காதலித்து திருமணம் செய்து கொண்ட ஜோடிகள்

தமிழ் திரையுலகில் பல நடிகர், நடிகைகள் ஒன்றாக நடித்ததில் இருந்து காதல் மலர்ந்து திருமணம் செய்துள்ளனர். அதில் காதல் ஜோடி என்றதும் பலருக்கும் நினைவில் வருவது அஜித்-ஷாலினி, சூர்யா-ஜோதிகா போன்றவர்கள் தான். இதுப்போன்று பல பிரபலங்கள் நம் தமிழ் திரையுலகில் உள்ளனர். அந்தவகையில் அந்த பிரபலங்கள் யார் யார் என்பதை பற்றி தற்போது அதைப் பார்ப்போம்.

எம்.ஜி.ஆர் – ஜானகி : 1967 ஆம் ஆண்டு மருதநாட்டு இளவரசி, நாம், மோகினி போன்ற பல திரைப்படங்களில் ஒன்றாக நடித்த எம்.ஜி.ஆர் – ஜானகி தம்பதிகள் காதலித்து திருமணம் செய்தவர்கள். 1987 ஆம் ஆண்டு எம்.ஜி.ஆர் இறந்த பிறகு, ஜானகி அவர்கள் தனியாகத் தான் இருந்தார். பின் 1988 ஆம் ஆண்டு, மாரடைப்பால் இயற்கை எய்தினார்.

சரண்யா மற்றும் பொன்வண்ணன் : பெரும்பாலும் அம்மா கதாபாத்திரத்தில் நடித்த சரண்யா வில்லன் கதாப்பாரத்தில் நடித்த பொன்வண்ணனை 1995 ஆம் ஆண்டு திருமணம் செய்து கொண்டார். இவர்கள் புலிமான், பசும்பொன், கருத்தம்மா போன்ற படங்களில் ஒன்றாக நடித்துள்ளனர்.

ஸ்நேகா மற்றும் பிரசன்னா : ஸ்நேகா மற்றும் பிரசன்னா தம்பதிகள் பல வருடங்களாக காதலித்து 2012 ஆம் ஆண்டு திருமணம் செய்து கொண்டவர்கள். இவர்கள் இருவரும் கோவா, அச்சமுண்டு அச்சமுண்டு, பிரியாணி போன்ற திரைப்படங்களில் ஒன்றாக நடித்துள்ளனர்.

பாக்யராஜ் மற்றும் பூர்ணிமா : பல தென்னிந்திய மொழிகளில் நடிகையாக நடித்த பூர்ணிமா பிரபல இயக்குனர், நடிகர், தயாரிப்பாளர் மற்றும் எழுத்தாளருமான பாக்யராஜை 1984 ஆம் ஆண்டு திருமணம் செய்து கொண்டனர். இவர்கள் இருவரும் முந்தாணை முடிச்சு, டார்லிங் டார்லிங் போன்ற திரைப்படங்களில் நடித்துள்ளனர்.

சூர்யா மற்றும் ஜோதிகா : சூர்யா-ஜோதிகா ‘பூவெல்லாம் கேட்டுப்பார்’ திரைப்படத்தில் தான் சந்தித்தனர். முதல் படத்திலேயே இவர்கள் இருவருக்குள்ளும் காதல் மலர்ந்து 2006-இல் இவர்கள் இருவரும் திருமணம் செய்து கொண்டனர். இந்த தம்பதிகள் காக்க காக்க, பூவெல்லாம் கேட்டுப்பார், சில்லுனு ஒரு காதல், மாயாவி, பேரழகன், உயிரிலே கலந்தது போன்ற பல திரைப்படங்களில் ஒன்றாக நடித்துள்ளனர்.

ராதிகா மற்றும் சரத்குமார் : நடிகை ராதிகா, சரத்குமாரை மூன்றாவது கணவராக திருமணம் செய்துள்ளார் மற்றும் சரத்குமாருக்கு இவர் இரண்டாவது மனைவி. இவர்கள் 2001 ஆம் ஆண்டு திருமணம் செய்து கொண்டனர். கணவன் மனைவியான இவர்கள் இருவரும் நம்ம அன்னாச்சி, சென்னையில் ஒரு நாள், நானே ராஜா நானே மந்திரி போன்ற பல திரைப்படங்களில் ஒன்றாக நடித்துள்ளனர்.

அஜித்குமார் மற்றும் ஷாலினி : அஜித் மற்றும் ஷாலினி பல வருடங்களாக காதலித்தனர் மற்றும் தங்கள் காதலை ரகசியமாக பல வருடங்களாக வைத்திருந்தனர். அமர்களம் திரைப்படத்தில் தான் காதல் மலர்ந்து இவர்கள் 2000 ஆம் ஆண்டு திருமணம் செய்து கொண்டனர்.

க்ரிஷ் மற்றும் சங்கீதா : க்ரிஷ் மற்றும் சங்கீதா 2009 ஆம் ஆண்டு திருமணம் செய்து கொண்டனர். இவர்கள் பல வருடங்களாக காதலித்து வந்தனர். ஒரு நண்பரின் திருமணத்தில் சந்தித்த இவர்களுக்கு ஒருவரை ஒருவர் பிடித்து, காதல் மலர ஆரம்பித்ததாம்.

ஸ்ரீகாந்த் மற்றும் வந்தனா : வந்தனா மற்றும் ஸ்ரீகாந்த் 2007 ஆம் ஆண்டு திருமணம் செய்து கொண்டனர். இவர்கள் இருவரும் நம்பியார் என்னும் திரைப்படத்தில் ஒன்றாக நடித்துள்ளனர்.

குஷ்பு மற்றும் சுந்தர்.சி : நடிகை குஷ்பு, இயக்குனரும், தயாரிப்பாளரும், நடிகருமான சுந்தர்.சி அவர்களை 2000 ஆம் ஆண்டு திருமணம் செய்து கொண்டார். நடிகை குஷ்பு சுந்தர்.சி திரைப்படங்களில் நடித்ததில் இருவருக்குள்ளும் நெருக்கம் அதிகரித்து, காதல் மலர்ந்தது.

ஆர்யா மற்றும் சாயிஷா : கஜினிகாந்த் படத்தில் ஆர்யா ஜோடியாக நடித்த போது இருவருக்கும் நட்பு ஏற்பட்டு காதலாக மலர்ந்தது. காதலர் தினத்தன்று தங்களின் திருமணத்தை நடிகர் ஆர்யா, சாயிஷா டுவிட்டர் மூலம் அறிவிப்பை வெளியிட்டு 2019 மார்ச் மாதம் திருமணம் செய்து கொண்டார்கள். இவர்கள் இருவரும் காப்பான், கஜினிகாந்து போன்ற படங்களில் ஒன்றாக நடித்துள்ளனர்.

நடிகர் அஜித்..

பிரபல திரைப்பட நடிகரான அஜித், தன்னுடைய மனைவி ஷாலினிக்கு செய்து கொடுத்த சத்தியத்தை 21 ஆண்டுகளாக பின்பற்றி வருவது தற்போது தெரியவந்துள்ளது.

உலகம் முழுவதிலும் இன்று காதலர் தினம் கொண்டாடப்படுகிறது. தமிழ் திரையுலகில் காதல் திருமணத்திற்கு தலை சிறந்த உதாரணமாக இருக்கும் ஜோடிகளில் நடிகர் அஜித்-ஷாலினி இருக்கின்றனர்.

கடந்த 1999ம் ஆண்டு சரண் இயக்கத்தில் உருவாகி வந்த அமர்க்களம் படம் மூலம் இருவரும் அறிமுகமாகிக் கொண்டனர்.

அதன் பின் அந்த படத்திற்கான படப்பிடிப்பின் போது, ஷாலினிக்கு திடீரென்று காயம் ஏற்பட்டுவிட்டதால், அஜித் உடனே பல மருத்துவர்களை படப்பிடிப்பு தளத்திற்கு வரவழைத்துவிட்டார்.

ஏனெனில் அப்போது அஜித் சிறந்த பைக் ரேஸராக இருந்ததால், அவருக்கு மருத்துவர்கள் பலர் தெரிந்திருந்தனர். இதனால் தனக்கு தெரிந்த மருத்துவர்கள் அனைவரையும் அவர் அங்கு வர வைத்துவிட்டார்.

படப்பிடிப்பு சென்னை சைதாப்பேட்டை ஸ்ரீநிவாசா தியேட்டரில் நடந்து கொண்டிருந்ததால், இந்த விஷயம் எப்படியோ அப்பகுதி முழுக்கப் பரவிவிட்டது.

இந்த கருணையை பார்த்து தான் காதலை ஷாலினி உறுதி செய்ததாக பலமுறை பேட்டிகளில் கூறியுள்ளார். இதை இயக்குநர் சரணே பலமுறை உறுதி செய்துள்ளார்.

திரையில் மட்டுமே காதல் ஜோடிகளாக வலம் வந்த இவர்கள் ரியல் ஜோடியாக மாறப்போகிறார்கள் என்ற தகவல் கிடைத்தவுடன், இது அப்போது ஊடகங்களில் தலைப்பு செய்தியாக மாறியது, காதலில் விழுந்த அடுத்த ஆண்டே இருவரும் திருமணம் செய்து கொண்டனர்.

அன்று முதல் இன்று வரை இந்த ஜோடி திரை வட்டாரத்தையே தங்களின் வாழ்க்கை முறையால் திரும்பிப் பார்க்க வைத்துள்ளனர்.

இந்த ஜோடி காதல் வாழ்வில் 21 வருடங்களை நிறைவு செய்துள்ள நிலையில், அஜித், ஷாலினிக்கு செய்து கொடுத்த சத்தியம் பற்றி தகவல் வெளியாகியுள்ளது.

அதாவது, திருமணத்திற்குப் பிறகு ஒரு ஆண்டில், ஒரு படத்திற்கு மேல் கால்ஷீட் கொடுக்க மாட்டேன் என்றும் ஒரு மாதத்தில் குறைந்தது 15 நாட்கள் மட்டுமே படப்பிடிப்பில் இருப்பேன் என்றும் அவர் தன் மனைவியிடம் வாக்குறுதி அளித்ததாக கூறப்படுகிறது.

ஏனெனில் குழந்தைகள் உடனும் மனைவியுடனுமே அதிக நேரங்களை அஜித் செலவழிக்க வேண்டும் என்பது ஷாலினியின் விருப்பமாக இருந்துள்ளது. அதனை அவர் தக்க தருணத்தில் கூறவே, வீட்டையும் மனைவியையும் அதிகம் நேசிக்கும் அஜித், அதற்கு உடனே சம்மதமும் தெரிவித்துள்ளார்.

இதன் காரணமாகவே தான், படப்பிடிப்புக்கு வரும்போது கூட சில நேரங்களில் மனைவி மற்றும் குழந்தைகளையும் அழைத்து கொண்டே வர ஆரம்பித்துள்ளார்.

சத்தியம் செய்வது எளிது, ஆனால் அதை பின்பற்றுவது மிகவும் கடினம், ஆனால் அஜித் சத்தியம் செய்து கொடுத்து இத்தனை ஆண்டுகளாக பின்பற்றி வருகிறார் என்றால், இதை அவருடைய ரசிகர்களும் தங்கள் வாழ்க்கையில், குடும்பம் எவ்வளவு முக்கியம் என்பதை தெரிந்து கொள்ள வேண்டும்.