திண்டுக்கலலில்..

திண்டுக்கல் அருகே இரு குழந்தைகள் இருப்பதை மறைத்து யூடியூப் சேனல் நடத்தி வருபவரை திருமணம் செய்வதாக ஆசை வார்த்தை கூறி ரூ.30 லட்சம் , 10 சவரன் நகை மோசடி செய்ததாக துணை நடிகை மீது பாதிக்கப்பட்டவர் புகார் அளித்துள்ள சம்பவம் பெரும் பரபரப்பை ஏற்படுத்தியுள்ளது.

முதல் திண்டுக்கல் மாவட்டம் கொடைக்கானலை சேர்ந்தவர் பகலவன் ராஜா . இவர் சொந்தமாக யூடியூப் சேனல் நடத்தி வருகிறார். இந்த சேனலில் கவிதைகள் தொடர்பான ஆடியோ, வீடியோ வெளியிட்டு வந்துள்ளார்.

இதில் நடிப்பதற்காக துணைநடிகர் ஏஜென்ட் கணேஷ் மூலம் திண்டுக்கல்லை அடுத்துள்ள தாடிக்கொம்புவை சேர்ந்த திவ்யபாரதி என்பவர் அறிமுகம் ஆகி உள்ளார். திருமணத்தடை, புத்திரபாக்கிய தடை நீக்கும் நாக பஞ்சமி,கருடபஞ்சமி விரதம் துணை நடிகை திவ்யபாரதி சினிமாவில் துணை நடிகையாகவும் உள்ளூர் தொலைக்காட்சிகளில் விளம்பரம் மற்றும் தொகுப்பாளராக நடித்து வந்துள்ளார்.

இவரை வைத்து கவிதை தொகுப்பினை வீடியோவாக எடுத்து பகலவன் ராஜா வெளியிட்டுள்ளார். இதனையடுத்து திவ்யபாரதி பகலவன் ராஜா அடிக்கடி செல்போன் மூலம் தொடர்பு கொண்டு பேசியுள்ளார். மேலும் தனது குடும்பத்துடன் கொடைக்கானலில் உள்ள பகலவன் ராஜா வீட்டிற்கு சென்று தங்கி குடும்ப ரீதியாக நட்பாக பழகியுள்ளனர்.

இரண்டு பெண் குழந்தைகள் திவ்ய பாரதி இரண்டு பெண் குழந்தைகளை அழைத்துச் சென்றுள்ளார். தனது அக்காவின் குழந்தைகள் என்றும் அக்கா கணவர் ஓடி விட்டதால் தான் வளர்ப்பதாக தெரிவித்துள்ளார். இந்நிலையில் இருவரும் ஒருவரை ஒருவர் காதலித்து வந்துள்ளனர்.

இதனையறிந்த பகலவன் ராஜாவின் தாயார் இருவருக்கும் திருமணம் செய்து வைக்க சம்மதிக்கவே திவ்யபாரதிக்கும் பகலவன் ராஜாவிற்கும் திருமணம் செய்வது என முடிவு செய்யப்பட்டது. இதனை அடுத்து திவ்யபாரதி திருமணம் செய்யாமல் காலம் கடத்தி வந்துள்ளார்.

பணம், நகை தனியாக வீடு எடுத்து தங்க வேண்டும் எனக் கூறியுள்ளார். இதனை அடுத்து திண்டுக்கல்லில் ஒரு வீடை வாடகைக்கு எடுத்து திவ்யபாரதி தங்கியுள்ளார். வீட்டுச் செலவுக்கு என மாதம் மாதம் ₹ 30 ஆயிரம் முதல் 50 ஆயிரம் வரை கொடுத்து வந்துள்ளார். மேலும் திவ்யபாரதி உடல்நிலை சரியில்லை மருத்துவ செலவிற்காக பணம் வேண்டும் என ஒன்பது லட்சம் கேட்டு வாங்கியுள்ளார்.

பகலவன் ராஜாவிடம் ஆசை வார்த்தை கூறி 10 பவுன் தங்க நகைகள் வாங்கியுள்ளார். பலே மோசடி இதனைத் தொடர்ந்து பகலவன் ராஜா திருமணம் செய்து கொள்ளலாம் எனக் கூறும் பொழுதெல்லாம் அவருடன் சண்டையிட்டு காலம் தாழ்த்தி வந்துள்ளார் . இதனால் சந்தேகம் அடைந்த பகலவன் ராஜா திவ்யபாரதியை பற்றி விசாரித்துள்ளார்.

அப்பொழுது தான் திவ்யபாரதி நடத்தை சரியில்லை என்றும், அவருக்கு ஏற்கனவே திருமணம் ஆகி இருப்பதும் ,அவருக்கு பிறந்தது தான் அந்த இரண்டு பெண் குழந்தைகள் என தெரிய வந்தது. தன்னை ஏமாற்றி ரூ.30 லட்சம் மோசடி செய்ததாக பாதிக்கப்பட்ட பகலவன் ராஜா தாடிக்கொம்பு காவல் நிலையத்தில் திவ்யபாரதி மீது புகார் அளித்தார்.

போலீசார் விசாரணை இதனைத் தொடர்ந்து மாவட்ட காவல்துறை கண்காணிப்பாளர் பாஸ்கரனிடமும் பகலவன் ராஜா புகார் அளித்தார். தற்போது வேறு மூன்று ஆண்களுடன் சேர்ந்து உல்லாசமாக சுற்றித் திரிவதாகவும் பணமுள்ள ஆண்களை குறி வைத்து தனது தேவைகளை பூர்த்தி செய்து கொள்வதாகவும் புகார் மனுவில் தெரிவித்துள்ளார் பகலவன் ராஜா. தற்பொழுது இது தொடர்பாக மாவட்ட குற்றப்பிரிவு போலீசார் விசாரணை நடத்தி வருகின்றனர்.

சென்னையில்..

சென்னை, திருவேற்காடு மாதிராவேடு சாலையில் பெண்களுக்கான தனியார் நர்சிங் கல்லூரி , விடுதியுடன் செயல்பட்டு வருகிறது. இதில், மாணவிகள் ஏராளமானோர் படிக்கின்றனர். இந்த கல்லூரி கட்டிடத்தின் , மேல் தளத்தில், கல்லூரியும், கீழ் தளத்தில், விடுதியும் உள்ளது. இந்த கல்லூரியில், ஈரோட்டை சேர்ந்த சுமதி (19) என்ற மாணவி , விடுதியில் தங்கி படித்து வந்தார்.

இந்த மாணவி, கடந்த 30 ஆம் தேதி விடுதியறையில் தூக்குப்போட்டு தற்கொலை செய்துகொண்டார். இதுகுறித்து திருவேற்காடு போலீசார் விசாரணை நடத்திய நிலையில் சிபிசிஐடிக்கு வழக்கு மாற்றப்பட்டு விசாரணை நடந்து வருகிறது. இந்த நிலையில், தனியார் செய்தி நிறுவனத்துக்கு விசாரணை அதிகாரி பகிர்ந்துள்ள தகவல் மாணவியின் தற்கொலைக்கான காரணத்தை விவரித்துள்ளது.

தற்கொலை செய்துகொண்ட மாணவி சுமதி 5 மாதமாக விடுதி கட்டணத்தை கட்டவில்லை என சொல்லபடுகிறது. அதை கட்டசொல்லி விடுதி நிர்வாகம் மாணவிக்கு அழுத்தம் கொடுத்துள்ளது. இதனால் மாணவி தனது அப்பாவுக்கு போன் செய்து, விடுதி கட்டணம் செலுத்த பணம் அனுப்பி வையுங்கள் என கேட்டுள்ளார்.

அப்போது, இனி நீ விடுதியில் தங்க வேண்டாம், வீட்டில் இருந்து கல்லூரிக்கு சென்று வா என கூறியுள்ளனர். ஆனால், பாக்கி கட்டணததை செலுத்தாமல், விடுதியில் இருந்து வெளியே செல்ல அனுமதிக்க முடியாது என கல்லூரி நிர்வாகம் கண்டிப்பாக இருந்துள்ளது.

இதனால் மாணவி மேலும் மன உளைச்சல் அடைந்துள்ளார். அதன் பின்னர் மாணவியின் அப்பா மகளின் கூகுல் பே எண்ணிற்கு 8 ஆயிரம் ரூபாய் அனுப்பியுள்ளார். அதை வைத்து மாணவி கல்வி கட்டணத்தை செலுத்தியுள்ளார்.

ஆனால், விடுதி கட்டணம் பாக்கி இருந்ததால், அதையும் கட்டசொல்லி நிர்வாகம் அழுத்தம் கொடுத்துள்ளது. பின்னர் மீண்டும் மகளின் எண்ணிற்கு 30 ஆம் தேதி அன்று 4 ரூபாய் அனுப்பியுள்ளார்.

அதை கட்டியதும் மாலை வீட்டிற்கு வந்துவிடுவேன் என மாணவி தந்தையிடம் கூறிவிட்டு அழைப்பை துண்டித்துள்ளார்.அதன் பின்னர் சுமதி வீட்டிற்கு செல்லவில்லை. சந்தேகமடைந்த தந்தை சுமதிக்கு போன் போட்டுள்ளார். ஆனால், மாணவி போனை எடுக்கவில்லை.

பின்னர் மாணவியின் தோழிக்கு போன் செய்த பிறகுதான் மகள் தற்கொலை செய்துகொண்டது தெரிந்துள்ளது.  இதுகுறித்து, கல்லூரி நிர்வாகத்திடமும், மாணவியுடன் விடுதியில் தங்கியிருந்த தோழிகளிடமும் சிபிசிஐடி குழு விசாரணை நடத்தி வருகிறது.

கேரளாவில்..

நோயால் பாதிக்கப்பட்டிருந்த தம்பிக்கு உதவி கேட்டு அண்மையில் வீடியோ வெளியிட்ட கேரள சிறுமி, அதே நோயால் பாதிக்கப்பட்டு உயிரிழந்துள்ள சம்பவம் சோகத்தை ஏற்படுத்தியுள்ளது.

கேரளா மாநிலம் கண்ணூர் பகுதியில் வசித்து வந்தவர் சிறுமி அப்ரா. வெறும் 16 வயதாகும் இவருக்கு ஒரு சகோதரனும் உள்ளார். இந்த சிறுமிக்கு SMA என்று சொல்லப்படும் ஸ்பைனல் தசை சிதைவு நோய் பாதிப்பு உள்ளது கண்டுபிடிக்கப்பட்டது. இந்த நோய் உள்ளவர்கள் தாங்களாகவே எழுந்து எந்த வேலையையும் செய்யமுடியாது.

பாதிக்கப்பட்ட சிறுமி அதற்கு தேவையான சிகிச்சை எடுத்து வந்தபோது, அவரது தம்பிக்கு உடல்நிலை சரியில்லாமல் போனது. இதையடுத்து அவரை மருத்துவமனையில் அனுமதித்தபோது, பரிசோதித்த மருத்துவர்கள் சிறுவனுக்கும் ஸ்பைனல் தசை சிதைவு நோய் இருப்பதாக கூறினர். மேலும் அவரை குணப்படுத்த வேண்டுமானால் அதற்கு மருத்துவ செலவு மிகவும் அதிகமாகும் என்றும் தெரிவித்தனர்.

இதையடுத்து தனது தம்பியை எப்படியாவது காப்பாற்ற வேண்டுமென்று சமூக வலைதளங்கள் மூலம் வீடியோ ஒன்றை வெளியிட்டார். மேலும் அந்த வீடியோவில், தானும் அந்த நோயால் பாதிக்கப்ட்டுள்ளதாகவும், இருப்பினும் தனது தம்பி உயிருடன் நீண்ட நாள் வாழ வேண்டுமெனவும் அதற்கு உதவுமாறும் கேட்டுக்கொண்டுள்ளார்.

சிறுமியின் இந்த வீடியோ வைரலானதையடுத்து உதவும் கரங்கள் பல முன்வந்தன. அப்படி சுமார் ரூ.46 கோடி வரை அந்த சிறுமி திரட்டினார். சிறுவனுக்கு ஒரு டோஸ் மருந்துக்கு மட்டும் ரூ.18 கோடி வரை செலவாகும் என மருத்துவர்கள் தெரிவித்திருந்த நிலையில், ரூ.46 கோடி வரை சிறுமி திரட்டியுள்ளார். இதையடுத்து கிடைத்த அந்த பணத்தை வைத்து அப்ரா மற்றும் அவரது தம்பிக்கு தனியார் மருத்துவமனையில் சிகிச்சை அளிக்கப்பட்டு வந்தது.

இந்த நிலையில், சிகிச்சை பலனின்றி அப்ரா நேற்று காலை உயிரிழந்தார். தனது உயிரை கூட பெரிதாக நினைக்காமல், தனது சகோதரனுக்காக குரல் கொடுத்த அந்த 16 வயது சிறுமி உயிரிழந்துள்ள சம்பவம் பெரும் சோகத்தை ஏற்படுத்தியுள்ளது. சிறுமிக்கு பலரும் இரங்கல்கள் தெரிவித்து வருகின்றனர்.

கேரள மாநிலத்தில்..

கேரள மாநிலத்தில் செல்போனில் சத்தமாக பாட்டு கேட்ட அண்ணனை, சொந்த தம்பியே கட்டையால் அடித்துக் கொன்ற சம்பவம் அதிர்ச்சியை ஏற்படுத்தியுள்ளது. பாலக்காடு மாவட்டம் பட்டாம்பி அருகே உள்ள முளையன் காவு பகுதியைச் சேர்ந்தவர் சர்வர் பாபு(24).

இவர் தனது தம்பி சக்கீர் (18) இரவு தூங்கிக் கொண்டிருக்கும்போது, செல்போனில் அதிக சத்தத்துடன் பாட்டு கேட்டுக் கொண்டிருந்தார். இதனால் சக்கீரின் தூக்கம் பாதிக்கவே, அண்ணனிடம் சத்தத்தை குறைத்து வைக்குமாறு கூறியுள்ளார். ஆனாலும், பாபு தொடர்ந்து சத்தமாக பாட்டு கேட்டுள்ளார். இது சாக்கீருக்கு மிகுந்த கோபத்தை ஏற்படுத்தியுள்ளது.

எழுந்து வந்த அவர், மரக்கட்டை ஒன்றை எடுத்து சொந்த அண்ணன் என்றும் பாராமல் தலையில் பலமுறை ஓங்கி அடித்துள்ளார். படுகாயமடைந்த பாபு ரத்த வெள்ளத்தில் சரிந்து விழுந்து மயக்கமானார். உடனே அதிர்ச்சியடைந்த தம்பி சக்கீர் அங்கிருந்து தப்பியோடிவிட்டார். சர்வர் பாபுவை அக்கம்பக்கத்தினர் மீட்டு அரசு மருத்துவமனையில் அனுமதித்தனர்.

அங்கு அவருக்கு தீவிர சிகிச்சை அளிக்கப்பட்ட நிலையில், இன்று அதிகாலை அவர் பரிதாபமாக உயிரிழந்தார். இதுகுறித்து தகவல் அறிந்து வழக்குப்பதிவு செய்த பொலிசார், தப்பியோடிய சக்கீரை கண்டுபிடித்து கைது செய்தனர். அவரிடம் கொலைக்கான காரணம் குறித்து கேட்டறிந்த பொலிசார் அதிர்ச்சி அடைந்தனர். பின்னர் அவர் நீதிமன்றத்தில் ஆஜர்படுத்தப்பட்டார்.

மும்பையில்..

20 ஆண்டுகளுக்கு முன்பு காணாமல் போன தாயை ஒரு youtube மூலம் மகள் கண்டுபிடித்துள்ள சம்பவம் நெகிழ்ச்சியை ஏற்படுத்தியுள்ளது. மகாராஷ்டிரா மாநிலம் மும்பையில் வசித்து வந்தவர் ஹமிதா பானு. தனது குடும்ப வறுமை காரணமாக துபாயில் வீட்டு வேலைக்கு செல்ல முடிவெடுத்தார்.

அதன்படி கடந்த 2002 ஆம் ஆண்டு ஒரு ஏஜென்ட் மூலம் துபாய்க்கு செல்ல தயாரானார். ஆனால் அந்த ஏஜென்ட்டோ, ஹமிதாவை துபாய்க்கு அனுப்பி வைக்காமல், மாறாக பாகிஸ்தானுக்கு அனுப்பிவைத்துள்ளார். பாகிஸ்தானில் நிர்கதியாக நின்ற ஹமிதா, தனது குடும்பத்தாரை கூட தொடர்புகொள்ள முடியாத நிலையில் இருந்தார்.

பின்னர் பாகிஸ்தான் சிந்து மகாணத்தில் உள்ள ஐதாராபத் பகுதியில் வசிக்க தொடங்கிய அவர், தனது காலத்தை கழிக்க முடிவு செய்து கிடைத்த வேலைகளையெல்லாம் செய்திருக்கிறார். இதையடுத்து, அந்த பகுதியில் வசிக்கும் ஒரு நபரை முறைப்படி திருமணமும் செய்துகொண்டு வாழ்ந்து வந்திருக்கிறார்.

இந்த நிலையில், கடந்த சில ஆண்டுகளுக்கு முன்பு இவரது கணவர் உயிரிழந்தார். இதனால் தனிமையை உணர்ந்த ஹமிதா, தனது சொந்த ஊருக்கு செல்ல விருப்பம் காட்டியுள்ளார். அதன்படி, அந்த பகுதியை சேர்ந்த வாலியுல்லா மரூப் என்பவரிடம் இவரது கதையை கூறியுள்ளார். மேலும் தனது குடும்பத்தை பார்க்க வேண்டும் என்று தெரிவித்துள்ளார்.

தற்போது 70 வயதாகும் ஹமிதாவின் ஏக்கத்தை புரிந்து கொண்ட வாலியுல்லா, அவரை அவரது குடும்பத்துடன் எப்படி சேர்த்து வைப்பது என்று யோசித்து Youtube சேனல் ஒன்றை தொடங்கினார். பின்னர் அதில், ஹமிதா பானுவை குறித்த பதிவுகளை பதிவிட்டிருக்கிறார். அதோடு, மும்பையில் உள்ள சமூக ஆர்வலர்கள் யாரேனும் இந்த வீடியோவை பார்த்தால் ஹமிதா பானுவுக்கு உதவுமாறும் கேட்டு கொண்டார்.

இதை தொடர்ந்து இது குறித்த வீடியோவை மும்பையை சேர்ந்த காப்லான் சேக் என்பவர் பார்க்க, அதனை தான் இருக்கும் அனைத்து குழுவிற்கும் பகிர்ந்திருக்கிறார். பின்னர் அந்த வீடியோ பதிவு குறித்து தகவல் பரவ, ஹமிதாவின் மகள் யாஸ்மின் பஷிர் சேக் என்பவர் மும்பையில் இருக்கும் ஒரு பகுதியில் வசித்து வருவது கண்டுபிடிக்கப்பட்டது.

இதையடுத்து அவரது மகளை தொடர்புகொண்டு தாய் இருக்கும் இடத்தை அந்த குழுவினர் தெரிவித்தனர். பின்னர், தனது தாயை தொடர்புகொண்ட யாஸ்மின், 20 ஆண்டுகளுக்கு பிறகு தாயை வீடியோ கால் மூலம் பார்த்து பேசி மகிழ்ந்துள்ளார்.

இதுகுறித்து ஹமிதாவின் மகள் யாஸ்மின் கூறும்போது, தனது தாய் ஏஜென்ட் செய்த தவறால் வேறு பகுதிக்கு சென்றதாகவும், அவரை தாங்கள் தேடும்பனியில் ஈடுபட்டு அது தோல்வியில் முடிந்ததாகவும், ஆனால் தற்போது தனது தாய் பத்திரமாக இருப்பது மகிழ்ச்சியளிப்பதாகவும் தெரிவித்தார்.

மேலும் தற்போது தனது தாய் ஹமிதா பானுவை மீண்டும் மும்பைக்கு அழைத்து வர இந்திய அரசிடம் உதவி கேட்கவுள்ளதாகவும் யாஸ்மின் கூறினார். 20 ஆண்டுகளுக்கு முன்பு தொலைந்து போன தாயை ஒரு youtube மூலம் மகள் கண்டுபிடித்துள்ள சம்பவம் நெகிழ்ச்சியை ஏற்படுத்தியுள்ளது.

ஆற்றங்கரையில்..

ஆற்றங்கரையில் காதலியுடன் அமர்ந்திருந்த காதலன் செய்த செயல் காணொளியாக வெளியாகியதோடு பயங்கர வைரலாகி வருகின்றது. சமீப காலங்களில் திருமண வீடியோக்கள், காதலர்களின் வீடியோக்கள், விலங்குகளின் வீடியோக்கள் இணையத்தை கலக்கி வருகின்றன. அதன்படி இங்கு காதலர்களின் வீடியோக்கள் ஒன்று வைரலாகி வருகின்றது.

குறித்த காட்சி வெளியான சில மணி நேரத்தில் மில்லியன் பார்வையாளர்கள் பார்த்ததுடன், 1.61 லட்சத்துக்கும் அதிகமானோர் லைக் செய்துள்ளனர். ஆரம்பத்தில் குறித்த காட்சியினை அவதானிக்கும் போது தவறாக தெரிந்தாலும், பின்பு வயிறு வலிக்க சிரிக்க வைத்துள்ளது.

ஆம் ஆற்றங்கரையில் காதலியுடன் அமர்ந்திருந்த இளைஞர் ஆர்வமாக அவர் தலையில் பேன் எடுத்துக் கொடுக்கும் காட்சிதான் இதுவாகும். இதனை வேற்று நபர் மறைந்திருந்து காணொளியாக எடுத்துள்ளார்.

View this post on Instagram

A post shared by memes comedy (@ghantaa)

மத்தியப் பிரதேசத்தில்..

மத்தியப் பிரதேசத்தில் உயிரிழந்த தாயின் சடலத்தை கொண்டு செல்வதற்கு ஆம்புலன்ஸ் தராததால் மகன்கள் இருசக்கர வாகனத்தில் தூக்கி சென்றுள்ளது சோகத்தை ஏற்படுத்தியுள்ளது. மத்திய பிரதேசம் அனுப்பூர் மாவட்டம் குடாரு கிராமத்தைச் சேர்ந்தவர் ஜெய்மந்திரி யாதவ். இவருக்கு திடீரென கடந்த வியாழக்கிழமை நெஞ்சு வலி ஏற்பட்டது.

அங்குள்ள உள்ளூர் மருத்துவமனையில் அனுமதித்த நிலையில், மேல் சிகிச்சைக்கு மருத்துவக்கல்லூரி மருத்துவமனைக்கு கொண்டு செல்ல கோரியுள்ளனர். இதனால் தாயினை அழைத்துக் கொண்டு அவரின் மகன்கள் சிகிச்சைக்காக ஷாதோல் மாவட்டத்தில் உள்ள ஷாதோல் மருத்துவக் கல்லூரி மருத்துவமனைக்கு சென்றுள்ளனர்.

ஆனால் அங்கு சிகிச்சை சரியாக அளிக்கப்படாததால் ஜெய்மந்திரி பரிதாபமாக உயிரிழந்தார். தாயின் சடலத்தை எடுத்துச் செல்வதற்கு மருத்துவமனையில் ஆம்புலன்ஸ் கேட்டதற்கு இல்லை என்று கூறியுள்ளனர். இதனால் இரண்டு மகன்களும் தாயின் உடலை இருசக்கர வாகனத்தில் வைத்து 80 கி.மீற்றர் தூரத்தில் இருக்கும் வீட்டிற்கு எடுத்துச் சென்றுள்ளனர்.

அந்த பெண்ணின் மகன் சுந்தர் யாதவ் கூறுகையில் “ எங்களின் தாய்க்கு மருத்துவமனை நிர்வாகம் முறையான சிகிச்சை அளிக்கவில்லை, செவிலியர்கள் கவனக்குறைவுடன் நடந்ததால் தான் உயிரிழந்தார்.

அவர் உடலைக் கொண்டு செல்ல ஆம்புலன்ஸ் கேட்டதற்கும் அதையும் வழங்கவில்லை. எங்களால் தனியார் வாகனத்துக்கு செலவு செய்ய ரூ.5ஆயிரம் பணம் இல்லை. இதனால் ரூ.100க்கு இரு மரக்கட்டைகளை வாங்கி எங்கள் தாயின் சடலத்தை வைத்துக் கட்டி கொண்டு சென்றோம்” எனத் தெரிவித்துள்ளார்.

பீகாரில்..

மேற்கு வங்காளத்தை சேர்ந்த பெண் ஒருவர் 7 ஆண்டுகளுக்கு முன்பு தனது 15 வயதில் சமூக ஊடகம் மூலம் அறிமுகமான ராகுல் என்ற வாலிபரை சந்திக்க சென்றுள்ளார். ஆனால் ராகுல் சிறுமியை ரூ.15 லட்சத்துக்கு ஒருவருக்கு விற்பனை செய்துள்ளார்.

பின்னர் சிறுமி பீகாரில் கமல் என்பருக்கு விற்கப்பட்டார். அவரோ உத்தரபிரதேசத்தை சேர்ந்த சித்ரா என்வரிடம் சிறுமியை விற்றுள்ளார். சித்ரா, சிறுமியை தனது 45 வயது சகோதரனுக்கு வலுக்கட்டாயமாக ‘திருமணம்’ செய்து வைத்தார்.

இந்த நேரத்தில்சிறுமி தனது தாயாரை தொடர்பு கொண்டு இது குறித்து தகவல் தெரிவித்து உள்ளார். இதற்கிடையில் போலீசார் ராகுலை கைது செய்தனர். இதனால் பயந்த சித்ரா சிறுமியை கமலிடம் ஒப்படைத்தார். தொடர்ந்து சித்ராவும் கைது செய்யப்பட்டார்.

இதை அறிந்த கமலும் அவரது உதவியாளரும் ஆத்திரத்தில் சிறுமியை பலமுறை பலாத்காரம் செய்து, காசிபூர் ரெயில் நிலையத்தில் விட்டுவிட்டு தப்பிச் சென்றனர். அங்கிருந்து போலீசார் சிறுமியை மீட்டபோது அவரால் பேச முடியவில்லை.

பின்னர் கொஞ்சம் கொஞ்சமாக இயல்பு நிலைக்கு திரும்பி தற்போது கல்லூரியில் படிக்கிறார். ஜனவரி 2015இல் வீட்டை விட்டு வெளியே சென்ற சிறுமி மே 2015இல் மீட்கப்பட்ட போது நூற்றுகணக்கான முறை பாலியல் வன்கொடுமைக்கு ஆளாகியிருந்தார்.

இது குறித்த வழக்கில் 4 பேருக்கு 20 ஆண்டுகள் சிறைத்தண்டனையும் மேலும் இருவருக்கு 10 ஆண்டுகள் சிறைத்தண்டனையும் விதித்து நீதிமன்றம் தீர்ப்பளித்து உள்ளது.