பாராளுமன்றம் கலைக்கப்பட்டமை மற்றும் தேர்தல் திகதியிட்ட வர்த்தமானி என்பவற்றை தடை செய்யக் கோரி தாக்கல் செய்யப்பட்ட மனுவை உயர் நீதிமன்றம் இன்று(02.06.2020 மாலை நிராகரித்தைத் தொடர்ந்து வவுனியா நகரில் பொதுஜன பெரமுன கட்சி ஆதரவாளர்கள் பட்டாசு கொழுத்தி மகிழ்ந்தார்கள்.
பாராளுமன்றம் கலைக்கப்பட்டமை மற்றும் தேர்தல் திகதியிட்டமை தொடர்பாக வெளியான வர்த்தமானிக்கு எதிராக உயர் நீதிமன்றில் தாக்கல் செய்யபட்ட மனுக்கள் மீதான விசாரணைகள் 5 நீதியரசர்கள் முன்னிலையில் கடந்த 10 நாட்களாக இடம்பெற்று வந்த நிலையில் தீர்ப்பு வெளியாகியது.
இதனையடுது;து, பொதுஜன பெரமுன கட்சியின் ஆதரவாளர்கள் மற்றும் வேட்பாளர் ஜனக நந்தகுமார ஆகியோர் வவுனியா பழைய பேரூந்து நிலையம், நகரப்பகுதி என்பவற்றில் தனது ஆதரவாளர்களுடன் வருகை தந்து வெடி கொழுத்தி தீர்ப்பு குறித்து தமது மகிழ்ச்சியை வெளிப்படுத்தினர்.
வவுனியா கனகராயன்குளம் ஏ9 பிரதான வீதியில் அமைந்துள்ள சர்சைக்குரிய தாவூத் உணவகத்தை அங்கிருந்து அகற்றுமாறு உத்தரவிடப்பட்டுள்ளது.
உணவகம் அமைந்துள்ள காணியை காலி செய்யுமாறு வவுனியா வடக்கு பிரதேச செயலகத்தால் அறிவுறுத்தல் கடிதம் ஒட்டப்பட்டுள்ளது. அந்த கடிதத்தில்,
அரச காணியில் அதிகாரமில்லாமல் ஆட்சிசெய்தல் அல்லது குடியிருக்கிறீர் எனக் கருதுவதால் 1979 ஆண்டின் அரச காணிகள் ஆட்சி மீளப்பெறுதல் சட்டத்தின் பிரகாரம் எதிர்வரும் 7 மாதம் 8 ஆம் திகதிக்கு முன்னர் அக்காணியை காலி செய்யும்படியும்,
அக்காணியை காலியான நிலையில் பிரதேச செயலரிடமோ, அல்லது குடியேற்ற உத்தியோகத்தர், கிராம உத்தியோகத்தரிடமோ ஒப்படைக்குமாறும் தெரிவிக்கப்பட்டுள்ளது.
இந்த காணியை நபர் ஒருவர் அடாத்தாக கையகப்படுத்தி வைத்திருப்பதுடன், இது குறித்த சர்ச்சையில் முன்னாள் போராளியொருவரையும் அவரது உணவகத்தை சேர்ந்தவர்கள் தாக் கியிருந்தனர்.
இந்த விவகாரத்தில் பொலிசாரும் பக்கச்சார்பாக நடப்பதாக அப்போது பாதிக்கப்பட்ட குடும்பத்தினர் விமர்சனம் தெரிவித்திருந்தமை குரிப்பிடத்தக்கது.
பொலன்னறுவை, பக்கமுன பகுதியில் இன்று (02.06.2020) முற்பகல் இடம்பெற்ற வீதி விபத்தில் படைத்தரப்பை சேர்ந்த இருவர் பலியாகியுள்ளனர்.
இவர்கள் இருவரும் பயணம் செய்த மோட்டார்சைக்கிள், எதிரே பயணித்த பேருந்து ஒன்றுடன் மோதியதால் இந்த இந்த அனர்த்தம் ஏற்பட்டுள்ளது. உயிரிழந்த இரண்டு படையினரும் 27 மற்றும் 28 வயதை கொண்டவர்கள் என விசாரணைகளில் இருந்து தெரியவந்துள்ளது.
சம்பவத்தையடுத்து பேருந்தின் சாரதி கைது செய்யப்பட்டுள்ளதுடன், இது தொடர்பான மேலதிக விசாரணைகள் முன்னெடுக்கப்பட்டு வருகின்றன.
இலங்கையில் திடீரென கொரோனா நோயாளர்கள் அதிகரித்துள்ளமை எதிர்பார்க்காத ஒன்று என சுகாதார பணிப்பாளர் அனில் ஜாசிங்க தெரிவித்துள்ளார்.
வெளிநாடுகளிலிருந்து கொரோனா நோயுடன் பெருமளவானோர் வருவார்கள் என்று எதிர்பார்க்கவில்லை என அவர் குறிப்பிட்டுள்ளார்.
கொரொனா வைரஸ் தொற்றுடன் வெளிநாடுகளிலிருந்து அனுப்பப்படுவது தற்போதைய நிலைமைக்கு பொருத்தமற்றதாகும். இதுவொரு ஆபத்தான நிலை என அவர் எச்சரித்துள்ளார்.
இதன் காரணமாக கட்டுநாயக்க விமான நிலையத்தில் ஊடாக நாட்டிற்கு வரும் அனைத்து பயணிகளுக்கும் கொரோனா பரிசோதனை மேற்கொள்வதற்கு நடவடிக்கை எடுக்கப்பட்டுள்ளதாக அவர் மேலும் தெரிவித்துள்ளார்.
இதேவேளை இலங்கையில் அடையாளம் காணப்பட்ட கொரோனா நோயாளர்களின் எண்ணிக்கை 1663 ஆகும். இதில் வெளிநாடுகளிலிருந்து வந்தவர்கள் சுமார் 500 பேர் வரையில் உள்ளனர். அடுத்து வரும் வாரங்களில் வெளிநாடுகளிலிருந்து வரவுள்ளோரினால் எண்ணிக்கை பல மடங்காக அதிகரிக்கும் என அச்சம் வெளியிடப்பட்டுள்ளது.
இலங்கையின் சுகாதார நிலைமைக்கு அமைய 2500 இற்கும் மேற்பட்ட நோயாளர்கள் அடையாளம் காணப்பட்டால் அது பெரும் அபத்தான நிலையாக மாறும் என எச்சரிக்கப்பட்டுள்ளமை குறிப்பிடத்தக்கது.
திருகோணமலை- கந்தளாய் பொலிஸ் பிரிவுக்குட்பட்ட கந்தளாய் சேருவில பகுதியில் இடம்பெற்ற விபத்தில் ஒருவர் பலியாகியுள்ளதுடன், மேலுமொருவர் படுகாயமடைந்த நிலையில் கந்தளாய் தள வைத்தியசாலையில் அனுமதிக்கப்பட்டுள்ளதாக தெரிவிக்கப்பகின்றது.
மோட்டார் வாகனமொன்று, மோட்டார் சைக்கிள் ஒன்றுடன் மோதி விபத்துக்குள்ளானதில் மோட்டார் சைச்சிளில் பயணித்த இருவரில் ஒருவர் பலியானதோடு மற்றொருவர் படுகாயமடைந்துள்ளதாக தெரிவிக்கப்பகின்றது.
குறித்த விபத்தில் கந்தளாய் பேராறு பகுதியைச் சேர்ந்த டி எல் சதாத் 52 வயதுடைய ஐந்து பிள்ளைகளின் தந்தையொருவரே பலியானதோடு மற்றொருவர் கந்தளாய் பேராறு பகுதியைச்சேர்ந்த ஏ.எம்.மாஹாத் வயது (40) என்பவர் பலத்த காயங்களுடன் அதி தீவிர சிகிச்சைபிரிவில் சிகிச்சை பெற்று வருவதாகவும் பொலிஸார் தெரிவிக்கின்றனர்.
கந்தளாயில் இருந்து வான்எல பகுதிக்கு ம து போ தையில் வெள்ளை வானொன்றில் பயணித்த இளைஞர்கள் வேகத்தை கட்டுப்படுத்த முடியாமல் சென்று மோதியுள்ளதாக ஆரம்ப கட்ட விசாரணைகளிலிருந்து தெரியவந்துள்ளது.
இதன்போது மோட்டார் வாகனத்தின் சாரதியை கைது செய்துள்ளதோடு, சம்பவம் தொடர்பான மேலதிக விசாரணைகளை கந்தளாய் பொலிஸார் மேற்கொண்டு வருகின்றனர்.
ஜூன் 20 ஆம் திகதி பொதுத் தேர்தலை நடத்துவதற்கான முடிவை எதிர்த்து தாக்கல் செய்யப்பட்ட அனைத்து மனுக்களும் உயர் நீதிமன்றத்தால் தள்ளுபடி செய்யப்பட்டுள்ளன.
பிரதம நீதியரசர் தலைமையிலான ஐவரடங்கிய நீதியரசர்கள் குழாமினால் இந்தத் தீர்ப்பு இன்று அறிவிக்கப்பட்டுள்ளது. எதிர்வரும் ஜூன் 20 ஆம் திகதி பொதுத் தேர்தலை நடத்துவதற்கு தேசிய தேர்தல்கள் ஆணைக்குழு விடுத்த,
வர்த்தமானியையும் பாராளுமன்றத்தை கலைக்கும் வகையில் ஜனாதிபதி விடுத்த வர்த்தமானியையும் செல்லுபடியற்றதாக்குமாறு கோரி தாக்கல்செய்யப்பட்ட மனுக்கள் மீதான பரிசீலனை நேற்று நிறைவுக்கு வந்துள்ளது. இந்த சூழ்நிலையிலேயே இந்த தீர்ப்பு வெளிவந்துள்ளது குறிப்பிடத் தக்கது.
இலங்கையில் இதுவரை மொத்தமாக 1643 கொரோனா தொற்றாளர்கள் இனங்காணப்பட்டுள்ளதாக சுகாதார அமைச்சின் தொற்றுநோய் பிரிவு தெரிவித்துள்ளது.
நேற்று அடையாளம் காணப்பட்டவர்களில் இருவர் இராணுவ சிப்பாய்களாகும். அண்மையில் கொரோனா தொற்று உறுதியாகிய இராணுவ அதிகாரியுடன் செயற்பட்ட இருவருக்கு கொரோனா தொற்றியுள்ளதாக தொற்று நோய் பிரிவின் இயக்குனர் தெரிித்துள்ளார்.
குறித்த இருவருக்கு ராஜகிரிய ஆயுர்வேத நிலையத்தில் வைத்து கொரோனா தொற்றியுள்ளதாக கண்டுபிடி்கப்பட்டுள்ளது. இதற்கு மேலதிகமாக முல்லைத்தீவு மற்றும் கற்பிட்டி தனிமைப்படுத்தல் நிலையத்தில் இருந்த இராணுவ சிப்பாய்கள் இருவருக்கும் கொரோனா தொற்று உறுதியாகியுள்ளது.
கடந்த ஒரு மாத காலப்பகுதியில் வெளிநாடுகளில் இருந்து வந்தவர்கள் மற்றும் கடற்படை சிப்பாய்களுக்கு மாத்திரமே கொரோனா தொற்று ஏற்பட்டமை அடையாளம் காணப்பட்டது.
எனினும் நேற்றைய தினம் சமூகத்திற்குள் இரண்டு பேர் கொரோனா தொற்றுக்குள்ளாகியுள்ளதாக தகவல் வெளியாகியுள்ளமை குறிப்பிடத்தக்கது.
நாட்டின் பல இடங்களில் மேல் தோல் நீக்கிய ஒரு கிலோகிராம் கோழி இறைச்சியின் விலை 630 ரூபாய் வரை அதிகரித்துள்ளது. சில இடங்களில் ஒரு கிலோகிராம் கோழி இறைச்சி 650 முதல் 700 ரூபாய் வரை விற்பனை செய்யப்படுகிறது.
இரண்டு வாரம் என்ற குறுகிய காலத்தில் 150 ரூபாயால் கோழி இறைச்சியின் விலை அதிகரித்துள்ளமை குறிப்பிடத்தக்கது.
இரண்டு வாரங்ளுக்கு முன்னர் ஒரு கிலோகிராம் கோழி இறைச்சி 480 ரூபாவுக்கு விற்பனை செய்யப்பட்டது.
இந்த விலையானது ஒரு வாரத்தில் 550 ரூபாவாக அதிகரித்தது. இதனையடுத்து அடுத்த சில தினங்களில் விலைகள் துரிதமாக அதிகரித்துள்ளதுடன் நேற்றைய தினம் 630 ரூபாய் வரை கோழி இறைச்சியின் விலை அதிகரித்திருந்தது.
ஊரடங்குச் சட்டம் அமுல்படுத்தப்பட்டிருந்த காலப்பகுதியில் கோழி உற்பத்தி வீழ்ச்சியடைந்து காணப்பட்டதுடன் தட்டுப்பாடும் நிலவியது. அத்துடன் இறக்குமதி வரியும் அதிகரிக்கப்பட்டமை கோழி இறைச்சியின் விலை அதிகரிப்பு காரணம் எனக் கூறப்படுகிறது.
இதனிடையே ஒரு கோழி முட்டையின் விலை 20 ரூபாயாக அதிகரித்துள்ளது. இரண்டு வாரங்களுக்கு முன்னர் ஒரு முட்டை 13 முதல் 15 ரூபாவுக்கு விற்பனை செய்யப்பட்டது.
கோழி இறைச்சி மற்றும் முட்டை என்பவற்றின் விலைகள் அடுத்த சில தினங்களில் மேலும் அதிகரிக்கலாம் என சந்தை தரப்புத் தகவல்கள் தெரிவிக்கின்றன.
அவுஸ்திரேலியாவில் வங்கதேச பெற்றோருக்கு பிறந்த சிறுவன், கடந்த நான்கு ஆண்டுகளாக நாடுக டத்தப்படும் அ ச்சுறுத்தலை எதிர்கொண்டு வரும் நிலையில், நாடுக டத்தலை தடுக்கக்கோரி அவுஸ்திரேலிய அரசுக்கு சிறுவனின் பெற்றோர் கோரிக்கை வைத்துள்ளனர்.
2012ம் ஆண்டு வங்கதேசத்தில் மெஹதி ஹசன் பூஹூயன் என்பவருக்கும் சுல்தானாவுக்கும் திருமணம் நடந்த பின்னர், பூஹுயன் அவுஸ்திரேலியாவில் மாணவர் விசாவில் இருந்த பொழுது அவர்களுக்கு அடியன் பூஹூயன் என்ற குழந்தை பிறந்துள்ளது.
அக்குழந்தை பெருமூளை வாதத்தால் பாதிக்கப்பட்டிருப்பது பிறந்து சில மாதங்களில் அறியப்பட்டுள்ளது.
2016ம் ஆண்டு பொறியியல் துறையில் முனைவர் பட்டம் பெற்ற மெஹதி ஹசன் பூஹூயனுக்கு நிரந்தர திறன்வாய்ந்தவர்களுக்கான விசாவுக்கு விண்ணப்பிக்க பரிந்துரைக்கப்பட்டுள்ளார்.
இதனைத் தொடர்ந்து பூஹூயன் குடும்பம் அவுஸ்திரேலியாவில் நிரந்தரமாக வசிப்பதற்கான வாய்ப்பு ஏற்பட்ட நிலையில், சிறுவன் அடியனின் உடல்நிலைக் காரணமாக விசா மறுக்கப்பட்டுள்ளது.
சிறுவனுக்கு உள்ள உடல்சார்ந்த குறைப்பாடு, அவுஸ்திரேலியாவுக்கு பாரமாக இருக்கக்கூடும் என அவுஸ்திரேலியா கருதும் நிலையில், வங்கதேசத்திற்கு நாடுக டத்தப்படுவோம் என்ற அ ச்சத்திலேயே கடந்த நான்கு ஆண்டுகளாக சிறுவனின் குடும்பம் வாழ்ந்து வருகின்றது.
வழக்கமான மழலையர் பள்ளியில் கல்வி கற்கும் தனது மகனுக்கு சிறிய அளவிலான உதவி மட்டுமே தேவைப்படுகிறது என்கிறார் சிறுவனின் தந்தை பூஹூயன்.
“அவனது நிலை நன்றாக உள்ளது. அவனால் ஓட முடியும், படிக்க மற்றும் எழுத முடியும்,” எனக் கூறியிருக்கிறார் பூஹூயன்.
நிராகரிக்கப்பட்ட விசா தொடர்பாக நிர்வாக மேல்முறையீட்டு தீர்ப்பாயத்தில் முறையிட்ட நிலையில், 2018ம் ஆண்டு இறுதியில் தீர்ப்பாயமும் குடிவரவுத்துறை முடிவினையே உறுதிச்செய்திருக்கிறது.
இச்சூழலில், அவுஸ்திரேலியாவில் வாழ் வேண்டும் என்ற நம்பிக்கையை இழக்காத பூஹூயன், அமைச்சரின் தலையீட்டைக் கோரியிருக்கிறார்.
இந்த விவகாரம் தற்போது சுங்கம் மற்றும் சமூகப் பா துகாப்பு தொடர்பான துணை அமைச்சர் ஜேஷன் வுட்டின் முடிவைச் சார்ந்து இருக்கிறது.
பலாங்கொட பகுதியில் சஹன் குமார தர்மசிறி என்ற சிறுவன் கா ணாமல் போய் இரண்டு ஆண்டுகள் ஆகும் நிலையில், சிறுவன் தொடர்பில் புலனாய்வுத்துறை மேலதிக விசாரணைகளை முன்னெடுத்துள்ளதாக தெரிவிக்கப்படுகின்றது.
பொலிஸார் இதனை தெரிவித்துள்ளனர். குறித்த சிறுவன் கா ணாமல் போனமை தொடர்பில் 2018ம் ஆண்டு ஜூலை மாதம் முறைப்பாடு கிடைக்கப்பெற்றதாக பொலிஸார் கூறியுள்ளனர்.
முறைப்பாட்டை தொடர்ந்து பொலிஸாரும், இராணுவத்தினரும் இணைந்து அந்த பகுதியில் தீவிர தே டுதலை நடத்தியிருந்தனர். எனினும், சிறுவன் குறித்த தகவல்கள் எதுவும் கிடைத்திருக்கவில்லை. இதனையடுத்து, இராணுவம் பின்வாங்கியது. வி சாரணைகள் கு ற்றப் பு லனாய்வு துறையிடம் ஒப்படைக்கப்பட்டது.
சிறுவன் சிறுத்தைக்கு ப லி ஆகினானா? அல்லது புதையல் வேட்டை அல்லது வேறு ஏதேனும் கு ற்றத்திற்காக பயன்படுத்தப்பட்டதா? என்பது குறித்து வி சாரணை நடந்து வருவதாக பொலிஸார் கூறியுள்ளனர்.
இதேவேளை, விறகு வெட்டுவதற்காக அருகில் உள்ள காட்டுக்கு சென்ற தந்தையை தேடி சென்ற சஹன் குமார தர்மசிறி என்ற சிறுவன் மீண்டும் வீடு தி ரும்பவில்லை என்பது குறிப்பிடத்தக்கது.
வவுனியாவில் குளத்து காணிகளை அபகரித்து அமைக்கப்பட்ட நிரந்தர வேலிகளை அகற்றும் நடவடிக்கையில் மாவட்ட கமநல அபிவிருத்தி திணைக்களம் ஈடுபட்டுள்ளது.
அந்தவகையில் இன்று (02.06.2020) காலை தொடக்கம் நான்கு குளங்களின் நிலப்பகுதிகளை ஆக்கிரமித்து நிரந்தர மற்றும் தற்காலிக வேலிகளை அமைந்தவர்களுடைய வேலிகளை அகற்றும் நடவடிக்கை முன்னெடுக்கப்பட்டது.
கமநல அபிவிருத்தி திணைக்கள உதவி ஆணையாளர் இ.விஜயகுமார் தலைமையிலான உத்தியோகத்தர்கள் மற்றும் பொலிசார் இணைந்து இச் செயற்பாட்டை முன்னெடுத்துள்ளனர்.
குளங்களை பாதுகாக்கும் நோக்கோடு பட்டக்காட்டு குளம், வேப்பங்குளம், கோவில்குளம், ஓயார் சின்னக்குளம் ஆகிய குளங்களின் காணிகளை அபகரித்து அமைக்கப்பட்ட வேலிகளை அகற்று குறித்த காணிகள் மீட்கப்படுவதுடன்,
குளத்து காணிகளை அபகரித்து நிரந்தர கட்டடங்கள் அமைத்தவர்களுக்கு எதிராக வழக்குத் தாக்கல் செய்யவும் நடவடிக்கை எடுக்கப்பட்டுள்ளது.
எதிர்வரும் 10ஆம் திகதியின் பின்னர் தொடருந்தில் பயணம் செய்வதற்கு முன்பதிவு செய்ய வேண்டிய அவசியமில்லை என தொடருந்து திணைக்களத்தின் பிரதி பொது முகாமையாளர் எஸ்.பொல்வத்த தெரிவித்துள்ளார்.
இந்த வாரம் தொடருந்துகளில் பயணிப்பதற்காக சுமார் இருபத்து ஓராயிரம் பயணிகள் முன்பதிவு செய்திருந்தனர். இவ்வாறு பதிவு செய்தவர்களில் நேற்றைய தினம் ஏழாயிரத்து 446 பேர் மட்டுமே பயணம் செய்துள்ளனர் என அவர் குறிப்பிட்டுள்ளார்.
இந்த நிலையில் எதிர்வரும் 10ஆம் திகதியின் பின்னர் அரச, தனியார் பணியாளர்கள் தொடருந்தில் முன் பதிவு அடிப்படையில் பயணம் செய்ய வேண்டியதில்லை என அவர் தெரிவித்துள்ளார்.
வெளிநாடுகளில் இருந்து நாடு திரும்பியவர்களில் பெரும்பான்மையோருக்கு கொரோனா வைரஸ் தொற்றுக்குள்ளாகியுள்ளனர்.
அவ்வாறு வெளிநாடுகளில் இருந்து வந்து கொரோனா தொற்றுக்குள்ளாகியுள்ளவர்களில் பெரும்பான்மையிருக்கு நோய் அறிகள் காணப்படாதவர்கள் என சுகாதார அமைச்சு குறிப்பிட்டுள்ளது.
வெளிநாடுகளில் இருந்து வந்தவர்களை மிகவும் சிறப்பான முறையில் கண்கானிப்பதாக தொற்று நோய் பிரிவின் விசேட வைத்தியர் சுதத் சமரவீர தெரிவித்துள்ளார். இலங்கையில் இதுவரை மொத்தமாக 1,643 தொற்றாளர்கள் இனங்காணப்பட்டுள்ளமை குறிப்பிடத்தக்கது.
இலங்கையில் சரியான சுகாதார வழிமுறைகளை பின்பற்றவில்லை என்றால் கொரோனா வைரஸின் இரண்டாவது அலை ஏற்படுவதற்காக ஆபத்துக்கள் உள்ளதாக சமூகத்தில் எந்த நேரத்திலும் கொாரோனா வைரஸ் நோய் தொற்றாளர் அடையாளம் காண முடியும் என அவர் குறிப்பிட்டுள்ளார்.
கொரோனா வைரஸ் தொற்றினை நூற்றுக்கு நூறு வீதம் ஒழித்து விட்டதாக கூற சந்தர்ப்பம் கிடைக்கும் வரை இதன் ஆபத்துக்கள் உள்ளதென அவர் கூறியுள்ளார்.
இதனால் தொடர்ந்து சமூக இடைவெளியை பாதுகாத்து நடவடிக்கை மேற்கொள்வது மிகவும் முக்கியம் என வைத்தியர் குறிப்பிட்டுள்ளார். நாட்டை திறந்தாலும் சுகாதார அதிகாரிகள் வழங்கியுள்ள ஆலோசனைக்கு அமையவெ செயற்பட வேண்டும் என அவர் மேலும் தெரிவித்துள்ளார்.
இலங்கையின் பல பகுதிகளில் எலிக்காய்ச்சல் வேகமாக பரவும் ஆபத்துக்கள் உள்ளதாக தொற்று நோய் பிரிவின் விசேட வைத்தியர் சுதத் சமரவீர தெரிவித்துள்ளார்.
நாடு முழுவதும் எலிக்காய்ச்சல் பரவும் ஆபத்துக்கள் அதிகரித்துள்ளது. அத்துடன் இந்த நாட்களில் நிலவும் மழையுடனான காலநிலை காரணமாக இதன் வேகம் மேலும் அதிகரிக்கும்.
பொது மக்கள் இது தொடர்பில் மிகவும் அவதானமாக இருப்பது அவசியமாகும். எலிக்காய்ச்சல் பாக்டீரியா மூலம் பரவும் நோயாகும். எலி, பெருச்சாலி, எறுமை மாடு போன்றவற்றினால் இந்த பாக்டீரியா பரவுகின்றது.
விலங்குகளின் சிறுநீரகங்களில் வாழும் பாக்டீரியாக்கள் சிறுநீருடன் சுற்றுச்சூழலுக்கு வெளியிடப்படுகின்றன. நெல் வயல்கள் போன்ற நீர் அதிகம் கொண்ட பகுதிகளில் பாக்டீரியாக்கள் ஏராளமாக வாழ்கின்றன. நீரில் உள்ள பாக்டீரியாக்கள் வெட்டுக்காயங்கள், கீறல்கள், கண்கள் மற்றும் வாய் போன்றவைகளினால் உடலில் நுழைகின்றன.
இந்த காய்ச்சலின் முக்கிய அறிகுறிகளாக திடீர் காய்ச்சல், தொண்டை புண், தசை வலி மற்றும் முதுகுவலி போன்ற அறிகுறிகள் காணப்படும். இதற்கு மேலதிகமாக கண் சிவத்தல், வாந்தி, தலைவலி, மலச்சிக்கல் மற்றும் சிறுநீர் வெளியேற்றத்தில் குறைவு போன்ற அறிகுறிகளே காணப்படுகின்றது.
இந்த அறிகுறிகள் காணப்பட்டால் உடனடியாக வைத்தியசாலைக்கு செல்ல வேண்டும். ஆரம்பத்திலேயே சென்றால் இலகுவாக காப்பாற்றி விடலாம்” என வைத்தியர் மேலும் தெரிவித்துள்ளார்.
நாட்டில் கொரோனா வைரஸ் பரவல், டெங்கு காய்ச்சல் தீவிரமடைந்துள்ளன. இந்நிலையில் எலிக்காய்ச்சல் தொடர்பான எச்சரிக்கை விடுக்கப்பட்டுள்ளமை குறிப்பிடத்தக்கது.
இன்று சமூக ஊடகங்களை பயன்படுத்துவோரைக் குறிவைத்து ஏமாற்றிப் பிழைப்போர் பெருகிவிட்டார்கள். அதுவும் ஊரடங்கின்போது தங்களைப் பின்பற்றுவோரால் பெரும் வருமானம் பார்க்கும் ஒரு கூட்டம் அழகிகள் இருக்கிறார்கள்.
இப்போது பல அழகிகள் மேக் அப் இல்லாத தங்கள் புகைப்படங்களை வெளியிடும்போதுதான் அவர்களது சுயரூபம் மக்களுக்குத் தெரியவருகிறது.
சமீபத்தில் இதேபோல் ஒரு அழகி தான் ஒரு கோடீஸ்வரர் என்ற போலியான செய்தியை உலவவிட்டதாக ஒரு தகவல் வெளியாகியுள்ளது.
இந்நிலையில், போட்டோக்களை எடிட் செய்யும் ஆப்களைக் கொண்டு தங்கள் உண்மையான உருவத்தை மாற்றி தங்களை அழகாகக் காட்டி ஏமாற்றும் பெண்களைக் குறித்த ஒரு செய்தி வெளியாகியுள்ளது.
வெளியாகியுள்ள சில புகைப்படங்கள் எடிட் செய்வதற்கு முன்னும் பின்னும் இந்த அழகிகள் எப்படி இருப்பார்கள் என்பதைக் காட்டுகிறது.
இருந்தும் ஒரு கூட்டம் ஏமாந்துகொண்டுதான் இருக்கிறது… என்ன செய்வது, மக்களுக்கும் பொழுது போக வேண்டும், இந்த அழகிகளுக்கும் பிழைப்பு வேண்டும், தெரிந்தே ஏமாறவேண்டியதுதான்.