.

அங்கு விரைந்த பொலிஸார் மாணவனையும், அவருடன் தங்கியிருந்த இளம்பெண்ணையும் அழைத்து வந்து விசாரணை நடத்தினர். அப்போது அந்த இளம்பெண் மாணவருடன் படித்து வந்ததும், ஆசை வார்த்தைக் கூறி திருமண வயதை எட்டாத மாணவரை திருமணம் செய்து கர்ப்பமானதும் தெரிய வந்துள்ளது.

விசாரணைக்கு பின்னர் குறித்த மாணவி போக்சோ, இளம் வயது திருமணம் உள்ளிட்ட வழக்குகளின் கீழ் கைது செய்யப்பட்டு நீதிமன்றத்தில் ஆஜர்படுத்தப்பட்டார். பின்னர் அவர் சிறையில் அடைக்கப்பட்டார்.

தமிழகத்தில்..

கிருஷ்ணகிரி மாவட்டத்தை சேர்ந்தவர் சிவகுமார் (47) மளிகை கடை வைத்திருந்தார். இவருடைய மனைவி ஜெயலட்சுமி (44). தம்பதிக்கு இரண்டு மகள்கள் உள்ளனர்.

சிவகுமார் ரியல் எஸ்டேட் உள்ளிட்ட பல தொழில்களில் முதலீடு செய்து வந்ததாக தெரிகிறது. மேலும் ரூ.2 கோடி அளவிலான தொகை ஏமாற்றப்பட்டதாகவும், இதனால் கடன் கொடுத்தவர்கள் அவருக்கு நெருக்கடி கொடுத்தும், மிரட்டி வந்ததாகவும் கூறப்படுகிறது.

இதனால் தம்பதி மனஉளைச்சலுக்கு ஆளாகி சோகத்துடன் காணப்பட்டனர். இந்த நிலையில், திங்கள்கிழமை காலையில் சிவகுமாரும், ஜெயலட்சுமியும் தூக்கிட்ட நிலையில் சடலமாகக் கிடந்ததைப் பார்த்து மளிகை கடை ஊழியர்கள் அதிர்ச்சி அடைந்தனர்.

தகவலறிந்த பொலிசார் சடலங்களைக் கைப்பற்றி மருத்துவமனைக்கு அனுப்பி வைத்தனர். சடலம் கிடந்த அறையில் சோதனையிட்டபோது அங்கிருந்து சிவகுமார் எழுதியதாக ஒரு கடிதத்தைக் காவல்துறையினர் கைப்பற்றினர்.

அந்தக் கடிதத்தில், ”பிஸினஸ் செய்வதற்காக நான் கடனாக வாங்கிய 2 கோடி ரூபாயை மற்றவர்களுக்கு கொடுத்து ஏமாந்து விட்டேன். அதனால் என்னால் கடனை திருப்பிக் கொடுக்க முடியவில்லை.

கடன் கொடுத்தவர்களுக்கு என்னால் பதிலும் சொல்ல முடியவில்லை. இதனால் மன உளைச்சல் ஏற்பட்டு, நான் தற்கொலை செய்து கொள்கிறேன்,” என்று குறிப்பிடப்பட்டு இருந்தது.

தொடர் விசாரணையில், சிவகுமாரிடம் சிலர் ரியல் எஸ்டேட் தொழில் செய்தால் குறுகிய காலத்தில் கோடீஸ்வரனாகி விடலாம் என ஆசை வலை விரித்துள்ளனர். இதை நம்பி கனவில் அவர் மிதந்தார்.

இதையடுத்து நெருக்கமான சிலர் சிவகுமாரிடம் இருந்து நிலம் வாங்குவதற்காக சிறிது சிறிதாக பணம் வாங்கிச் சென்றுள்ளனர். இதற்காக சிவகுமாரும் பலரிடம் 2 கோடி ரூபாய் வரை கடன் வாங்கிக் கொடுத்தது தெரியவந்தது. சம்பவம் தொடர்பில் பொலிசார் தொடர்ந்து தீவிர விசாரணை நடத்தி வருகின்றனர்.