அபுதாபியில்..

அபுதாபியில் வசிக்கும் செல்வராணி என்ற பெண்ணிற்கு அடித்த அதிர்ஷ்டம்.பரிசு பணத்தை வைத்து ஏழைகளுக்கு உதவ விரும்புவதாக கூறியுள்ள செல்வராணி கணவர் அருள்சேகர்

வெளிநாட்டில் தமிழ்ப்பெண்ணிற்கு மில்லியனர் டிராவில் மிகப்பெரிய பரிசு விழுந்துள்ள சம்பவத்தின் சுவாரசிய பின்னணி வெளியாகியுள்ளது. அபுதாபியில் வசிப்பவர் செல்வராணி. இவர் தமிழகத்தை சேர்ந்தவர் ஆவார்.

அபுதாபியில் உள்ள லூலு மாலில் குறைந்தபட்சம் Dh200க்கு பொருட்கள் வாங்குபவர்களுக்கு பரிசு கூப்பன்கள் வழங்கப்படும். இப்படி செல்வராணி சேகரித்து வைத்திருந்த 80 கூப்பன்களில் அவருக்கு ஒரு கூப்பனுக்கு Dh1 million (ரூ.9,82,52,277.32) பரிசு விழுந்தது.

இருப்பினும் இந்த தகவலை செல்வராணியிடம் உடனடியாக மால் நிர்வாகத்தால் சொல்ல முடியவில்லை. ஏனெனில் விடுமுறைக்காக அவர் தமிழ்நாட்டிற்கு சென்றிருந்தார். அவரை தொலைபேசியிலும் தொடர்பு கொள்ள முடியாத நிலையில் அதிர்ஷ்டவசமாக வாட்ஸ் அப் வாய்ஸ் மெசேஜ் மூலம் தகவல் தெரிவிக்கப்பட்டது.

இதையடுத்து செல்வராணி அபுதாபியில் உள்ள தனது கணவர் அருள்சேகருக்கு தகவல் தெரிவித்தார். அருள்சேகர் கூறுகையில், கூப்பன்கள் என் மனைவி செல்போன் எண்களில் தான் பதிவு செய்யப்பட்டிருந்தன.

ஆனால் அவரை செல்போன் அழைப்பில் அவர்களால் தொடர்பு கொள்ள முடியாத நிலையில் வாட்ஸ் அப்பில் தொடர்பு கொண்டு தகவலை சொன்னார்கள். முதலில் யாரோ தங்களை பரிசு விழுந்ததாக சொல்லி ஏமாற்றுகிறார்கள் என்றே சந்தேகப்பட்டோம்.

பின்னர் தான் உண்மை தெரிந்தது. நாங்கள் 14 ஆண்டுகளாக அபுதாபியில் வசிக்கிறோம். பரிசு பணத்தை வைத்து எங்கள் பிள்ளைகள் கல்விக்காக செலவிடுவதோடு, ஏழைகளுக்கு உதவவும் விரும்புகிறோம் என கூறியுள்ளார்.

சென்னையில்..

பள்ளி மாணவி விபத்தில் சிக்கியதை நேரில் பார்த்த மக்கள் அதிர்ச்சியடைந்தனர். விபத்தை ஏற்படுத்திய பேருந்து ஓட்டுநர் தப்பியோடி அருகிலுள்ள காவல்நிலையத்தில் சரணடைந்தார்

சென்னையில் பள்ளி மாணவி ஒருவர் சுதந்திர தினத்தை கொண்டாடிவிட்டு திரும்பிய வழியில் பேருந்து மோதி பலியான சம்பவம் அதிர்ச்சியை ஏற்படுத்தியுள்ளது. இந்தியாவில் இன்று சுதந்திர தின விழா கொண்டாடப்பட்டு வருகிறது.

இதனையொட்டி அரசு மற்றும் அரசு உதவி பெறும் பள்ளிகளில் தேசியக் கொடி ஏற்றப்பட்டது. அதனைத் தொடர்ந்து மாணவ, மாணவிகளுக்கு இனிப்புகள் வழங்கப்பட்டன.

இந்த நிலையில் சென்னை அஸ்தினாபுரத்தைச் சேர்ந்த 12ஆம் வகுப்பு மாணவி லட்சுமிபிரியா. குரோம்பேட்டையில் உள்ள அரசு பள்ளியில் பயின்று வந்த இவர், சுதந்திர தின கொண்டாட்டத்திற்காக மிதிவண்டியில் சென்றுள்ளார்.

பள்ளியில் சுதந்திர தின விழாவை கொண்டாடிய லட்சுமிபிரியா, பின்னர் தோழிகளுடன் வீடு திரும்பினார். அப்போது அஸ்தினாபுரம் பகுதியில் மாணவி சென்று கொண்டிருந்தபோது, அவ்வழியாக வந்த அரசு பேருந்து மாணவியின் மிதிவண்டி மீது மோதியது.

இதில் நிலைதடுமாறி கீழே விழுந்த லட்சுமிபிரியா, பேருந்தின் சக்கரத்தில் சிக்கினார். இந்த விபத்தில் அவர் சம்பவ இடத்திலேயே பரிதாபமாக உயிரிழந்தார்.

சம்பவ இடத்திற்கு விரைந்த பொலிசார், மாணவியின் உடலைக் கைப்பற்றி வழக்குப்பதிவு செய்து, விசாரணை மேற்கொண்டு வருகின்றனர். சுதந்திர தினத்தில் பள்ளி மாணவி பலியான சம்பவம் பெரும் சோகத்தை ஏற்படுத்தியுள்ளது.

வேலூரில்..

நர்சிங் வேலூர் மாவட்டம் குடியாத்தம், காமாட்சி அம்மன் பேட்டை பகுதியை சேர்ந்த குமரேசன் என்பவரது மகள் கார்த்திகாதேவி (22). இவர் ஆந்திர மாநிலம் சித்தூர் அருகே உள்ள தனியார் நர்சிங் கல்லூரியில் பிஎஸ்சி நர்சிங் இறுதி ஆண்டு படித்து வந்துள்ளார்.

இதனிடையே நேற்று முன்தினம் கல்லூரியில் இருந்து இரவு தனது சொந்த ஊரான குடியாத்தம் வந்துள்ளார். பின்னர் அதிகாலை கார்த்திகாதேவி வீட்டில் தனது அறையில் மின்விசிறியில் தூக்கிட்டு தற்கொலை செய்து கொண்டுள்ளார்.

இதனை கண்ட அவரது பெற்றோர்கள் அதிர்ச்சி அடைந்து இதுகுறித்து குடியாத்தம் நகர போலீசாருக்கு தகவல் அளித்தனர். தகவலின் பேரில் சம்பவ இடத்திற்கு வந்த குடியாத்தம் நகர போலீசார் பிரேதத்தை கைப்பற்றி உடல் கூறு ஆய்யுக்காக குடியாத்தம் அரசு மருத்துவமனைக்கு அனுப்பி வைத்தனர்.

போலீசாரின் விசாரணையில், ஆந்திராவில் படித்து வந்த கார்திகாதேவிக்கு கல்லூரி எச்ஓடி மற்றும் பேராசிரியர்கள் தொடர்ந்து டார்ச்சர் செய்து வந்தது தெரிய வந்தது. இதனால், மாணவி சில நாட்களுக்கு முன்பு பெற்றோருக்கு போன் செய்துவிட்டு சொந்த ஊருக்கு வந்துள்ளார்.

இந்நிலையில்தான், மாணவி கடும் மன உளைச்சலில் தூக்கு போட்டு தற்கொலை செய்துகொண்டது தெரிய வந்தது. தமிழகத்தில் இருந்து படிப்பிற்காக வெளி மாநிலங்களுக்கு செல்லும் மாணவிகள் இதுபோன்ற தொந்தரவுகளை சந்தித்து வருவதாக குற்றசாட்டுகள் இருந்து வருகின்றன.

ஆகையால், தமிழக அரசு இதில் தனி கவனம் செலுத்தி வெளி மாநிலங்களில் தங்கி படிக்கும் தமிழக மாணவர்களின் பாதுகாப்பையும், சுதந்திரத்தையும் உறுதி செய்ய வேண்டும் என கோரிக்கைகள் எழுந்துள்ளன.

மேலும், மாணவிக்கு தொல்லை கொடுத்து வந்த ஆந்திர கல்லூரி எச்ஓடி, பேராசிரியர்கள் மீது சித்தூருக்கு சென்று புகார் கொடுக்க மாணவியின் பெற்றோர் முடிவு செய்துள்ளதாக தகவல் வெளியாகியள்ளது.

சென்னையில்..

சென்னை, திருவொற்றியூர் பகுதியில், ராட்சத அலையில் சிக்கி, ஒரே குடும்பத்தை சேர்ந்த நால்வர் மாயமாகியுள்ள நிலையில் அவர்களை தேடும் பணி தீவிரப்படுத்தப்பட்டுள்ளது.

சென்னை, கொருக்குப்பேட்டை பகுதியை சேர்ந்த கபீர் (24), அப்பான் (17), சபீர் (19). அமீர் (18) உள்ளிட்ட எட்டு பேர், ஒரே குடும்பத்தை சேர்ந்தவர்கள். இவர்கள், விடுமுறையை கழிக்க, நேற்று (ஞாயிற்றுக்கிழமை) திருவொற்றியூர் கே.வி.கே குப்பம் கடற்கரைக்கு வந்தனர்.

அங்கு, எட்டு பேரும், கடலில் இறங்கி குளித்தனர். அப்போது, ராட்சத அலையில், கபீர் , அப்பான் , சபீர், அமீர் ஆகியோர் சிக்கினர். இதை பார்த்த மற்றவர்கள் கத்தி கூச்சலிட்டனர்.

ஆனால், அவர்கள் நான்கு பேரும் கடலில் மூழ்கினர். உடனே திருவொற்றியூர் போலீசாருக்கு தகவல் கொடுக்கப்பட்டு சம்பவ இடத்துக்கு அவர்களும், கடலோர காவல் படையினர் ஆகியோர் மாயமானவர்களை தேடும் பணியில் ஈடுபட்டு வருகின்றனர்.

விடுமுறை நாளில் கடலில் குளிக்க வந்த ஒரே குடும்பத்தைச் சேர்ந்த 4 பேர் நீரில் மூழ்கி மாயமான சம்பவம் பெரும் சோகத்தை ஏற்படுத்தியுள்ளது.

திண்டுக்கல்லில்..

திண்டுக்கல்லில் துணைக்கு யாரும் இல்லாத ஏக்கத்தில் இரண்டு மகள்களுக்கு தாய் தற்கொலை செய்துகொண்ட சம்பவம் சோகத்தை ஏற்படுத்தியுள்ளது. திண்டுக்கல் மாவட்டம் வேடசந்தூர் அருகே உள்ள நாகம்பட்டி ஊராட்சி ஓட்டநாகம்பட்டி புதூரை சேர்ந்தவர் ரஞ்சிதா (27).

இவர் திருமணமாகி கணவரை பிரிந்து தந்தை வீட்டில் தனது இரண்டு மகள்களுடன் வசித்து வந்தார். சிறுவயதிலேயே தாயை இழந்த ரஞ்சிதா கணவருடனும் கருத்து வேறுபாடு காரணமாக பிரிந்து தனது தந்தையின் வீட்டில் வசித்து வரும் நிலையில் தந்தையும் தம்பியும் கேரளாவில் தங்கி வேலை செய்து வருகின்றனர்.

இந்நிலையில், துணைக்கு யாரும் இல்லாத விரக்தியில் இருந்த ரஞ்சிதா வீட்டில் யாரும் இல்லாத நேரத்தில் சேலையால் தூக்கு மாட்டி தற்கொலை செய்து கொண்டுள்ளார்.

தகவல் அறிந்த அக்கம்பக்கத்தினர் வேடசந்தூர் காவல் நிலையத்திற்கு தகவல் அளித்ததன் பேரில் இன்ஸ்பெக்டர் பாலமுருகன் உத்தரவின் பேரில் சப் இன்ஸ்பெக்டர் வேலுமணி தலைமையிலான காவல்துறையினர் ரஞ்சிதாவின் உடலை மீட்டு வேடசந்தூர் அரசு மருத்துவமனைக்கு உடற்கூறு ஆய்விற்காக அனுப்பி வைத்தனர்.

இதனையடுத்து, சந்தேக மரணம் என்று வழக்கு பதிவு செய்து தீவிர விசாரணை நடத்தி வருகின்றனர். தனக்கு யாரும் இல்லை என்ற விரக்தியில் தூக்கு போட்டு தற்கொலை செய்து கொண்ட ரஞ்சிதா,

தான் இறந்து விட்ட பிறகு தனது இரண்டு மகள்களுக்கும் யாருமே இல்லையே என்பதை நினைக்க மறந்து தற்கொலை செய்துகொண்ட சம்பவம் உறவினர்களையும், ஊர் மக்களையும் பெரும் சோகத்தில் ஆழ்த்தியுள்ளது.

தமிழகத்தில்..

ஒரே சேலையில் தூக்கிட்டு தற்கொலை செய்து கொண்ட இளம் தம்பதி. உயிரிழந்த இளம்பெண் கர்ப்பமாக இருந்தார் என கூறப்படுகிறது. தமிழகத்தில் காதல் திருமணம் செய்து கொண்ட தம்பதி ஒரே சேலையில் தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

திருவள்ளூர் மாவட்டத்தின் மயிலாடும்பாறை கிராமத்தை சேர்ந்தவர் பவித்ரா (22). இவர் தனியார் நிறுவனத்தில் வேலை செய்து வந்தார். அதே நிறுவனத்தி்ல் வேலை பார்த்து வந்தவர் சவுந்தரராஜன் (25). சில மாதங்களுக்கு முன்பு சவுந்தரராஜனும், பவித்ராவும் காதலித்து திருமணம் செய்து கொண்டனர்.

இவர்களது திருமணத்துக்கு பெற்றோர் சம்மதம் தெரிவிக்கவில்லை என்று கூறப்படுகிறது. தற்போது பவித்ரா 5 மாத கர்ப்பமாக இருந்ததாக கூறப்படுகிறது. இந்த நிலையில் கணவன்-மனைவி இடையே அடிக்கடி தகராறு ஏற்பட்டு வந்ததாக தெரிகிறது.

நேற்று காலை வீட்டில் பவித்ராவும், சவுந்தரராஜனும் ஒரே சேலையில் தூக்குப்போட்டு தற்கொலை செய்து கொண்டனர். இதனால் அதிர்ச்சி அடைந்த உறவினர்கள், பொலிசாருக்கு தகவல் கொடுத்தனர்.

சம்பவ இடத்துக்கு சென்ற பொலிசார் தம்பதியின் சடலங்களை கைப்பற்றி விசாரணை நடத்தி வருகின்றனர்.

பெங்­க­ளூரில்..

இந்­தி­யாவின் பெங்­க­ளூரு நகரில் நீதி­மன்­றத்தில் வைத்து தனது மனை­வியின் கழுத்தை கத்­தியால் வெட்­டிய சம்­பவம் பெரும் அதிர்ச்சியை ஏற்படுத்தியுள்ளது. விவா­க­ரத்துக் கோரிக்­கையின் பின்னர் மீண்டும் இணைந்து வாழ சம்­ம­தித்­தி­ருந்த நிலையில் இத்­தாக்தல் நடந்­துள்­ளமை குறிப்பிடத்தக்கது.

சிவ­கு­மாரும் அவரின் மனைவி சித்­ராவும் 7 வரு­டங்­க­ளுக்கு முன்னர் திரு­மணம் செய்து விவா­க­ரத்து செய்­வ­தற்கு இவர்கள் மனுத்­தாக்கல் செய்­தி­ருந்­தனர். இவர்­களை உள­வள ஆலோ­சனை சேவை நிகழ்­வொன்றில் பங்­கு­பற்­று­மாறு நீதி­மன்றம் அறி­வு­றுத்­தி­யது.

இதன்­படி, பெங்­க­ளூரு ஹோலே­ந­ர­சி­புர குடும்ப நீதி­மன்­றத்தில் நடை­பெற்ற ஒரு மணித்­தி­யால ஆலோ­சனை நிகழ்வில் இத்­தம்­ப­தியர் பங்­கு­பற்­றினர். இதன்­போது இவர்கள் தமக்­கி­டை­யி­லான முரண்­பா­டு­களை களைந்­து­விட்டு இணைந்து வாழ்­வற்கு அவர்கள் சம்­ம­தித்­துள்ளனர்.

எனினும் இந்­நி­கழ்வின் பின் வெளியே வந்த சித்ரா, கழி­வறை நோக்கி நடந்­த­போது பின்­தொ­டர்ந்து சென்ற சிவ­குமார் அப்­பெண்ணை கழுத்தை கத்­தியால் வெட்­டி­யுள்ளார் என குற்றம் சுமத்­தப்­பட்­டுள்­ளது.

அங்­கி­ருந்து சிவ­குமார் தப்­பி­யோட முயன்­ற­போ­திலும் அரு­கி­லி­ருந்­த­வர்கள் அவரை பிடித்து பொலி­ஸா­ரிடம் ஒப்­ப­டைத்­தனர் எனத் தெரி­விக்­கப்­ப­டு­கி­றது. சம்பவத்தில் அதி­க­ளவு இரத்தம் வெளி­யே­றி­யி­ருந்­ததால் சிகிச்­சை­ பலனின்றி சித்ரா உயி­ரி­ழந்துள்ளதாகவும் தெரிவிக்கபப்டுகின்றது.