பூமிக்கு அருகில் கருந்துளை : விஞ்ஞானிகள் கண்டுபிடிப்பு!!

கருந்துளை..

அண்டவெளியில் பூமிக்கு அருகில் கருந்துளை ஒன்றை விஞ்ஞானிகள் கண்டுபிடித்துள்ளனர். இந்த கருந்துளை பூமியில் இருந்து ஆயிரம் ஒளியாண்டுகளுக்கு அப்பால் அமைந்துள்ளது.

இரண்டு நட்சத்திரங்களில் பயணிக்கும் சுற்றுப் பாதையின் உதவியுடன் இந்த கருந்துளை கண்டறியப்பட்டுள்ளது. இதில் ஒரு நட்சத்திரம் கருந்துளையை சுற்றி பயணித்து வருகிறது. மற்றைய நட்சத்திரம் அதனை சுற்றி பயணிக்கின்றது.

தன்னை சுற்றியுள்ள வாயு மற்றும் தூசி கருந்துளைகள் உள்ளே இழுக்கும் போதே கருந்துளைகளை அடையாளம் காண முடியும். வாயு மற்றும் தூசியை உள்ளே இழுக்கும் போது அதிக வலுகொண்ட சமிக்ஞைகளை கருந்துளைகள் உமிழ்கின்றன.

அதனை தொலைநோக்கிகள் கண்டறிந்து கருந்துளைகள் இருக்கும் இடங்களை காட்டுகின்றன. இவ்வாறே கருந்துளைகள் கண்டறியப்படுகின்றன.

அவ்வாறின்றி கருந்துளைகளை நேரடியாக காண முடியாது. இதனடிப்படையில் பார்த்தால் புதிய கருந்துளையானது சாதாரண நிலைமையை விட மாறான நிலையில் கண்டுப்பிடிக்கப்பட்டுள்ளது.

ஐரோப்பிய வானியல் விஞ்ஞானிகள் கண்டுபிடித்துள்ள இந்த கருந்துளைக்கு HR 6819 என பெயரிட்டுள்ளனர். நட்சத்திரம் ஒன்றில் சுற்றுப் பாதையின் மூலம் கண்டுபிடிக்கப்பட்ட முதல் கருந்துளை இதுவாகும் என விஞ்ஞானிகள் தெரிவி்த்துள்ளனர்.

வவுனியா நோக்கி பயணித்த வாகனம் A9 வீதியில் கோர விபத்து : நால்வர் படுகாயம்!!

விபத்து..

மாங்குளம் பனிக்கநீராவி ஏ9 வீதியில் இன்று (08.05.2020) மாலை 4.50 மணியளவில் இடம்பெற்ற கோர விபத்தில் நால்வர் படுகாயமடைந்துள்ளனர்.

அனுராதபுரம் பகுதியிலிருந்து கிளிநொச்சி நோக்கி பயணித்த வானும் யாழ்ப்பாணத்திலிருந்து வவுனியா நோக்கி பயணித்த லொறியும் நேருக்கு நேர் மோதுண்டதுடன் வான் மீது லொறி ஏறி விபத்துக்குள்ளானது.

இவ் விபத்தில் வானில் பயணித்த நால்வர் படுகாயமடைந்த நிலையில் கிளிநொச்சி மாவட்ட பொது வைத்தியசாலையில் அனுமதிக்கப்பட்டுள்ளனர். விபத்து தொடர்பாக மேலதிக விசாரணைகளை மாங்குளம் பொலிஸார் மேற்கொண்டு வருகின்றனர்.

கொரோனாவுக்கு மருந்து கண்டுபிடிக்கும் முயற்சியில் திடீரென உயிரிழந்த தமிழர் : நடந்தது என்ன?

கொரோனாவுக்கு மருந்து..

கொரோனா வைரஸுக்கு மருந்து கண்டுபிடிக்கும் முயற்சியில் சிவநேசன் என்பவர் உ யிரிழந்துள்ளது அ திர்ச்சியை ஏற்படுத்தியுள்ளது.

சென்னை தியாகராய நகரைச் சேர்ந்த பெருங்குடி சிவநேசன் என்பவர் தான் இந்த விபரீத முயற்சியில் உயிரை பறிகொடுத்தவர் ஆவார்.

சென்னை திநகரில் டாக்டர் ராஜ்குமார் என்பவர் வசித்து வருகிறார். இவரது நண்பர் பெருங்குடி சிவநேசன், உத்தராகண்ட் மாநிலம் காசிப்பூர் என்ற இடத்தில் சுஜாதா பயோ டெக் என்ற நிறுவனத்தின் புரோடக்சன் மேனேஜராக 27 வருடமாக பணிபுரிந்து வந்தார்.

இவர் சளி மருந்து உள்ளிட்ட பல்வேறு மருந்துகள் கண்டுபிடிப்பில் முக்கிய பங்கு வகித்தவர் என கூறப்படுகிறது. இவர் தற்போது கொரோனாவுக்கு மருந்து கண்டிபிடிக்கும் முயற்சியிலும் ஈடுபட்டதாக தெரிகிறது.

சோடியம் நைட்ரேட் மூலம் நைட்ரிக் ஆக்சைடு தயாரித்தால் கொரானா நோயை கட்டுப்படுத்தும் என கூறி கொரானாவுக்கு மருந்து கண்டுபிடிக்கும் முயற்சியில் ஈடுபட்டுள்ளார்.

திநகரில் உள்ள டாக்டர் ராஜ்குமார் வீட்டில் நேற்று சோதனையில் ஈடுபட்டார். அப்போது சோடியம் நைட்ரேட் கரைசலை பரிசோதனைக்காக சிவநேசன் குடித்துள்ளார்.

குடித்த சிறிது நேரத்திலேயே மயக்க அடைந்த அவரை தி.நகரில் உள்ள தனியார் மருத்துவமனையில் சேர்த்துள்ளனர். ஆனால் சிகிச்சை பலனின்றி சிவநேசன் உயிரிழந்தார். இது குறித்து பொலிசார் விசாரணை நடத்தி வருகின்றனர்.

9 மாத கர்ப்பிணி மனைவியுடன் ச ண்டை போட்டு வெளியில் சென்ற கணவன் : வீட்டுக்கு திரும்பிய போது கண்ட அதிர்ச்சி காட்சி!!

கர்ப்பிணி மனைவியுடன்..

தமிழகத்தில் காதல் திருமணம் செய்த நிறைமாத கர்ப்பிணி, கணவருடன் ஏற்பட்ட தகராறில் தூ க்குப்போ ட்டு த ற்கொ லை செய்து கொண்டது சோ கத்தை ஏற்படுத்தியுள்ளது.

சென்னையை அடுத்த புழலை சேர்ந்தவர் ஜெகன் செல்வராஜ் (25). இவர், அதே பகுதியில் தள்ளுவண்டியில் காய்கறி வியாபாரம் செய்து வருகிறார்.

இவரும், அதே பகுதியைச் சேர்ந்த சரண்யா (20) என்பவரும் கடந்த 2 ஆண்டுகளுக்கு முன்பு காதலித்து திருமணம் செய்து கொண்டனர். தற்போது சரண்யா 9 மாதம் கர்ப்பிணியாக இருந்தார். ஊரடங்கு உத்தரவு காரணமாக ஜெகன் செல்வராஜ், போதிய வருமானம் இன்றி தவித்ததாக தெரிகிறது.

இதனால் கணவன்- மனைவி இடையே அடிக்கடி த கராறு ஏற்பட்டது. புதன்கிழமை இரவு தம்பதிக்கிடையே மீண்டும் த கராறு ஏற்பட்டுள்ளது. இந்நிலையில், ஜெகன் செல்வராஜ் வியாழக்கிழமை வெளியில் சென்று விட்டு, வீடு திரும்பினாா்.

வீட்டுக்குள் நுழைந்த போது சரண்யா, புடவையால் மி ன்விசிறியில் தூ க்குப்போட்டு கொண்ட காட்சியை கண்டு அ திர்ச்சியில் அ லறி து டித்தார். அவரின் சத்தம் கேட்டு அக்கம் பக்கத்தினர் ஓடிவந்து தூ க்கில் தொங்கிய சரண்யாவை மீட்டு மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள் ஏற்கனவே சரண்யா இ றந்து விட்டதாக தெரிவித்தனர்.

இதுகுறித்து புழல் பொலிசார் வழக்குப்பதிவு செய்தனா். மேலும் திருமணமாகி 2 வருடங்களே ஆனதால் ஆா்.டி.ஓ சம்பவம் குறித்து விசாரணை நடத்தி வருகிறாா்.

சோர்வால் தண்டவாளத்தில் உறங்கிய தொழிலாளர்கள் மீது மோதிய புகையிரதம் : 17 பேர் ப லி!!

தொழிலாளர்கள் மீது..

நடைபயணமாக சொந்த ஊர்களுக்கு திரும்பிய தொழிலாளிகள், சோர்வு காரணமாக ரயில் தண்டவாளத்தில் உறங்கிய நிலையில், ரயில் மோதி உயிரிழந்துள்ளனர்.

இந்தியாவில் ஊரடங்கு காரணமாக, தினக் கூலி தொழிலாளிகள் மிகவும் பாதிக்கப்பட்டுள்ளனர். அவர்கள், தங்களின் வாழ்வாதாரத்தை இழந்துள்ள நிலையில், உண்ண உணவு இன்றி சொந்த ஊர்களுக்கு நடைபயணமாக சென்று வருகின்றனர்.

இந்நிலையில் மகாராஷ்ரா மாநிலத்தில், அவுரங்காபாத்திலிருந்து மத்திய பிரதேசம் நோக்கி, நடைபயணமாக புறப்பட்ட தொழிலாளிகள் இரவில் உறக்க அசதியில், தண்டவாளத்தில் படுத்துறங்கி உள்ளனர்.

அப்போது அவ்வழியாக வந்த சரக்கு ரயில், அவர்கள் மீது மோதியுள்ளது. இந்த விபத்தில் 17 தொழிலாளர்கள் பரிதாபமாக உயிரிழந்தனர்.காயமடைந்தவர்கள் மருத்துவமனையில் சிகிச்சைக்காக அனுமதிக்கப்பட்டுள்ளனர்.

இந்த விபத்து குறித்து பிரதமர் மோடி தன்னுடைய டிவிட்டரில், “மகாராஷ்டிரா மாநிலம் அவுரங்காபாத்தில் நிகழ்ந்த ரயில் விபத்தில் ஏராளமானோர் உயிரிழந்தது மிகுந்த மனவேதனை அளிக்கிறது. ரயில்வே அமைச்சர் பியூஷ் கோயலிடம் விபத்து குறித்து பேசினேன்.

அவர் நிலைமையை கண்காணித்து வருகிறார். பாதிக்கப்பட்டவர்களுக்கு தேவையான அனைத்து உதவிகளும் கிடைக்கும்” என்று குறிப்பிட்டுள்ளார்.

கொரோனா வைரஸ்க்கு மருந்து கண்டுபிடிப்பு : குரங்குக்கு செலுத்தி வெற்றி!!

மருந்து கண்டுபிடிப்பு..

கடந்த பல மாதங்களாக உலகை ஆட்டிப்படைக்கும் கொரோனாவால் பல லட்சக்கணக்கானோர் உயிரிழந்து வந்துகொண்டிருக்கும் நிலையில் மருந்து கண்டுபிடிக்கும் ஆய்வுகளும் நடந்துகொண்டிருக்கின்றன.

இந்நிலையில் கடந்த சில தினங்களுக்கு முன் இஸ்ரேல் கொரோனா வைரஸ் தடுப்பு மருந்தை கண்டுபிடித்து விட்டதாக அறிவித்திருந்தது.

அறிவியல், தொழில்நுட்பத்தில் முன்னணி நாடாக இஸ்ரேல் இருந்து வருகிறது. அந்நாடு இப்படியொரு அறிக்கையை வெளியிடுகிறது என்றால் நிச்சயமாக கொரோனா தடுப்பு மருந்து நன்றாக வேலை செய்யும் என நம்பலாம் என அறிவியல் வல்லுநர்களும் தெரிவித்திருந்தனர்.

நேற்று முன் தினம் இத்தாலியும் மருந்தைக் கண்டுபிடித்ததாகவும் எலிகளுக்கு ஏற்றி அது வெற்றிபெற்றதாகவும் இத்தாலி அறிவித்துள்ளது.

ரோம் நகரின் ஸ்பாலான்சானி என்ற மருத்துவமனையில் எலிகளை பயன்படுத்தி இந்த ஆராய்ச்சி மேற்கொள்ளப்பட்டது. இந்த ஆராய்ச்சியின் முடிவில் மனித உயிரணுக்களில் கொரோனா வைரசை கட்டுப்படுத்தும் வகையில் இரண்டு தடுப்பூசிகள் கண்டறியப்பட்டுள்ளதாக தெரிவிக்கப்பட்டுள்ளது.

இது தொடர்பாக ஆராய்ச்சியாளர்கள் கூறுகையில், “தடுப்பூசியை சோதனை செய்வதற்கு எலிகள் பயன்படுத்தப்பட்டன. தடுப்பூசிக்கு பிறகு எலிகளில் உள்ள செல்கள் வைரசுக்கு எதிரான எதிர்செல்களை உருவாக்கி கொண்டுள்ளது.

இதேபோன்று மனித உயிரணுக்களிலும் வைரஸ் தொற்றுக்கு எதிராக எதிர்செல்களை தடுப்பூசிகள் உருவாக்கும். இதன் மூலம் வைரசானது மனித உயிரணுக்களில் மேலும் அதிகரிக்காமல் கட்டுப்படுத்தப்படும் என இத்தாலியும் தெரிவித்துள்ளது.

இந்நிலையில் கொரோனா வைரஸ்க்கு மருந்து கண்டுபிடித்துவிட்டதாக சீன நிறுவனம் அறிவித்துள்ளது. பிகோவாக் எனப்படும் இந்த மருந்தை பீஜிங்கைச் சேர்ந்த சினாவாக் பயோடெக் நிறுவனம் தயாரித்துள்ளது.

குரங்குகளுக்கு இம்மருந்தை செலுத்தி, 3 வாரங்களின் பின்னர் கொரோனா தாக்குதலுக்கு உட்படுத்தினர். அடுத்த ஒரு வாரத்திற்கு பின்னர் சோதனை செய்து பார்த்தபோது, குரங்குகளின் நுரையீரலில் வைரஸ் தொற்று இல்லாதது கண்டறியப்பட்டுள்ளது.

மேலும், மருந்து செலுத்தப்படாத கொரோனா தொற்றுக்கு உள்ளான குரங்குகளுக்கு கடுமையான மூச்சுத்திணறல் ஏற்பட்டதும் தெரியவந்தது. இதனால் பிகோவாக் தடுப்பு மருந்து குரங்குகளில் வெற்றிகரமாக செயற்படுவதாக அந்நிறுவனம் தெரிவித்துள்ளது.

பல்கலைக்கழகங்களை திரும்ப ஆரம்பிக்கும் தினம் குறித்த தகவல்!!

பல்கலைக்கழகங்கள்..

அபாய வலயங்களில் உள்ள பல்கலைக்கழகங்கள் மற்றும் உயர் கல்வி நிலையங்களின் செயற்பாடுகளை எதிர்வரும் மே 11ம் திகதி மீள ஆரம்பிப்பதற்கான நடடிக்கைகளை மேற்காெள்ளுமாறு அறிவிக்கப்பட்டுள்ளது.

பல்கலைக்கழக மானியங்கள் ஆணைக்குழுவினால் வெளியிடப்பட்டுள்ள அறிக்கையிலேயே இந்த விடயம் தெரிவிக்கப்பட்டுள்ளது. வெளியிடப்பட்டுள்ள அறிக்கையில், கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்களில் மக்களின் இயல்பு வாழ்க்கை மீளத் திரும்புவதற்கான தீர்மானத்தை அரசாங்கம் அறிவித்துள்ளது.

எனவே, குறிப்பிட்ட மாவட்டங்களில் உள்ள பல்கலைக்கழகங்கள் மற்றும் உயர் கல்வி நிலையங்களின் செயற்பாடுகளை எதிர்வரும் மே 11ம் திகதி மீள ஆரம்பிப்பதற்கான நடடிக்கைகளை மேற்காெள்ளுமாறு அக்கடிதத்தில் குறிப்பிடப்பட்டுள்ளது.

ஊழியர்கள் கடமைக்குத் திரும்புவது தொடர்பான அறிவித்தலையும் வழிகாட்டலையும் நிறுவனங்களின் தலைவர்கள் அறிவிப்பதாகவும், பல்கலைக்கழகங்களின் விரிவுரைகளை ஆரம்பிப்பது தொடர்பாக அரசாங்கம் பின்னர் அறிவிக்கும் எனவும் குறித்த கடிதத்தில் தெரிவிக்கப்பட்டுள்ளது.

இலங்கையில் காரணமின்றி திடீரென இறக்கும் நபர்கள் : மற்றுமொரு நபர் மரணம்!!

திடீரென..

மொனராகல சியம்பலான்டுவ நகரத்தில் தனியார் நிதி நிறுவன கிளை முகாமையாளர் திடீரென உயிரிழந்தமை தொடர்பில் விசாரணைகள் நடத்தப்பட்டு வருவதாக பொலிஸார் தெரிவித்துள்ளனர்.

கடந்த 6ஆம் திகதி சியம்பலான்டுவ பிரதேசத்தை சேர்ந்த 39 வயதுடைய நான்கு பிள்ளைகளின் தந்தையே உயிரிழந்துள்ளார்.

திடீரென நோய்வாய்ப்பட்ட குறைந்த நபர் 6ஆம் திகதி காலை 11.30 மணியளவில் சியம்பலான்டுவ வைத்தியசாலைக்கு கொண்டு செல்லும் போதே உயிரிழந்துள்ளார்.

குறித்த நபரின் வாயில் சளி போன்று காணப்பட்டாலும் அவர் விஷ மருந்து குடித்தமைக்கான எவ்வித ஆதாரமும் காணப்படவில்லை என சியம்பலான்டுவ வைத்தியசாலை வைத்தியர் தெரிவித்துள்ளார்.

இந்த மரணம் தொடர்பிலான பிரேத பரிசோதனை நேற்று மொனராகலை மாவட்ட வைத்தியசாலையில் இடம்பெற்றள்ளது. எனினும் மரணத்திற்கான காரணம் இதுவரையில் வெளியாகவில்லை. இந்நிலையில் சடலத்தின் பாகங்கள் வைத்திய பரிசோதனைக்காக கொண்டு செல்லப்பட்டுள்ளது.

நாட்டில் கொரோனா வைரஸ் பரவல் தீவிரமடைந்துள்ள நிலையில் இவரின் மரணம் பெரும் சந்தேகத்தை ஏற்படுத்தியுள்ளதாக தெரிவிக்கப்படுகிறது. இதேவேளை கொழும்பிலும் திடீரென நபர் ஒருவர் நேற்று உயிரிழந்தமை குறிப்பிடத்தக்கது.

இலங்கையில் பத்து லட்சத்திற்கும் மேற்பட்டவர்கள் தொழில்களை இழக்க நேரிடும்!!

பத்து லட்சத்திற்கும் மேற்பட்டவர்கள்..

இலங்கையில் பத்து லட்சத்திற்கும் மேற்பட்டவர்கள் தொழில்களை இழக்க நேரிடலாம் என ஆங்கில ஊடகமொன்று செய்தி வெளியிட்டுள்ளது.

கொரோனா வைரஸ் தொற்று தாக்கம் காரணமாக இலங்கையில் ஒரு மில்லியனுக்கும் மேற்பட்டவர்கள் தொழில்களை இழக்கவோ அல்லது தொழில் வாய்ப்புக்களை பகுதி அளவில் இழக்கவோ நேரிடலாம் என நிபுணர்கள் மற்றும் துறைசார் வல்லுனர்கள் எதிர்வு கூறியுள்ளதாகத் தெரிவிக்கப்படுகின்றது.

நகரப் பகுதிகளில் நாள் சம்பளத்திற்கு பணியாற்றுவோரும், முறைசாரா துறைகளில் பணியாற்றுவோரும் இந்த நிலைமையினால் அதிகம் பாதிக்கப்படுவர் என சுட்டிக்காட்டப்பட்டுள்ளது.

அநேகமான துறைகளில் பணிகள் பகுதியளவில் முன்னெடுக்கப்படுவதனால் பணியாளர்கள் தங்களது வருமானங்களை இழக்க நேரிடும் எனவும் இதனால் தொழிலாளர்கள் பெரும் நெருக்கடிகளை எதிர்நோக்க நேரிடும் எனவும் தெரிவிக்கப்பட்டுள்ளது.

இவ்வாறான பணியாளர்கள் தொடர்பில் கவனம் செலுத்தி அரசாங்கம் உரிய நடவடிக்கை எடுக்கத் தவறினால் பாரதூரமான விளைவுகளை எதிர்நோக்க நேரிடும் என ஐக்கிய தேசியக் கட்சியின் முன்னாள் நாடாளுமன்ற உறுப்பினர் கலாநிதி ஹர்ஷ டி சில்வா தெரிவித்துள்ளார்.

தேசியப் பாதுகாப்பு பிரச்சினைக்கு நிகராக இந்தப் பிரச்சினையும் அபாயகரமானது என அவர் எச்சரிக்கை விடுத்துள்ளார்.

-தமிழ்வின்-

வீட்டில் இருக்கும் தனியார்துறை ஊழியர்களுக்கு அரைச் சம்பளம் வழங்கத் தீர்மானம்!!

தனியார்துறை ஊழியர்களுக்கு..

வீட்டில் இருக்கும் தனியார்துறை ஊழியர்களுக்கு அரைச் சம்பளம் வழங்குவதற்கு தொழில்தருனர்கள், அரசாங்கத்திடம் இணங்கியுள்ளனர்.

நாட்டின் தற்போதைய நெருக்கடியான சூழ்நிலையில் பணிக்கு திரும்ப முடியாது வீடுகளில் இருக்கும் தனியார்துறை பணியாளர்களுக்கு அவர்களின் அடிப்படைச் சம்பளத்தில் அரைவாசி அல்லது 14500 ரூபா இதில் எந்த தொகை பெரிய தொகையோ அந்தத் தொகை சம்பளமாக வழங்கப்பட உள்ளது.

அரசாங்கத்திற்கும் தொழில் தருனர் சங்கத்திற்கும் இடையில் நடைபெற்ற பேச்சுவார்த்தையின் போது இந்த இணக்கப்பாடு ஏற்படுத்திக்கொள்ளப்பட்டுள்ளது.

தொழில் அமைச்சர் தினேஸ் குணவர்தன, தொழில் ஆணையாளர் மற்றும் தொழில் தருனர் சங்க பிரதிநிதிகள் பங்கேற்ற கூட்டத்தில் இந்த இந்த இணக்கப்பாடு ஏற்படுத்திக் கொள்ளப்பட்டுள்ளது.

அனைத்து ஊழியர்களுக்கும் ஊழியர் சேமலாப நிதி மற்றும் ஊழியர் நம்பிக்கை நிதி என்பனவற்றை ஒதுக்கவும் தொழில் தருனர்கள் இணங்கியுள்ளனர்.

இலங்கையை வழமைக்கு கொண்டு வரும் ஆரம்ப நடவடிக்கை தொடர்பாக வர்த்தமானி!!

இலங்கை வழமைக்கு..

எதிர்வரும் 11ஆம் திகதி முதல் பொதுவான நடவடிக்கைக்காக மக்களின் வாழ்க்கையை வழமைக்கு கொண்டு வரும் வேலை திட்டம் தொடர்பில் விசேட வர்த்தமானி வெளியிடுவதற்கு எதிர்பார்ப்பதாக பிரத பொலிஸ் மா அதிபர் அஜித் ரோஹன தெரிவித்துள்ளார்.

இது தொடர்பில் விசேட கலந்துரையாடல்கள் சிலவற்றை எதிர்வரும் நாட்களில் நடத்துவதற்கு எதிர்பார்ப்பதாக குறிப்பிடப்படுகின்றது.

பொதுமக்களின் வாழ்க்கையை மீட்டெடுப்பதற்கான ஆரம்ப கட்டமாக மே மாதம் 11ஆம் திகதி முதல் பொது மற்றும் தனியார் நிறுவனங்களைத் திறக்க அரசாங்கம் திட்டமிட்டுள்ளது.

பரிந்துரைக்கப்பட்ட சுகாதார வழிகாட்டுதல்களைப் பின்பற்றுவதற்கான பொறுப்பு நிறுவனங்களின் தலைவர்களுக்கு ஏற்கனவே வழங்கப்பட்டுள்ளது என கூறப்படுகிறது.

தனியார் துறை நிறுவனங்கள் காலை 10 மணிக்கு திறக்கப்பட வேண்டும். பணியமர்த்தப்பட வேண்டிய ஊழியர்களின் எண்ணிக்கையை நிறுவனத் தலைவர்கள் தீர்மானிக்க வேண்டும் என குறிப்பிடப்படுகின்றது.

சம்பந்தப்பட்ட நடவடிக்கைகளை முறையான சட்ட கட்டமைப்பின் கீழ் மேற்கொள்ள தேவையான ஏற்பாடுகள் செய்யப்பட்டுள்ளன என பிரதி பொலிஸ் மா அதிபர் குறிப்பிட்டுள்ளார்.

லண்டனில் பி ள்ளைகளை கொ லை செ ய்த இலங்கை தமிழர் : நீதிமன்றில் அதிகாரிகள் வெளியிட்ட தகவல்!!

லண்டனில்..

லண்டனில் இலங்கையர் ஒ ருவர் த னது இ ரண்டு பி ள்ளைகளையும் கொ லை செ ய்த ச ம்பவம் தொடர்பில் நீ திமன்ற வ ழக்கு வி சாரணைகள் ஆ ரம்பமாகியுள்ளதாக அந்நாட்டு ஊட கங்கள் செ ய்தி வெளியிட்டுள்ளன.

கு டும்ப த கராறு கா ரணமாக இலங்கையர் ஒ ருவர் த னது இ ரு பி ள்ளைகளையும் கொ லை செ ய்த ச ம்பவம் க டந்த மா தம் 26ம் தி கதி லண்டன் – Ilford ப குதியில் இ டம்பெற்றிருந்தது. இ தன்போது 19 மா த வ யதுடைய பவின்யா நித்தியாகுமார் ம ற்றும் மூ ன்று வ யதுடைய நிஜிஷ் நித்தியகுமார் ஆ கியோர் கொ ல்லப்பட் டனர்.

பவின்யா ச ம்பவ இட த்திலேயே உ யிரிழந் துவிட்டதாகவும், நிஜிஷ் வை த்தியசாலைக்கு கொ ண்டு செ ல்லப்பட்ட சி றிது நே ரத்தில் உ யிரிழந்து விட்டதாகவும் அந்நா ட்டு பொ லிஸார் கூ றியுள்ளனர்.

இ ந்த கொ லை ச ம்பவத்தின் பி ரதான ச ந்தேக  நப ரான, கொ ல்லப்பட்ட கு ழந்தைக ளின் த ந்தை நித்தியகுமார் த ற்கொ லைக்கு மு யற்சி செ ய்த நி லையில் வை த்தியசாலையில் அ னுமதிக்கப்பட்டுள்ளார்.

இந் த ச ம்பவம் தொ டர்பாக நீ திமன்ற வி சாரணைகள் ஆ ரம்பமாகியுள்ள நி லையில், சி றுவன் நிஜிஷ் த ந்தையால் க ழுத்தறுப ட்டு உ யிரிழந்துள்ளதாக அ திகாரிகள் த ரப்பு நீ திமன்றத்தில் தெ ரிவித்துள்ளனர்.

கு ற்றுயி ரான நி லையில் மீ ட்கப்பட்டநிஜிஷ் உ ள்ளூர் நே ரப்படி சுமார் 7.42 ம ணியளவில் உ யிரிழந்து ள்ளதாக தெ ரிவித்துள்ளனர். ஏப்ரல் 28 ஆம் தி கதி மு ன்னெடுக்கப்பட்ட உ டற் கூ ராய்விலும், க ழுத்தில் ஏ ற்பட்ட ஆ ழமான கா யம் கா ரணமாகவே ம ரணம் ஏ ற்பட்டுள்ளது உ றுதி செ ய்யப்பட்டது.

அ த்துடன் கு ழந்தை பவின்யாவும் க ழுத்தில் ஏ ற்பட்ட ஆ ழமான கா யம் கா ரணமாகவே உ யிரிழந்துள்ளதாக ம ருத்துவர்களால் உ றுதி செ ய்யப்பட்டுள்ளது. இ ந்த வ ழக்கின் ஒ ரு ப குதியாக உ யிரிழந்த இ ரு கு ழந்தைகளையும் அ வர்களது தா யார் நிஷா அ டையாளம் க ண்டுள்ளார்.

இ ந்த வ ழக்கின் வி சாரணை ச ரியான பா தையில் செ ல்வதாகவும், மே லதிக வி சாரணை தே வை எ னவும் நீ திமன்றத்தில் அ திகாரிகள் சா ர்பில் கோ ரிக்கை வி டுக்கப்பட்டு ள்ளது.

வெளிநாடு ஒன்றில் 7 இலங்கையர்களுக்கு கொரோனா வைரஸ் தொற்று!!

கொரோனா வைரஸ்..

ரூமேனியாவில் உள்ள இலங்கையர்கள் 7 பேர் கொரோனா தொற்றிற்குள்ளாகியுள்ளதாக உறுதியாகியுள்ளது. வட ரூமேனியாவில் போடோசானி பிரதேசத்தில் அமைந்துள்ள ஆடை தொழிற்சாலையில் பணி செய்யும் இலங்கையர்கள் 7 பேர் இவ்வாறு வைரஸ் தொற்றுக்குள்ளாகியுள்ளதாக குறிப்பிடப்படுகின்றது.

குறித்த ஆடை தொழிற்சாலையில் 44 இலங்கையர்கள் பணி செய்து வரும் நிலையில் நீக்கப்பட்ட 7 இலங்கையர்களுக்கு கொரோனா தொற்றியுள்ளதாக தெரியவந்துள்ளது.

பணிக்கு வருகைத்தராத காரணத்தினால் குறித்த ஊழியர்கள் அந்த நிறுவனத்தில் இருந்து நீக்கப்பட்டுள்ளதாக ஆடை தொழிற்சாலை அதிகாரிகள் தெரிவித்துள்ளனர்.

ரூமேனியாவில் பரவும் கொரோனா வைரஸ் அச்சத்தில் குறித்த இலங்கையர்கள் பணிக்கு செல்லாமல் இருந்துள்ளதாக தகவல் வெளியாகியுள்ளது.

எப்படியிருப்பினும் ஊழியர்களை நீக்கியமை தொடர்பில் அந்த நாட்டு தொழிற்சாலை அதிகாரிகளுக்கு எதிராக விசாரணைகள் ஆரம்பிக்கப்பட்டுள்ளது.

இலங்கையில் ஒரு வயதான குழந்தைக்கு கொரோனா தொற்று!!

குழந்தைக்கு கொரோனா..

இலங்கையில் ஒரு வயதும் ஒரு மாதமும் நிரம்பிய குழந்தைக்கு கொரோனா வைரஸ் தொற்று ஏற்பட்டுள்ளதாக தெரிவிக்கப்பட்டுள்ளது. சுகாதார சேவைகள் பணிப்பாளர் அனில் ஜாசிங்க இதனை தெரிவித்துள்ளார்.

வெலிசறை முகாமை சேர்ந்த கடற்படை தம்பதியின் குழந்தைக்கே இவ்வாறு கொரோனா வைரஸ் தொற்று ஏற்பட்டுள்ளதாக அவர் குறிப்பிட்டுள்ளார். இதேவேளை, இலங்கையில் கொரோனா வைரஸ் தொற்றாளர்களின் எண்ணிக்கை 823 ஆக அதிகரித்துள்ளது.

இதுவரை, கொரோனா தொற்றில் இருந்து 232 பேர் பூரணமாக குணமடைந்துள்ளதுடன், 582 பேர் வைத்திய சிகிச்சைப் பெற்று வருகின்றனர்.

இலங்கையில் இதுவரையில் கொரோனா வைரஸ் தொற்று காரணமாக 9 பேர் உயிரிழந்துள்ளனர். இதேவேளை, உலகளவில் கொரோனா வைரஸ் தொற்றினால் பாதிக்கப்பட்டவர்களின் எண்ணிக்கை 3,905,453 ஆக அதிகரித்துள்ளது.

அத்துடன், இந்த வைரஸ் தொற்று காரணமாக 270,123 பேர் உயிரிழந்துள்ளனர். 1,335,088 பேர் நோய் தொற்றிலிருந்து குணமடைந்துள்ளமை குறிப்பிடத்தக்கது.

ஆண்களில் கொரோனா வைரஸ் : விஞ்ஞானிகளின் கண்டுபிடிப்பு : நீள்கிறது ஆராய்ச்சி!!

கொரோனா வைரஸ்..

கொரோனா வைரஸால் பாதிக்கப்பட்ட மக்களின் விந்தணுக்களில் இந்த வைரஸ் இருப்பதை விஞ்ஞானிகள் கண்டுபிடித்துள்ளனர். இந்த கண்டுபிடிப்பு கொரோனா வைரஸின் பரவுதல் என்று நம்பப்படுகிறது, மேலும் விஞ்ஞானிகள் ஏற்கனவே இது குறித்த ஆராய்ச்சியைத் தொடங்கினர்.

சீனாவின் கொரோனா வைரஸ் வேகமாக பரவி வந்த ஜனவரி மற்றும் பெப்ரவரி காலங்களில் தேர்ந்தெடுக்கப்பட்ட 38 ஆண்களில் நடத்திய ஆய்வில் ஷாங்க்வி மருத்துவமனையின் சீனாவின் மருத்துவ ஆராய்ச்சியாளர்கள் இந்த உண்மைகளை கண்டுபிடித்துள்ளனர்.

இவர்களில் 16% பேருக்கு விந்தணுக்களில் கொரோனா வைரஸ் இருப்பது கண்டறியப்பட்டுள்ளது என்று ஆராய்ச்சியாளர்கள் கூறுகின்றனர். வைரஸ் பரவிய நபர்களின் விந்தணுக்களுக்கு வைரஸ் பரவுகிறது என்பதும் தெரிய வந்துள்ளது.

கொரோனா வைரஸால் பாதிக்கப்பட்டவர்களுடன் உடலுறவு கொள்வதைத் தவிர்ப்பது மற்றும் மேலதிக விசாரணைகள் நடத்தப்படும் வரை நோயிலிருந்து மீள்வது புத்திசாலித்தனம் என்று ஆராய்ச்சி குழு தெரிவித்துள்ளது.

மேலும் பா லியலால் கொரோனா பரவுதல் ஒரு பங்கைக் கொண்டிருக்குமா என்பதை உறுதிப்படுத்த கூடுதல் ஆராய்ச்சி தேவை என்று ஆராய்ச்சியாளர்கள் தெரிவித்தனர். பல வைரஸ்கள் ஆண் இனப்பெருக்க பாதையில் வாழலாம்.

எபோலா மற்றும் ஜிகா வைரஸ் இரண்டும் விந்துகளில் பரவுவதாகக் கண்டறியப்பட்டது. பொதுவாக வைரஸ்களால் பாதிக்கப்பட்ட ஒரு ஆண் நோயாளி குணமடைந்த சில மாதங்களுக்குப் பின்னரும் விந்தணுக்களில் வைரஸ் இருப்பதற்கான வாய்ப்புக்களும் உள்ளன.

கொரோனா வைரஸ் இந்த வழியில் பரவ முடியுமா என்பது இன்னும் தெளிவாகத் தெரியவில்லை. இருப்பினும் மேலதிக ஆராய்ச்சிகள் நடக்கின்றன எனவும் ஆராய்ச்சியாளர்கள் தெரிவித்துள்ளனர்.

கொழும்பில் மற்றுமொரு இளைஞன் திடீர் மரணம் : கொரோனா என சந்தேகம்!!

இளைஞன் திடீர் மரணம்..

கொழும்பில் இளைஞர் ஒருவர் திடீரென உயிரிழந்தமையினால் மக்கள் மத்தியில் குழப்ப நிலை ஏற்பட்டுள்ளது. குறித்த இளைஞன் ஆட்டுப்பட்டித் தெருவில் உயிரிழந்த நிலையில், அது தொடர்பில் விசாரணைகள் முன்னெடுக்கப்பட்டு வருகின்றன.

எந்தவித நோய் அறிகுறிகளும் இன்றி இவர் உயிரிழந்த காரணத்தினால் கொரோனாவினால் பாதிக்கப்பட்டிருக்கலாம் என சந்தேகம் வெளியிடப்பட்டுள்ளது.

இதன் காரணமாக அவரது உடல் மாதிரிகளை பரிசோதனைக்காக வைத்தியசாலைக்கு அனுப்பி வைக்கப்பட்டுள்ளது. போ தைப்பொருளுக்கு தீவிரமாக அடிமையான இளைஞனே இவ்வாறு உயிரிழந்துள்ளார்.

இதேவேளை அண்மைக்காலமாக கொழும்பின் பல பகுதிகளில் திடீர் உயிரிழப்புக்கள் அதிகரித்து வருகின்றமை குறிப்பிடத்தக்கது.