பூஸ்டர் தடுப்பூசி பெற்றவர்..

வவுனியா, மகாறம்பைக்குளம் பகுதியில் உள்ள பொதுநோக்கு மண்டபத்தில் பூஸ்டர் தடுப்பூசியைப் பெற்றுச் சென்ற குடும்பஸ்தர் ஒருவர் சில மணிநேரத்தில் ம.ரணமடைந்துள்ளார். உடற்கூற்று பரிசோதனைக்கு பின்னரே ம.ரணத்திற்கான காரணம் தெரியவரும் என பொலிசார் தெரிவித்துள்ளனர்.

வவுனியா, மகாறம்பைக்குளம் பொதுநோக்கு மண்டபத்தில் பூஸ்டர் தடுப்பூசி ஏற்றும் நடவடிக்கை முன்னெடுக்கப்பட்டிருந்தது. இதன் போது ஏற்கனவே சினோபாம் இரண்டு டோஸ் தடுப்பூசிகளையும் பெற்றிருந்த குடும்பஸ்தர் ஒருவர் இன்றையதினம் (13.12) பூஸ்டர் தடுப்பூசியாக பைசர் தடுப்பூசியைப் பெற்றிருந்ததுடன்,

சுகாதாரப் பிரிவினரின் அறிவுறுத்தலுக்கு அமைய தடுப்பூசி ஏற்றிய பின் சிறிது நேரம் அவ்விடத்தில் அமர்ந்து இருந்து விட்டு துவிச்சக்கரவண்டியில் வீடு நோக்கி சென்றுள்ளார்.

வீடு சென்று சில மணி நேரத்தில் திடீரென குறித்த நபர் ம.ரணமடைந்துள்ளார். இதனையடுத்து அவரது ச.டலம் வவுனியா வைத்தியசாலைக்கு கொண்டு செல்லப்பட்டுள்ளது.

அவர் ஏற்கனவே சில நோ.ய்களுக்கு உட்பட்டிருந்ததாக தெரிவிக்கப்படுகிறது. வவுனியா, காத்தார் சின்னக்குளம் பகுதியைச் சேர்ந்த 54 வயதுடைய குடும்பஸ்தர் ஒருவரே இவ்வாறு ம.ரணமடைந்தவராவார்.

அவரது சடலத்திற்கு தற்போது பிசீஆர் பரிசோதனை முன்னெடுக்கப்பட்டுள்ளது. அத்துடன், ம.ரணத்திற்கான காரணம் குறித்து அறிந்து கொள்ள அவரது சடலத்தை உடனடியாக உடற்கூற்று பரிசோதனை மேற்கொள்ளவும் நடவடிக்கை எடுக்கப்பட்டுள்ளதாக பொலிசார் மேலும் தெரிவித்தனர்.

போராட்டம்..

வவுனியா ஓமந்தை , பொற்கோவிலுக்குச் செல்லும் பிரதான வீதியைச் சீரமைத்துத்தருமாறு கோரிக்கையை முன்வைத்து அங்குள்ள மக்கள் வாகனங்களை வழிமறித்து போராட்டம் ஒன்றினை இன்றைய தினம் மேற்கொண்டனர். இவ்விடயம் குறித்து மேலும் தெரிவிக்கையில்,

வவுனியா ஓமந்தை பொற்கோவில் செல்லும் வீதி அங்குள்ள கிரசர் ஒன்றின் பயன்பாட்டினால் மிகவும் பாதிப்படைந்து மக்கள் பயன்பாட்டிற்குதவாக வகையில் காணப்படுகின்றனது.

இவ்வீதியைச் சீரமைத்துத்தருமாறு பல தடவைகள் கோரியும் அது சீரமைக்கப்படவில்லை . எனவே எமது பாவனையிலுள்ள வீதி அங்குள்ள கிரசர் ஒன்றிலிருந்து அகழப்பட்டு வரும் கற்கள் கொண்டு செல்லும் கனரக வாகனங்களினால் மிகவும் மோசமாகப்பாதிக்கப்பட்டுள்ளது.

இதனால் ஆலயத்திற்குச் செல்லவும் பாடசாலைகளுக்குச் செல்லவும் நோயாளர்களை அழைத்துச் செல்லவும் பல்வேறு அசௌகரியங்களை மேற்கொண்டு வருகின்றோம்.

எமது வீதி சீரமைப்பதற்குரிய உத்தரவாதம் அளிக்கப்படும் வரையில் எமது போராட்டம் தொடரும் என்று தெரிவித்து அங்கிருந்து கற்கள் அகழ்வு மேற்கொண்டு வரும் வாகனங்களை வழிமறித்து அப்பகுதி மக்கள் தொடர் போராட்டத்தை மேற்கொண்டனர்.

மெனிக்பாம் கிராமத்தில்..

செட்டிகுளம் மெனிக்பாம் கிராம மக்களின் வாழ்வாதாரத்திற்காக பயிரிடப்பட்ட உழுந்து பயிர்களைச் சேதப்படுத்தி எல்லைக் கற்களை நாட்டி காணிகளை வனவளத் திணைக்களத்தினர் கையகப்படுத்தியுள்ளனர்.

போரின் பாதிப்புக்களை சுமந்த பல்வேறு இடப்பெயர்வுகளை சந்தித்து மீள் குடியேற்றம் செய்யப்பட்ட மெனிக்கபாம் கிராமத்தில் 850 இற்கும் மேற்பட்ட குடும்பங்கள் வசித்து வரும் நிலையில் 100க்கு மேற்பட்ட குடும்பங்கள் தமது வாழ்வாதாரமாக உழுந்து செய்கையை பல வருடங்களாக செய்கை பண்ணி வருகின்றனர்.

குறித்த பகுதியில் மக்கள் மீள் குடியேற்றம் செய்யப்பட்ட போது மேட்டு நிலக் காணி வாழ்வதாரத்திற்காக ஒவ்வொரு குடும்பங்களுக்கும் வழங்கப்படும் என பிரதேச செயலகத்தால் வாய் மொழி மூலம் வழங்கப்பட்ட உத்தரவாத்திற்கு அமைவாக அம் மக்கள் தமது வீடுகளுக்கு பின்னால் இருந்த சிறிய பற்றை காடுகளை துப்பரவு செய்து கடந்த பல வருடங்களாக மேட்டு நிலப் பயிற்செய்கையில் ஈடுபட்டு வருகின்றனர்.

இம்முறையும் சுமார் 100 ஏக்கருக்கு மேற்பட்ட காணிகளில் உழுந்து பயிரிட்டுள்ளனர். குறித்த உழுந்து பயிரிடப்பட்டு ஒன்றரை மாதங்கள் கடந்த நிலையில் அங்கு சென்ற வனவளத் திணைக்களத்தினர் பூத்துக் காணப்பட்ட உழுந்து செடிகளுக்குள் தமது உழவு இயந்திரத்தை ஓடிச் சென்று அவ் உழுந்து பயிர்களை சேதப்படுத்தி எல்லைக் கற்களை நாட்டியுள்ளனர்.

இதனால் பலரது உழுந்து செய்கை பகுதியளவில் சேதமடைந்துள்ளதுடன், தற்போதைய பொருளாதார நிலைக்கு ஈடுகொடுக்க முடியாது கடன் பட்டும், வட்டிக்கு பணம் பெற்றும், அடைவு வைத்தும் உழுந்து பயிற்செய்கையில் ஈடுபட்ட பலர் தமது கண் முன்னே உழுந்து பயிர்கள் சேதமாக்கப்பட்டதை பார்த்து கண்ணீர்விட்டு அழுததுடன், வனவள திணைக்கள அதிகாரிகளின் மனிதாபிமானமற்ற செயற்பாடு தொடர்பாக கவலையும் அதிருப்தியும் வெளியிட்டுள்ளனர்.

அத்துடன், தமது உழுந்து பயிற்செய்கை நிலங்களை தமது வாழ்வாதாரத்திற்கான மேட்டு நிலப் பயிற்செய்கைக்கு பெற்றுத் தர உரிய அதிகாரிகள் கவனம் செலுத்த வேண்டும் எனவும் பாதிக்கப்பட்ட மக்கள் கோரியுள்ளனர்.

பூவரசன்குளம்..

வவுனியா, பூவரசன்குளம் பண்ணை ஒன்றுக்குள் மாடுகள் சென்றமையால் ஏற்பட்ட கைகலப்பில் பெண் உட்பட நால்வர் காயமடைந்துள்ளதுடன், மூவர் கைது செய்யப்பட்டுள்ளதாக பூவரசன்குளம் பொலிசார் தெரிவித்துள்ளனர்.

வவுனியா, பூவரசன்குளம் பகுதியில் அமைந்துள்ள பண்ணை ஒன்றுக்குள் அப் பகுதியில் வசிக்கும் குடும்பம் ஒன்று வளர்க்கும் மாடுகள் நேற்று (11.12) மாலை உட்சென்றுள்ளதாக பண்ணையில் நின்றவர்கள் தெரிவித்துள்ளனர்.

இதன்போது மாட்டு உரிமையாளர்கள் அவ்விடத்திற்கு சென்ற போது பண்ணையில் இருந்தோருக்கும், மாட்டு உரிமையாளர்களான கணவன், மனைவிக்கும் இடையில் வாய்த்தர்க்கம் ஏற்பட்டுள்ளது. குறித்த வாய்த்தர்க்கமானது கைகலப்பாக மாறியதில் பெண் ஒருவரும், பண்ணையில் இருந்த ஒருவரும் காயமடைந்துள்ளனர்.

இச் சம்பவத்தையடுத்து பண்ணையில் நின்றவர்கள் வீதியில் சென்ற போது அங்கு வந்த சிலர் அவர்களை வழி மறித்து தாக்கியுள்ளனர். இதில் ஒருவர் காயமடைந்துள்ளார்.

இக் கைகலப்பு சம்பவங்களில் மாட்டு உரிமையாளரின் மனைவியான பெண் மற்றும் பண்ணையில் இருந்தோர் இருவர் என மூவர் காயமடைந்த நிலையில் வவுனியா வைத்தியசாலையில் சிகிச்சைக்காக அனுமதிக்கப்பட்டுள்ளனர்.

அத்துடன் பண்ணையில் நின்றவர்களை ஏற்றிச் சென்ற ஆட்டோ சாரதி மீதும் தாக்குதல் மேற்கொள்ளப்பட்ட நிலையில் அவரும் தனியார் வைத்தியசாலையில் சிகிச்சை பெற்று வருகின்றார்.

குறித்த சம்பவங்கள் தொடர்பில் விசாரணைகளை முன்னெடுத்து வந்த பூவரசன்குளம் பொலிசார் அப் பகுதியைச் சேர்ந்த மூவரை இரவு (11.12) கைது செய்துள்ளதாக தெரிவித்துள்ளனர்.

கைது செய்யப்பட்டவர்களிடம் மேலதிக விசாரணைகளை முன்னெடுத்துள்ள பொலிசார் அவர்களை நீதிமன்றில் முற்படுத்த நடவடிக்கை எடுத்துள்ளதாகவும் தெரிவித்துள்ளனர்.

விபத்து..

கொழும்பில் இருந்து யாழ் நோக்கிச் சென்ற புகையிரதம் வவுனியாவில் முச்சக்கர வண்டி ஒன்றுடன் மோதி விபத்துக்குள்ளானது.

இதன்போது முச்சக்கர வண்டி சாரதி முச்சக்கர வண்டியில் இருந்து பாய்ந்தமையால் மயிரிழமையில் உயிர் தப்பியுள்ளார். இன்று (12.12) காலை 10.45 மணியளவில் இடம்பெற்ற இச் சம்பவம் தொடர்பில் மேலும் தெரியவருவதாவது,

கொழும்பில் இருந்து யாழ் நோக்கி சென்ற கடுகதி புகையிரதமானது தாண்டிக்குளம் பகுதியில் பயணித்துக் கொண்டிருந்த போது குறித்த பகுதியில் இருந்த பாதுகாப்பற்ற புகையிரதக் கடவையை கடக்க முற்பட்ட முச்சக்கர வண்டியுடன் மோதி விபத்துக்குள்ளானது.

குறித்த விபத்தின் காரணமாக சுமார் 50 மீற்றர் தூரத்திற்கு முச்சக்கர வண்டி இழுத்துச் செல்லப்பட்டுள்ளதுடன், அது முழுமையாக சேதமடைந்துள்ளது.

முச்சக்கர வண்டியின் சாரதி விபத்தின் போது பாய்ந்தமையால் மயிரிழையில் உயிர் தப்பியுள்ளார். இவ் விபத்து தொடர்பில் வவுனியா பொலிசார் விசாரணைகளை மேற்கொண்டு வருகின்றனர்.

இதேவேளை, குறித்த பாதுகபாப்பற்ற புகையிரதக் கடவையில் பல தடவைகள் விபத்துக்கள் ஏற்பட்டிருந்தமையும், உயிரிழப்புக்கள் ஏற்பட்டிருந்தமையும் குறிப்பிடத்தக்கது.

விபத்து..

வவுனியா புளியங்குளம் பகுதியில் இன்று (12.12.2021) காலை 9.30 மணியளவில் துவிச்சக்கரவண்டியில் சென்றவரை டிப்பர் வாகனம் மோதியதில் ஒருவர் காயமடைந்துள்ளனர்.

புளியங்குளம் இராமனூர் பகுதியிலுள்ள எரிபொருள் நிலையத்தினை அண்மித்த சமயத்தில் வீதியோரமாக துவிச்சக்கரவண்டியில் சென்றவரை துவிச்சக்கரவண்டியின் பின்பகுதியில் வந்து கொண்டிருந்த டிப்பர் வாகனம் மோதியுள்ளது.

இவ்விபத்தில் டிப்பர் வாகனத்தின் கீழ் பகுதியினுள் துவிச்சக்கரவண்டி சிக்குண்டதுடன் துவிச்சக்கரவண்டியின் சாரதி காயங்களுடன் உயிர்தப்பினார்.

விபத்து தொடர்பான மேலதிக விசாரணைகளை போக்குவரத்து பொலிஸார் மேற்கொண்டு வருகின்றனர்

கைகலப்பு..

வவுனியா, பூவரசன்குளம் பகுதியில் உள்ள பண்ணை ஒன்றுக்குள் மாடு நுழைந்தமையால் ஏற்பட்ட கைகலப்பில் பெண் ஒருவர் உட்பட மூவர் காயமடைந்து வவுனியா வைத்தியசாலையில் அனுமதிக்கப்பட்டுள்ளதாக பொலிசார் தெரிவித்துள்ளனர்.

இன்று மாலை (11.12) இடம்பெற்ற இச் சம்பவம் தொடர்பில் மேலும் தெரியவருவதாவது, வவுனியா, பூவரசன்குளம் பகுதியில் அமைந்துள்ள பண்ணை ஒன்றுக்குள் அப் பகுதியில் வசிக்கும் குடும்பம் ஒன்று வளர்க்கும் மாடுகள் உட் சென்றுள்ளதாக பண்ணையில் நின்றவர்கள் தெரிவித்துள்ளனர்.

இதன்போது மாட்டு உரிமையாளர்கள் அவ்விடத்திற்கு சென்ற போது பண்ணையில் இருந்தோருக்கும், மாட்டு உரிமையாளர்களான கணவன், மனைவிக்கும் இடையில் வாய்த்தர்க்கம் ஏற்பட்டுள்ளது.

குறித்த வாய் தர்க்கமானது கைகலப்பாக மாறியதில் பெண் ஒருவரும், பண்ணையில் இருந்த ஒருவரும் காயமடைந்துள்ளனர். இச் சம்பவத்தையடுத்து பண்ணையில் நின்றவர்கள் வீதியில் சென்ற போது அங்கு வந்த சிலர் அவர்களை வழி மறித்து தாக்கியுள்ளனர்.

இதில் ஒருவர் காயமடைந்துள்ளார். இக் கைகலப்பு சம்பவங்களில் மாட்டு உரிமையாளரின் மனைவியான பெண் மற்றும் பண்ணையில் இருந்தோர் இருவர் என மூவர் காயமடைந்த நிலையில் வவுனியா வைத்தியசாலையில் சிகிச்சைக்காக அனுமதிக்கப்பட்டுள்ளனர்.

குறித்த சமபவம் தொடர்பில் பூவரசன்குளம் பொலிசார் விசாரணைகளை முன்னெடுத்துள்ளதாக பொலிசார் மேலும் தெரிவித்தனர்.

அல் – இக்பால் மகாவித்தியாலய மாணவர்கள்..

மலேரியா ஒழிப்பு தினத்தை முன்னிட்டு தேசிய ரீதியில் நடைபெற்ற சித்திரப் போட்டியில் வவுனியா, அல் இக்பால் மகாவித்தியாலய 8 மாணவர்கள் சாதனை படைத்துள்ளனர்.

சுகாதாரத் திணைக்களத்தின் மலேரியா ஒழிப்பு பிரிவினரால் தேசிய ரீதியில் மலேரியா ஒழிப்பு தினத்தை முன்னிட்டு பாடசாலை மாணவர்கள் மத்தியில் சித்திரப் போட்டி ஒன்று நடத்தப்பட்டது.

அதில் மலேரியா ஒழிப்பு தொடர்பில் சிறப்பான விழிப்புணர்களை வழங்கக் கூடிய சித்திரங்களை வரைந்த மாணவர்கள் வெற்றியாளர்களாக தெரிவுசெய்யப்பட்டனர்.

அதற்கமைய வவுனியா, சூடுவெந்தபுலவு அல் – இக்பால் மகாவித்தியாலயத்தை சேர்ந்த 8 மாணவர்களின் சித்திரங்களும் சிறந்த படைப்புக்காக தெரிவு செய்யப்பட்டு வெற்றியாளர்களாக அறிவிக்கப்பட்டுள்ளனர்.

வெற்றிபெற்ற என்.எப்.றிமாசா, எஸ்.அப்ரா, எம்.கே.எம்.இம்ராஸ், என்.எப்.ஹஸ்னா, ஏ.அசீமா, எல்.எப்.சம்கா, வி.எப்.அன்சிபா, ஏ.எம்.பகாத் ஆகிய மாணவர்களுக்கு பாடசாலையின் அதிபர் ஏ.கே.உபைத்,

சுகாதாரப் திணைக்களின் பிராந்திய மலேரியா தடுப்பு பிரிவைச் சேர்ந்த எஸ்.சரண்ராஜ் மற்றும் மலேரியா தடுப்பு பிரிவு உத்தியோகத்தர்கள் இணைந்து மாணவர்களுக்கான வெற்றிச் சானிறிதழ்களை வழங்கி வைத்தனர்.