மத்திய கிழக்கு ஆப்பிரிக்க நாடான காங்கோவில் உள்அள கிவு ஏரியில் நிகழ்ந்த படகு விபத்தில் 12 பேர் உயிரிழந்த சம்பவம் பெரும் சோகத்தை ஏற்படுத்தியுள்ளது. அதிகப்படியான பயணிகளுடன் சென்ற படகு கவிழ்ந்ததையடுத்து, மாயமான 38 பேரைத் தேடும் பணியில் மீட்புக் குழுவினர் தீவிரமாக ஈடுபட்டுள்ளனர்.
காங்கோவின் தெற்கு கிவு மாகாணத்தில் உள்ள பிவினா நகரில் இருந்து சுமார் 50 பயணிகளுடன் போசா நோக்கிச் சென்ற படகு ஒன்று, கிவு ஏரியின் கிஷ்கி கிராமம் அருகே திடீரென மூழ்கி விபத்துக்குள்ளானது. எதிர்பாராதவிதமாக நடந்த இந்த விபத்தில் நீரில் மூழ்கி 12 பேர் பரிதாபமாக உயிரிழந்தனர்.
தகவலறிந்து சம்பவ இடத்திற்கு விரைந்த மீட்புக் குழுவினர், நீரில் மூழ்கி மாயமான எஞ்சிய பயணிகளைக் கண்டறியும் பணியைத் தீவிரப்படுத்தியுள்ளனர். ஏரிகளில் பாதுகாப்பு நெறிமுறைகளைப் பின்பற்றாமல் இயக்கப்படும் படகுகளால் இதுபோன்ற விபடுகள் தொடர்வது குறிப்பிடத்தக்கது.
தென்னிலங்கையில் கர்ப்பிணிப் பெண்ணொருவர் துரத்தித்துரத்தி படுகொலை செய்யப்பட்ட சம்பவத்தின் பின்னணியில் போதைப்பொருள் கும்பலின் பழிவாங்கும் செயற்பாடே உள்ளதாக பொலிஸார் தெரிவித்துள்ளனர்.
பத்தேகம – ஹல்பேதொட்ட பிரதேசத்தில் நேற்று காலை முச்சக்கர வண்டியில் பயணித்துக் கொண்டிருந்த கர்ப்பிணித் தாய் ஒருவர் மற்றும் முச்சக்கர வண்டி ஓட்டுநர் ஆகியோர் கொடூரமாக கொலை செய்யப்பட்டுள்ளனர்.
பாதாள உலகக் கூலிப்படையினால் ரி-56 ரக துப்பாக்கியால் சுடப்பட்டு கொல்லப்பட்டுள்ளதாக தெரிவிக்கப்படுகின்றது. கரந்தெனிய சுத்தா எனப்படும் பாதாள உலகத் தலைவனின் உத்தரவுக்கமையவே இந்தத் கொலை மேற்கொள்ளப்பட்டதாக விசாரணைகளில் தெரியவந்துள்ளது.
கொலை செய்யப்பட்ட கர்ப்பிணித் தாயின் தாயாரும் முச்சக்கர வண்டியில் பயணித்துள்ளதுடன், அவரும் துப்பாக்கிச் சூட்டுக்கு இலக்காகி உயிரிழந்துள்ளார். இந்தச் சம்பவத்தில் கொல்லப்பட்ட கர்ப்பிணித் தாய், லொக்கு பெட்டி எனப்படும் பாதாள உலகத் தலைவனின் போதைப்பொருள் வலையமைப்புடன் தொடர்புடைய பெண் என தெரியவந்துள்ளது.
கொலை செய்யப்பட்ட பெண் நீண்ட காலமாகச் சிறைவாசம் அனுபவித்துவிட்டு வெளியே வந்துள்ளார் என பொலிஸார் தெரிவித்தனர்.
போதைப்பொருள் வர்த்தகத்தில் ஈடுபட்டு வந்ததாகக் கூறப்படும் இந்தக் கர்ப்பிணித் தாய், காலி மாவட்ட குற்றத் தடுப்புப் பிரிவில் முன்னிலையாகி மீண்டும் தனது வீட்டிற்குத் திரும்பிக் கொண்டிருந்தபோதே இந்த சம்பவத்திற்கு முகம் கொடுத்துள்ளார்.
கரந்தெனிய சுத்தாவுக்கும், லொக்கு பெட்டிக்கும் இடையில் நீண்ட காலமாக நிலவிவரும் மோதலே இந்தத் தாக்குதலுக்கும் காரணமாகியுள்ளது என பொலிஸார் தெரிவிக்கின்றனர். நீதிமன்ற உத்தரவுக்கமைய ஒவ்வொரு மாதமும் கடைசி வார ஞாயிற்றுக்கிழமை காலி மாவட்ட குற்றத் தடுப்புப் பிரிவில் முன்னிலையாகி வந்த நிலையிலேயே குறித்த பெண் கொலை செய்யப்பட்டுள்ளார்.
சில மாதங்களுக்கு முன்பு கரந்தெனிய சுத்தாவின் மைத்துனர், லொக்கு பெட்டி தரப்பினரால் கொல்லப்பட்டிருந்தமை குறிப்பிடத்தக்கது. அதற்குப் பழிவாங்கும் நோக்கில் லொக்கு பெட்டி தரப்புப் பெண் ஒருவர் கரந்தெனியவின் சுத்தாவின் உத்தரவின் பேரில் கொலை செய்யப்பட்டுள்ளதாக பொலிஸார் குறிப்பிட்டுள்ளார்.
கர்நாடக மாநிலம் ஹாசன் மாவட்டத்தில் திருமணமான புதுமணப்பெண் மாயமான நிலையில், 8 நாட்களுக்குப் பின்னர் ஹேமாவதி கால்வாயில் இருந்து சடலமாக மீட்கப்பட்டுள்ள சம்பவம் உறவினர்களை அதிர்ச்சியடைய செய்துள்ளது.
ஹாசன் மாவட்டம் சென்னராயப்பட்டணா தாலுகா சிக்கநாயக்கனஹள்ளி கிராமத்தைச் சேர்ந்த ராஜசேகருக்கும், பிரியங்காவுக்கும் சமீபத்தில் திருமணம் நடைபெற்றது. கடந்த 19-ம் தேதி இரவு கணவன், மனைவி இருவரும் அப்பகுதியிலுள்ள ஹேமாவதி கால்வாய்ப்பகுதிக்குச் சென்ற போது, பிரியங்கா திடீரெனக் கால்வாயில் குதித்து மாயமானதாகக் கூறப்பட்டது.
கால்வாயில் பலத்த நீர்வரத்து காரணமாகத் தீயணைப்புத் துறையினர் உடனே தேடிக் கண்டறிய முடியாத சூழல் ஏற்பட்டது. இதனிடையே, தனது மகளைக் கணவர் ராஜசேகர்தான் திட்டமிட்டுத் கால்வாயில் தள்ளிவிட்டுக் கொலை செய்துவிட்டதாகப் பிரியங்காவின் பெற்றோர் காவல்துறையினரிடம் புகார் அளித்தனர்.
பிரியங்காவின் கணவர் தரப்போ, பிரியங்காவுக்கு நன்றாக நீச்சல் தெரியும் என்றும், அவருக்கு ஏற்கனவே திருமணம் நடந்த உண்மை மறைக்கப்பட்டதாகவும் கூறித் தங்களது தரப்பு நியாயத்தை முன்வைத்தனர். இதனால் இரு குடும்பத்தினருக்கும் இடையே கடும் மோதலும் வாக்குவாதமும் நிலவியது.
இந்நிலையில், கால்வாயில் நீர்வரத்து நிறுத்தப்பட்டதை அடுத்து, சரவணபெலகோலா அருகே கால்வாயில் பிரியங்காவின் உடல் மிதப்பது கண்டுபிடிக்கப்பட்டது. தொடர்ந்து போலீசார் உடலைக் கைப்பற்றிப் பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இது தற்கொலையா அல்லது திட்டமிட்ட கொலையா என்ற கோணத்தில் தீவிர விசாரணை நடந்து வருகிறது.
நேபாளப் பெருவெள்ளம் கொரத்தாண்டவமாடி ஒரு மாதம் ஆன நிலையிலும், தங்கள் உறவினர்களுக்கு என்ன ஆனது என்பது தெரியாததால் சோகத்தில் ஆழ்ந்துள்ளன சில கனேடிய குடும்பங்கள். நேபாளப் பெருவெள்ளம் ஆடிய கோரத்தாண்டவத்தின் விளைவாக ஏராளமானோர் உயிரிழந்துள்ள நிலையில், ஆயிரக்கணக்கானோரை இன்னமும் காணவில்லை.
நேபாளப் பெருவெள்ளத்தில் பலியான 1,400க்கும் மேற்பட்டவர்களின் உடல்கள் கண்டுபிடிக்கப்பட்டுள்ள நிலையில், சுமார் 5,600க்கும் மேலானவர்கள் நிலை இன்னமும் தெரியவில்லை. நேபாளப் பெருவெள்ளத்தில் மாயமானவர்களில், 29 பேர் கனேடிய குடிமக்கள் மற்றும் நிரந்தரக் குடியிருப்பு அனுமதி பெற்றவர்கள்.
ஆகத்து மாதம் 26ஆம் திகதி நிகழ்ந்த நேபாளப் பெருவெள்ளத்தின்போது மாயமானவர்களில் பிரிட்டிஷ் கொலம்பியாவைச் சேர்ந்த சுமித், சுபாக்ஷி ராவ்லாவும் அடங்குவர்.
தங்கள் பிள்ளைகளுடன் இந்தியா சென்றிருந்த ராவ்லா தம்பதியர், பிள்ளைகளை உறவினர்கள் வீட்டில் விட்டுவிட்டு கைலாஷ் மான்சரோவருக்குச் செல்ல, அப்போதுதான் நேபாள – திபெத் எல்லையில் பெருவெள்ளம் உருவானது.
வெள்ளத்துக்குப் பின் ராவ்லா தம்பதியர் குறித்து எந்த தகவலும் கிடைக்கவில்லை. இந்தியா சென்றிருந்த ராவ்லா தம்பதியரின் பிள்ளைகள் கனடா திரும்பிவிட்ட நிலையில், அவர்களை அவர்களுடைய உறவினர்கள் மாறி மாறி கவனித்துவருகிறார்கள்.
அதேபோல, நேபாளம் சென்றிருந்த Port Moody என்னுமிடத்தைச் சேந்த தாவல், மேகா சிங் தம்பதியர் குறித்தும் எந்த தகவலும் கிடைக்கவில்லை. ஆக, தங்கள் உறவினர்களுக்கு என்ன நேர்ந்தது என்பது தெரியாமல் சோகத்தில் ஆழ்ந்துள்ளனர் பெருவெள்ளத்தின்போது காணாமல் போன கனேடியர்களின் உறவினர்கள்.
சண்டிகரில் காவல்துறையின் தலைமை காவலர் அவரது 18 வயது மகனால் சுட்டுக் கொல்லப்பட்ட சம்பவம் அதிர்ச்சியை ஏற்படுத்தியுள்ளது. சண்டிகரில் காவல்துறை தலைமையகத்தின் கணக்கு பிரிவில் தலைமை காவலராக பணியாற்றி வந்த நிதின் சிங் வெள்ளிக்கிழமை அவரது செக்டார் 22 அரசு இல்லத்தில் துப்பாக்கிச் சூட்டு காயங்களுடன் சடலமாக கண்டெடுக்கப்பட்ட சம்பவம் அதிர்ச்சியை ஏற்படுத்தியுள்ளது.
இந்த துப்பாக்கிச் சூட்டு சம்பவத்திற்கு முந்தைய நாள் அவருடைய 18 வயது மகன் அர்மானுடன் ஏற்பட்ட கடுமையான வாக்குவாதமே காரணம் என்று விசாரணையில் தெரியவந்துள்ளது. தன்னை தன்னுடைய காதலியுடன் உடனடியாக திருமணம் செய்து வைக்குமாறும் அந்த பெண்ணை வீட்டிற்கு அழைத்து வர வேண்டும் என்றும் தந்தை நிதின் சிங்கை அவரது 18 வயது மகனான அர்மான் தொடர்ந்து கட்டாயப்படுத்தியுள்ளார்.
அத்துடன் பல்வேறு தேவைகளுக்காக பணமும் அடிக்கடி கேட்டு தொந்தரவு செய்துள்ளார். ஆனால் இந்தியாவில் ஆண்களுக்கான திருமண வயது 21 என்பதால், அர்மான் 21 வயது ஆகும் வரை காத்திருக்க வேண்டும் என்று தந்தை நிதின் சிங் அறிவுறுத்தியுள்ளார்.
இது வாக்குவாதமாக வெடித்ததோடு, வீட்டிற்குள் ஏற்பட்ட குடும்ப தகராறின் போது தன்னுடைய தாயின் கழுத்தை பிடித்து தாக்கியுள்ளார். மேலும் தந்தையை துப்பாக்கியால் சுட்டதுடன் மட்டுமில்லாமல் வீட்டிற்குள் யாரோ நுழைந்து தனது தந்தையை துப்பாக்கியால் சுட்டுவிட்டு தப்பிச் சென்று விட்டதாக நாடகம் ஆடியதாகவும் அக்கம் பக்கத்தினர் தெரிவித்துள்ளனர்.
இதையடுத்து பொலிஸார் அர்மானை கைது செய்துள்ளனர். மேலும் இந்த செயலுக்காக எந்தவொரு குற்ற உணர்வும் அவரிடம் இல்லை என்று காவல்துறை அதிகாரி சுதேஷ் குமார் தெரிவித்துள்ளார். தந்தை சுட்டுக் கொல்வதற்கு முன்னதாக, அர்மான் ஏற்கனவே மற்றொரு குற்ற வழக்கில் ஜாமீனில் வெளியே வந்தது தெரியவந்துள்ளது.
இந்த ஆண்டின் தொடக்கத்தில் நண்பர் ஒருவருடைய காரில் வேகமாக சென்று இருசக்கர வாகனத்தில் சென்ற 2 பேரை மோதி விபத்துக்குள்ளாக்கினார். இந்த சம்பவத்தில் இருசக்கர வாகனத்தில் வந்த இருவரும் உயிரிழந்த நிலையில், இந்த வழக்கில் கைது செய்யப்பட்ட அர்மான் பின்னர் ஜாமீனில் வெளியே வந்தது குறிப்பிடத்தக்கது.
நீதிமன்றத்தில் முன்னிலையாக தவறிய கிரிக்கெட் வீரர் சமிக கருணாரத்னவை (Chamika Karunaratne) கைது செய்து நீதிமன்றத்தில் முன்னிலைப்படுத்துமாறு கொழும்பு மேலதிக நீதிபதி கசுன் கஞ்சன தசநாயக்க இன்று (28) உத்தரவிட்டுள்ளார்.
தனது பிள்ளைக்கு பராமரிப்புக்கோரி ஒரு பெண் விமானியொருவர் தாக்கல் செய்த முறைப்பாட்டின் விசாரணையின்போது அவர் நீதிமன்றத்தில் முன்னிலையாக தவறியதை தொடர்ந்து இந்த பிடியாணை பிறப்பிக்கப்பட்டுள்ளது.
குழந்தைக்கான பராமரிப்பு தொகையை சமிக் கருணாரத்ன தமக்கு வாக்குறுதிaளித்தவாறு செலுத்தாமல் ஏமாற்றிவிட்டதாகவும், தங்களுக்கு பிறந்த 1 வயது குழந்தைக்கு அவர் பராமரிப்பு செலவு (நஷ்டஈடு) வழங்க வேண்டும் என்றும் கூறி குறித்த பெண் நீதிமன்றத்தில் வழக்கு தொடர்ந்திருந்தார்.
இந்த வழக்குத் தொடர்பான நீதிமன்ற விசாரணைகளுக்குச் சமிக் கருணாரத்ன சமூகமளிக்காமல் நீதிமன்றத்தைப் புறக்கணித்ததால், அவரைக் கைது செய்ய இன்று நீதிமன்றம் இந்த உத்தரவை பிறப்பித்துள்ளது.
இருப்பினும், கருணாரத்ன தற்போது 2026 ஆசிய விளையாட்டுப் போட்டிகளில் இலங்கையைப் பிரதிநிதித்துவப்படுத்தி தேசியப்பணியில் ஜப்பானில் உள்ளார். இந்நிலையில், வழக்கு விசாரணைக்கு எடுத்துக்கொள்ளப்பட்டபோது, அவர் முன்னிலையாகாத காரணத்தினை முறையாக அறிவிக்காமையினால், பிடியாணை பிறப்பிக்கப்பட்டுள்ளது.
வடக்கு லண்டனில் பள்ளிக்குச் சென்று கொண்டிருந்த இலங்கை வம்சாவளியைச் சேர்ந்த 16 வயது பள்ளி மாணவி மெலிசா பிரேமரத்னே, சாலை விபத்து ஒன்றில் உயிரிழந்தார்.
இந்தத் துயரச் சம்பவம் வியாழக்கிழமை காலை சுமார் 8:15 மணியளவில் ஹைக்கேட் பள்ளிக்கு (Highgate School) அருகிலுள்ள நார்த் ரோட்டில் (North Road) நிகழ்ந்தது. தனியார் டாக்ஸி ஒன்று அவர் மீது மோதியதாகவும், அவர் சம்பவ இடத்திலேயே உயிரிழந்ததாகவும் மருத்துவர்கள் உறுதிப்படுத்தினர்.
விபத்தை ஏற்படுத்திய 68 வயதுடைய ஓட்டுநர், கவனக்குறைவாக வாகனம் ஓட்டி உயிரிழப்பை ஏற்படுத்தியதாகக் கூறப்படும் சந்தேகத்தின் பேரில் காவல்துறையினரால் கைது செய்யப்பட்டு, பின்னர் பிணையில் விடுவிக்கப்பட்டார்.
இச்சம்பவம் குறித்த விசாரணை நடைபெற்று வருவதால், விபத்து தொடர்பான ஏதேனும் தகவல்கள், சிசிடிவி (CCTV) அல்லது டேஷ்கேம் (dashcam) காட்சிகள் இருந்தால் அவற்றை வழங்குமாறு லண்டன் பெருநகரக் காவல்துறை பொதுமக்களைக் கேட்டுக்கொண்டுள்ளது.
மெலிசா, மிகச் சிறந்த திறமைசாலி மாணவி ஆவார். அவர் ஆக்ஸ்போர்டு பல்கலைக்கழகத்தில் கணிதம் மற்றும் தத்துவம் பயில வேண்டும் என்று கனவு கண்டிருந்தார். தங்கள் வாழ்க்கையை ஒளிமயமாக்கிய மெலிசாவின் இழப்பு ஈடுசெய்ய முடியாதது என்று அவரது குடும்பத்தினர் கூறுகின்றனர் .
எதிர்காலம் குறித்த பல நம்பிக்கைகளைக் கொண்டிருந்த இந்த இளம் பெண்ணின் அகால மரணம், ஒட்டுமொத்த பள்ளி சமூகத்தையும் ஆழ்ந்த அதிர்ச்சியில் ஆழ்த்தியுள்ளது.
மேலும், விபத்தில் சிக்கிய வாகனம் தங்கள் நிறுவனத்தைச் சேர்ந்தது என்பதை ‘அடிசன் லீ’ (Addison Lee) டாக்ஸி சேவை நிறுவனம் உறுதிப்படுத்தியதுடன், காவல்துறை விசாரணைக்குத் தாங்கள் முழு ஒத்துழைப்பு அளித்து வருவதாகவும் கூறியுள்ளது.
வவுனியா, நொச்சிமோட்டை பகுதியில் உள்ள A9 வீதியில் நேற்று(27.09.2026 இடம்பெற்ற வாகன விபத்தில் சிறுவர்கள் உட்பட நான்கு பேர் காயமடைந்துள்ளனர்.
யாழ்ப்பாணத்தில் இருந்து வவுனியா நோக்கிப் பயணித்துக் கொண்டிருந்த கயஸ் (KDH) ரக வாகனம் நொச்சிமோட்டை பகுதியில் பயணித்தபோது சாரதியின் கட்டுப்பாட்டை இழந்து விபத்துக்குள்ளானதாகத் தெரிவிக்கப்படுகிறது.
விபத்தில் சிறுவர்கள் உட்பட நான்கு பேர் காயமடைந்த நிலையில், அவர்கள் சிகிச்சைக்காக வைத்தியசாலைக்கு அழைத்துச் செல்லப்பட்டுள்ளனர். சம்பவம் தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.
கண்டி பேராதனையைப் பிறப்பிடமாகவும், வவுனியா உக்கிளாங்குளத்தை நிரந்தர வசிப்பிடமாகவும், வவுனியா கனகராயன்குளத்தைத் தற்காலிக வசிப்பிடமாகவும் கொண்ட பொன்னையா சுந்தர்ராஜ் அவர்கள் 26.09.2026 சனிக்கிழமை அன்று இறைவனடி சேர்ந்தார் என்பதை ஆழ்ந்த துயருடன் அறியத்தருகின்றோம்.
அன்னாரின் இறுதிப் கிரியைகள் நடைபெற்று, பூதவுடல் தகனக் கிரியைக்காக 28.09.2026 (நாளை திங்கட்கிழமை) பிற்பகல் 2.00 மணிக்கு ஆலங்குளம் பொது மயான தகனப் பீடத்திற்கு எடுத்துச் செல்லப்படும்.
இவ் அறிவித்தலை உற்றார், உறவினர்கள், நண்பர்கள் அனைவரும் ஏற்றுக்கொள்ளுமாறு கேட்டுக்கொள்ளப்படுகின்றீர்கள்.
பிரான்ஸிலிருந்து சுவிட்சர்லாந்துக்குள் சுமார் 110 டன் அறிவிக்கப்படாத உணவுப் பொருட்களை கடத்தி வந்ததாகக் கூறப்படும் இரு இலங்கையர்கள் உட்பட ஐந்து பேர் கொண்ட குழுவை வாட் மாநில காவல்துறையினரும், சுவிஸ் கூட்டாட்சி சுங்க மற்றும் எல்லைப் பாதுகாப்புப் படையினரும் (BAZG) கண்டுபிடித்துள்ளனர்.
குறித்த குழுவினர் ஜெனீவா மற்றும் வாட் மாகாணங்களில் உள்ள எட்டு உணவுக் கடைகளுக்கு இந்தப் பொருட்களை விநியோகித்து வந்ததாக தெரிவிக்கப்பட்டுள்ளது. இந்த நடவடிக்கையின் மூலம் சுமார் 81,000 சுவிஸ் பிராங்குகள் பெறுமதியான சுங்க வரி மற்றும் மதிப்புக்கூட்டல் வரி (VAT) செலுத்தப்படாமல் தவிர்க்கப்பட்டுள்ளதாக அதிகாரிகள் தெரிவித்துள்ளனர்.
மதுபோதையில் வாகனம் செலுத்திய ஓட்டுநர் வாட் மாநில காவல்துறையினரின் கவனத்திற்கு பிரான்ஸ் நாட்டில் பதிவு செய்யப்பட்ட சரக்கு வாகனம் ஒன்று வந்துள்ளது. Bursins பகுதியில் உள்ள நெடுஞ்சாலையில் அந்த வாகனம் நிறுத்தப்பட்டு சோதனையிடப்பட்டபோது, அதன் ஓட்டுநர் மதுபோதையில் இருந்தது தெரியவந்துள்ளது.
மேலும், வாகனத்தில் சுமார் 3,300 கிலோகிராம் அறிவிக்கப்படாத உணவுப் பொருட்கள் இருப்பதும் கண்டுபிடிக்கப்பட்டுள்ளது. அவற்றில் சூரியகாந்தி எண்ணெய், வாழைப்பழங்கள், வெங்காயம் மற்றும் பால் பவுடர் உள்ளிட்ட பொருட்கள் இருந்ததாக தெரிவிக்கப்பட்டுள்ளது.
81,000 பிராங்குகள் வரி செலுத்தப்படவில்லை இந்தக் கடத்தல் நடவடிக்கைக்கு பிரான்ஸ் நாட்டைச் சேர்ந்த ஒருவர் தலைமை வகித்ததாகவும், அவருடன் மேலும் நான்கு பேர் இணைந்து செயல்பட்டதாகவும் தெரிவிக்கப்பட்டுள்ளது.
கைது செய்யப்பட்ட ஓட்டுநருடன் சுவிட்சர்லாந்தில் வசிக்கும் இரண்டு இலங்கைப் பிரஜைகளும், பிரான்ஸ் நாட்டைச் சேர்ந்த பெண் ஒருவரும் இந்தக் குழுவில் இடம்பெற்றிருந்ததாக கூறப்படுகிறது. ஓட்டுநர் கைது செய்யப்பட்ட பின்னர், குழுவினர் தங்களது கடத்தல் முறையை மாற்றியுள்ளதாக அதிகாரிகள் தெரிவித்துள்ளனர்.
அதன்படி, உணவுப் பொருட்களை நேரடியாக வாடிக்கையாளர்களிடம் கொண்டு செல்வதற்குப் பதிலாக, முதலில் பிரான்ஸ் எல்லைப் பகுதியில் உள்ள கேரேஜ் ஒன்றில் அவற்றைச் சேமித்து வைத்து, பின்னர் சிறிய சரக்கு வாகனங்கள் மூலம் குறைந்த அளவுகளில் சுவிட்சர்லாந்துக்குள் கொண்டு சென்றதாக தெரிவிக்கப்பட்டுள்ளது.
‘24 Heures’ செய்தியின்படி, கடத்தப்பட்ட பொருட்களின் மதிப்பின் அடிப்படையில் சுமார் 75,000 சுவிஸ் பிராங்குகள் சுங்க வரியும், 6,000 பிராங்குகள் VAT-உம் செலுத்தப்படாமல் தவிர்க்கப்பட்டுள்ளதாக தெரிவிக்கப்பட்டுள்ளது.
5.5 டன் Buldak நூடுல்ஸ் பறிமுதல் கைப்பற்றப்பட்ட உணவுப் பொருட்களில் தென் கொரியாவின் பிரபலமான Buldak நூடுல்ஸும் இடம்பெற்றிருந்ததாக தெரிவிக்கப்பட்டுள்ளது. மொத்தம் சுமார் 5.5 டன் Buldak நூடுல்ஸ் கைப்பற்றப்பட்டுள்ளதாக கூறப்படுகிறது.
சமூக வலைத்தளங்களில் கடந்த சில ஆண்டுகளாக இந்த அதிக காரத்தன்மை கொண்ட நூடுல்ஸுக்கு பெரும் வரவேற்பு கிடைத்துள்ளதுடன், அதன் காரத்தன்மை தொடர்பிலும் பல்வேறு சர்ச்சைகள் எழுந்துள்ளன.
கிளிநொச்சி பொலிஸ் பிரிவுக்குட்பட்ட குடமுருட்டி பகுதியில் நாவல் பழம் விற்ற சிறுவன் மோட்டார் சைக்கிள் விபத்தில் உயிரிழந்துள்ளான். பரந்தன் பூநகரி பிரதான வீதியில் இடம்பெற்ற விபத்தில், கிளிநொச்சி உருத்திரபுரம் – எள்ளுக்காட்டு பகுதியைச் சேர்ந்த 10 வயதுடைய சிறுவனே உயிரிழந்துள்ளான்.
நாவல்ப்பழ வியாபாரத்தில் ஈடுபட்டிருந்த குறித்த சிறுவன் வீதியைக் கடக்க முற்பட்ட பொழுது பூநகரி பகுதியில் இருந்து கிளிநொச்சி நோக்கி பயணித்த மோட்டார் சைக்கிளில் மோதுண்டு சம்பவ இடத்திலேயே உயிரிழந்துள்ளான்.
குறித்த சம்பவத்தில் மோட்டார் சைக்கிளில் பயணித்தவர் படுகாயமடைந்த நிலையில் கிளிநொச்சி வைத்திய சாலையில் அவசர சிகிச்சை பிரிவில் சிகிச்சை பெற்று வருவதாக பொலிசார் தெரிவிக்கின்றனர். சம்பவம் தொடர்பாக கிளிநொச்சி பொலிசார் மேலதிக விசாரணைகளை மேற்கொண்டு வருகின்றனர்.
தமிழகம் நாகர்கோவிலில் சோசியல் மீடியாவில் மிகவும் பிரபலமான பெண் ஒருவர், தான் வாங்கும் புதிய தங்க நகைகள் மற்றும் வீட்டில் இருக்கும் பணம் மற்றும் எங்கு செல்கிறோம் என்பன உள்ளிட்ட அனைத்து விவரங்களையும் வீடியோவாக பதிவு செய்து இன்ஸ்டாகிராம் மற்றும் யூடியூபில் ரிலீஸ் ஆக பதிவேற்றி உள்ளார்.
இதற்கு அதிக லைக்குகள் கிடைத்த நிலையில், அதில் மயங்கிய மதுமிதா அந்த நகைகளை அணிந்து கொண்டும், கட்டு கட்டாக பணத்தை மெத்தையில் அள்ளிப் போட்டுக் கொண்டும் மதுமிதா சினிமா பாடலுக்கு டான்ஸ் ஆடி அதனை ரிலீஸ் ஆக பதிவு செய்து இன்ஸ்டாகிராமில் வெளியிட்டுள்ளார்.
இந்த வீடியோக்களையும், அவரது நடவடிக்கைகளையும் இன்ஸ்டாகிராம் மூலமாக மர்ம நபர்கள் தொடர்ந்து கண்காணித்து வந்து , இவர்கள் இருப்பிடத்தை அறிந்த அந்த கும்பல் இவர்கள் வெளியே சென்ற நேரத்தில் வீட்டின் பூட்டை உடைத்து உள்ளே சென்றது.
அங்கு பீரோவில் வைக்கப்பட்டிருந்த 120 பவுன் தங்க நகைகள் மற்றும் வைர நகைகள், ரூ. 50 ஆயிரம் ரொக்கம் என அனைத்தையும் கொள்ளையடித்து விட்டு அங்கிருந்து தப்பி சென்றது.
இதன் மதிப்பு ரூ. 1 கோடி என கூறப்படுகிறது. இந்த நிலையில், குடும்பத்துடன் வெளியே சென்ற மதுமிதா வீடு திரும்பிய நிலையில், பீரோவில் வைக்கப்பட்டிருந்த நகை மற்றும் பணம் கொள்ளையடிக்கப்பட்டு இருந்ததை கண்டு அதிர்ச்சி அடைந்தார். இது தொடர்பாக, தகவல் அறிந்த சுசீந்திரம் போலீசார் சம்பவ இடத்திற்கு சென்று விசாரணை மேற்கொண்டனர்.
தொடர்ந்து, இது தொடர்பாக வழக்கு பதிவு செய்து 3 தனிப்படைகள் அமைக்கப்பட்டு கொள்ளையர்களை தீவிரமாக தேடி வருகின்றனர். போலீசாரின் முதல் கட்ட விசாரணையில், மதுமிதா சமூக வலைதளங்களில் வெளியிட்ட ரீல்ஸ் அடிப்படையிலேயே, இந்த துணிகர கொள்ளை சம்பவம் நடந்தது தெரியவந்துள்ளமை அதிர்ச்சியை ஏற்படுத்தியுள்ளது
யாழ்ப்பாணம், வடமராட்சிப் பகுதியில் அமைந்துள்ள வரலாற்றுச் சிறப்புமிக்க ஸ்ரீ வல்லிபுரம் ஆழ்வார் ஆலயத்தின் வருடாந்த மகோற்சவத்தின் தேர்த் திருவிழா இன்று (25.09.2026) மிக விமரிசையாகவும் பக்திபூர்வமாகவும் நடைபெற்றது.
யாழ்ப்பாணத்தின் புகழ்பெற்ற ஆன்மீகத் தலங்களில் ஒன்றான வல்லிபுரம் ஆழ்வார் ஆலயத்தின் மகோற்சவப் பெருவிழாவின் முக்கிய நிகழ்வான தேர்த் திருவிழா இன்று காலை 8 மணிக்கு ஆரம்பமானது.
இலங்கையின் பல பகுதிகளில் இருந்தும், வெளிநாடுகளில் இருந்தும் பல்லாயிரக்கணக்கான பக்தர்கள் தேர்த் விழாவில் கலந்துகொள்வதற்காக வடமராட்சியில் குவிந்தனர்.
அரோகரா முழக்கங்கள் மற்றும் பக்திப் பாடல்கள் ஒலிக்க, விசேடமாக அலங்கரிக்கப்பட்ட திருத்தேரில் வல்லிபுரம் ஆழ்வார் எழுந்தருளி வீதி உலா வந்து பக்தர்களுக்குக் காட்சியளித்து அருள் பாலித்தார்.
நேர்த்திக்கடன் நிறைவேற்றம்
ஆலயத்தின் வீதிகளில் பக்திப் பரவசத்துடன் ஏராளமான பக்தர்கள் அங்கப்பிரதிஷ்டை செய்தும், பல்வேறு காவடிகளைத் தாங்கியும் தங்களது நேர்த்திக்கடன்களை நிறைவேற்றி ஆழ்வாரின் அருளைப் பெற்றுக்கொண்டனர்.
பக்தர்களின் வசதிக்காகவும் பாதுகாப்புக்காகவும் ஆலய நிர்வாகத்தினரும் தொண்டர் குழுவினரும் உரிய ஏற்பாடுகளைச் செய்திருந்தமை குறிப்பிடத்தக்கது.
உள்நாட்டுத் தேவையை விட அதிகமான அளவில் வாகனங்கள் இறக்குமதி செய்யப்பட்டதால், சந்தையில் வாகனங்களின் விலைகள் கணிசமாகக் குறைந்துள்ளதாக இலங்கை வாகன இறக்குமதியாளர்கள் சங்கத்தின் தலைவர் இந்திக சம்பத் மெரெஞ்சி தெரிவித்துள்ளார்.
வாடிக்கையாளர்கள் குறைந்த விலையில் வாகனங்களை வாங்குவதற்கு இந்த சந்தை நிலைமை மிகவும் சாதகமான சூழலை உருவாக்கியுள்ளதாகவும் அவர் சுட்டிக்காட்டியுள்ளார்.
அவர் மேலும் தெரிவிக்கையில், கட்டுப்பாடுகள் நீக்கப்பட்ட பிறகு உள்நாட்டுத் தேவை குறைவாகவே இருந்த போதிலும், அந்த தேவையை விட மிக அதிக அளவில் வாகனங்கள் இறக்குமதி செய்யப்பட்டதால் சந்தையில் வாகனங்களின் உபரி நிலை (தேவைக்கு அதிகமான இருப்பு) ஏற்பட்டுள்ளது.
முன்பு நிலவிய அதிக விலைகள் மற்றும் தற்போதைய உபரி நிலை ஆகியவற்றின் காரணமாக வாகன விற்பனை வெகுவாக குறைந்துள்ளது. இதன் விளைவாக பல இறக்குமதியாளர்கள் தங்கள் வாகனங்களை நஷ்டத்திற்கு விற்க வேண்டிய கட்டாயத்திற்குத் தள்ளப்பட்டுள்ளனர்.
தற்போது, உள்ளூர் சந்தையில் Yaris, Vezel, Raize, Wagon R, Daihatsu Mira மற்றும் Suzuki போன்ற பிரபலமான வாகன மாடல்கள் அனைத்தின் விலைகளும் 300,000 முதல் 400,000 ரூபா வரை குறைந்துள்ளன. சில வாகனங்களின் விலைகள் சுமார் 1 மில்லியன் ரூபாய் வரை குறைந்துள்ளன. எதிர்வரும் காலங்களில் விலைகள் இன்னும் குறையக்கூடும் என குறிப்பிட்டுள்ளார்.
அச்சுவேலி பகுதியில் அமைந்துள்ள சீர்திருத்தப் பள்ளியில் சிறுவர்களை கொடூரமாக தாக்கும் காட்சிகள் சமூக வலைத்தளங்களில் வெளியாகி பேசு பொருளாகிய நிலையில் 4 சிறுவர்களை அச்சுவேலி பொலிஸார் கைது செய்துள்ளனர்.
குறித்த கைது நடவடிக்கையானது நேற்றையதினம்(24.9.2026) மேற்கொள்ளப்பட்டுள்ளது. காணொளி ஒன்று சமூக வலைத்தளத்தில் வெளியாகிய நிலையில், பல்வேறு தரப்பினரும் தமது கண்டனங்களை தெரிவித்து வந்தனர்.
அந்த காணொளியில் உள்ள உத்தியோகத்தர் அங்கு கடமையில் இருப்பவர் என நம்பத் தகுந்த தகவல்கள் தெரிவிக்கின்றன. இவ்வாறான நிலையில் 4 மாணவர்களை அச்சுவேலி பொலிஸார் கைது செய்து விசாரணைகளை மேற்கொண்டு வருகின்றனர்.
விசாரணைகளின் பின்னர் நீதிமன்றில் முற்படுத்துவதற்கான நடவடிக்கைகளை மேற்கொள்ளவுள்ளதாக பொலிஸார் தெரிவித்தனர்.
கேரளாவை சேர்ந்த இரட்டை சகோதரிகள் ஒரே நாளில் திருமணம் செய்ததோடு, ஒரே நாளில் குழந்தை பெற்றுக்கொண்ட அதிசய சம்பவம் நிகழ்ந்துள்ளது. கேரளாவின் கோட்டயத்தில், 1997 நவம்பர் 17 அன்று சி.பி. அனில்குமார் மற்றும் சூர்யா அனில்குமார் தம்பதிக்கு பிறந்த இரட்டையர்கள் அதிரா மற்றும் ஆர்யா ஆவார்கள்.
இவர்கள் ஒன்றாக பிறந்ததோடு, தங்களது ஆரம்ப கல்வி முதல் தொழில்முறை வாழ்க்கை வரை ஒன்றாகவே பயணித்துள்ளனர். இருவரும் செவிலியர் படிப்பை தேர்வு செய்து, ஹைதராபாத்தில் உள்ள அப்பல்லோ டி.ஆர்.டி.ஓ மருத்துவமனையில் ஒன்றாக பணியாற்றி வந்துள்ளனர்.
அதன் பின்னர், 2022 ஏப்ரல் 17 அன்று அதிரா, கருவட்டாவைச் சேர்ந்த அகிலேஷ் ஸ்ரீகுமார் என்பவரையும், ஆர்யா, மாவேலிக்கராவைச் சேர்ந்த சிரன் மோகனன் நாயர் என்பவரையும் திருமணம் செய்துள்ளார்.
திருமணத்திற்கு பின்னர் இருவரும் தங்களது கணவர்களுடன் மத்திய கிழக்கு நாடுகளுக்குக் குடிபெயர்ந்தனர். அதிரா கத்தாரில் உள்ள தோஹா கிளினிக் மருத்துவமனையிலும், ஆர்யா ஓமானில் உள்ள பத்ர் அல் சமா மருத்துவமனையிலும் தங்களது செவிலியர் பணியை தொடர்ந்தனர்.
திருமணத்திற்கு பின்னர், வேறு வேறு நாடுகளில் வசித்து வந்தாலும், இரட்டையர்களான இருவருக்கும் ஒரே நாளில் குழந்தை பிறந்துள்ளது.
2026 ஆகஸ்ட் 9 அன்று கத்தாரில் உள்ள ஆயிஷா பின்த் ஹமாத் மருத்துவமனையில் அதிராவும், ஓமானில் உள்ள தான் பணிபுரியும் பத்ர் அல் சமா மருத்துவமனையில் ஆர்யாவும் தங்களது பெண் குழந்தைகளை பெற்றெடுத்துள்ளனர்.
20 செப்டம்பர் 2026 அன்று இரு குடும்பத்தினரும் தங்களது குழந்தைகளுக்கு பெயர் சூட்டும் விழாவை நடத்தியுள்ளனர். அகிலேஷ் ஸ்ரீகுமார் அதிரா தம்பதி தங்களது மகளுக்கு நிவேத்யா அகிலேஷ் எனவும், சிரன் மோகனன் நாயர் ஆர்யா தம்பதி தங்களது மகளுக்கு நிதாரா சிரான் எனவும் பெயர் சூட்டியுள்ளனர்.
