இறந்த கணவன் சடலத்தை பார்த்து கதறி அழுத மனைவி : பிரேத பரிசோதனையில் தெரிந்த அதிர்ச்சி உண்மை!!

தமிழகத்தில்..

தமிழகத்தில் கணவர் நெஞ்சு வலியால் உ.யிரிழந்துவிட்டார் என மனைவி நாடகமாடிய நிலையில் அவர் கொ.லை செ.ய்யப்பட்டது வெளிச்சத்திற்கு வந்துள்ளது.

தேனி மாவட்டம் பெரியகுளத்தை சேர்ந்த தம்பதி ரஞ்சித் குமார் சிங் – சத்யா (28). இவர்கள் தனது இரண்டு வயது மகளுடன் வசித்து வந்த நிலையில், கடந்த 18-ம் திகதி இரவு ரஞ்சித்குமார் சிங் நெ.ஞ்சுவலியால் இ.றந்துவிட்டதாக மனைவி சத்யா கூறியுள்ளார்.

இதனையடுத்து அவர்களது வீட்டிற்கு வந்து ச.டலத்தை பார்த்த ரஞ்சித்குமார் சிங்கின் தந்தை, இ.றப்பில் ச.ந்தேகம் உள்ளதாக காவல் நிலையத்தில் பு.கா.ர் அளித்தார்.

அப்போது ச.டலத்தை பார்த்து சத்யா க.தறி அ.ழுதபடி இருந்தார். இதனையடுத்து ச.டலத்தை கை.ப்பற்றிய பொலிசார் உடற்கூறாய்வுக்கு அனுப்பி வைத்தனர்.

அப்போதுதான் ரஞ்சித்குமார் சிங் க.ழு.த்.து நெ.ரி.க்.க.ப்.ப.ட்.டு கொ.லை செ.ய்யப்பட்டிருப்பது தெரிய வந்தது. இதனையடுத்து மனைவி சத்யாவிடம் பொலிசார் தீ.விர வி.சாரணை மேற்கொண்டனர்.

வி.சாரணையில், ரஞ்சித்குமார் சிங் வேறொரு பெண்ணுடன் தொடர்பில் இருந்ததால், ஆ.த்திரமடைந்த சத்யா, பல முறை கண்டித்திருப்பதும், சம்பவத்தன்று இரவு ம.து.போ.தை.யி.ல் வீட்டுக்கு வந்த அவரை க.ம்பியால் க.ழு.த்.தை நெ.ரி.த்து கொ.லை செ.ய்ததும் க.ண்டுபிடிக்கப்பட்டது.

மேலும், நெ.ஞ்சுவலியால் தன் க.ணவர் இ.றந்துவிட்டதாக கூறி அனைவரிடமும் நாடகமாடியதையும் பொலிசார் கண்டறிந்தனர். இதனையடுத்து சத்யாவை கைது செய்த பொலிசார் தொடர்ந்து வி,சாரணை மேற்கொண்டுள்ளனர். இந்த சம்பவம் பெரியகுளம் பகுதியில் பரபரப்பை ஏற்படுத்தியது.

இலங்கையில் முதன்முறையாக ஒரே நாளில் நடந்த அதிரடி மாற்றம்!!

கொவிட்..

இலங்கையில் தற்போது தீவிரம் அடைந்து வரும் கொவிட் தொற்றிலிருந்து பெரும் எண்ணிக்கையிலானோர் இன்று குணமடைந்துள்ளதாக அறிவிக்கப்பட்டுள்ளது.

கொவிட் தொற்று காரணமாக பல்வேறு வைத்தியசாலைகளில் சிகிச்சை பெற்று வந்த தொற்றாளர்களில் 18,769 பேர் குணமடைந்து வீடு திரும்பியுள்ளனர்.

இந்தத் தகவலை சுகாதார அமைச்சின் தொற்று நோயியல் பிரிவு தெரிவித்துள்ளது. இதற்கமைய, இலங்கையில் கொரோனா தொற்றிலிருந்து குணமடைந்தவர்களின் மொத்த எண்ணிக்கை 342,159 ஆக அதிகரித்துள்ளது.

இலங்கையில் இதுவரை கொவிட் தொற்றால் 386000இற்கு மேல் பாதிக்கப்பட்டுள்ளனர். இவர்களில் 342,159 பேர் பூரண குணமடைந்துள்ளதுடன், 7183 பேர் உயிரிழந்தமை குறிப்பிடத்தக்கது.

கொரோனா மரணங்களின் எண்ணிக்கை மேலும் உயர்வு!!

கொரோனா..

நாட்டில் நேற்றைய தினம் கோவிட் தொற்றால் 183 பேர் உயிரிழந்துள்ளனர். சுகாதார சேவைகள் பணிப்பாளர் நாயகத்தின் உறுதிப்படுத்தலுடன் அரசாங்க தகவல் திணைக்களம் விடுத்துள்ள அறிக்கையில் இந்த தகவல் வெளியிடப்பட்டுள்ளது.

இதற்கமைய நாட்டில் பதிவான கோவிட் மரணங்களின் மொத்த எண்ணிக்கை 7,366 ஆக அதிகரித்துள்ளது. நேற்று உயிரிழந்தவர்களில் 76 பெண்களும், 107 ஆண்களும் உள்ளடங்குவதாக அரசாங்க தகவல் திணைக்களத்தின் அறிக்கையில் குறிப்பிடப்பட்டுள்ளது.

மேலும், 30 வயதுக்கும் குறைந்த இருவரும், 30 முதல் 59 வயது வரையிலான 45 பேரும், 60 வயதுக்கும் மேற்பட்ட 136 பேரும் மரணித்துள்ளனர்.

வவுனியாவில் இன்று 3 பேர் கொரோனா தொற்றால் மரணம்!!

கொரோனா..

வவுனியா வைத்தியசாலையில் கொரோனா தொற்றால் மேலும் ஒரு ஆண் மரணமடைந்துள்ளதாக மாவட்ட சுகாதாரப் பிரிவினர் தெரிவித்துள்ளனர்.

கொரோனா தொற்று காரணமாக வவுனியா வைத்தியசாலையில் அனுமதிக்கப்பட்டு கொரோனா சிகிச்சை விடுதியில் சிகிச்சை பெற்று வந்த நிலையில் சிகிச்சை பலனின்றி இன்று இரவு (22.08) குறித்த ஆண் உயிரிழந்துள்ளார்.

வவுனியா, பட்டானிச்சூர், மூன்றாம் ஒழுங்கையைச் சேர்ந்த ஆண் ஒருவரே இவ்வாறு மரணமடைந்தவராவார். அவரது உடலை சுகாதார நடைமுறைகளைப் பின்பற்றி அடக்கம் செய்வதற்கான நடவடிக்கைகளை சுகாதாரப் பிரிவினர் முன்னெடுத்துள்ளனர்.

இதேவேளை இன்று பிற்பகல் தோணிக்கல் சிவன்கோவலடிப் பகுதியைச் சேர்ந்த 68 வயது ஆண் ஒருவரும் தொற்று காரணமாக வவுனியா வைத்தியசாலையில் மரணமடைந்திருந்தார்.

மேலும் வவுனியா மதவுவைத்தகுளம் கொரோனா வைத்தியசாலையில் அனுமதிக்கப்பட்டிருந்த சிப்பிகுளம் பகுதியை சேர்ந்த ஒருவர் கொரோனா தொற்று காரணமாக இன்று மரணமடைந்தார்.

அவர் திடீர் சுகவீனமுற்றநிலையில் வவுனியா வைத்தியசாலையில் நேற்று அனுமதிக்கப்பட்டார். எனினும் சிகிச்சை பலனின்றி இன்று மரணமடைந்தார்.

இதேவேளை இன்று மட்டும் வவுனியாவில் 3 பேர் கொரோனா தொற்று காரணமாக மரணமடைந்ததுடன் வவுனியாவில் கொரோனா மரணங்களின் எண்ணிக்கை அதிகரித்து வருகின்றமை குறிப்பிடத்தக்கது.

ஏ9 வீதியில் இடம்பெற்ற விபத்தில் ஒருவர் பலி : மற்றுமொருவர் காயம்!!

கிளிநொச்சி..

கிளிநொச்சி, ஏ 9 வீதியில் இன்று மாலை இடம்பெற்ற வீதிவிபத்தில் ஒருவர் பலியானதுடன் மற்றொருவர் படுகாயமடைந்துள்ளார். குறித்த சம்பவம் கிளிநொச்சி 155ஆம் கட்டைப் பகுதியில் இடம்பெற்றுள்ளது.

தென்னிலங்கையிலிருந்து யாழ். நோக்கி பயணித்த வான் ஒன்றும், எதிர் திசையில் பயணித்த மோட்டார் சைக்கிள் ஒன்றும் நேருக்கு நேர் மோதியே விபத்து நேர்ந்துள்ளதாக சம்பவத்தை நேரில் பார்த்தவர்கள் தெரிவித்துள்ளனர்.

வானின் சாரதியின் தூக்கக் கலக்கம் காரணமாகவே சம்பவம் இடம்பெற்றிருக்கலாம் என சந்தேகிக்கப்படுகின்றது. இதேவேளை வானின் சாரதி கிளிநொச்சி பொலிஸாரால் கைது செய்யப்பட்டுள்ளதுடன், படுகாயமடைந்தவர் கிளிநொச்சி மாவட்ட வைத்தியசாலையில் அனுமதிக்கப்பட்டுள்ளார்.

காபூல் விமான நிலையத்தில் நடந்த நெகிழ்ச்சி சம்பவம்!!

ஆப்கானிஸ்தானில்..

ஆப்கானிஸ்தானில் நிலைகொண்டிருந்த அமெரிக்க படைகளின் வெளியேற்றத்தை அடுத்து, அங்கு 20 வருடங்களுக்குப் பிறகு ஆட்சியை கைப்பற்றியுள்ளது தலிபான் பயங்கரவாதிகள். இந்த நிலையில், தலிபான்களில் ஆட்சியை விரும்பாத ஆப்கானிஸ்தான் மக்கள் நாட்டை விட்டு வெளியேறுவதற்கான முயற்சியில் ஈடுபட்டுள்ளனர்.

இதையடுத்து அண்மைய நாட்களில் காபூல் விமான நிலையத்தில் மக்கள் கூட்டம் அலைமோதியது. கிடைக்கும் விமானங்களில் ஏறி நாட்டை விட்டு சென்றுவிட வேண்டும் என மக்கள் பறிதவித்த காட்சிகள் அனைவரையும் அதிர்ச்சிக்குள்ளாக்கியது.

இதேவேளை, விமானங்களில் சக்கரங்கள் மற்றும் இறக்கைகளில் தொங்கி இருந்தவர்கள், நடுவானில் பறந்துகொண்டிருக்கும் விமானத்தில் இருந்து கீழே விழுந்த சம்பவங்களும் அரங்கேறியிருந்தன.

இந்நிலையில் நம்மால் செல்ல முடியவில்லை என்றாலும், நம் பிள்ளைகளாவது வெளிநாட்டிற்கு சென்று நிம்மதியாக உயிர் வாழட்டும் என்று, குழந்தைகளை விமானநிலையத்தில் இருக்கும் இராணுவ வீரர்களிடம் ஒப்படைத்து வருகின்றனர்.

அப்படி ஒப்படைக்கப்படும் குழந்தைகள், பாதுகாப்பாக வேறொரு நாட்டில் இருக்கும் குழந்தைகள் தத்தெடுக்கும் நிறுவனத்திடம் கொடுக்கப்படும் என்று கூறப்படுகிறது.

இந்நிலையில், அப்படி காபூல் விமான நிலையத்தில் தனது தாயிடம் இருந்து பிரிந்து சென்ற 2 மாத ஆப்கானிய குழந்தையை துருக்கி இராணுவ வீரர்கள் பாசத்துடன் கவனித்து வந்துள்ளனர். இந்த குழந்தை முதலில் யார் என்பது தெரியவில்லை. இது தொடர்பான புகைப்படம் மட்டும் வெளியாகியிருந்தது.

இதையடுத்து தற்போது, அந்த குழந்தையின் பெயர் Farista Rahmani என்வும் பிறந்து 2 மாதமே ஆன நிலையில், விமானநிலையத்தில் ஏற்பட்ட கூட்ட நெரிசலின் போது, குழந்தை காணாமல் போனதாகவும்,தெரியவந்துள்ளது.

அதைத் தொடர்ந்து துருக்கி இராணுவம் அந்த குழந்தையை பத்திரமாக மீட்டு, உணவளித்து வந்துள்ளனர். அதன் பின் அந்த குழந்தையின் பெற்றோர் யார் என்பது தெரியவந்ததால், அது குழந்தையின் தந்தையிடன் ஒப்படைக்கப்பட்டுள்ளது.

குழந்தையின் தாய் Hadiya Rahmani எனவும் தந்தை Ali Musa Rahmani எனவும் தெரிவிக்கப்பட்டுள்ளது. இருப்பினும், அந்த குழந்தையை தன் குழந்தை போல், துருக்கி பெண் இராணுவ வீராங்கனை பாசமாக அணைத்து முத்தமிட்டுக் கொண்ட அந்த ஒற்றை புகைப்படம் இணையத்தை கலக்கி வருகிறது.

இதே போல் ,விமான நிலையத்தைச் சுற்றி அமைக்கப்பட்டிருந்த முள்வேலியை தாண்டி தங்கள் குழந்தைகளை மறு பக்கம் நின்றிருந்த இராணுவ வீரர்களிடம் கொடுக்கும் காட்சிகளும் வெளியாகியுள்ளன.

அப்படி கொடுக்கப்பட்ட ஒரு குழந்தையை அமெரிக்க வீரர் ஒருவர் வாங்கி தன் சக வீரரிடம் கொடுக்கும் காட்சி அடங்கிய காணொளி ஒன்று வைரலானது. இந்நிலையில், அந்த சம்பவம் தொடர்பாக அமெரிக்க இராணுவ அதிகாரி ஒருவர் விளக்கமளித்துள்ளார்.

அந்த பெண் குழந்தைக்கு உடல் நலம் பாதிக்கப்பட்டதாலேயே அமெரிக்க வீரர்களிடம் ஒப்படைக்கப்பட்டது என அந்த அதிகாரி கூறியுள்ளார். விமான நிலையத்தில் அமைக்கப்பட்டிருந்த மருத்துவமனைக்கு கொண்டு செல்லப்பட்ட அந்த குழந்தைக்கு சிகிச்சையளிக்கபட்டபின், மீண்டும் அந்த குழந்தை அதன் தந்தையிடம் ஒப்படைக்கப்பட்டதாக அவர் தெரிவித்துள்ளார்.

புகைப்பிடிப்பவர்களுக்கு விடுக்கப்பட்டுள்ள எச்சரிக்கை!!

எச்சரிக்கை..

புகைப்பிடிப்பவர்களுக்கு கோவிட் பெருந்தொற்றின் தாக்கம் புகைப்பிடிக்காதவர்களிலும் 14 மடங்கு அதிகம் என தெரிவிக்கப்படுகின்றது. புகையிலை மற்றும் மதுபானம் தொடர்பான தேசிய அதிகாரசபையின் தலைவர் டொக்டர் சமாதி ராஜபக்ச தெரிவித்துள்ளார்.

செய்தியாளர் சந்திப்பில் அவர் இதனைத் தெரிவித்துள்ளார். அவர் மேலும் கூறுகையில், வீட்டிலோ அல்லது வெளியிடம் ஒன்றிலோ புகைப்பிடிப்பவர்களுடன் இருந்தால் கோவிட் தொற்று தாக்கும் சாத்தியம் அதிகமாகும்.

கோவிட் தொற்று ஏற்படக்கூடிய சாத்தியம் அதிகம் என்பது போன்றே அதனால் ஏற்படக்கூடிய பாதிப்புக்களினால் மரணம் நேரக்கூடிய சாத்தியமும் அதிகமாகும்.

தடுப்பூசி ஏற்றிக்கொண்டாலும் புகைப்பிடித்தல் மற்றும் மதுபானம் அருந்துதல் பழக்கமுடையவர் என்றால் தடுப்பூசி மூலம் உருவான நோய் எதிர்ப்பு சக்தி பலவீனமடையும் என டொக்டர் சமாதி ராஜபக்ச தெரிவித்துள்ளார்.

நாட்டை திக்குமுக்காட வைக்கும் கொரோனா மரணங்கள் : இலங்கைக்கு இரண்டாம் இடம்!!

கொரோனா..

ஆசிய வலயத்தில் அதிக கொரோனா மரணங்கள் பதிவான வரிசையில் இலங்கை இரண்டாம் இடத்தில் உள்ளது. கடந்த ஒரு வாரத்தில் பதிவாகிய கொரோனா மரணங்களின் அடிப்படையில் இலங்கை இரண்டாம் இடத்தில் உள்ளது. உலக கொரோனா நிலைமை குறித்து அறிக்கையிட்டு வரும் worldometers இணையத்தளத்தை சுட்டிக்காட்டு இந்த தகவல் வௌியாகியுள்ளது.

கடந்த ஒரு வாரத்தில் இலங்கையில் 1209 கொரோனா மரணங்கள் பதிவாகியுள்ளன. அதாவது ஒவ்வொரு ஒரு மில்லியன் மக்கள் தொகையில் 56 பேர் உயிரிழக்கின்றனர்.

ஆசிய வலயத்தில் உள்ள 48 நாடுகளில் இலங்கை இரண்டாம் இடத்தில் உள்ளது. ஜோர்ஜியா முதலிடத்தில் உள்ளது. மேலும் உலக நாடுகள் பட்டியலில் அதிக கொரோனா மரணங்கள் இடம்பெறும் 9வது நாடாக இலங்கை தரப்படுத்தப்பட்டுள்ளது.

தடுப்பூசி பெற்றுக் கொண்டவர்களுக்கு கொரோனா பரவுமா?

கொரோனா..

தடுப்பூசி இரண்டையும் பெற்றுக் கொண்டவர்களின் உடம்பில் கொரோனா வைரஸ் பரவும் தன்மை 65 வீதத்தால் குறைவாகும். ஸ்ரீ ஜயவர்தனபுர பல்கலைக்கழகத்தின் ஒவ்வாமை நோய் எதிர்ப்பு உயிரியல் சார்ந்த ஆய்வு பிரிவின் பணிப்பாளர் வைத்தியர் சந்திம ஜீவாந்தர மேற்கொண்ட ஆய்வின் மூலம் இந்த விடயம் உறுதிப்படுத்தப்பட்டுள்ளது.

88 மாதிரிகளை அடிப்படையாகக் கொண்டு இந்த பரிசோதனை மேற்கொள்ளப்பட்டதாக தெரிவித்த அவர், அவற்றில் 84 டெல்டா வகை தொடர்புடைய மரபணு பகுப்பாய்வாக அடையாளம் காணப்பட்டிருப்பதாக கூறினார்.

கொழும்பு, மஹரகம, மாலபே, வவுனியா, இரத்தினபுரி, கம்பஹா, கண்டி, நுவரெலியா ஆகிய பிரதேசங்களில் இவர்கள் அடையாளங்காணப்பட்டுள்ளனர்.

மாத இறுதியில் ஊரடங்கு நீடிக்கப்படுகிறதா? இறுதி தீர்மானம் எடுக்க அரச உயர்மட்டம் தயாராவதாக தகவல்!!

ஊரடங்கு நீடிக்கப்படுகிறதா?

நாட்டில் தற்போது பிறப்பிக்கப்பட்டுள்ள தனிமைப்படுத்தல் ஊரடங்கினை மேலும் ஒரு வார காலத்திற்கு நீடிப்பது குறித்து அரச உயர்மட்டம் ஆராய்ந்து வருவதாக கொழும்பு ஊடகமொன்று செய்தி வெளியிட்டுள்ளது.

எதிர்வரும் வியாழக்கிழமை வரையில் நிலைமைகளை அவதானித்த பின்னர் இது தொடர்பில் இறுதி தீர்மானம் எடுப்பதற்கும் தீர்மானம் எட்டப்பட்டுள்ளதாகவும் குறித்த செய்தியில் சுட்டிக்காட்டப்பட்டுள்ளது.

கடுமையான கட்டுப்பாடுகள் விதிக்கப்பட்டுள்ள நிலையில் ஊரடங்கை மேலும் ஒரு வாரத்திற்கு நீடித்தால் நோயாளர்களின் எண்ணிக்கை குறையலாமென சுகாதாரத்துறை நிபுணர்கள் வழங்கிய ஆலோசனையின் அடிப்படையிலேயே இது தொடர்பில் அரச உயர்மட்டம் ஆராய்வதாக கூறப்பட்டுள்ளது.

நாட்டில் கோவிட் தொற்று தீவிரமடைந்ததை தொடர்ந்து கடந்த 20ஆம் திகதி இரவு பத்து மணி முதல் எதிர்வரும் 30ஆம் திகதி அதிகாலை நான்கு மணிவரையில் தனிமைப்படுத்தல் ஊரடங்கு அமுல்படுத்தப்பட்டது.

இந்த நிலையில் நாட்டு மக்களுக்காக ஜனாதிபதி உரையாற்றிய போது, இனிவரும் நாட்களில் இந்த நாட்டை நீண்ட காலத்திற்கு மூடி வைக்க வேண்டிய நிலைமை ஏற்படுமாயின்,

நாட்டிலுள்ள அனைவரும் மிகவும் அர்ப்பணிப்புடன் செயலாற்றுவதற்குத் தயாராக வேண்டுமென தான் கேட்டுக்கொள்வதாக மக்களிடம் கோரிக்கையும் முன்வைத்திருந்தார் என்பது சுட்டிக்காட்டத்தக்கது.

-தமிழ்வின்-

வவுனியா வைத்தியசாலையில் கொரோனா தொற்றால் ஆண் ஒருவர் மரணம்!!

கொரோனா..

வவுனியா வைத்தியசாலையில் கொரோனா தொற்றால் ஆண் ஒருவர் மரணமடைந்துள்ளதாக மாவட்ட சுகாதாரப் பிரிவினர் தெரிவித்துள்ளனர்.

கொரோனா தொற்று காரணமாக வவுனியா வைத்தியசாலையில் அனுமதிக்கப்பட்டு கொரோனா சிகிச்சை விடுதியில் சிகிச்சை பெற்று வந்த நிலையில் சிகிச்சை பலனின்றி இன்று (22.08) குறித்த ஆண் உயிரிழந்துள்ளார்.

வவுனியா, தோணிக்கல், சிவன்கோவில் வீதியைவ் சேர்ந்த 68 வயதுடைய ஆண் ஒருவரே இவ்வாறு மரணமடைந்தவராவார். அவரது உடலை சுகாதார நடைமுறைகளைப் பின்பற்றி அடக்கம் செய்வதற்கான நடவடிக்கைகளை சுகாதாரப் பிரிவினர் முன்னெடுத்துள்ளனர்.

பொதுமக்களிடம் முன்வைக்கப்பட்டுள்ள அவசர கோரிக்கை!!

தடுப்பூசி..

60 வயதுக்கு மேற்பட்டோர் முடியுமானவரை விரைவாக, தமக்கு அருகிலுள்ள தடுப்பூசி செலுத்தல் நிலையத்துக்கு சென்று தடுப்பூசிகளைப் பெற்றுக் கொள்ளுமாறு சுகாதார சேவைகள் பணிப்பார் நாயகம் பொது மக்களிடம் கோரிக்கை விடுத்துள்ளார்.

தமக்கு விருப்பமான தடுப்பூசிக்காக காத்திருக்காமல், கிடைக்கபெறும் ஏதேனும் ஒரு கொரோனா தடுப்பூசியை செலுத்திக்கொள்ளுமாறு அவர் கேட்டுக் கொண்டுள்ளார்.

கொரோனா தொற்றால் மரணிப்பவர்களில் 70 முதல் 80 சதவீதமானோர் எந்தவொரு கொவிட் தடுப்பூசியையும் பெற்றுக்கொள்ளாதவர்கள் என சுகாதார சேவைகள் பணிப்பாளர் நாயகம் மேலும் தெரிவித்துள்ளார்.

வவுனியாவில் ஊரடங்கு நேரத்தில் வீதிகளில் நடமாடுபவர்களை வழிமறித்து விசேட சோதனை!!

விசேட சோதனை..

வவுனியாவில் ஊரடங்கு நேரத்தில் நடமாடுபவர்களை வழிமறித்து இராணுவத்தினரும், பொலிசாரும் விசேட சோதனை நடவடிக்கையை முன்னெடுத்துள்ளதுடன் அவர்களை எச்சரித்தும் அனுப்பி வருகின்றனர்.

கோவிட் அச்சுறுத்தல் காரணமாக நாடு முழுவதும் ஊரடங்கு சடம்டம் நடைமுறைப்படுத்தப்பட்டுள்ளது. குறித்த ஊரடங்கு சட்ட நேரத்தில் அத்தியாவசிய தேவையின்றி வீதிகளில் நடமாடுவோரை கட்டுப்படுத்த வவுனியா பொலிசாரும், இராணுவத்தினரும் இணைந்து விசேட சோதனை நடவடிக்கைகளை முன்னெடுத்துள்ளனர்.

வவுனியா பழைய பேரூந்து நிலையம் மற்றும் நகரப் பகுதிகளை அண்டி விசேட சோதனை நடவடிக்கையில் ஈடுபட்டுள்ள இராணுவத்தினர், வீதிகளால் செல்லும் வாகனங்களை வழிமறித்து சோதனை மேற்கொண்டு வருவதுடன் அத்தியாவசிய தேவையின்றி வீதிகளில் பயணிப்போரை எச்சரித்து வீடுகளுக்கு திருப்பி அனுப்பி வருகின்றனர்.

யாழில் பூப்புனித நீராட்டு விழாவில் பங்கேற்ற 21 பேருக்கு கொரோனா தொற்று!!

யாழில்..

யாழ்.நல்லூர் சுகாதார வைத்திய அதிகாரி பிரிவுக்குட்பட்ட கோண்டாவில் எம்.எஸ் லேன் பகுதியில் நடைபெற்ற பூப்புனித நீராட்டு விழாவில் கலந்துகொண்ட 21 பேருக்கு கோவிட் வைரஸ் தொற்று உறுதிப்படுத்தப்பட்டுள்ளது.

அண்மையில் இடம்பெற்ற இந்த விழாவில் பங்கேற்ற சிலருக்கு கோவிட் தொற்று அறிகுறிகள் தென்பட்டதையடுத்து அதில் கலந்துகொண்ட 58 பேருக்கு அன்டிஜன் பரிசோதனை மேற்கொள்ளப்பட்டது.அவர்களிலேயே 21 பேருக்குத் தொற்று உறுதிப்படுத்தப்பட்டுள்ளது.

கோவிட் தொற்று பரவலையடுத்து ஒன்றுகூடல்களைத் தவிர்க்கும் வகையில் அரசு விடுத்துள்ள அறிவுறுத்தல்களையும் மீறி இடம்பெற்ற குறித்த பூப்புனித நீராட்டு விழாவில் அளவுக்கதிகமானவர்கள் கலந்துகொண்டமை குறிப்பிடத்தக்கது.

வவுனியாவில் திறந்திருந்த 6 வர்த்தக நிலையங்கள் சுகாதாரப் பிரிவினரால் தனிமைப்படுத்தப்பட்டன!!

வர்த்தக நிலையங்கள்..

வவுனியாவில் ஊரடங்கு சட்ட நேரத்தில் திறந்திருந்த 6 வர்த்தக நிலையங்கள் சுகாதாரப் பிரிவினரால் தனிமைப்படுத்தப்பட்டுள்ளன.

நாட்டில் ஏற்பட்டுள்ள கோவிட் அச்சுறுத்தல் காரணமாக 20 ஆம் திகதி இரவு 10 மணி முதல் எதிர்வரும் 30 ஆம் திகதி அதிகாலை 4 மணி வரை நாடு முழுவதும் முழுமையான முடக்கம் அரசாங்கத்தால் அறிவிக்கப்பட்டுள்ளது.

இதனையடுத்து வவுனியாவின் பல்வேறு பகுதிகளிலும் பொலிசாரும், சுகாதாரப் பிரிவினரும் இணைந்து விசேட நடவடிக்கைகளை முன்னெடுத்துள்ளனர்.

இந்நிலையில், வவுனியா மொத்த மரக்கறி விற்பனை நிலையம் மற்றும் நகர் பகுதிகளில் முடக்க காலப்பகுதியில் வர்த்தக நிலையங்களை திறந்து வியாபாரத்தில் ஈடுபட்ட 6 வர்த்தக நிலையங்கள்,

சுகாதாரப் பிரிவினர் மற்றும் பொலிசாரால் எதிர்வரும் 30 ஆம் திகதி வரை தனிமைப்படுதப்பட்டு நோட்டீஸ் ஒட்டப்பட்டதுடன், அவர்களுக்கு எதிராக கடுமையான எச்சரிக்கையும் விடப்பட்டது.

ஜனாதிபதி வழங்கியுள்ள ஆலோசனை : தயாராக இருக்குமாறு மக்களுக்கு இராணுவத் தளபதி அறிவித்தல்!!

கோவிட் தடுப்பூசி..

கோவிட் தடுப்பூசியின் மூன்றாவது டோஸை பெற்றுக்கொள்ள தயாராக இருக்குமாறு நாட்டு மக்களுக்கு அறிவிக்கப்பட்டுள்ளது. இந்த விடயத்தை கோவிட் – 19 செயலணியின் பிரதானியான, இராணுவத் தளபதி ஜெனரல் ஷவேந்திர சில்வா தெரிவித்துள்ளார்.

இது தொடர்பில் அவர் மேலும் தெரிவிக்கையில், மக்களுக்கு மூன்றாவது ​தடுப்பூசி டோஸ் வழங்குவதற்கு திட்டமிடப்பட்டுள்ளது. ஆகையால், மூன்றாவது தடுப்பூசியையும் பெற்றுக்கொள்வதற்கு தயாராக இருக்க வேண்டும்.  இது தொடர்பில் தேவையான நடவடிக்கையை எடுக்குமாறு ஜனாதிபதியும் ஆலோசனை வழங்கியுள்ளார் என குறிப்பிட்டுள்ளார்.

நாட்டில் கோவிட் தொற்று நிலைமையானது தீவிரமடைந்துள்ள இந்த சந்தர்ப்பத்தில் கடந்த 20ஆம் திகதி இரவு 10 மணி முதல் எதிர்வரும் 30ஆம் திகதி அதிகாலை வரை தனிமைப்படுத்தல் ஊரடங்கு பிறப்பிக்கப்பட்டுள்ளது. இந்த சந்தர்ப்பத்தில் நாட்டில் தொடர்ச்சியாக கோவிட் தடுப்பூசி வழங்கும் நடவடிக்கையும் முன்னெடுக்கப்பட்டு வருகின்றமை குறிப்பிடத்தக்கது.

1...1,1891,1901,191...4,743Page 1,190 of 4,743