திருப்பூரில்..

திருப்பூர் அருகே தலைவலியால் அவதிப்பட்டு வந்த தாய் தனது இரண்டு குழந்தைகளை கம்பியால் அடித்து கொலை செய்து விட்டு பூச்சி மருந்து குடித்து தானும் தற்கொலை செய்து கொண்ட சம்பவம் பெரும் சோகத்தை ஏற்படுத்தியுள்ளது.

திருப்பூர் மவட்டம் வெள்ளகோவில், அத்தாம்பாளையத்தை சேர்ந்தவர் கனகசம்பத் (45). இவர் விவசாயி. இவருடைய மனைவி ரேவதி( 40). இவர்களது மகள் ஹர்சிதா (13), மகன் கலைவேந்தன் (7).

ஹர்சிதா 8ஆம் வகுப்பும் கலைவேந்தன் 2-ம் வகுப்பும் படித்து வந்தனர். இவர்களுக்கு ஊரை ஒட்டியுள்ள தோட்டத்தில் ஒரு வீடும், ஊருக்குள் ஒரு வீடும் உள்ளது. ரேவதிக்கு தலைவலி இருந்து வந்ததால் கோவையில் உள்ள தனியார் மருத்துவமனையில் கடந்த நான்கு மாதங்களாக சிகிச்சை பெற்று வந்தார்.

பாஜகவுக்கு மொத்தம் “3 மகன்கள்”.. பணியாவிட்டால் அவர்கள் ஏவப்படுவார்கள்! தேஜஸ்வி சரமாரி அட்டாக் பாஜகவுக்கு மொத்தம் “3 மகன்கள்”.. பணியாவிட்டால் அவர்கள் ஏவப்படுவார்கள்! தேஜஸ்வி சரமாரி அட்டாக்

இதனிடையே தலைவலி அதிகமாகும்போது ரேவதி மனநிலை பாதிக்கப்பட்டவர் போல் நடந்து கொள்வார் என்று கூறப்படுகிறது. இந்த நிலையில் நேற்று மாலை, கனகசம்பத், கடை வீதிக்கு சென்று விட்டார். அப்போது பள்ளி முடிந்து வீட்டிற்கு வந்த தனது 2 குழந்தைகளையும் அழைத்துக் கொண்டு ரேவதி ஊரை ஒட்டியுள்ள தோட்டத்து வீட்டிற்கு சென்றார்.

தனது இரண்டு குழந்தைகளையும் இரும்பு கம்பியால் அடித்து கொலை செய்துவிட்டு, தானும் பூச்சி மருத்து குடித்து மயங்கிய நிலையில் இருந்துள்ளார். வீடு திரும்பிய கனகசம்பத், மனைவி பிள்ளைகளை காணாததால் தோட்டத்து வீட்டிற்கு சென்றிருப்பார்கள் என நினைத்து அங்கு சென்றுள்ளார்.

அப்போது அவருக்கு அதிர்ச்சி காத்திருந்தது. இதையடுத்து அக்கம் பக்கத்தினர் உதவியுடன், மனைவியை மீட்டு காங்கேயம் அரசு மருத்துவமனையில் அனுமதித்தார். அப்போது ரேவதி இரண்டு குழந்தைகளை கம்பியால் அடித்து கொன்று விட்டு, தானும் விஷம் குடித்து விட்டதாக கணவரிடம் கூறியுள்ளார்.

இதையடுத்து ரேவதிக்கு முதல் உதவி சிகிச்சை அளித்த பின்னர் மேல் சிகிச்சைக்காக கோவையில் உள்ள தனியார் மருத்துவமனைக்கு கொண்டு சென்றனர். ஆனால் அங்கு அவர் சிகிச்சை பலனின்றி உயிரிழந்தார்.

இது குறித்து தகவல் அறிந்தது வெள்ளகோவில் போலீஸ் இன்ஸ்பெக்டர் ரமாதேவி மற்றும் போலீசார் சம்பவம் நடந்த இடத்திற்கு சென்று உயிரிழந்த இரண்டு குழந்தைகளையும் மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

இது குறித்து வெள்ளகோவில் போலீஸார் கொலை வழக்குப் பதிவு செய்து விசாரணை நடத்தி வருகின்றனர். தாயே பெற்ற குழந்தைகளை கொடூரமாக அடித்து கொலை செய்து விட்டு, தானும் விஷம் குடித்து தற்கொலை செய்து கொண்ட சம்பவம் அப்பகுதியில் சோகத்தை ஏற்படுத்தி உள்ளது. தலைவலிதான் காரணமா இல்லை வேறு ஏதேனும் காரணம் இருக்கிறதா என்பது குறித்து விசாரித்து வருகிறார்கள்.

சென்னையில்..

பேருந்தில் பயணம் செய்த போது தாய் வாங்கிக் கொடுத்த குளிர்பானம் மற்றும் சிப்ஸ் சாப்பிட்ட சிறுவன் பேருந்திலேயே மயங்கி உயிரிழந்துள்ளது அதிர்ச்சியை ஏற்படுத்தியுள்ளது.

சென்னை மயிலாப்பூர் பிவிகே தெருவை சேர்ந்த ஜெபஸ்டின் ராஜ் மகன் அந்தோணி ஜான் லோஷன் (14). இவன் அதே பகுதியில் உள்ள தனியார் பள்ளியில் 9ம் வகுப்பு படித்து வந்தான்.

இந்நிலையில், குடும்பத்தாருடன் சொந்த ஊரான ஸ்ரீவில்லிபுத்தூருக்கு சென்றுவிட்டு நேற்று முன்தினம் மாலை மீண்டும் சென்னைக்கு அரசு பேருந்தில் திரும்பிக் கொண்டிருந்தனர்.

மதுரை பேருந்து நிலையம் அருகே பேருந்து நின்றபோது அங்கிருந்த ஒரு கடையில் சிப்ஸ் மற்றும் பாட்டில் குளிர்பானம் வாங்கி கொடுத்ததாக கூறப்படுகிறது. இதனை சாப்பிட்ட மாணவன் சிறிது நேரத்தில் வாந்தி எடுத்துள்ளார்.

உறவினர்கள் தண்ணீர் கொடுத்து சிறுவனை உறங்க வைத்துள்ளனர். பின்பு விக்கிரவாண்டி அருகே வந்த போது சிறுவனை எழுப்பியதில் எந்தவித சுயநினைவுமின்றி இருந்துள்ளார்.

திண்டிவனம் பேருந்து நிறுத்தத்தில் சிறுவனை எழுப்பிய போது இரண்டு முறை பெருமூச்சு விட்ட நிலையில், அதன்பின்பு எந்தவொரு அசைவும் இல்லாமல் இருந்ததால் உறவினர்கள் பேருந்தில் கதறியழுதுள்ளனர்.

பின்பு பேருந்தை ஓரமாக நிறுத்திவிட்டு 108 ஆம்புலன்ஸிற்கு தகவல் கொடுக்கப்பட்ட நிலையில், திண்டிவனம் அரசு மருத்துவமனைக்கு சிறுவனைக் கொண்டு சென்றனர். அங்கு சிறவனை பரிசோதித்த மருத்துவர், ஏற்கனவே உயிரிழந்துவிட்டதாக கூறியுள்ளார்.

பேருந்தில் பயணம் செய்த மாணவன் இவ்வாறு மர்மமான முறையில் உயிரிழந்துள்ளது அதிர்ச்சியை ஏற்படுத்தியுள்ள நிலையில் பொலிசார் விசாரணை மேற்கொண்டு வருகின்றனர். குளிர்பானம், சிப்ஸ் சாப்பிட்டதால் புட்பாய்சன் ஏற்பட்டு மாணவன் இறந்தாரா? என்ற கோணத்திலும் விசாரணை நடைபெற்று வருகிறது.

சென்னையில்..

வடசென்னை கொளத்தூர் பகுதியில் தன் சாவுக்கு தன் மனைவியின் அக்காவும், மாமியாருமே காரணம் என கடிதம் எழுதி வைத்துவிட்டு இளைஞர் தூக்கிட்டு தற்கொலை செய்து கொண்டார்.

சென்னை கொளத்தூர் ராஜமங்கலத்தை அடுத்த எம்ஜிஆர் நகர் நீலமேகம் தெரு பகுதியை சேர்ந்தவர் ஓசிலா ஜெனிபர். இவர் டான்போஸ்கோ பள்ளியில் ஆசிரியராக வேலை செய்து வருகிறார். இவருக்கு இரண்டு மகன்கள் மற்றும் ஒரு மகள் உள்ளனர்.

இவருடைய மூத்த மகன் டேனியல் 5 ஆண்டுகளுக்கு முன்பு திருமணம் நடைபெற்றது. டேனியல் தனியாக தனது மனைவி மற்றும் மாமியாருடன் வசித்து வந்துள்ளார். திருமணம் முடிந்த நாள் முதல் கணவனுக்கும் மனைவிக்கும் அடிக்கடி தகராறு வந்துள்ளது.

டேனியலுக்கு குடிப்பழக்கம் இருப்பதால் குடித்துவிட்டு தனது மனைவியுடன் தகராறு ஏற்படுவதாகவும் கூறப்படுகிறது. இந்நிலையில் 22 ஆம் தேதி அன்று மதியம் தன் தாய் வேலை செய்யும் பள்ளிக்குச் சென்ற டேனியல், தனக்கு மனசு சரியில்லை என்றும் ஏதோ மனதிற்கு கஷ்டமாக இருப்பதாகவும் கூறியுள்ளார்.

இதையடுத்து தனது தாயிடம் பசிப்பதாகவும் கூறியுள்ளார். இதனால் உடனே ஓசிலா ஜெனிபர் வீட்டுச் சாவியை டேனியலிடம் கொடுத்து வீட்டில் சாப்பாடு இருப்பதாகவும் போய் சாப்பிடுமாறும் கூறியுள்ளார். டேனியலும் சாவியை வாங்கிக் கொண்டு வீட்டுக்குச் சென்றுள்ளார். இந்த நிலையில் ஓசிலாவுக்கு உடல்நிலை சரியில்லாத காரணத்தால் பள்ளியில் அரை நாள் விடுப்பு கூறிவிட்டு வீடு திரும்பியுள்ளார்.

வீட்டிற்கு வந்த அவர் , கதவை தட்டியுள்ளார். டேனியல் திறக்கவே இல்லை. போன் செய்துள்ளார். அந்த போனையும் டேனியல் எடுக்கவே இல்லை. இதனால் அக்கம்பக்கத்தினர் உதவியுடன் கதவை உடைத்து கொண்டு உள்ளே சென்று பார்த்த போது டேனியல் மின்விசிறியல் தூக்கிட்டு தற்கொலை செய்திருந்தது தெரியவந்தது.

மகனின் இந்த நிலையை பார்த்து கதறிய ஓசிலா, உடனடியாக ராஜமங்கலம் காவல் நிலையத்திற்கு தகவல் கொடுக்கப்பட்டது தகவலின் பெயரில் ராஜமங்கலம் காவல்துறையினர் விரைந்து சென்று டேனியலின் உடலை கைப்பற்றி அரசு மருத்துவமனைக்கு பிரேத பரிசோதனை செய்வதற்காக அனுப்பி வைத்தனர்.

இந்நிலையில் டானியல் எழுதிய கடிதம் ஒன்று சிக்கி உள்ளது. அதில் நான் டேனியல், 30 வயது ஆகிறது நானும் என் மனைவியும் ஒன்றாக இருந்தோம். அவர்களுடைய அக்கா அர்ச்சனா மற்றும் எனது மாமியார் ஈஸ்வரி ஆகிய இருவர் தான் எனது சாவிற்கு காரணம் என எழுதப்பட்டிருந்தது. இது தொடர்பாக டேனியலின் மனைவியின் அக்கா அர்ச்சனா மற்றும் மாமியார் ஈஸ்வரியிடம் போலீஸார் விசாரணை நடத்தி வருகிறார்கள்.

தெலங்கானாவில்..

இன்றைய காலகட்டத்தில், திருமணம் நடைபெற இருக்கும் சமயத்தில், அதனை சுற்றி நடைபெற்று வரும் அதிர்ச்சி சம்பவங்கள், அதிகம் அரங்கேறி வருகிறது. தெலங்கானா மாநிலம், ஹனம்கொண்டா என்னும் பகுதியை சேர்ந்தவர் அன்வேஷ். இவர் அமெரிக்காவில் மென்பொருள் ஊழியராக பணிபுரிந்து வருகின்றார்.

இவருக்கும் பக்கத்து மாவட்டத்தைச் சேர்ந்த பெண் ஒருவருக்கும் சமீபத்தில் திருமண நிச்சயதார்த்தம் நடைபெற்றுள்ளது. பின்பு திருமணத்தை ஒரு வாரத்திற்குள் நடத்த வேண்டும் என்று அன்வேஷ் அவசரம் காட்டியுள்ளார். மணமகன் கூறியபடி கடந்த ஆகஸ்ட் 21ம் தேதி திருமணம் நடத்த ஏற்பாடுகள் செய்யப்பட்டுள்ளது.

பெண் வீட்டார் நிச்சயதார்த்தின் போது வரதட்சணையாக 15 லட்சம் கொடுத்த நிலையில், இன்னும் 10 லட்சம் ரூபாய் திருமணத்தின் போது தருவதாக கூறியுள்ளனர். இந்நிலையில் மணமகனான அன்வேஷ், கழிவறையில் வழுக்கி விழுந்ததாக கூறி மருத்துவமனையில் அனுமதிக்கப்பட்டுள்ளார்.

மருத்துவர்கள் பரிசோதித்த நிலையில், மீண்டும் தனது உடல்நிலை சரியில்லாமல் இருப்பதாக அன்வேஷ் கூறி உள்ளார். தொடர்ந்து வேறு மருத்துவமனைக்கு அழைத்துச் சென்று அனைத்து பரிசோதனையும் எடுக்கப்பட்டுள்ளது.

இறுதியாக மருத்துவர்கள் இவரது உடம்பில் எந்தவொரு பிரச்சினையும் இல்லை… இவர் கீழே விழவும் இல்லை என்று கூறியுள்ளார். பின்பு மாப்பிள்ளை நடத்திய நாடகம் அம்பலமாகியுள்ளது.

ஆம் திருமணத்தில் தனக்கு உடன்பாடு இல்லை என்பதால் இவ்வாறு நாடகமாடியதாக கூறியுள்ளார். பெண் வீட்டார் கோபத்தில் இளைஞரை அடிக்க சென்ற நிலையில், இறுதியாக திருமணத்தை நிறுத்தவும் இரு வீட்டார் முடிவு செய்துள்ளனர்.

காஞ்சிபுரத்தில்..

காஞ்சிபுரம் மாநகராட்சிக்குட்பட்ட பல்லவர் மேடு மேற்கு பகுதியை சேர்ந்தவர் கார்த்திக். இவரது 6 வயது மகள் கடந்த வெள்ளிகிழமை காலை விளையாடி கொண்டிருந்த போது வீட்டில் தண்ணீர் பாட்டிலில் வைத்திருந்த மண்ணெண்ணெயை தண்ணீர் என நினைத்து குடித்த சற்று நேரத்திலேயே வாந்தி எடுத்து மயங்கியுள்ளார்.

இதனையடுத்து சிறுமியின் தந்தை மயங்கிய நிலையிலிருந்த சிறுமியைை மருத்துவமனைக்கு அழைத்து சென்றனர்.

அங்கு சிறுமிக்கு மருத்துவர்கள் தொடர் சிகிச்சைகள் அளித்து வந்தனர். இந்நிலையில் நான்கு நாட்கள் சிகிச்சையில் இருந்த சிறுமி நேற்று மாலை சிகிச்சை பலனின்றி பரிதாபமாக உயிரிழந்தார்.

கேரளாவில்..

கேரளாவில் இறுதிச் சடங்கில் சிரித்துக்கொண்டிருக்கும் உறவினர்களின் புகைப்படம் இணையத்தில் வைரலாகிவருகிறது. இந்த புகைப்படம் சமூக ஊடகங்களில் விவாதத்திற்கு வழிவகுத்தது, இதில் கேரள அமைச்சர் வி சிவன்குட்டியும் இணைந்தார்.

கேரளாவில் நடந்த இறுதி ஊர்வலத்தில் எடுக்கப்பட்ட புகைப்படம் ஒன்று சமூக வலைதளங்களில் வைரலாகி வருகிறது. காரணம்? அதில் குடும்ப உறுப்பினர்கள் சடலத்தைச் சுற்றி மகிழ்ச்சியுடன் காட்சியளிக்கிறார்கள்.

தகவல்களின்படி, கேரளாவின் பத்தனாதிட்டா மாவட்டத்தில் உள்ள மலப்பள்ளி கிராமத்தில், கடந்த வாரம் நடைபெற்ற 95 வயதான மரியம்மாவின் இறுதிச் சடங்க்கின்போது இந்தப் புகைப்படம் எடுக்கப்பட்டுள்ளது.

அவர் ஆகஸ்ட் 17 அன்று இறந்தார். அவரது இறுதிச் சடங்கில், எடுக்கப்பட்ட ‘குடும்பப் புகைப்படத்தில்’ ஐஸ்பெட்டியில் சடலத்தை நடுவில் வைத்தபடி சுற்றிலும் குறைந்தது 40 பேர் கொண்ட குடும்ப உறுப்பினர்கள் கூடிச் சிரித்துக் கொண்டிருப்பதைக் காணலாம்.

இந்த புகைப்படம் சமூக ஊடகங்களில் விவாதத்திற்கு வழிவகுத்தது, இதில் கேரள அமைச்சர் வி சிவன்குட்டியும் இணைந்தார். வயது மற்றும் உடல்நிலை காரணமாக மரியம்மா ஒரு வருடமாக படுத்த படுக்கையாக இருந்ததாகவும், கடந்த சில வாரங்களாக மோசமான உடல்நிலை மோசமடைந்ததாகவும் கூறப்படுகிறது.

அவருக்கு ஒன்பது குழந்தைகள் மற்றும் 19 பேரக்குழந்தைகள் உள்ளனர், அவர்கள் அனைவரும் உலகம் முழுவதும் பரவியுள்ளன, ஆனால் அவர் இறந்தபோது அவர்களில் பெரும்பாலோர் இறுதிச்சடங்கிற்கு வந்திருந்தனர்.

இது வைரலாகவேண்டும் என்பது எங்கள் நோக்கமில்லை அவரது உறவினர் ஒருவர் கூறினார். உறவினர் பாபு உம்மன் கூறுகையில், மரியம்மா 95 ஆண்டுகள் மகிழ்ச்சியாக வாழ்ந்ததாகவும், குழந்தைகள் மற்றும் பேரக்குழந்தைகள் அனைவரையும் நேசிப்பதாகவும் தெரிவித்தார்.

குடும்பம் அவருடன் கழித்த மகிழ்ச்சியான தருணங்களை நினைவுகூரும் வகையில் இந்த புகைப்படம் எடுக்கப்பட்டதாக அவர் கூறினார். இந்த புகைப்படம் வெள்ளிக்கிழமை அதிகாலை 2.15 மணியளவில் இறுதிச் சடங்குகளுக்குப் பிறகு எடுக்கப்பட்டதாக் கூறப்படுகிறது.

அந்த தருணத்தை புகைப்படமாக எடுத்து சேமித்து வைத்துக்கொள்ள வேண்டும் என்பது குடும்பத்தின் விருப்பமாக இருந்தது. இந்த படத்தை ஏற்றுக்கொள்ள முடியாதவர்கள் இறந்த பிறகு கண்ணீரை மட்டுமே பார்த்தவர்கள்.

புலம்புவதற்குப் பதிலாக, இறந்தவர்களை மகிழ்ச்சியுடன் விடைபெற வேண்டும். நாங்களும் அதையே செய்துள்ளோம் என்றும் யார் மீதும் எந்த புகாரும் இல்லை என்றும் குடும்ப உறுப்பினர்கள் தெரிவித்துள்ளனர்.

கேரள கல்வி அமைச்சர் வி.சிவன்குட்டியம் குடும்பத்துக்கு ஆதரவாக பேசினார். மரணம் என்பது வேதனையானது. ஆனால் அதுவும் விடைபெறுகிறது. மகிழ்ச்சியாக வாழ்ந்தவர்களுக்கு சிரித்துப் பிரியாவிடை கொடுப்பதை விட வேறு என்ன வேண்டும்? இந்த புகைப்படத்திற்கு எதிர்மறையான கருத்துக்கள் தேவையில்லை அவர் ஃபேஸ்புக்கில் தெரிவித்துள்ளார்.

ஃபேஸ்புக்கில் சில பயனர்கள் குடும்பம் மகிழ்ச்சியுடன் போஸ் கொடுத்ததற்காக விமர்சித்தனர், மற்றவர்கள் புகைப்படத்தில் எந்த தவறும் இல்லை என்று கூறி அவர்களுக்கு ஆதரவு தெரிவித்தனர்.

கேரளாவில்..

கேரளாவில் பரோட்டா தொண்டையில் சிக்கி இளைஞர் ஒருவர் உயிரிழந்த சம்பவம் பரபரப்பை ஏற்படுத்தியுள்ளது. கேரளாவின் இடுக்கில் மாநிலத்தில் உள்ள கட்டப்பனா பகுதியில் இந்த சம்பவம் நடந்துள்ளது.

தொண்டையில் ‘பரோட்டா’ சிக்கிய வாலிபர் மூச்சுத்திணறி பரிதாபமாக உயிரிழந்தார். இறந்தவர் பன்னியர் பகுதியைச் சேர்ந்த பாலாஜி என அடையாளம் காணப்பட்டுள்ளனர்.

லொறி கிளீனராக வேலை பார்த்துவரும் 34 வயதான பாலாஜி, வேலை முடிந்து உரம் ஏற்றிச் சென்ற லாரியில் தங்குவதற்குத் திரும்பிக் கொண்டிருந்தபோது இந்தச் சம்பவம் நடந்துள்ளது. இவர் இடுக்கியில் இருந்து வாங்கி வந்த பரோட்டா, லாரியில் சாப்பிட்டுக் கொண்டிருந்த போது தொண்டையில் சிக்கியது.

மூச்சு விட முடியாமல் தவித்த பாலாஜியின் நண்பரான டிரைவர் அவரை மீட்டு அருகில் உள்ள மருத்துவமனைக்கு கொண்டு சென்ற போதிலும் அவரது உயிரை காப்பாற்ற முடியவில்லை. இறந்தவருக்கு சாந்தி என்ற மனைவியும், அர்ஜுன், அஸ்வின் என்ற குழந்தைகளும் உள்ளனர்.

குஜராத்தில்..

நண்பரின் ஆசனவாயில் டம்ப்ளரை திணித்த மது போதையில் இருந்த சக நண்பர்களின் செயல் அதிர்ச்சியை ஏற்படுத்தியுள்ளது. குஜராத் மாநிலம் சூரத் பகுதியை சேர்ந்த கிருஷ்ணா சந்திரா ராவத் (வயது 45). இவர் கடந்த 10 நாட்களுக்கு முன்பு தனது நண்பர்களுடன் சேர்ந்து மது விருந்து கொண்டாடியுள்ளார்.

அப்போது போதையில் கலாட்டா செய்வதாக கூறி கிருஷ்ணாவை இழுத்து பிடித்த நண்பர்கள், அவரது ஆசன வாயில் ஒரு டம்ளரை திணித்துள்ளனர். அப்போது போதையில் இருந்ததால் அவருக்கு எதுவும் சரியாக தெரியவில்லை.

பின்னர் மறுநாள் காலை எழுந்ததும் அவருக்கு அந்த பகுதியில் வலி ஏற்பட்டிருக்கிறது. இருப்பினும் இதை வெளியே சொன்னால் அவமானமாகிவிடும் என்று எண்ணிய அவர், இதை அப்படியே விட்டுவிட்டார். மேலும் இதைப்பற்றி வீட்டாரிடமும் தெரிவிக்கவில்லை, மருத்துவரையும் அணுகவில்லை.

இப்படி நாளாக நாளாக அவருக்கு அந்த பகுதி மட்டுமின்றி, வயிற்றிலும் வலி அதிகமாக காணப்பட்டுள்ளது. இதையடுத்து அவரது குடும்பத்தாரிடம் தனக்கு வலி இருப்பதாக அவர் தெரிவிக்க அவர்கள் இவரை மருத்துவமனைக்கு அழைத்து சென்றுள்ளனர். அங்கே ஸ்கேன் எடுத்து பரிசோதித்த மருத்துவர்கள் சுமார் 15 செ.மீ., நீளமுள்ள ஒரு டம்பளர் இருப்பதை கண்டு அதிர்ச்சியடைந்தனர்.

பின்னர் இது குறித்து அவரிடம் கேட்டபோது நடந்தவற்றை கூறினார். பின்னர் அவருக்கு மருத்துவர்கள் உடனடியாக அறுவை சிகிச்சை செய்தனர். அப்போது 8 செ.மீ., விட்டமும், 15 செ.மீ., நீளமும் கொண்ட டம்ளர் அகற்றப்பட்டது.

இதுகுறித்து மருத்துவர்கள் கூறுகையில், “விளையாட்டாக எண்ணி அவரது ஆசன வாயில் போதையில் இருந்த அவரது நண்பர்கள் டம்ளரை வலுக்கட்டாயமாக திணித்துள்ளனர்.

இதனால் அவருக்கு சரிவர வயிற்றுப்போக்கு நேரவில்லை. இதனால் அவருக்கு கடுமையான வயிறு வலி ஏற்பட்டு பின்னர் இங்கு வந்தார். நாங்கள் அவரது ஆசனவாயில் இருந்த டம்ளர் அகற்றினோம்.

தற்போது அவரது உயிருக்கு எந்த ஆபத்தும் இல்லை. விரைவில் அவர் வீடு திரும்புவார்” என்றனர். போதையில் நண்பர்களே சக நண்பனின் அந்தரங்க பகுதிக்குள் 8 செ.மீ., அளவிலான டம்ளரை வலுக்கட்டயமாக திணித்துள்ள சம்பவம் அதிர்ச்சியை ஏற்படுத்தியுள்ளது.

தெலங்கானாவில்..

தெலங்கானாவில் மொத்த குடும்பமும் ஹொட்டல் அறையில் தற்கொலை செய்து கொண்ட சோகம். இந்தியாவில் ஒரே குடும்பத்தை சேர்ந்த 4 பேர் ஹொட்டல் அறையில் சடலமாக கிடந்த சம்பவத்தில் பல அதிர்ச்சி தகவல்கள் வெளியாகியுள்ளது.

தெலங்கானாவின் நிசாமாபாத்தில் உள்ள ஹொட்டலுக்கு சில தினங்களுக்கு முன்னர் சூர்யபிரகாஷ் (37), அவர் மனைவி அக்‌ஷயா (35) மற்றும் தம்பதியின் பிள்ளைகளான பிரத்யுஷா (13), ஆத்வித் (7) வந்து தங்கினார்கள்.

அறையில் இருந்து அவர்கள் இரண்டு நாட்களாக வெளியே வராமல் இருந்த நிலையில் சந்தேகமடைந்த ஹொட்டல் ஊழியர்கள் பொலிசார் உதவியுடன் கதவை உடைத்து பார்த்த போது சூர்யபிரகாஷ் தூக்கில் தொங்கிய நிலையிலும், மற்றவர் மூவரும் படுக்கையிலும் இறந்து கிடந்தனர்.

அங்கிருந்த கடிதத்தை பொலிசார் கைப்பற்றினர். அதில், நான் ரியல் எஸ்டேட் தொழில் செய்கிறேன். என்னுடன் சேர்ந்து தொழிலில் ஈடுபட்ட கிரண் குமார், வெங்கட், கனயம் சக்கரவர்த்தி, ஜனம் ஆகிய நால்வரும் லாபம் பிரிப்பதில் என்னுடன் சண்டை போட்டனர்.

என் வீட்டிற்கு வந்து எங்களை துன்புறுத்தி மோசமாக நடந்து கொண்டனர். அவர்கள் தான் எங்கள் மரணத்திற்கு காரணம் என எழுதப்பட்டிருந்தது. இது குறித்து பொலிசார் கூறுகையில்,

கேக்கில் குடும்பத்தாருக்கு விஷத்தை கலந்து கொடுத்துவிட்டு, சூர்யபிரகாஷ் தூக்கிட்டு தற்கொலை செய்திருக்கலாம். சம்பவம் தொடர்பாக வழக்குப்பதிவு செய்து விசாரணை நடத்தி வருகிறோம் என கூறியுள்ளனர்.