புவனேஷ்வரில்..
சின்னத்திரை நடிகை ரஷ்மிரேகா ஓஜாவின் மரணத்தை தொடர்ந்து, அவரது காதலனும், தூக்கிட்டு தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.
பிரபல ஒடியா தொலைக்காட்சி நடிகை ரஷ்மிரேகா ஓஜா. இவர் சமீபத்தில் புவனேஷ்வரில் உள்ள நயபள்ளியில் உள்ள தனது வாடகை வீட்டில் தூக்கிட்டு தற்கொலை செய்து கொண்டார். இந்நிலையில் தற்போது இவரது காதலரும் தூக்கிட்டு தற்கொலை செய்து கொண்டுள்ள சம்பவம் பரபரப்பை கிளப்பியுள்ளது.
நடிகை ரஷ்மிரேகா ஓஜா மரணம் குறித்து, அவரது தந்தை கூறுகையில் தன்னுடைய மகள் மரணத்திற்கு காரணம் அவரது காதலன் சந்தோஷ் பத்ரா என தெரிவித்திருந்தார். எனவே நடிகையின் மரணம் குறித்து, போலீசாரும் அவரது காதலனிடம் பல்வேறு கோணங்களில் விசாரணை செய்து வந்தனர்.
ரஷ்மிரேகா ஓஜா மரணத்தை தொடர்ந்து, இன்று ஒரிசா மாநிலம் ரூர்கேலாவில் உள்ள பசந்தி காலனியில் உள்ள தன்னுடைய வீட்டில் அவரின் காதலர் சந்தோஷ் பத்ரா தன்னுடைய காதலியை போலவே தூக்கிட்டு தற்கொலை செய்து கொண்டு இறந்துள்ளார்.நடிகையின் மரணம் தொடர்பாக காவல் துறையினர் சந்தோஷிடம் விசாரணை நடத்தியதால், அவர் தற்கொலை செய்து கொண்டிருக்கலாம் என கூறப்படுகிறது.
இதற்கிடையில், சந்தோஷினின் தாயார் இது குறித்து கூறுகையில், தன்னுடைய மகன் காதலியின் மரணத்திற்குப் பிறகு ‘மனநலம் பாதித்தவர் போல் காணப்பட்டதாகவும்’, ஏற்கனவே அவர் தற்கொலை செய்து கொள்ள முயன்றதாகவும்,
அப்போது அவருக்கு ஆறுதல் கூறியதாகவும் ஆனால் காவலர்களின் விசாரணைக்கு பின் ரஷ்மிரேகாவின் மரணம் குறித்து அவர் தொடர்ந்து கவலைப்பட்டு கொண்டே, இறுதியில் தன்னுடைய உயிரையே மாய்த்து கொண்டார் என கூறியுள்ளார். காதலியின் மரணத்தை தொடர்ந்து, காதலனும் அவரை போலவே தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.
